Monday, June 26, 2006

اليك يا حبيبتي الكويت...

بدا العد التنازلي
باقي ساعات قليله
فكروا عدل
راجعوا نفسكم
حاسبوها عدل
رحجو العقل
تركوا العواطف على كتر
خلو عنكم المصالح الشخصيه
و المحسوبيات
تركوا عنكم الطائفيه
و الاحزاب
الحين يوم العقل
احنا في مرحله صعبه نحتاج رجال مواقف
و ليس رجال خدمات و علاقات
نحتاج فكر سياسي صح
دورك اياها الاب:
انصح اعيالك و انت اتسلمهم الجنسيه
طول عمرك نصوح لابنائك
مثل ما خفت عليهم و تعبت في تربيتهم
علمهم يخافون على الكويت صح
دورك ايها الرجل :
قبل ان اذكرك بدورك ايها الرجل
اريد اشكرك في وقفتك معانا
لولاك ايها الرجل ماكنا اليوم نحن النساء نمارس هذا الحق
مثل ما وقفت معانا وقفه رجل
اوقف مع نفسك اليوم
الورقه في ايدك الحين
لا تلوم المجالس السابقه لوم نفسك لان باختيارك يحدد المجلس
لا تسوي شي تندم عليه بعدين
دورج يا امي :
الى كل ام خافت الله في اعيالها
ربتهم و كبرتهم عشان يكونون رجال لهذا البلد نصحيهم
شوري عليهم بمخافه الله
و نصحي بناتج ترا كلمتج يا امي لها اثر كبير
الى اختي و اخوي الكويتي
الله الله في ضميركم
الله الله في اختياراتكم
نبي مجلس يعين
نبي رجال يوقفون شوكه بعظم الفساد
فكروا صح
راجعوا نسفكم
رساله الى اخ و اخت
بتهاون في استعمال حقه
متنازل عن صوته بحجه ان ماله خلق
او ان مافي احد يستاهل
او محد بيفيده
اقولهم صوتكم هذا مو للشخص
صوتكم هذا لبلدكم
صوتكم هذا لنفسكم
لمصلحتكم
الكويت عطت الكثير
ماتبي شي منكم
تبي وقفتكم كلكم في هذا اليوم
يالكويتين الي حافظتوا على البلد في الغزوا
و مابعد الغزوا
اتى يومكم
اتى دوركم
عسى الله يوفق كل شخص في مصلحه للكويت
عسى الله يحبط كل اعمال الفساد و المفسدين
اشكركم اخواني
خواتي
امهاتنا
جداتنا
و اشكر لكل شخص اخلص النيه لله

10 comments:

Mohammad Al-Yousifi said...

خوش بوست و نتمنى الخير انشاءالله لهذه الأرض

مدري ليش الغزو مو راضي يروح من بالي

nice said...

كلامج وصل ولا يعلى عليه
لذلك يا جماعة اسمعوا وأوعوا لكلام لوير
وفي الختام السلام

Si7LeYa said...

تسلمين على البوست الحلوو

وان شاء الله اهل ديرتنا مايقصرون بالاختيار الزين

اللي فيه مصلحه للشعب ولديرتنا الغاليه

:)

.. تحياتي ..

Diver said...

مادري ليش عندي احساس ان احنا قاعدين نتعب نفسنا في هالنصايح الناس راح تصوت حق الي تبيه و ما راح تعير لنا اي انتباه
بس جهد مشكور و بين معدنج الطيب و حرصج على و طنج و هذا كفاية و اخيرا اقولج زروني كل سنة مرة

PearL said...

خوش بوست لوير

و كلامج عالعين والراس
و اتمنى الكل يحطه بباله

وانشالله الكل يراعي ضميره و يحط الكويت بباله


ثانكيوو

جنة الحواس said...

Well said dear

Яeema said...

الله يا لوير
دايما سباقه
اللهم إحفظ الديرة
و سلم الطيبين و الأخيار منها
و آلهم أسكت الباطل

Q8Lioness said...

صـباح الخير يا وطني
صباح الخير ابنائي واحفادي
اني هنا اراكم حائرين في اختياركم
كثر المرشحين وكثر الكلام وقل الفعل
اني هنا وكلي ايمان بمن ستختارون
الكويت هي وجودكم الثابت والوحيد
حافظوا عليها من الفساد
امنعوا الفتن
فأنها اسمى من ان تدنس
اني هنا وانا كلي ثقه انكم ستصبحون على "صبــاح" كويتي نظيف

أبوكم
جابر الاحمد الصباح

Diver said...

http://mrdiver.blogspot.com/2006/06/blog-post_29.html

NewMe said...

احيكم على وطنيتكم
حقيقة كلماتكم تبعث علي الامل

الوطن
كلمة افتقدها وتفتقدني
لا اساوم فيه
وحتى الآن لا يكف يساومني

لتدم كويتكم بكم