Monday, November 20, 2006

التقاعد و ما ادراك ما التقاعد !!!!!!!!!


قبل لا اقولكم سالفتي ويا ابوي خلوني اعطيكم نبذه عنه
ابوي الله يسلمكم هادي جدا جدا
ماله حس بس نسمع صراخ الي يتهاوشون في الجزيره او المستقله
ابوي تقاعد بعد مرض
كان دبلوماسي ..ما يقار ب اكثر من 20 سنه
جنتل زياده عن اللزوم
زره اسم الله عليه
من تقاعد تبدل حاله مو هذا ابوي الي اعرفه
سمعوا السالفه و اخترعوا مثلي

يرن تلفوني في الدوام
و الا ابوي مو عادته يدق علي كلش
اكيد شي جايد
ارد عليه ...
انا : الوووو!! هلا يبا
ابوي : الوووووووو وين اخووج عيزت ادق عليه ما يرد علي ليش ما يشيل التلفون ؟؟ تعرفين رقم مكتبه !؟؟
انا : عسا ما شر اشفييييييك يبا ؟؟ّّ لا والله ما اعرف رقم دوامه بس ادق عليه موبالي ادوره لك و تالي ارد اكلمك!!

اسكر الخط بسرعه بسرعه
ادق على اخوي مرا مرتين ثلاث
ما يرد !
ادق على ابوي الوو يباااا ما يرد على دقيت عليه بس ما يرد !!
ابوي : اشلوووووون يعني ابيه ضروري ضرووري شي مستعيل ..دقي على مرته سأليها وينه فيه و جم رقم مكتبه بسرعه و دقي علي
ادق على مرت اخوي تنخبص مثلي
و تجاوبني انها ما تعرف رقم دوامه
ارد ادق على ابوي اقوله كلام مرت اخوي ما يصدقني!!

دقي عليها مرا ثانيه قوليلها ما تعرفين اي اداره اي قسم اي بداله
ادق على المسكينه مرا ثانيه .. تنخبص اكثر و اجاوب انها ما تدري !!

ادق على ابوي هم ما يصدقني
ابوي : انتوووووووووووو كلا ما تدرون دقي على مرت اخوج خليها تدق علي بسرعه
ادق على مرت اخوي للمرا الثالثه !!!!
انا: الووووووو بليز دقي على ابوي يبييج

تالي ارووح اكمل شغلي
ادق عليها بعد ساعه
اسألها اشفييييييييييج اشيبي ابووي قوليلي الصج امي فيها شي مغبي عني ابوي
فيهم شي اخواني !!
ترد علي مرت اخووي لألألألألألأ ما دريتااي!! عمي كل هالخبصه يبي موديل جيب طراد اخوووووووووج !!!
انا بشششششششششششششهقه قاتله !!
شنوووووووووووووووووووووووووووووووووو كل هالخبصه جيييييييييييييييب
طراااااااااااااااااااااااااااااااااااد
ترد علي مرت اخوي اي عمي هالخبصه كلها لان في شويخ قاعد يشتري قطع غيار حق الجيب !!

انا: اقووووووووووووول مرت اخووي وااااااااااااي اشوه انهم مو حموووووووووووولتي جان ذبحت ولدهم

سكرت التلفون منها
و انا مخترعه و اضحك و منبهررررررررررررررره من تصرف ابوي

يدق على اخوي المسكين
اخوي: فاطمه بليز قوليلي اشفيكم بس لا تخرعيني ما حبيت ادق على مرتي و لا ابوي و لا البيت لاني ما ابي اسمع اخترع اكثر قلت ادق عليج انتي اول !
منووووو مات !!؟؟

انا : جييييييييييييييييييييبك و طراااااااااااااااااااااااادك الي عفسوونا !! هههههههههههههههههههههه ماكو الا العافيه كل هالخبصه الي خبصنا ابوي
يبي يعرررررررررررف جيب طرادك السكراب موديل اي سنه !!
يرد علي مخترع !!
من صجج انتي !! قولي غير هالحجي !!
ايييييييييييي والله عفسنا ابوي ويا سكرابييييييك
ههههههههههههههههههههه

بصوت مخترع يقولي اخوي مدري جم موديليه جيب سكراب حلي مصدي شاريه في 200 دينار تبيني اعرف موديله
هههههههههههههههههههههه

اقول اخوي اشوه انك ما رديت على ابوي لان لو سامع هالجواب يذببببببببحك
ههههههههههههههههههههههههههههههههههه

وااااااااااي عفسنا ابوي على ابونا فااااااااااضي و متقاعد و يدور براغي في شويييييييييييييييييخ و انا ابتلش

طبعا بعد ما قلت السالفه حق كيتي
فطنتني في شغله
قالتلي بس وين امج !؟؟ لان لو امج تدري في السالفه جان مو بس دقت جان يتكم دواماتكم
هههههههههههههههههههههه
رديت البيت سألت امي
وينج فيه و ابوي يعفسنا
قالت انا طالعه و موبايلي في البيت لاني اذا طلعت الضحى ما خذ موبايلي عشاااااااان ياذيني ابوج
اخي التلفون يرررررررن عنده بالصاله ههههههههههههههههههههههه
لألألألألألألألألألألألألألأ
حالتك قاتله يبااااااااا
تكفا سااااااااااااااااااااااااااافر

16 comments:

PearL said...

لووووووووووول
الموقف يضحك

بس جد لوير
شسالفة المتقاعدين

خصوصا الرياييل لما يتقاعدون يعتفسون
حالهم ينقلب 180 درجة

يصيرون فضوليين و حنانين و يعلقون على كلص صغيرة وكبيرة
غير العصبية والزعل


التقاعد كلش ما ينفع لهم

الواحد اذا تقاعد من شغله لازم على طول يكون عنده شي يلهيه
ماينفع يقعد بالبيت

albandry said...

لوووووووووووووووول


صاجة اهما الرياييل جذي حنة ورنة وكل شي لوية وخبصة
لانهم مايسوون شي احنا حايفينهم حوف
لا وهالنوبة متقاعدين
يمرضون
يا مجابلين حديقة
يا السواق هذا وين راح هذا وين يا

لازم يبدي بزنس نصيحة
وامج عارفتله قطت الموبايل بالبيت خابزته عدل


الله يخليج ويخليلج يافطامي

Яeema said...

هههههههههههههههههههههه

أول شي الله لا يحرمكم من أبيكم

و الله صج الله يعينا إذا كبرنا


فطااااميييييييي
بلييييييييييييييييييز

إذا كبرت و لبحت عليج بليييز لا تكتبين عني بوست

ههههههههههه
هههههههههههههههههه

سالفة قلب said...

مت من الضحك

الله يخليه لكم

عمي متقاعد من الفراغه

ياينا البيت الساعه خمس الفير

امقعد الصبي زافه ليش لي هالحزه نايم

وصراخه شايل بالكراج

وبعد كل هالصراخ

راح رد البيت

هذا شتقولين عنه؟؟؟؟؟؟

q8y_saint said...

لوووووير شلونج و عاش من شافج
تصدقين قاعد اقرى بوستج وحدي متوقع السالفه لاني مار فيها اكثر من مره مع ابوي
لانه هم متقاعد بس من ايام سيدنا نوح و تعودنا على هل تصرفات
اذكر من نوادره انه مره خبصنا نفس هل خبصه الي كنتوا فيها عشان يبيني اظبطله قناة ليبيا ما كانت طالعه عنده
:)
بس بيني و بينج يا حلات التقاعد متى اتقاعد ياربي توني مخلص سبع سنوات و باجيلي ١٨ سنه وااايد و الله

tweety said...

لوووووووووووووووول
ترى عندنا وعندكم خير
انا امي من تقاعدت واهي كل يوم عندها سالفة مع الخدم والمشكلة انها من صجها تعصب وتسوي من الحبة قبة

وابوي بعد من تقاعد واهو ما عنده الا مداحر ويا امي والا يقعد يلقي علينا محاضرات انتوا ما اتحملون مسئولية انتوا مادري شنو شوفي اخوج ليش تأخر , ليش ما ودى سيارته يصلحها !!! هو انا شكو
الله يشافيه ويرده بالسلامه ولهت على سوالفه

tweety said...

q8 saint
ما ودي اضيق خلقك بس رفيجتي تقول باقي لك أكثر ترى

Cr8ivia said...

ههههههه الله يخليه و يطول بعمره و يخبصكم اكثر و اكثر

حبيت امج بشكل غير طبيعي مريحه عمرها

كنا خايفين قبل تقاعد ابوي هالحاله بس اشوى لهى ببورصته ولويته .. بس الشي الوحيد اللي مناشبنا عليه النوم
الدوام الساعه 8 يقعدنا الساعه 6!!

اما سينت اذا انت من مواليد 80 و فوق فابشرك باقيليك اكثر بوايد مثل ما قالت رفيجه تويتي :S

cozy said...

LOLLLLL 3asallah ekhaleeh lekom bs shay 6abee3ee lazm elahi nafsa el maskeen :)

طائر بلا وطن said...

ههههههههههههههه

بس والله كسر خاطري الله يخليه لكم


تقولين يدق و التيلفون يرن على الغنفة


لا لا لا لا لا لا لا

عوار قلب والله

الحل الأمثل بطلي له بلوق
يفضفض و يكتب شعر بسالفة التيلفون
المقطوط على الغنفة و يكون صداقات
أون لاااااااين


:

واحد من الربع يقول من تقاعد ابوي و هو
دوبه من دوب امي

حتى المطبخ قام يناشبها بترتيب المواعين

ههههههههههههه

Diver said...

عشان جذي خليني اقولج قناعتي
انا اعتقد ان الريال الله اخلقه عشان يشتغل و اذا ما اشتغلت اعتبر نفي ميت فقررت انه مهما صار راح اظل اشتغل لين اموت
اذا قعدت في البيت تدرين شصير الله يعينهم اهم الحين انا ما ارد الا بالاربع و مو خالصين مني هلانوبة قاعدلهم طول اليوم اعتقد راح يغتالوني او ينحاشون من البيت

Diver said...

اقولج عندي خوش حل حق المشكلة شرط يلها عنكم زوجوووووووووه يستانس و يلها
شرايج جنج و دج تذبحيني

lawyer said...

بيرل والله مدري ليش اتصدقين

اييييي يحسوون انهم اكبروا

مدري شالي يخليييه يعفس الدنيا على مطاره شاي




البندري

ايييييييي ليش يداحر السايق و اهو 24 ساعه يطرشه !!!

حارمنه منه و هم يتحلطم





ريما

ههههههههههه

ما اوعدج

لوول




كيتي

اميييييييي يا كيتي مريحه و مريحه نفسها

مكبره ادماغهاا


اذا صرخ عليهااا ساعتين

تعطينه نظره تقوله ليس على المريض حرج و تطلع

ههههههههههههه

يموووووووت

ايني يصرخ امج ما تحترمني


اقوله ليش تهاوشت وياك!!!

يقول لألأ

اقوله يزاها الله خير




سالفه قلب

في الصيف يأذن الفير الساعه 3 الفير ابوي يبي الخدم الساعه 4 الفير يجهزون ريوقه

تدين امي اشسويت حطت له صبي

و صار بيتنا الحين كلا رياييل

موديلنا خدمنا رياييل مو حريم

lawyer said...

q8y
هههههههههههههههه انا بقالي 30 سنه اتقاعد

الله يخليلكم الوالد

هههههههههههههههه واي اهم شي حاسب اشكثر بقالك





تويتي

انا ابوي الساعه 5 الفير يقعدنا حق الصلاه و الدوام

ما عنده نوم بعد صلاه الفير
!!!!!!!!


و التلفزيون اعلى حسه





كراتيفيا

تحبج العافيه بعد روحي




كوزي

ايييييييي والله

دش المغرب امس

قلت له يبا اشفيك خبصتنا

قال انا خبصتكم!؟؟ ما خبصتكم انتوااااا تخترعون على ادنات الدون

ابتسسسسسسمت
و انطميت




طائر بلا وطن

اعرف وحده ابوها متقاعد شروله عياله كمبوتر و دخلوا النت



ابوهم الحين متعرف على نص بنات المغرب من البالتوك و السكاي

و معاشه كله يصبغ فيه نكاات

مالك امل ادخل ابوي النت اخااف
ههههههههههه




دايفر
ابوي مثلك

بس ما قعد الا من 5 جلطات بالدماغ

ابوي من المرض قعد مسكين


شنهوووووووووووووووووووووووووووووووووو


زواااااااااااااااااااااااجج

تبي امي تذبحك

ابروووووووووووووووووووحه مافيه الا لسانه هالدور يتزوج ليشششششششششششش



حدي كرهتك تراااااااااا


هههههههههههههههه

esTeKaNa said...

LoOoOOoOooOoOoOOl:)))
يا قلبي قلبه ولله
هذي حاله كل ريال اذا تقاعد
يهتم بادق
واصغر
وكل التفاصيل
حتى الاشيا اللي ما كان يدري اننها موجوددة
!!
وطبعا احنا نبي الشاره حق الخرعه
بس لاحظتي شي؟
ذكرتيني بنفسي
ابوي يدق على امي ما ترد يدق علي
اخوي يدور السايق ما يدري وينه يدق علي
امي معصبه على الخدامه تدق علي
وتالي؟
:)))

magnoonah said...

قوه لوير
الله يخليلج الوالد بصراحه ابدع بحركاته بس الواقع ان اغلب المتقاعدين اذا مو كلهم على هالحال و الحمدلله اني من طلعت على الدنيا الوالد كان متقاعد يعني باختصار تعودت على حركاته خصوصا لما كان يقعدنا للمدرسه قبل كان كل الفريج يسمع الصراخ لدرجه انه عيال جيرانا كانوا يصحون ويانا ههههههه
بس تبين الصج انا للحين اتذكر هالمواقف وانا اضحك مع انه في حركات محرجه وما تنقال كان يسوسها فينا الله لا يخليها تمر على احد وبالنهايه متقاعد او يشتغل هو بركة البيت وما لنا غنى عنه