Sunday, August 27, 2006

عتييييجه بليز مرت اللوخ ما اريدن اتاج الله و رسوله يرضالي عليج

ـــ هل أنت راض عن مدونتك شكلاً وموضوعاً؟

والله قبل كنت وايد راضيه
على الشكل , لكن بعد اللوك اليديد من فووق حلو بس بعدين يصير كلا عنابي
يقمت القلب عنابي و ابيض جنه منتخب قطر بس موضوعا حدي راضيه
!!

ـــ هل تجد حرجاً فى أن تُخبر صديقاً عن مدونتك؟

مرات و مرات ,, مو كل الناس


هل تعتبرها أمرا خاصا بك؟-

نعم

ـــ هل تسببت المدونات بتغيير إيجابي لأفكارك؟ أعطني مثال فى حالة الإجابة بــ نعم
اي نعم


ـــ هل تكتفي بفتح صفحات من يعقبون بردود فى مدونتك أم تسعى لاكتشاف المزيد


لا..احب اكتشاف اشخاص جدد

ـــ ماذا يعنى لك عداد الزوار... هل تهتم بوضعه فى مدونتك؟

مدري ما فكرت في الموضوع

ـــ هل حاولت تخيل شكل أصدقائك المدونين؟

كلش لألألأ

ــ هل يزعجك وجود نقد بمدونتك ؟

ابدا .. بالعكس اتقبل النقد



هل تخاف من بعض المدونات السياسية اوتتحاشاها؟

لأ ! شكووووو

لـــ هل صدمك اعتقال بعض المدونين؟

ما اذكر اني سمعت ان احد اعتقل!!

ـــ هل فكرت فى مصير مدونتك حال وفاتك؟
الله يسامحج يا عتوج
عمري ما فكرت
بس عقب ما قريت السؤال في يمعه انا ويا ريما و كيتي
سالت ريما و كيتي لانهم اهم يعرفون باسورد البلوج
فقلت لهم شنو بتسون فيها
قالت كيتي
بنقول البنت ماتت و الله الدايم !!!!!


ما الأغنية التي تحب وضع اللينك الخاص بها في مدونتك؟

مسحور لعبدالله رويشد




Thursday, August 24, 2006

عشر سنوات ادمان

ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...


اعترف بادماني
نعم اهني و اليوم بالذات اعترف بادماني

عشر سنين ادمان

خلوني اقولكم اشلون كان و اشلون صار ادماني

في صيف 1995
دخل الانترنت بيتنا
ماكنت وايد حابته

لاني كنت احسب ان الانترنت بس برنامج الاي ار سي
و كنت احسه سخيف

واي شنو هذا الجموود

و لكن بعد سنه
لألألألألألألألأ صرت مدمنه رسمي
ههههههههههههههههههههه

صرت اذا نمت اسمع صوت الكونكشن
و صرت انطر بالساعات ما عندي مشكله على ما يشبك
و كنت مغيره ساعتي على توقيت بعض مدن امريكا

لان كان عندي خطه اني ما اكلم شاب كويتي في الكويت
اكلم الشباب الي في امريكا
مدري ليش بس
يمكن عشان كنت احسب انه ما يقدر يوصلي و يعرف انا منو

كنت اسوي رووحي نايمه لين الكل ينام و اطلع الصاله اشبك
شوي شوي
قمت استعين باصدقائي عشان يعلموني الخراب

اشلون ما اخلي اهلي يسمعون صوت المودم و اهو يشبك
افتح الهارد ديسك و احط كلينكس على المودم اقمت الصوت
هههههههههههههههههههه

و بما اني كنت مراهقه فكنت وايد خايفه على نفسي
و كنت ما اقول اسمي
عندي مثل و قيم و مبادئ خطيره

اسمي كان شهد
طالبه في الثانويه
و كان الشهد لله الشباب الي موجودين اغلبهم سنعين
محترمين
اعيال حمايل
ما يعندهم حبني و احبك بسهوله
و لا كانت عندهم اهداف خربوطيه
المهم كانو صاحباتي يتيمعون عندي
لاني البيت الوحيده الي في الشله
الي مسموح لها تدخل الشات
و كنت اعلمهم و اعرفهم على ربعي

و كنت ادش اشبك في شانيل كويت
و كويت 2
و كويت لوف
ولين صرت اوبي
وكاشخه على خلق الله

المهم على ما وصلت 2 جامعه
لا صرت مدمنه رسمي
موديلي في الحاضره عيني على الساعه
و اذا يت حزه دخوولي
اكنسل حتى المحاضره

و ارووح اجابل الشات
و بديت اول علاقه انجذاب
وقتها ماكان حب
لانه ثقييييييييييييييييييييييييييل
و طبانه
و كل رفيجاتي ما يواطنونه

وبما اني اذا سويت شي غلط يبين علي

فكنت اموت خوف من اخوي الي اكبر مني
من يدخل الصاله
سكررررررررررررت بسرعه الشات
و سويت نفسي احوس بشي ثاني

وبعد فتره اخوي حس ان في حياتي شخص عن طريق الشات
و قامت القيامه في بيتنا
هههههههههههههههههههههههههه

اشلوووووووووووووووووووون تكلمين شباب في النت
و اشلون اشلوووووووووووووووون و الحاله حاله

و بعد ما خلاص صرت ما استغني عن هالانسان
و كان متعلق فيني بطيرقه غريييييبه

يتخرج
و يرجع الكويت
و اهو من نسابتنا
و اهو كان يموت علي
فحطيت في بالي
ان مجرد تخرجه و شغله
يعني راح يخطبني اكيد
و الا شكو يناديني
ام عبدالله على اسم ابوووووووووه
و بعد ما اشتغل في 6 شهور

ايني ايميل منه
شهد انا خطبت

كان الطراق الاول في حياتي
و اهني فهمت ان مو شرط الريال يتزوج البنت الي يحبها
لان الزواج شي
و الحب شي ثاني

دزيت له ايميل
قلت له اتمنى لك حياه سعيده
و كانت رده فعلي غرييييبه


مستحيل احب في النت
مستحيل اصدق اي ريال
و صرت ارفض مجرد الشات البرايفت مع اي ريال
كنت حقيره مع كل الشباب

و اصريت على شي واحد
بما اني فلشت انا
فلازم رفيجاتي ينجحون
و فكل ربعي القدم حولتهم حق رفيجاتي
و كانت خطتي رقم واحد


فلان بخليك تسولف مع رفيجتي
بسسسسسسسسس على شرط لازم تعرف
ترا هالبنت عمرها ما كلمت شباب
و لا تبي تكلم لو ما انا اصريت عليها لانك سنع
و لاني اشوفك شخص مناسب

و فعلا عرفت رفيجاتي على مجموعه طيبه
و لله الحمد 4 منهم تزوجوهم

و حسيت اني اهني نجحت
ما اقص عليكم كان في فشل في بعض العلاقات
و لكن سببه ان البنات خربوا على نفسهم

كنت ابي ابين حق نفسي
سبب الفشل مو مني
و لكن منه اهوووووو


على صيف 1998 قطعت الاي رسي تماما بعد ما انوجد المسنجر

و على صيف 2000 كان لي ايميلين ثانين بشخصيه شباب
كنت بشخصيه فهد الي يدرس بحريه في فرنسا

و شخصيه طلال
الصايع الضايع المدلل
بيتهم في النزهه
شغل مواتر و اسطبلات
و بما اني ما كنت ابي اي بنت تعرف عني اي شي
فماكنت ادش في اي تفاصيل شخصيه
عشان ما ابي اي بنت تقولي كلمني
او اوصل لمرحله مسدوده مع البنت

فكان هذا الشي يعلق البنات في طلال اكثر و اكثر
و من خلال شخصيه طلال عرفت برنامج البالتوك

ههههههههههههههههههههه
و سنه 2002 دخلت البالتوك
و بعد 6 شهور فتحت رومين
وحده سياسيه و ماكنت افهم في السياسيه شي
و روم ثانيه ثقافه و شعر

و كان عندي 4 شخصيات
وحده شاب و اهي طلال
و شخصيه البنت السعوديه
و شخصيه البنت المتمرده
و شخصيه البنت الهاديه الغبيه الي ماكملت تعليمها وقعدها ابوها في البيت

البنت المتمرده
اهي البنت الي قعدت في عالم البالتوك مده 3 سنوات من غير تكوين ولا علاقه مع اي شاب و هذا كان موضع قوه لي
لان في البالتوك عصابات و كل من يسمك للثاني زله
و اذا كنت محايده فالكل بحبني
و من خلال الباتوك تعرفت على العمانين و اليمينين و باقي الشعوب و عرفت اشكثر
ان العمانين طيبيييييييين لابعد درجه
و لا تستغربون اذا قلت لكم كان عندي جهازين في داري غير الاب توب
اشبك واحد من خط البيت و الثاني عن طريق اشتراك الشو تايم
عشان ما انفضح

و ثاني شي لازم الجهاز الواحد ما ادخل فيه بكل نكاتي
لانه الادمن بالتوك راح يجكني
و اذا جكني علي السلام
و راح انفضح

و لما عشت في مصر
كنت ادخل النت كافيه الي يم شقتي
و استخدم جازين او ثلاث اجهزه
هههههههههههههههههههه يخترع مني

هل كان عندي القدره التمييز بين المعلومات والافراد و الناس ؟؟؟

طبعاااااااااااااااااااااااا و بكل سروووووووور

و الى يومكم هذا محد يدري
ههههههههههههههههههههههه

وبعدها خففت لين سنه 2004 قطعت البالتوك تماما و اختفيت

و شنو الشغلات الي استفدتها من هذا البرنامج
عدم ثقتي في البنات اكثر من الريايل

الريال يبيع الدنيا عشان بنت
يخون رفيجه عادي عشان سر عند بنت

البنات اكثر هوس في التحرش و الترقيم من الشباب
لانه طلااااااااااااااال كل يوم كان يترقم
ههههههههههههههههههههههه
و ماكان يدق؟؟
مع انه صايع؟؟

ليش؟؟

والله شوفي يا بنت الناس انا عندي خوات اخاف عليهم
و بدال ما اضيع وقتي و يا بنات ديرتي
ارووووووووح دبي و احطلي احلى روسيه
اطلع الي في راسي و ارد
بسسسسسسسس بنات حمايل لألألألألأ

يعني انتي يا هبله بنت حموله
اهني احكر البنت
هههههههههههههههههههههه


و على صيف 2004
خلاص القلب مات
لا ابي شات و لا لي خلق سوالف
و شبعت
و على بدايه
2005 عرفت البلوجز
و صرت الحين
واااااااااااااااايد هاديه و طاخه اهني
مو سالفه نصج
بس سالفه
خلاص كل شي شفت و عرفت
فصرت اقعد في الساعات في النت
مجابله المواقع
لا شات و لا كلام
بس تسووووق و تصفح و قرايه مجلات
و مواقع
و برامج
و عرفت وقتها
اني مو بس نضجت
لألألألألألألألألأ
اني عيزت
و صار المسنجر مثل الصاله
او الدوانيه
الي فيها رفيجاتي
احس ماصار يهمني اذا سويت ساين اوت او لأ
عادي موزعه باسوردي
وعرفت الحين بعد ادمان عشر سنوات

ان مستحيل الخبره
و النضج
و الاشباع
اي من عبث
و تبون الصراحه

صرت وايد افرق
ما بين اذا قالو فلانه سنعه او لألأ
اسأل نفسي
هالسنعه الي تقولون عنها سنعه
حطيتوها في اختبار ؟ عشان تعرفون مدى سنعها

يعني لما اتييني رفيجتي و تقولي مريم وايد خوش بنت
اقولها عطي مريم حريه
و غربيها
و سفريها
و عطيها نت و لا احد يسأل عنها
و ردي شوفيها سنعه و الا لألأ

؟؟
تدرون ليش اقول جذي
لاني تعرفت على بنات
صغااااار
و اصيع و اخيس منهم في النت ماكو ابنهر منهم؟
و بما اني بسرعه اعرف البنت منو هذي؟؟
انصعق
ان هذي السنعه
المحترمه
البريئه
الي الناس تضرب مثل فيها هذي شخصيتها في النت ؟؟
او هذي البنت عندها ميول خراب جذي

و في النهايه احب اقولكم
اسفه على الاطاله في هالبوست

و ترا النت مو ادمان
حتى بعد ما اعترفت في ادماني
تدرون ليش
؟
لانه شي صار موجود مثل التلفزيون
و الراديو
فصار النت وسيله اعلام و تواصل بالناس
والله يبعدكم عن الادمان


Monday, August 21, 2006

سواااااااااااااااااااق اخر زمن

مدري احنا الكويتين طيبين زياده
و الا احنا مقصه
و الا قلبنا كلش

تلاقون الخدم مدللين اكثر من معازيبهم
ياكلون احسن من معازيبهم

يرتاحون اكثر من معازيبهم

احنا في البيت امي ادلل الخدم اكثر مما ادللنا
و كل ما قلنالها شي
قالت: وعليه عليهم مساكين متغربين !!!!!!

ماراح اشرح لكم الوضع كله مع خدمنا
و لكن بقولكم سالفه السايق اليديد

تواا ياينا سايق ما صارله شهرين
تعلم و اخذ الليسن
اشلون ما ادري؟؟
حتى السياره ما يعرف يطلعها من الكراج!!!!!


ركبت وياه مرا ابيه يوصلني الجمعيه
مسكيييييين يطق اشاره بالدوار

و اذا يت سياره قربت منه هد السكان و غطى عينه!!!!!!!!

و ابتشلنا فييييييييييييه بلشه

الهاي واي ما ياعرف يسوووووووق


اللفه ما ياعرف

يكع بريك في اليو تيرن!!!!!!!

كل هذا عادي

الي مو عادي في الموضوع

ان سايقنا صغير يمكن حتى ما كمل 18 شكله ياااااااهل

و كاسر خاطر امي


كل يوم تعطيه كرت تقوله كلم امك!!!

يسووق فيها بوديها مشوار

يخاف


اتنزله في نص الشارع

و تسوق اهي بداله

!!

اخووي بيرووح السينما


تقوول حق اخوي فقير هذا دخله وياك الفيلم!!!!

اذا امي خلصت من مشوارها تمر ماكدونالدز تشتريله وجبه!!!!!!!!!

المشكله يتشرط يقولها ما اكل لحم!!!!!!

هذا كله بصوووووب

و بصووب الي صار اليوم

اتصلت عليه العصر

انا : الوووووو كوول وينك؟؟
كوول: ام ان صالحيه كومبلكس!!!
انا : هووو شتسوي في الصالحيه؟؟؟
كوول: ام ان ستار بكس!!!!

انا : مالت علييييييييييييك عمى بعينك من اموديك ويا منو؟؟
كوول : ويذ مداام


اسكر التلفوون في ويهاا!!


ادق على امي

انا : الوووووووووو يماا وينج !!!
امي : انا في مارينا رينالدي اشتبين ؟؟
انا : ادق على هالحمار يقوولي في ستار بكس
امي : ايييييييييييييي انا طالعه ويا السايق ابيييييييييه يدل الصالحيه !!!!
و قلت حر موووووووووت شقعده براا دخلته ستار بكس و شريتله هووت شوكلت !!!!!!!!!!!!! و قاعد ينطرني على ما اسوي شغلي

انا : نــــــــــــــــــــــــــــــــــعم !!!!!!!!!!!!!

ستار بكس
و صالحيه !!!
و هوت شوكلت

يما مع السلامه مع السلامه

وااااااااااااااااااااي بتذبحني امي
من طريقه دلالها للخدم

ارد ادق على كوووووووووول
انا : اقووووووووووووول عمي كووووووووووول ما عليك امر يعني و ما عليك كلافه
اذا خلصت من الجززززز بالصالحيه و اذا الوضع مو عاجبك في الصالحيه
بلييييييييييييييز ود اهدوومي اللوندري

!!!!!!!!!!!!!!!


لااااااااااااااااااااااااااااااااا تعليق !!!!!!!!!!!!!!

اكثر من هالدلال مدري شنو

Saturday, August 19, 2006

الجزء الثاني

يمكن بطيت عليكم شوي
في الصور
بس صدقوني ما أخرني الا شي جايد
من يوم الثلاثاء بالليل مسكتني بلاعيمي
يوم الاربعاء لألألألألألألأ فلونزا رسمي
خميس و يمعه في الفراش
اليوم السبت اشوي صحصحت
و قاعده الحين في الصاله مجابله البلوجز
و قاعده احاول انزل باجي الصور عشان اتشوفونها


الصوره الثامنه
مدري ليش انا بالذات او يمكن في بعضكم مثلي
يتسلط على في السفره اغاني طلال المداح و محمد عبده القديمه
الي اتذكرك في رومانسه و حب ماودك ابد ابد
تذكره
و خصوصاا لما تكون بروحك يعني
لا حنيس و لا ونيس و فجأه بو سلطان(مزاج الاغاني القديمه اسمييه انا بوسلطان)
يتسلط عليك
ان جانه في الحمام
ان جانه في هالاسنسير
و يااااااشين اذا انت مندمج في الاغاني بالاسنسير
ومجابل المنظره تسنع في روحك
و يفتح الاسنسير
و خلق الله طاحوا عليك
يا شيييييييييييييني


المهم ما اطول عليكم
انا في السفر موديلي من يصير المسيان على 7 جذي رجعت الغرفه اغسل و ابدل
و اسوي مطاره الشاي بالزعفران
و اريح شوي تالي اكشخ
و اتسنع و اتبخر و انزل القهوه

و انا متعوده لازم الصبح و العصر اشب فحمه بخور في البلكونه و اتبخر في الدار
ما ادري شي الي سلطني و ولعت الفحمه في الدار
شغل عيز

شوي و حطيت بخوره
و حياتكم دقيقه و الا تصفررررررر
الانذار
و يدقوون علي
الرسبشن
و الحاله حاله
ياشينهم قطيعه هالاجانب
خوافيييييييييين
خووووووو اهي اقصاها بخوره
و سولي عليها سالفه

ما يسوى فشلتي
بس اشوه اخوي ما حس فيني و لا درا
جان راح فتن علي امي و سوتلي قصه

عبالكم تبت؟؟
من باجر الصبح شاااااااااابه الفحمه مرا ثانيه و متبخره
و ارد احطها في الكبت و اسكر عليها
مالت عليهم
سنعت دارهم و بخرتها
مو احسسسسسسسسن من الجلاب
الي ينامون وياهم


الصوره التاسعه
على طاري تتسلط علي اغاني طلال المداح او محمد عبده في السفرو خصوصا عبدالكريم بعد

و من اكثر الاغاني الي تسلطت على

غريييييب

انا بعشقك اناا
الا يا اسمر يا زين
ترحب بغيري و انا الولهان
انت معاي و الا انت ناوي تبتعد عن خط سيري
الله امر اعشق و احبك يا بدر
بس الاغنيه الي سويت عليها فيلم لا صار و الا استوى الي خلا رفيجاتي يصرخوووووووون علي
اغنيه زمان الصمت لطلال المداح
كنت نازله ويا البنات من الجبل عن طريق الكيبل كار
و انااااا مندمجه حيييييل الكيبل الكار الي كنا فيه
يشيل 4 اشخاص
انا و ثلاث بنات
ولازم ما المفروض نقوم او انتحرك عشان توازن التلفريك
بس انااااا مشتطه
و البنات يقولولي
سمي بالرحمن ذكري ربك
يا شيخه اعقلي
اتركي عنك الهبال
و انا مطنشششششه
و اصرخ باعلى حسي
و تـــــــــــــــــــــــــــــــــــرحل
صـــــــــرخـــتي
في وااااااااااااااادي
لا صدى يــــــــوصل

ومدري اشذكرني في هالاغنيه
و اغني و مششششششتطه
و البنات يا عوينتي عليهم
بس يسكتون فيني
و انا عبالي اني اصاله على الصراخ


نزلت من الكيبل كار
و انا في نشووووووه الاندمااج

ولا احد يدري سبب صراخي و على شنو و على منو اصرخ

بس تذكرت خالد الفيصل لما يقول
اون و كل يحسبني اغني
عليل و كل من يحسبني مداوي
اودع رفيجاتي و اقولهم القاكم بعد ساعه في البحيره

ادخل غرفتي
اقط نفسي على الفراش
و اكمل غناء زمان الصمت
ابكي

ادخل الحمام
و تحت الشاور
اركز الشاور على ويهي

وابكي

لين يطلع الي فيني كله بالشاور

جربوا تغسلون همومهكم
تحت الشاور
احساس عجيب

الصوره العاشره

انا اؤمن بان معشر النساء ناقصات عقل و دين
و ان احنا مخلوقين من ضلع اعوج
و لكن الي شفته في عيني
و شافووه نص الخليجين الي في سويسرا
يؤكدلي هذا الكلام

كنت رايحه جنيف مع اخوي و صديقه امي عشان انأكد الحجز
حلو
و انا في محطه القطار
و الا هذاك الشاب الخليجي
الطويل
الابيض
وسيم
معاه زوجته
كان يطالعنا
وزوجته معطيتنا ظهرها
لفت زوجته عشان تشوف اهو شنو قاعد يطالع
و الا شافتنا
انا و مرا كبيره
و اخوي
شي طبيعي
لان الخليجين ما يطالعون الا بعضهم
لكن تفاجأت من رده فعلها
والله العظيم الكلام الي بقوله الحين مو خيال
و صج
و انا نفسي ماني مصدقته
قامت لمته حيل
و باست شفايفه
ولانه اهو طويل
فكانت ترفع نفسها
وتوقف على اطراف اصابيعها
يحاول يرفعها و يستمر في الفرنش كيس
بطريقه بشعه
يمكن عشان اهي متحجبه فكان شكلها بشع
او لكونهم خليجين
المهم قلت حق اخوي
لف ويهك لا اطالع
قال انا شكووووووو فيهم
اهي ما استحت على ويها
تبيني انا الف ويهي
اهي اصلا تبينا نطالع و الا جان ما باسته جدامنا
وصل قطارنا
ركبا و قعدنا
بعد نص دقيقه
اقعدت اهي وريلها

بمكان اهي تشوفنا و نشوفها بس مانشوف ريلها
اهي عطتني نظره
و كملت بوووووس فيه لي انا عند محطه لوزان غيرت مكاني
حسيت انها تستهبل
وصلت مونترو على خير
دخلت الغرفه على ما اريح و ابدل و اغسل
شفت موبايلي
و الا فيه اكثر من 8 مكالمات من رفيجتي
و انا اتنشف
يرن التلفون
هم رفيجتي
اعصب
لاني ما احب احد يشكل علي

ابدل و انزل القهوه
و انا داشه القهوه
رفيجاتي يصرخوووووووون
فييييييينك يا شيخه تستهبلي
عجزنا نكلم ما تردين
قلت لهم اشدعووووه ليش هالتشكل
وين بروح كاني يايه
قالوووووا لألألألألألأ
ناظري
و الا ششوووووووووووووف
نفس البنت و الولد الي في محطه القطار
لي الحين مستمرين
في فيلم السكس
القراده مو بوس عادي
لا شغل تلحس و لوعه جبد

التفت عليهم
قلت أي قطييييييييييعه ارف يارفهم
ما احترمت احجابها وياي كانوا

قعدت انا و عطيتهم ظهري
و انسولف
بس البنات بالهم مو الهذره عينه على المسخره الي تصير ورانا

شوي و الا المسعده تقعد في حضنه
5 دقايق و حياتكم وخرها و راح الحمام
البنات اشهقوا
تبون الصراحه موقف مؤرف
و مقزز
من مسلمين
الفشله ان الي في القهوه
طاوله كلها حريم كبار
و كانت تعليقاتهم تموت ضحك
و في طاوله شياب
هم وايد عصبوا على المسخره الي تصير

المهم هذولا ساعه كامله مجابلينا و مبدعين
بعدها اطلعو من القهووه و تمشو على البحيره
و بلشوووووو بوس جدام منو؟؟
جدام اليهال
هاهاهاهاهاهاهاهاهاها
يانا اخو رفيجتي الصغير اعيوووووووونه طايره
و ما كانت سالفه اليهال هذاك اليوم و الناس الا هذولا الكبلز

بعد شوي و الا بنت عمتي تدش القهوه
قلت لها طااااااااااااااافج
قالت شنووووووو
قلت لها خليجين شغالين بوس جدامنا
قالت ليكون الابيضاني
الي مرته متحجبه
ههههههههههههههه
قلت أي!!!!!!!!!
قالت طافج ماشفتيهم ويانا في الطياره
بدعوووووووووو
ريلي يتصدد و اهم ما يستحون

المهم بعد يومين و تحديدا في كرنفال جنيف
ايووون اليهال من جنيف
نسألهم
هاااااااا بشروااا اشلون الكرنفال عسى استانستو
الجواب الوحيد الي قالوووووووه
فاتكم شفتو الرجال الي يبووووووس في مرته و تسويله حركات في البحيره
قلنا أي
قااااااالوو جنيييييف كلها صورتهم بلوتوث!!!!!!!
تبون البلوتوث حقهم؟؟
قلت لهم الله يستر علينا
ماعليكم
تبون الصراحه تحسفت ليش ما خذيت البلوتوث
هههههههههههههههههه

بالله اشتسوا عليهم الحين؟؟؟؟
ما يستحون
اشلون واحد يقدر يوري الناس عرضه و يستعرض بوس مرته جدام خلق الله
تبون الصج
بيني و بينكم
انا دايما افكر لو ان واحد يبوس مرته جدام الاجانب و في شهر العسل شي عادي
و اقول عادي يستانسون
بس عمري ما هقيت ان المنظر بشع لي هالدرجه!!!!!


الصوره الاخيره

ماكنت بصراحه ودي اقولكم عن الصوره الاخيره هذي او بالحرى كنت بحط بدالها صوره شوي احلى
لكن شغله في نفسي
و فضفضه فيني
و شعور مضيق صدري
خلاني لازم اقولها

كنت في لوغانو
و تحديدا في البلكونه
مسكره على الباب و اطالع الغروب من بلكونه الفندق لاني كنت توني راده من ميلانو و هلكانه مافي حيل انزل البحيره
فقلت اخذ شاور و اغسل دلاقاتي احسن
المهم و انا مبسطه في البلكونه
و مستمتعه في الجو العجيب
و اسولف في التلفون
و شوي شوي تظلم الدنيا
شوي شوي من ورا الجبال يطلع مثل نور بسيط
انا مندمجه ويا النور
هذا القمر
سبحان الله اشلون يسطع
بعد خمس دقايق
نور القمر و توسط السما
و القمر كان وقتها بدر
و في عز السوالف
و انا مشتطه باعلى حسي
بدر
بدر
بدر
صااااااااار بدر
اقووووووول باي باي اكلمج بعدين مو قته بدر معاي

في وسط السما يعكس نور البدر على البحيره
ممر منور من نور هالبدر
انا مشتطه ما ادري ليش
اطامر
اول مرا اشوووووف البدر يطلع من السما جذي
عيوني تغورق
مدري فرحه على البدر
و الا وله على بدري؟؟
اتأكد من اخوي الي في الغرفه
اشوف اهدومه مقطوطه برا باب الحمام
الحمدلله قاعد ياخذ شاور
امسك موبايلي
ادق على بدري

انا: الووووو هاي حياتي ابييييييه بدر
لوغانو خيال عجيبه و الى احلى منها شفت نور البدر العجيب
بدر:اهلا اهلا ..ها اشلونكم شخباركم؟؟ انشاء الله مرتاحين؟؟ متى الوصول؟؟!!
انا : بدر حدي ولهاااااااانه عليك ...احس يمه لويه...بدر مشغول؟؟
بدر: أي انا في الدوانيه ..تدري ديوانيتي اليوم!!!!!!!!!
اانا بصوت مدقور: اها اوكيه اخليييييك علي
بدر: على خير انشاء الله
انا : مع السلامه
و اسكر التلفون
اقعد مهدود حيلي
مدقووووووره
دموعي تصب
ابجي بحرقه
صعب تحب انسان و يتجاهلك
صعب تطلع مشاعرك و تندقر
ريايلنا ماكو احساس
اهم شي الدوانيه
و الشغل
ونفسه
ادخل الغرفه
بعد ماكانت البلكونه و منظرها العجيب من دقيقه احلى منظر في الدنيا
صار بعيني ما يسوى شي

دخلت سحبت كفري
و نمت
سويت جنطتي من باجر الصبح و رجعنا من لوجانو لي مونترو
خمس ساعات في القطار
و انا ابجي مرا
و افكر مرات
الى متى؟؟
فعلا الى متى؟؟
سؤال محد راح يقدر يجاوب عليه غير بدر
الى متى هذا الي يصير

و في النهايه
كانت سفره قصيره
ممتعه وايد
بغض النظر عن الدموع الي فيها
و لكن الضحك كان اكثر بوايد
كانت يمعه حلوه
بنات رووووووووعه
سوالف عجيبه قبل النوم
انا و اخوي نذكرها
ارجع الكويت
في المطار
اشوووووووف امي ناطرتني
تحضني
توصلنا البيت
ادخل داري
و اقط رووووووحي على فراشي
واااااااااااي شعور بالراحه عجيب
احب هالمكان وايد
لو الف قصور الدنيا كلها ما اكو احلى من فراشي

ملاحظه:
الكونكشن مدري اشعلامه
عيزت احاول انزل الصور مو راضي
انشاء الله بحاول و اذا ما صار وقت ثاني

Tuesday, August 15, 2006

الجزء الاول





الله اكبر الله اكبر الله اكبر

لا اله الا الله وحده لا شريك له, له الملك و له الحمد , وهو على كل شي قدير ,ايبون تائبون ,عابدون
لربنا حامدون ...

دعاء الرجوع من السفر


يالله سترك و ستار من خلقك

اول شي خلوني اقولكم شغله
المواقف و الرحله
راح اصورها لكم و كأني اتصفح البوم

يعني الاحداث راح تكون على شكل البوم صور
و انتو شوفوا منه الي اييوزلكم


كانت رحلتي
الى مونترو
القريه الصغيره الي اشووف في كل عماره فيها وفندق ذكرياتي و طفولتي
تعودت اني ارووح هناك كل سنه
من 1982
ولكن تقبلي لهذي المنطقه و عشقي لها يكبر
ليش الواحد يحب اي شي يذكره في طفولته
و اصدقاءه و ايامه الحلوه

الي صار كالاتي..وصلت السبت باليل كل شي مسكر عادي
يوم الاحد كل شي مسكر هم عادي
يوم الاثنين كل شي مسكر ليش!!!
يوم الثلاثاء كل شي مسكر عشان اليوم الوطني لهم
و يوم الاثنين كان بين عطلتين !!

FUUCCCCCKK

4 ايام راحوو هدر

حتى السويسرين مثلنا يموتون على العطله!!

درجه الحراره كانت مابين 21 و 10درجات خلال فتره رحلتي كلها

خلونا الحين انتصفح الالبوم

الصوره الاولى

لقائي الحار انا و رفيجاتي الي من زمان ما شفتهم
رفيجاتي هالمرا اكبروا وايد عشان صارو امهات
طفت شمعتهم

المرا تعقل اول خمس سنوات من زواجها
و ياويلكم من فصله المتزوجات!!

الصوره الثانيه

شباب يمنا في القهوه
شكلهم اول مرا اييون مونترو
لانهم طايحين فينا مغازل
يا الطيب يا الحبيب
ما تدري ان الطاوله الي يمنا ابهاتنا
و الي جدامنا امهاتنا
ممنووووووووووع الاقتراب بليز

الي بيغازل بنات منطقه معينه لازم يغازلهم في جنيف
ما اتيي عند اهلنا
ههههههههههههههههه

الصوره الثالثه
اكتشفت اني فقدت الذاكره
لان كل ما ادق على ابوي او امي اقولهم انا و رفيجاتي او انا و اخوي الصغير في انسي
او في الشمونيه او اي منطقه معينه
و استمتع فيها
الاقي دقره اشكبرها من امي
وييييييي فطيم مودينج انسي 3 مرات
من قبل !!

ما اذكر ليش
؟؟
انا كبرت
!!
صرت ما اقولهم انا وين عشان ما يقولون انتي شايفتها !!

بديت من اليوم اخذ علاج ملكات النحل
شسوي كبرت
!!

الصوره الرابعه
منطقه اسمها انسي
anccey
رووووووووووعه تقع على الحدود السويسريه الفرنسيه
رحنا انا و اخوي الصغير و اخوي الكبير و زوجته
رحله عجيييييييييبه
فصلنا فيها
و هسترنا ضحك
بس عندي سؤال مهم
ليش الكويتين
ما يستحون الا من الكويتين؟؟
و ليش الام او الابو معلمين اعيالهم الحيا و المستحي من الكويتين

كنا في البحيره
اوكيه
و الا ياهل باعلى حسه يصرخ و يركض حق امه
يما كويتييييييييييييين
كويتييييييييييييييين
كويتييييييييييييييييييييين
يما اكو هناك كويتين !!

التفتت علينا مرت اخوي
تقول شووفي مليون فرنسي و سويسري و من كل اوربا ما طلع الا صراخ الكويتين

عيالهم في الحديقه مالهم حس
الا احنا
يمااااااااااا عبود طقانا
يمااااااااا حمود اخذ كورتي
يمااااااااااااا صلوووووووووح بال على نفسه !!

الصوره الخامسه

شي طبيعي في ظل هالمطر و الاجواء الرومانسيه
ان يزيد معدل البوس و التكاثر بين البشر
بدليل ان اكبر معدل للمواليد شهر مايو
لان شهر اغسطس يصادف عطله لمعظم الناس و يكون موسم حب و انسجام
لكن السؤال الي يطرح نفسه
لما في المحلات و القطارات و السيارات
و في الاماكن العامه عموما نشووووووف اجانب ما غير يتباوسون
كلش ما يأثر فينا
و لا يهزنا و لا نشوفهم اصلا
و اذا كانوا زايدين الجيله في التلممس انصد عنهم
لكن في سؤال غريب يطري على بالي
ليش الريال الاجنبي
عنده استعداد يبوس 3 ساعات من غير ما يسوي شي
ما يتحمل بوس ربع ساعه!!

الصوره السادسه

لوجانو
و ما ادراك ما لوجانو
يااااااااااااالله جنه الله في الارض
خيال عجيبه رومانسيه شاعريه
بطريقه غريبه
اتفق كل السواح فيها على اختلاف جناسيهم انهم يكونون رومانسين
عباره عن شاطي يمتد طوله 3 كيلومتر يمكن
مسطرين الكراسي
و كل كرسي متجابلين فيه 2 حزت الغرووب

انا في لوغانو كنت بروحي مع اخوي الصغير
كان نايم في الغرفه
ما يحب ينزل يقول ضيقه خلق
اخذت كتابي
و كان معاي غازي القصيبي
مسكت الكتاب تحت شيره (شجره)
و قعدت اقرا من الساعه 7 لي الساعه 8 و نص و بعدها بدت اتظلم الدنيا
حطيت الكتاب على كتر و قعدت اتأمل
المنظر العجيب
اسمع خرخشه
حسيت حشره او شي جذي
ادور ادور
و الي على البحيره
تحتي مباشره
2 يتباوسون
!!و يتلاموون
صروعوني
مدري من وين اطلعوا
يالله كلا متسلطين علي

تبوني اوخر عنهم؟؟
و حيااااااااااااتكم جابلتهم
خزز
فيلم جدامي اشكره

حس فيني الولد
خلاني
شوي
و الا يخربط علي في الايطالي
و يأشرلي على الكرسي
رحت و الا تحت قميصه كاميرا ديجيتال !!
قالي صورينا
!!
عمى بعيييييييييييييينكم
خرا فييييييييييييييكم
كدشتوووووووووووووووووووووني
شكله قال هذي قاعده قاعده
خنستفيد منها على الاقل !!!

صورتهم
و ابتسامتي الصفراااااااااااااا
احط كامرتهم
و اوخر عنهم
اتمشي ادور كرسي
ماكووووووووو
كل اثنين مبسطين و في بووووس عميق
قعدت على الدجه
عند ماكدوناالد
يا عوينتي
الطم على حظي
و اقول بقلبي
مال نعاااااااااااااال
انتي
اشياايبج يالبزززززززززعه
شكوووووووووو يايه
مدينه رومانسيه
مو لج يا علج شقوووووووووول مو لج

ارد الغرفه
و هذا يشاااااااخر
اقعده من النوم
بقوووووووش بقووووووووووش (اسم الدلع)
قوووووووم
لوغانو تعور القلب
رومانسيه وايد
الجو خيال
و المنظر يشلع القلب
و هالكناري
متجابلين

تدرون اشرد علي !!!؟؟
ردينا باجر مونترو
انتي مو مال تقعدين اكثر اهني
!!!

الصووره السابعه
ارد مونترو
اوصل الظهر
البنات متيمعين
في ستار بكس

ارووح لهم
افجر الحره الي فيني من روعه لوجانو و كومو

اقعد اتحلطم
عليهم
اضغط فيهم
اطفرهم
ايننهم
استأذن منهم

ماكو احد
على الجو مطر
و اغاني محمد عبده
و طلال المداح
و يااااااااااااااااا ليل ما اطولك

بسكر الالبوم الحين

و انشاء الله اكمل باجي الصور في الجزء الثاني من سفرتي

Monday, August 14, 2006

اكشششششششششن


BAAAAAAAAAAAAAAAAAAACK



توني راجعه من السفر
نطروووووووو علي شوي يوم واحد اشرب فيه 6 مطااطير شاي اعدل راسي و انام عدل
عشان انا ناويه اوريكم البوووووووم سفرتي و صووري كلها

راح اخليكم تعيشون السفره وياي عدل

احبكم ربعي كلكم

و حمدلله على سلامتي
و قرت عين اهلي فيني


باجر انشاء الله بنزل بوست عن سفرتي
و من الحين اقولكم
حدا حدا غير قابل
للقراءه
الديينين و الي محافظين على برستيجهم
يسمحوووووووووووون لي