Monday, February 05, 2007

نـــــــــــــســــــــاي

صارلي اربع او خمس ايام و انا بس ادندن هذي الابيات
لفايق عبدالجليل...
يا ناس احب هالقصيده وايد
و الاروع ان ديوانه مستحيل ينشال من الكومدين
كل يوم لي معاه بيت يديد
اعيش فيه
احلم عليه
اصحى من نومي اردد الابيات
لكن هالايام ماني قادره اتوقف عن ترديد
هالقصيده
اخليكم معاهم تاخذكم بعيد عن بلوجي
نســـــــــــاي

نساي ...
و انت الهوى
بالنسبه لي و الماي
اسمع أنا صوتك
و لا تسمع نداي
اشهق أنا باسمك
و اشتاق له.. و انت معاي
اكتب على سمعي أغاني
اكتب و اغنيك ..
حيرتني
و احترت أنا فيك
تزعل بلا أسباب
و تعاند.. و أراضيك
بكل حالاتك أبيك
بكل زلاتك أبيك
حبـيـبـي انت
و الا العذاب انت
و الا الفرح انت
مدري وش أسميك
نساي
تغيب و الدنيا معاك تغيب
تقطع خيوط الشمس عني
و يصبح العالم كئيب
و أصبحت أنا لوحدي على
أرضك غريب
ما تكتفي من غربتي
ما تكتفي من حيرتي
الله كم انت عجيب .
. الصمت دايم لعبتك
الصمت احيان رهيب

16 comments:

سالفة قلب said...

الصمت أحيان رهيب

قوليلي:
وشْلون المسا .. مِنْ غيري
وشْلون الصّباح
وشْلون يُمُرّْ.. يومِك عليك
باهِت،وبَرْدان،وحَزين؟!
ولاَّ يُمُرّْ مِن بَعْدي رَوعه ومِمْتلي؟!

ولو تِسْمعيْن أَغاني حِنّا نْحِبّها
مايشَاغِبِك قلبك يقول:
عَشَاني إتَّصْلي عَليه
وَحَشْني صُوته
ضحْكِتِه..
حتى جُمِرْ كلامه واحِشْني ..وأَبيْه

جنة الحواس said...

شتصير لج برووك ؟

::
تغيب و الدنيا معاك تغيب
تقطع خيوط الشمس عني
و يصبح العالم كئيب

أموت على هالمقطع بالذات .. و ساعات أهذي فيه من حيث لا أعلم

::

فايق ببساطة .. فايق

Cr8ivia said...

الصمت احيانا فعلا رهيب

احبها بصوت عبادي بعد

magnoonah said...

حيرتني
و احترت أنا فيك
تزعل بلا أسباب
و تعاند.. و أراضيك
بكل حالاتك أبيك
بكل زلاتك أبيك
حبـيـبـي انت
و الا العذاب انت
و الا الفرح انت
مدري وش أسميك




كلمات دقيتي فيهم عالوتر يكفي انه البساطه تتسلل للقلب بسهوله وتتربع على عرش الاحاسيس


لوير بكل مره انصدم باحساسج لدرجه تخليني افكر بشخصج لوقت طويل بكل مره احس انج قريبه من مشاعري كانج حاسه بالي انا فيه



مشكوره على الكلمات الروعه


تحياتي

Breeze said...

اللــــــــــــّه ... راقي إختيارج كأداء فايق ..
وإبداعه ..

في كل مرة أكتشف فيج شي أحبه :))

دمتِ بحب :)

2 u ALL said...

حلو كلامه .. وحلوه .. أختيارك ...!!؟

أشهق......!!! أنا بسمك
وأشتاق له .. وأنت معاي

معنى جميل ومعبر .. الكلام

علقت على كل الي فاتني ... لا تحرميني التعليق على كل الي فاتك ...!!!؟

Mohammad Al-Yousifi said...

ليش انا مو رومانسي:(

shakshaka said...

mat2alibeeesh il mawaaaagi3 ya lawyer:(

الاء سعود المجيبل said...

اوفيييييييه

اتيننننننن عجيبه عجيبه...:)

تسلمين...:)

Reflections said...

WaaaaaaaaaaY Lawyer!!!!


Sarly yemken 2 weeks.. wana Bs araddid..

أشــــهــــق أنــا بــاسمــك! و أشـــتاق لــك و أنت معــــــــــــاي...

فركاش said...

فايق عبدالجليل!!!0
يعجز الكلام عن وصفه
الله ياخذ العراقيين اللي حرمونه منه

ToFFeY said...

تغيب و الدنيا معاك تغيب
تقطع خيوط الشمس عني
و يصبح العالم كئيب
و أصبحت أنا لوحدي على
أرضك غريب


الله الله اختيار رااائع يا لوير تسلمين

barrak said...

نساي
كلمات تشبهني كثيرا

the tooth.fairy said...

bekhtesar .. a7ibba

Lawyer, fi wa7da wayed wayed wayed a7ebha, it even came out in a song kent asma3ha mn ayam el thanaweya. Bss mathakkar esemha bil thab6..

Halrayya .. thekra mokhallada

alah yer7uma

albandry said...

مزوقة طول عمرك فتومي

bo9ali7 said...

اطرب لها اكثر بصوت عبادي
كلمات فعلا جميلة
الله يرحمه