ضياع لولو..الجزء الثاني

يطق الباب ...روم سيرفس
تفتح لولو الباب ..ويدور الحوار التالي ..
كل سنه و حضرتك طيبه
لولو: وانت طيب ..
تصرخ نوره من ورا الباب ولكن صوت الماي ما يبين اهي شنو قاعد تقول..
تفتح باب الحمام و تقول حق لولو ..دفعي الحساب الحين لا تخلين شي على الغرفه ..بعدين تشوف امج حزت الشيك اوت ..
تستغرب لولو ..اوكيه اوكيه ..تركض اتييب البوك ..و تدفع تشوف الفاتوره تنصعق !!!
اي ده !!! هو احنا طالبين ايه المطعم كله !!
دي حتت ازازه ..
يرد عليها :بس انتي طلباها مستورد و انتي عارفه دا اوتيل ..تدفع الحساب و تعطيه بخشيش ..
ترد الباب وراه
لولو مندمجه في خلطات الفودكا مع الكولا ... و نوره منسدحه تريح اشوي
...
نورا تعالي شوفي المنظر خيال ..النيل و اضاءات العماير حواليه وصوت الناس في المراكب عجيب .. توقف نورا يم لولو..واي الجوو خيال ...موطبيعي ..
تسأل نورا ..وين راح نسهر اليوم ؟؟
لولو: مدري بس ابي مكان وناسه ..تروحين ديسطو الكونراد ؟؟ولا الهارد روك؟؟
ترد نورا..:لا هذا و لا هذاك ابي اروح الحسين ...اشرايج نرووح الحسين نصرف لنا جنيهات و نروح نقعد على القهاوي هناك ونستانس و نسمع اغاني ام كلثوم و نشرب شيشه ابرك من ازعاج الديسكو و المسخره هناك...
يالله خلاص ..نبدل بعد ساعه وننزل ..
تتصل ام لولو ..
تطمن عليهم ..يطلبون منها ان يكون السواق عندهم بعد ساعه لانهم بيطلعون...للحسين..
يسهرون في الحسين لي صلاه الفجر
يرجعون ..و الفندق هدووء ..يدخلون يلاقون شباب خليجين ..في اللوبي ..
تسااسر نورا ....لولو.شوفي شباب اشكبرهم و قاعدين في الفندق و يشربون شاي و احنا ما بقى زحير ما زحرناه
ترد عليها لولو:انطمي مالنا شغل فيهم يامعوده لا يحسون فينا....ويهرولون ثنتينهم لليفت..
يغسلون و يبدلون يلبسون الترينيج و ينزلون تحت يتريقون ..بعدها يطلعون للغرفه . مع وضع
.لوحه الرجاء عدم الازعاج
ويوحون في سبات عميق ..
يرن تلفون الغرفه ...
نورا تفتح الابجوره ..ترد على التلفون ..هلا خالتي .. لا كنا نايمين ..انشاء الله ..نقعد و اني انتغدا عندج..انشاء الله ..
تشوف الساعه و الا الساعه 4 ونص العصر ..
تقوم تاخذ شاور و تغسل ..تقعد لولو ..ويروحون الزمالك شقه ام لولو..و في الطريج تقتح لولو ان يروحون باجر شرم الشيخ 3 ايام..
تاخذ لولو من امها فلوس الرحله ..تطلع من الزمالم لي شارع 26 يوليو ,,مصر للطيران تحجز لشرم ..تتصل نورا في معارفها في فندق موفمبك شرم ..تحجز غرفه مطله على المسبح..
الساعه 8 بالليل ..
وييييييين بنرووح؟؟تسأل لولو نورا..
..ترد نورا..
اشرايج نرووح نقعد في لوبي الفندق ..وناااااسه قمه الجز بعدين نشوف وين نسهر...
يرجعون يقعدون ..يلاقون نفس الشباب الي امس في نفس المكان بس هالمرا معاهم شايب و زوجته ..
يطلبون كابشينو..و ميلفيه ..يقرون جرايد ..
تروح نورا تتمشى شوي ..
تشتري بوكيه ورد ..ترسله للغرفه وتكتب فيه ..اهداء
الي حبيبتي لولو ..شفت هالورد حسيت انتي اكثر انسانه تستحقينه
وايد اهديت ورد
بس هالمرا احساسي في هالبوكيه غير
انا منقيته وانا مساعده الفلورست فيه و انا اكثر وحده في هالدنيا اموت عليج ..
....
لولو تقرا الاهداء و تبجي ..
تصرخ عليها نورا
دوووووووودهتيني ماخليتيني حتى اصلى عدل
شكوووووووو تبجيييييييييين
اقصاه بوكيه في 100 جنيه
و كرت كاتبه في حجوتين
كلا تبجين و بس
تسمح دموعها..
تغير ملابسها
ينزلون الهارد روك كافيه .. ياكلون العشا .. الساعه 12 يقلب المطعم ديسكووو ..اغاني مصريه لبنانيه ريماكس انجليزي لاتينو.
لولو مندمجه في الاغاني تهز في مكانها
نورا مشغوله في المسجات
....فجأه و تطلع اغنيه حسين الجسمي ..
نورا تعطي لولو نظره ..لولو تصرخ من الوناااااسه
تقووم ترقص في البيست رقص خليجي تحس زحمه ترجع عند نورا ترقص رقص هستيري اكثر..
عند طاولتهم
نورا تصفق ...
عاشووووووووووووووووووو
يقوووووول الي قضا ليله حريم نعاس جفاه النوم ما غطى بالنعاس
حليف الهم بات بخاطره وسواس وونات تهد شامخ الراس..يقووووووووووول
انا الشاكي انا الباكي انا الحساس وانا الي في المحبه خاضع راسي وانا لغير المحبه لا ما خضعت الراس ...
........
يوصلون شرم..
يركبون الباص ..يتجهون للفندق ..ياخذون مفاتيح الغرف و كروت البيتش ..
الساعه الحين 10 الصبح ..
يبدلون بسرعه ...يركضون البحر..
تطلب نورا من لولو انها بسرعه تروح البحر تحجز كراسي و تحط فوط عشان يكون المكان في الظل ,, على ما اهي تروح الصيديليه تشتري مستلزمات التان
ترجع نورا وبيدها الكريمات و السيدييز و الماي ..يتدهنوون ..
...وينزلون البحر ..
يسبحون لي غايه العصر ..
نورا الحين الساعه 3 بمووووووت يوع..امشي الماي بدا يصير بارد خلينا نرح المسبح داخل انتغدا على المسبح و نطب هناك الماي ادفى ..
لولو تتغدا ..نروا تسبح ...
فجأه و الا الشباب الخليجين توهم واصلين !!!!!
الدنيا صغيره !!؟؟
و الا الصدف !!!
نوروووووووووووووووو نورووووووووووووووووووو شووووووفي منو اهني
تلتفت نورا ..ماكو شي ..
تقولها وين ..؟؟
تقول بس راحو ورا ما يبينوون هذولاك الي جنهم سعودين الي ويانا في الفندق ..
بصوت عالي تقول نوراا:
ابييييييييييه كلش مو وقققققته و احنا في مايوهاتنا و عفستنا كلش مالي خلق خليجين ...
قومي خلينا اكل بسرعه و ونروح
ترد لولو :شكوووووو فيهم مالنا شغل اهم يايين يستانسون و احنا بعد..
لولو خلصت اكل بس نورا قاعده تاكل ..
لولو منسحده ..تتشمس و يمها البيره ..تحاول تستهبل على نورا ..
نورااااااااا اتصدقين ؟؟ اشووفج 4 ...
ترد نورا : من الي قاعده تزحرينه من الصبح
ترد لولو:جبي زين توني هذا ثاني واحد ..
يالله لك الحمد
قومي خنروح ناخذ شاور وونام ساعه حق نسهر بالليل ..
يردون الغرفه و لولو تتمايل يمين و يسار وتغني ..خليني جمبك خليني في حضن ألبك دفينييييييي ...ترد عليها نورا :امشي عدل بس امشي لا تدلعين على راسي ..
تحط الالارم على الساعه 8 ..تسأل نورا لولو ...يكفي انام 3 ساعات؟؟
حطيتها على 8 ..
ترد لولو::اوكيه ماكو مشكله..بس تدرين انا عندي فكره ..نروح نسهر في القهاوي..وبعدين نروح ديسكو على البيتش مو شغل بامودورو لألأ
خلينا نرقص على البحر..
ترد نورا ..بس بشرط؟؟!!
و نقعد من النوم ..نشرب امريكان كوفي ..و نسهر و لاوحده فينا تشرب شي لان رقص و شرب ..!! نسكر ثنتينا منو بيشيلنا فجأه نقوم الصبح نلاقي عتريس و مرسي نايمين يمنا ....و اهي ميته من الضحك..
تكفخها لولو في المخده ..انا انام ويا عتريس و سكرانه يا شقووووووووول ..خلاص ديل ماكو درينك ..نو موور درينك مامي نونو..
الساعه 9 ونص يتمشون في خليج نعمه .. و يمشون متجهين صووب الماريوت.. في قهوه شرقيه على الارض اغاني و عود و دنابك..
تقترح نورا انهم يقعدون ..يدرون مكان ,, والا الصدفه للمره الرابعه تجمعهم كع الشباب السعودين..
الشباب كانو يصفقون على اغنيه فوق النخل فوق ..
..تخلص الاغنيه .. وتقول نورا للمغني ..الله يعافييييييك اغاني جعابره ما نبي ..!! يعني لا تغني عراقي بليز غن ام كلثوم عبدالحليم شي يفتح النفس ....ناقصين البرتقاله و ربعها احنا...
لولو ميته من الضحك و الشابين السعودين يضحكون بعد..يرد عليها واحد من الشباب ..يعني انتو كويتيات .. و ديمقراطيات و تنادون في تحرير المرأه و الديمقراطيه .. و ما تبون تسمعون ..حتى اغاني عراقيه ...
وين الديمقراطيه اجل؟؟ مافي احترام للرأي الاخر ..
تبقق عيونها نورا من الرد..
والله عاد احنا ياين تستانس مو ياين فوق النخل فووق!!!
و بينما يشتد النقاش بينهم كانت لولو تبادل الشاب الاخر نظرات الاعجاب ..
اخر شي ..
تنط لولو..مصافحه الشاب الوسيم..
معاك لولو..من الكويت..يرد عليها مبتسم معاك الفقير لله دحيم من السعوديه..هههههههه تضحك لولو..شنو يعني اسمك دحيم؟؟
ترد عليها نورا لا يعني حمني ..اهم يدلعون عبدالرحمن دجيم..ترد لولو..اها عاشت الاسامي..و ينط الشاب الي اشتد النقاش مع نورا و يسألها طيب انتي واش اسمك؟؟
انا نورا...و انت ..معاك طال عمره بندر...هههههه يضحك و يسألها بندر ...لولو و نورا اسمكم الحركي و الا الحقيقي..؟؟
تستغرب لولو شنو يعني الحركي؟؟
يرد عليها النك نيم يعني...
تزفه نورا ..اشقالولك قاعدين نعرض في البالتوك عشان تقول نيك نيم!!!
تساسر ..نورا ..رفيجتها لولو..شوفي تهربي منهم بسرعه و خلينا نقوم مالنا خلق شباب ..احنا ياين تستانس ..و مانبي انتعرف على احد ..باجر يصورونا بلوتوث و فضايح !!!
و عبدالرحمن ماشال عينه من لولو ..تضعف لولو..وتقول شكلهم طيبين !!
عرفت نورا ان مستحيل لولو راح توافق على الفكره ..
بقاطعهم عبدالرحمن..اشرايكم نروح انتمشى ابوديكم لعبه خطيره ..تجوون..؟؟
تقوول لولو يالله ..ماعندي مانع
يقوول بندر قدااااااااااااااااااااااااااااااااااااااام..يعني بالكويتي فووووووقه....
يتمشون على البحر ..يسأل دحيم ..لولو..كم عمرك؟؟
تقوله 23 و انت يرد عليها انا 34 ..وخوي بندر عمره 32 و الدبه نورا كم عمرها؟؟
تنط نورا انااااااااااا دبه !!! يقولها لأ بس شيينه ...هههههههههه تجاوب لولو ..نورا كبري ..23
يسأل بندر ..جايين لحالكم؟؟
تقوله اي يايين شرم بروحنا لان امي في القاهره..
يحارش بندر نورا ,,واهو حده مستانسه لانها بسرعه تطفر وعصبيه..
طيب قوليلي يا نورا ..انتي ماعندك فرشه ؟؟؟ و اش ذي الشوشه ؟؟
لولو تستغرب مافهمت..تقولها نورا ..يسألني ماعندج مشط في البيت..شالكشششه ..
تضحك لولو لأااااااااااا نورا هذا ستايلها كلا كشه وشعر اشقر طويل..و في الطريج..في اغاني بيست لاتينو على البيتش..تطلب لولو من حمني ..انهم يرقصون مع بعض ...
خافت نورا ..بدت تحس ان رفيجتها تتجاوب ويا عواطفها بسرعه..مع حمني ..هل هو هروب؟؟ هل هو اعجاب ؟؟و الا حمني اهو الانسان الي راح تنسى فيه طلاا ل؟؟ او يمكن اهو المسكين الي راحت تنتقم منه في الي سواه طلال....


يتبع الجزء الاخير و الثالث..

ضياع لولو ...الجزء الاول

لولو :الو اخت منيره ..شلونج شخبارج ..بغيت احط موعد لي مكياج عندج ..اي اوكيه ..انا عرووسه الموعد بعد شهرين بالضبط..
مشكوووووره اخت منيره باجر اي الصبح واحط عربون ..ابي تسويلي ميك اب حق التعارف و الخطبه و الملجه و العرس اي اربع مناسبات
مشكووووووووووووره اخت منيره ....
وهذي منيره خلطنا منها .. بقى الحين الشعر ..و المصوره اهم شي .. و الباجي على امي ..
ماما ماما ....ماما ..
ترا حجزت الصالون و حجزت كل شي ...
وبطلع الحين ويا نورا ..تبين شي ..؟
الام: لا سلاماتج بس مو تتأخرين
تركب لولوه سيارت رفيجتها نورا ,,ومندمجين في الاغاني و تتذكر لولو انها مادقت على خطيبها اليوم..
يرن التلفون يرن التلفون محد يرد
تتحلطم ..لولو مدري اشفيه ما يرد شكله نايم من امس ما كلمته ..
ترد لولو البيت بعد ماتخلص مشاويرها ..
الام تبجي في الصاله .. يمااااااا اشفيييييييييييييييييج !!!
لامافيني شي بس تعالي يا لولوه و اشوه انج موجوده يا نورا ..
شوفي يا لولو انا امج و احبج ومحد يحبج كثر اهلج
و الدنيا هذي كل شي فيها قسمه و نصيب
و من شوي دقت ام طلال تقول ماكو نصيب
سألتها شنو السبب ..قالتلي اهم متفاهمين ..!!
لولو تشهق من الخررعه
يما شتقولييييييين ...من صصصصصصصصصجج !! طلال ..انا مستحييييييييييييييل طلال يموت علي
طلااااااااااااااال !!
يما من صجج
تتصل لولو على طلال ما يقارب 10 مرات في الدقيقه الوحده ..
تبجي تصرخ يدخل اخوها في ايده جوازات السفر ..لولوووووووه هااج جوازاتج فكينا ذلفي سافري ماصار عرس!!
يتفاجأ في عيونها و ربكتها وموبايلها و الا تصيح
الاخو يصرررخ شالسالفه !!!
حاجووووني فيكم شي
الام ترد عليه لا ماكو شي !! دقت ام طلال تقول ماكو نصيب !!
الاخ في لحظه وحده ينصدم يحترق يسأل عن السبب و عن اشقاعده تسوي هالمينونه !!
لولوووووووو شتسوين
ادق على طلال !!
شنهوووووووووووو شديقين علين خليه يولي قالج ماكو نصيب !!!
من صصصصصجج انتي
يخمط منها الموبايل
شوفي ما تدقين لو شنو ..فهمتني
ترد تاخذ منه الموبايل ..و تقوله مالك شغل فيني هذا ريلي وانا حره خلك في نفسك بدال ما انت عارف تسوي شي زين فكني من صراخك مو ناقصتك انا
يدخل الابو ..تركض لوولو تضرخ و تبجي يبا طلاااااااااااال راح طلااااااااااال راح
الابو كان يدري في الموضوع ..لانه الام متصله عليه من قبل و مبلغته قبل لاتبلغ البنت
يمسح على راسها و يلمها
الله كريم و عسى ان تكرهواشيئا و اهو خيرا لكم ..
يمسك ايدها و يدخلها الدار و يحاول يهديها و اهي تبجي تبجي ...
تطلب منهم انها تروح دارها تهرب من عفسه البيت تدخل الدال تلاقي رفيجتها نوره تبجي ..
يلمون بعض ..
تواصل لولو الاتصال في طلال
تدز له مسح
بليز طلال انا ما ابي منك شي بس بغيت اعرف شغله وحده الحياه قسمه و نصيب و انا مالي قسمه وياك هذا شي مكتوب بس ابي اكلمك دقيقه ..و سؤال واحد لاني لو ماعرفته الحين بسأل روحي العمر كله
تحاول تدق مرا مرتين الثالثه يرد طلال..
لولو:طلال شالسالفه ؟؟ انا سويت شي انا قلت شي انا يقاطها طلال
انتي مالج شغل بس انا شفت انه احنا لو نفترق الحين وايد احسن خصوصا ان احنا في اول الطريج
و الحمدلله يت على جذي
انا ما اقدر اكمل وياج !!
تقوليه و اهي تبجي
ليش؟؟
يرد عليها حسيت ان احنا ما نصلح حق بعض
تدافع عن نفسها
و ما حسيت الا بعد خمس سنوات
ما حسيت الا لما قربت الملجه !!!
على العموم يا لولة الكلام ما راح يفيد احنا مو يهال و انا اتخذت قراري ووصلج عن طريق الوالده و انتي الله يوفقج
و تسووء حالت لولو يوم بعد يوم
يقترح الاب على الام انها تاخذ لولو في سفره بسيطه حق اي مكان تستانس فيه ..و طلب منها ان تستأذن اهل نورا عشان تاخذهم يميع
وفعلا و تتم السفره بعد سبوعين
و لولو حالتها حاله بس الي مهون عليها انها نوت اتغير جو و تبعد عن حجي الناس ..و تكون مع رفيجتها ..
شوفو يا بنات ترا انا بروح افتح شقتي وبنظفها و بسكن فيها ..وانا ماراح اروح وياكم الفندق ..وفعلا تسكن لولو ونورا في فندق و الام في الشقه ..عشان لولو تغير جو و تشوف الناس
...يدخلون الفندق الساعه 6 في توقيت القاهره
الغرفه مطله على النيل
تشرح الصدر تدخل لولو تاخذ شاور و طول الفتره تحن عليها نورا
نورا: يالله يا لولو خلصي ابي الحمااااام حرام عليج ماسكه نفسي من الصبح يالله بدخل ..
نطري الدنيا مو طايره و اذا بتموتين روحي نزلي حمام اللوبي تحت ..!!!!
تتحلطم نورا ..
تطلع لولو ..و اهي عافسه الحمام بالبخار و المياها ..
انا قررت ..تقول لولو..
يامعوده سوي الي تبينه بس خندش الحمام
..تصرخ لولو من ورا الباب على نورا
انا قررت
ماراح ابجي بعد اليوم
و اني بستانس و اني بغير جوووووووو
و راح تكون هالسفره نقله في حياتي
راح انطلق انطلق و انطلق
راح اسوي كل شي في حياتي ما سويته
و انا من اليووووووووم وحده ثانيه ..
تطلع نورا من الحمام ..
الحمدلله و الشكر صج دخول الحمام مش زي خروجه ..
و اشبتسوين بالله ..؟؟؟
راح افصل ..راح اعطي مخي اجازه وقلبي تقاعد و راح افجررررررر الدنيا..
الخطوه الاولى راح نسهر اليوم لي الصبح ..
ترد نورا يا معوده فيني النوم خليها باجر
اقووووووووووووولج راح نسهر يعني راح نسهر..
و راح اوريج شي ماشفتيه ....
الوووووو رووم سيرفس ...ابي واحد فودكا مستورد مع 3 كولا ...اي ازازه مش كبايه ؟؟
و تسحب لولو فوطه شعرها و تدورها في الهوااااااا
سأنلطق

فالنتاينكم رهش

قمت الصبح فتحت عيني
جم مسج من صاحباتي في الشغل و صاحبات امي .. عن الفالنتاين
ابتسمت .. فتحت الابجوره .. فتحت الاب توب .. قمت رحت الحمام عزكم ,,الله .. رجعت فتحت ايميلي لقيت ايميلات وايد من شركات بمناسبه الفالنتاين ..
حست امي اني قاعده ..
فطووووووووووووووووووووووومه حبيبتي خالتج تقول روحي تريقي عندها اليوم مزهبتلج الرهش الي تحبينه!
تعسرت
ما ابي رهش ابي ورد
..
قلت حق امي ماااااااامييييتا هابي فالنتاين داي ..
قالتلي استغفري ربج
روحي اكلي رهش!! بس روحي
ادخل خيمت خالتي وبما ان اليوم عرس بنت خالتي ..فصارلنا يومين ناكل بالخيمه و شبه عايشين بالخيمه لان البيت في حالت استنفاز
اصلبي شاي وحليب .. احطلي رهش و قرص عقيلي ..درابيل..
تتصل علي يدتي ..
الوووووووو منوووووووو من انتي !! يما لولوه انا فطومه
انتي متصله علي ..
اي يا روحي مدري من متصله عليه !!
عادي يما عادي امري بغيتي شي
لا والله يا بنيتي ما بغيت شي ..ماكو انتي وينج فيه ..؟؟
انا قاعده اتريق يما ...
لاااااااااا تعالي عندي قاعده بريحاتي ضايق خلقي .. ماعندي احد ما غير هالسستر مجابلتني ..تعالي عندي رهش الي تحبيييييييينه
تعالي اكلي رهش !!!
يمااااااااااااااا لولوه اليوم عيد الحب ما ياكلون رهش يشترون ورد !!!!
وووووووووي لا يصير خاطرج الا طيب تعالي اخذي فلوس يما و روحي اشتري ورد!!!!
حسييييييييييييييييييييييييييييييييييييييييييييت نفسي اهني ببجي
انشاء الله يما انشاء الله

فكل الي اقدر اقوله فالنتاينكم رهش
و فاقد الشي لا يعطيه
....

افلونزا المعاريس

يمكن سمعتوا في الاونه الاخيره عن افلونزا الطيور
لكن مدري اذا سمعتوا عن انفلونزا المعاريس

احداث هذه الفلونزا مبلشه معاي من مبطي يعني من زمان
ابتدائا من سنه اولى جامعه
....اذكر وقتها كنا صغار انا ورفيجتي طايرين من الفرح
اليوم هذا غير عن اي يوم اليوم يوم زواجها
و طبعا حماس الشباب الي فيني خلاني من صليت الفير و انا ادق على رفيجتي
الووووووو بشوووره اشلونج ؟؟ قاعده ؟؟
ترد علي بصوت يفظخ القلب ...انا نمت عشان اقعد
عسا ما شر اشفيييييييييييييييييج يا حافظ ؟؟
فلونزا!!!!
والله تتسلط هل الفلونزا..
طبعا نطرت الشمس تطلع شوي
و ارووووووح طايره بيت رفيجتي
ادخل من غير استأذان كالعاده
اروح دارها .. اقيس درجه حرارتها و الا ناااااااار
طبعا اهني تشتغل الدكتوره فاطمه ..
اخذها اغسلها اسويلها برتقال اعفس البيت اخليه يستنفر اطرش السواج اييب زنجبيل فرش
ادهنها بفكس
ابخرها في شاي ورق شاي
اسوي كل الي اعرفه
و اخر شي البسها دلاقات
و اخليها تنسدح
و اعطيها البرتقال مع الليمون
والبندول
...تنام رفيجتي
تقوم مخترعه .. حلمانه في عرسها
ابشرها ان تو الناس الحين الساعه 11 و نص الضحى
بس رفيجتي للحين تعبانه !! و عروووووس
اتصل في المنقذ ابره الخطييييييييييييب
اي الدكتور طاهر
يقزها ابره
....
مابقى بندول ما اعطيها
ما بقى عله ما اعطيها
و تخف شوي .. اتي الكوافيره و مالت الميك الاب
طبعا رفيجتي يومها كانت متعسره
حطت حرتها فيني و في امها و الخدم و ريلها
عفوا اقصد المعرس
كلشي يتسلط!!!

يتغير نظام العرس نظرا للظروف تضطر رفيجتي تدخل مع المعرس عشان نظمن ان في احد
ماسكها ...لانها يمكن يغمى عليها في اي وقت
فلاشات التصوير تعمي العين ...
احداث سريعه
المعازيم محد حاس
بس الكل يسأل عروووووس و مبوزه!!!
تطلع بشووره من العرس على الهادي على طوووول
تنام ليله هناك فلونزا جايده ....
مسكينه صديقتي ظلت طول عمرها و اهي تحلم في ليله عرسها
و ما استانست فيها..


صديقتي الثانيه ضحى
فطومه بقولج شي ممكن بس بيني و بينج..
اشفيييييييييج ؟؟
ما فيني شي لا تحاتين
بس انتي تدرين صاير فتره بين عرسي و ملجتي
و امي جهزت للعرس ..و استعدينا
اوكيه شنو المشكله ؟؟
المشكله اني اتنسى !!!!
وييييييييييييي حبيبتي الف مبرووووووووك حامل ..
اي والله فشله حامل و عروس ..
لا عادي تصير وايد ..ارقع لها اتعرفين فجر الي رفيجتها هنوف .. اي كانت حامل في عرسها و محد حس ..
الله يعين ..
المهم فطومه ابيكم انتو رفيجاتي كلكم تكونون موجودين في العرس مبجر عشان تشيلون العرس ..
اطمنها و اوعدها اني اول من بيكون في القاعه
و تحديدا يوم العرس ادخل الفندق
اركب الاسنسير .. اتلاقى ويا الفلبينيه ..
هاي وين مدام ضحى فووق اكو حرمه مال سوي شعر .. طبعا انا لازم كلامي و يا الخدم هندي هيروغليفي
ترد علي الخدامه
لا عندها الدكتور !!!!
يا حظي على رفيجاتي اشفيييييييييييييييكم !!
اختبص و اطلع لها الغرفه فووق
و الا قاعده تحط الميك اب اقولها اشفيج تقول خدامتكم .. عندج دكتور
ترد علي و تبجي
ذابحتني الفلونزا و النسااااااااااااااااااااااااااااااه و وايد شغلات ما اقدر اكلها و ادويه عشان حامل!!!!

تعور قلبي رفيجتي
بس الواحد ما يقدر يقول الا قدر الله و ما شاء فعل و لا اعتراض على حكمه الله
بس سبحان الله كل شي يتسلط
و اخيرا و ليس اخراااااااااااااااا
بنت خالتي
بعد يومين عرسها
ادخل عليها من شوي .. الاقاها مريضه فلونزا جايده
و محد حوالينها لان الخدم مستنفرين و خالتي مستنفره
احتاج اغراض من غرفتها
ادخل الدار ..ظلمه افتح الليت الاقي وحده غرقااااااانه من العرق و ترجف و توون ون
اخترع ..الحقها بسرعه اييب لها ماي كلينكس .. امسح ويها .. اسألها اشفيج عسى ما شر ..
ترد علي
فلونزااااااااا!!!
مسكينه بنت خالتي
تبجي من التكسر و الالم و ان نص شغلها ما خلص و انها تعبانه مو قادره ترفع راسها و درجه حرارتها مدري جم بس وايد حاره
ارجع امارس طقوووووسي
فكس بندول زنجبيل
ابخرها في بابونج و فكس و ماي حار
اخليها تاخذ شاور عشان ينزل حرارتها بعدين اغطيها و البسها دلاقات
بسسسسسسسسسسسسس هذا كله مو مهم ..
المهم انها تقوم بالسلامه
نفسيتها جدا تعبانه ..
يتصل عليها ريلها .. يقولها انه اجل السفره جم يوم لانه حدا تعبااان و فلونزا و ضغطه مرتفع مع الادويه و ما يصير يركب الطياره

الله يشافيهم
مساااكين ..
قلبي معورني
بس هذي ما تسمى ظاهره افلونزا المعاريس ..

يوميات شاب كويتي

اعرفكم بنفسي
انا عبدالله ..عمري 32 سنه
مهندس اشتغل في شركه البترول .. قسم التسويق
شاب كويتي طموح متخرج من امريكا
و قاعد اكمل دراسات عليا في اداره الاعمال
يومي يبدي الساعه 6 الصبح ..اذا وراي شاور و تبدل و يبدي يومي الساعه 5 و نص اذا وراي حلاق
اقوم من الصبح في هالشتا و اكلم وسادتي الخاليه و اتمقط شوي
اشوف موبايلي الاقي مسج من صديقه قديمه لي
تقولي صباح الورد عبيد
اشلونك و شخبارك
انشاء الله مرتاح حبيت اسلم عليك و اسأل عنك
احط موبايلي على كتر
و اقوم واشرب ماي
اخذ باكيتي ولاعتي
ادخل الحمام
اخذ شاور
ابدل و اخلص
انزل الصاله اتصفح الجريده على عجل و اخذ كوبي و اروح احرر سيارتي
بصوت عالي .. كومار ..راجو .. يالقواد وييييينك موقايلك غسل سيارتي من الصبح انت شتسوي !!! ماعندك الا سيارتي انا من الصبح
يقطع الزف رنه التلفون
الووو .. فرح لحظه شوي اكمل زف ..
.. من بعيد صوت من الموبايل
بسم الله يا الله صباح خير عبيد اشفيك حاط دوبك دوب الصبي
.. اخووووووو اللذينه هالقواد عيزت افهمه اقوله عن السياره و اهو نايم
من الطرف الثاني ..
ويييييييييييي اذكر ربك خيولي ماعليك منه
..اوكيه انتي وينج الحين؟؟
بالطريج رايحه الشغل
قطيتي اعيالج الحضانه ؟؟
لا خليت ابوهم يوصلهم
اهااا اوكيه
.....
ادخل الباركينج
اركب الاسنسير
اروح مكتبي
افتح الكمبوتر
اجيك شغلي
ايميلي
اشرب قهوتي
اتناجر ويا اللبنانيه الي في مكتب المدير
الساعه 10 اتمرني زميلتي
نفس القصه كل يوم اهي و ريلها
الساعه 11 بخور
الساعه 12 صلاه
يالله اقزرت يا عبيد كلها جم ساعه و ترد البيت
يرن التلفون
هلا فرووح
اي والله حدي بيزي اكلمج بعدين
اخرطي لا بزي و لا شي بس مالي خلقها
يرن التلفون الداخلي
ولين ميتينج هالحزه
ياكره هالمدير ما يتسلط الا بعد الساعه 2 لما ما يبقى شي على الدوام
اطلع من الدوام الساعه 4 الا شوي
اروح الجمعيه اشتري جريده الحياه .. و اشتري باربيكان ..زقاير ..
كيت كات ..
التفت يمين و الا حمود العور يدز عربانه و معاه ياهل و مرا
اجيك على مرته ؟؟!!
و الله مو هين
حمود العور صار عنده مرا و اعيال
و انا طايح حظي للحين مو لاقي!
اتجه صوب المحاسب يفز قلبي على وحده
ياحليلها جنها حليوه !
اتهقى يا عبيد ايي منها؟؟
يالله اشورانا
جود تظبط
اوقف وراها اطل في سلتها
شغل كلا لوفات
اقول بقلبي يحليلها لا خوش صحيه
شنو هذا الي ماخذته
شامبو ...للشعر التالف المصبوغ المجعد ؟؟
بل انحااااااااش عنها ناقص اهوله انااااا!!!
الف ويهي الصوب الثاني
طاف من امه
اركب سيارتي
نفسي خايسه
ادخل كراجنا
اصوت على الخدامه
اتي تركض اتحط غداي
اتغدا اصعد فوق اتسدح على امل انام شوي
اقلب موبالي
مممممممم فروح ريلها عندها
حصو مليقه
يبيييييييييييييييله دلول اتعيير علي بصوتها شوي
ادق عليها
قوه يا كيكه ..
شخبارج اشلونج
مادقيتي علي..
ولهان عليج
اشقاعده اتسوين ؟؟
يالله نوميني ..
.......

اقوم من نومي
اروح الصاله
اتحرش في الوالده شوي
يمااا..يماااااااااااااااا
مريوووووومه الحلوه
هذي مريومه اميمتي
يازينها
اشعندك عبيد اشتبي !!
يمااااااااااااا لقيتيلي مراااااااا؟؟
انا لقيت لك مرا ؟؟
انت تبي مرا
انت بس تبي تتمنظر على بنات الناس
مفشلني ما بقى بيت ما دشيته
عشانك و كلا مو عاجبك
و تشتغل اسطوانت امي كل يوم
الي كبرك اعيالهم طولهم
و .......الخ
ادق على قتووب
ها وييينك
يالله مرني انروح القهوه
لا اليوم ماعندي كلاس
تعال مرني
اي نادي يا معوووووود مافيني حيل متكسر
باجر انروح نمشي صوب الاكويريم
بس اليوم مرني
انروح القهوه بعدين الدوانيه
..شنو لا مو خطط حق الويك اند
وين ؟؟
الهلتون ؟؟ حفله كابلز ؟
امريكان
لا يا معود مالي خلق هالمجعره
تكفى فكني والله مالي خلق
قتووووووووب هالويك اند تعال عندي الشاليه نقعد ويا الاهل و الجو حلو و لي صار بالليل
لفيت لك خوش زقاره من الي يحبها قلبك
هههههههههه لا باكستاني
بس انت تعال الحين مرني
يالله نص ساعه و اطلع لك برا
ارجع الصاله
هااااااااااااا يما لقيتيلي مرااااااااااا؟؟؟؟
اروح القهوه
اشيش لي راس سلوم
اروح الدوانيه
عاد انا اعجبكم في الدوانيه
لتحجيت الكل يسمعلي
...اطلع من الدوانيه
و انا ويا قتوب في السياره
و بالشاره تحديدا ..
قتوب بسرعه التفت يمين صوبي بس شوي شوي لاحد يحس فيك شوف منو يمنا
..
اي اهي
هذا ريلها الي طارت عليه
هذا ريلها الي سويتلي سالفه عليه
تدري عاد
لا حلو ولا شهاده و لا عمات عين
بس بناتنا بيموتون على الريل
يا تزوجني الحين !! و الا انت ولد ستين نذل
و بسوي فيك و يا الخاين يالي فيك ياللي مافيك
..
اتهقى مستانسه ؟؟
كيفها الله يهنيها
بس ماله داعي الحجي و التشهر الي طلعته علي

اقولك يا قتوب الكل تزوج الا انا و انت
مع ان موناقصنا شي
بس الحظ لاقعد
ادخل البيت
الهدوء القاتل
ادش داري
افتح الاب توب
ادش المسنجر
ماكو احد بهالليل
ادش البالتوك
مالي خلق هالهيلق
اسكره و احط راسي و انام
.. و ارد مرا ثانيه
نفس القصه
...
لاتسألوني عن الحب
و لا الزواج
و عن اي شي ثاني
كل شي في الكويت ..مقلوب
ماكو الا اتنازل عن وايد شروط
بس الشكل شي مهم في حياتي
.. و اسلوبها
ابيها قويه
و حنونه
ابيها تستحي
ابيها ملتزمه خو بناتنا الله خير حافظ لاحسه عقولهم لبنان
ماخلوهم لا حيا و لا حشيمه
..
وابيها متعلمه
...ويروح عبيد في سبات عميق

FLORIST

بما اني فلورست
فحبيت اتكرم و اوزع عليكم .. هالورد قبل الفالنتاين .. لان الفالنتاين بدعه ! فبحتفل فيكم قبل

الورده الاولى :
سبحان الله .. في حديث عن الرسلول صلى الله عليه و سلم يقول بمعناه لو ان ابن ادم خير في القدر لاختار الي اهو فيه ..
قبل لما اتذكر هالحديث الشريف اقول اشلون؟؟
لكن بعد الي شفته امس حمدت ربي
اتصلت علي رفيجتي تشتكي من شغلها و انها مو قادره توفق بين مسؤليه البيت و الاعيال و الريال المريض ..
واسيتها في كلمتين و اقترحت عليها و سكرت التلفون و قبل لا اسكره قلت لها حمدي الله و كل شي من ربي انشوفه نحمده عليه

ولما صار العصر رحت زرت صديقتي الارمله .. وحالتها تقطع القلب من سنه متزوجه و اهي ارمله الحين وعمرها 29 سنه
قلت لها عليج في قيام الليل انتي مبتليه الحين و ربي يبي يشوف منج الرضاء على القدر

طلعت منها على طول رحت الاميري ولد رفيجتي عمره 40 يوم في المستشفى يلعبون فيه لعب
وايد عورني قلبي عليه و على رفيجتي المتحطمه
رجعت البيت حمدت ربي ان لا انا المتزوجه و لا انا الارمله و لا انا الي ضناي في المستشفى
ربي لك الف حمد و شكر يا رب

الورده الثانيه ..
اليوم الجو عجيب خيال اطلع من البت اتفاجأ في الجو الفظيه تبارك الرحمن
اركب سيارت اخوي لانه ماخذ سيارتي
اول ما اشغل السياره على هالمطر و الجو
اشتغل السي دي الاول
تتوقعون شنو الاغنيه ؟؟
راشد الماجد ..يسألوني ليه احبك حب ما حبه بشر ..
وااااااااااااااااااي الجو هذا ذكرني في لندن و الاغنيه هذي بالذااات
طول الطريج من البيت
تذكرتك وذكرت ايمنا و صيفنا في لندن
يمر علي شريط ايامنا الحلوه اشلون انت وة ربعك في الهايد بارك من تشوفنتي انا ورفيجاتي يفز قلبك
غرفتك الي يمنا
صعدتنا و نزلتنا في الانسنسير ويا بعض
براءه نظراتنا و دقات قلبنا
هل يعقل انت وياي في مكان واحد و لا كنا انتجرأ نقول كلمه وحده
الشفره الي بينا تعطيني رنه على غرفتي
يعني بتنزل اخلص بسرعه بسرعه الاقيك تنطرني في الممر و اركب وياك ..
اتذكر بالضبط
انك وراي وراي في كل مكان
و رفيجاتي ميتين غيره
و اتذكر يوم رحت ويا ربعك بلاك بول و زعلت عليك
ايااااااام
و لما رجعنا الكويت ويانا في الطياره
و شلت اغراضي و حيطتهم في الرف فوق
و رفيجاتي يطالعوني
تذكر يوم شريتلك شريط راشد الماجد هديه اول سياره شريتها و كان عمرك 16 سنه و عندك رانجلر
هههههههههههه و توقف عند باب الثانويه تنطرني و توصلني للبيت
و لما دقيت عليك عصبت على شريط راشد لانك ما تواطنه
..
واي قبل لما كنت احبك كنت احس اني ملكت الدنيا .. و اليوم لما اشوف اعيالك كل يوم توصلهم الحضانه الي يم بيتنا ودي صج احضنهم
يشوقوني
الله يخليك لهم و يخليهم لك
بس هالورده هذي لك
مني هديه و انا اسفه لان عمري ما عطيتك ورده هديه

الورده الثالثه
اخر مره قلت فيها كلمه احبك سنه 2001

الورده الرابعه

ادخل بيت يدتي يوم الاربعاء
من ادخل و يشوفوني اليهال يركضون يسلمووووون
اول سؤال اسأله اي بنت من تدخل الابتدائي و قبل لا احبها و اسلم عليها
اقولها يتلج الدوره ؟؟؟!!!
يستحون و يقولون لألأ
يوم الاربعا هذا غير
دخلت نونو قاعده ما قامت اتسلم علي
ناديتها نونو!!! ليش ما تبوسيني تعالي سلمي
اول ما قربت يمي
سألتها يتلج العاده !!!؟؟
استحت و قالتلي اي:\
قمت انا و شلت البيت يباااااااااااب و اغاني و ضحك و اهي مستحيه قالتلي اشدراج !!
قلت لها مكتوب عليج بس ما يابن قامت انحاشت و انخشت في دارها
ورحت لها غرفتها و انا ماسكه الطار و اغني و ايبب
و فضحتها في الفريج كله
هذي الطقوس امارسها مع كل بنت
و تعويضا عن نقص الحنان الي فاقدته نونو اليتيمه
اقووووووووم ابوس فيها بوووووس على بطنها و اروح الحماام و ابوس اغراضها
واهي تصرخ الله يخليج لا تفشليني بليز
و لا انزلت يوم الاربعاء اعتقادا منها ان الكل درا مسكينه نونو
قلت لها راح اسوي حفله كبيره
و اعزم فيها كل العايله
و اقولهم نونو ابلغت
وخوفا عليها من الانهيار قلت لها لألألألألأ بس خلاص اقص عليج
راح اسوي لج حفله نجاح
و خذيتها يوم اليمعه و غديتها برا و دخلتها السينما و شريت لها هديه

الورده الاخيره

نادتني السكرتيره المصريه و موتتني من الضحك
قالتلي يا بطه
هو بالحق انتي ما اتجوزتيش ليه ؟؟
قلت لها ماكو رياييل !!
قالتلي كل دووووووووووووووول و ما فيش
قلت لها باختصار يا عفت
انا كويتيه لكن %99
من الكويتين ما يصير اتزوجهم
استغربت
قالت ليش ؟؟
قلت لها والله مدري انولدت و لقيت اني محاصره في عادات و تقاليد
و الادهى و الامر على الرغم من تفتحي الي اني منغلقه في هالموضوع بالذات و جدا متخلفه
كانت ماسكه وورقه و قلم قالتلي ازاي كدا !!!
دريت عليها و قلت
الكويتين ينقسمون من فرعين
ناس اصولهم من السعوديه و ناس من بلد فارس
و الاغلبيه من الكويتين من بلد فارس
و عاداتنا المتخلفه لازم الزواج من شخص اصله من نجد
سألتني من السعوديه يعني
قلت لها لألألألألألأ مو كل الي اصلهم من السعوديه يصير
حتى الي من السعوديه اخذي منهم فقط %1
يعني يا عفت لو تقدملي بدوي ممنوع
و لو تقدملي من اصل سعودي لكن مو اصيل ممنوع
و لو تقدملي اصيل بدوي ممنوع
و كل شي ممنوع يا عفت شفتي عاداتنا
لازم نجدي اصيل و على فكره يا عفت لو نجدي و اصيل و ما عندوش شهاده ممنوع
و لو مش ساكن في المناطق الداخليه ممنوع
و لو لو لو لو ممنوع
يعني انشاء الله يا عفت حتفرج بعد ستين سنه
ردت عليها مبققه عيونها
طيب خودي ابن عمك
قلت لها ممنوع ما اتزوج لا ولد عم و لا ولد خال
اشفيج امراض وراثيه !!!!
ياختي عليك أطعتي البي يا اختي و اانا بأووول البنت دي مالها ما اتجوزتش ليه
دانتي عايزلك صلاه في سيدنا الحسين !!

وشكرا لكم ارجو ان الورد يازلكم

الي مو عاجبه يكلف حاله و يشتريلي ورد
ترا الورده بدينار

tagged by Bosale7

7 things to do before I die:

1 يكون عندي اعيال امي و ابوي يشوفونهم
2- اخلص مشروعي و انجح فيه
3- اكون مستشاره دستوريه
4- اخلص الماستر اول
5- اشتري بيت احلامي
6- امتلك شقه في مونترو
7- اكون مستعده لمقابله ربي ..


7 things I cannot do:


1- ريجيم
2- ابطل افكر في السكس و اشلون اني مسويه نفسي مجاهده زماني لاني ماسكه عمري
3-ابطل حش
4- ابطل ادمان الكاكاو
5-ابطل الحساسيه الزايده الي تخليني اخسر الناس لمجرد تفكير خاطئ مني
6- ما اكون طموحه و قويه بزياده
7-ابطل احاتي اخواني بطريقه جنونيه

7 things I say

1- خرطي ميمع
2-مالج امل
3- حلفيييييييييييي
4- قمييييييظه
5-............
6-وااي حدي اموت عليه
7-ماعندي فلوس

7 books I have loved:

1-السجينه
2-جروح الذاكره
3-قصه حب مجوسيه
4-بنات الرياض
5-ديوان عبدالرحمن العشماوي
6-مدن الملح
7- ارنستو تشي جيفارا

7 films I have loved:

1-love story ((وكانت بدايتي مع الصياعه و متابعه البوس في الافلام ))
2-birth
3-alot like love
4-message in abottle
5-notting hill
6-disclosure
7-the notebook

7 things that attract me:

1- cute man in boxer
2-babys
3-travel
4-my bed
5-guy skip me
6-shoes
7-foods

7 people I want to tag:
1- me
2- my self
3- lawyer
4- fa6oma
5-walla a7ad
6- adre lawa3t chabdkom
7- bs akeeed raye7tkom :)

Thnks wayd bo sale7
bs ya rab ma akon khayabt thanik
o kafiat o waffit

عيبي عيبي

و انا في قمه متعتي ... العب في الجمر احرك الفحم .. اصبلي بياله شاي
و اجابل التلفزيون فيلم فاعل خير .. على قناه روتانا ..
تتصل امي علي تقولي وينج؟؟
اقولها في شقتي .. تقولي ابوج وينه .. اقولها مدري بس اظن تحت..
اكمل استكانتي ..
و فجأه اتذكر ان الحين الساعه 6 ونص ولازم اترس سيارتي بنزين .. باجر وراي دوام
و من الصبح في هالبرد مستحيل اروح المحطه
احط شالي على راسي
اركض اخذ سويجي ..
اركب سيارتي و احط اغنيه محمد عبده
اشوفك كل يوم و اروح و اقول نظره ترد الروح اعيش فيها عشان بكره عشان ليلي الي كلو جروح
توصيني على الكتمان و تبغى حبنا ما يبان و تنساااااااااااااااااااااااااااااااااااااني..
و انا مندمجه اطلع من محطه قرطبه و اتجه الي ماكدونالدز السره ..
يرن تلفوني ...
رقم بيت !
اشيله ..
الووووووووووو منو ؟؟
رفيجتي هاي فطومه شلونج شخبارج وينج شمسويه
20 سؤال مره وحده و لا تعطيني فرصه اجاوب!!
انا تمام بخير في ماكدونالدز
تدرين انا اسوي رجيم فما اكل الا جنك فود!!
ترد علي
حلفي .؟؟؟؟ يم بيتي عيل
بليييييييييييييييييييييييييييييييييز فطومه تعاليلي يا كرهج من زمان ماشفتج حدي ولهانه عليج
اتطمن و اسألها؟؟ عسى ما عندج احد ترا انا لابسه تريننينج و مخلقنه حدي
و لابسه 30 لون في بعض و مالهم علاقه في بعض
تضحك علي .. وتقولي لا ماكو الا انا وبناتي ..
اصير رفيجه سنعه و اخذ حق بناتها كيدز ميل و اطق باب شقتها و تفتحلي
!!!!!!!!!!
رفيجتي ضاعفه النص !
اقولها وااااااااااااااااااااااااااااااااااااي ضحى كلكم تضعفون الا انا اربي شحوومي حق الدووود الي قبري باجر
و اقعد وتستقبلني صديقتي في حراره ..اهي و بناتها من زمان ما حسيت في صدق المشاعر و الفرحه على عيون الناس مثل ما شفته في رفيجتي يوم شافتني
بيتها مرتب بناتها نكته ..
الي تغنيلي اغاني نانسي و الي تغنيني اغاني ستار اكاديمي ..
و انا اترقص وياهم

تاخذ مني البنت الريموت و تقولي
انتيييييييييي انتي
تبين اغير المحطه لان روتانا ملاقه الحين خليني احط ميلودي .. فظيعه ..
قلت لها كيفج
البنت تلعب في الريموت
و تقولي شوفي الشانيل الي وراااااااه فيهم افلام عيبي عيبي !!!!
انصدم مو مستوعبه التفت على رفيجتي و الاقيها انقلب ويهاا !!
لاااااااااااااااااااااااااااا قصدها على الافلام الهنديه
تنط البنت
لا يماااا قصدي عن افلام العيبي العيبي الي وريتج اياهم !!
التفت على رفيجتي انطر منها اجابه
ترقع رفيجتي الموقف و تقولي
اي الله يهداه ريلي القنوات الي خبرج حاطهم وراه بس اهي ما يطوف عليها شي!!!
و اشتط انا و اتليقف كل العاده
نعمممممممممممممممممممممممممممم و انتي شكو حاطه قنوات جذي جدام اعيالج ليش ما تشيلينهم
قالت انا ما اعرف
اصلا اسااااااسا حرام ليش تشوفين شغلات جذي
ترد علي
لا هذا القمر يفتر ويطلع هالقنوات !!
اقولها شنو يعني
انا خبري هالقنوات لازم كرت و شفرات و عفسه !!؟؟
تقولي بكل برود
والله ما ادري عن ريلي اشدراني عنه
استغرب اكثر
وبناتج يشوفوووووووووووووووووووووووووووووون !!!!!!!!!!!!
وانتي راضيه اكو جذي في بيتج
و هذوووووووووووووووووووووولا اشذمبهم باجر البنت تسوي في اختها هذولا ييهال يقلدون
و لو يدخل عليج احد من اخوانج و بناتج في كل براءه بيقولون انكل انكل شووووووووووووووف
ما تخافين من ربج !!؟؟
حرااااااااااااااااااام والله حرام
انتي ما تبين سكري التلفزيون
حطي باسورد حطي مصيبه سوي اي شي
بس بناتج شنو ذمبهم
وين التربيه
و خدامتج اشدراج من وراج لما تطلعين شنو اتسوي
.. حسيت نفسي اني ملقوفه و انفعلت على غير مغني لان هذولا بناتها و هذا بيتها ماله داعي اقول جذي
ترد علي في كل برود
انا ما اخلي اعيالي في البيت بروحهم !
اقعد شوي بعد ما تعكر الجو اسوي نفسي اني مرتبطه في شراء اغراض للدوام باجر و يالله يمديني ..
اروح و انا مصفووقه
اركب سيارتي و انا منبهره!!
ارجع البيت
لا املك الا اني اقولكم
الله يحفظكم و يحفظ بناتكم و اعيالكم

لو يتصل رقم ..
00000000
تشيله ...
ويقولك واحد انك ربحت 10 مليون ..!
شنو راح اتسوي ؟؟؟
و شنو راح تسوي في الفلوس؟؟

I have been tagged by cozy ((alah yesam7a))

about my perfect lovers ;)
o 8 point ely la azeed walla anages fehom !??

طبعا بيكون الجنس : ذكر ..و الا انتو عندكم راي ثاني !!

المواصفات :
بليز و ملاحظه هذي المواصفات خاصه فقط فيني فلوسمحتوا لا تطنزون علي ..لان البرفكت عندي مو رومانسي كلش و انا
ماني رومانسيه بالمره ..

1- يخاف ربه ... يعني اخلاقه جدا عاليه .. و يخاف ربه مو شرط دين لان الدين عندي خلق و ليس قال الله و قال رسوله
و اهو ما يمت للدين في خلقه.
2- عنده هدف دنيوي و اخرو في الحياه عارف شنو يبي .. من الدنيا
3- منظم ..و مخطط لحياته و يكون واقعي في متطلباته
4-طموح واثق من نفسه ذكي يفهمني من عيوني من غير ما اتكلم ..
5- محبوب و الكل يشكر فيه ..
6-و مو عصبي حنون و طيب
7- مخلص لي
8- يراعيني و يداري عيوبي و يحتويني

وااااااااااااااااااااااااااااااااااااااااااي مهمه جدا صعبه
بس اعتقد كتبت وايد طلبات و مواصفات
لكن تبون الصج عندي بعد شغلات و كل يوم اسمعها حق امي ..تقولي هذا بتلاقينه في الجنه انشاء الله هههههههههه
..
ماراح ازعج احد و اختار لا اشوف المهمه كان يبيلها تفكير .

she is smile .... is she happy????

نحلم في البرد طول السنه و من اينا البرد نمرض ننقمت يضيق خلقنا انتكسر ليش مدري !!
بعد هوشه كبيره جدا من زمان ما صرخت من قمه راسي كثر ما صرخت من شوي اتقوقع في داري التلفزيون يمي حاطه فيلم مونليزا سمايلو اقرا كتاب لوعه غياب لعبدالرحمن منيف و مع صراخ و اللام عبدالحليم في اغنيه موعووووووووووووود
في العذاب يا قلبي
و لا بتهدى و لا بترتاح في يوم يا ألبي
و عمرك ما شفت معايا فرح
كل مره نرجع المشوار بجرح
و فاتحه المسنجر عل و عسى يدخل احد اسولف وياه اللسته عندي 6 اون لاين بس بلوك !!2 من دوامي مالي خلق اسولف عن دوامي 3 من اعيال خالي اليهالو مالي خلق اسألهم شنو سوو في امتحان اليوموواحد مالي خلق ملاقته ....
اعتقد زحمه الاعصاب و الافكار مخليتني مو مركزه في شي اشلون مندمجه مع روايه و فيلم و عين على المسنجر !!انفتح عيونا على الدنيا .. و اهلنا يذمنون لنا شغلات نكبر و نكبر ييأسون اهلنا و يطالبونا في هالشغلات !!
monilaza smile she is smile .... is she happy????

انفجر على امي صراخ من قمه راسي
راح اتزوج واحد يعرفني و احد مقتنع فيني واحد يبيني عشاااني انا عشان ذاتي واحد مقتنع في كل عيوبي و يبيني ماراح اتزوج واحد يايني خايف حاط ايده على قلبه ساحبته امه مو عارف شنوي يبي مستحيل يوم من الايام راح اقبل اني اطلع حق شخص يعايني مثل البضاعه او الخدامه في المكتب ماني فترينه و لا اني امرأه يائسه حاطه ايدها على قلبها هل الريااااال زين او شين.......بعد صراخ صراخ صراخ صراخ و رقعه بااباسمع ابوي يقول بنتي انثى في الشكل رجل من الداخل قويه وايد بس انا خايف عليها من قوتها

اليهال الضحيه ؟؟ او احنا ضحيه تفاهاتنا ؟؟؟

يوم اليمعه تحدادا ... و انا قاعده امارس طقوسي ما قبل النوم
يمي دلاقاتي و قاعده ادهن رويلاتي في فازلين ..و البيت صخه ...يكسر الهدوء رنه موبايلي المزعجه اشوف الرقم ... اخترع اشيله بسرعه هلا حمد اشلونك عسى ما شر??
الشرررررررر ياني من يوم ما عرفتج !!
اشفيك عسى ما شر ؟؟قوولي حق رفيجتج هالسنعه ترد على التلفون و لا تتحداني ترا والله يا فطييييم ما يردني عنها غير ورقتها و قوليلها ترا طفح الكيل و اذا طلقتها هالمرا ترا بعد مافيها السالفه رده!! لا تنسين هذي الطلقه الثالثه !!انزين تعوذ من بليس و قولي شنو السالفه شي الي مخليك اتعصب الحين قصدج شنو الي مو مخليني اعصب .. اتليقف للمره العاشره و اقاطعه و اقوله تعوذ من ابليس اوليرد علي اعوذ بالله منج يا نوره..انا اليومين كلا وياها نجره على اسباب تافهه اهي متهاوشه ويا امي و حريم اخواني انا مالي شغل فيها اهي اذا تهاوشت ويا امي تبيني احارب اميلا والله ماني محاربها هذي امي و اهي راسها و الف سيف تسوي نفسها قصب ان احنا اسره مثاليهو انا كل يوم اقول ميخالف هذولا حريم عقلهم صغيرو اطوف لها بس لي متى ! ..طلعت من دوامي يوم الخميس خذيت جنطتي و رحت الشاليه اهي تدري ..دقيت عليها قلت لها ترا انا بالشاليه ويا الاهل ليش ما اتييبين الاولاد و اتيون قالت ما ابي الا اذا امك تدق و تراضيني او حريم اخوانك ما يكونون موجودين في الشاليه والله امي ماراح تدق و لاراح اخليها تدق لو على قص رقبتي
و على المغرب .. طرشت لها مسج نكته في ضفدعه قالت حق رفيجتها لا تروحين صوب النهر امس رحت وواحد اغتصبي و اليوم رحت و هم اغتصبني و باجر بروح عشان يغتصبني ...قلت له اوكيه ..قالي بعدها طرشتلي مسج قالتلي وين مكان النهر خنرووح .. قلت لها كفوج ضفدع قالتلي .. على الاقل ضفدع و العوض و الا القطيعه و ياما ضفدع احسن من من مليون ريال .. و اقلبت السالفه صج !!اشدعوه هذي غشمره ..طلعت الي في قلبها كله كل هذا حقد علي !!
شنو يعني تدز لي مسج تقولي اي انت فعلا مو ريال لو تحس على دمك مو تخليني في الويك اند و تروح الشاليه .. طوفتها قلت يمكن محتره انا لما اسكت مو عشان ضعيف بس عشان استحمل تقوووووم اتطينها وتقولي على فكره عبالك انا ضايق خلقي انك في الشاليه بالعكس انا مستانسه و متعدوه عليك انا اصلا عندي البديل و لا تلومني لانك انت الي مهملني و لا محسسني في انوثتي و انا وحده متزوجه كل الرياييل يبوني في الدوام و اكبرها و اسمنها وياي كل واحد عنده شقه في المنار و هالعمارات السنعه ...الخ
يقوول اهني افترت الدنيا فيني انا ماهمني كلامها و لا اثر فيني بس تعالي قوليلي اشدراها ان الي وياها الشباب عندهم شقق !؟؟؟؟و اشلون واحد يتجرأ و يقول حق زميلته ان عنده شقه الا اذا اهي معطيته ويههانا مااااااا همني كلامها انا مصدووم في شخصيه زوجتي ....انا مصدووم من كلامها ....
ما رديت عليها ..رحت البيت لقيتها ذالفه بيت اهلها ماخذخ اليهال دقيت اتفاهم وياها ماتبي ....شوفي قوليلها ترد البيت
لاني اولا انا ما طردتها ثاني شي قوليلها انا لازم ترد البيت عشان انتفاهم ...ومو كل شوي ماخذه عيالي عبالها تلوي ذراعي
....احاول اهدي الوضع ...
اقوم ادق على رفيجتي ...انا: قوه نوره شلونج شخبارج
نوره : تمام بخير ؟؟ اشفي صوتج اشفيج
انا: نوره انتي وينج
نوره: انا في بيت اهلي انا: ليش عسى ما شر نوره: عشان حمد في الشاليه انا: بس حمد قاعد يدور عليج و انتي ماتردين يبيج ضروري نوره :مو بكيفه ارد عليه
انا : نوره بليز رد عليه انا مالي شغل فيكم اذيتوني وياكم ترا انتو متزوجين و عندكم اعيال المفروض ما تدخلوني في كل صغيره و كبيره حرام عليكم تلعبون في هاليهال انتو مو مثل اول وحده و رفيجها هذا ريلج !في فرق لما تعاملين الريل و فرق تعاملين الرفيج اهو ما قالي كل شي بس قالي يبيج تردين عليه .
.و انا اقول بقلبي اي ما قالي شي الا خر الاولي و التالي و قعدت اطلع العيوب فيها ساعتيييييييين .... عشان تحس شوي قمت قلت لها شوفي ريلج ينطرج الحين دقي علييييييه انا ما راح ادق عليه و قوليله بعيدن لا يدقدق علي يلبح على قلبي ..و انتي عقلي شوي ترا اذا طلقج هالمره .. مافي رده ..اوكيييييييه...سكرت التلفون و قلبي معورني
على اليهال على رفيجتي ام السان على ريلها الي مدري اشلون صاير ..على وايد شغلات .. تحر و اهم شي ابي اعرفه ..ليش الحريم يستخدمون اعيالهم وسيله ضغط و اذلال للزوج ؟؟؟؟ليش المرأه و الرجل ما يفرقون بين العلاقه ما قبل الزواج و بعده ..ادري دوختكم بس لو بتسألوني شنو سبب المشكله????
نكته الضفدعه .. الي اججت مشاعر رفيجتي و خلت رفيجتي تغار منها .....

احلى نكته

يقال ان غدا صباحا سوف يتواجد الرئيس المصري حسني مبارك
ليطالب بولايه العهد حيث ان الدستور اعطى الحكم لذريه مبارك

ليل التجافي

آه ... من ليل التجافي ... ماطوله ليلة العاشق ... ثوانيها ليال
من يقول الشمس باكر مقبله كل شمسٍ مالها ... وجهك ظلال
بسالك باللي خذى منك الوله وحطه اف صدري ... واعطاك الجمال
حاكني ... لجل الليالي ...الآوله آه انا بموت من ذل ... السؤال
هو صحيح انك حبيبي اللي دله واستوى ... عندك فراقي ... والوصال
كل جرحٍ غير ... جرحك بقبله وكل ظلم ٍ ...غير ظلمك لي ... عدال

شخابيط زمن

في زمن الهلوسه
ووسط زحمه الوقت و الفراغ القاتل
ضيقه خلق !
قمته !!
برد يكسر !!
ملل ... ماكو شغل
زحمه افكار ..
ابي احاول احس اني عايشه ..افتح باب الدار الي يمي ..
واحد قاعد يرتبك من ادخل يسوي نفسه يدرس
اسوي نفسي جني ما فهمت
و اقوله الله يوفقك ! و اسكر الباب
اروح الصاله الي تحت ...
مجابل قناه الجزيره و الحره و العربيه ..بنسبه 10 ساعات في اليوم
.... احوس في المطبخ ..
اصعد فوق ..
الصاله ظلمه التلفزيون على القناه الفرنسيه و متأكده محد فاهم شي .. بس يسمعون صوت اجانب
.... لا السالفه فعلا ملل
ايني مسج يقتل الهدوء
فطييييييييم ترا بعد شهرين بالضبط عيد ميلادج
ادري ماله داعي اتذكرنيي!!!

اتذكر جم بيصير عمري
27 !!
شنو سويت حق نفسي و لا شي
اكتشفت نفسي اني من الناس الي يخططون و لا ينفذون نص الي يخططون له
راح اظل طول عمري في مكاني اذا ما تحركت لانه محد راح يحركني
و لا احد راح ينطرني
فكرت لو استمريت على هالملل والروتين لمده سنه جدام راح انقرض او اموت من اليأس

لازم اخطط صح
لازم احطي مخطط واقعي اقدر احقق نصه احسن من احلام خياليه لاني قادره اوصل لها
و حاطتها في برواز كل يوم اقوم الصبح اجيك عليها و اقول العمر جدامي
بس شنو هدفي الحين
لازم احدد
ينقطع حبل افكاري
ملل
ضيقه خلق
بس هم لازم اسوي شي
واحد يناديني عن اذنكم
اشوه احد كلمني
عشان اعرف ان فعلا موجوده

وفاة جابر الاحمد الصباح أمير الكويت

اعلن الديوان الأميري الكويتي اليوم وفاة الشيخ جابر الأحمد الصباح أمير دولة الكويت عن عمر يناهز السابعة والسبعين.
ونقل مراسلنا في الكويت محمد العجمي عن وزير الإعلام الكويتي انس الرشيد قوله إن الوفاة كانت سريرية.
وأضاف أنه تم استدعاء الحرس الوطني وقيادات وزارة الداخلية وإن الإذاعة والتلفزيون الرسميين يبثان القرآن الكريم حاليا.
واعلن الرشيد أنه سيكون هناك حداد رسمي لمدة أربعين يوما وإن الدوائر الرسمية ستغلق لمدة ثلاثة أيام.
وتنتقل السلطة بشكل آلي وفقا للقانون الكويتي إلى ولي العهد.
ورغم وجود مخاوف تتعلق بانتقال السلطة في الكويت في ضوء اعتلال صحة ولي العهد الشيخ سعد العبد الله الصباح إلا ان مراسلنا توقع انتقالا سلسا للسلطة.
وكان الأمير الراحل يعاني من مرض عضال وسبق أن أجريت له عدة عمليات جراحية في بريطانيا والولايات المتحدة.
يذكر أن الشيخ جابر الاحمد الصباح ظل أميرا للكويت منذ عام 1977 وتولى قبلها رئاسة الوزراء منذ عام 1965 قبل أن يصبح وليا للعهد.
ومن أبرز الأزمات التي مر بها خلال فترة حكمه الغزو العراقي للكويت عام 1990 ومحاولة اغتيال له عام 1985.

بنات الرياض

دخلت المكتبه كالعاده اسلم على البايع جني اعرفه صج
اسأله اذا وصلت مجموعه يديده من الروايات الي احبها ..قالي اي اخت فاطمه وصلت روايه ام النذر لعبدالرحمن منيف
قلت و بعد ...
قالي في روايه الناس كلهم مسوين عليها صجه و حالتهم حاله .. ومعطينها اكبر من حجمها !!
قلت له شنو اهي ؟؟ قالي ....بنات الرياض ... قلت اي سمعت عنها ..بس بس والله ما قريتها
قالي اي ياهل !! خالها الدكتور غازي القصيبي ألفت لها كلمتين و شكلها دقت علي خالها تقوله خالي الله يخليك
قول حق ربعك النقاد يمدحوني !!!!
لما شفت هالملقوف يطب في الروايه حسيت انه يتحكم فيني
جان اقوم و اسحبلي وحدها و اشتريها قبل لا اقراها قريت ام النذر و انصحكم في قرائتها
وبعدها في يومين بديت
اقرا بنااات الرياض ..
كانت روايه ...أكثر من رائعه لبنت ابدعت في كتاباتها ..
تحسفت ان طافني متابعه الايميلات
في هذاك الوقت
عباره عن اربع فتيات اخذوا نصيبهم من الحياه
وصفقتهم الدنيا عدل
بس الشهد لله انهم سنعات و انا اشوفهم قمه في السنع
قريت عنهم من طبقه مخمليه و قريت من النقد الاذع في المنتديات لبعض المتخلفين
و لكن الشجره المثمره اهي الي ترمى بالحصى
و ان كان بعض المتخلفين الي ما يهمني رايهم ضد هذي الروايه
اقولهم شربو من البحر
كنت اكثر وحده احس انها تطابق شخصيتي وحبيتها وايد سديم
كنت اشوف قمره سطحيه
و ميشيل انتيييييييييييييك بمعنى الكلمه
لميس فتاه مسالمه شفافه
اسلوب العرض في الروايه كان جدا ممتع و شيق
و انا احييك يا رجاء على هالبساطه و الشفافيه
المشكله الدنيا قعدت و قامت على سوالف بسيطه
لو يدرون على الي اعرفه و شفته في عيني عن بنات من الرياض عايشين في القاهره
لا لشي في هالدنيا سوا الفساااااااد و نشر الرذيله
و اخر همهم الشهاده
بس انا اشوف مو من حقي اني اتكلم عنهم لاني كويتيه .. فالاولى اني اشغل نفسي بنفسي

كل الروايه من اولها لي اخرها خيال و فظيييييعه
و انا من وجهه نظري هي ترجمه سعوديه لمسلسل سكس اند ذا سيتي الامريكي
لان في طريقه ارسال الكاتبه للايميل من كل جمعه تذكرني في كاري برا شو يوم السبت لما اطرش المقال ..
و يقعدون رفيجاتها في المطعم يتكلمون عن الي تكتبه
..

خلوني اتكلم عن الشخصيه الي فعلا اثرت علي ..
وخلتني طول الروايه اتفاعل وياها و ابكي ..لما تفرح و لما تسمع اغاني و لما تكون وحيده و لما توفى والدها ,..
و هي سديم الي احس ان فيها شي كبير مني
ما ابي اطول و اخاف امللكم
بس... حبيت اقووولكم عن شي وايد ممتع و لا يطوفكم لو ما قريتووه الا و هو بنات الرياض

WHAT WOMEN REALLY WANT

النساء سيغيرن أميركا وربما العالم كله
تزايد تأثير الأميركيات على العملية السياسية في الطريق إلى البيت الأبيض
صدر، قبل ثلاثة أشهر كتاب «كوندي او هيلاري» الذي تنبأ بأن امرأتين ستتنافسان على رئاسة الجمهورية في انتخابات سنة 2008، وهما السناتورة هيلارى كلينتون، ووزيرة الخارجية كوندوليزا رايس. وتنبأ الكتاب بفوز هيلاري، رغم ان كوندي ستكون منافسة قوية. (قدم المنتدى الثقافي عرضا للكتاب). هنا عرض لكتاب جديد حول تقدم المرأة الأميركية على الرجال في نواح عديدة في الحياة على الرجال

* علق، في الاسبوع الماضي، صحافيون ومراقبون اميركيون على فوز ميشيل باشيله كأول رئيسة جمهورية في شيلي. وعلقوا، قبل اسبوعين، على فوز انجيلا ميركيل كأول مستشارة في المانيا. واشاروا الى رئيسات دول مثل الفلبينية كورزون اكينو، والسريالانكية سيرامافو باندرانايكا.
واشاروا الى رئيسات وزارة مثل البريطانية مارغريت ثاتشر، والهندية انديرا غاندي، والاسرائيلية غولدا مائير، والباكستانية بنازير بوتو.
وحول الموضوع نفسه، صدر أخيراً كتاب «ما تريد المرأة حقيقة: كيف تمحو الاميركيات، في هدوء، الخطوط السياسية والعرقية والطبقية والدينية، وكيف يغيرن حياتنا؟». لسلندا ليك، وهي محللة استراتيجية مؤيدة للحزب الديمقراطي، وكيلى آن كونواي، مسؤولة عن هيئة لاجراء استفتاءات شعبية. واعتمد الكتاب على سلسلة استفتاءات شعبية ومقابلات خاصة واستطلاعات رأي.
وكان نصف الاميركيين والاميركيات قد توقعوا فوز امرأة برئاسة الجمهورية «في المستقبل القريب». قال ثلاثون في المائة من الاميركيات انهن سيكن «متحمسات» لذلك، لكن سبع عشرة في المائة من الرجال فقط قالوا ذلك.
العامل الأخلاقي
لكن يبدو ان عدم حماس الرجال، وحتى ترددهم او اعتراضهم، لن يؤثر كثيرا، لأن الاحصاءات اوضحت ان نسبة النساء اعلى من نسبة الرجال في المجالات الآتية:
اولا، التصويت في الانتخابات. وثانيا، اهمية الانتخابات. وثالثا، الالتزام بمبدأ او حزب او برنامج.
واشار الكتاب الى تأثير الانترنت على العملية السياسية، وقال ان نسبة اكبر من الذين يعتمدون على الانترنت هم من الشباب (اقل من ثلاثين سنة). لكن نسبة اقل وسط هؤلاء تصوت في الانتخابات (عشرين في المائة تقريبا)، وحتى وسط هؤلاء تزيد نسبة البنات على الاولاد.
وتزيد نسبة النساء اللائي يصوتن للحزب الديمقراطي على نسبة اللائي يصوتن للحزب الجمهوري. لكن، شهدت الانتخابات الاخيرة نسبة كبيرة من النساء صوتن دون الالتزام بخط حزبي معين. واوضح استفتاء ان سبعين في المائة من هؤلاء يفعلن ذلك لأن «اخلاق المرشحين اهم من البرامج التي يقدمونها، ومن الشعارات التي يرفعونها، ومن الوعود التي يقولون انهم سيلتزمون بها».
العامل الديني
واوضح الاستفتاء ان الاهتمام بالجانب الاخلاقي للسياسيين يعود الى اهتمام النساء بالاخلاقيات الدينية اكثر من الرجال. وقال الكتاب: «برهنت المرأة الاميركية على انها، قبل كل شيء وبعد كل شيء، تهتم بالاديان والروحانيات اكثر من الرجل. المرأة الاميركية هي روح اميركا».
واوضح بحث اجرته جامعة روتجرز (في ولاية نيوجيرسي) ان لهذا الموضوع صلة بدور المرأة الطبيعى كزوجة، وام، ومربية.
واوضح بحث اجرته مؤسسة «غالوب» ان سبعين في المائة من النساء الاميركيات قلن ان الدين عامل «مهم جدا» في حياتهن، مقابل خمسين في المائة فقط من الرجال. وقال اربعون في المائة من النساء اللائي صوتن في انتخابات الرئاسة الاخيرة انهن دينيات ملتزمات.
لكن الكتاب قال ان هذا ليس معناه ان الاميركيات سبب زيادة تأثير المسيحيين المتطرفين على العملية السياسية، وعلى الحزب الجمهوري، وعلى الرئيس بوش. لكنهن «يلعبن دورا كبيرا في النقاش الجديد عن الصلة بين الدين والسياسة، بين الروح والدولة، وبين الله وقيصر».
قضايا انتخابية
وتوقع الكتاب ان يزيد تأثير الاميركيات على العملية السياسية في المستقبل بأكثر من طريقة، منها:
اولا، سيزيد الاهتمام بالأمن والاستقرار والرفاهية، خاصة مواجهة الارهاب، واستقرار العائلة، وضمان رفاهية كبر السن، والتأمين ضد الفقر والمرض.
ثانيا، ستنمو «ظاهرة الاجندة النسائية»، التي ستكون استمرارا لظاهرة «أمهات كرة القدم» في انتخابات الرئاسة السابقة، اشارة الى الامهات اللائي يسكن الضواحي، ويحرصن على سلامة عائلاتهن ومناطق سكنهن (وعندما ينقلن اولادهن وبناتهن الى، ومن، ميادين كرة القدم).
ثالثا، سيتحول اهتمام النساء الديني والروحي الى قضايا اخرى ذات صلة، مثل حكم الاعدام (اميركا واحدة من دول غربية قليلة لم تمنع حكم الاعدام). ومثل الاجهاض (الذي يعتبره البعض قتلا لنفس حية لأن الحياة تبدأ وقت ان تتلقح بويضة الانثى)، ومثل الابحاث الطبية لخلايا الجذوع (التي يعتبرها البعض هندسة بيولوجية).
الإرهاب
وتؤثر الاميركيات على حرب الارهاب وحرب العراق من ناحيتين:
تزيد، في ناحية، نسبة النساء الخائفات من الارهابيين، عليهن وعلى عائلاتهن، على نسبة الرجال. ولهذا تؤيد النساء، اكثر من الرجال، الاجراءات الامنية ووزارة امن الدولة وقانون «باتريوت» لمراقبة الذين يشك في انهم ارهابيون.
وتزيد، في ناحية اخرى، نسبة النساء الخائفات على ازواجهن واولادهن ومعارفهن في العراق على نسبة الرجال. ولهذا، تعارض النساء، اكثر من الرجال، استمرار احتلال العراق.
ولا تذكر النقطة الاخيرة، الا وتذكر سندي شيهان، مدرسة في مدرسة ثانوية في كاليفورنيا قتل ابنها في العراق، فتحولت، خلال اقل من سنة، الى قائدة المظاهرات ضد حرب العراق.
وعندما دعت الى مظاهرة في واشنطن في شهر سبتمبر (ايلول) الماضي، نجحت في حشد اكثر من ربع مليون متظاهر ومتظاهرة. واعتبرت مظاهرتها اكبر مظاهرة احتجاج منذ حرب فيتنام قبل اكثر من ثلاثين سنة.
رجال ونساء
وتحدث الكتاب (بالاضافة الى اهتمام النساء اكثر من الرجال بالمواضيع الاخلاقية، والقضايا الاجتماعية، واستقرار العائلة) عن اهتمامهن اكثر بتقليل العنف والجفاء والفردية والجريمة، وغيرها من الظواهر التي زادت في اميركا خلال العشرين او ثلاثين سنة الماضية.
وتروي المؤلفتان قصة اجتماع حضره رجال ونساء، وسئلوا كلهم عن امنية كل شخص ينشد الراحة. فقال رجل انه يتمنى «يوما كاملا في مكان بعيد، لا اتحدث فيه مع شخص، ولا يتحدث فيه شخص معي». ايده كل الرجال الحاضرين، لكن النساء هززن رؤوسهن، ولم يصدقن. وقالت واحدة انها تتمنى «يوما كاملا مع صديقاتي، او افراد عائلتي».
وتستنتجان من هذه الحكاية ان «النساء يفضلن التواصل على الفردية، والدبلوماسية على المواجهة، والوسط على التطرف يمينا او يسارا».
ربما لهذا السبب، لا تتوقع اغلبية الاميركيات فوز امرأة برئاسة الجمهورية ودخولها البيت الابيض يوما ما، فقط. ولكنهن، ايضا، يعتقدن ان ذلك سيقدم لاميركا ولبقية العالم صورة مختلفة بعد ان ظل الرجال يسيطرون على البيت الابيض منذ تأسيس الولايات المتحدة.
«استعلاء» النساء
وتحدث الكتاب عن خوف بعض الرجال من ظواهر لها صلة بالاجيال الجديدة من النساء. اولا، ظاهرة «الخروج»، اشارة الى خروج النساء من البيوت الى اماكن العمل بأعداد تاريخية كبيرة جدا. وثانيا، ظاهرة «المساواة»، اشارة الى مطالبة النساء، بعد المشاركة في نفس العمل، بأجر متساو. ورابعاً، ظاهرة «الاستعلاء»، اشارة الى ان النساء يصبحن تدريجيا اكثر تعليما، واكثر ثقة بأنفسهن، وبالتالي اقل «احتراما» للرجال.
واشار الكتاب الى ارقام توضح ان عدد طالبات الجامعات اصبح اكثر من عدد طلاب الجامعات. (قالت، في الاسبوع الماضي، جريدة «واشنطن بوست» ان نسبة الطالبات في الجامعات ستزيد، خلال خمس سنوات، الى اكثر من ستين في المائة).
ولهذا ربما سيزيد قلق الرجال مما سيعتبرونه «استعلاء» النساء عليهن. ولهذا قال الكتاب ان التحول النسائي في اميركا «ليس ثورة، ولا مظاهرات في الشوارع، ولا دقا على اواني المطبخ. انه تحول بطئ يغير خريطة اميركا في هدوء». وربما سيغير خريطة العالم ايضا.

هل يفكر الإنسان برأسه أم ببطنه؟

هل يفكر الإنسان برأسه أم ببطنه؟
اكتشاف دماغ آخر يفكر ويعمل بشكل تلقائي في الجهاز الهضمي الذي يضم مليار خلية عصبية
الرياض: د. حسن محمد صندقجي نيويورك: هارييت براون* حينما يُطرح على أحدنا سؤال ما من قبيل: هل يشغل دماغ الرأس الفكر، أم أن الجسم أحياناً يدع لدماغ البطن تولي مهمة التفكير؟ أو أن كليهما يفكران معا؟ سنظل نفكر كثيرا مثل الكثير من الباحثين، بعدما تأكد وجود دماغ ثان متمدد عبر طول أجزاء الجهاز الهضمي. ومع تعمق الفهم لآليات عمله وبرامجه ستتضح معالمه أكثر وأكثر، وربما لن يكون بعد اليوم تهكماً قولنا إن فلاناً يفكر من بطنه أو أن هناك تأثيرا لدماغ بطنه على نوعية الإجابة لديه حول سؤال ما! الجهاز الهضمي يحتوي دماغاً قوياً وكبيراً وعلى درجة عالية من البرمجة العصبية الوظيفية وأيضاً على مستوى فريد من الاستقلالية في الأداء لا يقل أهمية عن الدماغ الذي يسكن في الرأس. وتزداد كل يوم معرفة الباحثين عن خفايا هذا الدماغ وسعته ومجالات عمله وتشعب علاقاته بالأجهزة والأعضاء المختلفة في الجسم. ونجد اليوم ظلماً حينما سمى العلماء من مئات السنين العصب الذي يغذي معظم أجزاء الجهاز الهضمي باسم العصب الحائر أو «فيغس نيرف»، وهو لا يغذي الجهاز الهضمي فقط بل يمتد إلى القلب والرئتين وغيرهما من أحشاء الصدر والبطن، فالحيرة هي أبعد ما تكون من صفاته. وعندما رأى علماء التشريح أنه عصب يخرج من قاع الجمجمة وينزل إلى الصدر والبطن لتتفرع منه العشرات من الأفرع ضنوا أنه حائر كالإنسان المنشغل بعدة وظائف لا يتقن أياً منها بيد أن الحال والواقع خلاف ذلك تماماً.
«أعصاب معوية»
* العلاقة بين الجهازين الهضمي والعصبي معروفة منذ زمن، بعد أن أثبتت إحدى التجارب الطريفة على القطط زيادة سرعة جريان الطعام في أمعائها لدى رؤيتها الكلاب عام 1902. وظهر وصف الجهاز العصبي المعوي أول مرة في ما قدمه الطبيب البريطاني الدكتور لانغلي عام 1921، وبعد وفاته نسي العلماء هذا الأمر إلى ان أعيد طرحه بقوة بعد سلسلة من الاكتشافات لمواد كيميائية تفرز داخل أجزاء الجهاز الهضمي لا تختلف بحال عن تلك التي تفرز في الدماغ بل وبشكل متزامن معها وبنفس الأسلوب. البحث في علاقة الدماغ بالجهاز العصبي قادت إلى تأسيس فرع مستقل من الأبحاث يسمى علم أعصاب الجهاز الهضمي، وجوانب تطور هذا الفرع من العلوم تشعبت اليوم بدءا من تشريح أجزاء الجهاز الهضمي لمعرفة التركيب الدقيق والعقد التي تتركز فيها الخلايا العصبية وأنواعها، ومروراً بالتأثيرات الحيوية الفسيولوجية لكل نوع منها، وبمشاركة علم الكيمياء الحيوية والغدد فتحت مشاريع بحث أخرى تفرع عنها علم الغدد الصماء العصبي في الجهاز الهضمي لقائمة طويلة من المواد الكيميائية العصبية.
ودخلت دراسات الخلايا الجذعية على خط البحث حول وجود خلايا جذعية في أرجاء طبقات الأمعاء، وصولاً إلى تتبع أثر هذا الجهاز الغامض العملاق والمتشعب من عالم دماغ الأمعاء على أمراض الجهاز الهضمي، بدءا من عيوب الولادة الخلقية لدى الأطفال إلى أمراض الكبار كقرحة المعدة والقولون العصبي الذي ربما ينطبق عليه وصف أطباء الجهاز الهضمي بالمثل القديم: «مالئ الدنيا وشاغل الناس» والإمساك. وربما ستكون قمتا هذا العلم دراسة تأثر وظائف الجهاز الهضمي وأمراضه في كل من حالة كبار السن ممن تتأثر لديهم وظائف خلايا الجهاز العصبي بتقدم العمر، وحالة تأثير الأمراض السرطانية في الجهاز الهضمي على وظائف الأعصاب فيه.
جهاز عصبي مستقل
* دور الجهاز العصبي الهضمي هو بالأساس الإشراف والتحكم في العمليات التي تناط بالجهاز الهضمي في الفم والمريء والمعدة والأمعاء الدقيقة والغليظة إلى الإخراج عبر الشرج. وهو ما يقوم به بمعزل مباشر عن تأثير الدماغ وباقي أجزاء الجهاز العصبي المركزي وحتى عن أجزاء من الجهاز العصبي اللاإرادي، عبر شبكات عصبية ومواد كيميائية تعمل على إيصال الرسائل بين الخلايا العصبية والخلايا المقصودة بالتأثير. وتنتشر هذه في طبقتين من طبقات جدران الأمعاء، الطبقة الأولى شبكات تغلغل خلال طبقة الخلايا المبطنة للأمعاء والتي تواجه مباشرة الغذاء وتتحكم في الهضم والامتصاص بكل العمليات المسؤولة عن ذلك وخاصة إفراز العصارات المتنوعة والمختلفة في كل مقطع من مقاطع الأنبوب الهضمي الطويل الممتد من الفم إلى فتحة الشرج، والطبقة الثانية تأخذ تشعباً أكثر تعقيداً في الظاهر لكن بطريقة محكمة التوزيع والانتشار ضمن طبقات حلقات العضلات في الأنبوب الطويل أيضاً وتتحكم في الحركة والضغط بكل أشكالها. إن من أهم عناوين هذا الجهاز العصبي الهضمي هي الاستقلالية التي تميزه في أدائه وظائفه، وربما هذا هو سر نجاحه بعيداً عن أي تأثيرات عصبية أخرى، التي متى ما تدخلت أخلت بانسيابية وسلاسة العمليات الحيوية للجهاز الهضمي. فوظيفة دماغ الرأس هي التحكم في تصرفات الجسم عبر برمجة الأعضاء، ويتميز دماغ الجهاز الهضمي بأن البرامج الوظيفية مخزنة فيه يختار في كل حالة ما يناسب سيرها وعملها من حركة الأمعاء وإفراز العصارات الهاضمة وامتصاص المواد الغذائية وضغط العضلات العاصرة وغيرها دون تأثير مباشر أو قوي من دماغ الرأس.
أمراض نفسية وأعصاب معوية
* نظرة أخرى هي التي تطرح اليوم حول الأمراض العصبية أو الاضطرابات العصبية وتأثيرها على الجهاز الهضمي. الدكتور مايكل غيرشون مؤلف كتاب «الدماغ الثاني» ورئيس قسم التشريح وعلم حياة الخلية بجامعة كولومبيا في معرض تدليله على تأثر الجهاز الهضمي بانشغال الذهن في أي أمر مهم يعلق قائلاً: كلما حولت إلى مؤسسة الصحة القومية طلباً باعتماد مشروع ما، ينتابني شعور بألم في المعدة نتيجة قلق دماغ البطن إضافة إلى قلق دماغ الرأس». وهو نفس ما نحس به من زيادة الرغبة في دخول الحمام قبل ليلة من اختبار مهم أو ذلك العصر في المعدة قبل إلقاء كلمة في محفل مهم. ويضيف الدكتور إمران ماير بروفسور الطب الباطني والنفسي بجامعة كاليفورنيا: «غالبية مرضى القلق والاكتئاب يعانون من فرط نشاط أجزاء الجهاز الهضمي» وهي أمور يحس كل منا بها. ولذا نلاحظ اليوم أن أعراض الأمراض أو آثار العلاج في الجهاز العصبي والجهاز الهضمي يؤثر كل منهما على الآخر، فأدوية الاكتئاب تثير اضطراباً في المعدة لدى من يتناولها، والتوتر والحزن يزيد من توتر عضلات المريء فيشعر حينها البعض بغصة في الحلق وصعوبة بلع الطعام بل نسمع كثيراً حينها من البعض عبارة لا رغبة لي في الأكل أو لا أستطيع بلع الطعام. إن مما لا يثير العجب أننا نعلم أن هناك علاقة مباشرة بين الضغوط النفسية العاطفية والاضطرابات العضوية. ويقول عنه البروفسور غاري ماوي ان كثيرا من اضطرابات عمل الجهاز الهضمي مرتبطة بالجهاز العصبي. لكن السؤال الأبرز اليوم من يسبق الآخر في الظهور، الاضطراب العضوي في الجهاز الهضمي أم الضغط العصبي على الدماغ؟ فالدماغ وأعصاب الجهاز الهضمي نسخة كربونية واحدة من ناحية آليات حصول التفاعلات فيها والمواد الكيميائية التي تقوم بتوصيل رسائلها بين الخلايا لإتمامها. أهم الموصلات الكيميائية هو مادة السيروتينين، وتفرز 95% منها الخلايا العصبية وغيرها في الجهاز الهضمي، وأنواع من الأدوية المعالجة للاكتئاب تعتمد في عملها رفع نسبة هذه المادة في الدماغ. ليس هذا فحسب بل مادة السيروتينين التي يفرزها الجهاز الهضمي هي ما تنقل الرسائل إلى الدماغ عما يجري تحته في باقي أعضاء الجسم، ولذا نلاحظ أن بعض أدوية السرطان تؤدي إلى القيء نتيجة زيادة إفراز الجهاز الهضمي لهذه المادة بما يثقل كاهل الدماغ عن اضطرابات الجسم فيحصل القيء. وكما أن الاكتئاب يحصل في بعض الأحيان نتيجة قلة السيروتينين في الدماغ فإن القولون العصبي بالعكس، زيادة إفرازه وقلة التخلص منه يؤديان إلى حالات متعاقبة من الاضطراب الوظيفي من خلال ظهور الإسهال والإمساك، ولذا فإن ظهور مصطلح الأدوية المضادة لاكتئاب الأمعاء كعلاج محتمل للقولون العصبي لم يعد أمراً غريباً لدى الباحثين. إن آفاق البحث العلمي اليوم حول الجهاز العصبي المعوي ستتجاوز في القريب العاجل مسائل الجهاز الهضمي لتبدأ بطرح علاقة القلب بها، فملاحظات الأطباء حول الخفقان أو اضطرابات النبض المرتبطة باضطرابات الجهاز الهضمي وخاصة القولون العصبي محل اهتمام، وأنواع من الطب البديل بدأت تركب الأمواج لتطرح فلسفاتها القديمة حول تأثير أنواع مختلفة من الأطعمة على المزاج والدماغ دونما تأثير مباشر لموادها الممتصة داخل الجسم بل عبر تأثيرها الأولي المباشر على الأطراف العصبية في الجهاز الهضمي، وسنسمع الكثير عنها وعن غيرها.
* «خدمة نيويورك تايمز» ـ خاص بـ«الشرق الاوسط

لله ما اعطى و لله ما اخذ

يوم الجمعه الصبح و على غير العاده صوت الجرس الساعه 9 الصبح و تدخل علينا خالتي و خالي
!!منظرهم غريب ويهم مخطوف واقفين على راسنا .. شفتهم صبه عظامي
امي تصرخ في ويه خالتي اشفييييييكم .. امي فيها شي انا ماكو رده فعل كلش بس حسيت ريلي ما تشيلني
خالي يقول حق امي لا ماكو الا كل خير بس احمد مسوي حادث امي ..بصوت عالي لا حول و لا قوه الى بالله واشلونه الحين ؟؟
وبدون مقدمات احمد عطاج عمره !!
تصرخ امي لا حول و لا قوه الا في الله و اخووووي اشلونه الحين .. درا ان ولده توفى ..يهديها خالي و يرد عليها اي عرف صابر و يحتسب لله ما اعطى و لله ما اخذ
..احمد شاب يبلغ من العمر 24 طالع من صلاه العشاء راح البيت بدل و طلع بيروح الديوانيه بالطريج يتصل على ربعه يقولون له كلنا في الفيحاء متيمعين بالديوانيه بالطريج تطق السياره بنشر و تنقلب و ما يدري احمد ان الديوانيه الي رايح لها و ما وصلها صار عزاه فيها من باجرالله يرحمك يا ولد خاليو يصبر قلب خالي المتحطم ويصبرنا كلنا و احنا مفجوعين عليك
لله ما اعطى و لله ما اخذ
رحمك الله يا احمد

صاعقه ابكتني ....للكبار فقط

دخلت المكتب اليوم .. و الا مستشارين مبسطين عندي
بوزت و مالي خلقهم كلش خلصت و سويت الي يبونه و تريقت و رحت اشرب قهوتي عند المستشاره الي في قسم ثاني
و لما دخلت عليهم ... كانو يتكلمون عن موضوع الخدم ... موضوع يدور في كل يمعه حريم
لكن السالفه هالمره وايد غير لدرجه اني .. لاشعوريا قمت احط اسكر في ايدي على حلجي و قمت اشهق .. و كل ما كملت السالفه ..
اقوووووول لأ لأ لأ لأ لأ مستحيل اكووووووووو جذي .. شوي شوي .. و الا انا لا شعوريا ادمع ..!!!
فعلا لا تستغربون مأساه عندنا في الكويت تبكي .. بما اني اول مره اسمعها فأبكتني

السااالفه الاولى ..

وحده من الحريم ... و هي ام لثلاث اولاد غنيه جدا ماشاء الله (طبعا قالولي الاسم ) المهم اعيالها كلهم من طقه بعض .. بينهم سنين
ساكنه في بيت من دورين .. اهي و اعيالها اهي الدور الي تحت .. و اعيالها عندها و كل ما يكبر واحد يصير عمره 15 سنه يعني من يدش الثانوي صعدته فوق جناحه الخاص ...
يتكون من غرفتين و صاله و حمام ..اتجهز الام الجناح لولدها مع فلبينيه !!!!!
يعني الزبده عندها 4 فلبينيات في البيت وحده لها و 3 لاولادها
لكن الفلبينيات الثلاث .. ينامون و ياكلون و يشربون ويا اعيالها .. و عندها نظريه الام .. تقوله يا وليدي .. ديربالك من بنات الناس
مالنا خلق علاقه ويا كويتيه باجر اخوها يذبحك و الا يسوي فيك شي
هذي فلبينيه عندك سو فيها الي تبي !!!!
الكويتيه بس للتلفون و هذي الفلبينيه للفراش
انتوا مستوعبين السالفه !!
انا مصدومه
المهم
ظلوا العيال على هالحال .. جم سنه بعدها تخرج الولد الصغير من الجامعه
جان تجتمع الام في اعيالها
قالت يا عيالي انا ماقصرت ويااااكم وفرت لكم كل شي عاد الحين يالله شدوا حيلكم انا ابي كويتيه بخطبلكم حريم .. بنات حمايل و تتزوجون
و هالفلبينيات راح نختم على جوازهم و لا يدشون عشان ما يروحون بيوت ثانيه .. يفضحونا !!!!
قالولها اعيالها اوكيه ما عندنا مانع بس بشرط نختمها بسفره وياهم ..
البنات مادحيلنا جزر الفلبين .. بنروح اسبوعين ثلاث و انرد
و الابناء الثلاث .. سافروا سنه 1995 شهر ثمانيه .. وو للحين ما ردوا
اخر مرا كلموا امهم فيها شهر 12 سنه 1995
قاولها يما بنحتفل في راس السنه و انرد
الام طبعا ما قالت هالكلام .. و هالقصه الي بعد ما عانت في السفارات و الخارجيات و سافرت تدور اعيالها
و وصلت السالفه لين صباح الاحمد كان وقتها وزير الخارجيه ..
.. قالها مترجم في السفاره الكويتيه ان اسره احد البنات اقتلت اعيالها و في روايه تقول انهم مسحورين !!
المهم الام احصدت ما زرعت
و الله لا يبلينا
و اهي الحين مخرفه .. عايشه مع الخدم بروحها
.......

السالفه الثانيه

في احد مكاتب الخدم بمجمع الرميح
يت معزبه ... ترد خدامه اندونسيا .. صغيره في السن ..
تقول للمكتب انها ما تبي الخدامه .. قامت وحده (الي وياي في الدوام) تليقفت و قالتها ليش ما تبينها شكلها زين انا ابيها انا على ويه ولاده و ابي مسترجعه
قالت الكويتيه ((الله ياخذها انا عندي ورعان كل ما جا واحد يركبها طقته )) طبعا رفيجتي
قالت اي هاليهال شياطين بس يكفخون الخدم ..قالت لا اعيالي ما يطقون بس يركبون !!
اهني بدت تستوعب صاحبتي
لانها تعتقد في معني كلمه يركبون ((ياهل يركض و يطمر على الخدامه) ماتوقعت يمكن يكون لفظها جنسي!!!


السالفه الاخيره :

قضيه طلاق لمرأه عمرها 65 سنه
طبعا لما يت تطلب الطلاق
لازم يكلمونها مكتب الاستشارات الاسريه ..
خصوصا ان شي نادر مرا في هالعمر تطلب الطلاق
و اهي لا تشتغل و لا راتب و لا بيت و لا احد يعولها غير زوجها
اسألتها الباحثه ليش يا خالتي تبين تطلقين ؟؟
عقب هالعمر ..صبرتي هالسنين .. توقعت الباحثه ان السالفه بتكون على مشكله اعصاب الزوج او على انه متزوج عليها
لكن الصدمه .. كانت اكبر
تقول يا بنيتي ما اقدر اشوف الحرام في عيوني .. واسكت صبرت صبرت لكن لي متى!!
مابقى من عمري ..زوجي ولدي صارلهم 4 سنين و اهم من فلبينيه لي فلبينيه و في بيتي و انا ساكته!!!!
الابو وولده يتحاططون في فلبينيه وحده
و اذا قلت له يا ويلك من الله .. انت ابو انت قدوه قال ولدج ريال و كبير
و يصرفون على هالفلبينيات اكثر من صرفهم على روحهم و يخصوصون لها دار في بيتي .. و انا مرا مصليه مسميه .. اقيم الليل كل يوم و الدار الي يمي فيها زنا و من منو ولدي وزوجي !!!
الله يرضى الناس ترضى!!
وطلقها القاضي على طول و حكم لها بنفقه و بيت وسايق و خدامه ...
لا تخترعون
هذي سوالف من الواقع
هذا الي عرفته و الي ما اعرفه اكيد اكثر .. مسكر بين البيبان
و عسى الله يحفظنا و لا يبلينا


اسمحولي يا اخواني ما اقصدكم بس اقصد شريحه بالمجتمع و ياريت تكون قليله بس للاسف الي قاعد نشوفه انها مو بسيطه
جنس جنس جنس جنس
محووور الحياه صار جنس
وين ما تروح تسمع هالسوالف يا سكس يا اعتصاب
تفتح التلفزيون
اغاني مخله منحطه
صاروا بعض الشباب حيوانات !!!
ليشششششش و بعدين و نهايتها !!
وين الدين ..
انا مو ضد فطره الله و لا انا ضد العلاقه الشرعيه بين الازواج
يمكن فعلا تكون متعه
انا اقصد الحيوانات
الي متزوج او يقدر يتزوج و يلجأ للحرام
ليششششششششش!!!!!
هذولا الناس تالي الليل لما يحطون راسهم على المخده ما ياكلهم ضميرهم
!!!؟؟
مدري بس صصصصصصصصج اليوم استحقرت كل الريايل و كرهتهم و حطيت حرتي في مديري
طلب اوراق
لا تضحكون علي
بس صج حست انبطت جبدي وايد
اسفه على الاطاله

كتاب (فلسطين .. التاريخ المصور) هو دراسة تاريخية متسلسلة منذ بدء التاريخ وحتى أحداث الساعة لكل الأحداث الهامة التي مر بها ذلك البلد العظيم. وقد عرضها المؤلف ضمن أسلوب شيق و رائع، معتمدا التسلسل المنطقي والتاريخي للأحداث مع حرصه على إبداء رأيه في كل الأحداث الهامة.ونود الإشارة إلى أن الكتاب مزود بمجموعة من الصور النادرة والكثيرة زادت على 500 صورة تم انتقاؤها من أكثر من عشرة آلاف صورة، وعلاوة على أن هذا الكتاب يعتبر نقلة نوعية وبادرة رائدة في عالم الكتاب العربي فإنك ستجد فيه من الحقائق والأدلة والإحصاءات والشواهد ما يجعله عزيزا لديك ويحيي في نفسك قضيتك الأولى .. فلسطين والقدس الشريف

- 10 أسباب تدعوك لقراءة هذا الكتاب

- يعد هذا الكتاب مرجعاً هاما، وملخصاً لما كتب في تاريخ فلسطين والأرض المقدسة.

- تسلسل منطقي تاريخي من بدء التاريخ وحتى أحداث الساعة المعاصرة، مع تقسيم وترتيب واضح.

- بالرغم من طول الفترة، فالكتاب جمع تاريخ فلسطين بإيجاز غير مخل بالأحداث التاريخية الهامة.

- دحض مزاعم اليهود وأكاذيبهم في حقهم التاريخي بأرض فلسطين وإثبات أن أول من سكن فلسطين هم العرب.

- كشف المؤامرات والفضائح التي جرت وتجري على أرض الإسراء والمعراج على مدى التاريخ.

- الكتاب مزود بمجموعة من الصور النادرة والكثيرة زادت على 500 صورة تم انتقاؤها من أكثر من عشرة آلاف

صورة.
- تم إضافة الآراء الخاصة والحكم على الأحداث دون الاكتفاء بالسرد التاريخي للوقائع.

- تطلب العمل على هذا المشروع قرابة الأربع سنوات ما بين جمع وتأليف وإخراج وتدقيق اشترك فيه فريق متكامل.

- إحصائيات وأرقام مؤثرة في تاريخ الانتفاضة وخاتمة برؤية مستقبل فلسطين مبنية على الآيات والأحاديث الصحيحة.

وأخيراً.. لأنه من واجب كل عربي ومسلم أن تكون قضيته الأولى (فلسطين والقدس)، فيستنهض الهمم من أجلها.

الخيانه الزوجيه ....الى متى؟؟

مثل ما عودوتوني و عودتكم في كلامي و بصراحتي عندي سؤال يحيرني
بليز جاوبوني عليه
لما كنا صغار نسمع ان الخيانه الزوجيه جريمه !!!!!!
و مع قناعتي انها جريمه
لكن البلوى اني اسمع في وايد من رفيجاتي عن تجاربهم مع الخيانه الزوجيه !!
ما ابي اسألكم عن اسبابها لان كل واحد و له سببه ولكن بقولكم
يا شباب ليش ما تكفيك مرا وحده ؟؟
و ليش صار شي ملازم لشرط الزواج ان الوحده تحط في بالها ان زوجها بيخون
و شنو تصرف المرأه ؟؟

بقولكم شي يمكن البنات راح يتضايقون مني وايد

انا عن نفسي لو زوجي وايد مريحني و معيشني عيشه محترمه و مو مخلي علي قاصر و اهو طيب
و حسيت بعد 10 سنوات او 15 سنه عشره معاه ان في حياته وحده ثانيه بس ماقالي
راح اسكت و اتغيبا تدرون ليش
عشان ما يتمادى ويااي و اكيد طالما خش عني يعني محترمني
فليش اكسر هذا الاحترام
انا ما اقولكم ان الخيانه شي عادي
بالعكس جريمه وجريمه بشششعه و تجرح و اتهين
لكن ليش صار الشغل الشاغل للحريم في كلامهم و خوفهم من الرجل
بس لسبب الخيانه
...
نقطه اخيره احب اعرف من كل بنت
لو دريتي ان ريلج يخونج شنو راح تتصرفين؟؟

و احب اعرف من كل شاب
اي ريال يفكر يخون هل يمر في باله لو ان زوجته درت ..اشكثر راح يكون جارح مشاعرها
و ذبحها؟؟

رحمك الله يا فهد الجزيره

فجعنا اليوم صباحا في وفاه صاحب السمو الملكي الامير فهد بن عبدالعزيز ....
...وصلني مسج الساعه 9 صباحا من زميلي السعودي ..و بصراحه وفاه المرحوم كانت هزه للكويت .. و جميع شعبها
الله يسكنه فسيح جناته يا رب
لا تنسون تدعون له ... بصراحه انا وايد كنت احبه خصوصا بعد موقفه الاخوي لنا اثناء الغزو العراقي الغاشم
و وقتها امي كانت حامل و اول ما يابت ولد خلال فتره الغزو .. على طول و بدون تفكير سمينا خوي الصغير فهد
فانشاء الله يا فهد الجزيره ما راح ننساك لانك في قلوبنا و في كل بيت