سود الظنون

ان حكوا فيني بوجهي او حكوا بي من وراي

مالقوا غير البياض اللي قهر سود الظنون

هيبتي حتى فغيابي تحشم النفس بقفاي .

..والله اني مرعبتهم يزعلون ويقعدوووون

نبشوا..مامن خطيه..بس انا ..أدرى بخطاي

.. عيبي اني ماعرفت اساير الغير وأخون

الخدم و ما ادراك ما الخدم !

هالايام مع وصول الخدامه اليديده
يا رايحه انا الدوام متأخر
يا راده من الدوام مبجر
عشان اعلم فيها
مسيكينه امي من صوب و انا من الصوب
الي خلانا انييب خدامه يديده قصه غريبه عجيبه
رجعت من الدوام الا الخدامه ميريو باجيه دموع دموع على امي و ابوي و مسويه تمثيليه بتروح
و عافسه البيت عليهم متوحده فيهم ليش انا مو هني
قومي امي مع ابوي روحو على طول قصو تذكره لها
يوم استوعبت انا الوضع تناجرت وياهم و حققت وياها اشمالا تذلفين بيوم و ليله و يوم انج بتطسين
ليش ما تبلغينا من قبل انييب وحده غيرج
الكلبه قالت
اكو فلبينيه
اكو الصبي
عمي بعينج هذا الي ناقص
المهم المفروض انها مسافره عشان امها ماتت
بس وحده مسافره امها ميته ليشششششششش الحمرا و الذهب و الكشخه
والله محد بموت الا اهلي من عمايل الخدم
المهم ذلفت سحيله
بعد معانااااااتي وياها في المطااااار ويا اغراضهااااا
و التكرتن الي صااااااااار
و بلشت فطيم في تخفيف العب على باجي الخدم
بس المشكله ان بيتنا عادي عندهم صبي يحوس
و انا المتحجبه ابمذهب منووووووو يصير صبي و طباخ يحوس في البيت
و انا بداري و الا انا بالصاله !!
المهم استعجلت في اني اييب خدامه ثانيه
و الحمدلله اوصلت زينب الضاحي
شكلها جنها زينب الضاحي مدري ليش
و من يتنا صارلها الحين خمس ايام و من ادش البيت ريحه بيتنا عيش مشخووووووول
ياربي دورنا ريحتها عيش مشخووووول
صالتنا
مطبخنا
هدومناااااااا
كل شي ريحته مطبخ و مو اي مطبخ لألأ
عيش مشخووول
مسكتها قلت لها انتي ليش ريحتج جذي !! تسبحي
سبحت
بعد ساعه نفس الشي
ردت الريحه
يااااااربي
ناديت الطباخ
قلت له شووووووووف هذي ان وطوطت عندك المطبخ اصفقها بالنعال
الطباخ: اووووه ماما الله اكبر ماما اانا ماكوووووو تيجي حورمه ماما
سألته هذي الخدامه اشتااااااااااااكل
قال الاتي : الساعه سبع الصبح اتريق عيش مشخول
الساعه 10 الصبح اتريق مرا ثانيه بيض و عيش مشخول
الساعه وحده الظهر اتغدا عيش مشخوووووول
توني رايحه اشب فحم بخور و الحين الساعه 3 و نص
حاطه عيش مشخووووووووول
العصر الساعه خمس عيش مشخول
الساعه 9 بالليل عيش مشخووووووووول
!!
والله بدون مبالغه هذا كلام الطباخ يقول تتريق مرتين تتغدا مرتين تتعشا مرتين
عيششششششش مشخوووووووووول
بالعذر خسناااااااا
الخدم حالتهم حاله
ادري شر لابد منه
بس بلاويهم و مشاكلهم وايد
ما راح اتكلم عن جرايم الخدم
و لا بتكلم عن دوابيرهم و سحورتهم
و لا بتكلم عن خدامتنا الي أعلم فيهاااااااااا سنين بالمواعين و من اييون رفيجاتي
حطت عشر صحون غير و غير
و اذا يااااااااني عامل او مدرس كانت اتحطله كلاسات الكششششششخه
و اذا يووووووني رفيجاتي حطت كلاسات اللبن !!!
و لا بقولكم عن خدامه رفيجتي الصاعقه الي راحت
قالت حق رفيجتي انتي هالايام وييييك وايد ليش ريلج لما ينام وياج يستخدم كاندوم !
ترا مضر لج .. و يسبب التهابات مع الوقتمو زين لا تستخدمونه !!
بنت الكلب اتنبشششششش في الزباله !!

لألألألأ
بتكلم عن خدامه يدتي الله يرحمها
مو يدتي توفت الله يرحمها من فتره
فخداماتها مازالت موجوده
بس مدللا روحها
الصبح شات في الام اس ان و الاييميلااااات
و العصر لجنه التعرف بالاسلام
الصبح اذا راحو اليهال المدرسه
و الكمبوتر اصلا 24 ساعه شابك في الصاله
ادش اتشيك ايميلهاا
ولد خالي مقدم على وظيفه في الانترنت و طاحت على موقع التوظيف اون لاين
قومي قدمي على وظيفه
و انقبلي
و جك جك جك
تعالي فجأه قوليلنا انج بتروحين
راحت قالت حق بنت خالي (( اي ول كويت ))
طبعا لان ليفل الكرامه عندها عالي
فاهي مو مقتنعه انها خدامه
على الرغم من انها من اول يوم يت و اهي تطبخ و تمسح
بس لكون ان عندها شهاده فهي ممرضه
مع ان عمري ما شفتها قزت ابره !
فقالت انها بتستقيييييييييييييل
من بيت خالي
!!
و قدمت طلب استقااااااااااااااااله !!
خالي احترم رغبتها
و سوا اوراقها و راحت
الله يوفقها !!
ولد خالي محتررررر يقول من ست شهور مقدم !
قلت له ان من خمس سنين مقدمه و ناطره
ههههههههههههه
ارزاق
نرجع للخدم
الحين هذي ام خمس ايام
يتني امس جان تقولي
مدام انا ابي موبايل
قلت لها اوكيه بعد شهر افتح لج خط و موبايل
مو الحين
معلمينهااااااااااااااااا الخدم ان نصررررررررف على مو بايلتهم
الشكوووووووووووووه لله لو راده علي ما عطيتكم شي بسسسس لاقين امي تقصون عليها
راحت راحت
و ردت
مدام انا ما يلبس مريوووووول بانتلوون ((بنطلون ))
حرااااااام !!
رديت عليها : نعممممممممممممممممممم شنووووووووووووو
ردت علي قالتلي ما يجوز المرا تلبس بنطلون حرام
قلت لها ليشششش بالله من مفتي على راسج ؟؟
قالتلي ان من خلال واقع خبرتها 16 سنه شغل في السعوديه و الامارات فكانت تختلط
بناس ما يلبسون بنطلون لان حرام
قلت لها ذلفي عن ويهي
مالج امل ابدل المراييل لبسيهم و انتي ساكته
راحت راحت و ردت
تتوقعوووووووووون شنو يابتلي
!!! ورقه مكتوب عليها سينجر
تذكرون ماكينه الخياطه قبل !!
السووده سبنجر !!
اشطاري

تقولي ماما انتي اشتري هذا ماكينه انا اعرف اسوي خيط زين عشان اسوي انتي
ملابس تصلييييييح .. هذا ماكينه زين انتي ماكو يشتري تاني !!
اهااااااااااااااااااا
لاااااااااا خووووووووووش
ارووووووووووح اشتريلج ماكينه خيااااااطه ب 1000 ديناااااااااار
انا لو عندي الف ما جابلت ويهج جان لاقيتني الحين في شرم
بسسسسسسسسسسسس حظي الردي الي طيحني فيييييج
اجابلج تخمين و تمسحين
ذلفي بس ذلفي
لا تعليق
ادري عندنا و عندكم خير
ادري الخدم بلااااااااااااااوي
بس توقعاتي لزينبووووو الضاحي انها بعد سنه
قاطتنا بالسكه
و صايره اهي معزبتناااااااا

مسجات !

(1)

امس بالليل عيزت و انا احاول انهي القصه ماني قادره

اهي حاله اتيني انطلق فيها انطلاقه

او تتنيحه مو طبيعيه

رحت شكيت همي في مسج حق رفيجتي

مسجي كانت الاتي :

مشكله الي يكتبون قصص او شعر او روايات يحتاجون تجديد

دماء القلب عشان يكتبون !احتاج اكتب قصه راضيه عنها

احتاج اكتب صج

ابي شعور يخليني اخذ نفس عمق و تنهيده

شي يهز قلبي هز

باختصار

احتاج قصه حب بصعقه كهربائيه

مسكينه رفيجتي بسرعه ردت علي هالمسج

الي خلتني ساعه اهستر ضحك

من كل قلبي بطريقه مو طبيعيه الي دموع دموع

حسيتها ودها تسوي شي بس مو قادره

wallaah i do understand bas u never know,

liatni rayyal chan 7abbetech o fakitech o fakiat 3umri :p

(2)

ياني مسج الساعه 3.15 الفير بالظبط

المسج :

fech shay ??

رديت عليه

هل الوله يعتبر شي ؟؟

هل المحاتات تعتبر شي ؟

24 ساعه افكر فيك و حتى بغرقه نومي ..هل هذا يعتبر شي ؟؟

هذا الموون سووون وخري عنااا لا ترووحين له

للمرا المليوووون اكتب بوست عن مشكله امي الازليه
في انها تبي اتعيد جدوله تربيتي
لما اقعد بروووووحي اضضضضحك
بس حزتها انقهههههههههههر
تكفوون سمعووووووا قصتي وياها !!
يوم الاربعااا مبسطه في الصاله
و اهي تزفني راحت عيونج من هالكمبيوتر و و زف فيني
دش اخوي الكبير
قالت له شفت اختك 24 ساعه
تشتكي تجاعيد عيوني و تجاعيد عيوني من هالصنم الي تعبده !!(( يعني الاب توب ))
قالها اخوووووووي اي بعد فطيم ما تنلام مسكييييييينه
ماعندها احد و تسوووووولف ويا رفيجاتها في الام اس ان
وبعدين حمدي ربج حاطينا جدامج
الانترنت 90 بالميه زين و 10 بالميه شين
و حتى الام اس ان في شي شين و شي زين
قالت : هاااااااااااو هالمووونسووون ( الام اس ان ) فيه بعد شين

انا : وااااااااي حرام عليييييييييييييييييييييييك فجيت علي ببيباان مسسسسسسسكره
تكفااااااا خلاص سكر الموضوع

اتحلطم على اخوي....

راح اخوووووووووووي
و يا ريييييييته ما رااااااح
امي : فطييييييييم اخوووووووووج يقول المونسوووووون شي مووووو زين
ليكووووووووووون انتي تروووووووحين له !!!
انا : يمااااا صلي على النبي هذا برنامج اكلم فيه النااااااااااس
رفيجاتي في السعوديه و الكويت
امي : شنهووووووووو
الي لاقيييييييييييه فيه هالسعوديااااااات اكييييد لاقيه فيه رياييل و امريكااااااااااان
و الا اشطيححححححححححج على رفيجاتج
اشدراااااااج عنهم

انا : يماااااااااااااااااااااااااااااا واااااااااااااااي بسسسسسسسسسسسسسسسس
ما تعرفييييييييييييييييييييييييييييييييييييييين لا تفتين

رفيجاتي اخذ منهم عناوينهم و احطها
نفس التلفون عندي ارقااااام ناااااااااااس في امريكا و كل مكان
يعني انا ادق على كل السعوديين عشان احصل رفيجاتي
امي : انااااااااااااا ما عليييييييييي منج هذااااااااااا المووووووووون سووووووون وخري عنه لا تروحييييييييييييين له
لا تروحيين له مو لزوووووووووووووووووم
طبعا عشر ساعات افهم فيها مو راضيه تستوعبني !!
سوت المنسجر
ديسكوووووووو
بااااااااااار
قامت اتحسسني اني اسوي شي غلط
خلصنا
صار امس بالليل
الساعه وحده بالليل !!
و الا ما وعييييتها فاااااجه علي باب الدار
يكوووون طايحه علي يعني
امي : فطيييييييييييييييم وينج فيه !!
انا : هااااااو يمااااااا انا بفراشي وين لقيتيني اشفييييييييييييييج !!
امي : ليكووووووون رايحه هذا الموسون
انا : يمااااااااااا اسمه ام اس ان !!!
فكيني قولي مسنجر سمييييييييييه مسنجر !!
امي : خلصيني رايحه المنجر و الا مو رايحه !!
اانا : اي يماااااااا قاعده اسووووووووووولف ويا البنااااااات
امي : بنااااااااات
هااااااااو عيل اكووووو بنات يجابلوووووووووووون بنات الساعه وحده بالليل اتقصيييييين على منوووووووو
عبااااااالج انا ما افففففففهم و الا لاقيتني يا فطييييييييييم تقصين علي !! عبالج انا ما اعرف
و الا رفيجااااااتج هادين بيوتهم و رياييلهم و مجابلييييييييييين هالمنجر !
و الا شقولون عنه الاوادم لي لقووووووووووووووج هالحزه في الانترنت !!

انا : يمااااااااا انا منسدحه في السكه شايفتني الساعه وحده بالمارينااااااااااا !! اشفيييييييييييج قاعده في دوييييرتي بفراااااااااااااشي
لا لي لا علي .. لا ظريت احد و لا ابي من احد شي !! وبعدين مو جني كبرت على هل الحجي !!
امي : اييييييييييييييي والله كبرتي .. وايد كبرتي اصلا !! الي كبرج عيالهم طولهم الي كبرج مشغولين في شي مفيد في شي فيه اجر
يرضعون عيالهم و يجابلونهم و الا يسوون شي الله يدخلهم الجنه عليه مووووووو اثاام !!

عشان اخلى امي تتحسف على الي قالته اقلب السالفه عليها و هذا دايما طبعي

و اسويها دراما

اهي قالت البنات في سنج هالحزه يسوون شي مفيد يؤجر عليه مثل دور الامومه
بس شوفووووو الدراما الي انا سويتها

انا : اشقلتي يما اشقلتي ايييييييييييييييييه يا يما خلي الي في القلب في القلب
صااااااااااااااجه البناااااااات في سني هالحزه الي ترقص حق ريلها و الي مفصخه و الي نايم بحضنها ريلها
والي قاعده على صدره تشوف فيلم لكن وعليييييييييييه على حظي الردي قاعده في بيت ابووووووووووي و امي تزف فيني
جني ياهل ما جنها توها تقولي الي كبرج عيالهم طوولهم !!
امي اهني منصعقه منصدمه امبققه عيونها مصدومه مني
مدري ليشششششششششش امي عبالها انا ااذا تزوجت بييت عيال بالمراسله
او مدري ليشششششش ما تتخيليني فهره او ليشششششششش فهره
وحده وريلها كل شي حلال بسسسسسسسسسسس امي مسويه حضر على مثل هالمواضيع
ويييييييه يا يماااااااا عسرتيني الحين شنومني اقعد اصيييييح على حظي الردي لي الفير
الحين اذا اشتهيييييييييييييييييييييت شطخخني
حسبي الله علييييييييييج كلا تقولين لي زواج و ما زواج و بالج يرووووح بيت و خدم و عيال و ااناااا باااااااالي يا يمااااااا
في الريل و السسكسسسسسسس و اتعسر عليكم و اعصااااابي توصل السكه و اخذ المهدأت و بعدين من له خلق شاور باااااارد الحين
كلااااااااااااااااا منج
ما وعيت الا وامي رقعت الباب اصفقته و اهي تقول لاااااااااااحول و لا قوه الا بالله
لا حوووووووول و لا قوه الا بالله
ربي لا تعاجبنا
و اسمع تحلطمهااااااااااااااااااااااا
و صارلي 48 ساعه امي ما يابتلي طاري المسنجر و لا الزواااااااج
هيااااااااااااااااااا

TaaaG agian !!

الظاهر بنقزرها هالشهر كلا ااتااااااااج
والله ما ودي اردج بسسسس ما احب التاج
مشكوووره اكسبايرد
انا كلش مو عصبيه
و تقديرين تقولين عني اسفنجيه
بسرعه امتص عضبي و اخشه بقلبي
لين يتحول الى تشنجات و كهربا زايده بالجسم
وايد اكبت غضبي و اعصابي
و مرات اسكت اسكت اسكنت و انفجر على شخص
كلش ماله داعي في الموضوع
في مواقف المفروض ان اي شخص يعصب منها
تكون ردت فعلي برود و ضحك
الشخص الوحيد الي انفجر عليه هو الشخص الي احبه حتى النخاع
تلاقينه اهو الوحيد الي دايما يقولي والله الناس منغره فيج
مو سالفه منغره بس ما يهموني ليش اعصب عليهم
لكن ااذا حبيبي و اموت عليه و احبه لا مسكييييييين
ما اجامل
و اعتقد اهو الحين يعاني من هالشي
لاني اكون على طبيعتي بزياده
اصرخ ابجي
انهااااااار
اطلع حرت مديري فيه
اذا عصبت وايد من احد ما ابجي و لا انفجر
الا في داري
بسرعه يبين على ويهي
انا من الناس اذا فرحانه يبين و ااذا زعلانه يبين
لكن المصايب ما تبين علي
اقدر اخشهاااااا عن الناس لكن يشوفونها في ويهي
لدرجه ان رفيجاتي عقب ما تخلص السالفه اقولهم صار فيني و فيني
يقووووولووووون حسينا فيج شي
بس ماندري ان لي هالدرجه
ما بين عليج
كنتي تطلعين و تروحين
اقولهم محد له ذمب اخليه يكون تعيس وياي



هذا انا و تناقض اعصابي
انشاء الله قدرت اعطيكم الزبده

اتمنى لكم نهايه اسبوع ممتعه

اغنيه الاسبووووع

احلى اغنيه اسمعها على صدرك
بعد ما سحبتني
بعد ما امتصيت غضبي و اصراخي الهستيري عليك
على كل اغلاطك و كل الي بينا و كل عيوبي
و كل هموومي
و كل جرايمي في حقك
اصرخ و اغنيلك ما بدي أؤلك شووووووو بيني
انت و معي حبك انا قد المدى و انت معي و ما بدي من بعدك حدا
انت ومعي قلبي الي على الحب اهتدي اعيش معاك احلى دنيا
انت و معي خوفي الي ماليني اختفى
ماااااااااااااااااااااااااااابدي ألك شوووووووووووووو بيني
شالي جرالي بالهدنيا
بدي معك ابدا العمر
اول سطر بالولداني
و لا بدي احكي شو حصل
شو الي كسر فيا الامل
و الي قلب ضحكي زعل
غربني ياماااااااااا وردني

شكرا نجله

مشكوووره وايد نجله
الله يساااااااامحج ما احب التاااااااااااااااااج كلا اصرخ اقول نيهي تاج
ني هي تاج .. حبيبتي انتي مشكوره
انا طفولتي وايد غير عن معظم اليهال
تناقض عجيب فيني
ماراح ارتب الشغلات بسولف فيهم عادي و انتو عدوهم ..
شغله وايد غريبه فيني
كنت اشرب حليب في الماما لي 3 ابتدائي و افطموني في رابعه ابتدائي
عقب ما حولت من الحليب لي البينتو
ارجع من المدرسه اشرب المميه و العب في عجفتي و انام !!!
انصدمتو صح !
كنت مشروع رقاصه
ماكنت اشوف بابايات و اغلب الرسوم المتحركه الي انتو اتقولن عنهم ما اذكرهم
من 3 ابتدائي ادمنت الافلام العربيه
عشت في مصر 4 سنوات في صغري و يم بيتنا محل تأجير افلام اسود و ابيض
كل يوم ااجر 3 افلام و ماروح المدرسه بس اطالع
من اقوم الصبح الخدامه اتجهز ريوقي و اتعيد لي فيلم افواه و ارانب من الاول
بعدها اشوف ايامنا الحلوه
اذا امي و ابوي اطلعو اشوف افلام هند رستم
و شمس البارودي !!
و اقلدهم !
كنت اموت على موهبه تأليف المسرحيات و الرقصات
مدمنه رباب و ورده و ام كلثوم و انا في رابعه ابتدائي
و مدمنه اغاني رويشد و نبيل و معروفه كل اغنيه مسويه لها رقصه
مرا من المرات حضرت حفله نبيل شعيل و انا عمري 10 سنوات في سفير الزمالك مع عتاب
و فطيم كانت الرقاصه في الحفله
اشوا ماكان في تصوير و لا بلوتوث جان علوووم
في حفله السفاره الكويتيه في مصر لما كنت ياهل مصورين رقصي ويا عبدالله الرويشد !!
خووش ماضي صح
جيرانا في مصر السفير العماني و ميننتهم
لي درجه ان حراسهم ماسكين ابوي يقولون له بناتك اذونا
ابوي يقولي ما درو بنت وحده
مالت عليهم وايد بنات و انا بروحي يحروني ليش ما ينادوني !!
فكنت احذف عليهم بمب (جراقي )
و مرا من المرات رحت حق الي فوقنا السويسريا طلبت منها امشي جلابتها
خذيت جلبين و هديتهم في حديقه العمانين
ههههههههههه
طشرتهم
جان اسويلهم حركه حرااااااا و اغني (( حرااااا يا عذاااااالي ))
كنت كلا اطلع الرابعه او الخامسه في الصف
وايد امي كانت تطقني
و من يدش ابووووووي
اصرخ من قمه راسي
((يبااااااااااااااااااااااااااااااااااااااااااااااا ترا امييييييييييييييييييي طقتني ))
طفله قياديه بشكل عنيف
اطق الصبيان و ما يهموني
لساني طويل
و قررت اكون محاميه و انا في ثانيه متوسط
سألتني امي اشمعنا محاميه
قلت لها لان اخوي يناديني( دلول المولي ) مدري منو هذي بس اظن وقتها كنابه عن البنت الي كلا اتلعلع
اعشق السباحه بطريقه اتخرع مرعبه
و مخليه اهلي يخافون مني
يا ويله الي يفكر اني اسبح في حوض الصغار
كنت اطب من النقازيه الي في الحوض و انا ما اعرف اسوي انقز اطب على بطني و اشرب نص الماي
بسسسسسسسس عادي
طفوله قشره
ستروا على ماوايهتو

لانك تحبني ..

سألته اتهقى راح يحبني ؟؟
رد علي و ريحني ..اذا عرفج مثل ما انا عرفتج اكيد راح يموت عليج
مو بس يحبج !
رديت اسأله مرا ثانيه :بس اهو حوالينه وايد بنات
و معاه وايد بنات .. يقول مو عارف اشيبي.. تعبان من كثر ما يلف يدور بنات
بس خايف لو يكون وياي .. ما راح يرتاح

رد علي و طمني : انتي الراحه بهالزمان انتي غير
انتي حريه بمعنى الكلمه..
حنانه شوي بس حنتج احلى ما فيج
بكل عفويه قلت : لانك تحبني تقول عني جذي

بس اهو اكيد ماراح يحس في هالشي وياي
قالي : روحي قوليله قصتنا
روحي قوليله اشسوينا و اشسويتي انتي فيني
قوليله منو انا .. وقوليله قبل اعرفج اشكنت
و اليوم بعد حبج شتمنى
قوليله يوم عرفتج كل الي اتمناه وياج ساعه
اخلص منج و ارتاح
و عقب اول ساعه عرفتج و هذا انا ماتعديت حدودج
قوليله في واحد بيعطيك امانه
و لو خنتها موتك بكون على ايده
قوليله يقعد وياي اعلمه منو انتي
و اذا ماعرفلج يومها بتكونين ارملته
و بكون انا ريلج

اشرايكم في اللقطه

desperate single !!
watching
desprate housewives

ادري لايعه جبدج مطلقه من ريلج الي تموتين عليه

و مجابله هالياهل .. شتسوين طلعي معاااه اصغر منج بعشر سنين يا حيل الله

ابرك من ان انج تتسدحين بالفراش و تعلفين هالاكل و تنامين

اشرايكم فيني و انا اكل بفراشي !!

صصصصصصصصصصصصصصصصصصصصصصج

داسبرت !!

لحد يقول ليش فراشي مبهذل

مالي خلق اسنع فراشي حق التصوير

عادي

انتوووووو مو غرب

شخباري

تحديث*

تمشينا على البحيره
كنت ماسكه بوكه
و نظارته
و اهو يشرب البيببسي
ريحنا على الدري (الدرج)
جابل البحيره
و انا جابلته
يسألني شتشوفين
بسج خز فيني
اشوف فيك عمري
اشوف حياتي بين عيونك
يبتسم
ينغر اكثر
و يشرب الباجي من البيبسي
يسألني :فطومي تدرين بحيره زل ام سي اشكثر ترتفع عن الارض ؟
كنت اعرف بس قلت لأ
رد علي بنظره و قال :
انتي اي جامعه مخرجتج و معطيتج الشهاده
شتعرفين
ماتعرفين شي في الدنيا
ابتسم
يدغدغني شعور غبائي و جهلي يمك
و انك مستمتع و انت تنعتني بالجاهله ما تعرف شي
شي يكسر حاجز شهادتي
و يعطيك ثقه بالثانويه الي عندك

هل تعتقدون ان الشهاده او المستوى التعليمي
يكون عائق بين حب ؟؟
او حياه زوجيه ناجحه؟؟

اهداء لكم

وشخباري

رحت المطار عشان اخلص شغله
و نظرااااااا لاني هابه في اغنيه ذكرى
و شخباري و حاطتها لكم اهداااااااااااء
و الله يسااااااامح الي كان السبب
خذيت خط المطار
لي اشاره الضاحيه
بصراخ هستيري على اغنيه شخبااااااااري
اذبحتني الاغنيه

شخبااااااااااااااااااااااااااااااااري
وشخبااااااااااااااااااااااااااري
شاللي جابني على البال
شالطااااااااااااااري

مين شاااااااااغل الي شاغلك عني
عسى ما شر و اش خلااااااااااااك تذكرني
بعد ما اعتدت هجرااااااااااااااااااااااااااااااااااااااااااااااااااااااااااااااااااااااااااااني
ليه اتجدد احزاني

بعدها ترووووووووووووووووووووح و تناساااااااااااااااني
و ترجعلي بعمر ثاني و تسألني عن اخباري
و شخباااااااااااااااري


ابد على حطت ايدك
لو كان هذا يسعدك
ما شي تغير للاسف
لي اليوووووووووووووووووووووووووووم
كلي في دبرتك

و ابد على حطت ايدك

صدقني لو كان بيدي انا تركت من زمان
اسألني شاللي حدني
شاللي جبرني على الهوان
الي جبرني اني احبك
ياللي خذااااااااااااااااااااني
الي خذااااااااااااااااااااني مني حبك
رجعني لي
حلفتك بربك

و شخبااااااااااااااااااااااااااااااااااااااااااااااااااااااااااااااااااااااااااااااااااااااااري
هذي اخباااااااااااااااااري
لكن اسألك بالله
شالطااااااااااااااااااااااااااااااااااااااااااااري
مين الي شاغل الي شاغلك عني
و عسى ما شر و ايش الي خلاك تذكرني
بعد ما اعتدت هجراني
ليييييييييييييييييييييه اتجدد اشجاني
بعدهاااااااااااا تروووووووووووووووووووووووووووووووووح
و تنسااااااااااااااااااااااني

ترجعلي بعمر ثاااااااااااااااااااااااني
تسأأأأأأأأأأأأأأأأأأأأأأأأأأأأأأأأأأأأأألني عن اخباري
و شخباري !!!

الجزء الاخير

كانت بصوت عالي تقول كلمه وخر

قامت منه
و اسحبت الجنطه
بدون كلام
و اهو ما تحرك
و لا كلمها
طلعت من الدار مصدومه
نزلت
عدلت عمرها في حمام اللوبي
طلعت من الفندق
تمشت في النايسبريدج
دقت على أروى
فضه : مدري هل المفروض ابجي ! مثل الافلام بس مافيني بجوه
لكن انا مصدومه
اروى : اشفيج !! بسرعه تكلماي عندي ميتينج بعد شوي
فضه: دشيت وياه الدار وقفنا سولفنا و بدا يتحرش شوي
و انا ما انكر اني تجاوبت.. ابيه اشتبين .. شي طبيعي بصير شي
بس مو مثل الي تصورته !!
اروى : ليششششششششششش اشلون ؟؟ ابيه لحظه نمتي وياه
فضه: لا يروح بالج بعيد.. اصلا حتى هدومي علي .. بس الي كان يبي مني شي
ماكان يطلبه بطريقه واحد يحب.. كان وحش !!
اروى : فضه احمد مو وحش .. بس اهو متعود ان ياخذ هالشي بدون مقاومه من كل البنات
انتي تبين تقاومينه في لحظه اهو مو في ويعه!!
فضه: ما امداه يكون مو في ويعه .. قمه الطبيعي .. و عادي اشفيج ما صار شي..
اروى : شنو صار او ما صار ترى دودهتيني !!
فضه : ولييييييييييييين هذي شفهمها .. يبااااا تدونا بنبدي انا خفت
قلت له وخر ! مارضى بيحط ايده في مكان .. وخرت ايده وخر ايدي حيل ..
حسيت بيصير شي وخرت عنه
و قلت له وخر... الي يحب وحده يخليها على راحتها
الي يحب وحده يخاف عليها في الفراش
الي يحب وحده ما يصير حمار و يطلب منها شي في اول مرا صح !!
اروى : انتي وينج الحين ؟؟
فضه: في الشارع اتمشى .. مالي خلق ارد البيت.. يالله اخليج طولت عليج
اروى : اوكيه اطلع من الميتينج و اكلمج

تتمشى
يدق عليها احمد
و ترد عليه
احمد : الي سويتيه صح ؟؟
فضه : بتفتحني احمد ؟؟ عشان تروح امريكا و تقطني .. و لا اشوفك !!
كل الي صار و الكلام الي انقال عشان هاللحظه يا احمد ؟؟ رد علي !!
احمد : مينونه انتي صح ؟؟
فضه: مينونه لو كنت قاعده مع هالوحش بالفراش دقيقتين
احمد .. انت اول مرا تكون صادق في اللحظه الي كنت معاك فيها
أحمد: بس خلاص سكري الموضوع !! و لا تفتحينه و لا بيكون يوم من الايام بيني و بينج شي انتي ما تبينه .. وينج فيه
فضه : ليش؟
احمد : وينج فيه ؟
فضه: ما ابي اشوفك لايعه جبدي منك
احمد : مانتي شايفتني شهر كامل ... اليوم الساعه 12 بالليل بروح المطار و بتفتكين مني
بس الحين امشي بروح حاجز لج مكان .. وينج الحين فيه ؟؟
فضه : تحت يم باب الفندق ..
احمد: يالله صبر دقيقتين و اكون عندج ..
ينزل احمد .. و فضه اتصدد عنه تمشي وياه و اهي ما اطالعه
يركبون تاكسي .. يقول حق التاكسي .. يوديهم محطه القطار
فضه : يا حسره قلبي وين بتوديني
احمد : انتي ليش وايد ملقوفه .. صبري .. وبعدين انتي زعلانه .. مدي بوزج اكثر
عشان ابي هدوء .. مزاجي متعكر
ينزلون محطه القطار ..
يقولها اوقفي اهني ..
على ما اشوف الجيت
يروح و يرد بعد دقيقه طاير مستعيل
بسرعه يالله بسرعه ..
يالله يمدي ناخذ براوني و ايس كريم
عندج خبر اهني احلى ايس كريم في الدنيا امشي امشي بسرعه
ياخذون ايس كريم
و براوني و يركب وياها القطار
فضه : لي الحين منت قايل وين بتوديني !!!؟؟؟؟
احمد : اسكوت... ascott
فضه : ليشششششششششش!! اشفيها زود عمري ما فكرت اروح لها
احمد : بنركب خيل ..بوديج مكان نركب فيه حصن بس المفروض من الصبح
على ما نوصل يا دوبك يمكن انلحق اذا فيه سباق او نركب مدري لي الحين شنو اكو عندهم هناك اليوم .. بس قريت في السايت
فضه : انزين جان قلتلي البس لبس حصن
احمد : يطالعها باستغراب ! عندج لبس حق الخيل
فضه : لألألأ بس اشتري
احمد : طلعي البراوني من الجنطه ..
يوصلون اسكوت بعد ساعه
و يروحون يشوفون الخيل
و فعلا تسنانس وياه في هاليوم ..
و تصور وياه ويا الخيل و يرجعون اخر النهار
لندن
يروحون يتعشون في ماكدونالدز عند محطه القطار
تسلم عليه و يرجع اهو الفندق و اهي الشقه
و قبل لا تمشي يمسك ايدها و يقولها
احمد : فضه ترا انا صج مو زين .. فيني شغلات وايد مو زينه
بس بغيرها .. تحمليني .. صبري علي .. بتسمعين حجي و بتشوفين
بس تحملي وياي لي الاخر ..
تسلم عليه فضه و تروح
و اهو يتمشى
يريح في الغرفه و تالي يسبح و يحلق و يروح المطار
راح امريكا 21 يوم
مع ربعه
بعيد عن فضه .. و بعيد عن القيود
استانس احمد فيها وايد .. ولكن
و اهو بعيد عنها
يحاتيها
يسأل عنها وايد
يدق عليها
في اي حزه تدق يطلع من اللاونج او البار و يكلمها
كان بين حانه و مانه
اذا رضا عنها و كانو زينين يكون من ابدع من ما يمكن
من اتهاوش وياه او اتقثه في مسج خانها مع اي وحده
و يعترف لها ! و يقولها كلا منج انتي خليتيني اسوي جذي
قثيتيني !!

في يوم قبل ردته من امريكا باسبوع
يتهاوش وياها هوشه مو طبيعيه صراخه يشيل المكان
و بدون مقدمات .. يقولها : خنقتيني
ما اقدر بس ما اقدر خنقتيني ..
تعبت .. احس وياج بالالتزام ماني قده
ما اقدر اسوي الي تبيه
و لا ابي اخذ منج شي ما تبي تعطيني اياه
لا بينا سكس
و لا اقدر اتزوج الحين
ما اقدر
ختقتيني
تعبت تعبت

تسكر فضه التلفون في ويها
و تبجي بجي مو طبيعي
تخترب عليها السفره
و اتحس بوحده
مكانه فاضي
تحاول تسكت عمرها بكلام
ان ما يستاهل و ان مو زين و ان ما يصلحلي
بس ما تقدر
لانها تحبه
ترجع الكويت
تقعد فتره كبيره ما تطلع و لا تبي تروح اي مكان يمكن تصادفه
يدش عليهم رمضان
تروح العمره اتغسل قلبها
تسافر في العيد
دبي
وبدت تنسى شوي بس مو قادره

اما احمد اهو الانسان الوحيد الي حس فعلا ان خسر شي كبير
لان خسر امرأه له اهو وحده
حوالينا بنات
بس مو نظاف
حوالينا بنات بس مو له
ما يملك عليهم سلطه و لا يقدر حتى يحترمهم
يذبحه الفراغ من بعدها
يذبح عمره بالشغل
و في الويك اند سهرات و حفلات
يدق على سعود
يقوله : ترا انا صج تعبت
تعبت ماني قادر
كنت احس انها اتخنقني
بس فراقها يذبحني
مكانها خالي
خالي انا قاعد افكر جد في الارتباط فيها
انا بتزوجها
بس لازم اعطي نفسي شهر
او فتره مدري اشكثر
اشوف نفسي فيها
لاني ما راح اردلها هالمرا بالتلفون
بفكر و بقعد مع نفسي
وبخلي امي ادق
لازم امي ادق
هذا الشي الي يرضيها و يرد اعتبارها
انا ادري اهي الحين تعبانه
انا حاس فيها
يقاطعه سعود : ما يمدي احمد..
احمد : شنو ما يمدي
سعود : تحسفت متأخر
فضه خطبها ناصر
احمد : اي ناصر ؟؟!!!!!!!!!
فضه : الي وياها في الانتخابات

فضه ما اعرفت بقرار احمد
و احمد متحسف قد شعر راسه انه ضيعها
احمد لي الحين متحسف باللي سواه و متحسف عليها
و فضه الله وفقها برجل عرف قيمتها
يمكن حياتها ويا ناصرمافيها الفانتسي الي كان معا
احمد .. بس فيها استقرار


ملاحظه : القصه بكل احداثها و تسلسلاتها

عباره عن خيال في خيال

و حتى الاسماء و اذا دققتوا اكثر ان حتى بعض العناوين غلط

هي حبكه من خيالي

فضه و احمد ..الجزء الثاني

يوم الاحد
التاريخ
14-5-2006

فضه توها قاعده من النوم المغربيات
ماخذه شاور ..
تدهن جسمها..
تطق عليها الخدامه الباب اتييب لها القهوه..
و معلقه قميصها على الباب..
تلبس هدومها..
تشرب قهوتها..
تسحب القميص و تحذف العلاق..
تلبس
يرن الموبايل ..
تشيله
الووو ..هلا كاني ..كاني يايه الحين ربع ساعه و اطلع ..
زحمه ؟؟ انتو وين صافطين؟ انا راح اسفط بعيد و اطقها مشيه ..
رطووبه ؟؟ وا لا حر لاني توني سابحه ؟؟
ريم: ربطي شعرج واهي حر موت ..و حدا زحمه .. وايد ناس ...

فضه: يالله عيل لا تعطليني .. خليني اخلص بسرعه..
تسكر فضه التلفون تلقى مسج ما اسمعت رنتها ..

اوخ يايني مسج ما انتبهت .
تفتح المسج
تنصدم
تقرا المسج مرا
مرتين ..
تبي تستوعب ان هل هذا رقم احمد
تطلع الكرت من بوكها ..
تشوف رقم الموبايل
اي نفسه هذا اهو الي في الكرت
ابييييييه احمد سواها و دز مسج !!
شرد عليه
ليكون عباله حاقره !!
تتصل في اروى
فضه : سمعي بقولج شي
اروى : رووحه لساحه الصفاه ماني رايحه !! حر و رطوبه و عمات عين
فضه : اسمها ساحه الاراده مو ساحه الصفاه يا حظي ..وبعدين عنج ما ييتااااااي
سمعيني .. احمد دزلي مسج ؟؟
اروى : هاااااااو اشيبي !! ليكون عباله انتي من طقه الخمه الي يعرفهم
حقريه حقريه
فضه : اتهقيييين احقره (( و بقلبها تقول مالج امل احقر))؟؟
اروى : اي فكي عمرج و حقري ..
فضه : اي انا اقول جذي بعد .. يالله بروح تأخرت على البنات
تسكر التلفون من اروى

و تفتح المسج مرا ثانيه
و تحفظ الرقم ..
تالي ترد عليه
hala a7mad
im fine
thanks 4 asking ...
what about you ??
تدز المسج

و تشرب الباجي من القهوه و بسرعه بسرعه
تسحب الجنطه و السويج
و تنزل الدري
تركب السياره
تشغلها و الا اييها مسج من احمد
ana zian
can i call ??

تقرا المسج
الضحكه شاقه من اهني لي اهني
و تقووووووووول
ايييييييييييييييييييييي دق دق دق
يارييييييييييييتك داق من زماااااااااااااااااااان
دق لا تسأذن
و تحاجي المسج ساعه
تالي تستوعب و ترد على المسج و ببرود جنها ثقيله يعني و لاهامها

yep.

دزت المسج و تنطر
على ما طلعت من فريجهم
الااا احمد داق ..
هي : الو
احمد : هلا هلا ..شلونج
هي : زينه تمام .. وات اباوت يو ؟
احمد : زين تمام .. شلون دوامج ؟
هي : دوامي زين كرااااااااف حدا .. انت اشلونك عقب الدوره ؟؟
هو : والله زين اليوم اول يوم دوام ..عادي ماكو شي يديد .. ..طالعه؟؟ ليكون دقيت في وقت مو مناااسب
هي : لا عادي انت لما دزيت انا كنت ابدل و جذي و توني طلعت رايحه ساحه الاراده ؟؟ بتروح ..؟؟
هو : ليش بتروحين ؟؟ كلا رياييل و لي الحين ما حلو المجلس يعني مو متأكدين من سالفه وجودكم هاليومين في المجلس !
هي : برووح لان لازم يكون لنا موقف احنا بنات الكويت .. بروح لاني كويتيه احب هالديره .. لانا بسنا فساد ولابد انوقفهم عند حدهم
انت بتروح ؟؟

هو : اي كاني بعد شوي بروح ناطر واحد من الشباب يمرني ..
هي : اتصالك و مسجك بصراحه مفاجأه لي !! (قطتها اشكبرها الحجوه ))
هو : اي والله قاعد ارتب شغل الدوره واكتب تقرير و شفت كرتج .. بحطه في نوتت الكروت .. فدزيت لج مسج اسأل عنج
هي : تسأل عنك العافيه ما قصرت ..
هو : زين عيل اخليج طمنيني عليج ... اذا طلعتي .. او اكيد بنتشاوف انشاء الله هناك ...ديري بالج على نفسج ..
هي : انشاء الله ...
هو : تامرين بشي؟
هي : ما يامر عليك عدو ..تشااااااااو
هو : باي

يسكر احمد التلفون و يقوم بسرعه يظبط الفيديو على التايمر و يوقت المبارات ..
و يدق على سعود ....و يطلب منه يمره بسرعه عشااااااان يروحون ساحه الاراده ...
و في الدرب
سعود: اشوفك غيرت رايك وبتيي ...
احمد: مو لله بس عشان اهي هناك.. و بروح اشوفها
سعود : اي مو اقولك شكلها هذي بتسحبك ..
احمد: مالك امل .. بس بشتغلها هاليومين عدل لين اتعلق عدل تالي اسوي الي ابي
سعود: والله هذي من اولها غرقتك
احمد: تخسى تغرقني .. اشفيك انت اهي مايتها جذي .. اسبح وياها .. رسيناا سحبت مياديري و مشيت

ينزلون ..
يدور سعود على ربعه
و احمد يدز لها مسج

wherech ??

و على ما ترد يدورها..
ترد عليه

ana wagffa a3aleg postrat
warra almasra7 .. waiting 4 me eshway o betshofne

يقرا المسج و يتنرفز من تصرفاتها
و يرد يدز لها مسج

baby la etyeen here
3end alryayel khalich eb3eed

ويروح يدورها ورا المسرح

و يلاقيها واقفه مع شباب يعلقون و يشتغلون و ينظمون
يسوي نفسه كول
و يسلم عليهم
اتعرف احمد في بعض الشباب و تروح مع احمد يوقفون يسمعون

احمد: شكلج وايد حلو بدون مكياج
فضه: بعيونك بس
احمد: كلا ربطي شعرج
فضه: جني صغيره على الحب صح؟
احمد: لا بس مريحه
فضه اطالعه و تبتسم
يلتفت عليها و يبتسم لها
احمد : اشبتسوين عقب ..
فضه : بروح ويا ريم انتعشى
احمد : انا عازمكم .. دقيلها قوليلها .. هذي اوامر ؟
فضه مندمجه مع كلمه احد الشباب و تصفق تصفيق حااااااااااار
تالي ترفع السماعه و تقول حق ريم ان احمد عازمهم على العشا ..
و تسكره لان الصوت عالي
تستأذن فضه من احمد و تروح حق ريم
فضه : امشي عزما احمد على العشا
ريم : يولي .. بصفته شنو يعزمنا !!
فضه : بصفته يصيرلي و بصفه انج لازم اظبطين رفيجتج و اتيييييييييين وياي
ريم : انزين انزين اشووف اشووف .. بس ما اوعدج لاني ما اواطنه و لان ما يصلحلج
ظييييييييييييييييييييم ظييييييييييييييم ما ينبلع حجاااااااااااااااااااااي تفهمين شنو حجاي
فضه : انتي طالعه وياي انا .. و عشاني انا صح؟
ريم : اي .. سووووووووووو!!
فضه : فسكتي و انطمي و امشي
ريم : اوكيه خلاص الحين المكان قرب يفضى بس نوزع الشغل و اخذ بوستاراتي و اشيل العفسه و الحقكم ..
فضه : انزيييييييين مو اتييب طاري جدامه عن اي شي .. بس مدحيني تفخيني عنده وايد .. عشان يعرف قيمتي
ريم : مو انا هبله !! جني عبيطه ساحبتني امدح فيج ..

يركب احمد مع فضه و ريم .. بسياره وحده
و يروحون يتعشون في المطار و يسولفون و يرجعون البيت تالي
مابين سوالف عن الانتخابات
و عن الحياه و عن امور وايد بين الشباب و البنات

يرجع احمد يشوف المبارات ..
و من باجر الصبح يروح الرايه
يدخل محل بربري
يطلب من الشخص الي يبيع هديه غاليه
ينصحه بانه ياخذ جنطه ..
يفكر احمد
احمد : لو سمحت انا باخذ هالجنطه و بوكها مع الجوتي .. و تي شيرت برتقالي
بس ما اعرف المقاس لكن احتياط باخذ 38 ..
غلفهم لي

خلها اتيي تحت تستلم ..الهديه الحين
ينطر احمد الهديه تتغلف
و يدفعها و يتصل من المحل
و يعطي الريال السماعه و يكلم فضه يطلب منها اتيي محل باربري
يقوم احمد يحط الكرت ..
((سامحيني على القصور مو قدرج .. بس حبيت ايبلج شي بسيط من مكان ما تتعنين له ))
مشكوره على العشا امس مع ان معجون الطماط يابلي حارج

و في خلال عشر دقايق تنزل فضه ..
تستلم الهديه
تنبهر
تشوف الكرت
تموت ضحك
تطلع من المحل و اهي تحاول تتصل على احمد
يتلقاها عند الباب
احمد : كاني كاني
فضه : يما خرعتيني ..
احمد :احسن
فضه : واااااااااااااااااااااي مشكوووووووووووور مشكوووووووووور
ابي صدمتني شنو هذا احمد ليشششششششش جذي ليشششششش !!
احمد : اش اش فشلتينا مو جدام الناس تعالي بسرعه اوصلج و اقولج ليش يايبلج هديه مو لله بس تعالي
فضه : تطمش في الجيس .. و مستانسه .. و ميته ضحك
احمد شال الجيس عنها .. و عينها اتلاقط ورا الجيس .. و راحو صوب الاسنسير ..

احمد : انتي الحين محسوبه علي .. و يوم شفت امس البلوزه الضيجه الي لابستها .. قلت بدال ما اقولج اشكره اني غيور و حمش
و اني سطلت طول الليل على جسمج .. خذيت عمري و رحت يبت لج اطول و اوسع تي شيرت برتقالي ..
وصل الاسنسير ركبت .. و اهي مبتسمه
مصدومه ..
ايدها على زر الفتح ماسكه الاسنسير

فضه : راح البسها اليوم
احمد : قصبن عليج
و اهو يتسكر الاسنسير .. يبوسها على الهوا ..

فضه طايره من الفرح
تدخل دوامها و بيدها الجيس
تشوف الهدايا
حدها طايره فيهم
تاخذ الموبايل و تصور الهدايا و تطرشهم حق رفيجاتها ام ام اس

فضه مستمتعه في العلاقه مع احمد
بدايتها وناسه و هدايا و ايام حلوه و مسجات
و احمد وايد مرتاح و مستقر نفسيا معاها
و سعود متفاجأ من تغيير رفيجه غير المتوقع
و يراهن ان راح يرد باسرع وقت ممكن
مازال احمد على سهرات الويك اند و الحفلات
و مازال احمد يشرب و كانت فضه في بدايه العلاقه
مو فاهمه سبب حقران احمد لها في الويك اند بالليل
و التعسر و الالام البطن يوم السبت
احمد يحس ان بدا يحب فضه بس يكابر
يقول هذا طيش و صيده و يمني نفسه بان باجر بمل
و كل ما حس انها مقيدته و ان شبح الحب قرب
خربط زياده في اي حفله عشان يبرر لنفسه ان لي الحين لعوبي
و ان ما يحب
يكون في السهره و عينه على الموبايل
يرد على المسجات
و في نهايه السهره ااذ طلبت وحده انها تروح وياه الشاليه
يتعذر لها بانه مكثر شرب
و استمر هذا الحال فتره
بس كانت فضه لاهيه في الانتخابات و عفستها
و اهو لاهي معاها و مع خرابيطه
بس من اخلصت الانتخابات
بدت فضه تحس فيه و اتفقده
و بدا اهو يغطي كل اغلاطه بالهدايا و الكلام الي يطمن اذنها
و كل ما حست انه بعد عنها شوي
يزيد اهو بقربه
في يوم كان في الويك اند
يشب عليه الغولون و على غير عادته ما يسهر برا البيت
و يتصل عليها يوم الخميس بالليل و يسولف وياها من العشر بالليل لي الفير
و يقطع مكالمتهم
وصول امه للبيت
و اهو بداره و فاتح باب الغرفه
تدش امه البيت
و يصوت عليها
يما
يما
وينج !
تعالي
تحقره امه و تروح دارها
و اهي معاه على الخط يقولها : سويتي تبين تضحكين ..؟؟
هي : قبل لا ترد تضحك : اكيد .. ليش ؟؟
هو: سمعي و سكتي بروح اطفر امي
يما
يما
الام : و صمه اشتبي !!
احمد : يما دشي سلمي تعاليلي
وينج فيه متأخره اكوو ام ترد الساعه 11 بالليل !!
وولدها العزوبي السنع في الويك اند قاعد بالبيت !!
الام : ايا جليل الحيا ويني انا فيه قاعده عند رياييل يايه من الشاميه انا
انت الي ماتدري عن شي ابد و لا تدري عني طاير مع بنات ابليس
هو : والله يما ما يندرا عنج شكلج متزوجه و احنا ما ندري
الام : يالله يالله كل تبن بس اكل تبن و اذلف عن ويهي
سكر الباب وراك خلني البس
مامننك فايده و لا عايده
قاعد عشان ويهي !!
و لا دريت عني
قاعد مقعدك بطنك من هاللي تزحره
هو : ول ول ول خلاص خلاص يا كلمه ردي

يسكر الباب
هو : جني انزفيت !!
هي : من يقول

و يظل احمد يكلمها لي الفير
و من باجر يسألها وين بتسافر بالصيف ؟؟

احمد على العاده يروح امريكا
على الخطوط الجويه الفرنسيه و يرتاح في الرده في منطقه كان الفرنسيه

و فضه عندهم شقه في لندن
فقالت له انها بتسافر على العاده لندن من نص يوليو لي اخر اوغست

تلحق باهلها الي سافرو بعد الانتخابات مباشره
يفاجأها احمد بقراره السامي

بان راح يروح امريكا على البريتش معاها
و يوصلها لندن و يقعد معاها ليلتين في لندن
و بعدها يروح ساندييجو حق ربعه
و يمكن في الرجعه بعد يرجع وياها على حسب الحجز و الشباب

و تطير فضه من الفرح

لان بعد اسبوعين بتسافر وياه
يكفي وجوده يمها سبع ساعات في الطياره

و على رغم من استعداد احمد للسفر
و على الرغم من انه يشوف حياته وايد مريحه معاه
الا ان خايف مجرد التفكير بان العلاقه صادقه او طبيعيه
عقله الباطن يسوي ريجيكت
حق فكره الارتباط ببنت وحده

و يقرب موعد السفر
و يجهزون شغلهم كله ويا بعض

الي حس بالوحده في هاليومين سعود و باجي الشله
لان احمد وايد متغير عليهم
و دايما يقولون له
ان هالبنت بتودرك
في يوم السفر

يلتقي احمد مع فضه في قاعه دسمان
يركبون الطياره
و احمد طاير قلبه اكثر من الطياره
لان راح يسكن بروحه في لندن
و اكيد راح تكون فضه وياه 24 ساعه
وقتها راح يختلي فيها
سبع ساعات طارو كلمح البصر
يتفرقون في المطار

فضه تستقبلها امها و صديقه امها العربيه
و يروحون الشقه
و احمد يروح الفندق
يحرص كل الحرص ان الغرفه 24 ساعه مرتبه و ان اهو نظيف و مرتب اكثر من الغرفه
وبعد ما يرتاح احمد
يدز مسج حق فضه
(( لاحظي اني بروحي في لندن .. و اني ياي عشانج .. يمديني ترا انحرف
و ادور اي بنت .. او تأخري علي اكثر عشان اقزر في الهاوس كيبينج ))

تشوف فضه المسج
تموت ضحك
تدق عليه و صوت الاستشوار جدا عالي

فضه : وااااااااااااي ما اتعطل يا كرهك انطر انطر قاعده اتكشخ لك انا في الصالون امي مسويتلي حجز من يومين
بس اخلص و ايييك

احمد : اش تكشخين لي !! طول الليل مجابل كشتج
فضه : اي مجابلها بروحك مو جدام الكويتيات بهارودز
احمد : اي قولي كاشخه حق الناس .

...يوووووووووووعااااااااااااااااان ما اعرف اكل بروحي يالله تعالي
فضه : خلصت كاني دقيقتين و اييلك ..
احمد : تعالي بتاكسي مو اتجعصين و اتيين بباص !! تعالي و انا ادفع لج
فضه : واي لا تحن كاني خلصت بس اطلع امر الصيدليه اخذ معجون اسنان و اييك
احمد: لا تعالي مريني نروح ويا بعض الصيدليه لا تخافين ماني بايسج ما تحتاجين معجون الحين
فضه : هاهاهاهاهاهاه يالله كاني بس ادفع و اييك خلص بدل و 10 دقايق اكون عندك
تروح فضه مع احمد ياكلون بيتزا في هارودز

وبعدها يمرون الصيدليه
تاخذ اهي معجون
و يطلب اهو شراب (( ار يو 21)) وتالي
تسأله شنو هالدوا ؟؟

يقولها ان للقولون
تصدق

و يفتن الصيدلي بطريقه شرحه
و فهمت انه مازال يشرب
لان قال ان هذا انتي هانج اوفر

يطلعون من الصيدليه
و بعدها يدشون السينما
و كان اول مرا احمد يمسك ايدها بهذي الحراره
اهي ما استغربت من احمد هذا التصرف

بس احمد ما توقع انها بترضى يمسكها جذي
يبوس ايدها بين فتره و فتره
يخلص الفيلم
و يطلب منها يرجعون مشي
يتمشون في شوارع لندن
و بالطريج يوقفها احمد
احمد : تدرين على كثر ما احس انج تحبيني بس عمرج ما قلتيها
فضه : تصرفاتي .. عبرت عنها بدال كلامي من كثر ما تصرفاتي اتعبت تقول احبك .. ماصار يعني للكلام معنى

يوقفها و يبوس يبهتها
يوصلون الفندق
و عند الباب يقولها يالله خليني اركبج تاكسي الحين
و قبل لا تسكر باب السياره
يعطيها احمد كرت الغرفه
و يقولها .. ان طلب كرتين
واحد له و واحد لها
و طلب منها من تقوم باجر الصبح
من غير ما ادق عليه
اتيي تفتح الباب عليه و تدخل
يبي يشوفها قبل لا يسمع حسها
يبيها اهي تقعده من النوم

ما عطاها مجال ترفض
و فعلا من باجر الصبح
تفتح عليه الباب
و تتفاجأ

ان قاعد ينطرها بالفراش و اهو مبدل
و الدار مرتبه
و قاعد اهو على طرف الفراش ينطر دخلتها
اول كلمه قالها من شافها

احمد : تدرين اني ماخذ غرفه دبل
وتدرين اني قايلهم معاي زوجتي
و اذا ماتدرين ان بقا نص ساعه على الريوق
و ريلج ميت من اليوع بس ماهان عليه يتريق و انتي مو معاه
تدمع عيونها من كلامه
تسكت
و يسكت
اهو ماسك ايدها
ينزلون مع بعض
و اول ما قعدو على الطاوله
قالها : اكلي بس لا تكثرين بيض ورانا درب حاجز لج مكان حلو
فضه : تموت ضحك ..
احمد يوكلها و يستانس وياها و كأنه صج معرس
او صج يحبها يزيد صوت ضحكهم لما قالها عن اعتراف شنيع
احمد : اقولج سر ...!! انا بعد الريوق لازم ادش الحمام .. فعادي امشي وياي الدار بزرعج شوي
فضه : تموت ضحك عليه .. و تقوله : يا حيل الله بعد اي وياك ..

و يدخلون الغرفه

و يوريها احمد الشارع الي تطل عليه الغرفه .. و ازعاج السيارات طول الليل ..
و عند الدريشه واقف اهو وراها و المطر رذاذ .. يلمها و يسكتون
لحظات صمت يتكلم فيها العشق مرات
لحظات صمت تتكلم فيها غريزه رجل
و مشاعر امرأه
تتداعب فيها الايادي
و تتلامس فيها الشفايف
ايدها تحاول تقاوم بعض المرات
و تردعها ايده
يقربها صوبه اكثر
تقاوم اكثر
توخر
و يسحبها
يذكر نفسه بان لازم يطول باله اذا يبي شي
ياخذ نفس عميق
و يحاول يخدرها كثر ما يقدر
حتى يوصل لنقطه ضعف منها
لين قدر يوصل الفراش
و اهني عرفت اشلون تقاوم اكثر
و تأكدت ان ما يحبها
من يوم وخر ايدها حيل
اخر كلمه قالتها و سمعها
في هذي الليله
وخــــــــــــــــــــر
وخر
ما ابي
وخر

يتبع

(1) فضه و أحمد

تعودت تشوفه وين ما تروح
في المطاعم او السينمات
معارض العقار ..و حتى السفر

سبحان الله وين ما تروح من اول الموجودين في المكان اهو

هالمرا قالت اذا رحت الرايه و لقيته جدامي
بيطلع صج قزيز ..و بغير نظرتي فيه

لو انا الي بس اشوفه اقول الحال من بعضه انا و اهو في الهوا سوا
لكن رفيجاتي 24 ساعه يتلاقون وياه بعد

و في الرايه توها طالعه من محل ( اويللي) تصادفه
تنزل تقعد في وتر لمون يكون موجود ويا ربعه

هالمرا حاول في نظراته يكلمها
و ما فهمت شي

و بعدها باسبوعين
تطلع لها دوره في احد الفنادق
و يكون صدفه وياها
طارت من الفرحه
استمتعت
اول مرا ما اتحس ان الدورات مو ممله
و يطير الوقت بسهوله

في البريك
يشرب قهوه و يقولها تبين
تسوي حق نفسها قهوه
و يسألها
وين تشتغلين ؟؟

هي : شركه نور ..تعرفها
هو : اي الاسثماريه ...مو تابعه لجلوبل ...وين مكانكم
هي : الرايه
هو : اي حلو ..بعد فتره راح ننتقل يمكم احنا ماخذين دور في الداو
الي يمكم..

و يمر الوقت ما بين
سوالف عن طبيعه العمل و الشغل
و عن الدورات و المعارض

و بالاخير يقولها معاج احمد الفلاني

تقوله حياك الله و تشيل جنطتها و بتروح ترجع القاعه
يكملون الدوره
يسألها ... :ماتشرفنا في حضرتج !
تستغرب اشلون تدودهت من اسم عايلته و نست تعرف بعمرها
هي : معاك فضه الفلاني ..

هو : اخوج خالد .. ؟
هي : اي ..
هو : و النعم والله اسمع فيه و اصادفه بدواوين بس ما اعرفه شخصيا
هي : ابتسامه صفرا (( بقلبها تقول ..كلش مو وقته تطلع تعرف اخوي ))
هو: هلا فيج فضه عيل طلعتي من الاهل .. تدرين ؟
هي : اي ادري في علاقه نسب صح ؟
هو : لا مو انتي امج بنت ....... انا يدتي ام امي من نفس العايله
و اهو شاق الابتسامه ..

يقعد اهو في مكانه و ما يشيل عينه منها
و اهي تقعد في مكانها و اتحس ان ودها تحذفه بالطفايه من الخز
لانها صج تضايقت من احساس وجود واحد مجابلها ما شيل عينه منها..

تخلص من الكورس تطلع
بسرعه
تركب السياره
طلعت الموبايل و حطته يمها
ما تبي تدق علي رفيجتها او ما تطلع يمكن
يكون قاعد يشوفها
و ما تبي تخليه يحط في باله انه عندها واحد
خبركم الشباب من يشوف البنت مزهوقه على الموبايل قال عندها واحد

اطلعت من الباركينج
الامن مستتب
تشيل الموبايل تدق على رفيجتها أروى
هي : الوووووووووو سحيله وينج؟؟
اروى : في الفراش اتقلب ليش ؟؟
هي : سسسسسسسكتي سمعي المصيبه
تذكرين ذاك الحلو الي وين ما اروح اشوفه
الي كلا اقولج عنه .. طلع وياي في الدوره !
تخيلي و طلع يصيررررررررررلي
تخيليييييييييييي لو انا متهوره و متعرفه عليه
وي جان علوووووووم .. الله يا الفشله ..
اروى : خلصيني من طلع شسمه ؟؟ يجووز او لا يجووز ؟؟
فضه : احمد الفلاني ....!
اروى : تطمر اتعدل قعدها !! شنوووووووووو عيدي الاسم !.؟؟
فضه: احمد الفلاني
اروى : احمد الي متخرج من امريكا ؟ امه خالتي نبيله ؟؟
فضه : هااااااااو اشدراني امه مني !! الي اعرفه ان يدته تصيرلنا
اروى : اي هذاااااا اهو الطويل الحنطاوي !؟؟ صح بو حنج !
فضه : اي طويل مملوح زوقه .. خشمه طويل ..عيونه كبار
اروى: جبي جبي بس جبي وووووع ماعندج ذوق !! اشلون ما تعرفين منو هذا !
حدا سرسري راعي بناات ..ظييييييم مشطب على نص بنات امريكا !!
تعالي شووووفيه في ((كان)) ايي يومين و حياتج حق اهله ما يبقى سعوديه ما يتعرف عليها و يمشي..
فضه: اي معذووووووووووووور زووغه !! اكيد البنات يتلزقون فيه !!
اروى : طاااااااااع هذي .. اقولج سرسري تقولين معذور !! لانه حلو
خوش نظريه .. الزبده اكسي عليه و قطي وراه سبع صخرات !!
دامج عرفتي انه مو نظيف وخري عنه ! اشلج بعوار الراس .. مو راعي حب و لا راعي زواج !
فضه: يالله باي باي الحجي وياج ما ينفع 10 مرات امي ادق .. كاهي على الخط الثاني ....

واستمرت الدوره لي نهايه الاسبوع ..
في البريك يقعدون ويا بعض ..
سوالف عاديه ودردشه..
و في اخر يوم يتبادلون كروت بعض .. فيها الايميل و الارقام ..

يسأل احمد رفيجه سعود اذا يعرف عنها شي
يبشره سعود ان اخر اليوم راح يطلع له كل شي عنها..

و في هالفتره .. كانت فضه تتخيل نفسها شنو ابعاد العلاقه بينها راح تكون مع احمد
و تسأل امها اذا تعرف امه نبيله ..و تسرد لها امها قصه زواج نبيله من فهد و قصه حبهم
الي كانوا يتحجون فيها بثانويه كيفان و بمعهد المعلمات .. و امه كانت ناظره ..و توها مسويه عرس حق بنتها
و القصار بدع فيه !!
و فضه تبي زبده من امها .. مو محصله
تقول بقلبها انا شكو بامه و ابوه .. و اذا امه ناظره و الا وكيله
ياربي امي ما تعرف اتبرد القلب كلش..

يرد سعود على احمد ..الخبر
سعود : حمييييد ابشرك !! البنت مو موديلك كلش .. وخر وخر
احمد : اشماله !!
سعود: شغل عوار راس .. حبني و احبك .. باختصار منت محصل منها شي
اذا تعرفت عليها بعورك راسي و مصرف على الفاضي.. بيضيع وقتك مكالمات و صكت راس..
و منت محصل منها شي.. موديلها مال الثمانينات حدها تواعدك بقهوه ويا رفيجاتها !
اقوول حميد بلا عوار راس ..فج عنها.. مو موديلك .. وبعدين تبي الصج البنت مو ذاك الزود
ممممم يعني 6- من عشره .. مو مال ينتعب عليها !
احمد: شفت كلامك هذا .. شجعني وايد اني اتعب عليها..
والله مليت من السهلين... فيني احدق !! فيك شده اتحدق وياي ,, و الا تخليني احدقها بروحي..
ساعدني يا اخي !!
سعود : طس عن ويهي انا ما احب اكل سمجه انا صايدها.. ابي اشتري الشي جاهز من فلوسي
مقشر و نظيف !
احمد : مو كفو نعمه..تبي الصج .. من زمان ما اكلت اكله نظيفه .. بنت عايله .. مني و فيني ..
لا انا جادم اكل اكله خمس نجوم...من اول يومين بفهمها اني مو مال زواج..تبي حياها الله ..ماتبي لله و رسوله محيها.. وين بتروح الحين ؟؟
سعود: بمرك الحين اخذك نروح الدوانيه .. عفسه الدنيا ويا هالدوائر.. شكلهم بحلون المجلس !
اتهقى يحلونه !!
احمد : حلووه و الا قعدوا انا شكو فيهم يبا لا تمرني و لا لي خلق سياسه انا واحد راعي مزاج !
راعي وناسه انا اشلي بعوار الراس .. بقعد في البيت اجابل مباريات مهمه اليوم ميلان و روما !!
منت شايفها ؟؟؟
اروح اعور راسي و يا مجلس الخمه و اخلي اقوى مبارات في الدوري ..


يسكر احمد التلفون و على ما تبدى المبارت ..
يمسك كرت فضه .. و يقلبه ! يدق
ما يدق .. يدز مسج ؟؟ ما يدز .. صارله يومين يفكر في هالسالفه..
بدز مسج .. و الي فيها فيها..


Hii dear, wassap ,

this is me ..

ahmad .

خاف الله فيها ..

نرفزني برنامج حسين فهمي يوم اليمعه
مدري السبت .. متحاور مع زوجين ..
المرا تشتكي انه لي هالعمر و ريلها ما زال يطقها
و بعد ما تناقشوا في الموضوع المستفز و هو ضرب الحريم
استفزني هالريااال الي بغيت اطلع له من الشاشه
يقول والله يعني ما اوعدكش اني مش حضربها ما اهما اصلا النسوان تستفزك !!
و لما سأله عن الاسباب طلعت كلها اسباب تافهه و المفروض الريال الي ينطق عليها
فعلا في مناقشه لي بعض البنات تفاجأت ان في فئه من المجتمع مازالت تعاني من الضرب
كنت اعتقد ان البدو اهم بس الي يطقون حريمهم
و بما اني اختلط وايد مع بنات بدويات فسألتهم

تنصدمون اذا قلت لكم ولا وحده فيها من تزوجت ريلها مد ايده عليها
و ان الفئه الي تعاني من الضرب في مجتمعنا مو مقتصره على مكان معين
ولكن مقتصره على جنون بعض الرجال و عقدهم!!
للاسف و احنا في مثل هالزمن و الوقت و مازالت عندنا مشكله ضرب الزوجات
هذا شي مهين , يكسر في المرا اكثر مما يصلح
اتقوا الله في نسائكم
و استوصوا بالنساء خير

و يا عل ايدكم الكسر انشاء الله

لعنبو رجـل ٍ يشـوف المرجلـهْ فضـرب الحريـم !!

من متـى كانـت رجولتكـم علـى ظهـر النسـا ؟!

(ضلع ٍ أعوج ) بس مـو دايـم بكسْـره يستقيـم !!

قوّمُـوه فْعُمْـر لينـه .. يستقـيـم الـيـا قـسـى

يا رجـال اليـوم ( رفقـاً بالقواريـر ) ..

و قديـم ..قالوا: (أخيَرْكم .. رحيم الصبـح // مِكـرام المسـا )

ما يبات الليـل كاسرهـن .. و الـى جَـنْ البهيـم ..

مركـب يدينـه علـى مرسـى مدامعـهـن رســى

بيـض الله وجــه جابـرهـن بعيـشـات النعـيـم

و سـود الله وجـه جابرهـن علـى عيشـة أسـى

ذاكر حقوقـه ليـا قيـل ( اربـع ) بشـرع الحكيـم

و إن وصل لين ( اعدلوا ) طنش ابو الشرع و نسى !!

كِن ( سي السيد ) خلقْـه الله علـى أهلـه زعيـم ..

طاغي معربدْ .. قسـم باللـي بْيحاسِبْـه .. ايخسـا !!

لا الرجولـه بالعنـاد و لا هــي بقـهـر الحـريـم

ليمتـى و العنـف صايـر ظاهـره ضـد النـسـا ؟!

يالله صبر قلبي عليه

*تحديث

على سفح الظما القاك

اليوم راديو المارينا اف ام بدع في اغاني عبدالمجيد عبدالله القديمه
و كل شوي اكمل فرارتي ماني قادره اسفط في البيت من الاندماج
بس اطلعت هالاغنيه ما قدرت انزل
و طقيتها فرااااا في قرطبه و اندمجت اندمااااااااااج و انوااااااع الرقص و طق الرقبه و زين ما انكسر السكاااان
عبالي مراويسسسسس مو سكان !!!
تحمدوا ربكم
يالله ثبتهم في عقلهم
ايام هالاغنيه ايااااااااااااااام
عجيبه

استمتعوا فيهااااا

احلى اهداء مع بدايه اسبوع يديد

اشتقت اليها

كنت اتصفح في جوجل
و فجأه اذ بي في مدونتك و مقال اشتقت اليه

و لان الصدفه جمعتني بك لان اسمي بندر
فاحببت ما كتبت كثيرا

و لاني غير المعني بهذه السطور
ولكن فقط لان اسمي بندر
استمريت في قراءه مدونتك
و فجأه اربط الاحداث
و الشخصيه
لألأ
اظن اني اعرف هذه البنت
اقرأ الكثير من المواضيع
و بعد قراءه ارشيف شهرين عرفت
انك انتي فاطمتي
و لم يخطر ببالي يوما انك تجيدين الكتابه بهذا الاسلوب

طالما كنت احلم بان اكتب روايه
و كنت دائما اذكر هذا لك
يا فاطمتي
اني سأكتب روايه تكونين انتي بطلتها
و لكن عندما كتبت فصل واحد
علمت علم اليقين اني لا استحقك
و اني كرهت نفسي حينها
فكيف لشخص مثلي
يحصل يوما على جوهره و لم يوفيها حقها
فاطمتي شائت الاقدار و جمعتنا
و شائت الظروف و فرقتنا
وعلمت بعد خمس سنوات اني لا استطيع ان اتكيف مع غيرك من نساء العالم
انتي ملاذي يوم لا مرسى لي غيرك

و انتي سلوتي في وحشه غربتي

سامحيني اذا خذلتك يوما
فاني خذلت نفسي العمر كله

رجعت اطلب منك الصفح
و لم تقبلي
و تركتيني بعيد عنك
و انقطعت اخبارك عني
و لكن ايعقل ان من ابحث عنها
هنا امامي بجنونها في شاشتي الصغيره!

فاطمتي
بعد ما حصلت على الدكتوراه فانا اتمزق يوم بعد يوم لاني سبب في فشلك الدراسي
ايعلم احد اني سبب فشلك؟؟
ام لم تذكري ذلك لاحد و كابرتي

ايعلم احد اني انا من سميتك سمو ؟

انا اعلم علم اليقين انك لم تصدقي كلامي
و لكن دائما كنت اقول لك
عندما اكون مع كأسي فانا اصدق ما اكون
و اصدق مما تظنين

طفلتي بعد ما ملئ الشيب رأسي
وبعد ما حصلت على المراكز القياديه التي حصلت عليها
وبعد مرور هذا العمر و انا وحيد
لا اريد من الدنيا سوى التأمل بعينيك الفاتنه
التي كنت امضي الساعات صامتا امام رمشيك
لا اريد سواك
و لا اريد الا ان ارى ضحكتك التي طالما رجوتك ان تغيريها

فانا اليوم
من اشتاق اليك
و انا اليوم من اراد السكن في صدرك
و انا الرجل الذي لم يعرف قيمتك الا عندما يثمل
فيناديك بصوت عالي
طفلتي
جنتي



(احب ان ارد عليك بقصيده( فاطمه في ساحه الكونكورد
لحبيبك نزار قباني

1
يُمْطِرُ عليَّ كُحْلُكِ الحجازيّْ
وأنا في وَسَط ساحة (الكونكوردْ)
فأَرْتَبكْ..
وترتبكُ معي باريسْ
تسقطُ حكومةٌ .. وتأتي حكومَهْ
وتطيرُ الجرائدُ الفرنسيّةُ من أكْشَاكِها
وتطيرُ الشراشفُ من فوق طاولات المقاهي..
وتطلبُ العصافيرُ اللجوءَ السياسيْ
إلى عَيْنَيْكِ العَربيَّتيْنْ...
2
أيَّتها العربيَّةُ الداخلةُ كالخنجر في صَبَاحات باريسْ
يا مَنْ ترتشفينَ القهوةَ بالحليبْ
وترتشفين معها كُرَيَّاتي الحمراءَ والبيضاءْ
ما كانَ في حسابي أن أُلاقيكِ في محطّة الحزنْ
وأن تلتقطيني بأهداب حنانِكْ
وأنا في ذَرْوَة البرد، والخَوْف، والإنْكِسَارْ
لكنَّ باريسَ قادرةٌ على كلِّ شيءْ
ونبيذُ بوردو الأحمر، هو الذي سَيُلغي الفُروقْ
بين صقيع أوروبا..
وشُموس العالم الثالثْ
بين حيائكِ الجميلْ...
وبين جُنُوني...
3
أيَّتها العربيَّةُ التي تتكسَّرُ على أرصفة (المونْمَارترْ)
فتافيتَ ياقُوتٍ..
وغابةَ سُيوفْ..
يا مَنْ يتصالحُ في عَيْنَيْها الضوءُ .. والعُتْمَهْ..
والماءُ .. والحرائقْ
ما كان في حسابي..
وأنا أتمشَّى بين (الفاندوم) .. و( المادلينْ)..
أن أدخلَ في جَدَليَّةِ اللون الأسودْ
وإشكَاليّة العُيُونِ الواسعَهْ
كخواتمِ الفضَّهْ...
ما كانَ في حسابي..
أن أدخلَ في تفاصيل التاريخ العَرَبيّْ
فلقد تخانقتُ مع تاريخي..
وجئتُ إلى باريسَ .. لأُلغيَ ذاكرتي
ولكنْ .. ما أن نزلتُ من الطائرَهْ..
حتى نَزَلَتْ ذاكرتي معي..
ونَزَلَ شَعْرُكِ الغَجَريُّ معي..
ونزلتْ أثوابُكِ .. ومعاطفُكِ..
وأدواتُ زينتكِ معي..
لتسدَّ مداخلَ الطُرُقاتْ
من مطار (شارل دوغول)
إلى كنيسة نوتردامْ...
4
يا فاطمةَ ساحة (الكونكوردْ)..
يا فاطمةَ الفاطِماتْ
أيُّها السيفُ المرصَّعُ بأجمل الآياتْ
أيُّها اللغةُ التي ألغَتْ جميعَ اللغَاتْ..
أُرحِّبُ بكِ في باريسْ..
وأرجو لكِ قامةً سعيدَهْ
فوق أعشاب صدري...
5
يا ذاتَ الشفتينِ المُمْتَلِئتيْنِ كحبَّتَيْ فاكِهَهْ..
كم هُوَ استفزازيٌّ نوعُ العطر الذي تضعينَهْ
وكم هُوَ رائعٌ إفطارُ الصباح معكِ..
وأنتِ تنقرينَ قطعةَ (الكرواسَانْ) كعصفورْ
وتنقرينَ فمي كعصفورْ
أيَّتُها السنجابةُ الآسيويَّهْ
التي تنطُّ من أعلى (برج إيفل) إلى صدري..
ولا تخشى الدُوارْ..
وتستحمُّ بنوافير (قصر فرساي)
ولا تخشى الغَرَقْ..
وتنامُ عاريةً على أعشاب حديقة (التويلري)..
ولا تخشى الفضيحَهْ..
6
أيَّتُها العربيّةُ التي ينقِّطُ العَسَلُ الأسودُ من عينيْها
نُقْطَةً .. نُقْطَهْ..
ويُنقِّطُ الشِعْرُ من شَفَتها السُفْلى
قصيدةً .. قصيدَه
ويرنُّ حَلَقُها الطويل صباحَ يوم الأَحَدْ
كناقُوسِ كنيسَهْ..
ما كانَ في حسابي..
أن أمرَّ معكِ ذاتَ يومٍ تحتَ قَوْس النصرْ
لنضعَ وردةً على قبر العاشق المجهولْ..
ولا كانَ في حسابي..
أن أرى صورتَكِ في متحف اللُوفر
مع أعمال رينوارْ..
وماتيسْ..
وسيزانْ..
وأن أرى أعمالي الشعريَّهْ
تباعُ في مكتبات الضفّةِ اليُسْرى
مع أعمال رامبو..
وفيرلينْ..
وجاك بريفير..
7
صَباحَ الخير..
أيّتها العصفورةُ القادمةُ من المياه الدافئَهْ
لتغتسلَ بأمطار باريسْ
وأمطار حنيني..
صباحَ الخير..
أيَّتُها السَمَكةُ التي تتكلَّمُ اللغةَ العربيَّهْ
وتتهجّى كَلِماتِ الحُبِّ باللغةِ الفَرَنسيَّهْ.
وتتهجَّاني بكُلِّ لُغَاتِ الأُنوثَهْ...
8
كُلَّما سافرتُ إلى باريسَ دونَ حَجْزٍ..
تصيرينَ فُنْدُقي...
9
صَباحَ الخير .. يا بُسْتَانَ الزَعْفَرانْ
صباحَ الخير .. يا سُجَّادةَ الكاشانْ
صباحَ الخير على أصابعكِ النائمة بين أصابعي..
وعلى معطف المطر الذي كنتِ تلبسينَه معي..
وعلى جرائد الصباح التي كنتِ تتصفَحينها معي..
صباحَ الخير..
على الكافيتريات التي ثَرثَرْنا فيها..
وعلى البُوتيكات التي رافقتُكِ إليها..
وعلى المرايا التي دخلناها معاً...
ثم سافرتِ..
وتركتِني حتى الآن .. مَرْسُوماً عليها

ما كبرت بعدي تو الناس

الكبر شين الكبر شين
هالايام مع مقاربتي لطرق باب الثلاثين ( ما بقى شي كلها سنتين )
قمت اسوي حركات شبابيه زياده عن اللزوووووووم
اول شي ضعفت !!
و مازلت مستمره في هالرجيم انشاء الله
و رضخت للامر الواقع و بلشت اكل حبوب (انتي اوكسيدنت)
وقمت أرووووح اشتري تيجان و شباصات من كلييييييييرز
يا فرحه امي فيني
و الكشه مخليتها طبيعيه
ما قمت احط ميك اب
و لا حكل
عشان ما يكبرني
هرووووووووووووووب عنيف من الواقع
البس فلااااااااااااات عشان يبين اني بتيت
قمت البس حزم و اترصص
قمت اغاااااااااااااااااااااازل الرياييييييييييييييييييييييييييييل
وينكم عني بسسسسسسسسسسسسسس
اذا تحرش فيني واحد في التااااااعش اعطيه ويه
مووووووو كافي ردلي روحي و غازلني
الله يجبر بخاطره
كل هذاااااااا اسوييييييييييه و اكثر
قمت كل يومين ادش صيديليه الشاميه
اسأل الدكتوره
شنوووو اخر الادويه و الكريمات الي تصرفها قنال الصايغ !!
مالي خلق اسوي موعد و اطق شوطه
ارووووووح الصيدليه اسأل و اخمط ادويه
و الطخ في هالجسم
لكن كل هذاااااا و اناا عند نفسي طبيعيه
الي مو طبيعي رده فعلي
في هالويك اند تيمعت ويا بنات
و من ضمن اليمعه العائليه
بنت عمرها 21
تسولف عن الزواج و المسؤليه و اليهال
و انا مستمعه و ساكته
خبركم اناااااااااا ما اسووووووووووووولف لاني استحي كلهم اكبر مني
بسسسسسسسسس انصت :\
جان تقط قنبله فجرت سكوووووووتي المتصنع
قالت البنت: اي انا رفيجتي مسكيييييينه فرق سن كبير بينها و بين زوجها و ريلها وااااااايد كبير
عليها عشان جذي مو اكااتيف ريلها ...تخيلي عمرها 22 و ريلها 30 وايد كبير
قالت 30 وايد كبيررررررررررررررررررررررررررررررر
مسكيييييييييييييييينه
ما بقت الا عمرهاااا
شنهووووووووووووو 30 كبير
احترمي شعوووووووري مشاعري
انا اذا تزوجت هذا ااذا تزوجت ما راح احصصصصصل مقروود عمره اقل من 35 !!!!
30 شاااااااااااايب
عيل 35 شنوووووووووووو
ادزه في عربااااانه
محروووووول
لا يباااااااااا لألألألألألألأ
انتي فاهمه الدنيا غلط
لا مماااااااااااتي
30 هذاااااااا بربسسسسسسس
35-40 زييييييين
و انهد عليها في العممممممر
مسكينه ما سوت عليهااااا حجوه !!
و الي طيييييين السالفه
وحده الله يساااااامحها شارت علي
قالتلي فطومه سوي تحليل دم
سويييييييييييت تحليل دم مدري شنو اسمه
انصعقووووووووو من النتيجه
هذي النتايج و الاعراض و الارتفاعات
ما تكون الا لمرااااااا حامل !!
و محد مصدق اني موووووو حامل
يا عيال الايوااااااااد والله موووووووووووووو حامل!!!
يا اذكياااااااااااء اذا هرمووووون الحليب عندي مرتفع وايد !! اشلووووووون بكون حامل !
لألأ هذي النسب ما تكون الا لمراااا حامل !!
شسسسسسسسسسسسسسسسوي بعمري
احتاااااااج اصفر العداد اشلوووون؟؟
احتاااااج يصير عمري 12 و ما بلغت اشلوووووون
فيني فائض اموومه اشلوووووووون
و الدوره لاعبه فيني لعب
و بخلص بيضي
و ادمنت حبوب منوم
و اذا قطيتهم ما انام
يا حسره قلبي
كل هذاااااااا و انا في العشرينات
عيل اتهقووووووون في الثلاثينات اشبغبر بعمري
يااااااااااااااااا نيله منيييييييييله
يا نيييييله منيييييله
اقول بنات الي تحتاج استشارات
في البشررررره من غير ما اشووف بشرتها
اقدر اصرفلها ادويه
بناااااااااااااات تشببوووووووووو تكفوووووون
و بلاااااااااااااااااش هم و غم
و بلااااااااااش اكتئاااااااب بليييييييز
لان يسبب التجاعيد
خذيتلي لفه في البلوجات امس
كل من تصيح و تشكي
ضاق خلقي
ليششششششش اشفينااااا مغلقين
يالله بنات بليييييييييييز
بدون تجاعيد و اكتئاب

على الهامش

طلعت ويا امي و مرا كبيره في السن تصيرلنا
في عطله هلا فبراير
و كان زحمه كل مكان فوديناها
ستار بكس الكنيسه
كلا شباب في الثلاثينات
بس مفرعين و شغل كاجوال
و الي جل و الي حاله حاله
الطاولات متروسه شباب
يوم قمنا
خالتي قامت عدلت عباتها على راسها
عطت الرياييل نظره
بصوت عالي مسموع
قالتلي : اقووووووول فاطمه هذول الحين كويتين !! هذوول رياييل الكويت ؟؟
انا بصوت واطي : اي خالتي
هي : بصوت عالي جدا بعد ما التفت عليها الشبااااااااب بالعذر بناااااتنا قاعدين في البيوت !!هذوووووول رياااااااال !! كمت عليهم و قالت اذا هذوووول رياييل ...................عيلهم!!!
و مششششششت
طبعا انا اهني غبرتي طايره لي السيااااااااااااره قبلها
اختفييييييييييييت
و من يومها ما فكرت اطب ستاربكس الكنيسه
منقص ويهي
ههههههههههههههههههههه

اهداء للعزيز mosan mosan

هذي الاماكن الي ترد الروح

لانه يحبها ..

افتح باب الغرفه
ادخل
الاقيه قاعد على نفس القعده الي خليته عليها من ساعتين
سلمت
مارد علي السلام
حطيت اغراضي ..
رتبت الغرفه ...
نظفت الطفايه
شلت قواطي الرد بول و السفن
حطيت الادويه عند راسه
شفت الساعه ..
باقي ساعه على اخر طلب من الروم سيرفس
اسأله اذا يبي شي قبل لا ينتهي دوام الروم سيرفس
هو: مابي شي
انا : انت لي الحين زعلان ؟؟
هو : لألأ سكري الموضوع..
ارد اكمل ترتيب باجي الغرفه و الفراش
انا : ماراح تحاجيني ؟؟
هو: دشي سبحي
انا : انشاء الله
اعرف هذي اللهجه و هذي النبره .. لي الحين وايد زعلان
اخذ شاور
اطلع
ياخذ مني حقه
لم اكف عن ترديد كلمه احبك
و اهو بدون رده فعل ..
قبل لا يقوم امسك ايده ابوسها
يسحبها
يدش يسبح
وبعدها اناقشه
لي الحين زعلان
انت تدري انا احبك
ماكو شي بحياتي وياك يشفعلي
هو: يصير انام بهدوء اليوم و بدون مناقشه
اخذ الفوطه و ادش الحمام
ابكي ابكي
حتى الانهيار
يحس فيني
اطيح في الحمام
مع البخار و اختناق البجي
يدخل بكل هدوء
يسحبني
و انا منهاره
و ابجي
احبك
سامحني
سامحني
قولي مسامحني
اروح الفراش
يسكر الليتات
((عادتا اهو يخلي الابجوره مفتوحه و طول الليل اتهاوش وياه عليها ))
هالمرا سوا كل الي انا ابيه
عشان ما يعطيني مجال اتناقش وياه في شي
اعطيه ظهري
يسمع
صوت بكائي
يحس فيني
ينسدح
يحاول ينام
ما يقدر
يعدل قعدته
يدخن
ويشرب ماي و يرد ينسدح
و انا مازلت
ابكي بحرقه
ما يقدر ينام
و لا يقدر يسامحني
و ماني قادره اسامح نفسي
و لاني قادره ارتاح من غير ما يرضى عني
في اخر الليل و مع الفجر
ينام
و انا
انام
اقوم قبله
ادخل اغسل
و اخذ شاور
افرش اسناني
يدش علي
يستخدم الحمام
اغسل ويهي
يغسل ايده
يسحب فرشته
اعطيه المعجون
ابوس بطنه
اطالعه
اتحلى عليه
اطلع من الحمام
ياخذ الجريده من عند الباب
انا : اطلب ريوق و الا ننزل
هو: ننزل..دقي عليهم اييون ينظفون الغرفه الحين
نبدل و ننزل
و بعد الريوق
نصعد
المه في الممر
يحضني في ايد وحده
يحطني تحت ذراعه
اطير فرح
ندخل الغرفه
و انا اقوله
امووووووت عليك
هو : ادري
عشان جذي دايما اسامحج
عشان ادري انج تحبيني
هكذا هو دايما
و انا ما اقصر في عواطفي
ادعوكم من كل قلبي
اذا لكم حبيب
عزيز
زعلان
لا يطوف اليوم
من غير ما تسامحونه
تذكروا حسنه وحده
لحظه حلوه
تغفر

احس فيه .. وكان يدري

غريب شعوري
متعبني
من زمان ما حسيت في هالتعب..
مو نوعي احس بالناس بس اهو غير
من احس اني ابيه الاقيه
من احس انه في شي يطلع صج في شي
احساسي فيه 24 ساعه مكدرني
وايد متعبني
مخليني تعبانه
خصوصا لما يستأذن مني
و اقعد بروحي بعده
احس فيه اشقاعد يسوي
المصيبه لما احس بفرحه
يكون فعلا فرحان
و لما احس انه متكدر
يطلع وايد متكدر مو شوي
الي جارحني
و معذبني
انا
اي انا
مو اهو ...
لاني احسه الحين مع وحده غيري
احسه الحين في اللحظات
يكلمها
احسه
والله احسه
مع غيري
يرووح
يروح
و يردلي
يرد بحب
و كثير من تأنيب الضمير

يروح بحب
و يردلي بحضن جارح
تعبني
هالحب
صج تعبني
يروح و لا يحسب ان ساعتي توقف معاه
يروح و لا يدري ان دقيقتي من دونه ساعات
ساعات
ساعات
راح يرد الحين
و يقولي
ولهتي علي
تعالي لميني
و يحضني

وانا بدموعي

ابد ما اذته
لكن حرقت خدي
خليته يرتاح وياي
صديت عن كل هالكون و الدنيا
و دورت رضاه
و اكثر شي يتفنن فيه
اشلون يثير نار غيرتي
و اشلون يذبحني
والي يحرقني يرد يقول احبج
والله احبج
و حياتي واقفه عندج ما اتعداج
و اهو معاها
لألأ
عفوا معاهم
لانهم وايد
و انا لحالي

و الي مصبرني

اني احبه

و الي يجرحني

اني احبه

للاسف احبه

و هذي افعاله

ارد اسمع ام كلثوم ابرك ..
وحشني و انت أصاد عيني ...
شاغلني و انت بعيد
بعيد
بعيد
عني..

هذا بوست قديم كتبته بس توني شفته قلت انشره

هذا يوم امي .. و لان امي غير ..خلت اليوم لي احتفلت فيني

مسج من امي
حبيبتي فطومتي ..ردينا من .... تعبانين وايد ريحنا في .......و الحين درجه الحراره صفر
ولهانه عليكم و على غنفتي بالصاله ...

مسج مني
والله يا يما البيت ما يسوا شي من دونج انا قاعده في صالتج بس و افكر فيج واقول
واي ياكره هالمكان من غير امي ,حسج في البيت غير و محاتاتج لنا غير و بيتنا يكون فيه استقرار الله لا يحرمني منج و يطول في عمرج و يخليج لي ماعندي في هالدنيا غيرج يحس فيني
ومتحملني و فاهمتني قبل لا اتحجي تحسين في الي بقوله
لانج انتي مو بس امي
انتي اختي و انتي بناتي و انت كل حب في هالدنيا

لان امي غير عن الدنيا كلها
اهي الي اتصلت علي الصبح بطريجي للدوام
و توها بتقولي اشلونج قلت لها كل عام و انتي بخير
قالت لي :هذي اول سنه تمر هالمناسبه من غير ماما لولوه
انا قلت ادق عليج لان ماعندي غيرج و ما ابيج اخسرج !! قلت بشوف اشحالتج في هاليوم
قلت: لها اي انا اكيد باحسن حال دام انتي امي .. الله لا يحرمني منج

سكرت التلفون منها

ردت دزتلي مسج تقطع القلب

يارب اسألك بأسمك الجبار ان تجبر بخاطر بنتي و تعطيها كلي الي بخاطرها ياربي انا راضيه عنها فارضى عنها يا ربي

Spa Vacations and Resorts

صباحكم ورد

بخاطري رحله
spa

و ماني عارفه منتجعات حلوه

ناس تقولي الهند
و ناس تقول اوربا
و ناس تقول شرق اسيا

و انا لي الحين ما استقريت
ابي شي غريب
حلو
و اهم شي متخصص
ضعت ويا الانترنت
من كثر الاماكن ماني قادره اتخذ قرار

28 رقم يخرع صح؟؟

من أين ابدأ لا اعلم
عام مضى لي مع السابعه و العشرين
فماذا اضاف لي ؟
و ماذا اضفت انا لتاريخي فيه
اعتقد اني تعلمت الصبر
و مع قليل من التسامح
كان للنضج الحاصل الاكبر لي في هذه السنه
اعتقد اني نضجت
اذا تبون الصج
النضج يخوف
كثير من الهدوء
و قليل من التهور
و خوف من المجهول يكسره التوكل على الله
كيف مر عمري السابع و العشرون
مررت بمراحل عده

على الصعيد الاجتماعي
فكان لحالات الوفاه الحاصل الاكبر
و الفراق مزقني
على فكره اليوم مريت بيتج و غرفتج
خدامتج جوزفين موجوده
و سايقج موجود
و مريت عليج اليمعه المغرب على العاده بس انتي مو موجوده
ادري انج مو هناك بس ريحتج تكفيني
و على منحنى اخر من الفراق
فكان للوفاق بيني و بين كثر نصيب
انخطبت مرتين
مرا كانت سريه و بتكتم
على قوله امي خوفا من العين لان كان عريس برفكت
بس وايد ناس ظاهرهم شي و باطنهم شي ثاني
حتى انا الي قاعد تقرون بوستي اكيد وايد ناس تقولي ظاهري شي
و باطني شي.. و بسرعه انفلت الخطبه قبل الصيف
الخطبه الاولى كانت تجرح اكثر من الثانيه .. لان انا تقبلت عيوبه
ولكن اهو ماتقبل عيوبي.. ماراح اتفلسف عليكم و اقولكم انا فليت الخطبه
لا بصراحه انفلت و كانت خيره على سبب تافه و ناس قالتلي ان رد على مرته
الخطبه الثانيه علمتني اكثر بس كلش ما جرحتني
علمتني اني مستحيل اسوي شي عشان الناس
و مستحيل ارضى اهلي على حساب نفسي
و الملايين ما تسوي ريال
و اهم شي في هالزمن الصدق
بس للاسف كانت المسجات تتناقل من موبايل لي موبايل
فكان القرار صعب علي
ياكره الناس و كلامهم كان مثل القيد الي يربطني
الخطبه الثانيه انا فليتها الساعه 12 باليل لاني ماقدرت انام يوم واحد و انا مرتبطه فيه
تبون الصراحه محد كاسر خاطري الا امي لانها كانت في ميلانو اتجهز
و تحديدا كانت في منطقه اسمها فيروناتبعد ساعه عن ميلانو رايحه مشغل حق مصممه ايطاليا تخيط بدلات عروس

و على الصعيد العاطفي
قررت و اتخذت قرار
و احمد الله الف حمد و شكر ان وفقني للي كنت مقررته و الحمدلله ربي عطاني على قد نيتي
كنت مقرره بعد الدمار النفسي الي صارلي في السنين الي فاتت و بعد ما اتخذت قراري مع نفسي
باقفال باب الحب و تشميعه بالشمع الاحمر.. و ان ما يمر عمري 28 الا و انا طير حر
لا تربطني باي شخص كان علاقه او حب بطيخي ..
فحبيت منو.؟؟
حبيت نفسي
فتعلمت الانانيه
و الجشع في المشاعر
سوري ما اقدر اعطي اكثر
استنزفت مشاعري في السنين الي فاتت
و لا ابي احب غير نفسي
و لي ما اردت من الله
فها انا معكم حره
و لا يربطني سوا حبي لنفسي و لربي و للناااس
اعتقد حب الذات يعلم الانانيه
و لكن اشلون بحب الناس اذا ما احب نفسي
و اشلون بعيش اذا ما ادلل عمري

على الصعيد الشخصي
طنشت كل الكويتين
و القيل و القال و عشت ظاربه بكل الالتزامات
اسوي الي ابي اسوي
اقول الي ابي اقوله
وايد ناس ظايقهم تصرفي
وايد ناس تعبت مني هالسنه
بس انا في خط فاصل مابين فتاه مثاليه
متعبه عمرها
و فتاه شاريه دماغها و طاف بالناس
فاخترت نفسي
وبعت القيود

و على احلى صعيد و هو المزاجيه
تغير ذوقي شوي
فماصرت اسمع الا قناه
92.5 في الاف ام
هدوء و ريلاكس
في السياره و البيت

و على الصعيد المهني

الحمدلله توفيق من الله

و بركه دعاء اهلي

ولكن مازالت ابحث عن بزنس خاص

و اخيرا وليس اخرا
اشكركم لقراءه بوستي الطويل
اتمنى لكم انكم تسامحوني في هذا اليوم
على اي شي بدر مني لكم
و على اي كلمه جرحتكم
او على اي تصرف او بوست ضايقكم
احبكم


كل عام و انا و انتو بخير

قاعد اتصفح مواقع مجلات الحدايق في الانترنت
ليش؟؟
لاني اموت على الحدايق
و احب الورد
و شفت وايد حدايق تمنيتكم تشوفونها وياي
هالايام وايد احلم في الحدايق و الورد
مدري اشفيني
او مدري شنو تفسيره
مدري ليش الحديقه و الطبيعه و الخضره
و منظر الورد وايد يشرح قلبي
عزمت نفسي في هالويك اند عند رفيجتي
بقعد في حديقتهم
و بشرب كامومايل
لتهدئه اعصابي
و اتمنى انكم يا رب تقضون اجازه سعيده ويا اهلكم سعيدين مرتاحين يا رب

هلوسات

هاليومين اقوم من غرقه نومي
ادندن مقطع من اغنيه عبدالحليم (( اهواك))
الائيك مشغول و شاغلني بيك و ابعت روحي تصحيك
قوووووووووووووووووووووووووم ياللي شاغل بالي
يالله حسن الخاتمه كلش مو شي اقوم من نوم اغني
الله يحفظكم


هلوسات

امس الظهر بجيت
من كلامك
شنو يعني تقولي انتي قطعه من روحي
انتي بداخل يوفي
بلا بلا بلا بلا
كلامك في الحب
يحميني وايد
يعطيني مناعه من ارتكاب حماقات مع نفسي
ما ابي اشكرك
قصبن عليك تقولي كلام حلو
اي كيفي
مو تموت علي
تحمل
انا دلوعه

هلوسات

عندك خبر انك تنفقد
عندك خبر اني لي الحين مو زعلانه عليك
عندك خبر ماني قادره ادعي عليك
و كل مرا استغفر
عندك خبر انك معسرني
عندك خبر اني خايفه عليك
عندك خبر لغزك كان ممتع
عندك خبر ان عندي مليون سؤال لك قبل لا تمشي
عندك خبر ادري انك حواليني
عندك خبر كل يوم اقوم الصبح و اقول يمكن اليوم راح ايني منه خبر
عندك خبر انك غبائي
و عندك خبر
اني صرت امشي و اقول لكل حصان كبوه
عندك خبر اني صرت اشك في كل شي حواليني
عندك خبر اني بيي يوم و بشوفك
عندك خبر اني اتوقع منك مصيبه
عندك خبر اني ادري انك مو زين و متقبله
عندك خبر اني اول مرا احس في شي يبعدني عن شر نفسي
يمكن دعاء امي
او يمكن دعائي

هلوسات

ادري انك من تسمع الاغنيه راح تعرف انها اهداء لك

بس حطيتها عشان ابي الكل يستمتع فيها
لا تكون اناني
و تاخذ كل شي

اهـــــــــــــداء