اللهم انك عفو كريم تحب العفو فاعفو عني

اللهم اني اشكو اليك ضعف قوتي

وقلة حيلتي وهواني عن الناس

انت ارحم الراحمين

ورب المستضعفين

وانت ربي الى من تكلني ؟

الى قريب يتجهمني

ام الى عدو ملكته امري

ان لم يكن بك علي غضب فلا ابالي

غير ان عافيتك هي اوسع لي

اعوذ بنور وجهك الذي اشرقت به الظلمات

وصلح عليه

امر الدنيا والاخره

ان ينزل علي غضبك

او يحل بي سخطك

لك العتبى حتى ترضى

ولا حول ولا قوة الا بك

تزيد اللبحه و الاعصاب برمضان؟؟ ليش!!!

تحديث على البوست في اللبحه الرابعه

اللبحه الاولى!!

يوميا اقوم على صراخ الجيران!!
منو الييران !!
اخواني
كل واحد غرفته بجناح
و بما ان اخواني اسم الله عليهم
ابدا ما يعرفون اختراع اسمه لا انتركم او موبايل او اي شي
سمعوا الحوار الي اقوم عليه العصر !!
وبعدين سألووني ليش اتسعر!!
اخوي الكبير: ينادي الصغير باعلى حسه و بصراخ
شــــــــفت جوتيي!! وراي لعب بسرعه !!
اخوي الصغير: مـــــــــادري عنك اش علي من جواتيك اصلا انا ما البس لابجين !!
اخوي الكبير : تي شيرت ايسي ميلاااان عندك !!! دورها بسرعه روح ييبها من دار الاوتي !!
اخوي الصغير : عندي السوده تبيها!!
بصراخ ازيد من اخوي الكبير : لااااااااا مابي السوده ابي

BWIN
اليديده مالتي !!
اخوي الصغير : مادري عنها لا اتعور راسي مالي شغل في لبسك اصلا انت مو قدي
اخوي الكبير : بنطلووووني الاديداس عندك و الا في السله !!! رووح شوفه !!
اخوي الصغير : ما ادري !!
الكبير : عيييييييل ليش صاير اخوي !! ما تعرف شي كلش سو شي مفيد بحياتك!!
و ينادي الخدامه الي في المطبخ الي في الملحق تحت !!!
مــــــــــــــــــــــــــــــــــــــــــــيري !! مــــــــــــــــــــــيري !!
تركض ميري اتي طايره
ميري : نعم نعم !!
الكبير : لا بس خلاص لقيت كل شي !!!
اطلع انا من داري معصبه و بكل هدوء
!!
انت ما تعرف تسوي شغلك بروحك !
يرد علي و اهو مستعيل!!
انا كل شغلي اسوييه بروحي بس بصراخ مو بسكات !!

واي مزعج مزعج مزعج

اللبحه الثانيه

اتابع برنامج عمرو خالد انا و امي باندماج تام
كانت الحلقه امس عن اسم الله المجيب
و كان معنى اسم الله المجيب قمه في الروعه
باختصار الله سبحانه قريب مجيب يسمع الداعي
الله في كتابه ماقال يا مؤمنون ادعوني
لانه يسمع دعاء و يستجيب دعاء جميع خلقه
قل ادعوني استجب لكم
و سبحانه اذا سهل لكم الدعاء اعلموا يقينا في الاجابه
غير ان الله سبحانه يحب اللحوح في الدعاء
و يأجل الاستجابه حتى يرا في الانسان القدره مع دعائه
المهم
و على الانسان ان يدعي ربه و يفصل في الدعاء
و يلح
و قامت امي قالت يالله فاطمه ادعي الحين !
عدلت قعدتي و تنهدت تنهيده طويله و قلت
يا ربي ياااااااسمع الدعوا يا مجيب يا قريب
يالله يا ربي
اخذ الدكتوراه يا رب !!
انا قلت دكتوراه

عينكم ما تشوووف الا النور !!
امي : شنهوووووووووووووووووووو اقولج ادعي تقولين دكتوراه
الرياييل من ماستر منحاشين
هالدوووووور دكتوراه
مينووووووووونه انتي
بتذبحيني
تبين سكري يوصل مليووووووون
لا بارك الله فيج و لا في الساعه الي دشيتي فيها الحقوق !!
و لا في الساعه الي رحتي بتكلمين فيها
انا : يمااا هذي امنيه دعااء دعااء!!
امي : ذلفي عن ويهي قولي ربي ارزقني ريل سنع
تقي نقي صالح مصلح مذكور عندك في الملأا من خير الرجال يكون سكن لي و سكن له و تفصل امي تفصيل في الشرووط و الطلبات!!
انا: اووولا كل هذا في ريلي !!
امي : جابي جابي ما طبت منج انا طلبت من الكريييييييم
روحي قومي ادعي بس ادعي قومي ياعلج الستر
عيل اقولج ادعي
تقولين دكتوراه!!
ناقصه عقد
ناقصه هبال
ناقصه نعره وموجه على الرياييل!!
من زينج تاخذين الدكتوراه
جنج مينونه مجابله الكمبوتر و هالكتب معقده
لاعمري شفتج متحمرا مثل باجي البنات!!
و لا متسنعه
من اول يوم رمضان ملوعه جبدي في التريننج
و هالكبه رابطه شعرج
و ساطره يمي جنج عيوز!!
لا تطلعين لا تروحين
رووووحي ذلفي
هيتي
خيشووفج واحد سنع!!
انا: اقاطع صراخها..والله ما عرفنالكم اذا طلعت قلتي هايته
اذا قعدت قلتي ملوعه جبدي منسدحه 24 ساعه جنج عيوز!!
تدرين شنو احسن حل!
بقدم بعثه على فرنسا اكمل دراستي هناك
لا كشخه و لا كويتين
و لا قيل و لا قال!!!
امي: و باشتطاط قاتل
ياربي رزقتني بنت وحده و بتموتني
هالصبيان يازينهم 24 ساعه كاشخين و متسنعين اتحسين انهم عيالي !
اما هذي عوووووووووووع مادري من طالعه عليه!!!

وااي يا قلبي كل هذا من كلمه دكتوراه!!

ما قلت شي
دكتوراه تسوي جذي
ياربي امنيه امنيه
الواحد ما يتمنى
ههههههههههههههههههه

اللبحه الثالثه

ياربي ليش الرياييل تزيد حنتهم و لبحتهم في رمضان
و كلا هواش و اعصاب!!
دقت علي رفيجتي تاخذ وصفه حلو
واسمه لبحه ريلها و عيالها
يتحلطم على الخدم
على اليهال
على الثلاجه
على الحلو
على الخساير!!
قلت لها بليز دقي وقت ثاني ريلج معصب
روحي شوفي شنو يبي بعدين دقي
تقولي: ماعليج منه هذي حالته طول رمضان بس يلبح
تهد السماعه و تقوله
مو تلبح على قلبي قووووووم افطر قووم
اشحقه صايم انت
عورت قلبي ماني قادره اتحجى بالتلفون!!
تتسلط انت!!
انا قلت الحين ريلها بذبحها!!
خنسكر التلفون ابرك
الو فلانه فلانه امي تبيني!!
صديقتي: و امج 24 ساعه مناشبتني من ادق
!!!

اشفيهم الاوادم اعصاب!!

تحديث على البوست
في اللبحه الرابعه !
بعد هواش امي وزفها لي !!
على سنعي الزايد و عدم كشختي
اليوم الله وكيلكم يا رفيجاتي
لسحت لقمتي من اهني عقب الفطوور
ووطرت وررر على صالون اليرموك
دل دل دل سويت شعري و سويته بااف
و تسنعت
و رحت البيت بسرعه بسرعه الاتوه مأذن العشا
كشخت بذيج الدراعه الي يالله من فضلك
و فجيت التجوري يا عوينتي عليه مغبر ما فجيته من زمان
و طرلع التراجي الروووبي الي على هالكبر
و كشخت و تمكيجت و قعدت بالصاله!
و حصل الاتى:
يا اخوي مستعيل من صلاه العشا
اخوي: ياه ياه بو الفطم وين بتروحين
خوو غبقه بنات ((....)) خلصت الاسبوع الي فات وزوعوا الهدايا
كاشخه حق منو !!
وين بتروحين
انا: ولا مكان ماني طالعه بس بشرب الشاي
يدش داره يغسل و يتسنع و يطلع
اخوي: لا انتي من صج كاشخه جذي عشان تقعدين في البيت !!
انا : اي والله اشفيك

اخوي : لااااااا الله يشاافيج انشاءالله سكنهم مساكنهم !!!

بعد شوي اتيي امي خالصه من الصلاه !!
امي : هوو انتي وين قبيتي عقب الفطور
انا : الصالون !
امي : و بس انتي طلع معاشجج فسفستي في هالفلوس
ماعندنا غير الصالون احنا !!
انا : وبقلبي قصه اشكبرها الحين انتي قايله تسنعي لما تسنعت زفيتيني
يما اشفيييييييييج اصلا ماسحبت من فلوسي ابوي معطيني الفلوس
وبعدين انتي قلتلي تسنعي
امي: انا قلت تسنعي مو طلعي التجوري! وين مفتاح التجوري قفلتيه
اشماله مطلعه هالتراجي!! بتروحين عرس
و الا بس عشان توريهم الخدم !! يزووق قلبهم

وليييييييييييييييييييييييين ما سوا علي
يازيني و انا مخلقنه

دش ابوي :
يه يه يه يه اشهزييين
تو ما حلت الدراعات
توو ما حلت هالصاله بنورج

يا بعد عمري يا بوووووووي محد جابر بخاطري غيرك
و لا احد رافع معنوايتي غيرك

ابوي: يا بووج لاحد يشوووف هالزين ينظلوونج!!

انادي انا بالصاله و اقول
ربعي الينانوه
ربعي الكتبه الملائكه
قريني
لا تشوفون تنظلوني

يبا من درا عن هوا داري
و شافني
هاهههاهاهاهاهاهااه

يدش اخوووووووووي الصغير ويكملها
اخوي: بسم الله الرحمن الرحيم
ليش مهووله في روحج جذي!!
انا: مهووووووووووووووووووووووووووووووووله
ياعلك شقووووووووووووووول
ليش مهووله

اخوي:مدري كاشخه حدج
و متمكيجه و لابسه اكسسوارات
انا بألعلى حسي: الماصاااااات الماصااااااااااااات
اخوي: اي و بعد كاشخه بالماصات حق ليش.. ؟ حق شنو؟؟
انا : امي زافتني تقولي تسنعي!!

اخوي: ماعليييييييج منها زين
يا شين السرج على البقر
يبى انتي موووووووو مال كشخه خلاص
تعودنا عليج
اذا كشختي يعني في شي غلط!!
اشك فيييييييييييييييييج !!!

وبعد ما شفتووووووووووو و سمعتو
انا بقولكم لا تعليييييييييييييييييييييق

ببجي من تدقرهم ببجي

ذهـبت ربـّـات البيوت بالأجــور

الى صديقاتي
حبيباتي
الى كل ربه منزل
خواتي البلوجرز
منعها خوفها على بيتها
ان تطلع للجيام
او حرمت شي من اجل بيتها
وزوجها
اليك هذه البشرى

من وافده النساء
أسماء بنت يزيد الأنصارية التي أتت النبي صلى الله عليه وسلم وهو بين أصحابه فقالت :
بأبي أنت وأمي إني وافدة النساء إليك وأعلم - نفسي لك الفداء - أنه ما من امرأة كائنة في شرق ولا غرب سمعت بمخرجي هذا أو لم تسمع إلا وهي على مثل رأيي .
إن الله بعثك بالحق إلى الرجال والنساء فآمنا بك وبإلهك الذي أرسلك ، وإنا معشر النساء محصورات مقصورات . قواعد بيوتكم ومقضى شهواتكموحاملات أولادكم وإنكم معاشر الرجال فضلتم علينا بالجمعة والجماعات ، وعيادة المرضى ، وشهود الجنائز ، والحج بعد الحج ، وأفضل من ذلك الجهاد في سبيل الله .وإن الرجل منكم إذا أخرج حاجا أو معتمرا ومرابطا حفظنا لكم أموالكم وغزلنا لكم أثوابكم وربينا لكم أولادكم فما نشارككم في الأجر يا رسول الله ؟

فالتفت النبي صلى الله عليه وسلم إلى أصحابه بوجهه كله ، ثم قال : هل سمعتم مقالة امرأة قط أحسن من مسألتها في أمر دينها من هذه ؟ فقالوا : يا رسول الله ما ظننا أن امرأة تهتدي إلى مثل هذا .فالتفت النبي صلى الله عليه وسلم إليها ثم قال لها : انصرفي أيتها المرأة وأعلمي من خلفك من النساء أن حسن تـَبـَعـّـل إحداكن لزوجها وطلبها مرضاته واتباعها موافقته تعدل ذلك كله .فأدبرت المرأة وهي تهلل وتكبر استبشارا .

رواه البيهقي في شعب الإيمان

.وهو في تاريخ واسط .

دع الخلق للخالق

اليكم عني
من وكلكم بحسابي و رب العالمين موجود
من وكلكم بعقابي و ربي و ربكم سميع بصير
من وكلكم بتتبع عوراتي و كأنه ليس هناك شي في هذه الدنيا سواي !!

لفت نظري بعض البلوجر
خلوو كل شي في هالدنيا و جابلو و علقوا على شي واحد
مو لي انا بس لي انا
و لبعض المدونات
و هو الله يهديج يا لوير
الله يصلحج يا لوير
و كأن مدونتي كانت مرفئ للدعاره
و مسكن شيطان !!

من وكلكم بمحاسبتي
فانا لست بقناه تبث الرذيله
انا مدونه فتاه بسيطه
بها من تناقض الزمن
و شخابيط ايامه

ياتيني من هم بظانين نفسهم باصلاحي
الله يستر عليج
زين كتبتي شي ديني
!!
هاا بعد رمضان بتمين جذي!!

كثير من الكبار الناضجين
نصحوني بعدم كتابه هذا البوست
لان راح يزعل ناس وايد
و قالولي خليه اليهال
ما عليج منهم

الي عاجبه يقرا
و الي مو عاجبه
لا يقرا
في ناس تحب بس اثبات اغلاط الغير!!

اصلحوا انفسكم قبل اصلاحي
دعوووووني و ربي يحاسبني
ربي وكل ملائكه لي
و لم يوكل عبيد مثلي

دعوا الخلق للخالق


في تعليق سخيف من الاخ كويتي
kuwaite

يقولي منو قالج انا صغير و منو قالج و منو قالج
و اليوم يقولي الداعيه لوير
!!
اتمنى انكم تزورون المدونه الحين

و تروحون للارشيف شهر فبراير 2006
في بوست نزوه او عابره سبيل او بوست قصيده
تروحون تفتحون الكومنت تلاقون اخونا كويت
حاط كومنت روحوا كليك عليها
و دشوا نفس مدونه الاخ الي يعلق
الي بوصله لكم راح تلاقون اسمه و يمه صوره بابا جابر
!!
هذا الدليل الاول على انه اهو يناقض نفسه

اضغط هنا للرجوع للارشيف و التأكد

http://floristq8.blogspot.com/2006/02/blog-post_26.html#comments

اخي كويت
ايميلك موجود
انا ضفتك عندي شهر فبراير
تعرفت عليك
كنت طالب في ثالثه ثانوي
جدا خلوق و متفوق
اعتقد الحين يمكن وصلت رابعه ثانوي
!!
فلا تسألني اشلون عرفت
اذا انت ناسي انك ضايفي في فهذا شي راجعلك

انا ما انسى

kuwaite said...

سؤال

الحين بعد مايخلص رمضان بتم المواضيع جذيه

ولا يتقلب الموجة


بصراحة ماحب هل اسلوب برمضان مطوع ولما يخلص ارد سرسري

اضحك على منو ربي !!


كلامي يمكن يضايقج لانه صريح

9:40 م

و ردي عليه كالاتي



كويت

حياك اخوي شخبارك انت وينك قاطع؟؟

ما اتبين؟؟


اول شي خلني اقولك شغله
لاننا احنا في رمضان وفي شهر فضيل
فتكون علاقتنا بربنا و الناس الي حوالينا يحيطها جو ايممانيات
فيكون هذا محور حديثنا
ونكتب عنا

ثاني شي اذا انت او انا او اي احد كتب يوميات عاديه
مايعني انه بيكون سرسري !!

يعني اذا كتبنا عن موضه او قصص واقعيه
او سفر او غيرها او مشاكل او اي ظاهره مومعناتها ان انت سرسري

او انا او اي احد موجود
يمكن صغر سنك ما يخليك تستوعب كلامي
لكن الي وده اوصله لك ياا عزيزي
لا تظن ان سماع الاغاني او الاشعار من السرسره!!

احنا ناس مسلمين طبيعين
انحب الحياه
نعيشها
و ما انظر احد
و لا نبي نسيء حق احد
في كتاباتنا
اتمنى اتضحتلك الصوره

وبعدين انت انسان وايد زين فلا تقول عن نفسك سرسري

انت من شلت صوره بابا جابر و انت متغير :)


و لا تقطعنا


كان رده عليه بطريقه لم يعتقد يوم اني ماراح اواجهه

kuwaite said...

اختي لوير

السؤال هل سيتم هذا التغيير بعد رمضان ولالا


جميع يصيبهم جو ايماني ويتأثرون ولكن متى ماخلص رمضان رجعت حليمة لعادتها القديمة

المواضيع السفر والمواقف اليومية وغيرهم شئ عادي جدآ وما يختلف على اثنين لكن اخذي لج فره على الارشيف المواضيع القديمة

ومقارنة بسيطة بين المواضيع وبين هذا الموضوع

هل بنظرج يتساوون !!!


تناقض عجيب غريب فماتدري هل شخصيةالي تكتب شلون صايرة متقلب , مزاجية, او ماخذه الدين على كيفها


لا مانع من التغيير لكن التحويل والرجوع من اجل فترة بسيطة او صحوة دينية
هذي مشكلة


وبالنهاية في نقاط غريبه

صورة جابر الله يرحمه بالموضوع

ومادري على اي اساس حكمتي بصغر سني

واني مطوع او سرسري


وبالتوفيق حجية :)

11:36 ص

شكرا لكم
وتقبلو مني
مو من عادتي اشغل نفسي في توافهه الامور

لكن لما اتييني مظلمه
من ظالم في بيتي

لازم ادافع عن نفسي

((المرء على دين خليله فلينظر أحدكم من يخالل))

((إنما مثل الجليس الصالح والجليس السوء كحامل المسك ونافخ الكير، فحامل المسك إما أن يحذيك، وإما أن تبتاع منه، وإما أن تجد منه ريحًا طيبة، ونافخ الكير إما أن يحرق ثيابك، وإما أن تجد منه ريحًا خبيثة))

اذا كان صديقك جليس صالح يعينك على هذه الدنيا فأعلم انه هبه من الرحمن
يذكرك بالله و باليوم الاخر كلما اشغلتك الدنيا و فتنتك

و اذا كان صاحبك جليس سوء كالشيطان

لا يذكرك الا بالدنيا و الشهوات فاعلم انك في بلاء عظيم

اذا كان صاحبك لا يشغلك الا بالهوى و كأنه نفس اماره بالسوء
يزين لك المعاصي و يهوي بك في طريق الرذيله
فاعلم انك في غمام..

اذا كان لك صاحب يتودد اليك الليل و النهار ليزن لك الدنيا و يبهجها في عينك

بالسفر
لقضاء عطله العيد في ممارسه الحرام و اتباع الشهوات
فتأكد انه لا يحبك ابد
فهو يحب شيطانه
و يرا فيك شيطان
اخي
اختي
هذه الايام الفضيله
بها ليله القدر اسأل الله العلي العظيم ان يرزقنا اياها
و نفوز بها
ويجعلنا من عتقائه يا رب

فادعوا لانفسكم و ادعوا لي
بصحبه صالحه
تعيننا على هذه الدنيا
و يبعد عني و عنكم شياطين الانس

بزغ نور العشر فهل من مشمر؟؟

على سجادتي
على سجادتي اناجي رب العباد
رب السموات و الأرض
انت ابصر بي يا رب
انت اخبر بحالي يا رب
انت اعلم بضعف نفسي
و قله حيلي
و هواني على الناس
يا رب مالي وعبيدك
و انت ربي
مالي سواك يا مالك الملك يا رب
ابكيك على سجادتي و عندك علمي

فانت علام الغيوب
بصير
سميع
مجيب
اقسمت عليك يا ربي برحمتك
و نورك الذي ملئ
اركان عرشك
ان لا تكلني لنفسي طرفه عين
فانت المدبر يا رب

اذا غلقت الابواب
من لي غيرك يا فتاح

يارب
يا سميع
هذه العشر الاواخر قد أتت يا رب
و لم اوفي رمضان و اوفي نفسي و اوفيك يا رب بحقك
يا رب فتنتي الدنيا
و اهوالها
و الايام تمر و لا تنتظرني

عجله هي ساعات رمضان
و انا تأخرت يا رب
فمن سبقي لجنانك يا رب
فمتعه

و متعني و لا تحرمني
و عجلني يا رب لعمل الخير
اشكو اليك حالي و انت علام الغيوب
تقبل مني
و اعني على القيام
و الطاعات
و تقبلها مني
و اعتقني يا رب من جهنم فانها بأس الضجيع
و بأس دار المقامه
وعجلت اليك ربي لترضى
وعجلت اليك ربي لترضى
وعجلت اليك ربي لترضى

فقد حارت بي نفسي في هذه الدنيا

فمالي غيرك

و مالي الا قبلتك

الجأ اليها

مالي الا دعائي

و دموعي

على سجادتي يارب

يارب

يارب

لا تحرمني ليله القدر واجرها

يارب اكتبلي ليله القدر و وفير حظها

يارب اسألك بليله القدر يارب

يارب

رمضانياتي غير

رمضانياتي انا غير
بسطرلكم جم موقف رمضاني صار لي في رمضان عشان تعرفون رمضاني انا غير ..
مو عشان انا فلطح زماني لألألألأ بس لاني انا حتى في عز ايمانياتي لازم افصل !!
و على منو فصلاتي لازم تكون !!
على الفقير لله المسكين المعذب في الارض ابوووووي
لان ابوي متحملني !!
رمضانيات 1
بيوت اذن الله ان ترفع ويذكر فيها اسمه يسبح له فيها بالغدو والاصال. ))

يوميا كلنا على الطاوله انتيمع
قبا 10 دقايق من الفطور يكون كل شي مجهز في السفره و حتى الشوربه و كل شي مصفف
و قاعدين ننطر الاذان
اخوي الصغير يطالع الساعه
اخوي الوسطي متأخر كالعاده ياخذ شاور
انا و امي و ابوي و اخوي الكبير و زوجته مقابلين القبله للدعاء
يأذن
يقول دعاء الافطار ابوي بصوت عالي
انا مركزه على دعائي
اقمظ عيني اكثر للتركيز
ادعي لي و لكم و لجميع المسلمين
انسمي بسم الرحمن كلنا و نفطر
الغريب و الطبع البايخ الي فيني
ان مستحيل اسوي حركه الشوربه و التمره و اروح اصلي
!!
لألأ انا ما اعبر لازم افقم افقم و تالي اقوم اصلي
و كل يوم ابوي محاضره على الفطور ان لازم نعطي المعده مجال و ما ناكل مرا وحده
و كل يوم اقوله نفس الكلمه
خير انشاء الله
انت رووح صل و ادعيلي
و انا ربي بهديني يوم و برحم معدتي
اخلص اغسل بسرعه بسرعه و اصلي
اخلص من الصلاه اصبلي الشاي و القهوه و امسك الريموت و احط على قناه السعوديه بانتظار افطار الحرم و متابعه صلاه الحرم
نهاهاهاهاهاهاهاه الريموت كل يوم عندي
مسكين اخوي الصغير يتمنى يوم من الايام يشوف البرامج التعبانه ويانا في الصاله
بس حريييييييييييمتك ما تخرب صيامنا
احلى شي في رمضان اهو يمعه الفطور ويمعه الشاي و الحلو على صوت سديس في الحرم الشريف
الحمدلله على ان احنا مسلمين
الحمدلله على نعمه الصيام
لحمدلله على نعمه صله الرحم
و اذا انت في بيت يذكر فيه اسم الله و تتيمعون على طاعته و ذكره فاعلم انك في خير كبير
و احمد ربك الف مرا على هذي النعمه

رمضانيات 2

على يمعه الحلو
الي بعد الفطور
اصب حق ابوي قهوه
و مرت اخوي تقول حق الوالد
عمي عمي سمعت في اخر فتوى !!
يقولها شنو بعد !!
تقوله في مفتى حلل شرب الزقاير و قال انها ما اتفطر لان الزقاير مو اكل !!
قالها ابوي ..الله يسامحه و يهديه بس اصلا الزقاير بكبرها حرام ..اشلون عيل شربها و انت صايم..!!
و انا قاعده يم ابووووي
اقوله: هوووووو اشحقه ما تراعي مشاعري و شعوري ..شنو حرام و ما حرام شالنغزات علي !!
الحين انا شحلوي ساطره يمك و انت على اولك ما غير حرام و حرام هالزقاير !!
ما تراعي مشاعري جدام اعيالك !!
ابوي اهني ميت من الضحك
يقوووووووول شنو انتي ادخنيييييييين !!
اقوووووووله مدري عنك يعني انا ما قلت لك اشكره اني ادخن بس المفروض تفهم
و انت ليش نغزات علي هههههههههههه
اخواني يموتون ضحك
مرت اخوي طاقتها البوه
مو عارفه صجنا من جذبنا
امي تقولها هو بعد ما تعرفين فطيم و خرابيطها
ههههههههههههه
تموت ادور على الشي الموزين تسولف فيه !!
رمضانيات 3

بعدها بيوم ابوي جدام اخواني بعد الفطور يقولي
بو الفطم دشيت دارج اليوم و الا ششوووووووف !!
مسويه جهاز المشي علاق حق اهدومج !!
لا يابنيتي ترا المشي صحه و زيين و تعالي شوفي الاجانب الي اعمارهم على تسعين و فوق الثمانين
اذا سألتهم يقولون لك لان احنا محافظين على صحتنا في شبابنا و انمارس الرياضه
و ما اندخن ..
اقاطع ابوي !!
وباشتطاط تام و انا ماسكه مطاره القهوه و احركها فوق و تحت و اهوش فيها و عيون امي اتلاقط
ويا المطاره اتخاف اقطر قهوه على زوليتها الايرانيه
يبا مو حاله هذي كل يوم جدام اخواني و امي اتعايرني بالهزقاير
ما يصير جذي
ترا انا ما اشرب لاني دلع وولع
لا يبى انا هدفي شريف
انا اشربها عشان تسد نفسي عن الاكل
هذا اولا
و ثانيا برستيج يا يبا برستيج
عيل تبي نانو و دانو ربعي التروفه الي بالنادي يقدمولي زقاره و ارفضها!!
واي يبااااا حدك اولد فاشن
ابوي يضحك
اخوي الوسطي مو عاجبه غشمرتي كالعاده
اخوي الكبير يقول حق الصغير
افا اختك تروح نوادي مختلط من ورانا
الصغير يرد عليه
عادي عادي 2006
ارد عليه طاع هذا لا تفشلنا شنو مختلط انت بعد
اسمها كابلز
..ينط اخوي الصغير يسأل اخواني
تخيلوا ادشون قهوه تلاقون فطيم اتشيش شنو شعوركم !!!
الوسطي ما تعطلها
قال عقال على طول
!!
الكبير يقول
اسوي نفسي ما شفت و اطلع
هاهاهاهاها
يقول ابوي لو تعدين مني ميخالف بس حاط وراج 3 ريال
التفت على ابوي و اقوله لا تخاف مظبطه الجمرك
ههههههههههههه
رمضانيات 4

انا بعرف ليش الرياييل يحبون الحنه في رمضان
ليش كل يوم على الفطور تعليق
ليش الشوربه ماصخه
و ليش الهريسه مالحه
اذا ماصخه المملحه يمك حط و اسكت
و اذا مالحه
شسوي يعني
برووح اردها الجدر و نطبخ من يديد
!!
و ليش اذا يوم سوينا هريس محد ياكلل
و من ياجر ماكو هريس
الكل يسأل وين الهريس ليش ماكو هريس !!
رمضانيات 5

بعد صلاه التراويح
حطينا الشاي انا و ابوي و تجابلنا
دخل علينا اخوي الكبير و تكلمنا عن موضوع المرور و الزحمه المروريه القاتله
و المخالفات المروريه
و تشكى ابوي من مخالفاتي !!
و قالي يا بنيتي ترا انا ماني ملزوم كل يوم و الثاني ادفع هالمبالغ على استهتارج !!
احلف له ان مو انا و لا عمري عديت حمرا او صفطت غلط
هذا كله السايق او اخوي الصغير !!
الحين انا خليت كل شي و قفت على كلمه مو ملزوم
جان اقوله تعال و بعدين انت ملزوم شرعا علي
يعني لازم تدفعلي
قالي لا انا ملزوم على امج و على الصغير بس انتي كبيره يعني اذا باجر قطوج في السجن على المخالفات المروريه
لان السياره باسمج
انا مالي شغل !!
قلت له يعني انت مو ملزوم !!
و مالك شغل !
قدها ؟؟!! قدها
البس نعالي مستعيله
و اسوي نفسي بقوم
يالله عن اذنكم بروح اتزوج هتلي
اخوي يناديني
تعالي
و ابوي ميت ضحك علي
مو قادر يناديني
تعالي
انا لألألألألأ اشتبون بروح اتزوج
هتلي
يقولي مو ملزوم عيل بزوج نفسي انا
ابوي يقهقه من الضحك مو قادر يتكلم
على طريقتي الجنونيه و رده فعلي
و اشلون انا على طريف
بروح اخذلي سقط
افشلكم
ليش تقولون مو ملزومين !!
اخوي يلمني
و يقول حق ابوي ديربالك ترا فطيم هاليومين سي دي من مخها طاير
و هذا انا يوميا
كل يوم مسويه فيلم
حق ابوي
و ميننته
احسه يتمنى يخلص رمضان عشان انطلق في هياتي
لاني معتكفه في رمضان و مجابلته
و يستمر مسلسلي الرمضاني و هناك مواقف اخرى جدا جدا مضحكه
بس ما اقدر اقولها استاثم فيكم !!
خلوها عقب رمضان
و تقبل الله طاعتكم
و حياكم الله عندنا كل يوم انا و ابوي قاعدين بعد التراويح

مسحت البوست عشانج يا ريما

اخواني و خواتي

سامحوني على اني ضيقت خلقكم في البوست الي فات

و انا الحين احتفظت فيه

و لغيته من البلوج نظرا لان ردود الافعال الخارجيه كانت وايد قويه

المهم

لان الحب فعل مو بالكلام

و لاني احب ريما وايد وايد

و لانها من امس بالليل و اهي تبجي

و تقولي خافي الله فيني

و طرشتلي مسج بصراحه بجاني وايد

فعشان جذي اسمحولي

لاني مسحت البوست

و اتمنى لكم صيام مقبول يا رب

و حق بعض الناس الي قالوا بطرشولي

قرقيعان

ترااااااا ماشفنا شي !!

ايييييييه مشكله الرياييل ماوراهم الا الحجي

اشكركم من اعمااااااااااااق قلبي

من لا يشكر الناس لا يشكر الله

شكر خاص جدا جدا جدا من قلب حار
لحبيبه قلبي و اختي و عمري و رووووووووووووحي
ريما
على انها حطتلي هذا البنر العجيب


و شكرررررررررر احر من نار الجمر
للاخ
I_live_in_q8

على تصميمه الرائع للبنر
و اهدائه لنا هذا البنر الروعه

و اشلون صمم ميزان العدل
عشان يتماشى مع اسمي
لوير

مشكووووووووووووووووووووووووور
وايد وايد
والله مدري اشلون اشكركم

دايما اتفرحوني
مشكورين
صج هذا شهر كريم

مسخر ربي الكريم فيه الناس حق بعض

الحمدلله
اخجلتوني و ادمعت عيني والله

اول ما شفت البنر
شهقت و صرخت من حلاته

نفحات رمضانيه

النفحه الاولى

يارب دعوت لنفسي و لوالدي و لجميع المسلمين
فتقبل يارب دعائي بنيتي
و لا تكلهم على ذمبي يارب



النفحه الثانيه

في هذه الايام اتابع عمرو خالد في قناه اقرأ الساعه 11.45
برنامج و بأسمك نحيا
تبون الصج كل ما شفته و بكيت و تأثرت اتمنى كل المسلمين يشوفونه و يستفيدون منه
عن اسماء الله الحسنى
و تحسفت وايد على اني واصله لي هالعمر
و اعبد ربي و ما افقه معاني اسمائه


لفت نظري اسم الجبار
كنت اظنه يعني الجبار القوي
طلع اسم الجبار يعني
يا جابر المنكسرين
!!
من منا لم ينكسر في هذا الزمن
و كم منا منكسر لحاجه الان
و كم منا دعا ربه و قال
يا جبار
يا جابر المنكسرين
اجبر كسري
و ارفعني

اتمنى انكم اتابعونه
و اذا ماعندكم وقت تقدرون تزورون موقع عمرو خالد :)

النفحه الثالثه

ليله القدر

سميت ليلة القدر بذلك لعدة معان، هي:

1. لشرفها وعظيم قدرها عند الله.
2. وقيل لأنه يقدر فيها ما يكون في تلك السنة، لقوله تعالى: "فيها يفرق كل أمر حكيم".
3. وقيل لأنه ينزل فيها ملائكة ذوات قدر.
4. وقيل لأنها نزل فيها كتاب ذو قدر، بواسطة ملك ذي قدر، على رسول ذي قدر، وأمة ذات قدر.
5. وقيل لأن للطاعات فيها قدراً عظيماً.
6. وقيل لأن من أقامها وأحياها صار ذا قدر.
والراجح أنها سميت بذلك لجميع هذه المعاني مجتمعة وغيرها، والله أعلم


أفضل ما يقال فيها من الدعاء

أفضل ما يقال فيها من الدعاء: اللهم إنك عفو تحب العفو فاعف عني؛ يردده ويكثر منه داخل الصلاة وبين تسليمات القيام وفي سائر ليلها ونهارها.
فعن عائشة رضي الله عنها أنها قالت للنبي صلى الله عليه وسلم: "أرأيتَ إن وفقت ليلة القدر، ما أقول فيها؟ قال: قولي: اللهم إنك عفو تحب العفو فاعف عني".9
وكان من دعائه صلى الله عليه وسلم: "أعوذ برضاك من سخطك، وعفوك من عقوبتك".10
وبما يسره الله له من الدعاء والذكر.


لا تنسونا بدعاء ليله القدر

النفحه الاخيره

ربي اني لما انزلت الي من خير فقير

جاءنا شهر القران ..

اللهم سلمنا لرمضان وسلم رمضان لنا وتسلمه منا متقبلاً)) ))
فاذا جاءت ليله رمضان
صفدت الشياطين
و فتحت ابواب الجنه و لم يغلق منها باب
و غلقت ابواب النار فلم يفتح منها باب
و نادى منادي
يا باغي الخير اقبل
فان قيام اول ليله من رمضان هي دليل استعدادنا و تهيأت النفس لهذه الطاعات

قال تعالى :
((يا ايها الذين امنو كتب عليكم الصيام كما كتب على الذين من قبلكم
لعلكم تتقون ))
اي الحكمه من مشروعيه الصيام هي التقوى
اللهم اعنا و ثبتنا على صيام رمضان
واكتب لنا من صيامنا التقوى
و لا تجعلنا ممن حرمته الاجر
و كتب صيامه العطش و الجوع و السهر و التعب

فانها ايام معدودات للتقوى ,فمن رحمته هيأ لنا رمضان لكي نصل للتقوى بتدريب النفس
على الطاعات,بفعل الاوامر و اجتناب النواهي

فعلينا في هذا الشهر استحضار ثلاث نوايا
1- نيه الصيام
2- نيه القيام
3- نيه بلوغ ليله القدر

بقول رسول الله صل الله عليه و سلم
من صام رمضان ايمانا و احتسابا غفر له ما تقدم من ذمبه
وقال صل الله عليه و سلم:
من قام رمضان ايمانا و احتسابا غفر له ما تقدم من ذمبه
و قوله صلى الله عليه و سلم
من قام رمضان ايمانا و احتسابا غفر له ما تقدم من ذذمبه

اللهم اجعلنا ووالدينا و ذرارنا و المسلمين و المسلمات الاحياء منهم و الاموات ممن بلغته رمضان
و اعنته على طاعته و كتبت لنا الاجر و عتقتنا من النار , وفزنا بالجنه من الاخيار الابرار ))
و عليكم اخواني و اخواتي باستحضار سنه السحور
لقول رسول الله عليه الصلاه و السلام (تسحروا فان في السحور بركه)
والله سبحانه و تعالى يباهي بنا ملائكته عند السحور
اللهم اكفنا شر نفسنا الاماره بالسوء
و اعنتنا على ذكرك و تلاوه كتابك
و احياء ليالي رمضان المباركه
بالطاعات و القران.


مبارك عليكم الشهر

عسى الله يبلغنا وياكم رمضان

و يرحمنا برحمته يا رب

سامحوني على القصور

و حللوني في هذا البوست البسيط الي اعديته لكم

لعلي استفيد وياكم بالاجر و اذكر نفسي اولا و اخرا

و تقبل الله منا و منكم صالح الاعمال

امي و صوانيها

وصلتني مسج اتموووووووووت ضحك
بصراحه هذا ثالث او رابع رمضان
توصلني هالمسج
و اموت عليها ضحك
المسج عباره عن صوره لوحده مبسطه
مرا جبيره و تحت مكتوب عليها
امي تسلم عليكم و تقولكم ردوا مواعينا قبل رمضان
ههههههههههههههههههههه
تبون الصج
تذكرت امي و عشقها للمواعين
صصصصصج والله
امي عندها اماعينها اعز و اغلى منا احنا
اذا تنقصنا حق ربعنا شي
تلبح كل يوم ويييييين الماعون
دقي على رفيجتج
روحي يبيه
مواعيني و مواعيني
مشكله عشق المواعين و الصحون و المطاطير تبووووون الصج ادري والله ما تصدقووني

بس خلوني اقولكم عندنا مطبخين تحضير كبار كل كبتاتهم
بس كراتين مواعين
دار ثانيه مخزززززن بس مواعين
في غرفتها التبديل كبت مواعين و صوااااااااااني
و يمكن عندها 20 طقم كامل بو متيين قطعه شغل الي كشخه حيل
و غير االاطقم العاديه الي تتغير كل رمضاااااااان
طبعا الحين انتو بتقولون ماشاء الله سفرتكم حدها كشششششششششخه!!
كل يوم طقم !!طبعااااااااااااااا لألألألألألألألألألأ

الله وكيلكم صحون الغداااااااااا صارلهااااااا سنتين ما تغيرت الا في رمضان !
!و اذا قلت لها يما لاعت جبدي من هالصحون طلعيلنا طقم يديد!!
ترد علي هوووووووووووووو تبون تاكلون في طقوومتي !!الكشششششششششششخه
انزين يما ليش شاريتهم!!و مضيجه علينا البيت !!
هوووووووووو يا حبيبتي انا شاريتهم للعزايم و المناسبات !!
حبيبه قلبي يما اي مناسبات اذا انتي اي مناسبه دقيتي على الفندق حطلح البوفيه و تحرصين عليه اييب اماعين سنعه
و اذا قلت لج طلعي اماعينا الزينه
قلتي هوووووووووووووووووو تبين السيرفس يكسرهم لي و انا شاريتهم باغلى اثمانهم !!!!
و نفس القصه بالنسبه للمطاطير

خوووووووو المطاطير قصه ثانيه

الي يحب امي ايبلها صوغه مطاره و بعدين انشوف المطاره مرا وحده و يصرف لها شهاده وفااااااه
يما وين المطاطير الي شاريتهم من 10 سنين !!
هوووووووو تبين اطلعهم يخربهم الطباااااخ في السيييييييييم يزلقهم !!فضياااااااات هذولا !!
الشكوه لله

لا بليز لا تضحكووووووووون علي

ترا امي مو بس جذي مع المواعين

حتى مع الشراشف ملوت لندن و امريكا !!

كل سنه تروح و تكووود شراشف و كفارات ووزن

و ابووووووي كل سنه صراخه شايل في المطار على الوزن
و تخش فيهم

يما خلينا نستخدمهم !!
لألألأ كششششششخه
انزين خلينا نستخدم ملوت 3 سنين فاتتلألألألألألألألأ كشخه
انتووووو كفوكم ملوت كاربت سيتي الي من مصر !!
يماااااااا غيري كفارتنا
انزين نطرووووو تنزيلات دبنهامز
اي موسم تنزيلات دبنهامز
تكووووووود شراشف لين تقول بسسسس
اتورينا اياهم
و هذا ويه الضيف!!
ادري تستغربوووووووون من عشق امي العجيب للمواعين و الكفرات الي انا اجزززززم مليون مرا انهم اغلى بوايد عندها من اعيالها
بس اكيد في وايد حريم مثل امي


و كل عام و انتوا بخير
و رمضان كريم
و الي بخاطره يشتري هديه حق امه يروح يشتري مطاطير او مواعين
و حبولي راس امهاتكم

طقوس السفر

الوداع ما بأتش اخاف في الدنيا دي غير من الوداع و الضــــــــــيــــــــــــــاع

والوداع ما بأتش اخاف في الدنيا دي غير من الوداع
و الضيااع
بحس لما تكون بعيد معنى الضياااااااع
خليييييييييييييك هنا خليييييييييييييك بلاش تفارئ
بتأوووووووول يومين و تغيب سنه و بلاش تفارئ خلييييييييك هنا و بلاش تفارئ
خلتني اخاف لما بحس بخطوتك و اخذك بعيد و عليك اخاف لما تقول كلمه وداع

تاني من جديد

خااااااايفه من بكره

و الي حيجرى

و تغيب سنه

و تفووووووووت هنا حبيب مجرووووووووح
و خليييييييييييييييييييييييييييييييييييييييييييك هنا بتقول يومين و تغيب سنه و بلاش تفارئ

السنين ياما دوبت من عمرنا كتير السنين
و السنين خلتني اشوووووف اد ايه متفرأييييين
فرأتناااااااا

غربتنا

تعبتنا
لكن اشوووووف ادرنا نرجع تاني

لحبنا غلب السنين

صبرنا على الالام

للهوى متشواين
لي ليله حب و طعم الحب و ياعيني على الحب
و جي تأووووووووول

من تاني لييييييييييه

كلمه ودااااااااااع

و عايزني ادوووووووئ

في البعد ليه طعم الضياع
حرام عليك وحيات عنيك حرام

خليك هنا خليك و بلاش تفارئ

ادري ربعي بتقوووووووولون اشفيها هاليومين فطوووووووووووم تلبح علينا في الاغاني القديمه
بس هذي اغنيه ورده بلاش تفارئ

مقدمه حق سالفتي ..
الا و هي .. انا انسانه مزاجيه

..اوكيه و هذا شي طبيعي

لي مزاااااااااج غريب

و خصوصا في السفر

هالسنه لما سافرت ما مارست

هذي الطقوس لاني كنت ساكنه في اوتيل
لكن لما كنت في مصر اواي دوله و اسكن فيها بشقه فندقيه

احب امارس هوايتي
و مزااااااااااجي الصعب

الا و هو ان اطبخ اي

والله صصصصصصصج اطبخ بحب
احلى شي كان عندي في السفر

لما كنت ارد من الجامعه

و ميته يوع وشله بنات حسب الله

عندي

و يلبحون على راسي تكفيييييييين

يا فاطمه صلحيلنا الرز ترانا ميتين جوووووووووع
و كنت اموت على االطبخ

و اهم شي كان عندي لممارسه هذي الطقووووووس

اني اسوي مطارتين جاي

وحده لي في المطبخ

ووحده لرفيجاتي برا

و اسكر علي باب المطبخ

و اقعد اطبخ

و على شرط مسجلتي السووووووووووده

الصغيره ام ادقم

و اشرطه عبدالحليم

او ورده

و كانت اغنيه بلاش تفارئ

و اسمعووووووووووووووووووووووووني
من احلى الاغاني الي طبخت عليهم مرقه الباميه
و اغاني عبدالحليم جانا الهوى و

اهواك و موعووووووووود

كانوا ملازميني في كل مجبوووووووس اسويه
فعلا ايام حلوه وممارسه طقووووس عجيبه

في السفر انك تطبخ و تسمع عبدالحليم و

مطاره الشاي يمك

شييييييييي عجيب
و كنت نحيسسسسسسسه انطر لي يخلص و

يتسكر العيش يعدين انطرهم

على ما اخذ دوووووش و تالي

انجب كانوا يموتون يوووووووووع و

يطالبوني في كل مرا اني ابلع بعدين اغسسسسسسل
بس ماكنت اقدر اتحمل ريحه الطبااااااااخ
ايام رووووووووعه
المهم

الي حبيت اووصله عن طريق هذا البوست

اني اتعرف على طقووووووسكم الممتعه في السفر
؟؟؟شنو الشي الي اتحسونه ممتع و انتو اتسووووونه في السفر؟؟

يارب اغفرلي

دعاء

اللهم إني أستغفرك لكل ذنب
.. خطوت إليه برجلي
.. أو مددت إليه يدي
.. أو تأملته ببصري
.. أو أصغيت إليه بأذني
.. أو نطق به لساني
.. أو أتلفت فيه ما رزقتني

ثم استرزقتك على عصياني فرزقتني
ثم استعنت برزقك على عصيانك

.. فسترته علي

وسألتك الزيادة فلم تحرمني

ولا تزال عائدا علي بحلمك وإحسانك

.. يا أكرم الأكرمين

اللهم إني أستغفرك من كل سيئة

ارتكبتها في بياض النهار وسواد الليل

في ملأ وخلاء

وسر وعلانية

.. وأنت ناظر إلي

اللهم إني أستغفرك من كل فريضة

أوجبتها علي في آناء الليل والنهار

تركتها خطأ أو عمدا

أو نسيانا أو جهلا

وأستغفرك من كل سنة من سنن

سيد المرسلين وخاتم النبيين

سيدنا محمد صلى الله عليه وسلم

تركتها غفلة أو سهوا

أو نسيانا أو تهاونا أو جهلا

أو قلة مبالاة بها

.. أستغفر الله .. وأتوب إلى الله
.. مما يكره الله
قولا وفعلا .. وباطنا وظاهرا

لاعت جبدي من المعارض

من دش شهر تسعه و ما غير في اليوم الواحد 10 مسجاات معارض
تفضلو بزياره معرضنا في بيت ديفا
و الا كاريزما
و الا بيت ديما
و بيت لوذان و بدره و بيت 32

و كل يوم بيت
و هالحريم ما غير اطردي
دل دل دل دل و زززززززززززخ في هالخلاجين
تسألين الوحده شنو شريتي ؟؟
المعرض حلو ..؟؟
ترد عليج لألألأ والله مو حلو مو زووود بس شسوي مجامله
رحت قطيت دراعه ب 80 و طلعت !!

على ابوو انه مجامله
ما غيررررررررر اقط فلوسي !!
لاقيتهم في الشاااااااارع و الا اكد على عميان

تبوووووووووووووون الصج لا انا و لا رفيجاتي
وطوطناااااا معاااااارض
و لا افكر ارووووووووح اخذلي قميص ب 40 دينار
خياط هندي و عشر الوان فيه
ارووووووووح اخذلي قميص سادا ارماني كلاس ب 40 وايد احلى

و يدااااااد حق هالريال
والله
تبوووووووووون الصج
احنا الكويتااااااااات اكبر حريم هايتاات في العالم
يدااااااااااااااااد
والله يداااااااااااااد

قبل رمضان هياته معارض
في رمضان استقبالات
و بعدها قرقيعااااااااااان
و بعدها لويه العيد



و عقب العيد لويه دشه الشتااااااااا
و بعد الشتا عيد ثاني و تالي استقبالات حج
و عرووووووووووس
و صرف و بذخ
و تاااااااااااااالي

مااشاء الله على هالبنات و الحريم الي يتزهلقوووووووووووون 24 ساعه
و يكشخووووووووون
و يفترووووووووووون


انا لو ريال و متزوج جاان قاظب عصااااااات و نعال حق مرتي
ههههههههههههههههههههههههههههههههههههههه


لا و الي يحرني هاللي يتشرهوون

الووووووووووووو فاطمه وينج ليش ما ييتااااااااااااي معرضنا
في شغلات وايد حلوه تعجبج

انا: مشكووره حبيبتي ما قصرتي ...بس نسيت ..و كان عندي دوره العصر في الدوام (اخرطي)بس شسوي بفتك

يالله تعالي زوريني في البيت خاشه جم قطعه حقج

انا : في قلبي ((ماكووووووو فكه))انشاء الله انشاء الله

اي تعاليلي بسسسسسسج سوالف هالي يقصوون عليج تطلبين من الانترنت
و هاالي اتيبينهم من السفر

ياخذوون فلوسكم و يقصون عليهم
انااااا: ابتسااااااااامه عريضه


صااااااااااااار ماثيو ويلمسون و هالماركات الفرنسه و الايطاليه و حتى الاتش اند ام يقصووووووووووووووووووون علينا
و هالخيااااط الهندي ما يقص علينا !!!!!!!!!!!!



بس شسوي بعد هذا مجتمعنا الكويتي

و لازم نجاري المجتمع
بسسسسسسس روحه معارض ماني رايحه

كنتي لي وطن في غربتي

احلى كلمه سمعتها بحياتي كانت

((كنتي لي وطن في غربتي يا فاطمه ..عمري ما انساج لو تمر سنين ..و هذي 4 سنوات مرت و لا فكرت يوم انساج و لا ملت مكانج بنت

كثير بنات في حياتي ....بس كنت اظن و متأكد بجي يوم و انسى .. ولكن كل بنت تجيني و تمر بحياتي اتعرفني قدرج ..))

انهد حيلنا من الرياييل

سؤال ما ابي احد يزعل منه

سؤالي للبنات؟؟

اذا تعرفتي على شخص

فري وايد

كل شي بحياته عادي

ما عنده مشاكل في شي

متفتح لابعد درجه

بس محترم معاج

ما يبي منج شي

سنع وايد بحكم تربيته

اقصد خرابيطه حق نفسه

لكن ما حاشج منها طشار

اهو صديق لكن ما يضرج في شي

يحترمج

يسمعج

يداريج

يحس فيج

يقوووووووووم فيج

قبل لا تطلبين يعطيج عينه

حنووووووون

و كل شي فيه حلو

بس مثل ما قلتلج

يخربط

و بنات و يشرب

بس خرابه حق نفسه و مع بنات سقط

تحترمينه؟؟

و اذا ياج واحد

يصلي

اخلاق

الكل يشكر في سنعه

و سمعته برلنت

تعرفتي عليه

يدقر

عصبي

نجري

حقيرررررررررر

اناني

ما يفكر الا في عمره

تبون الصج احترنا

في فئات الشباب في الكويت

فئه لوتيه بسسسسسسسس يعرفون الصح

و ما يبون بنات الحمايل يختربون

و فئه

صلاه و صيااااام

و ما يساااااافر يخاف من ربه

من دوانيه لي دوانيه

الرياييل كلهم يشكرون فيه

بس ما يعرف يتعامل ويا المرأه لدرجه انه ما يتعااااااااشر

لأاااااااااااااااااا يطااق

شنو برايكم احسن ؟

سألت نفسي قبلكم هالسؤال ؟؟

حسيييييييييييييت ان لا هذا اقدر اعيش وياه

و لا هذاااااااااا هذا اتحمل دقيقه

بس ترا وايد من هالفئاااااات

انزين نرجع للشباااااب

صج صج صج سؤال لكم

ليش اذا انت محترم

ما تعرف تتعامل ويا المراا

و ليش اللوتي يداري المرا مدارات و يسويها ادهينه لا تنكتين؟

هذا انا ما تغيرت ..بس كبرت

يستعجلني زوجي بفتح الكبت
عشان اعطيه الدشاديش القديمه ..
كبتي هذا بالذات نصه دشاديش عتيجه او مو عتيجه بس ما يبلسهم ريلي و نصه قمصان نومي
محتفظه بقمصان نومي الي لها ذكرى خاصه في حياتي
مثل هذا القميص الي وايد احبه بسيط جدا ما فيه شي اسود دانتيل و شيفون
قصه بالصدر و واسع
ما انساه لانه قميص نومي بعد انفاسي في بجري ..(اكبر اعيال)و
اذكر كل شي في هالليله ..
اذكر هذا القميص و عطر بالوما بيكاسو
و اذكر بعد ليلتها سهرنا على اغنيه محمد المسباح
اذكر لما غنيتله
مثل النهر حبك جرى في دمي
مثل السحر نساني حتى اسمي
هزتني الاشواق اول ما شفتك
والقلب لك خفاق يا ليته قلبك
سرى حبك في دمي
يا حبيبي سرى

و اذكره لما كان يرد علي و يقولي

احبك في صمت محد درا و حس و اشويه لي قلت انت حبيبي و بس

اذكر حيل لما حضني و سألته حلو لبسي ؟
قالي انتي الي محليته

و اذكر بعد لما قلتله اعجبك عطري ..
ورد علي و قال
غيبني
خلاني اغوص فيج

و يقطع سرحاني
صوت ريلي

هــــاتي الدشاديش اشفيييييييج؟؟
ويييييينج

اسحبهم بسرعه بسرعه و اعطيه اياهم

احطهم لك بكيس؟؟
لألألأ طبعا من متى اوزع دشاديشي بجياس
خليهم في علاقهم و مغطين في جيس النايلون
اوديهم اقطهم على حارس المسيد الحين

اسأله:بس هذولا يددد و ما لبستهم وايد
يرد علي: لن تنالوا البر حتى تنفقوا مما تحبون
ضامنه لي باجر البسهم؟؟
شعبان ايام فضيله
خلي المسكين يلبس شي زي لرمضان

اصفن شوي
افتشل من نفسي
انا وين وريلي وين
انا في مود هالقميص
و ريلي في دشاديش و موت
و رمضان

تبين شي ؟؟

لألألألأ سلامتك

يطلع ريلي

اسحب قميص نومي
احس نفسي صغرت 20 سنه

ادخل اخذ شاور

البس قميصي
اتعطر
انسدح في الصاله
اسكر الليتات
اخلى الابجوره
و امسك الريموت اقلب القنوات
احساس عجيب
شعور بالسعاده
كاشخه حق عمري
و الا مصغره عمري
و الا برجع في الزمن ورا
والله مدري

اتابع اوبرا
تصير الساعه 9 ونص
يدخل زوجي
مستعيل
للمطبخ
مطنقر
يحط الاغراض في المطبخ
يروح الدار يبدل
اسمع صوته يدخل الحمام

يطلع
يطل علي في الصاله
اسأله فيك شي ؟؟
يسألني !انتي ليش كاشخه جذي؟؟
يتعسر زوجي اكثر
بعد ماشافني
اجاوبه:مو كاشخه بس لما طلعتلك الدشاديش شفته
عجبني
ذكرني في ايام حلوه
تذكره !!
يرد علي و اهوووو يسكر الابجوره و يفتح ليتات الصاله
لألأ ما اذكره
انا تعبان
و ضايق خلقي
و باجر عندي شغل
بشووف الاخبار و بنام
اكو عشا؟؟ و الا بما انج كاشخه ما تبين عشا؟؟
ارد عليه باستغراب!
و اعطيه الريموت
هوووووووو اشفيييييك معصب و مطنقر

يرد علي بصوت نزره
مدري عنج كاشخه و ساطره
و انا تعبان حدي
!!

ليش انت متعسر عشان انا كاشخه
هوووووو انا ما قلت ابي شي
انا كاشخه حق عمري
و اروح المطبخ و اتحلطم
والله خووووووووش بعصب عليج ليش تكشخين و تقعدين في البيت و انا مالي خلق

اذا انت مالك خلق
اصلا انا ماطلبت منك شي
ليش اتحسسني اني انا بس اكشخ عشانك
يرد علي:لان هذا المفروض
!!

يا سلام ليش انا ماني ادميه
مالي قلب

!!
لا انتي ادميه بس تدرين فيني ما احب المفاجآت قايلج الف مرا لا تحطين امام الامر الواقع
انتي ما تدرين يمكن انا تعبان ضايق خلقي

اصرخ عليه
من قالك كاااااااااااااااااشخه عشانك
ترا ما ابي منك شي
ليش اتحسب عشانك
ليش اتحسب عشان هدف معين
و ليش اتحملني انا عساااااااارتك
تدخل اتلاقيني متزهلقه عشان نفسي
تعتقد اني كاشختلك
تتعسررررررر علي !!

لانك مالك خلق

ترا انت وايد اناني على فكره

يحذف الريموت
انا برووووح انام كملي اوبرتج هذي الي قاصه عليكم
و بعدين شوفي فوزيه دريع
و دقي عليها قوليلها عن مشكلتنا
و اذا خلصتي
و تذكرتي انج ام
ترا موعد المضاد الحيوي الساعه 11 لا تنسين تعطينه

يصفق الباب
اقعد شوي اخليه يقعد مع نفسه
يفكر
ادخل المطبخ
اسويله توست و جبن بالشوايه
مع كلاص لبن بارد و رطب
ادخل الدار

هي:نايم
هو:لألأ
هي :تبي عشا؟؟
هو:لا بنام خفيف
هي:بس سويتلك توست و جبن..
هو:ماني رادج عطيني اياهم
هي :بس بشرط
يرفع حاجب واحد جنه مو عاجبه
هي :بذمتك ماذكرت هالقميص
لا تتجاهلني ادري انت كلا تسوي نفسك مو حاط بالك و مثبت بس ادري تذكره
هو:اذكره و مستغرب اشلون يدش عليج عقب هالعمر
هي:لانه امريكي ون سايز وبعدين شووف من اهني سير و اهو اصلا فلوو واسع
هو:مابي التوست ..عطيني اللبن
هي:تشربه من الكلاص و الا مني؟؟
هو:لي الحين محتفظه في شريط محمد المسباح بعد؟؟
هي: لألألألألألألألأ بس اقدر اغنيها لك
هو:ذكريني في المقطع الي احبه؟
هي:احبك في صمت محد درا و حس و اشويه لي قلت انت حبيبي و بس هزتني الاشواق اول ما شفتك و القلب لك خفاق يا ليته قلبك

ســــــــرى حــــــبك

العياب عند الباب

وااااااااي وااااااااااااي يا حسرتي

اشتغل الزهايمر اشتغل!!!

من زماان دايما اتطنز على يدتي لما تذكر اشياء وايد قديمه

و اقولها

يا حااااااااااااافظ اشعلامج تذكرين سوالف سنين الطواعين!!

و ذكريات قبل

و لكن مثل ما يقولون العياب عند الباب !!!

و من كثر ما عيبت

قمت انا لي قعدت برووحي او لي صرت بريحاتي في السياره

اغني اغاااااااااااني ايام المتوسط و الثانوي

احم احم اقصد

لاني توني متخرجه من الثانويه

و بلييييييييييييز سمعووا الاغنيه هذي و عيشووووووووووووووو جوها مثل

ما انا عشت

ودقيت على رفيقه الدرب الصعب ريما

الووووووووو ريما :لحقيني ابي اغنيه عبادي الجوهر من عذااااااااابي قلت لعيونك هلا

ريما :واااااااااااااااااي فطيم اشعندج

انا: لألألألألألألألألألألألألأ لألألألألألألأ ابي اعنيه عيوووووووووونك اخر امالي

زهايمر

يا نااااااااااااااس زهايمر

عـــــــــيـــــــــــــــــونــــك

أوقات

أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات

بدر بن عبدالمحسن