عندما يتخرج السرسري!

من سنه بالظبط نفس هالحزة وصلني مسج خطبه فلان الفلاني
على فلانه الفلانيه ... انا انصدمت
فلان الفلاني هذا اعرفه
ياااااااااااحليله والله خطب يااااااااااا حليله كلش مو لايق عليه
المهم من فتره شفته اهو و مرته يا حليلهم صج لايقين على بعض
اطنز طبعا !!
قولولي ليش فلان الفلاني هذا ما يمثل سين من الناس يمثل شريحه وايد شباب
كويتين ... درس الف سنه برا الكويت
خربط خربط خربط لين قال بس ..ولكن هاااااا خربط ويا امريكيات
اسبانيات واسكوتلانديات خليجيات ولكن مستحيل يقرب يم كويتيه !!
والهدف الستر و عدم الفضيحه
درس بلندن و درس ماستر بمصر عقب

ولان كان من المعارف فانا
كنت ازورهم اقضي النهار مرات عندهم
اتسدح قبل الغدا الاقي سعوود داش ويا وحده !!
بالليل وحده ثانيه
هوووووب هووووووب هذا بقى بنت بالدنيا ما طقت عنده كرت !!!
التلفون ما يطيح من ايده ثانيه !!
من بار لي بار من نايت كلب لي نايت كلب
يفج ريجه الصبح في بيره !!
ويرجع الكويت محاسب قانوني اد الدنيا ولا جنه شي صار برا !!

الي قتلني في الموضوع مو انه بس تزوج وحده وايد سنعه
الي قتلني في الموضوع ان هذي البنت عندها هذا قسيس !!
من الاخلاق و المثل و السنع
الي قتلني ان شباب الكويت يجذبون على نفسهم جذبه و يصدقونها
ويردون الكويت جنه ماكو شي صار برا
ولا يتزوج سنعه
و هالسنعه عبالها ريلها نبيل العوضي!!
جد جد

اهم الي في مثل هذي الحاله راح يتسنعون ؟
وهل وايد بنات تشوف الي تحبه وبتزوجه اسنع ماخلق ربي و عندها قناعه فيه
واهو سرسري !
على هامش النقاش تقول خالتي و الي انا صج صج اؤؤمن في كل كلمه تقولها
امووت غبيه ولا اموت بحرتي
هههههههههه
وتبقى المعادلات في الكويت معفوسه جدا
حتى في مواضيع الزواج
جم وحده عبالها ريلها اسكت ؟
وماكو مثله؟
وجم وحده خبله مثلي تحب التنبر و وهم ما تلحق راس!

عورتني كلمه تعبان ..وعورني اكثر ان راحتي ماوصلت

Love means making the other happy, even from a distance

سحر .. كوتشينه .. فنجان .. ! ينانوه لا يحوشك !!

بسم الله على عقلي
انا فيني شي شنو مدري!!
انا اكتشفت نفسي اخيرا
اني اجذب السحره و المشعوذين هالسوالف
تخيلوو بقولكم كذا سالفه
السالفه الاولى كنت مسافره
وكنت تحديدا في بوند ستريت
وقاعده اتمشى ويا رفيجتي ونضحك و نسولف
وانا حدي هايبر
ماوعيت الا هذاك السيكي الي وقفني
جان يقولي انتي طيبه
انتي بيوووور
وانا بقولج شي
انا رده فعلي
هاو هذا اشيبي شخربط
قالي انتي سنه 2006 صارلج كيت وكيت
و سنه 2007 صارلج جذي و جذي
قلت حق رفيجتي ابيه هذا يخربط استغفرالله
ليكون ساااااااحر
جان يتليقف ..لا انا موساحر
بس بقولج شي
كتبي اسم حبيبج و خلي الورقه عندج
و سألني اسأله
وانا الملقوفه مخترعه اقول حق رفيجتي هذا حرااااااام !!
واهي مخترعه تقول اشدراني عنه
جان يفج ايده والا كاتب اسمه بالظبط
المهم قالي انتي كيت وكيت
قلت له بس بس بس مابي اسمع شي حرااااااام
انا بمشي اخااااااف هذا يتعامل ويا الجن والا شي انا اموت خووف ما يجوز
هالحجي كان شهر 10
قالي انتي وهذا الانسان بصير لكم شي شهر واحد
ومشيت ولحقني وقالي تعالي اقولج عن زواجج لازم تعرفين زواج بطريقه تخرع
قلت له نو نوووووو مابي مابي
وانا ورفيجتي ننحاش المهم مدري اشفيييييييه علي انا بالذات
الا مصمم علي !!
وطبعا ماودي اقولكم ان صارلي شي مروووووع انا ويا الشخص الي يوم صارت السالفه قالت لي رفيجتي ابيييه تذكرين يووم قالج كيت وكيت
قلت لهاااااااااا ابيه مابي اصدق
هذي سالفه

****************************

السالفه الثانيه
كنت عند ناس بالدوام و ووحده بس اتخزني
انا بيني و بينكم ترا نظراتي تخرع او خزززززززززي يخرع
بس هذي خرعتني صج
المهم يتني عقب ما خلصت قهوتي
بتاخذ فنيالي جان تقولي ما تبين اقرالج
سحبت الفنيال بسرعه
وقلت لها لألأ مستحيل انا ما حب هالخرابيط
هذي شركياااااات
وبعدين اذا قريتاي على غشمره و ضحك ماتنقبل صلاتج 40 يوم
واذا صدقتاااااي هذا شرك بالله
وصبيت ماي بكوبي و مشيت و قمت
و اذبحتني هالادميه تقولي بقرا فنيالج
احسسسسسسسسسه خير !!
طل بويهج زين ناقصه عاد انا هالخرابيط

***********************

و المرا الثالثه يوم كنت في مصر

سااطره كاشخه في محمد الصغير

جان اتيني وحده تقولي

الكوتشينه بتقولي أأرالك !! اقرالك يعني

انا بما اني صمخه ما اسمع فطلعت من الاستشوار الي براسي و قمت اصرخ

هااااااااااااااااا ؟؟

قالتلي الي فيني يقولون لي اقرالج!!

انا ماي باااااااااارد مصبوب علي

هي هي هي هي

الي فيها ياييييييييين قايلين لها تقراااااااااااااااالي !!

قظبي الباب يا فطييييييييم

***********************

وتخيلووووووووووو اخيرا وليس اخرا
اليوم الظهر و انا بالصالحيه رايحه اسدد الامريكان
ماوعييييييت الا واحد وياي في الاصنصير
صار موقف غبي جدا مني
المهم انا ضحكت و اهو يضحك علي
و بعدين صار يكلمني يقولي خلاص طلعاي طلعاي اي ترا وصلتي
ضحكت على غبائي و مشيت
التفت علي وقالي على فكره
هالتج وايد قويه !
انا عرفتو الي تنحت
سبني ؟
والا شقال
المهم بسرعه بسرعه دزيت مسج حق رفيجتي
والا طلع لا شي زين
بس مو اي احد يقدر يشوفه الاا المتمرسين في علم الريكي

عاد قمت اوسوس
انا اشفيني اشقصتي
يا واحد لاحقني
يا وحده الا بتقرالي
وهذا يقووووولي هالتج
ليكون انا مسكوووووووووونه
لوووووووووووووول
عاد انا صج مرات احس اني مينوووووونه
بس عبالي الينون جزء من شخصيتي لا اكثر ولا اقل
هههههههههههههههههههه
اقروا المعوذات لي دشيتو بلوووووقي

اقووووووووووووول شباب بسكم ظغاط على بدليااااااتي

اصلا بدليااااااااتي هذي من المسلمات

لان من الطياره مو مني

عطورات تفتح النفس

في عندي مجموعه عطورات

ما استغني عنهم ولا ينقطعون عندي

واشتريهم على طول ولا اربطهم في ذكرى حلوة او سيئه عشان ما انقطع عنهم

اهي العطورات الي انا حاطه صورهاا

ومعاهم عطرين مالقيت صورهم واحد فليرت

والثاني باتوشلي بس مو من اترو لألأ ايطالي لكن مالقيته

ودهن الورد الفرنسي و دهن العود

والبخور

هذولا صيفا شتاءا

وعندي مجموعه عطورات ثانيه تتغير مع المواسم

في الشتا غير

او تكون نازله في سنه معينه

وعندي طقوس اسويها في كل سفره لازم اشتري عطر ما اعرفه ولاشامته من الطياره

واشمه اول ما اشتريه اذا حلو اعرف ان كل شي بالسفره حلو هههههه

اعتقادات خربوطيه ادري

بس احب اسوي جذي حق نفسي

وفي عطورات عندي تربطني في ذكرى معينه

مثلا بيبلوس الزرقه تذكرونها ؟؟

على ريحه فل تذكرني بالتحرير

و وايد عطورات تذكرني بناس

او تذكرني في سفرات معينه

المهم

شنو عطركم المفضل الي مايتغير ؟؟

وشنو ستايلكم بالعطور ؟؟

انا حتى في حبي غير ..

ليت الزمن وقف بهالتاريخ و ما مر
ليت يوم قلتها لي تغير رسم القدر

22/1/2007

ارجع معاك لي ورا واخذك بايدك ونلتفت
على خريطه زمان عشناها "عمر"

حبيبي تأملني
انا انت
انا زمان مر

لي تعديتك بنيت جبل من الجنون كل ما ارتفع
انهار و ينهار بيدك

"مابي تحبيني "
"مامليتي تحبيني ؟ ماتعبتي

يقولها وايدي بايده

نعبر سكيك وشوارع سالزبورج

في كل شارع لنا حكايه

في كل مقهى

انت وانا و قهوة

تسخن بانفاسنا

" لي الحين ماتبي احبك؟ "
" انا ادري ان كل واحد فينا تعبان اكثر من الثاني
بس ابيك اتعرف اني احبك وادري الحب بروحه في الذات بعلاقتنا مايسوي شي
بس حبيت اقولها لك يمكن تقدر تنام مرتاح "
" قلت لك ضاعت الحسبه كلها و بقى بس حبك "

على النهر اتأملك

اعبر مجراك

على النهر تنعكس عيونك

ووجهي يشبهك

تغير الزمن عندي معك
وتغيرت الاحلام
تغير كل شي وتبقى انت

اعتذر وتعتذر

ونرد انغلط و نعتذر

ونرجع نلتقى بنفس التيراس

لا شي يتغير حتى كوب الشاي

اودعك

وبانتظار موعدنا الثاني

لتزهو بنا سالزبورج

وقصورها

لتخلذ ذكرانا

شوارعها

واسواقها

و مقاهيها

وعجوز تبسمت لي

تذكرت صباها فيني

نعم انا في انتظار لقاؤنا الثاني

هناك ..بنفس التفاصيل

" فيج سفره بو اربع ايام؟"

"فيني انت "

"اح ..بتر فلاي في بطني "

حبيبي

انا وانت

كنا معا قبل لقائنا

اشوف لمعه عيونك و اسألك

عرفت ليش انت قدري؟

انت معاي من صغري في كل مكان

مابي منك عذر
لي زادت الغلطات
وايش يعني العذر؟

ياللي حبك نور دنيتي

ماوفّيك حقّك لو شسوّيت
ياللي عيونك ذرى وبيت
وعلى جفونك سكنت
لاهمتني دنيا ولاوقت

======

على حس آخر كلمه
بنيت عمر يديد
ينعاد ويعيد
ويجدّد بخفوقي
قصة حبّك
على آثار آخر لمّه
أطراف ايدك على جتوفي
وعشقك يلامس يوف يوفي

=========


أحبك ياحشاشة يوفي
أحبك يانظري وشوفي

يابعد قلبي ياروحي

====

مبروك براك ..

اول شي و قبل اي شي و كل شي
الف مبرووووووك اخوووووووي براك على ديوانك الاول
و شكله عقب التصفح و الي شفته كلش ماراح يصير الاخير
انشاء الله

دشيت بلوق براك من صباح الله خير والا اشوف خبر انه منزل ديوان

فطيم تعبر ؟ تنطر لي اخر الدوام

كلش ما قدرت
طلعت رقم فيرجن و دقيت اتأكد اذا عندهم و الا خلص والا شالسالفه
قالولي امس العصر نازل و في منه

دقيت على السايق قلت له روح الحين بسرعه مارينا مول و دق علي من هناك

راح يابلي الديوان
و انا بطريج الرده من الدوام قمت اتصفح الديوان

صج ؟؟
لألألأ صج برااااااك

صج الي قاعده اشوفه
لا تضحك علي
و لا تضحكون علي

لو تشوفون فرحتي بطريقه مو طبيعيه اصرخ
و ميته ضحك
و خايفه على الكتاب و اداريه جنه ياهل مولود !!

و اقرا و انا مو مصدقه
نسيت حر الدرب و الطريج

و ماقدرت انام الظهر و لا اسوي شي
الا توني يوم خلصت قريته كله

من رديت و انا مجابلته

هذا شعوري الموطبيعي تجاه ديوان براك

واااااااااااااااااااااي و اخيرا يابراك


انزين خلصنا مجاملات
انا بنتقد الحين

توقيت الديوان
براك احد ينزل كتاب اخر الشهر
ههههههههههه اطنز مو تصدق
اهم شي سعره كان 4 دنانير و الا ترا ماعندي هاااااا


تبارك ديوانك
و تباركت حياتك في ذكرك للشيخ جابر الله يرحمه و الشيخ سعد بعد والدينك

هذي الملاحظه وهذا الترتيب ما يا من فراغ

اشكرك بسمي و باسم الكويتين كلهم

مرتبه الاحداث
ومرتبه المواضيع
و كل شي فيه مرتب


الف مبرووووووووووك براك
الف الف مبروووووووووك


عسى الله يجعلها فاتحه خير عليك قول امين

لا شعور

امر بمرحله الاشعور
اللا احساس
هابه في صديق جديد .. نفسي !!

صايره كلا قاعده بروحي
مالي خلق ناس
ولا لي خلق اجامل احد

حتى الطلعه و المشاوير
مليت من سالفه ادز مسج حق البنات اقولهم خنروح المكان الفلاني
او السينما

صاحباتي ما يقصرون وايد مرات اهم يقترحون الطلعه بس الغالب انا

والكل صار لاهي و مشغول..
ومابي بصراحه كلش كلش اقول حق اي احد حتى اقرب الناس لي

لما قعدت اكتب لاحظت اني غلطانه
لاني امي مسكينه الف مرا قالت لي قبل لا تسافر تبي تروح مكان معين و انا مالي موود

مممممممم اي هذي اهي مالي مود شي
بس مصاحبه نفسي و صايره وايد وايد ما احط بخاطر عمري
ولا احد يكسر بخاطري

ما ارضى على نفسي


هذاك اليوم اخذت خط فحيحيل (( طريجي المفضل )) و كنت ناويه اروح ماربل سلاب لاني كنت مواعده صديقتي بسويلها مفاجاه بس صار لها ظرف و ماقدرت

قمت خذيت الخط السريع و ظبطت الاي بوود و مشيييييت
كنت المفروض اروح الكوت بس ما وعيت نفسي الا عند شعيبه

كملت الخط لي خلصت الاغنيه

تقريبا قربت يم بنيدر اطالع الساعه الا 9 وربع
رحت ماك بنيدر وطلبت بطاط

ورديت فحيحيل رحت الكوت خذيت اكبر حجم ايس كريم
من ماربل سلااااب
خلطتي العجيبه (( كاكاو و فرش ستروبري)) و مرات اضيف مانجاا

رديت على العشر و نص بقمه الهدووء و السلااااااام

والاهم من ذلك كله لا شعوووور

صايره 24 ساعه اطلب افلام
و اجابلهم بروحي
حتى الشوبينج انا قبل ما اروح بروحي لازم وياي احد
لا هالمرا برووحي

الشي الغريب الي سويته اول مرا اجرب سينما ليلى جاليري الي فوق
البالكون .. في الويك اند الي فات
مالي خلق اسوي شي

قمت الظهر
شفت اكو موفي عربي
دشيت الموقع و حجزت و رحت
ونااااااااااسه

قبلها مريت فوشون خذيت ماج حق الدوام و كاكاو حق قهوتي العصاري
طلبت قهوه تركيه لذيذه عندهم وايد

وتالي دشيت الموفي

رحت شريت كتاب من جرير و رديت

مرحله الهدوء او الي انا اسميها لا شعور الي ما صار يهمني شي
ولا يفرق وياي شي
ولا صار يأثر فيني شي .. شنو تفسيرها؟

قبل لما احد ينرزفني ....اقول اطلع الي في قلبي
الحين مالي خلق .. احس ما يسوى حتى اقرب الناس لي

احس ما يسوى شي اقولهم او يكون لي اي رده فعل تجاه تصرفاتهم..تجاه خذلانهم

ويا صديقي الغالي اجار الدين الدين
وخر عني نغزاتك هاليومين
تراااااااااااا دمعتي على طريف
لا تقولي السبه جزا البارحه جفني عن النوم
لاني صارله يومين جازي

الي معور قلبي

ان ماكو شي صار يفرق وياي ليش؟

الي معور قلبي ماصار اكو شي ابيه

ليش؟

سؤال؟

تروحون سينما بروحكم؟

الي يشوف افلام في البيت انقذوني في افلام حلوة

شطبت على الافلام كلها ..

شنو اخر موفي حلو شفتوه؟؟

لحاج الله يا نفسي على الجايد تحديني

من قريت في بلووق مارك من شهر او شهر و نص ان فتح ماربل سلاب في الكويت

و انا كل جم يوم ظاربه شووووووووط لي الكوت

بالله هذي حاله !!

اطق درب من قرطبه لي فحيحيل عشان ايس كريم !!

والمثل يقول شهوه القلب عونه

اخيييييييييييييه يا نفسي لي اشتيهااااااتي شي تعورين قلبي

بس لا يطوفكم صج يستاهل

جني بروح الحين ازرق الكوت اخذلي و ارد

Sorry 3azza

مرات يصير شي مو بيدي
مرات اعطيج وعود ما اقدر اوفيه
ااتمنى انج تسامحيني
اتمنى انج تتقبليني بعيوبي
ادري خيبت ظنج في حلم صيف كنتي بتعيشنه
و عطيتج وعد و اخلفته
سامحيني على كل لحظه تحسين فيها بالملل
سامحيني على كل مرا تقومون من النوم متعسره
سامحيني وتقبلي مني هالاغنيه وتذكريني
بس لا تنسين بليز استانسي
صدقيني راح اعوضج
ولما تسمعينهاا تذكري مآسات الطريج لكشتاد
ودموعي
صدقيني احس وايد بالي تحسين فيه

الا ليت الشباب يعود يوما

هالايام قاعده ادور صور معينه
عندي بوكس البومات و صوري من يوم انا ياهل لي اخر سفره حمضت فيها افلام من يت
هالديتجتال خرطي كلا بالجهاز بعدين يختفون
المهم
طايحه على صور ظيييييييييييييييم
اتلوع الجبد
حقي و حق رفيجاتي
ابي صوره سنعه حقي
قاعده مثل الناس ماكو
صوري بالسفر يااا مايعه ياسايحه يا متسدحه
"فيني عرج سوداني الظاهر "

و صوري بالمصور كل ويه غييييير
تكفون تذكرون مصور العصيمي الي بالصالحيه
وييييييييييييييع شاللقطاات !! انا ورفيجاتي بالارض
و صايره بس اصور ام ام اس و ادز اوري رفيجاتي الصور
يدقون يصرخوون
وييييييييييييع فطييييييم حرقيهم
الي ضعفت
الي سوت الخشم
الي تفخت
الحوااجب الحواااااجب قاتله
اما انااااا عندي صورة لو يشوفها واحد يهون مايفكر حتى يعلق عندي في بلوق بعد

بلندن في الهايد بااااااارك بعد التحرير
تذكرون هبينا في قمصان فرساتشي المشيرين الحرير الي عليهم برنت سلااااااسل
قميص حرير ومثله ليقيينج و حزاااااام موسكينوو !!! مووووووووولايق
الله لا يوريكم الحزااااام
هذا كلاا صوب و الحمرا العنابيه و شواااااااربي قااااتله !!
والقذله قذله

القذله هبينا فيها بلندن هذيح السنه

جان اقوم اشتري مقص من الصيدليه و اقصها في حمام الكمبرلاااند !!
ليششششش فطيم ليشششششش

واي مت مت ضحك
تذكرون هبه الدانتيل الي نلبسهم تحت القمصان ؟؟
ابييييييييييه
اتيييييييييكم هالحاله اتشوفون صوركم تقولون ويع ويييييع

على طااااري الايام هذيج لقيت لكم خوش اغنيه

تذكرني في الايااااام الخوالي

اهــــــــــــــــداء

Sex & The City ,واخيراااااااااااااا

واااااااااااااو
طبعا الي يعرفني يدري اني من عشااااق
سكس اند سيتي
وااو امووت عليهم
ووايد احبهم حيل و الف مرا كتبت عنهم
وموديلي اصلا كل 4 شهور 6 شهور
اشوف السيزونز كلهم من اول حلقه لي اخرها
اموت على كلامهم
حواراتهم
هدومهم
شي شي مو طبيعي
ولكن من سنه و انا انطر الموفي
مليييييييت و انا انطره

المهم يوم الخميس شريت نسخه غير اصليه
بس كانت واضحه
وطبعا اذا نزلت الاصليه هم بشتريها
وهم بشتري من امازون الديفيدي

المهم يوم صااااااار الويك اند
جهزت عمري
وسكرت موبايلي
و طقوس السهره ويا فيلمي المنتظر
ومجابلتهم بكل حب

عرفتو الي واي اسسسسلم عليهم من اول الفيلم
ربعي ربعي ولهت عليهم حدي
الفيلم اهو تكمله حق باجي الحلقات

من الحين اقولكم الي مايبي الفيلم يحترق عليه
لايكمل و يقراااا

ابييييييييييييييه الفيلم كان روعه
جني عنز بدو طاح في مريس
اعيد و ازيد في الموفي
مجابلته ليل و نهار
وكاني قاعده اكتب البوست و اشوفه
لبسهم خيال يطير
اشكالهم اتيين
كلامهم يموت ضحك
اقولكم ربعي احبهم
الفيلم كامل
حب
خيانه
خيبه امل
صداقه
وناسه
وكل شي بالنهايه ممكن يكون حلو
اذا سعينا له

كاااااااااااااااااااااااااااااااااااااري
يقرر مستر بيج يتزوجها
تصرخ شارلوت في المطعم و تقول
رفيجتي قرر المتعس بتزوجها عقب مواعد عشر سنين !!
لوووووووووووووووووووووول
عشر سنين
" يعني في امل "

ابي اروح المكسيك عقب ما شفت الموفي
لازم لازم اروح المكسييييييييييييك
الي في امريكا الحين بليز روحو المكسيك
بليييييييييييز
فظيعه خيااااااااااال
قبل كنت اقول بروح بورا بورا
الحين هونت ابي المكسيك

ابيه كاري مثلي
تحن تحن ان يكتب لها مستر بيج شي
تقرا رسايل حب حق شكسبير
وتقوله ليش ما تكتبلي !!
ياااااااااربي اي صح ليش الريال مايكتب رساله حب
يعني مو لازم يصير شي عشان نسمع كلمتين حلوين
ابي رسااااااله حب طويله عريضه
ممممممممممممممممممم
مممممممممممممممممم

هاهاهاهاهاهاها الفيلم بصوووووووووب
و ياار سماااااااانثا بصووب
هذا الي يبيله الظواهر الدخيله
فيلم يعقد
روووووووووعه
لازم تشوفون الفيلم
و تروحون له
شي يطير
حبيت كل تفاصيله
كنت بكتب وايد شغلات عن الموفي
بس اندمجت
يلا بسرعه بنزل البوست و بروح اكمل
هذي المرا الخامسه اشوفه
بااي ربعي

اوبرا بغت تذبح ابوي مو انا !!

عمتي اوبرا بغت تذبح ابووي !!
هذيج الايام شفت حلقه اوبرا عن اللو اوف اتراكشن
طبعا هذي حلقه غير عن الي كنت متكلمه عنها من قبل
من اهم الاشياء الي لقيت نفسي ما طبقتها اهي اني اكتب واجباااااااتي
السيكرتيه و الvision board
قمت رحت ويا رفيجتي رحنا جرير و دلدل دلدل يا فطيم علقيها
و كتباي الي تبينه و قصااي صور الشغلات الي تبينها
هالحجي امس !!
انا من خبالي كتبت مثل كل شي بصييغه الحاضر ان عندي
وماعندي و بلا بلا بلا
صار امس بالليل و انا طالعه وصلولي افلام و ابوي في البيت كان قاعد
من حرص ابوي الزايد راح ودا اغراضي داري
و اهو طالع لفت نظره اللوحه و الصور الي عليها و الاوراق
و قام يطالع و يقرا
وقف قلب ابووووووووووووووووي!!!
ابيه لحظه دقيقه اقوم اييب الورقه اكتبها لكم الي شلعت قلب ابوي
هاهاهاهاهاهاهاهاهاها
" عندي اسره صغيره سعيده زوجي فلاااااااااااااااااااااااان طيب كثيرا
و حنون و مخلص معي لاقصى درجه ((قاعده احلم انه مخلص و حبوب ))
لدينا بيت صغير جميييييييل جدا به حديقتي الخاصه ((نحاسه حديقتي بروحي ))
دائما فلااااااااااااااااااااااااااااااااااان يسعى لاسعادي (( بليييييييي)) اقصى ما نحلم به انا و هو انا نشيخ معا "
ابووووووووووووي قرا الموضوع ما صدق
قام يطلق
رايح رااد
رايح رااد
ابوووووووي لو شنو ما يدق علي عشان ما يخرعني
رديت البيت
رحت الشينجينج روم اغير
الا ابوي منادي امي تعالي تعالي
اقراي شنو هذي
رحت داري و الا هذولا الي واقفين عند البورد و يتناقشوون !
امي : ماتعرف خرابييييييييييييييط فطييييييييم و هبالها !!
ابوي : يعني مو صج.؟؟ (( اهم شي ابووووووووووووووي صدق )) بعد قلبي يننتك
اشفيييييييييييييكم ؟؟
امي : فطيم شالخرابيط الي ورا الباب
ابوي طلع من الدار ترررررررررررررررفع عن ان يسمع اي نقاش يؤدي الى نومه في صليبيخات هههههههههههههههههههه
انا : هااو يماااااااااا مو شفنا حلقه اوبرا !! و قالت كتبو الي تبونه و انسووووووووووه و مع الوقت يتحقق و بعدين كتبو في صيغه ان حااضر عشان يصير .. لزقوووووو صوره و تلاقونه يصير عندكم !!
امي : هاااااااااااااو مو لازم كل الكويت تدري انتي اشتبيييييييييييييييييييين فضحتينا جدام ابووووووج اشحااطه ...لو صاير في ابوووووووووج شي في هالليل كلا منج

انا : يما اي كويت؟؟ حاطتها بداري !!
امي : شيليها بس شيليهاا بلا خرابيييييييييط !!

انا : انتي قلتيلي هذااااااااااااااااااك اليوووووووووووووم انزين سواي مثلهم و كتباااااااااي انج تبين واحد.. كتبت ..
امي : كتبييييييييييييييييييييه و خشييييييييييييه يا بقره تراااااااااااااا فشششششله عيب عييييييييييييييب ما قلت لج لزقيييييييه بالطوووووووووووووف
وبعدين شنووووووو بيت صغير !!
كتبااااااااااااااااااااي بيت بالضاحيه بيت بالمسيله يامالج الفقر موووووووووو بيت صغير
اسره صغيره ... حنون .. تعبييييييييييير عربي يامالج الفقر


واي امي عجيبه
و ابوي لي الحين قاعده اضحك على رده فعله !! يعني مو صج ؟؟


شاااااااااااااااااااااااااااااك ابوي اني يمكن عندي ..

وامي اقتلتني تقولي يا مالج الفقر بنت فقر يووووووووووووم انج حاطه اسره

ليش صغيره ؟؟ و ليششششششششش بيت صغير يا الفقراااااانه

لزقاي بييت صوووووووووره بيت مهند و حطيها !!


ياربي السن له احكاااااااااام هههههههههههههههههههههههههههه
واي حبيبي ابوووووووووي بغى يروح فيها من اوبرا ترا مو مني
هههههههههههههههههه


واي اهلي ليش ما قروا باجي اللسته وايد عندي اشياء
بشتري بيت في فرنسا
بشتري موزاراتي بس ما حصلت صورتها
بسسسسسسسسنع اسلوب الصرف عندي
بزور اليابان

بروح الهند اسبوع يوجا
عندي شركتي الخاصه !!

كل هذااااااا ما شجعوني عليه يا حافظ حطوا دوبهم دووب
تعبير العربي على قوله امي !!

الى روح جدتي الغاليه

أحبج يا كل هالدنيا
حتى لو ماكنتي بدنياي
أحبج كل شي فيج

احب يومي
طفولتي
شبابي
دلالي
ياالغاليه يا ام عبداللطيف

كان يامكان في قديم الزمان
كان لي جده غير عن كل الجدات
كانت طيبه حنونه
كانت مربيه قاسيه
كانت طموحه فينا
وكانت زاهده بنفسها

كان يا مكان يوم كنت في الاحضان
كان الحضن جدتي
وكان هالزمان بيتها

تربيت على ايدها
تقاسمت الفرح وياها
تشكيني كل ليل و اشكيها
كانت تدلع علي في مرضها
وتدلعني بصحتها

الغاليه ام عبداللطيف اكتب لك رسالتي
اتركها على قبرك في ذكراك الثاني لعلها تصل
او يصل دعائي
ايصلك حقا دعائي ؟؟ ام انني ولد غير صالح؟
منذ وفاتك و انا اعيش في شتات مضل
حاله من عدم التوازن في كل شي
يومي وعملي و حياتي .. وكل شي
اتدرين ؟ انني لم اعلم ان قدر حبك بقلبي لهذا الحد

لولوة تدرين اشكثر احبج وفاقدتج و دنياي ما تسوى بدونج
لا العيد اهو عيد و لا رمضان اهو رمضان
لا القهوه صار لها طعم ..ولا حتى التمر الي اتهاوش وياج عليه كل عصريه
لولوة تدرين اني ضايعه بدونج
ولا احس لي سند غيرج غير ابوي
وابوي مرضه يزيد يوم عن يوم
رحتي انتي و خليتلي ابوي المريض
كلكم على مكانتكم عندي كنت ابيكم بكل تعبكم و الي فيكم
كنتاي انتي صوتي لي صرخت و أمرت
كنتاي انتي ظهري لي طحت
كنتي اني عزي يوم الكل عزني عشانج

قالولي مع الوقت انساج و انا لي يومج ماقدر انساج لحظه
يوم او حتى ساعه ...
عصري كان لج
طلعتي كانت لج
كنتي اولوياتي
يااااااااااه اشكثر فاقده اتصالج
كنتي تدقين علي باليوم عشر مرات
5 مرات تبيني و 5 مرات تسوين نفسج غلطانه بالرقم
وكنت ادري انج مو غلطانه بس تستعييليني اييج

عبالج بنساج ؟
انسى حووشج و بيتج
انسى حديقتك او قطاوتج؟
انسى حمامج الي يقعدني طول الفير و اصرخ عليج و عليهم
((بيييييييييييييييييييييييييتج حديقه حيوان )) يمااااا اذا ماسكتاي القطاوة والله بغويهم
تذكرين
تذكرين الدهن يوم اليمعه ورا الحنه
تذكرين العجفه
تذكرين نفانيف كيدستور
الي ماحب البسهم و تقولين لي طلعت امج قطيهم
تذكرين قصصج لي تالي الليل

وتذكرين قصص زبير
تذكرين القدس الي صليتاي فيه
ولبنان الي صيفتاي فيه
تذكرين يما واذا ماتذكرين تراني ما نسيت
تذكرين مصروفج لي كل يوم
ويوم الخميس و الاربعا
تذكرين السايق الي تحت امري
تذكرين ايدج الي علمتني كل شي
وتباهت في تعليمي
تذكرين ابوي لين من دللني جسيتي و لي من جسى دليلتيني

تذكرين ومن لي غيرج عشان ماتذكرين

تذكرين بحر شويخ و ايامه
تذكرين سوق السمج الي قبل لا تتوفين بيومين كنت وياج فيه
تذكرين والا ما تبين تذكرين
طيحاتج و طيحاتي
شداتي ووقفاتج

على رصيف شارع نسوه الناس و ما مروه
قعدت بروحي احاجيج ولا تسمعين

اخر ايامي معاج
يوم اليمعه : طلعنا العصر
رحنا سوق شرق
شرينا اغرضج من الشاميه
تناجرنا كالعاده ويا السايق
وراعي الخضره
تعشينا و دعيتيلي و هم كل مرا قبل لا تخلصين دعائج اتحبطيني
عيزت ادعيلج ما يستجيب ربي ويرزقج بريل صالح مدري شتغبرين من ورانا !

ارد عليج بكل تحلطم : ادعي عدل و يسسستجيب انتي اتمنين علي قبل لا تدعيلي
بطلنا لا تدعييييييييييين
بروح بيتنا مابييييييييج

يوم السبت : مريتج طالعه
دقيت عليج موبايل
انا : الووووووو وينج مريتج ما لقيتج ادري تنحاشين ما تقولين لي ؟؟
و اذا رديتاي المغرب ادقدقين و تقولين قاعده بريحاتي محد عندي ولا احد يدري عني
هي : رايحه الطبيب عندي موعد
انا : اي طبيييييب فاجلج الساعه 4 العصر
هي : وااااااائل الرشيد يلا يلا يلا سديه اهوووووو قعداي مو تطلعين
برد البيت
الاحد : سوق السمج وياج و تشوف ربعج و اهل يدي
وماهقيت انج تودعينهم
الثلاثاء تطيحين
الخميس عنايه مركزة
السبت من الصبح كنت عندج اقرا قران
اقرا عليج و ماكنتي تحسين
اتشهد باذونج
ايون الدكاتره يكلموني يقولون ادعولها
وارد عليهم لا دكتور يدتي كلا جذي تدش المستشفى تتعبت تتعب تطلع عادي
احاجيج وانتي ماتسمعين : يما لولوة مبين عليهم دكاتره يدد عبالهم بتوميتين مايدرون ما يعرفون
مع اذان العصر يأذن المسيد الي عند الاميري و انا أأذن باذونج
من علمني ااذن.؟؟
من قالي اتشهد باذنج و انا كنت على يقين انج ما راح تروحين !؟
اروح اصلي
تتوفين
انا
ودش فهد
وخالي
ارجع البيت مصدومه
اشلون رديت؟؟
اشلون سكرت على باب الدار
اشلون استوعبت بعدين
سبحت
ورحت بيتج
دارج
مكانج
ويصدر القرار : امي لولوة تتغسل في بيتها و تبات في بيتها
طلعوها من الطبيب .. ما تبااااااات بثلاجه
ما تباااااااات
من وين لي هالقوة..؟
اسعاف
و محارمج
اعيالج
احفادج
اخوانج
وكل عيالهم
شالغلات يا لولوة ؟ كل هذولا لج؟
اغسلج
اعجفج
اكلمج
اساسرج
المج
كنتاي راضيه عني يوم تروحين؟؟
كنتاي راضيه صح؟؟

احب كل قطعه فيج
راسج
ايدج
وعيونج يابعد عيني
ماهان علي يجفنونج
يغطونج
بصرخه وحده لا شعوريااااا
لألألألألألألألألألألأ
لألألألألألألألألألألألألألألألألأ
لألألألألألألألألألألألألألألألألألأ
لا تغطونها
اصرخ على خوالي
عيالج
عيالهم
اصرخ على الرياييل
يودعووووووووونج
ونشيلج بدارج
نسهر وياج لي الصبح
كلنا حوالينج
معاج
ماخليناج
حللناااااااااااج
بس انتي محللتنا
كنتي بيضه
رافعه صبعج متشهده

ليش شاريه جفنج؟؟

انتي بركه تدرين

فجيت جنطه جفنج

فيه بخور يكفي عزا شهر

ودهن عود آآآآه يا طيبه

وعبات

خذوج وعند ربي ودوج
وبقبرج مرتاحه ادفنوج
تذكرين
يمكن لأ
بس ادري اتحسين
كان شغلج الشاغل انا و مستقبلي
وكان كل حياتي انتي ارضيج
كنت احبج
ولي الحين احبج
ولي باجر احبج
ولي الله رزقني بعيال
راح اعلمهم يحبونج
يظنون انج بعيده
بس ما درو انتي بقلبي
وهذا حال الدنيا
وين بروح يعني ؟
يااااااااايتج
اكيد يااااااايتج

لي اخر يوم بعمري ما اقطع دعائي عنج
واذا وقف عرفي اني رحت لربي

احبج
وياريتني اوفيج حقج و دلالج
يااااااريتني

بس يشهد علي ربي اني على عهدج باقيه
ولربعج مو قاطعه
ولاهلج واصله
وكل خلانج
اوعدج دامي حيه
كل الي كنتي تبيه يصير
و بامرج ماشي لي الحين
ارتاحي انتي بس وطمني روحج
احبج
يام عبداللطيف

الامل المجروح

هما قصيدتين ...قضيتين ...قلبين محطمين
قصيدتين قديمتان واحده منهما بعنوان 'أبعتذر'للشاعر بدر بن عبد المحسن

والثانية 'تقوى الهجر' أو 'لا تعتذر' للشاعرة.

..كما لقبت نفسها... الأمل المجروح!
والإشاعة اللي تداولها الكثيرون
عنهم هي أن الأمير ((بدر بن عبدالمحسن)) كان يريد أن ينفصل عن

زوجته التي هي ((الأمل المجروح))لكنه لم يجرؤ

على أن ينطق بذلك أمامها ..

!!فأرسلها لبيت أهلها ..

وبعد مرورأيام طويلة

بعث لها هذه القصيدة

مع أحد السائقين وعندما قرأت قصيدته أغمي عليها

وفهمت منها أنه

طلقها مع العلم بأن 'البدر'كان يعشقها بجنون ..ولكن الفراق كان بسبب ظروف خاصة

البدر

أبعتذر..

الأمل المجروح

لا تعتذر!!

البدر

أبعتذر عن كل شي إلا الهوى

ماللهوى عندي عذر.

. أبعتذر .. عن أيشي..إلا الجراح.. ما للجراح إلاالصبر

...الأمل المجروح
دام الهوى ماله على قولك

عذر...والجرح ياجرحي يداويه الصبرليه العذر؟!

البدر

ولو ضايقك إني على بابك أمر فيليلة ألم

. . واني على دربك مشيت

عمري وأنا قلبي القدم .

.أبعتذرأبعتذر

كلي ندم أبعتذر

عن كل شيءإلا الهوى مال الهوى عندي عذر.

.أبعتذر عن أي شي إلا الجراح ماللجراح إلا الصبر..

الأمل المجروح

لالا تعنى لي وتمر وتبغى الصبر..وين الصبر؟

جــرحــي

عـــمـــيــــق والقلب في دمه غريق

!وتبغى الصبر؟!

ويلاه من وين الصبر

.. مهما تقول لا تعتذر

، مهماتقول من الأغاني والجمل . .

مايحتمل قلبي فديا جبر الألم

يمشي معك درب الندم

ما يحتمل ، يكفي

عليه منك احتمل كذب وغدر، حبك

سراب ضيعت وقتي اتبعه يكفي عليه ..

البدر

تصدقي ما اخترت أنا أحبك

محد يحباللي يبي

يا حبي المر العذب

سكنت جروحي غصب

، ليت الهوى وأنتي كذب ..

الأمل المجروح

يكفي عليه منك احتمل كذب وغدر ،

حبك سراب ضيعت وقتي اتبعه ،

وسط الضباب صوتك ينادي أسمعه صرت أتبعه..

البدر

أبوعدك كان الطريق بيبعدك . .أبمشي في طريق ..

الأمل المجروح

تمشي في طريق . . وين الطريق اللي يوديني لبعيد عنك؟

يا أول رفيق البعد يعفيني المزيد ..

البدر

أبوعدك كان الجحود بيسعدك . . مالي رفيق ..

الأمل المجروح

وين الوفا والتضحية . . وينك رفيق..؟؟!

البدر

أبجمع أوراق السنين وأودعك

. الأمل المجروح

بتجمع أوراق السنين . .

لا تنسى تجمع جروحي

ودمعي وآهاتي معك

وقلبي بعد ما قتلته

يا رفيقي ماعاد يقدر يمنعك ..

البدر

أبعتذر أبعتذر كلي ندم أبعتذر

عن كل شيء إلا الهوى مال الهوى عندي عذر

الأمل المجروح

وين الندم بين السطور .

.عمر العدم ماله ظهور .

. ترى هذا غرور .

. هذاغرور ..!!!

منقول

قمه في الرقي حبهم

انفاصلهم

وعتبهم

بوستات لم تنشر ...

بلوقرز

(1)

نظرا لما آآآل اليه حال البلوقرز فقررت اكتب كاركترات بلوقريه خفيفه لا اعني احد فيها
فانا بالدرجه الاولى بلوووقر ولكن لتعديل المود مع بدايه اسبوع مغبر

(2)

انا: اشعندك تدخل و تطلع في المسنجر!؟؟
هو: وين ادخل توني داش البيت
انا: صارلك ساعه تحوس داش و طالع و مابقى صوره ما حطيتها ما بقى شي ما قلته!!!
هو: والله اقولج توني داش
يرووح يغط شوي و يرد
ويسب و يلعن و يندب حظه !!
انا : اشفيك علامك يا حظي؟؟
هو : بنت الكلب الصاحبه جنت على نفسها داشه مسنجري و لاعبه في ايميلاتي
بعد يومين يوصلني ايميل من الشخص نفسه
افتحه عادي لا لي و لا علي!!
فايرس يضرب الماذر بورد
الله ياخذك انت و صاحبتك فوقك !

يوم انكم موو قد السوالف ويا البنات ليشش ادشون مسنجر و تضربون لابتوباتي
جم بلووقر رفيجته اعلنت التمرد و لاعت جبدها من وجود حبيبها في عالم المدونات الي قاعد يمشي و يصيد بنات فيه و طفح كيلها و قالت علي وعلى اعدائي و لعنت ابو سلسفيلنا !!

(3)

في طريقها للمدرسه
نايمه على التلفون
بوسه الصباح
لمه الصباح
شطانه الصباح
تسفط سياراتها في المدرسه
تعطيه بوسه الوداع
فهي مربيه فاضله وراها يوم عمل شاق من حقها بوسه توديع
تحضر الطابور
و بيدها الموبايل
تدز مسج (( يالله قوم بلا كسل ))
بين الحصيتين يدق عليها
يزفها ليش تأخرت وماقعدته
المربيه الفاضله ومعلمه الاجيال القادمه تتهاوش ويا الصاحب و تدش تعطي حصتها
بكل نفس و زف على راس البنات و جيل النهضه القادم
تخلص حصتها
تجابل بلوقها
تعلق على الكومنت
تقبل ادد من بلوقر
تشتكيله من الرفيج الي يعل قلبها
وتبدله في بلووقر عاشر

اذا هذولا ابلات عيالنا عزالله تسنع الجيل

(4)

في الدوانيه
4 شابكين من نفس الاكاونت
يغازلوون نفس البلوقر
مسوين ادد حق نفس البنت
واحد يقولها كتاباتج روعه
و الثاني يقولها اباحيه
و الثالث يشكيلها من الصاحبه
و الاخير يضبطها
متقاسمين البنت و كأنها عشاء من بيتزا دومينوز
يضحكون عليها يعتقدون انهم يلعبون بمشاعرها مرضين بذلك غرور الرجل فيهم
يسكرون النت يروحون بيوتهم
يردون حق حريمهم
والبنت تطلع ام تجاوزت الخمسين
ضاحكه عليهم كلهم في النهايه
بلوقر

(5)

بلوقر وكاتب اسلامي
ياخذ من الدين ستار له
كل مهنته يضبط في هالبنات
وحده ورا الثانيه
اول حوارين يفتحهم وياهم يعزز الركائز الدينيه و القاعده لرضي نفسه و يغرس قيمه
الحوار الثالث يشكي من الوحده و العزوبيه
الحوار الرابع سايبر سكس
الحوار الخامس اذا بليتم فاستتروا !!

ادري معظمكم قاري هذي البوستات

لان نشرتها في الجروب

ايام ما كنت مسكره بلوقي

لكن حبيت انزلها اليوم للبعض الي ما قراها

15/3/2008

والله عيب!!! عمى بعيييييييينج

امراااااض
الامراض نوعييييييين امراض نفسيه وامراض جسديه
يمكن الامراض النفسيه انا عندي وايد اكبر من الجسديه
والله يكافييييييييييكم الاثنين

قمه الحقااااااااره و البقاره
والغبااااااااااااء الاسلوب المتبع من بعض البنات
وانا ملاحظه ان هالامراض اغلبها عند البنات

ان تفتح لها اكثر من بلوووووق و تعلق على ابو انها اكثر من شخصيه
و تسوي نفسها صديقه طيبه في بلوووووووق و اهي تدري انها عدوة
او غير مرغوووب فيها

غباااااااء الي تعتقد ان باجي البلوقر مو عارفينها
وانها تقص على عقولنا

و انها مستحقره نفسها وايد لدرجه انهااااااا تتقلقس بالهطريقه
غباااااااااء و تقص على نفسها انها تحووم حوالين نفس الربع
انزين يووووووووووووم انج تنكرتاي يعني
كملاي جمييييلج و طسي بلوووووقات ثانيه

شله ثانيه

مو عند نفس الناس و الربع

و الناس و الشباب كلهم عارفينج و يضحكون عليج

هذاك اليوم واحد حاط كومنت ان فاقدين فلانه

رحت له قلت له فلااااااااان انت ماتدري انها موجوده بينا و مغيره بلوقها و امثله شخصيه غير؟؟

قاااااااااااال اشقالولج غبي؟؟
بس انا اقط نغزات لانها تقرا البلوق و ابي امشي الفيلم وياها

غباء اكثر و حقااااااااره اكثر
لما البنت تغير ايميلها و اتي تسوووووووي فيلم بتعرف عليج
و تسويييييييييلج ادد في المسنجر و انتي تدرين منو
و اهي من قبل كان لها موقف بااااااايخ وياج
ياجليييييييييييله الحيا لج عين بعد الي سويييييييييتيه
يايييييه تضيفيني على المسنجر ؟؟

والا لج عيييييييييييييين يايييييييييه تحوسووووووون من بلوق لي بلووووووق
والناس تضحك عليج؟؟

وتستهبليييييين على راسي؟؟

انزين فجيتاي

بلوق
بلوقين
ثلاثه
يا غبيه غيرااااااااي اسلوووووووبج؟
كلمااااااااااااتج؟؟
موااقفج
انزيييييييييييييين لا تقولين سوالف يوم كنا ويا بعض
لاني بعرفج ؟؟

الظاهره تزيد يوم عن يوووووووم

انا مالي شغل في بنات يغيرون بلوقاتهم
لان بغيرون بس لي شغل الي اييييييييي يتعامل وياي و على باله انا غبيه.؟؟

ماتدرون ان اعرف اطلع ايبي كل كومنت؟
انزييييييييين ماتدرووووووووووون ان النظام اليديد للكاونتر
يبين الي داش و نكه !!
و جم صفحه فتح و بلا بلا بلا
عيييييييب تسوووووووون نفسكم مضحكه
وعيييييييييب وايد سخافتكم
امراض نفسيه
اتمنى منكم تروحون تدورون اكبر
دكتور نفسي يعالجكم
لاني هالمره كتبت بوووووووست
و طفح كيلي
لكن المرا اليااااايه
مايردني عنكم
وانتووووووو ادرى شقدر اسوي
الي بييييييييييييته من زجاااااااااااج
خيخاااااااااااف عليه شوي

بوست يلوع الجبد .. بس سامحوني صرت ذربه قدر المستطاع

فكره هالموضوع في بالي من زمان
و اكيد معظم البنات فكرو يكتبون مثل هذا البوست
بس الصراحه شي محرج ..
فكرت فكرت اشلون يا فطيم دوريلنا حل انقووووول الي في قلبنا
ماكوووو الا اني اقوووول و امري لله خصوصا الي شفته هالاسبوع
خلاني اوقف بنص المكااان مصعوقه !! منبهره من الموقف المخزي
الحين اول شي انا بقولكم اساس السالفه ..((فطيم تلف و اتدور))
الحين اذا شفنا ريال يحك راسه عادي
يحك ايده هم عادي ..
بس ليش تلوووع جبدنا اذا شفنا المكان غلط
اي عااااااااد انتووووو فهموا
والله تراااااااااا هذا شي يلوووع جبدنااااا
يطيح من برستيج و شكل الريال
و شككككككله مؤرف
المراد الحين الي صاير
اذا في الدوام دشيت على مدير او دشيت على ريال
مندمج و يقرا او مندمج بشي و قااااااعد يتحكك !! اطلع ما اقدر
يدق الوووووووووووو وينج ؟؟ شقووووووووووله دشيت انأرفت و طلعت
والا لما نمشي في الممر و هذا مندمج يقرا حكم او يقرااااا ورقه و ايده في مكان غلط !!!
ليش الرياييل ما يحسون في نفسهم !
ترا انا لاحظت ان هالشي يصير في جميييييييييييع مستويات الرياييل
من البنقالي الي في الدوام لي المدير او الشبااااااااب
الي خلاني اكتب هذا البوست شي مؤرف صارلي
كنت طالعه من زارا هوم الي في الافنيو
و رايحه صوب السينما
السكليتر الي نازل و الا فلان الفلاني
شااااااااااب كويتي معروووووووووف
لانه حلووووووووو و جميل و خبه عليه في الفيس بوك و لويه لويه
عمره تقريبا26 شي جذي المهم
فطاحت عيوني عليه .. و انا يااااااايه و اهو نازل و الا هذا الولد
وووووووووووووووووووووووووووووووالله العظيم
مو حاس بنفسه و مدخل ايده دااااااااااااااخل الشوووووورت
طبعا انا اهني انصعقت
ويييييع
وييييييييع
ويييييييييييييييييع
ابيييييييييييييييييييييييييه مو حاس بنفسه ابييييييييييه
ترا منظظظظظظظظظر غير حضاري
و يلوع الجبد

كيفكم عاد فهمتووووووا بوستي والا مافهمتو قريته عشر مرات ما فهمته
ماااااااا اعرف اصير مشفره بسسسسس شسوي
اهم شي بنات اكون بردت قلوبكم
وشباااااااااب حطو بالكم ترا لايعه جبودناااااااااااااااااا من هالحركه
كلا افكر الحين هذا يتحكك و بعدين يدش قهوه ياكل !!
ببجي من اللوعه

يوجا

في البوست الي فات وعدتكم اني اتكلم عن الشي
الي خلاني انزل عشره كيلو بدون رجيم ..

فعلا اليوجا
اي اليوجا لا تستغربون
قبل كنت بين فتره و فتره ادش كلاسات يوجا بالجيم
بس عادي ماكو شي
وعقب لما اسافر اتفلسف و ادش فيكلاسات يوجا مرا او مرتين
ولكن بصراحه ياربي اشووف هالممثلات و هالحريم الي اعمارهم
تصك الستين و اجسامهم تعقد و عرفت انها من اليوجا
و من اكثر من سنه و نص تقريبا
حاشتني فتره بحياتي وايد متعبه
لا انام
ولا ارتاح و تحت ظغط اكتئاب مو طبيعي
رحت حضرت كلاس يوجاا
وعقبها يبت مدربه عندي في البيت اتيني
3 او 4 مرات بالاسبوع لمده 4 شهور او اقل بشوي
وللاسف راحت المدربه الهنديه تعيش في كندا

كنت احب كلاس اليوجا وايد
لانه اثر في حياتي بشكل مو طبيعي
غير من عادات النووم السيئه
اليوجا مو مثل ما انتو شايفين في الافلام
واحد يتربع و يسكت ساعه
لأ اليوجا انوااع وايد
و الاكسرساااايزز الي نسويها مع اليوجا تحرق اكثر بوايد
لما تسوينها بدون يوجا ليش ؟ بفضل عمليه التنفس
الي تدخل الاوكسجين للجسم و تساعد في الحرق
انصحكم قبل لا تاخذون اليوجا تعلمو البريثينج الصح
ليش؟ لان اهو الاساس
عقب ما تتعلمون على اليوجا
و يصير جسمكم وايد مرن و كل شي سهل تسونه
راح تمارسون اليوجا يوميا بشكل لا شعوري
طول ما انتو قاعدين في المكتب بتمدون ريولكم و تاخذون نفس عميق
بعدها بلشت اروح كلاسات اليوجا في رويال حياه
مممم عادي نص نص مو سئ بس مو الي وااو
شريت سيدي و قمت انا اسوي في البيت في البدايه
بعدين خلاص الواحد يتعلم يسوي بنفسه
ما احتاج اقرا كتب عن اليوجا
بس احتاج اسوي سيرج بين فتره وفتره عشان اكون ابديت في هالموضوع
اتمنى صج اروح الهند اقعد اسبووع او عشر ايام في سبا او منتجع
مساجات و يوجا..
احس راح يعطيني اينرجي مو طبيعي
انصحكم باليوجا
مو بس عشان تضعفون
ولا عشان الصحه و اللياقه
ولكن عشان تطردون السموم من جسمكم
من خلال عمليه التنفس الصح
و كثره الماي
و الميديتاشين
الريلاكس
الي تقدر تسوي نظام مثل الديتوكس قبل اليوجا باسبوع يكون جدا ممتاز
او 21 يوم من غير لحوم و قهوه و شاي و تدخين لطرد السموم من الجسم
انا عشت فتره شهر من غير لحوم
فقط فواكه و بروتين نباتي
من غير خبز و لا باستا
ولا اجبان و لا حليب
فهذا الشي كان له فعل السحر على جسمي
و بشتري و صحتي و حياتي
ملاحظه تقدرون اتابعون المتخصصين في المايكروبويتك عشان تبدلون الاجبان في شنو و لكن انا ماحب حليب الصويا كلش
الا يمكن في البلاك كوفي ..
نعود لليوجا
انصحكم تدخلون امازون تطلبون سيدي في كلاسات و تمارين اليوجا
و تهيؤن الجو المناسب و يكون لكم خاص غرفتج او في البحر ايام الشتا
او اي مكان تحبينه و تكون الاضاءه خافته و موسيقى معينه او بدون هذي الاجواء كلها .. كل واحد و موده ...
الي بسافر في الصيف حرصو الفير اتمشون في اي بارك في اوربا
امريكا لندن .. دايما يكون في جروب يمارس اليوجاا من الصبح
راح تحسون بشعور مو طبيعي في اول ايامكم مع اليوجا
لان النوم راح يكون جدا عميق بفعل التمارين و التنفس

حبك وجع

وينك على ليلي تعى بعده القمر سهران
تالمحك جاي انا عيوني سهر دابو
شوف الدني كل الدني مافيه قلب عشقان
الا ما جرح من الهوا باسم الهوا صابو
انت حبيبي وبلقلب غيرك مافي انسان
مكتوب عمري الو والعمر ع حسابو
صارت حياتي انا قصه قلب تعبان
وحده الحنين الي بقي من كل اصحابو
انت لمين ؟ انت الي
يالي الك منو الي
انت ملك قلبي هواك
ياللي بحلاك عمري حلي

وحدي بدونك ما اقدرت