كل وحده منا عن عشر

لمى : الوووو اروى انا دخلت العديليه يالله بسرعه طلعيلي براااا مو تلطعيني بليز !! شنوووو دقيقتين انزين خلي الخدامه اتطلعلي الجنطه على ما نحطها في الدبه تكونين قظيتيي!!
ويييييعه يدي اف هذي كلا معطلتنا و بس و تلومني ليش ما اطلع وياها الله يعيني عليها بالسفر !!
اقول سيد (تكلم السواق) حط الجنطه في الدبه و اذا اكو هاند باج خلها جدام ..عندك
..اتيي اروى شايله الفريج بصراخها
هااااااااااااااااااي لمى اشلونج موااااه مواااااه بوسه على الهوا لا تخربين جلوسي !!
تخترع لمى :انتييييييييييييييييييي اشلابسه بتسافرين في ترينينج غلطانه !! جان لبستي بجامه ابرك !!
على الاقل لبستي جينز شي عادي مو ترينيج ..
ترد عليها بكل برود : عادي كيفي عندي ثقه بنفسي مو راكبه فيرست !!! ماكو مشكله
لمى: والله خوش نظريه نلبس خلاجين و نقعد بالفيرست !!!
..اقول سيد روح المطار على طول
اروى : هو! ليش وين شرووق ..؟؟ منو بوصلها ..؟؟
لمى: بتيي بسيارتها و بتصفطها بالمطار !!
و فضه ريلها بقطها !!!
يرن التلفون ...تشيله اروى !!
فضه : الووووووو ارىوووو وينكم ! يالله ما صارت
ترد اروى : كانا كانا بالطريج ليش وين شروق
فضه : تصفط سيارتها
تصرخ لمى و تسمع فضه : رفيجتج الي عطلتنا ..بالله كاانا قربنا
..... يوصلون المطار يسلمون على بعض .. يروحون يخلصون البوردينج
يتجهون حق موظف الجوازات ..
لمى ماسكه الجوازات !!
تعطيهم الظابط !!
و الظابط مخترع
اربع بنات مسافرين دبي
اشكالهم 180 درجه غير بعض
الظابط يحاول يركز في جواز لمى ... اختلاف كبير بين الصوره و بين الشكل الي واقف قباله
تتليقف لمى : اي هذي انا ... صدق صدق هذي انا
كنت لمى و صرت فواز عادي الدنيا تجارب
الظابط يعطيها نظره احتقار و يقول حمدلله و الشكر و يخلصون الجوازات و يمشون
و اهما متجهين حق البوابه و ميتين من الضحك
شفتووووووووووووووو الظابط (تقول اروى) مخترررررع منا ههههههههه
بس بدعتي شنوووووو انا لمى وصرت فواز !!!
اشكررررررررررررره يعني انا بوووويا !!
لمى: خيولي زييييييين من حلاته عاد شاف عمره و اهو حاف حواجبه
شروق : بليز خلونا ندخل الطياره بسلام تراااااا المطار كله يخزز فينا
فضه: اخااااف ريلي مبلغ علينا ههههههههههههه مهربين مخدرات كلا يطفرني يقولي ببلغ عليكم مهربين مخدرات عشان يمسكونكم .. قلت له لو تبلغ بيقولون ماقصروا يطلعون المخدرات برا الديره يشكرونا
ههههههههههههههههه
شروق: مسكين ريلج وايد غبي احتقر الريال الغبي ....
فضه : حمدي ربج ريلي غبي لو مو غبي جااااان انا مو وياكم الحين ...
اروى: اي والله تعالي فضوووو شنو قلتيله !!
فضه: قلت له اني برووح دوره دبي ويا الدوام ... و انكم بتيون وياي لقاااافه !!... و انتي شنو قلتي حق اهلج ..؟؟
اروى: قلت لهم تعبانه نفسيا و بوديني فواز يومين دبي اغير جو ...سووري اقصد لمى ..خووو اهلي و اخواني اذا قلت لهم لمى يوافقون عشان عارفين انه محد بتحرش فينا وويانا ريالنا !!
شروق: و انا اهلي يدروووووووون ارمله احتاج اروح دبي اعبي بنزين و ارد .. ما اقدر اعيش من غير بانزين ..
اتييها كفخه في جنطه الجوازات ..من لمى ..
استحي على ويهج عييييييب شالحجي ..؟؟ هذي ماركبنا الطياره جذي تقول !!
شرقوووووو شوفي طلعه من الدارمن غيري ماكووووووووو !!
شرووق : عادي ماكو مشكله انتي طلعي من الدار ههههههههههههههههههههه
...
يركبون الطياره .. و يشيلون المكان بالضحك و الازعاج ..
يمهم ريال كبير في السن وايد مضايق ..منهم و من ازعاجهم ..يعطيهم نظره ..
اتحاول لمى تسوي كنترول على الموضوع .. تزيد فضه و شروق ..
اروى تندمج في مسلسل فريندز ..
لمى تطلب شامبين
فضه تقلب المجلات و تسمع اغاني ..
شروق تتمشى في الطياره على امل اتلاقي شخص اتظبطه من الطياره اريح من انها اتضيع يوم كامل ..او ساعات في الديسكو بدون رقص ويا واحد
....ترجع شرووق و تكلم لمى ..سكتيييييي طحت لج على واحد حداااااا ستايلي ..!!
لمى : عجييييييييييييب !! و اشلون بالله قررتي انه استايلج !!!
ماتقوليلي انتي شنو استايلج 99 بالميه من رياييل العالم استايلج
!!!
شروق : مالت عليج الشرهه علي انا الي قلت لج !! ادري فييييج انتي ما تحبين لي الخير !!
لمى: بليز شروووق كافي 60 مليون ريال انحاش منج و وواحد مات و ترملتي يعني عدد الضحايا يزيد يوم بعد يوم !
شروق: ليش زلزال اناااااا
لمى : لا مو زلزال ..بس بتطلعين ويا واحد بعد 10 دقايق اتحبينه و بعد 15 دقيقه تشربين وياه و بعدين ينقلب يومج نكد و تقعدين اتقصين اشلون انج حبيتي ريلج و توفى و مات و لوووووووووووووويه لووووويه
مزااااااااااااجج نكدي وايد
عقلي بس عقلي ...و خلي السفره اتعدي على خير
شروووووق : ما اقدر انا وحده وناستي مع الرياييل اموووووووووووووووووووووووووووووووت عليهم ياختج من اشم ريحه ريال هف يمي ازووق !!!
اروى: هفت لايمج انشاء الله قولي امين
فضه: اتهقون ريلي يقول حق امه اني وياكم موصييته من يومين انه ما يفج حلجه بس ادري فييييه يخر !!
البنات كلهم :: ولييييييييييييييييين بدينا شغل ريلي و خالتي !!!!
مالوعتي جبدنا في هالريال
شروق: و عادته ريل بعد والله فوااااازووو ارجل منه !!
تبوسها لمى و تقولها مشكووووووووووره بعد جبدي والله انتي الي فاهمتني
شروق: اي افا عليج مو يمكن اتحووشني حاله قحط و ارد عليج
لمى: المشكله انتو رفيجات عمري كلش ما اشتهيييييكم بالمره احسكم اخواني ههههههههههههههههههههههههه
اروى: يالله ربطو الحزام ..
شروق تساسر فضه : اتهقين هالشايب يونس !!؟؟؟؟
فضه: نروح دبي و نرد الكويت .. و انتي للحين ما عبى فيج ربع ليتر !!
هههههههههههههههههههههههههه
اي انا اقول حالتي صعبه احتاج واحدعمره بو 16 سنه
...
لمى: وحياتج انا اتوووووقع انتي تحتاجين 16 واحد
هههههههههههههههههههههههه
اروى: ترا الطياره كلها درت شنو انتكلم عنه فشلتونا هذي سوالف تنقال بالدار مو في الطياره
ينزلون من الطياره .. يركبون السياره الخاصه بفندق القصر ..
يدخلون السويت
سويت يتكون من دارين و وصاله و غرفه طعام بينهم ..
يطل على البحر و القوارب .. و المسبح من هذيك الزاويه ..
السويت الي يمهم اجانب ..
يعني راح ياخذون راحتهم على الاخر ..
تدخل لمى تغير ملابسها تقعد في البوكسر و تي شيرت لاكوست

شرووق تاخذ شاور و تتمشى في الفوطه ..
فضه تلبس ترينينج ..
اروى تسوي قهوه ..
...
لمى تطلع الحب و جنطه الارجيله .. و تقعد في البالكونه و تسوي لها راس شيشه بطعم الباشن فروت..
شروق ..تعابل في شعرها ..بجهاز الاستشوار و اللفافات..
اروى تسوي موعد في الصالون تحت عشان يسوون لها شعرها مع فضه ..
يبدلون و ينزلون....يسوون شعرهم .. و يتمشون في المطاعم..و المحلات الي في فندق القصر..
يرجعون الغرفه ..
و لمى للحين مسطوله ويا راس الشيشه و شرووق منسدحه تطالع فيلم..
اروى: متى بنرووووح العرس ...؟؟
شروق : مدري اهم قالو بندق عليكم عشان يطرشون لنا السياره ..
فضه :اتصدقون اول مرا بحضر عرس لبنانيين و كابلز.. ونااااسه احس الوضع يونسسسس
..
شروق: انا وحده ببدع رقص ..بطلع الي فيني كله ...
لمى : اي بدعي بدعي عشان الي في ايدي يبدع فيج هلقي فينا جدام الله و خلقه
اروى: شنووووووووو بتبدعين لا تفشلينا احنا الوحيدات الكويتيات .. شنو تبين يقولون عناا !!؟؟
تقوم اتطق صبع شروق و تتسكع و تقول .. يقووووول الي يقوولوون ..
و الساعه 10 توصل سياره اصحابهم اللبنانين ..
و يحضرون العرس .. و فعلا كان عرس اشبه بعرس اجانب و مافيهم ابد ملامح العرب و لا تصرفاتهم عرس جدا راقي
وايد حلو موسيقى راقيه ... ناس جدا راقيه البنات كل وحده تقول الزود عندي
لمى ميته من الضحك
اقعددددددددد احترق كرتكم تعالوا فججو عاد ويا البنانيات تبون احد يطل في ويهكم
محد بيستانس كثري .. انا الي بظبط اليوم شكلي ههههههههههههههه ..اقول بنات دبرو حالكم الدار حقي اليوم ههههههه
فضه اتطالع كرشها ... : اذا احد سألني انا توني والده ماعلي شرهه في المتن ..
يقعدون في طاوله مكونه من 6 اشخاص اهم الاربع ووكرسيين فاضين..
شروق تتعرف على نص العرس .. و تبدع رقصصصصص
لمى راازه الشامبين في الطاوله ..اروى فيها نقص كاميرات تمشى و تصور .. فضه تحووس في البوفيه ..
و يستانسون و يرقصون و يتبادلون الضحك و التعارف و الارقام مع اللبنانين على امل اذا انهم زارو لبنان راح يزورونهم انشاء الله
و يرجعون فتره العشا كلهم على الطاوله و يتعشوون و يصورون و يستانسوون مع المعاريس ..
يرجعون الفندق الساعه 5 الصبح ..
ينامووووووون نهار الخميس كله و يقعدون العصر .. فضه تروح السبا ...مع لمى ..شروق تطلع مع صاحبها االبناني الي تعرفت عليه في العرس ..و اروى تتمشى في السووق
يرجعون بالليل الغرفه يبدلون و ينزلون يتعشون في المطعم المغربي ... و يسهرون فيه
يرجعون الغرفه الساعه 2 بالليل ..
يصير الصبح يسوون جيك اوت ..يرحون يتمشون في دبي ..قبل لا يروحون ..المطار و يتسوقون في برجمان
و يرجعون الكويت بسلاااااااااااااااااااااااام .. و تعدي السفره على خير ...
بعد اسبوعين ...

تدق شرووق على لمى : لمىىىىىىىىىىىىىىىىىى لللللللحقيييييييييينيييييييييييييي
انفضحناااااااااااااا رحنا فيهااااااااااااااااااااااا
عززززززززت الله انقصبنا في نايف !!!
لحقي يا لمى لحقى !!!
لمى: وييعه وقفتي قلبي اشفيييييج
شنو الي انفضحنا و ما انفضحنا !!!!
اشفيييييييييج !!
شروق: رووحي شوفي صورنا في الموعد و نورا ,, و ليالينااااااااااااا
اناااااااا ارقصصصصصص و انتي البطل مرزووز جدامج ,, و لامه اروى و فضه طايره بووهتنا !!!
الكوووووووووووووووووووووووويت كلها درت !!
مسكيييييييييييييينه فضه اخترب بيتها !!
و يصيرون حديث الموسم ... فضه يطلقها زوجها طلقه و يرجعها عشان اعيالها بعد شهرين !!
و لكم ان تتخيلون اهل شروق و اهم يشوفون بنتهم بين 3 شباب لبنانين !!
الصور تتداول في الانترنت .. كويتيات في عرس في دبي
اروى ما تقدر تواجه الموقف .. و تنحاش ايطاليا تشتغل في شركه كيوايت الي في ايطاليا ..
شروق تغير شغلها ..
فضه .. تاخذ اجازه اموومه ..
لمى .. تزوور بنت خالتها الي تدرس في اوهايو.. هروبا من فضيحه صور العرس ..الي انتشرت في الكويت بطريقه غير طبيعيه .. و تداولتها الجروبات الخليجيه ..
...قبل الفضيحه كانت بسيطه .. لان لما الاهل يدرون ,, يتصرفون مع البنت لكن الفضيحه في ظل وجود الانترنت تكون فضيحتين ...
تشهر ... كلام زايد ... و فضايح مالها اول و لا تالي ..

وييييييييه طلع يشرب !!! عيل مالت عليه !! موكفو!!

حتى تستوعبون افكاري هالمره
خلونا نخلي الدين على جمب
و ناقشوني نقاش صريح

انا ما اعني اهني اني اصفق حق هالفئه و اشجعهم ولكن مجرد سؤال؟
اشعلاقه المشروب في الاخلاق؟؟

يعني الحين اذا واحد سنع و يصلي و مؤدب و وظيفه وايد زينه
ومعروف بين الناس بحسن اخلاقه و طيبه قلبه لكن فيه عيب انه يشرب
و ركزوا في اني قلت عيب

و لكن يشرب فقط من اجل الشرب
يعني هناك فرق ما بين الشرب و مابين السكران النكران
انا ادري انكم بتقولين ان الشرب وسيله للانحلال الاخلاقي و هدم المفاهيم
لكن صدقوني انا شفت ناس سنعه ..ملتزمه دينيا ولكن خلق مافيه كلش
وشفنا ناس من ارقى الناس و افهم الناس و اعقل الناس و لكن يشربون
بالتالي ...ليش الناس تربط المشروب بسوء الخلق
وتربط اللحيه بانه شخص ملائكي نازل من السما


مشكله لما يصير المعيار بشري
ومشكله ادعاء المثاليه

احبج يا روح روحي

الى حبيبه عمري
الي كل قلبي
الي امي
صديقتي اختي
حبيبي
الي الحنان الي مخليني واقفه للحين
الى الغيوره الي كل ما دشت علي شافتني ماسكه الموبايل
اغمزت و اطلعت
الي توأم روحي
الي بنتي الصغيره الي دايما تقط راسها في حظني و اتقولي انتي احلى شي في هالدنيا
سألتج اليوم شنو تبين هديه حق باجر
قلت لي باختصار انتو احلى هديه من ربي
ما ابي منكم هديه
يكفيني اني رديت قبل هاليوم عشان ما احرمكم وجودي في البيت
الى اللي دايما تسمعني و صابره على طوله الساني
و الي دايما مراعيه مشاعري
الى التي دايما تقيم الليل و تسمعني دعائها لي
والله عمري ماراح اجازيج حقج
و لا عمري بقدر حتى ارضيج
يما ترى ذبحتيني اليوم
لما لميتج و قلت لج ادعيلي
قلتي لي طول فتره الساعات في الطياره كنتي رافعه ايدج تقولين
يالله يا رب اشهدك ان بنتي فاطمه راضيه عنها فارضا انت عنها يا رب
و متعها من خير الدنيا و الاخره
احبج
و هالكلمه شويه
اليوم لما بست ريولج و انا اهمزج
حسييييييييت في حنان مو طبيعي
قلت لربي و انا ابوسها
يالله يا رب
لا تحرمني منها
و دخلني في حبها الجنه
و لا تحرمني ذريه صالحه تحبني مثل ما حبيتيها
ربي
ربي
انك تسمعني
و بصير فيني
اشهدك يا رب
انها ادت الامانه و انت الي قلت كلكم راعي وكلكم مسؤل عن رعيته
فكانت امي احسن راعي و أأمن مسئول فينا
يا رب
ارضى عنها مثل ما اهي راضيه عني
يا رب متعها في صحتها و عافيتها

اليك امي حبيبتي
اليك يا روووح روحي

What is This !!

Errore In My Bloge

MY Birthday

Happy birthday To me

17/3/1979

من اروع الايام في حياتي

صج الدنيا طعمها غير مع ناس يحبونج و اتحبينهم

رفيجاتي ما قصروا

اولهم ريما الي من يومين اهي و اعيالها يجهزون حق عيد ميلادي

بنتها سوتلي كارت عجيب

الكلام فيه يبجي ترا

تلفونهم الصبح و اهم يغنون لي

طلعتهم وياي

احتفالهم فيني

مع الكيكه و القعده و الوناسه

كان شي و لا اروع منه

اشكرج يا ريما من كثر سعادتي

قعدت ابجي و انا راده

اقول لربي

شنو سويت في حياتي عشان يكون عندي ناس احبهم جذي

يالله القبول

بعدها اشكر ناديه انزاحه

الي ما قصرت اعزمتني في المارينا

و شرتلي كيكه خيااااااال

من دالوايو

شي مو طبيعي

اشكرج وايد على انج سمعتيني

و اشكرج على كل شي سويتيه لي في هاليوم

اشكر رفيجاتي الي دقوا علي

و اشكر الناس الي ارسلولي كارد في الايميل

اشكر المسجات الحلوه

بس في شغله ماني فاهمتها للحين

انا ليش هالكثر احب ربعي و اشكثر اهم مهمين في حياتي

الله لا يحرمني منكم يا رب

لولاكم الحياه طعمها غير

ريمااااااااااااااا

ربي يسخرلج يا رب كل خير تتمنينه

حرقنا البنت و قعدنا !!!

انا قايله هاليوم ماراح يعدي على خير ..

متعسره ..وايد

قاعده من النوم الساعه 6 وشوي ..لقيت مسج من حبيبتي ريما

تقولي فيه عندج شي ..رديت عليها ، نووووووو ..

قالتلي انها بتروح استقبال و بعدها ماعندها شي

اتفقا على ان نروح ستتار بكس البدع ..

الطريج زحمه ..

ما بقى داعوس في رميثيه ما دخلته

ياكره اعلانات الانتخابات تارسه الشوارع و ما نشوف شي

..

وصلت ..صفطت سيارتي

ادق على ريما .... هاي ريما وينج ؟؟؟

ترد علي تقولي انها بين الزحمه ..وتطلب مني احجز طاوله

الحمدلله لقيت طاوله و كان يمنا حريم ..

قعدت اخز في خلق الله خز

قطعتهم ..تقطع

وصلت ريما ..

بعدها في خمس دقايق وصل اخوي وكانو ربعه في الطاوله الي يمنا

عطاني نظره عبيطه يعني هههههههههههه شفتج ...

جابلني اخوي ...

في ستاربكس ..

دزلي مسج ..

قايلي شكلج صايره مراهقه كل يوم جز في ستاربكس

قلت له ماني مراهقه انا اكبر بنت اهني ...انا كبر امكم

ضحك علي انا ورفيجتي لما قلت عن نفسنا جذي

الرياييل غريبين

يحبون يطمنون ان الاوضاع دايما اوكيه

قامت رفيجتي ريما ويا صاحبتنا

يطلبون كوفي

طبعا ريما حاسبه حساب ان احنا برا !!! فقالت حق الويترز بليز اكسترا هوت ..

يابولنا الطلب

توها ريما تحط القهوه ...

قام اخوي من مكانه في كل برود ..ياني سلم ..

عرفته على رفيجاتي طلب انه ياخذ الكرسي حق صاحبه

بكل ذرابه اخوي سحب جنطي الي اشكبرها عطاها حق ريما

و الا كوب القهوه الحار جدا و تذكروا ان ريما طالبته اكسترا هوت !!!!

ينكب كله على ريل ريما و اهي كانت لابسه تنوره يعني على ريلها و تنورتها !!!!!!

ريما صرخت صرخه انا وقف قلبي

قمت و اهي قامت من حراره القهوه و قمت ادور في مكاني اخوي حط الجنطه و سحب الكرسي في كل برود

و راح !!!!!!!!!!!!!!!!!!!!!!!!!!!!!!!!!!!!

و خلاني انا ورفجتي بدووووووووووووووووووووووون لا سوري و لا مد ايده سحب كلينكس كلش كلش ماكو ردت فعل !!!!!!!!!!!!!!!!!

لمده 3 دقايق انا وريما معفوسين

اشوه ان جنطتي مترووسه من جميع انواع الكلينكسات

استوعب الموقف اشوي

ريما تضحك من التصرف انا معصبه من رده فعل اخوي

ريما غشيانه من الضحك

يدق علي يقولي

بليز انا حدي انحرجت مدري شسوي قوليلها سوري بليز

!!!!!!!!!

رديت عليه

قلت له تصرفك ما يترقع كلش

!!

دق علي قالي بليز قوليلها سوري

طبعا ريما بعد عمري للحين قاعده تضحك

و القراده انه اخوي مجابلها و اهو من الاحراج يضحك

و اهي تموت ضحك

و انا حاطه حيلي زف في المسجات

...صار شوي

قمت ركبت السياره

دقيت عليه ربع ساعه و انا اصرخ عليه على رده فعله

و المشكله يضحك !!!!!!!!!!!!!!!!!

و ريما بعد روحي سببنالها عاهه مستديمه حرقنا فخوذها و اركبها

اسأل ريما ليش تضحكين

تقولي تذكرت سوالفج عن اخوج و صرت اربط هالشي مع ردت فعله!!!!!!!

اخوي الكريم البارد برود مميت و العصبي اعصاب قاتله

و الي مرات تصرفاته يكون مال امها داعي

من يومين تعرضنا لحادثه سرقه في البيت

مبلغ 75 دينار

لما عصبت و عفست الخدم

يقولي انتي ليش معوره قلبج اقصاهم 75 !!!!!

و طبعا انا في قمه اعصابي و الزف و الصراخ و اللويه و الشطه

و اهو في كل برود يروح البنك و يسحب الفلوس و لا جنه صاير شي

..قبل لا يطلع ياني قالي ام محمد ممكن طلب بليز بس ما تزعلين و انتو لاحظو اني كنت مولعه من الاعصاب وقتها

يقولي دام انج مالقيتي شي في دار الخدم !!

و بلشتيهم و زفيتهم اشرايج نعطي كل واحد فيهم خمس دنانير تعويض !!!!!!!!!!!!!!!!!!!!!!!!!!!!

اشتبوني اسوي

بقا سبه ما سبيته

بقى مخده ما انحذفت عليه

اكو قوطي كلينكس ما هف الطوفه

بس حسافه ما يحوشه شي

....

عشان جذي كانت ريما تضحك في في ستاربكس

كانت تربط رده الفعل و التصرف

عادي ريما ترا انا في هالبيت عندي 3 اخوان برود الدنيا ماتشوفيني انا هايبر

اخواني يستحون و مؤدبين بزياده

و انا ماخذه الرجوله الي في العايله كلها ...

سامحيني و مسحيها في ويهي

امر على الابواب من غير حاجه لعلي اراهم او اراى من يراهم

قمت من النوم اليوم المغرب ..لقيت مسج روعه من انسانه وايد هاديه و بسيطه ابدا ما توقعت منها مسج عشان جذي الظاهر مسجها عجبني
البنت تقولي في المسج
..Hii Tander Girl ..plz why u stop posting .. tadren feny wayd a7eb ketabatech ...enshala etkonin bkhair ..u have to take a rest 4 starting agian baby ..if u need to talk im with you im all 4 u ..

بصراحه عورت قلبي و دزيت مسج شكرتها وايد
ادري الشخص الوحيد الي يمكن حاس فيني قلم جاف اقصد الشخص الي حاس في جفاف قلمي ..
اهو الي يقدر ..يقدرني
الي رفيجتي الي حبيباتي الي كل شخص وياي يقرا ويشوفني
راح اقولكم القصه كامله بس لما اطلع منها عشان اعرف اكتبها صح و بدون رتوش

باختصار
خايف اشكي و انفضح و الناس تدري في علتي
وخايف اسكت وانجرح والنار تحرق مهجتي
كل شي و له نهايه الي انت .

و على كل الي فيني بس هم اقول...

تبي اكثر أغلى اعطيك
تبي عمري اذا يرضيك فداك العمر و احلامي
وكل لحظه من ايامي
....

تدرون ليش؟؟
في كل شي ضحيت للي أنا حبيت لاخر نفس فيني عطيت ما خليت
واخرها خلاني
اموت باحزاني


واخر شي اقولكم
امر على الابواب من غير حاجه لعلي اراهم او اراى من يراهم....

يا رب اعطيتني فشكرت عبادك ..

هل استحق كل هذا الحب منك ؟؟

اللهم لك الحمد على الاسلام و لك الحمد على الاهل و الصحه و العافيه

اللهم لك الحمد على الرزق

اللهم لك الف حمد على اخواني فهم قره عيني

اللهم لك الحمد ان تحقق حلمي و صرت الى ما صرت اليه و لك الحمد على البسمه الدائمه

اللهم لك الحمد كل شي و لك الحمد على كل خير اعطيتني اياه او اجلته لي

بحكمتك

و بقوتك و ضعفي

اللهم هذا حولي فأرنا حولك

الحمدلله ملئ ما في السموات و الارض و الحمدلله عدد ما سبح من في السموات و الارض

اللهم عصياني لك بضعفي و جهلي ...ليس كبر و لا جبروت

اللهم انت العالم بما في قلبي

اللهم انك انت البصير

السميع العليم

اللهم اشكو اليك ضعفي و هواني على امري

اللهم ما زويت عني شي مما احب فاجعله فراغا لي فيما تحب

اللهم اني اشهدك اني متوكله عليك حق التوكل

..

يالله بقدرتك و ضعفي

فانظر الي نظره من عندك ترضيني عن نظره سوالك

سبحانك اللهم و بحمدك اشهد ان لا اله الا انت وحدك لا شريك اليك

يا رب اثقلتني الذنوب

و أرقتني النفس اللوامه

و عجلت اليك ربي لترضى

و عجلت اليك ربي لترضى

وعجلت اليك ربي لترضى

شكرا

شكرا مشاري و شكرا ريما وايد على مساعدتكم لي

لولاج يا ريما ما كنت ادري شنو بسوي و شنو بيصير فيني

شكرا لك مشاري

من لا يشكر الناس لا يشكر الله

احبكم اصدقائي و كل من وقف وياي في مشكلتي

احبكم فوق ما تتصورون

اخوي قلم جاف انطر مني ايميل جديد اعطيك تفاصيل فيه

انا ما اقول الا الله يهني اهلج فيج يا ريما

امج عرفت تربي صح

و انت يا مشاري عسى الله يوفقك و يبعد عنك اعيال الحرام

صمت

انسحب بكرامتي
نفسيتي تعبانه
ضايق خلقي
ابكي من غير سبب
على اقل شي اصرخ
ما اشتهي اكل
تعبت بسرعه
قبل لا حتى ابدي

اسمعووني

احلى نكته

مجموعة نساء راحوا رحلة على لبنان وعادوا بعد ثلاثة أيام. ‏فقامت واحدة تصف لزوجها قديش انبسطوا في لبنان ، قالت له: ‏أول يوم وصلنا على بيروت. ‏ياإلهي شو حلوة بيروت. ‏دورنا بالحمرا وبرج حمود ورحنا على التلفريك بجونية .. ‏يا إلهي شو انبسطنا. ‏آخر النهار رجعنا ع الفندق تعبانين كتير. ‏اتحممنا وجهزنا حالنا للنوم وإذ عصابة إجت علينا . ‏اغتصبونا كلنا إلا شفيقة قال الزوج لنفسه. ‏إي وبعدين والله نمنا هديك الليلة. ‏تاني يوم. ‏أخدونا ع الجنوب. ‏يا إلهي شو حلو الجنوب . ‏شعب بطل. ‏استقبلونا أحلى استقبال. ‏رحنا على صور وصيدا وعلى النبطية. ‏ووصلنا للحدود وضربنا حجر على الإسرائيليين. ‏وآخر النهار رجعنا على بيروت ع الفندق. ‏يا إلهي شو كنا تعبانني. ‏تحممنا ورحنا حتى ننام. ‏وإذ إجت عصابة. ‏اغتصبونا كلنا إلا شفيقة كمان؟ شو هالحكي !! هذا اللي صار. ‏المهم تالت يوم رحنا ع طرابلس ودورنا واشترينا من سوق البالة ورحنا ع البحر.. ‏وآخر النهار كما رجعنا عالفندق وإذ العصابة إجت اغتصبتنا كلنا إلا شفيقة فار دم الزوج وصرخ. ‏العمى كل يوم؟ كل يوم بيغتصبوكن إلا شفيقة؟ شو قصة شفيقة؟ ليش ما اغتصبوها؟ فأجابت الزوجة: ‏والله هي ما رضيت

ازعاج من وحده ملقوفه

رفيجتي وايد تعبانه نفسيا و ضايق خلقها
احبها بس ما اقدر اتدخل في حياتها اكثر من جذي
اعزها وايد
و ودي اقولها بلييييييز خليج اكبر من جذي لا تعطين احد اكبر من حجمه بعدين يصدق

و اهداء لج هالكلمات
اهي ما اعتبرها قصيده لانها طارتها من بيت جيرانا من اخوي العزيز لورد بن سليت و حرفت فيها لين قلت بس و بعدها قلت له ممكن اخذها ..سوا فيها خالد المريخي و قالي اخذيها بس ما تغيرين فيها شي
لكن انا اصرييت و انا اتحمل المسااأله القانونيه
اشرايكم في محاميه ما تحترم الملكيه الفكريه !!!!!


بسسسسسسسسس شسوي محتره على رفيجتي
اقروا و شوفوو

يا صاحبي اسمع ولا تخشى فلانا
أسمع فما للصوت من عتب يقالااطرب
لنا صديقنا (الشهم) فلانا
أطربه واشبع عنده كل الخصالا
صديقنا البحثي أزعجنا مراراوببحثه أضفى لنا عتب يقالا
!!!اسمع أيا من يظن انه صديقنا (الشهم) فلانا
شغّلتنا أشغلتنا حللتنا دوما مرارا

و يا جبل ما يهزج ريح ياللي في بالي ....
انا ادري ان لقافه البنات و التافهات و ياكثرهم في الكويت
تعل القلب و تملل الواحد و قاعدين انحاربها بكل الوسائل
تسكر الجهاز و التطنيش
بس المثل يقول من السهل ان تطرد عدوا من بلدك و لكن من الصعب ان تمنع واحد نشبه يعرف رقمك فما بالك نشبه يعرف كل تفاصيل حياتك
بعد شقووووول اكثر من جذي
!!!!!!!!!!!!
يا بنات بليييييييييييييييييز خليكم في حالكم مالكم شغل في رفيجتي

عابره سبيل

......في قلب الصحراء تغيب (التكنولوجيا)وتقتات الامنيات على عشب الحكايات,يأتي الشعر ليؤرخ نفسه كاتبا للعرب يسجل اخبارهم شاعره كويتيه لها ديوان شعري اسمه عابره سبيل واشعارها رائعه جــــــــدا ولكن الله شاء ان نفقد هذه الشاعره بسبب مرض السرطان ابعدنا الله عنه ولشاعره 6 ابناء اكبرهم عمره 12 سنه واثناء ما كانت على فراش الموت كتبت هذه القصيده التي تبين مدى ايمانها بالله وان الموت سيكون مصيرها لان هذه ليست اول مره تدخل بها المستشفى بل كانت تدخل وتتعالج ويقوم زوجها بذبح وليمه لشفاءها ولكن المرض دام معها حتى ماتت ...
في قلب الصحراء تغيب (التكنولوجيا)وتقتات الامنيات على عشب الحكايات,يأتي الشعر ليؤرخ نفسه كاتبا للعرب يسجل اخبارهم
ويسير بهم الى قرون اخرى حافظا ارثهم ,مسقطا عوالمهم على اجواء اخرى اخذت الحداثه مكانها واصبحت (العولمه)مصطلحا رائجا في سوق الكلام.....وسط هذه المعمعه تجلس الشاعره(عابرة سبيل)لتشق طريقا في الشعر تعبر منه وعليه حكايتها مع النزف الذي صار (جروحا كريمه)في محارة قلبها...........هذه الشاعرة التي سنت لنفسها خطا مغايرا في وقت مازال _الشعر النسائي_ان جازت التسمية مازال يحبو رغم انه قد بلغ الحلم يوما ما....!!هذه الشاعره تعيش خارج ايقاع العصر وتكتب شعرا تجزم حين تقرأه ان من كتب هذة الابيات او تلك امراة في جسد أنثى وقلب عاشقه وروح فارسة اصيلة.....اقرأوا معي...هل يمكن ان يكتب هذا الشعر رجل ما في اي مكان من بلاد العبقريه.....تقول:
........باكر يجي ياشيب عيني من الويل.....................من عقب ماسافر سنين مديه
شاقول له صاروا عيالي رجاجيل......................شاقول له أكبر عيالي سميه.

.اعتقد ان شعرا كهذا ينطق باللوعة بكبرياء الزمن بحب تحت وسادة الذاكره ان يكتبه الا امراة شاعره بكل شئ وليس اي شئ...!!.................................الشاعرة عابرة سبيل اول من كتب من شاعرات هذا الجيل (الشعر البصري)أو السينمائي...الشعر الذي يجعلك ترى بأذنيك كيف تقع الجبال في غواية الريح وكيف يفض المطر بكارة السحاب فينجب العشب......تأملوا معي هذين البيتين لشعر نسائي حقيقي لايستطيع كتابته سوى عابرة سبيل.....تقول:.............في عز ليل الشتا قعدت بلحالي.......ماغير انا وهاتفي والبوم والدوه.....أنطر يبي يتصل بي واحد غااالي......واقول ماقوم لين يقول لي قوه............هكذا ألق وهكذاا نتظاروهكذا ايثار لابد له من قلب شاعرة تعرف انهاولدت شاعره تكتب الشعر لتحل به معادلة الزمن وتعيد ترتيب حروفه حتى نكاد نلمس الليل والوفاء ونشم رائحة الحب تتسلل في الاثير الى اوردتنافيصحو النعاااس والوسواس وتناااااام الفرحه حتى اشعار اخر او شعر مبهر..............هذه الشاعرة ترسم القصيده بكاميرا وليس بريشه او قلم وعندما تعيد تنقيحها تدخلها (معمل التحميض)في روحها فتظهر لنا شفافيتها ونبصر من خلالها معاني كثيره اهمها معنى (أن تعشق امرأه حد الشعر)....................هذه الشاعرة لم تدخل نفسها في حروب وهمية ولم تعرض جسدها سلعة على أغلفة المجلاتولم تتطاول على تقاليدها بالظهور في لقاءات على الهواء مع الجمهور(المراهق)بفعل التربية...!!!!هي شاعرة باتت رمزا يشكك الكثير من المهتمين في وجوده بينما هي تجلس في محراب شموخها تكتب شعرا تلمسه قبل ان تقرأه وتغرق فيه قبل ان ينقذك الموج بمد قوي نحو الامااان..........في بيتيها القادمين تبرز ملامح لامراة استوطنت الحلم وجلست على (المطلاع)تحت ضوء القمر وفوق رابيه الهاجس بين النجوم بانتظار ملهمها وعاشقها وفارسهادون ان تنتظر منه اتصالا على جوالها المحمول ولا رسالة في بريدها الصوتي بل(على وضح النقى)....تقول عابرة سبيل...:

:شريت لك عطر على شان يزهاك.............أربع سنين بعلبته مالمسته وشريت لك ثوب على شان لقياك..........والثوب راحت موضته مالبسته.....
..............ياالللللللللله اربع سنين لم تلمسه......!!!!!!اي شاعره واي وفاء نادر للحب للشعر لفروسية امرأة لوت أعناق الكثيرين من مدعي الشعر وفتحت الباب لشعر انثوي رائع يراعي مشاعر المراة الخاصة ويرى الامور من زوايا شفافة بعيدا عن الكتابه بصيغة (المذكر)وقريبا جدا من طريق(نون النسوة)المتفرع من الابدااااااااااااااع....


أهلي يدرون إني شاعرة =
بس مايدرون في جرح اللياليي
منعوني من كتابة خاطرة
=مادروا إني من زمان بهالمجال-
اه لو يدرون اني (( عابرة )) =
عندهم بتصير موتتنا .. حلال

وابدعت ايضا في ابياتها
نا عجوز مطلقة وأم ورعـان
=وأيضاً مدام وبنت وآنس وعانس
أنا بدوية وعايشه عند حضران
=وبنت البحر وأبوي زارع وغارس
أميةٍ ماتعرف حروف وألـوان
=وتلميذةٍ دشت جميع المدارس
ظفرة وخبلة عاقلة في نقصان
=شرود وأنطح لي ثمانين فارس
خلوني أعيش العابرة دون عنوان
=طيفٍ يمـر بلارقابة وحـارس



ومن ابسط و امتع ما كتب

تضايقه بالحيل محتاجه اشتكي
لولا طبع فيّ .. يمديني شكيت
بس أدور عذر منشان ابكي
لو يدوسون بطرف ثوبي بكيت

و اكثر ما قرأت و اثر فيني

ليتني البارحه ياغالي ماسريت
يم درج ٍ مقفل من قديم السنين
أشهد اني فتحته وانتحبت وبكيت
شفت ماهيض الجرح القديم الدفين
شفت وسطه رساله وليتني ماقريت
بيت شعر قديم وظرف مع صورتين
اشهد اني لغيره بالغلا ماعطي
تواشهد انه بغاني مير ما من عوين
صحت من قلب ياويلي على اللي هويت
وقمت امسح دموعي من يسار ويمين
لاطرالي حبيبي بصوت واطي حكيت!! إنا لله .... وإنا للولي راجعيـــــــن

و قبل وفاتها كتبت

ترى الذبايح وأهلها ما تسليني
أنا أدري إن المرض لا يمكن علاجه
أدري تبي راحتي لا يا بعد عيني
حرام ما قصرّت يديك في حاجه
أخذ وصاتي وأمانه لا تبكيني
لو كان لك خاطر ما ودي أزعاجه
أبيك في يديك تشهدني وتسقيني
أمانتك لا يجي جسمي بثلاجه
لف الكفن في يديك وضف رجليني
ما غيرك أحد كشف حسناه واحراجه
أبيك بالخير تذكرني وتطريني
يجيرني خالقي من نار وهاجه
سامح على اللي جرى ما بينك وبيني
أيام نمشي عدل وأيام منعاجه
همي عيالي وأنا اللي فيّ كافيني
علمهم الدين تفسيره ومنهاجه
رحمها الله واسكنها فسيح جناته آمين

نزوه

هذي قصه حقيقه و ليست مؤلفه من مؤلفاتي الخزعبليه ولكن مع اختلاف الاسماء

ترويها لكم صاحبتي ... عباره عن مأسات شابه ..

يمكن تعتقدوني ابالغ اذا قلت مأسات ..

لكن فعلا بلسان صاحبتي

.....

كل يوم يدخل الزوج من الدوانيه بالليل ..يلاقيني يا منسدحه في الصاله او قاعده اغير في القنوات من الملل..

يدخل اول ما تطيح عينه علي !! شنو قاعده اشوف و شنو قاعده اسوي..

بسرعه افز اقوووووله بوسه بوسه بوسه ..

يعطيني ابتسامه صفرا و بوسه بدون نفس

استعبط..

اسأله شنو تبي ..عشا؟؟ كالعاده ..الحمدلله تعشيت في الديوانيه طلبو و طلبت وياهم..

اوكيه ..تامر ي شي ..؟؟

لا روحي نامي .. انا بشوف برنامج ..وبعدها بشيك ايميلي و بنام..

ابوسه على راسه اروح انام

... زوجي صارله اسبوعين ما لمسني

فعلا من اسبوعين ما قرب يمي...

كل يوم يقولي روحي نامي ..الحمدلله شبعان

يتغدا الظهر و يسكر الباب يقولي نامي في الدار الثانيه لا تزعجيني !!! كافي متحملج بالليل !!

ما قصرت في حقه بشي البيت العيال .. منعني من الطلعه ..

ما صرت اروح مكان غير وياه !!

بس زواره اهلي اهي المتنفس الوحيد لي..

طبعا انا ماخذه اجازه امومه ..بس ما جني ماخذتها من الفير افزع !!

هذاك اليوم ريلي دش..

و انا حدي متأزمه نفسيا ليش ريلي متغير علي

قلت يمكن مو مشتهيني شايف مني شي مو عاجبه

انزيييييييين تكلم قول فيني شي !!!

يدخل زوجي !! مايلاقيني في الصاله

يدش علي الدار توني طالعه من الحمام ماخذه شاور لافه فوطه علي ..شعري مبلل

يعطيني نظره ..اقرب منه ابوسه ..

يتجاهلني ..بوسه بارده ابتسامه صفرا!!!

اقول بقلبي شنو السالفه مو لهدرجه عاد ما تحس

يبدل ريلي ... يقط بوكه و اغراضه .. وانا مسويه نفسي ما انتبه اصبغ اظافري ايدي ..و اركز في الاظافر

ارفع ايدي اشوفهم اوكيه و ارد اكمل..

يقولي ريلي شويخ ((اسم الدلع لشيخه)) تدليع ماصخ

قومي بدلي ليش متفصخه جذي !! لا صار في هاليل قلتي بطني و حايشني هوا و تعال يا ناصر ودني الطبيب !!

ازيد من جرعه الاستعباط و حرركات الاثاره

اوووووووووووه ناصر الله يذكرك في الشهاده اسحب كريم للجسم ..

اوقف جدامه اعطيه ظهري.. اسحب شعري المبلول بيدي اليمين من اقصى اليسار و ايبه لي جهه اليمين ..

و اقوله بليز ناصررر هذا دوا ظهري !!

ما اقدر ادهن نفسي .. دهني..

زوجي الله يطول في عمره تجاهل كل حركاتي و ركز في ريحه الكريم !!

بقتح الكريم يشمه .. بل جنه دوا كحه!!

اقول بقلبي هذا الي الله قدرك عليه !!

خططي ما يابت نتيجه ..

يطلع زوجي من الغرفه

و قبل لا يسكر الباب .. اقوله ناصر

يرد علي :هلاااا ..

اقوله: تدري صارلك اكثر من اسبوعين ما طقيت الكرت ..

هذي شفره بيني و بين زوجي !! يعني ما نمت وياي ..

يرد علي .. :ادري اذا مو عاجبج طرشيلي نموذج تأخير ..

او خصمي من معاشي ..

يرقع الباب...

البس شورتي بسرعه بسرعه..

افتح الباب..

اصرخ علي ...

تراا انا ادميه من لحم و دم احسسسسسس اوكيه

اذا في حياتك وحده ثانيه هذي مشكلتك بس انا ما عندي الا بيتي و زوجي و اعيالي

عشان جذي لا تغلط وتتجاهلني

انا ساكته ترا بكيفي

لا تعتقد انك مستعبطني

خياااااااااانه !!! واجهني

حقيره في قلبك الله يهنيييييييييك فيها !!

بسسسسسسسسس لازم تحترمني

انت اهني زوجي تفهم شنو زوجي

اذا انت ماعندك مسؤليه و لا شي في هالبيت وواجبك كزوج مو قاعد تقوم فيه !!

ما تقولي شنو مسئولياتك !!

و تنهال عليه سلسله من الصراخ

.. يلتفت عليها ..

خلصتي ..؟؟ طلعتي الي قلبج ؟؟

عندج شي ثاني تقولينه !!؟؟

اذا ما عندج روحي الدار و سكري الباب عليج ما اشتهي اسمع صوتج!!

استغرب من اسلوبه عمره ما كلمني جذي !!

احذف عليه الريموت !! ما يحوشه ينكسر في الطوفه !!

يقولها : عادي مينونه مو شي يديد !؟؟؟

تكبر الهوشه بينا !!

و ازعل اسبوع ما اكلمه !!

طريقه التواصل الوحيده الي بينا الاوراق الصفر الي في الثلاجه !!

اقطع اجازه الامومه ..

ارجع شغلي

انشغل شوي في العمل و البيت .. انا في دار ووزوجي في دار ..

افضفض لزميلاتي في الشغل .. زميلي في القسم الي يمي يدري في السالفه يبدى يصير خوش واحد وياي عشان يستغل هالشي

كل يوم يقولي يا بخت ريلج فيج !!

كل يوم يمدح بخوري

حايشتني حاله من الثأر لانوثتي ودي اسمع كلمات الاطراء من الكل ..

بعد بحت دام شهر .. اكتشف ان سبب تغيير زوجي ..اهو زميلته اليديده الي في العمل ..

اشبعته عاطفيا و اغوته جنسيا ..

اراقب من بعيد لي بعيد ..

اشيل شلايلي و ارجع غرفتي النوم

لان بعدي عن زوجي يعطيه مبرر لانه يخوني..

اخذ الي ابيه منه و لا اناقشه في شي

افرض عليه يطلعنا شوي في الويك اند

افرض نفسي عليه في لما يشتري اغراض الجمعيه ..

احاول اكون معاه و انا ادري اهو مو يمي..

اكلم مديره في العمل اشرح له حالتي

طلع ريال خايف ربه .. يتفهم قصتي .. يطلب في نقل البنت و ترقيه زوجي

هذا اهو زوجي يرجع طبيعي شوي شوي ..

بعد اكثر من سنه و نص ..يبدا ريلي يتغلب على النزوه !!

و يرجعلي

و انا مات قلبي من الداخل

يمكن اسامح بس مستحيل انسى

الخيانه الهجر عدم الاحترام

التجاهل

......

زوجي بالنسبه لي مجرد ظل راجل ..

احلى قصيده

http://www.dwaihi.com/25aser1.ram

احلى اهداء

لقاءنا الاول

طبعا من تقرون العنوان راح تظنون ...لقائي انا الاول مع حبيبي

...هالمرا في لقاء بسسسس غير

تبدا قصتي ... من بعد رمضان ..ايي الدوام دايما الساعه 7و نص ..غالبا ما تكون السياره نفسها يمي ..في الدور الارضى و تعودت اني اول دايما يا قبل هالسياره او بعدها ..اعني سياره البنت الي يمي ..

الاحظها دايما ماشاء الله كاشخه ..و وتبون الصج اهي ملفته للنظر بنت طويله حلوه ضعيفه نظراتها تتكلم

اي والله نظرات عيونها تتكلم..

مرا من المرات ..صفطت و قاعده اسمع اغنيه .. خلصت الاغنيه ..نزلت من السياره

و انا اسأل نفسي ..وين البنت الي يمي اليوم..

مشيت صوب المخرج و الا البنت توها واصه بس هالمرا يايه من مكان غير ...

اووووه البنت غيرت مكان صفطتها...

ممممممممم هالمرا شكلها احلى .. واي عفيه بنات لهم خلق يكشخون الصبح...طبعا انا اقول هالكلام بقلبي..

و تمر الايام ... وترووووح الايام..

و ما صرت اشووف البنت ...

بعد فتره ...

و انا قاعده اسولف في المسنجر ويا رفيجتي و تشرحلي مواصفاتها بالظبط و اتكلم ,,, و الا ما وعيت اهي نفسها البنت الي وياااااااااااي في الباركينج كل يوم الصبح..

لكن هذا النت عالم من المفاجأت يمكن ما تكون اهي ...

اكيد تشااااااابه !!!

و هذاك اليوم توني ادش اون لاين المسنجر ...

و الا البنت نفسها ... تقولي

فطووووووووووووووووووووومه اشرايج امرج و نروح نشرب قهوه

لاحظو اني ما اعرف اسمها و لا اعرفها ...

قلت لها اوكيه هذا عنوان بيتنا و هذا رقمي و حياج ..

قالتلي 10 دقايق و اكون عندج

بعد شوي و الا ياني تلفون فاطمه طلعي برا ..

اشوووووووووووووف و الا البنت نفسها .. الي اصادفها كل يوم الصبح اهي نفسها الي وياي في النت من غير ما ادري اهي نفسها الي مارا بيتنا اهي نفسهااااااااااااااا ريماااااااااااا!!!!!

اي نعم لا تستغربووووووون اهي نفسها ريما ...

شوفو اشلون الصدف و اشتغل وياها في نفس المبنى..

المهم مرتني و رحنا نشرب قهوه في ستاربكس العديليه و قعدت وياها من العصر لي الساعه 8 بالليل!!!!!!

مرت الاربع ساعات بسررررررعه

لقااااااااءنا كان جدا حاااااااااار

جني اعرفها من سنين ....

تخيلو ان البنت انا وياها ... قاعدين انسولف بسطه و هذره بسسسسس ما نعرف اسماء بعض

اخر شي عرفتها بنفسي و عرفتني بنفسهااااا بنت الحلال

اطلعت من نسابتنا و كل يوم اكتشف انا وياها علاقه تسب يديده بينا

اخر شي قلت لها ريماااااااااا اخاف باجر اتصيرين اختي

شكراااااااا لج ريما شكرا على معرفتج

طلعتي وياج اليمعه الي فاتت من احلى المغامرااااااات....

انا وانتي نفس المووووود نفس المغامرااات

طبعا ريما اول مرا تدري الحين اني انا مثبتتها قبل لا اعرفها

لاني ما قلت لهاااااااااا ....

***********************

***********************

P.S

ترا هالبنت اذبحتني خسااااااااااااير ....

فلستني الطلعه وياها للسوووووووووووووق بهذله ...

مابقى شي ما قصت علي و خلتني اشترييييييه

انصحكم نصيحه لوجه الله لا تتعرفون على ريما و لا تطلعون وياها حزت نزله المعاااااااااااش

ضياع لولو..الجزء الثالث..

لولو .. تسحب حمني يرقص وياها.. يسحبها و يرفض يرقص

يقولها اتركي عنك المسخره و اش الهبال..مالقيتي الا انا ارقص جدام خلق الله..

تضحك عليه لولو ههههههههههه اي هبال عيل انت ياي شرم ليش..؟؟

يرد عليها بندر جايين انشعبن ..!! تعطيه نوره نظره !!مستغربه انها مافهمت ..يقولها بندر بصوت عالي

جايين انشعبن !! احنا في شهر ايش؟؟ شعبان و قدامن ايش رمضان و راح نمسك نفسنا في رمضان و حنا في شهر شعبان عندنا شي اسمه انشعبن ..

عاد انا وخوي الفقير لله دحيم جايين انشعبن في ...!!!

تغمز لولو لنوره ..حركاااااااااااات مو هينين بعد..

تزف لولو ..حمني و بندر ...الحين انتو خربتو علي السالسا و خربتو علي الرقص .. و ماتعرفون شالقراده ..

بسسسسسس خلاص حريتوني كرهتكم..

...

يسحب حمني الكرسي للولو و نورا .. و يقعدون..في قهوه الفيشاوي..تطلبون 4 شاي كشري ..و نورا تبي شيشه ... و تنط لولو انا بعد ابي مثلكم شيشه... يبتسم بندر ..و يطلب حمني من الجرسون 4 شاي كشري و بس !!!

لولو تنادي الجرسون هاييييييييي انت ابي شيشه !!!

يرد عليها حمني

اقووووووووووووووووول اهجدي بس و اتركي عنك شيشه جدام الناس و احنا بزران قدامك

انا نفسي ما شيشت عشان ماتاخذين مني...

خلي لك برستيجك قدام الناس ..

عشان محد يتعرض لك ..

نورا اهني تستاااااانس لانها لقت شخص يرد لولو عن الافكار الجنونيه ..

تقووووووووووول لولو توقف على حيلها ,,

و تقوووووووووله

هييييييييييي انت من صصصصصجك و الا تتغشمر لألألألأ تكفى قولي ان من صجك

انا ابيك تقولي صج ليكوووووووون عبالك اخوي او ابوي و الا ليكووووون عبالك من صج تقولي ما تشربين شيشه ببووووووس ايدك و بقولك تسلملي خايف علي!!!

حمني يتلفت يمين و يسار ..يسحب ايدها .. يساسرها ...تضحك ...

يقوله بندر اشفيها !!

يساسر حمني بندر و يقوله ..مرات الرجال يستلزم عليه انه يقول كلمتين .. للمهابيل الي زيهم .. الي ينقال عنهم حريم..

تبوووووووون تعرفون شنو قال حق لولو خلاها تطخ؟؟ قالها ..ما اقدر اشوفج اتشيشين ما اقاومج!!!

تطلب نورا من لولو انهم يتمشون في الدكاكين الي في الشارع و يدخل بندر مع حمني في نقاش عقيم عن العلمانيه و الشريعه السمحاء ..بندر من الناس الي ينادون في العلمانيه و بتحرر زياده ..

و حمني انسان متحرر هو لنفسه و لكن لا يريد للسعوديه التحرر و لا يريد حقوق المرأه و لا يريد الا شي واحد و اهو انتشار الهيئه ..يتباهى حمني في ان من الافضل للمرأه انها ما تسوق سياره .. و معلل ذلك ان اريح لها لجت تروح السوق يذبها السواق .. من هالكلام

بينما ينادى بندر بضروره اعلان صفارات التحرر .. و الى متى السعوديه منغلقه داخل السعوديه فقط

عبدالرحمن من الناس الي تحب تقرا للدكتور العشماوي و بندر من انصار تركي الحمد..

وغازي القصيبي ...

يرجعون لولو ونورا ,, وكل وحده فيهم مابقى شمطووطه و تي شيرت ما شروها..

تتحلطم نورا..وااااااااااي انتو للحين علمانيه و راس ماليه و اشتراكيه .. بسكم سياسيه بسكم عراق بسكم امريكا و ايران..

يسأل حمني نورا..:تقرين؟؟

ترد نورا ...لا يا امي انا كافي علي المناهج ما صدقت على الله اتخرج ..

خلينا القرايه حق لولو..!

يستغرب بندر ..و يتطنز....اجل ام شوشه ذي تقرا؟؟

و تقرين ايش يا حلوه ... تقرب يمه لولو وتعفس ويها و حركه اطنازه تقوله اقرا ميكي و بطووووووووووط يا عمري..

يسألها حمني بكل جديه ..تقرين يا لولو..

ترد عليه..:اي والله اقرا للكل و احب القراءه مو لشخص معين..ولكن للقراءه بذاتها..احب اقرا ترجمات جرير و احب اقرا كل الكتب الي تتعلق في الماركتين..و الاداره السليمه..

اقرا روايات غازي القصيبي .. احلام مستغانمي فاطمه المنيسي ..محمد شكري..

جبران خليل جبران..و اقرا الكف بعد ههههههههههههههههه

تقول نورا ..على فكره يا جماعه ..انا يوعانه اشرايكم نعزمكم على العشا بما ان مافي ريايل يعزمونه..؟؟

يرد عليها حمني..

طيب خلاص خلينا نرووووح الاوتيل نغير ثيابنا..و نشوفكم بعد ساعتين..او ساعه و نص ..

ترد عليه نورا خلاص ...انشووفكم بعد ساعه و نص احسن ساعتين وايد...عند المسبح ننطركم....

و بطريج الرجعه...يدندن حمني ...للولو..الله يخليك يا اعز انسان ..الله يخليك ياني بولهان ..

تسأله نورا ..منو اغنيته هذي محمد عبده صح..

يرد بندر اي ... بس اسكتي خليه يكملها ..

يرد حمني ... الله لا يقطع الخلفه .. قطعتي حبل افكاري ..انتوو وجهه حد يغنيلكم ..

يرد بندر .. اييييييه شوف كشه العنز و احلب ...قبل لا يكملها تسسسسحب لولو صديقتها نورا...احنا عنز يا تيسسسسسس الفريج..

هييين انا اوريك

عقابا لكم روحو شوفي بنات يسهرون وياكم... مالت مو كفوووووووووو..

ينادي حمني لولو و نوره تعالي يا دبه زعلتي .. يا شيييينك.. صدقتي .. وهو الواحد ما يمزح؟؟

و يسمع صفقه باب الدار ..

يدخلون الثنتين و ميتين من الضحك .....

اتهقين صدقوا ان احنا زعلنا؟؟

مدري بس اشرايج انبدل بسرعه و نطب عليهم....

نشوفهم شيسون في الدار ...

يخلصون بسرعه بسرعه...

ويركضون غرفه بندر وحمني... يلاحظون ان بندر في دار بروحه و حمني برووح ..يدخلون من سور الحديقه ..للبلكونه..وتطل لولو على دار ..تلاقي فيها بندر ...حاط بطاط شبس .. وبيره...و يتكلم في التلفون...

الدار الي يمهم ... يطلون يلاقون صووت برنامج في قناه الجزيره..واصل لي البحر .. و حمني يدخن و مندمج..

يطقووووون باب البالكونه بسرعه يفتح حمني و يأشر لهم سكتو سكتو... مندمج حده !!!!

لولو اتحوس في اغراضه ..تتعبث .. في التسريحه .. تشم العطور.. تلاقي مشط ..تأشر حق نورا و تكلمها بالشاره .. هذي الي اسمها فرشه صح؟؟ و يضحكون ..يرد حمني يخزهم ..و يقولهم شوي بس ..

يمد حمني ايده للولو..يقولها خوذي الموبايل حقي فيه فولدر اسمه رومانسيات خوذي ارسلي لجوالك مسجات .. مرا حلوه حقات بنات..

و يرد يندمج..في البرنامج...يدخل عليهم ..بندر مضايق شوي ..يحاول يخفي ملامحه المعصبه...

يسألهم يقولهم يالله بنات خلونا نطلع دحيم اذا جابل الجزيره ما يقوم ابد و اذا بتستنون مالكم امل في الطلعه...

يقولهم حمني

اي رووحو و اذا خلص البرنامج .. اكلم اشوفكم وينكم فيه ..و اجيكم..

و على انغام السالسا و الاتينو ,, تطامر لول بروحها .. نورا قاعده ويا بندر ..يسألها .. نورا خويتك تحب صح؟؟ تقوله وايد مو شويه ...و تصرفاتها ذي حقيقه .. و الا رده فعل ..؟؟

تقوله اهي توها فاله خطبتها من بعد خمس سنوات علاقه حب جنونيه ...تموت عليه وايد وايد و تسامحه وايد كان يخونها و مسبب لها عقده يخونها مع بنات وايد متحررات و فري ..فنوعا ما تبي تنتقم من نفسها ..تبي تعيش جو هالبنات تبي وايد اشياء بس متعبتها...

و ليه متعبتها..؟؟يسأل بندر

ترد عليه نورا ..لانها طول الليل تبجي لي يومنا هذا..لا تطالع ضحكتها ترا اهي تخفي هموم وايد...

يرد بندر اي والله اني حاس فيها من شفت قلت البنت ذي فيها شي

و قلت لدحيم تراها فيها شي ..قالي لا ياشيخ الكويتيات هم كذا مسترجات مره ..الجلسه معهم فله حجاااج ..

انتي عارفه يا نوره و اش الفرق الي بيني و بين دحيم ..اناا من اسره متحرره فكريا قبل اجتماعيا .. ودحيم من اسره نجديه ..قح صحيح هم ناس كاش ... بس مش منفتحين ابد و لا عمره راح يفهم وجهه نظر التحرير و الانفتاح..انتي عارفه ان خواته لجو يسافرون في الصيف ما يكشفون وجههم بعكس خواتي يطلعون سفور كذا زيك...لكن امي تلبس تايور مدري تايير مدري و اش اتسمونه و ومسفع..

اترد عليه نورا ..اها غريبه..

ينظم لهم حمني على اخر السهره..

و يتعشى ..و يرجعون الفندق ...

قبل لا يدخلون لولو و نورا الغرفه ..يخططون عند الباب ان من باجر الصبح راح يقومون يكونون الساعه 10 في البحر ..و فعلا من الساعه10 .. البنات في البحر ..و ما يقومون حمني و بندر الا الساعه 2 الظهر...

تصرررررخ لولو من البحر ..حمني ..حمني ....تعااااااااااااااااااااال كاني ....تزعج كل الاجانب الي في البيتش يتشمسون بصراخها و اهي تنادي....نورا في البحر تسبح على ظهرها و تتامل السما

يطلعون من البحر ..تحلف لولو على حمني انه يركبها باراشوت ...

بلييييييييييييز حمني خنسوي براشووتينج بلييييييييييييييييييييز..

يموت ضحك بندر من طلب ..لولو ..مالقيتي الا حمني يركب براشوت...!!

ليششششششششششششششششششششش ؟؟ تستغرب لولو..فيه فوبيا المرتفعات !!!
يقولها حمني ..مش فوبيا و بس الا ازود

...يطمن بندر لولو و يقولها انا بركب معك...

يالله و لا تزعلين...

لولو وبندر في البراشوتينج و نورا منسدحه في البحر ..يمرون عليها صراااااخ لولو شايب شرم الشيخ كلها...

واي بندر الحقني بطيرررررررر بطيررررررررررر

بموووووووووووووت من الوناااااااااسه بطير...

وبعد مغامره البراشوتيج يغسلون ويبدلون و يتغدون و على المغربيات يركبون بقيات ((دبابات )) للناطقين باللغه السعوديه..

و يسهرون سهره بدويه في الليل و يرقصون ويستانسوون في البر ... بندر و حمني .. و لولو نورا يصفقون ..و فجأه اتيي مسج حق بندر تعكر مزاجه ..و يسرح..

ياخذ منه الموبايل حمني ..و يسوي نفسه بيشوف الساعه ... يدق على اخر رقم ,,ويفتح الخط شوي و يتعمد يكلم البنات و يسكره وبعدا يسكر الموبايل..

بسرعه يرد الموبايل .. وبحركه عفويه ..يمسك حمني ايد لولو و يقولهم عن اذنكم ... ابيها شوي..

لولو ,,, ابيك تكلمين نورا انها ما تحط امال على بندر عشان ما تنجرح او تعشم نفسها او تظن انه مستلطفها ..تراه و لا جمبها..

تستغرب لولو ..و تقوله ليش تعتقد ان احنا نفكر انكم تبون تتعرفون..علينا او بنحب بعض او حتى اي شي ...يقولها ,, بقولك على سر..

ترا بندر متزوج و عنده اولاد و يموت في شي اسمه زوجته ..و انا جايبه غصب اهني .. مرته انسانه شايفه حالها مسويه لنفسها برستيج من ولا شي ,,, لاجت تسافر في الصيف تروح لحالها و لا جت الرياض ما تدري عنه هي دايقمته ,, ماسكه عليه انه يحبها و مستغليته

انتي ما تدرين و اش هي زوجت بندر .... قويه مرا و اهو ضعيف جدامها لانه يحبه

عارفه اشلون انا ابي يحرق قلبها

انا الي اسويه فيه عشانه اهو لانه خويي و لا ابيها تضحك عليه الناس ..

انا اتصلت فيها من جواله و سمعتها صوت الضحك و الموسيقى و الحريم و فتحت الخط سمعتها ثم قفلت

ابي احرقها عليه شوي عشان تصحى

تششششششششششهق لولو و انت شكو فيه اشعليك منه دام اهو راضي بيكفه

يرد و يدافع اهو مو راضي بس اهو يحبها ..

حمني لا تخرررررررررررب بيوت ..!!

لا تخافين ما يخرب بيتهم انا عارف و اش اسوي

بسسسسسسسسسس انتي فهمي نورا لا تظن اي شي فيه

..ترد عليه تطمن نورا ما تبيه اصلا اهي مستانسه عشان احنا كابلز رجه على قولتكم

يرجعون..الفندق

و ينامون و من باجر الصبح يقوم حمني يتريق ويا البنات برووحه و يسبح وياهم شوي ...وبعدها ..يتفق حمني ان بيرجع القاهره ..ويا البنات و بندر راح ياخذ الطياره لجده ...ويرجع

يسلم عليهم بالمطار ...

و يقولهم فرصه سعيده اني تعرفت عليكم ...

استروا على ما واجهتوو,,وحللونا

حمني يرجع معاهم القاهره...

يسكن في نفس الفندق معاهم..

تربطه علاقه مع لولو ..يبدا يحبها بطريقه عجيبه و سريعه..

يحن عليها .. يعوضها بحنانه و حبه و بطريقته الرجوليه

ابدا ماكان فيه طيش الشباب يحاول يغير من شخصيتها وايد ..

يتقبلها في كل عيوبها ..

يحن عليها يعطف عليها

يفاجها بين فتره و فتره انه اهو في مطار الكويت

يعرفها على اهله .. و تربطها علاقه عجيبه مع امه

يسألها لما يا عندها اخر مرا الكويت ..

لولو تتزوجيني ؟؟

تستغرب من الطلب..

صاعقه مفاجئ

ترد عليه ..من صجك ؟؟

اي والله و انا عند ربي صادق تتزوجيني؟؟

ترد عليه مدري بس انت صدمتني

عطني فتره افكر و اعطيك الجواب بعد ما اقرر

توازن لولو بين حياتها في الكويت و هل تقدر انها تستقر في الرياض ؟؟

و هل تقدر تتعايش مع فكره الحياه هناك

تدق عليه لولو..

حمني انا قررت..

ما اقدر اخلي امي و ابوي و اهلي و دراستي و شغلي ..و ايي اعيش في الرياض ..بدون شغل بدون حيات

انت في الرياض تشتغل من الساعه 8 الصبح لي الساعه 5 العصر وبعدين عندك عملك الخاص ,,و مصالحك و انا لا وظيفه لا اهل لا ناس و لا حيات

شغلتي الوحيده اني انطرك لين اتتي

انت فعلا رجل حياتي

و لكن الظروف ما اجمعتنا صح

انت لو تقدر تعيش في الكويت جان خذيتك و لا انا ابي اكون زوجه في الكويت و انت في الرياض..

اسفه حمني

يمكن ما حبيتك بدرجه التضحيه بس اكيد انت شي كبير بحاتي .. و عوضتني و رديت الثقه لنفسي ..و رديت ثقتي بالرياييل..

بس زواج و استقرار برا الكويت ما اقدر و بعيد عن اهلي ما اقدر..

و تستمر الحياه ...

ليس كل ما يتمناه المرأ يدركه ..

تفضلو بقبول القصه بكل ما فيها من اخطاء املائيه

ضياع لولو..الجزء الثاني

يطق الباب ...روم سيرفس
تفتح لولو الباب ..ويدور الحوار التالي ..
كل سنه و حضرتك طيبه
لولو: وانت طيب ..
تصرخ نوره من ورا الباب ولكن صوت الماي ما يبين اهي شنو قاعد تقول..
تفتح باب الحمام و تقول حق لولو ..دفعي الحساب الحين لا تخلين شي على الغرفه ..بعدين تشوف امج حزت الشيك اوت ..
تستغرب لولو ..اوكيه اوكيه ..تركض اتييب البوك ..و تدفع تشوف الفاتوره تنصعق !!!
اي ده !!! هو احنا طالبين ايه المطعم كله !!
دي حتت ازازه ..
يرد عليها :بس انتي طلباها مستورد و انتي عارفه دا اوتيل ..تدفع الحساب و تعطيه بخشيش ..
ترد الباب وراه
لولو مندمجه في خلطات الفودكا مع الكولا ... و نوره منسدحه تريح اشوي
...
نورا تعالي شوفي المنظر خيال ..النيل و اضاءات العماير حواليه وصوت الناس في المراكب عجيب .. توقف نورا يم لولو..واي الجوو خيال ...موطبيعي ..
تسأل نورا ..وين راح نسهر اليوم ؟؟
لولو: مدري بس ابي مكان وناسه ..تروحين ديسطو الكونراد ؟؟ولا الهارد روك؟؟
ترد نورا..:لا هذا و لا هذاك ابي اروح الحسين ...اشرايج نرووح الحسين نصرف لنا جنيهات و نروح نقعد على القهاوي هناك ونستانس و نسمع اغاني ام كلثوم و نشرب شيشه ابرك من ازعاج الديسكو و المسخره هناك...
يالله خلاص ..نبدل بعد ساعه وننزل ..
تتصل ام لولو ..
تطمن عليهم ..يطلبون منها ان يكون السواق عندهم بعد ساعه لانهم بيطلعون...للحسين..
يسهرون في الحسين لي صلاه الفجر
يرجعون ..و الفندق هدووء ..يدخلون يلاقون شباب خليجين ..في اللوبي ..
تسااسر نورا ....لولو.شوفي شباب اشكبرهم و قاعدين في الفندق و يشربون شاي و احنا ما بقى زحير ما زحرناه
ترد عليها لولو:انطمي مالنا شغل فيهم يامعوده لا يحسون فينا....ويهرولون ثنتينهم لليفت..
يغسلون و يبدلون يلبسون الترينيج و ينزلون تحت يتريقون ..بعدها يطلعون للغرفه . مع وضع
.لوحه الرجاء عدم الازعاج
ويوحون في سبات عميق ..
يرن تلفون الغرفه ...
نورا تفتح الابجوره ..ترد على التلفون ..هلا خالتي .. لا كنا نايمين ..انشاء الله ..نقعد و اني انتغدا عندج..انشاء الله ..
تشوف الساعه و الا الساعه 4 ونص العصر ..
تقوم تاخذ شاور و تغسل ..تقعد لولو ..ويروحون الزمالك شقه ام لولو..و في الطريج تقتح لولو ان يروحون باجر شرم الشيخ 3 ايام..
تاخذ لولو من امها فلوس الرحله ..تطلع من الزمالم لي شارع 26 يوليو ,,مصر للطيران تحجز لشرم ..تتصل نورا في معارفها في فندق موفمبك شرم ..تحجز غرفه مطله على المسبح..
الساعه 8 بالليل ..
وييييييين بنرووح؟؟تسأل لولو نورا..
..ترد نورا..
اشرايج نرووح نقعد في لوبي الفندق ..وناااااسه قمه الجز بعدين نشوف وين نسهر...
يرجعون يقعدون ..يلاقون نفس الشباب الي امس في نفس المكان بس هالمرا معاهم شايب و زوجته ..
يطلبون كابشينو..و ميلفيه ..يقرون جرايد ..
تروح نورا تتمشى شوي ..
تشتري بوكيه ورد ..ترسله للغرفه وتكتب فيه ..اهداء
الي حبيبتي لولو ..شفت هالورد حسيت انتي اكثر انسانه تستحقينه
وايد اهديت ورد
بس هالمرا احساسي في هالبوكيه غير
انا منقيته وانا مساعده الفلورست فيه و انا اكثر وحده في هالدنيا اموت عليج ..
....
لولو تقرا الاهداء و تبجي ..
تصرخ عليها نورا
دوووووووودهتيني ماخليتيني حتى اصلى عدل
شكوووووووو تبجيييييييييين
اقصاه بوكيه في 100 جنيه
و كرت كاتبه في حجوتين
كلا تبجين و بس
تسمح دموعها..
تغير ملابسها
ينزلون الهارد روك كافيه .. ياكلون العشا .. الساعه 12 يقلب المطعم ديسكووو ..اغاني مصريه لبنانيه ريماكس انجليزي لاتينو.
لولو مندمجه في الاغاني تهز في مكانها
نورا مشغوله في المسجات
....فجأه و تطلع اغنيه حسين الجسمي ..
نورا تعطي لولو نظره ..لولو تصرخ من الوناااااسه
تقووم ترقص في البيست رقص خليجي تحس زحمه ترجع عند نورا ترقص رقص هستيري اكثر..
عند طاولتهم
نورا تصفق ...
عاشووووووووووووووووووو
يقوووووول الي قضا ليله حريم نعاس جفاه النوم ما غطى بالنعاس
حليف الهم بات بخاطره وسواس وونات تهد شامخ الراس..يقووووووووووول
انا الشاكي انا الباكي انا الحساس وانا الي في المحبه خاضع راسي وانا لغير المحبه لا ما خضعت الراس ...
........
يوصلون شرم..
يركبون الباص ..يتجهون للفندق ..ياخذون مفاتيح الغرف و كروت البيتش ..
الساعه الحين 10 الصبح ..
يبدلون بسرعه ...يركضون البحر..
تطلب نورا من لولو انها بسرعه تروح البحر تحجز كراسي و تحط فوط عشان يكون المكان في الظل ,, على ما اهي تروح الصيديليه تشتري مستلزمات التان
ترجع نورا وبيدها الكريمات و السيدييز و الماي ..يتدهنوون ..
...وينزلون البحر ..
يسبحون لي غايه العصر ..
نورا الحين الساعه 3 بمووووووت يوع..امشي الماي بدا يصير بارد خلينا نرح المسبح داخل انتغدا على المسبح و نطب هناك الماي ادفى ..
لولو تتغدا ..نروا تسبح ...
فجأه و الا الشباب الخليجين توهم واصلين !!!!!
الدنيا صغيره !!؟؟
و الا الصدف !!!
نوروووووووووووووووو نورووووووووووووووووووو شووووووفي منو اهني
تلتفت نورا ..ماكو شي ..
تقولها وين ..؟؟
تقول بس راحو ورا ما يبينوون هذولاك الي جنهم سعودين الي ويانا في الفندق ..
بصوت عالي تقول نوراا:
ابييييييييييه كلش مو وقققققته و احنا في مايوهاتنا و عفستنا كلش مالي خلق خليجين ...
قومي خلينا اكل بسرعه و ونروح
ترد لولو :شكوووووو فيهم مالنا شغل اهم يايين يستانسون و احنا بعد..
لولو خلصت اكل بس نورا قاعده تاكل ..
لولو منسحده ..تتشمس و يمها البيره ..تحاول تستهبل على نورا ..
نورااااااااا اتصدقين ؟؟ اشووفج 4 ...
ترد نورا : من الي قاعده تزحرينه من الصبح
ترد لولو:جبي زين توني هذا ثاني واحد ..
يالله لك الحمد
قومي خنروح ناخذ شاور وونام ساعه حق نسهر بالليل ..
يردون الغرفه و لولو تتمايل يمين و يسار وتغني ..خليني جمبك خليني في حضن ألبك دفينييييييي ...ترد عليها نورا :امشي عدل بس امشي لا تدلعين على راسي ..
تحط الالارم على الساعه 8 ..تسأل نورا لولو ...يكفي انام 3 ساعات؟؟
حطيتها على 8 ..
ترد لولو::اوكيه ماكو مشكله..بس تدرين انا عندي فكره ..نروح نسهر في القهاوي..وبعدين نروح ديسكو على البيتش مو شغل بامودورو لألأ
خلينا نرقص على البحر..
ترد نورا ..بس بشرط؟؟!!
و نقعد من النوم ..نشرب امريكان كوفي ..و نسهر و لاوحده فينا تشرب شي لان رقص و شرب ..!! نسكر ثنتينا منو بيشيلنا فجأه نقوم الصبح نلاقي عتريس و مرسي نايمين يمنا ....و اهي ميته من الضحك..
تكفخها لولو في المخده ..انا انام ويا عتريس و سكرانه يا شقووووووووول ..خلاص ديل ماكو درينك ..نو موور درينك مامي نونو..
الساعه 9 ونص يتمشون في خليج نعمه .. و يمشون متجهين صووب الماريوت.. في قهوه شرقيه على الارض اغاني و عود و دنابك..
تقترح نورا انهم يقعدون ..يدرون مكان ,, والا الصدفه للمره الرابعه تجمعهم كع الشباب السعودين..
الشباب كانو يصفقون على اغنيه فوق النخل فوق ..
..تخلص الاغنيه .. وتقول نورا للمغني ..الله يعافييييييك اغاني جعابره ما نبي ..!! يعني لا تغني عراقي بليز غن ام كلثوم عبدالحليم شي يفتح النفس ....ناقصين البرتقاله و ربعها احنا...
لولو ميته من الضحك و الشابين السعودين يضحكون بعد..يرد عليها واحد من الشباب ..يعني انتو كويتيات .. و ديمقراطيات و تنادون في تحرير المرأه و الديمقراطيه .. و ما تبون تسمعون ..حتى اغاني عراقيه ...
وين الديمقراطيه اجل؟؟ مافي احترام للرأي الاخر ..
تبقق عيونها نورا من الرد..
والله عاد احنا ياين تستانس مو ياين فوق النخل فووق!!!
و بينما يشتد النقاش بينهم كانت لولو تبادل الشاب الاخر نظرات الاعجاب ..
اخر شي ..
تنط لولو..مصافحه الشاب الوسيم..
معاك لولو..من الكويت..يرد عليها مبتسم معاك الفقير لله دحيم من السعوديه..هههههههه تضحك لولو..شنو يعني اسمك دحيم؟؟
ترد عليها نورا لا يعني حمني ..اهم يدلعون عبدالرحمن دجيم..ترد لولو..اها عاشت الاسامي..و ينط الشاب الي اشتد النقاش مع نورا و يسألها طيب انتي واش اسمك؟؟
انا نورا...و انت ..معاك طال عمره بندر...هههههه يضحك و يسألها بندر ...لولو و نورا اسمكم الحركي و الا الحقيقي..؟؟
تستغرب لولو شنو يعني الحركي؟؟
يرد عليها النك نيم يعني...
تزفه نورا ..اشقالولك قاعدين نعرض في البالتوك عشان تقول نيك نيم!!!
تساسر ..نورا ..رفيجتها لولو..شوفي تهربي منهم بسرعه و خلينا نقوم مالنا خلق شباب ..احنا ياين تستانس ..و مانبي انتعرف على احد ..باجر يصورونا بلوتوث و فضايح !!!
و عبدالرحمن ماشال عينه من لولو ..تضعف لولو..وتقول شكلهم طيبين !!
عرفت نورا ان مستحيل لولو راح توافق على الفكره ..
بقاطعهم عبدالرحمن..اشرايكم نروح انتمشى ابوديكم لعبه خطيره ..تجوون..؟؟
تقوول لولو يالله ..ماعندي مانع
يقوول بندر قدااااااااااااااااااااااااااااااااااااااام..يعني بالكويتي فووووووقه....
يتمشون على البحر ..يسأل دحيم ..لولو..كم عمرك؟؟
تقوله 23 و انت يرد عليها انا 34 ..وخوي بندر عمره 32 و الدبه نورا كم عمرها؟؟
تنط نورا انااااااااااا دبه !!! يقولها لأ بس شيينه ...هههههههههه تجاوب لولو ..نورا كبري ..23
يسأل بندر ..جايين لحالكم؟؟
تقوله اي يايين شرم بروحنا لان امي في القاهره..
يحارش بندر نورا ,,واهو حده مستانسه لانها بسرعه تطفر وعصبيه..
طيب قوليلي يا نورا ..انتي ماعندك فرشه ؟؟؟ و اش ذي الشوشه ؟؟
لولو تستغرب مافهمت..تقولها نورا ..يسألني ماعندج مشط في البيت..شالكشششه ..
تضحك لولو لأااااااااااا نورا هذا ستايلها كلا كشه وشعر اشقر طويل..و في الطريج..في اغاني بيست لاتينو على البيتش..تطلب لولو من حمني ..انهم يرقصون مع بعض ...
خافت نورا ..بدت تحس ان رفيجتها تتجاوب ويا عواطفها بسرعه..مع حمني ..هل هو هروب؟؟ هل هو اعجاب ؟؟و الا حمني اهو الانسان الي راح تنسى فيه طلاا ل؟؟ او يمكن اهو المسكين الي راحت تنتقم منه في الي سواه طلال....


يتبع الجزء الاخير و الثالث..