Thursday, May 29, 2008

Help Me




الصيف قرب و المناقشات و الحوارات الصيفيه بلشت
كالعاده وين بطس مثلا ! نفس المكان .. ترا من قلب مليت
اوكيه انا قاعده اسافر طول السنه بس مليت صج طول الصيف نفس المكان
قاعد افكر في اني ما اسافر اصلا.. بس من اذكر الحر و الغبار اقول العوض و لا القطيعه
ادري بتقولون الناس مو لاقيه تاكل و هذي تتبطر على سفره
الهدف مو السفره او البطر انا من صجي مليت
ابي اسوي شي مفيد
ابي اسوي شي غير
احس تفاهه ترا كل سنه نفس السفره نفس المكان نفس الناس
احس اوكيه وبعدين سافرنا و رحنا و بعدين
حايشتني حاله مو طبيعيه ابي اسوي شي مفيد ابي عطلتي هالسنه غير
قلت بروح كينيا او اي دوله افريقيه او جنوب افريقيا
اساعد اليهال اتطوع في مكان عشان اليهال
قالو في تانزانيا هم ماعندي مشكله المهم عندي اسوي شي
دخلت موقع اليونيسف عشان بقدم طلب
اكتشفت ان كل الشروط ماتنطبق علي
اولا لا انا اقدر اقدم من امريكا و لا كنت عايشه فتره في امريكا ..
وشروط ماتتوافر فيني
.. ابي اروح صج اتطوع اسوي شي مفيد
ابي اجابل هاليهال احسن الدنيا وايد بخير
ووايد حلوة
المهنه المتوفره الوحيده هي طباخ
ماهمني ايا كان النوع طالما في النهايه راح اتطوع اجابل هذولا اليهال
قمت اقرا عن طبيعه الحياه الصعبه
راح اخذ تطعيمات
راح يكون لبسي غير و حياتي غير
جدول يومي راح يكون متغير على حسب الي قريته
ولكم ان تتخيلو خيالي الواسع وين وداني
بس خاب املي و انكسر حلمي في كل الصعوبات الي قاعد احلصها من شروط التطوع
سألت في لجنه خيريه
مايخذون حريم والسالفه فيها محرم
راح احاول اسوي سيرج اكثر
والي عنده اي معلومه ياريت يساعدني
او الي يقدر يساعدني في هالشي ياريت بعد
يدليني على اي مؤسسه تبي وحده فاضيه بتسوي شي مفيد



Tuesday, May 27, 2008

what happens in vegas

فيلم روعه لازم لازم تشوفونه
من اوله لي اخره مقالب و ضحك و فصلات
فيلم كوميدي
رومانس
يلوووووووووع الجبد من ناحيه معينه
و اينن من نواحي وايد
كنت منسدحه في الصوفا افكر
قلت حق رفيجتي خندش موفي
ملييت من التأمل في السقف
شفنا السينما مواعيدها
ورحنا تعشينا ويا البنات و دشينا الموفي
كنا ثنتين صرنا خمس
خوووووووش جروب فظيع مو طبيعين
اول مرا نقعد ويا بعض و كانات ساعات روعه
كلنا فصلنا كلنا ضحكنا
بدعنا تعليق
بقولكم سر خطير ترا انا ما صرت استحي الي اشوفهم اول مرا جني شايفتهم من سنين
في استخدام مصطحات هيلقيه ظيييييييم
المهم دشينا الموفي
واستانسااااا
الفيلم ماراح احرقه عليكم
بسسسسسسسسس كرهت الرياييل وييييييييييييع
ببجي ببجي والله
هل اكو شباب وصخين جذي!!؟؟
ترا لازم اتدرب اعيش ويا واحد اسبوع او جم يوم عشان اعرف نفسي هل راح اتكيف ويا ريال؟؟
وووووووووع مابي استخدم حمام عقب ريال ببجي!!
مابي مغسله كلها شعر
ويع ويع
بس مابي اقول اكثر
بس حسيت صصصصصج ابي اروح فيجاس
صج صج ماسوووووووت عليهم
ههههههههه
الفيلم بصوب و تعليق الي يمي بصوب
خمس بنات هسترنا و فصلنا بالسينما
بدعت فيهم
الي يوم طلعنا
قلت لهم بنات لا يشكون فينا شي !!
اخر شي عطيتهم نظرة بأس
قلت لهم ترا عيب وايد عيب
بنات سينقلز في عمر الزهور راجعين بخفين حنين
انا مو متحسفه عليكم
متحسفه على الداار
:pPp
واي انا انسااااااانه خراب قمه في الخراااااب
ههههههههههه
P.S.
شي واحد استفدت منه في الفيلم
كلام البطله كاميرون دياز حق هير اكس
لما قالت كرست نفسي عشان اكون زينه لك و ارضيك
ولا قدرت ... ويوم مابغيت اعجب احد لقيت الي يحبني
فيلم روعه
فيلم ممتع
فيلم فصله
فيلم احسسسسسسسه غير
في كل شي
عزيزي الغالي اشكرك جزيل الشكر على كل الي قدمته لي
وخليت سفرتي غير بسببها اشكرك على الهديه القيمه
مرات الواحد مايعرف اشلون يشكر الناس
بس اعتقد شكري وصل
راح اكتب فيها بوست
بس اصبر شوي علي
مو وقته
فاهمني صح؟

Saturday, May 24, 2008

انت و انا و كل تفاصيل الصدف التي لم تجمعنا



الحب كلمات لا استطيع التعبير عنها
الحب انت ..انا و كل شي بيننا
الحب قلبي المنتظر ليل نهار
و عطائك المتفاني معي
الحب لحظات نقضيها معا في مطعم ايطالي في نوتينج هيل
الحب ساعتي و ساعتك
منبهي و منبهك
الحب دقات قلوبنا .. انعصاراتنا عندما فجأه لانعلم اي يكون الطرف الاخر الآن و ماذا يفعل
الحب وعد قطعته على نفسي
الحب انت ..عيونك .. ضربات قلبك ..صدقك و كل ساعه تنفث بها دخان تسأل نفسك بحرقه متى؟؟


الحب الصقيع الذي احسسناه في لندن بريدج على النهر
الحب ان تكون درجه الحراره صفر على النهر و مئه في ايدينا المتشابكه
الحب ان تتحمل الصقيع من اجلي لانعم بلحظات رومانسيه معك
الحب كلماتك الي لا تتوقف و امانني التي لا تنقطع
الحب امس مضى
ويوم معك
وغدا اصطبر الساعات لاقضيه بين عيونك
الحب ان تكسر كل جمود حياتي
و قوانينك


الحب ان تتمشى الساعات معي لا تعلم اين سأذهب بك و لا اعلم انا نفسي اين سأذهب ولكني اعلم علم اليقين اني امشي بدقات قلبك
الحب حياتي
وانت الحب اذا انت حياتي


معادلتي الصعبه
روحي المعلقه


الحب رحله معك الى
برايتون اقضي ساعات القطار ساكته
مرميه بجسدي المنهك عليك و انت مع جريده لا افقه منها شي
سوى غيرتي لانها تاخذ منك اوقاتي



الحب كاردف القديمه حيث تسكن
و كاردف الجديده حيث احب
الحب حديقه اتنزه بها معك متوتر انت من تصرفاتي التي لا تريد اي شخص ان يراها
الحب انا التي اعشق التنزهه
معك في كل شوارع لندن و ضواحيها


الحب ان اشتهي حتى المشي معك الساعه 6 صباحا
و ان تشتهي انت مقاسمه الدخان معي بدايه كل صباح
الحب غرفه جمعتنا
وطريق مشينا به
انتظار لم يتعب
ووعد نسى انه وعدنا
الحب جنوني بك
وعشقي لرائحتك
لحضنك
لشبابي وشبابك
ومازال قلبي ينبض حبا لك


حبيبي الغالي
كتبت هذه الكلمات
اثناء انتظاري لك
يومي كان طويلا من غيرك
..

سيرحل القطار قريبا

متى ستأتي؟؟


Wednesday, May 21, 2008

احم احم انا رديت

تحــديـــث


يتعرف وهاب على ديم .. تدرس وياه في نفس البلد
ولكن تبعده ساعتين تقريبا.. وهاب لقى نفسه بالصدفه يعرف ديم.. صداقه مجرد صداقه..
يلاقيها ..تفهمه .. صريحه .. مريحه القعده وياها ساعات تمر كأنها لحظات .. ذكيه و كلشي يعجبه
ولكن مازالت مشاعر الصداقه اهي الشي الوحيد الي بينهم و مرات يحس لانه ماكو احد غيرها في هذا المكان الي يقدر يدخل الفرح و يسلي يومه غيرها فيتلاقى وياها في الويك اند..
هل مرات في سفرنا و خصوصا اذا السفر طال .. نتعرف على ناس لو كنا في بلدنا ابدا ما نختارهم ولكن الغربه تحد الواحد مرات؟؟
انا وايد اسأل نفسي هالسؤال .. لما اشووف وهاب واهو يحب حبيبته بشكل جنوني و يموت عليها و لكن لانها مو موجوده وياه
.. يتسلى بغيرها ..
الكل يعتبره خيانه
و بمفهوم الحياه و العلاقات خيانه
ولكن اذا تحدد في ايطار الصداقه و تحكم كل الاطراف بمشاعره بتكون صداقه صج؟؟


تتصل ديم على وهاب و تقوله انها راح اتيي هذا الويك اند

توصل ديم تاخذ سويت في اوتيل بالقرب من سكن وهاب..
توصل تتصل عليه .. يتواعد وياها على ان راح يكون عندها بعد ساعتين ..
يغسل يحلق يبدل و يروح لها
اول ما يوصل الاوتيل يطلع لها الغرفه.. يلمها من زمان موشايفهاا ..
ديم: اي ميسد يووو حدي اي ميسسد يوو..
هو: مي تووو والله و يقبل راسها..
يقعدون يسولفون و يسهروون لي وقت متاخر .. وبعدين يعزمها على العشاا
ينزل يتعشا وياها و يتمشى ...
وهاب: تبين اندش موفي؟
ديم: الي تشوفه..
يدخلون موفي ..
وفي نهايه اليوم يرجع وياها غرفتهاا.
يسهر عندها
وتتحرك مشاعره ورغباته الرجوليه.
. تقضي رجوولته مع انوثتها
4 ساعات اذا مو اكثر في الفراش ..

تسبح اهي .. يتريقون.. تناام على الساعه 7 الصبح..
يحاول ينام عندهاا ولكن مايباات ..ياخذ بوكه و يقولها بيمشي لانه مايرتاح ينام الا في فراشه و مكانه

ويستأذن منها على انه يشوفها اذا قام بالليل

.. يطلع من الاوتيل.. ياخذ كاب .. يرجع الشقه .. يغسل و يسبح و ينام
تنام ديم بكل هدوء .. تقوم العصر .. تتفاجا في انه ناسي مفاتيحه و باكيت الزقاير و موبايله
تتصل عليه في البيت ما يرد
تتصل اكثر من مره ..
و تبلغه انه ناسي موبايله عندها وباجي اغراضه..

وهاب يقولها خلاص مو مشكله خلي الاغراض عندج اذا شفتج بالليل اخذهم...

يقعد مع نفسه يفكر ..
البنت الصديقه الطيبه ..
الحبيبه الغاليه الي ماخذه كل تفكيره..
في كل مرا يطلع مع ديم يضحك يستمتع
وينقبض قلبه
على الطرف الاخر هناك حبيبه
تحس
تدري
مرت بالحياه في خبرات وايد و فاهمه و متفهمه
تسوي نفسها ماتدري
تكتم مشاعر كبيره
تنام على حزن و مشاعر ماتت من الالم
تسأله حبيبته وهاب اشفيك؟
يرد عليها مافيني شي
ترد عليه : احبك
يتعب اكثر
مو من الحب و لا مع وجوده في مكان ما وده يكون موجود فيه اصلا
ولا من ظروف الامتحانات الي متعبته
ولكن وده من داخل يقولها و يصرخ انا مافيني شي انا فيني الي قاعد اسويه فيج
انا الي فيني الي قاعد يصير فيني
مافيني شي خليني
بس يسكت و لا يتكلم يعتقد من الذكاء ان يسكت عشان مايخسر احد
ولكن يدري في قراره نفسه ان في الاخير راح يخسر كل شي

كل عام و انتو بخير طلبتنا في الخارج
وكل امتحانات و انتو مخلصين
و ديربالكم على الي عندكم
من سوا !!سواا به
شكرااااااااا الزين وايد على ترحييبج الحار فيني
اهدااء