Tuesday, December 30, 2008

وها انا اعود بعد رحله الصمت

كل عام و انتم بخير

كل عام و انتم على الخير مقبلين

كان عندي بوست محضرته

بوست طويل عريض

عن غيابي

عن انقطاعي

عن كل شي صار و كل سؤال انسأل

ولكن حسيت ان وانا اكتب ان الجروح تتجدد و ان قلبي قاعد يعورني

قفلت ليش اجدد عوار قلبي

مسحت كل شي يعورني

و مسحت كل شي ممكن يذكرني

مسحت الكثير

و تركت لكم حبي

و تهنئتي

وفعلا من اقصى قلبي اقولها لنفسي و لكم

اني حيييييييييييييل ولهانه عليكم

واي صحبتكم من بعيد امتعتني و صحبتكم اتركت الاثر الكبير في نفسي

كما قال احد العلماء

إذا أبغض الله عبداً أعطاه ثلاثاً ومنعه ثلاثاً : أعطاه صحبة الصالحين ومنعه القبول منهم ، وأعطاه الأعمال الصالحة ومنعه الإخلاص فيها ، وأعطاه الحكمة ومنعه الصدق فيها .

اللهم اجعلها سنه خير علينا

اللهم نسينا منها ماكدرنا

وتقبل فيها صالحاتنا

و تجاوز فيها عن سيئاتنا يارب

انشاء الله في البوست الياي راح اقولكم شلون كانت سنه 2008 معاي

و شنو ابي من الله في سنه 2009

ووايد وايد وايد سوالف في بالي

كاتبتها طول الفتره الي فاتت و راح انشرهااا

cette photo est prise par moi

Sunday, September 21, 2008

فيني بجوة
بصيح
مريضه و جيوب و نشله
و دواااام
يا ناس ارحموا عزيز قوم ذل
صارلي 7 سنين اشتغل عمري ما داومت بالعشر الاواخر !!
اصلا يا كل رمضان اجازة يا من القرقيعان
بس هلاااااااااك والله هلاك
ما اعبر
اداوم نايمه اصلا !!
اليوم نمت الساعه 6 ونص الصبح
صليت الفير و اتقلب اتقلب
مايتني النومه
مابقى شي ما قريته
اخر شي قمت اعد خرفاااااان !!
ببجي
الشوارع فاضيه
الدنيا محد مداوم
لاحد يحاجيني
كل يوم ارد البيت احن على امي اقولها ابي عماره و بقعد بالبيت
ما احب الدوام ياربي
وماني طمووووحه
مقتول طموحي من سنين
بس بقعد في البيت
خلاص بروح ابجي

Saturday, September 20, 2008

وابيضت عيناه من الحزن فهو كظيم


صارلي جم يوم ايي اكتب بوست
اكثر من بوست
سوي سيف و ارد احفظه ولا انزله
حاسه بشعور الي ماعندي رغبه في الكتابه
او ماعندي رغبه في اني انزل بوست
حاسه اني تعبانه
يمكن عشان اليومين الي فاتوا متعبتني الفلو
بس هالمرا قلت بكتب الي اكتبه و انزله بدون ما امسح ولا احفظ
قمت سويت لي مج حليب دافي
بالهيل و الزعفران و الشاي
و عليه شوي عسل يحليه
هاليومين عايشه حال حب مع سوره يوسف
الكل يحبها
بس انا من كثر حبي لها ابجي من ابدي لي انتهي
فيها عبره
فيها روعه بالقصص
فيها صبر
تحمل
غربه
فراق
ألم الفراق يذبح
ان تفارق انسان ميت
تتعبت عشانه يوم يومين
شهر شهرين
ولكن تعيش بفراق انسان حي
ولا تدري متى ممكن يرد
فهذا اقسى انواع الفراق و العذاب
كان ابو سيدنا يوسف عنده أمل في الله
عنده صبر
كان دائما يردد
صبرا جميل و الله المستعان
يارب صبرا جميل والله المستعان
كان يعلم ان سيدنا يوسف عايش
و كان عنده امل بالله
وكان يدري
ولكن ما كان يدري متى بشوفه
كان يبعد عنه اميال
و دياااار
كان بعيد
ولما اخوان سيدنا يوسف يلومون اباهم في ان شغل حياته في التفكير في
ابنه
كان يرد عليهم
اني اعلم من الله مالاتعلمون
فكان على ثقته بربه
رزقه ربه ورد بصره في ابنه
فمن شده حزنه و بكائه ابيضت عيناه من الحزن فهو كظيم
فردوا ابنائه يلومون ابوهم انه سيهلك من الحزن
ولكن رد الانبياء لنا فيه عبره
" قال انما اشكوا بثي و حزني الى الله و اعلم من الله مالاتعلمون "


حزن الفراق و لوعته من اشد انواع الحزن
لان ابن ادم مايدري ابد متى ربي يجمعه بمن فارقه

ربي لا تجعلني سبب في عذاب احد
ولا تجعلني سبب في تعاسه احد
ربي لا تفرقني
اللهم اجمعنا ولا تشتتنا
اللهم يا جامع الناس ليوم لا ريب فيه
اجمعناا ولا تفرقنا

اللهم اسألك باسمك السميع العليم المجيب
القادر المقتدر القوي
القريب المحيط
جامع الناس
ان تجمعنا ولا تفرقنا
و ترد غائبنا
و تشفي مرضانا
فان الفراق هلكنا
و شتت شملنا و ضعف قوتنا
فانت القادر و ليس بقادر سواك
اللهم قد بلغ مني الالم حتى احترق الفؤاد و القلب
وابيضت العين من الحزن
اسألك بقوتك و ضعفي
فانه لا يملك امري الا انت
لا اله الا انت سبحانك اني كنت من الظالمين

Monday, September 15, 2008

مشاهد من عمرتي


كل شي نعمه بس لو نفكر عدل
ترا انا لما اكتب بوست قاعد احاجي روحي بصوت عالي
هههههههههه فيعني عادي مو قاعده اعطي نصايح
ولكن احاجي انا
المهم مشااااااهد من عمرتي
او سفرتي
نبدي من المطااار
اييييييييييييه ترا انا وعليه كلا اشوقل و انوقل في الجناط
و كلاااااااااا اعابل في الكاري اون
المهم
يابخت الرياييل ترا شكلهم بالعمره نفس شكلهم في اي مكان
و رمضان ما يأثر فيهم
انااااااااا استحي مابي احد يشوفني وويهي اصفر
و عباتي تسحب و متعرجبه فيها و جنطه اششششقل و انقل فيها بدري الطياره
المهم ياربي
و انا نازله من الباص و بركب دري الطياره
بساعدني واحد
و يبتسم و يسلم
وانا عرفتووووووووو النظره الي افقص الحواجب
يعني منو انت !
و ماخليته يساعدني ودش ركب الطياره
الحين صااااااارتلي شغله !!
منوووووووو هذا ياربي منو هذاااااااا
ما احب
لازم اعرف
انا بلوتي لا احفظ اسماء و لا احفظ هذا وين
يعني الويه مار علي
بس وين يا فطيييييييييييييم وين
شغلي مخج
وكيل نيابه؟
نو نووووووووو ماكو وكيل نيابه سنع جذي
:pPp
مممممممم
محامي
لاااااااا طل
فطيييييييييييم بعد شوي بعد شوي قربتاااااااااي
اييييييييييييييييييييييييييييييييه ريل رفيجتي !!!!
ههههههههههههههههههههههه
واقعد اضحك بروحي بالطياره
زين الي عرفت قبل لا تطير الطياره
جان بس افكر هذا منو ههههههههه


*******

ما احب و انا اعتمر او وانا اصلي
اثنييييييين يسولفون بصوت عالي او وحده تدعي بصوت عالي
او ترتل القرآن بصوت عادي
تققققققققطع حبل افكاري و تدودهني
موديلي و انا ادعي و الي يميييي
اتلحن بالقرآن
و انا رافعه ايدي التفت عليها و اعطيها خززززززززة
بعدين استعوبت هاو فطييييييم اشعليج من الناس
كلش عاد موت الحين بيوصل الدعاء و انتي اتنزرين بخلق الله
ياربي دعااااااائي كان وايد زين بس خربته هذي و خلتني اخزها
خلصت
قمت رحت يبت لها ماااااااااي !!
يكووووووووووووووووووووون بكفر يعني !!
هههههههههههههههههه

********

هالمرا وايد وايد ناس ما عندها سالفه في الحرم
غير الموبايل
يعتمروووووووون و بالاحرام و موبايل
و الي خلاني استغرب اكثر
المصاااااااااروة ياربي
ما يدعوووووووووون
طريقتهم غريبه
طلبااااااااااااات
وعايزززززززززززززة
و عااااااااايزة
و وووووووووفق دي
و يسولفووووووووون
عبالي قاعدين يحاجون احد
اكتشف بعدين ان هذا دعااااااء


***********

ابيييييييه هذي سالفه تمووووووووووووت ضحك
انا هلكااااااااانه من الحر
و الزحمه
و طالعه من باب الملك فهد
ورااااي صبيان سعودين صغار
يعني ب 17 او 18 المهم
طالعييين توهم معتمرين
اهما وراااااااااي لازقين فيني
بس زحمه وين اروح
واحد يكلم رفيجه
كلامهم موتني ضحك
لانه زبييييييييييييييري ققققققققح
الاول : ولااااااااااااااك يموووووووووت بمووووووووووووت
يلاااااااااااااااااااااااااااااااااا
الثاني : اشفييييييييييييييييييييييييك بوزلييييييييييييييقه
الاول : تهوووووووووووووووووووووووووون ( قصده تهون البوزليقه عند الحاله الي اهو فيها )
الثاني : هاااااااااااااااا عييييييييل
الاول : حمااااااااااااااااااااااااااااااااااام
ماوعيت الا واحد دزني من جتفي و طااااااار دش دار التوحيد
ههههههههههههههههههههههه
موتني من الضحك
صصصصصصصصصصج يهال
مدري اهو اسلووووووووووب الصبياااان جذي
موتوووووووووني ضضضضحك
بس اشلون يمط الحجي
تهووووووووووووووووووووون
هههههههههههههههههههه


*********
في طريقي للعوده
دعيت ربي ان ما تكون هذي اخر عمره لي
ربي لا تجعلها الاخيره
ربي اجعلي للخير طريقا
و للشر قطوعا
هناك منظر شفته
لن انساه ابد
في انتظار التراويح
غفيت
سهيت
مدري للحظه او ثانيه
شفت شي
مدري رؤيا
او حلم
تعرفون شعور الي ثواني تنقطعون عن الدنيا
و تشوفون شي
تردون توعون
و تتمنووووووووون هالشي يتحقق
شفت هالشي
وقعدت ابجي
مو بس ليوم الرده
لأ
ولكن كل ما ذكرت الي شفته
دمعت عيني
ياااااااااااربي طلبتك لاتردني
حققلي حلمي
ياااااااااااارب
اصابت امرأه فرعون لما دعت وقالت
ربي ابني لي عندك بيت في الجنه
و اصاب
ذا النون في بطن الحوت و قال لا اله الا انت سبحانك اني كنت من الظالمين
و اصاب سيد الخلق عندما توكل عليك بالغار و قال لصاحبه لا تخف ان الله معنا
يارب يجميع دعاء الانبياء و الصالحين
و بجميع من استجبت لهم يا الله
تقبل مني
و اجب دعائي
ارجوك رجاء المذل يا عزيز
و ارجوك رجاء الفقير يا غني
اسألك من فضلك و انت ذو الفضل العظيم
يارب
تقبلنا قبول حسن

Saturday, September 13, 2008

اهم شي الترشيد طاعه!!

واي شالاستهبال !!!
مسج من ترشيد
الصلاه طاعه
و الصيام طاعه
و الترشيد ايضا طاعه
واااااااااااااااي بذبحهم !!!
انا ترشيد ملوعين جبدي !!
حتى واحنا مسافرين ما افتكينا منهم
فيني حشششششششش
بس اللهم اني صائمه

Wednesday, September 10, 2008

باك


بااااااااااااااااااااااك
تحقق مرااااااااااااااااااااادي
تححححححححححححححححقق

امنيتي كاااااااااااااااااانت عمره و انا صااااااااااااااايمه


مدري شقووووووولكم
اول مرا احس اني ماني عارفه شقووووووول

ابيه من الساعه 9 و انا بكتب البوست
كل ما كتبت سطرين بجيييييييييت بجي و سكرته


احساااااااااااس روعه

احساااااااس يخلي اي انسان يبي يطير

الف الحمدلله
ربي سبحانه كتبلي ارووووووووع عمره بحياتي

لان تحقق فيها كل الي ابيه
شي مو طبيعي

الف الحمدلله وصلت طيارتنا بدون تاخير
و كل شي كان سهل حدااا

دشينا الحرم
الساعه 6 تقريباااا

على طول رحناااااااا الصحن عشاااان نطوف
وانا حدي متحمسه لاني ابي عمره وانا صايمه

ياااااحلوهاااااااااااا من عمره

احلى لحظات بحياتي شفتهاااا و ماراح انساهااااااااااا طول عمري

ان اناااااااا في عز طوافي
و عز الصوووووت و عز التكبير و اصوات الناس

فجأه يأذن المأذن لصلاه المغرب
يكبر
الله اكبر الله اكبر

ارفع راسي للسمااااا احس رووووووووووحي طارت
احس شي خذاني من كل شي صغير بالدنيا

عمره
و طواف
و افطار
وصيام
اشوف السما
اشوف الغيم
كااااااااان ناصع البيااااض

كل شي كان ابيض
كل شي كان صافي

في عز حر الصيام
ماء زمزم بارد يروي عطش صايم

نعمه ما بعدها نعمه

اصوات الصلوات
و التكبيرات

الاف الناس
اذا مو اكثر من مليونين
وولكن كنت على يقين ان لي مكان هناك
في الحرم
وعند ربي

احس و انا اصلي
وانا ادعي
ان اكلم ربي سبحانه
احس باحساااااااااس ان الكل يرد علي

يسمعني

حتى الكعبه الشريفه

ما تصدقون اذا قلت لكم
ان اروع مقرء عندي هو سديس
و اروع ما يتلي سديس و يخليني
ابكي بكاء الطفل
لما يقرأ " الله نور السموات و الارض "
و انا اطوف كنت حريصه على اني اخلص طوافي قبل المغرب
ولكن يأذن المقيم لصلاه المغرب

اكبر معاه
و الا سديس ..
يقرا من سوره النور
"
اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ

الْمِصْبَاحُ فِي زُجَاجَةٍ
الزُّجَاجَةُ كَأَنَّهَا كَوْكَبٌ دُرِّيٌّ
يُوقَدُ مِن شَجَرَةٍ مُّبَارَكَةٍ زَيْتُونِةٍ
لَّا شَرْقِيَّةٍ وَلَا غَرْبِيَّةٍ
يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ
نُّورٌ عَلَى نُورٍ يَهْدِي اللَّهُ لِنُورِهِ مَن يَشَاء
وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ
فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ

يُسَبِّحُ لَهُ فِيهَا بِالْغُدُوِّ وَالْآصَالِ
رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ

وَإِقَامِ الصَّلَاةِ وَإِيتَاء الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ
لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ وَاللَّهُ يَرْزُقُ مَن يَشَاء بِغَيْرِ حِسَابٍ

"


هذي الايه كانت بالنسبه لي مثل الماي البااارد الي غسل كل تعبي و همي
غسل كل الي في قلبي

كان احسااااس يقولي ان الله الي سهلج العمره
وسهلج الوصول
وعطاج الي تمنيتيه و هو عمره وانتي صايمه و المقرء الي تحبينه و احب آيه لقلبج
ماراح يخيب ظنج
ولا راح يردج خسرانه

كانت شغلات بسيطه اكلم نفسي و اونسهاااااا فيها

احلى انس عندما يستأنس ابن ادم الفقير
بملك الملوك الغني عنه ..

الانسان عزيز بطبعه
ولكن اروع احساس للعبد
عندما يسجد
مذل
ناكس رأسه امام الكعبه
يقر بذمبه
و يدعووووو ربه
مسكينك بدارك
عبيدك بفنائك
فقيرك ببيتك
يرجوا رحمتك و يخشى عذابك

يقوم الانسان بعدها و هوو لابس لباس العزة
لان يدري
ان المعز هو الله
و الغني هو الله
و الوكيل هو الله

ترا انا ماني قادره اكمل

اقولكم باجي السوالف بعدين
بس احسااااااااااااااااااااااااس روعه احسه
الحين


مانسيييييييييييييت احد فيكم بدعاااااء ابد

ام سليمااااااااان اذا نسيتيني تراا انا ما نسيييتج

وووووالله يا ام سليماااااااااااااااااااان بكل وقت و مكان بالكعبه ادعيلج
ماوقف لساني عن الدعاء لج ابد

بشري بكل خير ياام سليماااااااان بشراي بالخير
سبحان الي حط دعائي لج بقلبي وين ما ارووووووح

**
اولا ساعتين اكتب بوست!!

Sunday, September 07, 2008

ليش انفايت

ليش انفايت ؟؟
انا ادري الكل يسأل و بقلبه يقول ليش انفايت؟
مو قاعد ابالغ
بس هذي ارقام و حقائق مسجله
يدش بلوقي اكثر من 700شخص يوميا
هذا بس اكاونتات عاديه
اشتراكات الي جو و الكيبل و بلا بلا
اكثر بوايد و ما ينحسبون
انحط معدل 1000 شخص يوميا؟؟
عدد مو شويه و لا يستهان فيه ؟
منو هذولا مدري
هل ابيهم كلهم يقرون ؟
هم ما ادري
الي عرفته الحين
ان في موقف صارلي في بدايه رمضان
وحده تقووووولي واي يا زين بلووقج
لاحظو من الاهل؟
و تسولف جدام امي و امي ماتدري عن شي
و تقول شغلات و تحلطمي
الشغله الثانيه
ادق ابارك حق وحده من البنات
اقولها مادري عنج من سنه
تقووووووووولي انا يوميا اعرف اخبارج اول باول
اعرف كل شي عن حياتج
من بلوقج
فمايحتاااااااي اسأل عنج
عاد بصراحه طقت جبدي
قلت عن طريق الانفايت انا اختار الناس الي تقرا
اكثر من 160 شخض ظفته اليوم
و انشاء الله بكمل الباجي عقب
لاني مليييييييييييييييييييييت و انا بس اسوي انفايت
الله يخليكم طولاو بالكم علي
وانشاء الله راح اذكر و اسوي حق الكل
*******
ادعولي الله يتمم الي في بالي
محتاجه منكم دعااااااااااااااء
ماتقصرون ادري
:)

Saturday, September 06, 2008

يوعانه

قريبا

بعد جم بوست راح يكون بلوقي بس انفايت
فالي يبي اضيفه يدزلي ايميل بالايميل الي يبي الاضافه عليه
***********

هااااااا بشروا عسااااا سويتااو الشاااااي
اليوم راح اعطيكم منيو كامل
شوربه المشروم
سلطه الفلافل
فخذ لحم و عيش بالزعفران
و الروب
و ترافيل الفاكهه

**************


بس راح ابدا اول شي في المين كورس
فخذ لحم
تاخذون فخذ لحم عربي
يغسل و تحطونه في ماعون بايركس
او ستان ستيل
لان مو زين يتبل في تيفال
تقزون الفخذ من كل صوب
و يتبل
فصوص ثوم
2 ملعقه ماسترد
4 ملاعق خل
ملح
فلفل اسود
فلفل ابيض
قالب زبده
ليمون
ملعقه روز ماري
نص ملعقه ثايم
بصله مبشوره مع عصيرها
و تتبل من 12 ساعه الى اكثر
وبعدين تدخل الفرن مع التتبيله و تحطين وياها
بطاط صغار مع قشوره
كوسه
جزر
يكون الفرن على حراره 180 درجه
و مغطى اللحم
بس اخر عشر دقايق ينشال القصدير منه
و على جمب عيش مشخول بالزعفران
و يكون الزعفران منقوع بماي ورد و شويه هيل

و طريقه الروب
بالمقلى تضيفون شوي سمنه
مع ورق غار
و فلفل اسود حب
و فلفل احمر علوب مجفف
و رشه كركم
تحمسونهم دقيقتين و تضيفونهم فوق صحن الروب
و بالهنا و العافيه
في المرا اليايه انشاء الله
اكمل الباجي

Thursday, September 04, 2008

جست انفايت

تحديث
قريبا
بعد جم بوست راح يكون بلوقي بس انفايت
فالي يبي اضيفه يدزلي ايميل بالايميل الي يبي الاضافه عليه
اروح اكمل الحلوو و ارد اقولكم قصتي بالمطبخ العجيب !!
اليوم العصر نزلت هالبوست و دشيت المطبخ
طبعا في ارتباط عجيب بيني و بين المطبخ في رمضان
حمدلله و الشكر
لاااااا حرام تذكرت بعد في السفر اييني مزاج الطباخ
و التسنع !!
عادي فطيم كلا تتسلط
تدرون متى بديت اطبخ مين ديش؟؟
قولو ماشاء الله مو اطيحوني من حيلي بعد !!
هههههههههههه
من 3 ابتدائي
اي والله
مو بيض عيون و جذي لا هذا خرابيط
اول طبخه سويتها بحياتي ما انساها كنت في العطله
الطويله بروح رابعه ابتدائي
سويت صينيه دياي و بطاط و طماط و جزر
و اذكر بعد لي الحين اشلووووون كل شي
و كانت الاكله حدها لذيذه تدرون ليش؟؟
لاني حطيت شكر بدال الملح!!!
اول غلط مطبخي هههههههه
اي والله كنت ياااااهل حدي
و عنونه
ما اطووول الجووله بس احط سحاره و اووقف عليها
بيييييييييه تذكرون السحاحير
لوووووووول
الله يرحمها يدتي الي تولت تعليمي و ادخالي للمطبخ من انا ياهل
و السبب ان كنت 24 ساعه احوس تحتها
مع ان كان في بنات في العايله من طقتي
بس انا على قولتها ابرد الجبد!!
وايد مدحت روووووووحي اليوم !
المهم الله يرحمها يدتي اهي الي اكتشفت هالموهبه و نمتها
على قولتهااا فيج نفس يدتج
عن ام ابوي الله يرحمهاااا
ياااااااااااااابعد قلبي يااااااااااايدتي
اتصدقوووووووووووووووووون محد كان متفخني الا اهي !!
يااااااااااروحي اذا سويتلها شااااااي
تخيلاااااااو شاي تقولي حتى شايج غير
اكيد لا غير و لا شي
بس الحب الحب
لذا الشييييييييييفه لوووووووير
عفوا الشيف لوير بدش وياكم المطبخ
راح ابدا معاكم تدرون بشنو؟؟
الحلقه الاولى
الشاي و القهوه
النوع الاول
لازم تعرفون ان الشاي لا على نوعيه الشاي
ولا على شي
على القياااااااس
الي يظبط القياس يصير فنان
الشاي اسويه بعده طرق
النوع الاول
شاي ربيع فله
مع شاي توينينج ايرل جراي
زعفران
اتيبون المطاره العاديه
و تغسلون مقدار قفشتين من شاي ربيع فله و تحطونهم بالمطاره
و تحطون قفشه شاي تونينج اي جراي هم الفله
بس بدون غسيل
و تحطون عليهم شوي زعفران
لان الزعفران الوايد راح يزيد المروره
طبعا بدون ما تشخلونهم ولا شي
و تخلونه ربع ساعه يتخدر و كل خمس دقايق تحركون المطاره
و بالهنا و الشفاا
**************
النوع الثاني من الشاي
شاي المنيس هم فله
تغسلونه و تطبخونه مع الماي المغلي
و تضيفون عليه
عود حبق ناشف
تلاقونه في كورنر عسل الشفاء في الجمعيه
جبق جاهز ناشف
الحبق تخلونه اخر شي
دقيقه و ينشششخل الشاي و يظاف بالمطاره
بدون زعفران
***********
النوع الثالث
القهوه العربيه
لاني من عشاقها
تشترون من الجمعيه بن قهوه عربيه شقره
جاهزة
و تحمسونه بالفرن
مجرد اتحطونه في ماعون تيفال
و تحركونه
و تكونون شابين الفرن الي فوق بس
الشوايه يعني
و تقلبون
و تراعون ان لا يحترق
بس يشووقر
و بعدين تطحنونه في مكينه القهوه
القياس
كل 3 قفاش كبار بن
عليها قفشه صغيره هيل
و بالمطحنه تنطحن
و طريقه الطبخ انا طريقتي غير
ما احب اطبخ الزعفران و لا الهيل
فمجرد احط 3 كواب ماي مغلي عليها فنيالين قهوه
و يطبخون 10 دقايق على نارد هايده حيل
و تحطون قفشه الهيل و الزعفران بالمطاره
ملاحظه : في ناس تحط عود مسمار بالمطاره
يعطي نكهه
انا ما احب المسمار
يخليها حاره على المعده
و عليكم بالعافيه
ادري بتقولون اشفيها لوير خرفت تعلمنا شاي و قهوه!!
بس صج حبيت ابدي فيهم والمرا اليايه بعلمكم
شي ثاني
تصبحون على خير
صوموا تصحوا

Tuesday, September 02, 2008

اللهم لك صمت وعلى رزقك أفطرت


ايـــــــــــــــــــــــــــــــــــــــــــــــــــــــــه
خلص الشهر الفضيل
هذي الكلمه يقولها الوالد طول الله عمره على الفطور من اول يوم رمضان
ارد عليه : واااي يباااااا حرام عليك لا تخرعنا تونااا مامدانا اول يوم ..
*******
سبحان الله انا حاطه في بالي ان هالشهر بكون صعب علينا خصوصا اليوم الاول لان حر
بس الف الحمدلله وايد طبيعي و خفيف ...
دواماتكم الساعه جم ؟ انا من 9 الا ربع لي 12 و نص
ههههههه وناسه ماكو جلسات اصلا
المهم اول يوم رمضان جدا جدا خفيف
الف الحمدالله
ياربي رمضان له نكهه غير
احب البينتو و ما ارضى احد يعيب علي يقولي قولي فيمتو
احب الاكل الكويتي القح اوكيه اسوي خرابيط
بس احب و اقدس المجابيس
و احب التشريب
و كل شي كويتي احبه
وفي رمضان احب الاشياء الي تنزرط
تعرفون شنو يعني تنزرط
مدري اشلون اشرحها
اي يعني الاشياء اللينه الي بسرعه تنبلع
تشريب
شوربه


*****


شنو قصه دوري كوت بوسته و دوري الكره و دوري البلاي الستيشن ؟؟
هذي الاشياء ليش يلهون الشباب فيها برمضان؟؟


****


لازم تتذكرون شغله ان الله سبحانه و تعالى قال ايكم احسن عملا
مو ايكم اكثر عملا
قاعد اشوف سباق رالي عجيب و تنافس على ختم القران
هذا الشي لو الواحد قرا بتعمن

شنو الحكمه من ختم القران ؟؟
ان احنا انتبدر الكلام
ان احنا نخشع
ان احنا نوقف في عند كل ايه تنطبق علينا و نفكر
لما نقرا عن اهل النار نستعيذ من النار
لما نقرا عن الجنه نسأل الله الجنه لنا و لاموات المسلمين


*****


لا تحقر اي عمل صغير
الابتسامه صدقه
مساعده الزوجه فيها اجر
تقبيل يد الام قبل الفطور
احترام زملاء العمل فيها اجر
الصبر على الحر
مساعده الخدم ... و تذكرو لا نخلي خدمنا يكرهون هذا الشهر منا
بالعكس ...
خلوهم يحبونه و خلونا انتقرب منهم بمساعدتهم اكثر


*******


الاطفال و رمضان
اليهال من اهم صغار علموهم على الصيام
بس فهموهم مو عشان الربع بالمدرسه يصومون لأ
ولكن لانهم مسلمين
ولانها فريضه
وخلوهم يحبون رمضان بهديه تقدمونها لهم
انا من واقع خبرتي البسيطه في تعليم اخواني الاصغر مني الصيام
كانت طريقه بسيطه بس سهله و لي الحين يذكرونها لي ..
شوفوا مو تقولون لي جرام الجذب
بس هذولا يهال و بعلمهم كنت
ما انسى اول يوم صام فيه اخوي الي اصغر مني ..
كان حزتها في اولى ابتدائي
ياني من الصبح قعدني
فطووما فطومااااا يوعان بس انا صايم
انا : الكورن فليكس ما يفطر روح اكل
مسكين طااااااااار راح ياكل
رد علي قالي فطوماااااااا فطوما بروووووووووح الحمام يصير ؟
قلت الحمااااااام ما يفطر رووح عادي
رد علي قالي البينتو يفطر ؟؟
قلت له طبعاااااااااا يفطر البينتوو
بس اشرب ماي الماي ما يفطر
ههههههههههههه
مسكين
وشوي شوي تعلم الصياااام


متى بلشتوا تصوموووون ؟؟
انا مجرمه صمت كبيره
اشكبري اصووووم بالمدرسه و ارد البيت افطر يسوولي بيض طماااط
ههههههههههههه

Sunday, August 31, 2008

مبارك عليكم الشهر



بمناسبه الشهر الفضيل اعاده الله علينا و عليكم بالخير و الصحه و العافيه
و عسى الله يغفرلنا و يرحمنا و يباركلنا في وقت هذا الشهر ..
و يعينا على نفسنا و على الطاعه..
في هذا الشهر راح تكون بوستاتي عباره عن جدول متابعه
لاعمال رمضانيه و اقتراحات لكم لاماكن و اوقات العباده
و صله الرحم و انشاء الله اقدر اقدم لكم مقترحات مفيده

**************


هني فقره انشالت لان بتكون حش !!
فقلت يا معلم علم نفسك
فطيم انتي مامنج فايده ابد

***************

اليوم الاول :
يبدا بالسحور
قال رسول الله صلى الله عليه وسلم تسحروا فان بالسحور بركه
و اهم شي لا تنسون النيه في انكم تنوون هذا الشي ..النيه تكون بالقلب وليس بالنطق يعني ..
عيش مشخول و روب
تمر
ماي
او سحور مصرين فول و شاي و روب
انا احب الروب ترا فلازم ادخله في كل شي
بس سحوري انا عباره عن توست جبن و لبن بارد و بعدها تمر ..
اهم شي في اليوم الاول لمدمنين القهوه و الشاي لا تنسون تاخذون حبيتين بندول على السحور .. عشان صداع اول يوم ..

قبل صلاه الفجر
قراءه شوي من القران
او تسبيح
او استغفار
صلاه ركعتين
بعدها صلاه الفجر ..
اذكار بعد الصلاه
بالنسبه لربات البيوت او الي في اجازة يقدرون يقرون قران الفير
و يابختهم
والي مثل حلاتي انا بروح انام يالا الحق اناملي ساعتين قبل الدوام

يوم عمل
الي يقدر يقرا شي مفيد في الدوام
او الي ما يقدر يتابع عمله و يخلص فيه
لا تنسون الابتسامه صدقه
و هذا شهر عباده و طاعه
مو شهر اعصاب و تكشر
لا يقص عليكم الشيطان
..
صلاه الظهر ..
ما اعتقد في احد يقدر يمشي العصر قبل الفطور في هالحر
بس عندي اقتراحات
الافنيو
او المولات البارده ..
الي في منطقه العاصمه عندكم الافنيو
المارينا
المهلب فوق
الي في فحيحيل مالكم الا المنشر والكوت
اهم نصيحه لا ادشون مركز سلطان او جميعه وانتو يواعه

اهم شي اهم شي
الصلاه في وقتها
القران
الاستغفار
والتسبيح
حطو في الاي بود قران لصوت مقرأ تحبونه
للبنات الي مثلي انا العصاري اعجل في المطبخ
و ارتب الطاوله
و اسوي العصاير
و كل شي
الله يعيده علينا وعليكم
لا تنسون دعاء الصايم مستجاب
ولا تنسون تدعون وانتو على الفطور
وادعولي

الفطور
خلوه خفيف
عشان تعبرون على التراويح
وعقبه صله الارحام و الدواوين
وقبل النوم حاسبو نفسكم
و شوفو شنو سويتاو و شنو لازم تسون
ولا تنسون احتاج اقتراحاتكم ..

اهم شي النيه
النيه
النيه

وعسى الله يتقبل منا و منكم صالح الاعمال يارب
ويعيده علينا و عليكم بالف خير ..
وعسى الله يجعلنا من عتقاء هذا الشهر الفضيل
لا تنسون صوم الجوارج
وصفاء النيه
التسامح..
مساعده الفقراء
والاحسان اليهم
************
رساله : حق كل الناس الي منعتني الظروف
او مشاغل الحياه من التواصل وياهم
اقولهم سامحوني على القصور
و يبقى دعائي لكم بالقلب
*******
اللهم اسألك بأسمك الفتاح ان تفتح علينا يارب
***************
هذا موقع لكل المسلمين في العالم
فيه مواعيد الصلاه و الامساك و الفطور و فيه عنوان جميع المراكز
الاسلاميه القريبه في كل انحاء العالم
و تقدرون تحطون رقم تلفونكم و توصلكم مسج من الموقع
بوقت كل صلاه
عشان تبلغكم و تذكركم
هذا يصلح حق الي برا الكويت
لان مو كل من بشوف الوقت على طول و تدرون مواقيت الصلاه تتغير
يوم بيوم
اتمنى اقدر افيدكم اكثر
***
*****
تحديث
توني كنت قاعد اقرا بوست لاحدى الخوات
و الا ادش بلوق الغاليه
الزين وكاتبه عن والده فسكره
ام سليمان
اسجد لربي سبحانه وتعالى
الذي قال في كتابه و اذا مرضت فهو يشفين
ام سليمان اوعدج من اليوم و رايح
اني ماراح اوقف دعائي لج
وبدعي ربي في صلاتي و سجودي ان يردج بين احبابج
ربي سبحانه رحيم
كريم
عزيز له حكمه ما يعلم فيها الا هو
له بلاء لا يعرف الميزان و المكيال
فبلائه يرفع صاحبه دراجات العلى من الجنه
ام سليمان اوقفااااااي
بقوتج راح يوقفون الي حوالينج
ولا تيطيحين
ورااج ناس عيونهم تبي رضاج لو مره
ام سليمان يمكن لا اعرفج ولا تعرفيني
بس ادعيلي
لاني انا محتاجه دعائج اكثر منج
ام سليمان الله يباركلج في الي يحبونج
شوفي رحمه سبحان سخرلج عبيده كلهم
ارجوكم قراء مدونتي الافاضل
لا تنسون ام سليمان بدعائكم
هي مريضه في بلد الغربه
ماتبي منا شي
و لكن حقها علينا كمسلمين واخوان
ان ندعيلها من كل قلبنا بالشفاء
وانشاء الله بتردين بالسلامه
و بلتقي وياج
اليوم انتي
وباجر ماندري منو الي محتاج الدعاء
صبر جميل و الله المستعان
رددي دايما حق اي احد اييج
اعلم من الله مالاتعلمون

Thursday, August 28, 2008

كل ماكبرنا

من فتره بسيطه كنت اقرا روايه و من بين الاحداث
كان الكلام عن استعداد رمضان قديما.. كان الاستعداد وايد حلو
قمت اقارن استعداد الناس الحين للرمضان و استعداد الناس قبل
مثل ما كانت تقولي يدتي ويدي الله يرحمهم و مثل ما انا قريت ..
و مثل ما نشوف في المسلسلات..
يابخت اول و بساطتهم و يا همنا الحين وشقانا ويا السرف و الترف في الاستعداد
الناس كلها لاهيه استعداد رمضان يعني مواعين يديده صواني يديده دراعات غاليه
اكل اكل اكل وكأنه مانسوي شي غير الاكل !!
و هدايا رمضان الي مالها علاقه في رمضان ابد
و تسجيل الناس لمواعيد المسلسلات و الحجي كله عن الفن و الفنانين !!
و كأنه مو شهر عباده جنه شهر الاوسكااااار
بحيث يكرس المسليمن حياتهم لمتابعه المسلسلات وتقيييمها

انزين وبس هذا رمضان
مسلسلات
غبقات
زوارات
اكل !
سهر
دواوين
و استعداد غير طبيعي للقرقيعان و حفلاته

ووين استعداد العبد للخالق؟

وين استعداد الروحانيات؟


كل شي ضاعت حلاوته و كل شي فقد قيمته من يوم ما فقد بساطته
نسينا ان هذا شهر عباده
طاعه
شهر صيام و صدقات
شهر افطار الصائم
و
محاسبه نفس
امس بالليل قاطه قبل لا انام قعدت افكر
قررت اسحب برنت كامل من مخي
شنو سويت و شنو ما سويت هالسنه
اكتشفت ان الدنيا بسرعه البرق اركضت
وان رمضان ياااا بسرعه
راجعت حساباتي
حياتي
اغلاطي
انفعالاتي
دايما كنت اقول اذا صار عمري 30 خلاص بلتفت حق نفسي واعدلها
اكتشفت ان احنا كل ما نكبر ننفتن في الدنيا اكثر !!
كل ما نكبر صعب علينا كل شي
متى بحط حق نفسي حدود؟
كل ما نكبر ننفتن موبس في الدنيا لأ
وبعد نستبيح محارمها و تزيد الكبائر فينا
وكأنه الكبائر مرتبطه في كبرنا
قبل لا يدخل علينا رمضان
لازم اكون صفيت حساباتي مع نفسي
وراجعت كشف حساب اعمالي
وسكرت ميزانيتي
وتبنا
احنا في البدايه لابد نعرف شنو اغلاطنا عشان نعدلها
ووين قصورنا
والاهم نحمد الله على كل خير ونعمه و يوم مر علينا
ونطلب الله يعينااا على طاعته


ناس وايد راحوا منا هالسنه
احباب
اهل
خلان
اصدقاء
نحمد الله على رمضان جديد بحياتنا
ونعاهد الله فيه ان هالسنه بنحاول نخليه رمضان صيام عن المعاصي
صيام نفس على هواها و فتنها
ونشحن نفسنا
ونستغفر ربنا
كل عام وانتو بخير
كل رمضان و انتو بصحه وسلامه
رمضان هذا بكون من احلى رمضان بحياتي
واروعها
تدرون ليش؟
لان %70 من ادعيه رمضان السنه الي فاتت تحققتلي هالسنه
احمدك ربي على كل خير

Tuesday, August 26, 2008

طقوس الحب

الساعه 8 الصبح :قهوه امريكيه
""
""
""
الساعه 9 الصبح :بخور
مع القهوة التركيه
""
""
""
كاكاو اوبرا
جالكسي
او فليك
طقوس العمل عندي
""
""
قاعد احاول اودعهم قبل رمضان

Sunday, August 24, 2008

ابي اطير...

taken by mohammed

اقولكم شنو ودي
ودي اطيييييييييييييييييييير
ودي ارووح السمااااااااااااا
فوق هالغييييييم اصررررررررخ
فوووووووووووق هالغيم اركض لدنياااااااا غير هالدنيا
لمكان اصرخ فيه انااااااااااديك والاقيك عقب صرخاتي
اركض لك و التقي وياك
احسااااااااسي فوق هالغيم ابجي و اغني هالاغنيه لك
ترااااااا بنضيع
بنضيييييييييييييييع من بعض حيييييل
من اغلطانا
من عنادنا
من تكبرنا

واذا ظـــــــــــــــــــــــعت

ولا فهمتني

اســـــــــــــــــــــــــــــمعها



Saturday, August 23, 2008

سوالف ويك اند









(1)


هذره ويك اند
فيني هذره مو طبيعيه
بس ملوع جبدي ان كل ما ييت اكتب بوست
ادوخ و اروح انام
عايشه حاله كسيفه من عفسه النوم
المهم امس عشتو طلعت بس ياريتني مارحت هالموفي التعيس
قطيييييييييييييييعه ظيم .. يخرع
المهم انا من ردت امي من السفر
و ياربي اول يوم او من باجر
اششششششم ريحه مو طبيعيه
واين وااااااااين يا ناس
المهم
عادي شي طبيعي ان امي من تروح محل كاكاوات تخمط الي اكو وماكو
ويطلع كلا فيه كحول و بعدين اقطه و يعورها قلبها ههههههههههه
هالمرا لأ ريحه ريحه
احوس احوس
المهم قلت الظاهر انا عندي حاسه الشم فيها شي
قلت حق الخدامه شبي فحم بخور
تبخرت
توني ببخر شعري
والا وييييييييييييييييييييييع
الرييييييييييييييييييييحه من شعري
الرييييييييييييييييحه فيني انا !!
اشلون ما لاحظت من الشامبو
وانا في عفسه هالشاور علامي ما ثبت ان من الشامبو
اروح اشوووف الشامبو والا على بلو بيري
يااااااااااااااربي
شي شي شي لا يطاق
رحت قلت حق امي
يمااااااا شنو هالشامبو الظيم ريحه خايسه
قالت لي اي الاماراتين الي وياي في الاوتيل امدحووو لي
شريته يوم شفته ريحته خايسه قلت لها تنزله حماااامج !! تحسفت عليه
!!
طبعا شي مو يديد في بيتنا
كل بقطونه يعطوني اياه!!
واين واين يا ناس احد يسبح في واين !!






(2)


هالايام قاعد افكر اشترك في نادي يديد
مليت مو رويال حياه
لان بدا يصير زحمه ..
مابي سي كلاب مختلط
ولا ابي كورنيش لان مكان الحريم يقمت
ليش النوادي الحلوة الي في الكويت صايره مختلط
نبي نادي على البحر و فيو حلو و كبييير كلاس
بس بدون رياييل لان بصراحه لو شنو الناس كانت هناك كلاس
الريال الكويتي يبقى كويتي
حتى لو بنت سنعه و تلعب
اهو في عالم اخر ويا الزوووووووم على جسمها
رحت روتانا المنشر يقولون الجيم مالهم حلو
دشييييييييته اينن كووووووووووووزي
و شرح و يطل على اليخوت في الكوت و البحر مو طبيعي
و مافيه ناس ولا فيه احد
ماغير شايب انجليزي ما يدري عن احد
بس مشكلته البعد
طريج فحيحيل بعيد
انا الجابريه يم بيتنا و اتعييز هالنوبه فحيحيل
اي كانت !!



على طاري رويال حياه اول مافج قالولي عن المساج هناك
رحت جربت المساج
انا خو ترا مو مال مساج ....احب المساج بس انا اخاف من امهات عيون امقطه !!
ياربي والله ترا صج اهم يفكرون بصوت عالي و الا هذي سياسه عندهم ان بس تمدح في شكلج و جذي
المهم قلنا بنجرب
يالا يافطييييم صيري خوش ادميه و جرباي
دشيت الا هذيج الغرفه الي تونس
و الحمام الي يشوق
و كل شي مرتب
انسدحنا
جاااااان تقولي تبي فول مساج قلت لها يس
فل ريلاكس مساج
جان تقولي حتى بلا بلا بلا و بلا
قلت لها لا طبعا
ايدي و ريلي و ظهري هذا حدج
انسدحت ماوعيت الا هالبريعصيه
مدري اشلوووووووووووون طمرت
لا تخافون انا سميتها بريعصيه
تخيلوووووووووووووو
موديلهم الاخت تربعت في الفراش !!
اناااااااااااااا اقولها
واااي !؟؟ يوووووووووووو مني اب !!
ليش مو حالج حالح باجي المساجات
لا حووووووووول الله
بدال لا يصير ريلاكس مسااااااج صار تششششششنج
خفت على عمري
يعني مو اخر عمري
هالمنقووووووووزه تسوي شي فيني
لوووووووول
خلصنا مسااااااااج
تسدحناااااااااااا
شربت شويها
رحت سويت اظافري
ولا شفت قطو في السبا كلش
الحين يوم رحت له من يومين
يخرششششش من الزحمه
مابي ابي مكان هادي
طبعا انا فلكس و هالسوالف ماحب
لويه و بنات و ازعاج
و ميووووزك و طاخ طيخ
ابي مكان سنع وين ؟
اذا قلتو ماكو
اقولكم مشكورين لان اصلا انا متبرعه بفلوسي
حق اي جيم في الكويت اشترك 3 شهور و اروح اسبوع

















عطوني رايكم في النيولوك

Thursday, August 21, 2008

abercrombie and fitch


واي يوم في حياتي صج صج يوم في حياتي
المكان : لندن بالتحديد اكثر محل..
abercrombie and fitch
تدق علي رفيجتي
هي : الو انتي وينج
انا : هاو انتي وينج شالديسكو الي من الصبح
هي : تضحك علي و تقولي تعالي تعالي دشيت ابريكرومبي و قلت لازم اتين الحين اتهدين الي في ايدج و اتيين
انا : هاو و النهر مو بنروح النهر !!!
هي : اي نهر انتي تعالي و بتروحين النهر بس تعالي
طلعت من رالف لورين في بوند ستريت كسرت يسااااار مشيت شوي
و الا ما وعيت لويه عند الباب و ناس تصور و عفسه و صووووووت ديسكوووو
وشي شي اصبحنا و اصبح الملك لله تووووونا الساعه 12 الضحى !!!
دشييييييت و الا ششوف هالبنات الي يضحكون علي ناططريني
وتعالي يالله صوراااااي و الا المحل موقفيين هذا المزيوووون مفصخ
و تعالو صورووو وياه
فطييييييييم هسترت ضحك من صج هذا صج؟؟
اتناااااااديني المرا تعالي تبين صوره وياه؟؟

اطالع شوي استوعب الدنيا هذا مفصخ في هالبرد من صج؟؟
يا زييييين بطنك بس !!

كان ودي المسه اتأكد هذا بطنه صج والا يايبينه من متحف الشمع..

الي قبلي ارتزت صورت و ضحكت و مشت

يااااا دوري انا سنعت عمري شديت الظهر جود اطوول يعني!!
ما قايشش طوله 190!!!

التفت عليه و ضحكتي من هني لي هني قام لممممممممممني وصووورت وياه

رفيجتي منصدمه وانا منصدمه بس مستاااااااانسه
لمه ابلاااااااااش انزين فطيييييم وخري خلاص !! خلصت الصوره
اطالع رفيجتي اسألها بس خلصنا؟؟

تقولي بعد اشتبين
ماااااااااني موووووووخره بعد لمني هههههههههههه

ضحكت حدي و ابتسمت له و قلت لو انا حلوة عزمتك على العشا وطلعت وياك

قالي انتي قورجس بس ممنوع اقبل الدعوة اثناء العمل
مدري شنو قصده يعني انطره برا اذا خلص مثلا؟؟
والا يعني ذلفااااااي و عطينا مقفاااااااج ؟؟

عرفتووو الي رايحه اقول حق رفيجتي قالي قورجس مابقى احد من رفيجاتي ما قلت له قااااااااالي قورجس
و الكل يقولي لا تصدقين لا تصدقييييين !!

المهم كملت التسوق دشيت
الي رايح المحل عارف ان نظاامه كالاتي
ديجي يصرع و ظلمه و الي يبوعون كل واحد يقول الزود عندي
و فطيم اترقص ما اتسوووووووق
و كل ما مسكت قطعه ناديت الريال بجم؟؟ ترا اعرف اقرا السعر بس بتحرششششش
مشكلتهم يدوودهون من حلاتهم

و سياااااستهم عجبتني يرشوووووووون عطور رجاليه على كل هدووم الحريم
في سكشن الحريم يمشووووووووون و يرشوووووون و العكس صحيح


و انا اصرخ على رفيجتي اقولها ليششششش المرا حرام تحط عطر تصير زانيه

و الريال حلاااااااال احنا ندووخ من عطوراتهم
حالنا من حالهم يازينهم بس خووووووووش محل عجبني كل يوم برووح له
والله عيل نقط فلوس و انتسوق و مخاسير و بس
على الاقل مخاااااسير ووناااااااسه و لامييييييينا و مونسينا و مرقصينا يازين البلاش بس


ابذمتكم مو حلو؟؟









ملاحظه : هذا البوست كنت منزلته في شهر فبراير بس ظرب بلوقي ..
وتسكر بلوقي بعدها..
فقلت انزله الحين ..

Wednesday, August 20, 2008

كل عام و انا و انت ... بخير


في هاليوم روحي تحوم حوالينك ..
اهمس باذنك

احسب الجيات كم مره اجي و احسب النظرات لي ضاع الحكي روحاتي و جياتي و نظراتي الحزينه تحكي لك مدى حبي

وبغفى انا بحضن السما الليله وبنام ..

يا لايمي في الهوى ..زاد العتاب
ماتدري ان الهوى ...ليله عذاب
و أشواق فيها انطوي ..عمر الشباب..
واسرار قلبي
...

لاحظ و شوف يا منيتي كيف الشعور لما انتلاقا و الحكي بينا يدور
الوقت يخلص و السوالف تنتهي و انا عيوني في عيونك تلتهي


قلت لك على حضن السما الليله بغفي و بنام ..
وعلى حضنك انثر اوراق همي
جرحي الي بعدك
وفرحي يمك..
ولي حاولت ونسيتك..
اتعثر انا فيك..

كتبتك اليوم الف مرا
وكتبتك اليوم احلى قصه
مسحتك
ونسيتك
و طويت ذكراك
ابنساها
ارد امسك قلمي و اكتبلك..
استأذن انا من جروحي
من سهري و نوحي

اخطلك كلام عشاق
يمسح كلامي اخر رساله منك

مابين جروح
مابين هموم
مابين عواصفنا
ادوس على جرحي
وقلبي و كل الي صار
واقول على الحلوة و على المره
بظل انا بذكراك..وبذكرك

قلت لك حوالينك اليوم روحي تحوم
..

يا غايتي يا كل شي انتا بحياتي و دنيتي عندي كلام وايد ،
وايد كلام وايد كل العواطف فيه لا جيت اقول القى الظروف تمنعني لا اجيك

ودامي وصلتك ..عيل بغفي انا الليله بحضنك و بنام..بروحي
20/8/2008







Monday, August 18, 2008

يوميات زوجه تعيسه ...الجزء الثاني

يوميات زوجه تعيسه ..
هي يوميات لقصص بنات حلمن بالزواج كأي بنت تربت وكبرت في صحراء قاحله كبلدي جرعوها الامومه منذ الصغر.. علموها ان الحياه زوج و ابناء .. و ان المرأه هي فقط الانثى المتزوجه .. اما غير المتزوجه ماهي الا عاله على المجتمع.. زياده عدد فيه ..فأخذنا نحن الفتيات نسبق الزمن للزواج.. وخابت امالنا فيه .. واصبحنا بسببه زوجات تعيسات


تعيسه وسكران

انا تعيسه كنت موظفه في احد البنوك.. زوجي كان مراجع عندنا في البنك.. شافني و قرر الزواج مني بعد ماتردد علينا اكثر من مرا .. لي الحين اذكر تفاصيل معاملاته الي كنت انجزها له في البنك..حاليا عمري 36 سنه.. متزوجه من 8 سنوات .. زوجي من اقرب الناس لي و احب الناس لي .. زوجي انسان بسيط في كل شي .. سهل بعد في كل شي.. متسامح .. وطيب و عمره ماردلي طلب.. علمني اشلون اكون زوجه مناسبه له ..
كانت اول سنتين بحياتنا عباره عن شهر عسل ..
من الصعب جدا في هالدنيا ان تستمر السعاده او الراحه
حياتي ماكانت سعيده جدا بس كانت عاديه و هاديه لي لدرجه كبيره من الراحه..
بعد شهر العسل طلب زوجي مني ان استقيل من البنك و كان عذره ان مايبيني اشتغل صبح و عصر.. و فعلا قعدت في البيت.. كنت ساكنه مع حمولتي ولكن طلعنا بعد 4 سنوات وذلك لتعبي النفسي و حس زوجي ان هذا الشي بدا يأثر على نفسيتي..
بعد سنتين من الزواج .. بدأت القصه ..
كنا مسافرين انا وزوجي في رحله عمل له
كان بعد العشا ينزل تحت .. يقولي انه بشوف مبارات
تحت في اللوبي لان في وايد ريايل متيمعين..
كان الوضع عادي بالنسبه لي و لو انه كان اول مرا ..

رجع بعد المباراه .. استنكرت ريحته
عرفت انها ريحه البيره
بس طبعا سويت نفسي ما ادري
المرأه الي زوجها يشرب تعاني جدا من ريحته
معاناه كبيره .. ريحته لما يكون يمها
ريحته في فراشها وريحته لما يقوم من النوم معرق و جسمه متشبع
بالبيره او الواين...
هل فكر اي ريال قبل لا يشرب ان يخلي مرته تشرب حتى السكر وبعدين يشمها !!
احنا الحريم نأرف من ريحه المشروب و لا يلوم الرجل اي زوجه تكره فراش زوجها لما يكون شارب...

بدأ زوجي يكرر النزول لبار الهوتيل .. يوميا
و انا اسوي نفسي ما ادري ولا اعرف ولا احس
من داخلي كنت ألوم نفسي ..ليش زوجي بدا يشرب
وبديت اتعب نفسيا ..
شكيت في نفسي
شكيت في موضوع العيال
وتحول الموضوع الى تعاسه
رجعنا الكويت و صار كل همي مراجعه دكاتره النساء والولاده
واخذ علاجات مكثفه للحمل ..
ادويه الحمل و اضطراب الهرمونات و الاستمرار في المحاوله
شي يخلي اي مرا تنهار ...
كنت اتحاشى الزوارات و كنت اتحاشى سؤال خالتي المتكرر بموضوع الحمل..
وكان زوجي يقدر هالشي
الي يذبحني ان زوجي عمره ما فتح الموضوع وياي او حاول يجرح مشاعري
وبدا يشرب زوجي
اشياء وايد ممكن ان هذا المخلوق الطيب يقدر يخشها عني

حياتي مافيها مشاكل بيني وبينه
بالعكس انا محتويه جدا موضوع الشرب
ماعمري رضيت فيه يوم
ولكن انا على يقين ان هذا الانسان راح يتغير اليوم او باجر
ولكن اهم شي ان يكون زوجي في عيني احسن الرياييل
واني استمر في احترامه
واني اسوي نفسي ما ادري و اعطيه طابع ان احسن ريال بالدنيا

شي يعذب نفسيا
عدم حملي
حبي لزوج يشرب و ابي استمر في الحياه وياه وفي نفس الوقت اخاف من ربي

في يوم من الايام شفت زوجي داخل بكيس فيه كرتون على طول راح المكتب
ومن يومها زوجي بدا يقفل المكتب
عرفت ان في بطل في المكتب ..
سكت يوم
يومين
بعد اسبوع انفجرت
كنت في الفراش ابجي بكل انهيار
لان الدوره الشهريه يتني بعد انقطاع شهرين كان من الممكن يعطيني امل
ومن منظر البطل الي في المكتب ..
دخل زوجي علي ..شافني بمنطر عمره ماراح ينساه
اشلون ألمه وانا في قمه انهياري و اصرخ عليه وانا لامته
قووولي ليش انا ماعندي عيال
شوفني ..جاوبني
انا مو زينه ؟؟
انت رد علي
ربي شنو شايف مني الي ماعطاني عيال
انا كل يوم ادعي ربي في ولد واحد
يفرحني و يفرحك
كل الي تبيه اسويه
ماقاعد اسوي شي غلط بحياتي
احب اليهال و اموت عليهم اكثر من اي ام ثانيه
اشمعنا انا ماعندي عيال
شنو مسويه
ليش ما يستجاب دعائي
انت قولي ؟؟
انا و انت اسره مو زينه ؟
فيك شي؟؟
فيني شي ..؟؟
ليش محرومين
ليش احبك وتحبني وانت احسن الرياييل و محرومين ..
انت احسن ابو في هالدنيا لعيالي
احسن ابو صح؟؟
قولي صح؟؟
كانت اول واخر مرا انهار فيها جدام زوجي بسبب العيال
ووبخته ليش احنا محرومين بسبب شي معين ؟؟
فهم زوجي او حس اني ادري...
من يومها صرت اروح مكتبه اذا طلع و اشوف البطل اذا قل
او اذا مثل ما اهو عليه..
اسبوعين زوجي ما شرب فيهم بعد انهياري...
فانتهزت الفرصه و طلبت منه نروح العمره ..
بدون اي تردد وافق وحجزلي باسرع وقت ممكن
ورحنا العمره
اعتمرنا و خلصنا
بعدها وقفت ادعي عند الملتزم وكان زوجي واقف وراي بالظبط .
مسكني من جتوفي و يردد
""يالا يارب اشهدك اني راضي عنها دنيا واخره..
يارب انا ادري ان من احد اسباب دخول زوجتي الجنه هو رضاي عنها
اقرلك ياربي واشهد علي حرمك ..ان مرتي عمرها ماكدرتني يوم
ولا نومتني زعلان ولا قصرت بحقي..راضي عنها ياربي
راضي عنها.. فلاتردها من بيتك الا رافعها و مستجيب دعائها""

نرجع من العمره
وترجع حياتنا كما كانت
زوجي يتم زوجي
وبعد 8 سنوات حالي مثل ما اهو
انا مو تعيسه لان عندي مشاكل مع زوجي
والتعاسه ماتكون في زوج فيه عيوب غير قابله للاصلاح
ولكن التعاسه تكمن في الظروف المحيطه في هذا الزواج
ما راح اقص عليكم مثل الافلام و اقولكم حياتي تغيرت

حياتي مثل ما اهي
بعد 8 سنوات مازلت اعاني من زواج خالي من الابناء
متعب اجتماعيا في الكويت .. وزوجي مازال يشرب
ولكن الي يومكم هذا ما حاولت أأذي مشاعره ..
مو عشان اغطي عيوبي
ولكن لاني فعلا مابي اظغط عليه ..
مع الكبر
و المحاتات الشي الوحيد الي يسيطر علي ان مابي زوجي يستمر في الشرب
لاني اخاف عليه من الاخره..
واخاف على صحته
واخاف على كل شي بينا...
ولاني على يقين ان الصبر باب كل فرج