Monday, June 27, 2005

كلمات اعجبتني اقدمها لكم ...لعلها تعجبكم
لا افكر في نفسي بوصفي فتاه محرومه بائسهمن فتيات الجيتو ,,تفعل ماهو طيب
و انما افكر في نفسي بوصفي فتاه عرفت منذ بواكير حياتي انني كنت مسؤله عن نفسي وانه يتحتم علي ان افعل ما هو طيب
اوبرال ونفري...
لن انكسر و لن افقد ثقتي في نفسي رغم تحطم ما كنت اعتقد انه يقيني

ليوسيل كليفتنون

الطرق المؤديه لكسر القلوب كثيره و القصص غاصه بحكايات قبوب كسرها الحب لكن القلب يكون منكسرا فعلا اذا نزغت منه الحلم
بيرل بك
افضل طريق للخروج من مأزق ,,موجود داخلك
روبرت فروست

الحياه لحظات متواليات و ان تعيش كل لحظه منها يعني انك ناجح
كوريتا كنت

Sunday, June 26, 2005

بليز سر بيني و بينكم بدون فضايح

عندي طبع بايخ كل يوم اقول بسوي باجر ريجيم !!!
ما ادري متى ايي هاليوم ؟؟؟
المهم لما قاست لي وزني المدربه شافتني واصله 54 !!!!
بغيت ابجي وقررت اسوي فعلا ريجيم مثل الناس
كالعاده ابدى يوم السبت
بديت امس الساعه 7 الصبح ريجيمي
قلاصين ماي على الريج
دشيت الدوام جان اتذكر انه عندناا ريووق بمنااسبه زواج وحده وياانا
دبيييييييييته ريوووووق سويت نفسي ما ادري
و كل شوي ازيد في الصحن جني ما ادري و مو لي يعني
ههههههههه مالت على هالريجيم بسسسس
جان ارد البيت قلت لاااااااااااا دامي متريقه عدل ماله داعي غداا !!!
اشفيييييييييييييكم نسيتو اناا مسويه ريجيم ليش اتغدا !
رحت النادي
طلعت من النادي دقت علي شيوووووخه قالتلي تروحين المباركيه
طبعا المباركيه مكااااااااني المفضل و ماعندي احد يروح ويااي محد من رفيجاتي يعطيني ويه اذا قلت المباركيه
المهم اول ما دشيت المباركيه سيداا على السمبووسه الي في سوق الخضره
كيسي السمبووسه في ايدي ماعلي من احد هههههههههههه
خلصت شريت قمر دين
خلصت شريت خبز رقااق في البيض و الهيل
خلصت شريت برد لانه موووووووووت حر
هووووو اشفيكم تطالعوني جذي اقوولكم ريجيم !
هههههههههههه
ركبنا السياره
التفتت علي رفيجتي تقولي فطيييييم مو جنج اليوم المفروض ريجيم !!
قلت لها اي بس مو كل يووم الواحد يرووح المباركيه تبيني احرم نفسي !!!!!!!!
انشاء الله عاد يوم السبت اليااي بسوي ريجيم
تابعوووووووووني بليز و ازرووني في الريجيم

Thursday, June 23, 2005

التفنن في الفضاايح هل احنا في الكويت الديره الي تتفنن في الفضايح اووو كل العالم جذي !!!العاده نشوف فضايح ممثلين في المجلات و الجرايد فضايح رجال الاعمال في المجلات الاجنبيه و غيرهالكن في الكويت الوضع غير
اول ما بدت تنتشر ظاهره الخطب في المسجات استنكرناها و انا عن نفسي كنت ما احب انشرها بعد ما امي زفتني و قالتلي الرسول صلى الله عليه و سلم يقول اقضوا حوائجكم بالكتمان هذي خطبه ما تنتشر و تعودنا و صار عندنا مسج الخطبه شي عادي طبيعي
لكن الي صج يبط الجبد يايني مسج فلانه الفلاني خطبها فلان الفلاني .....ترا اهي الزوجه الرابعه و رفيجه بنته و متقدملها 3 مرات من قبل !!!!!انزين ليش القصه الي ويا المسج !!
فلانه الفلاني خطبها فلان الفلان ...طبعا اهي للحين ما طلعت من العده لانه زوجها لما درا انها تحب فلان قام و طلقها و اهي الحين بس تخلص من العده بتزوجون و ترا اهي الزوجه الثانيه و زوجته الاولى زعلانه في بيت اهلها على امل ان ما يتزوج !!!!!!الله و اكبر على الفضايح يالله يا ربي سترك و ستاار من خلقك هذي دعوه يدتي اقدمها لكم و يالله يا ربي لا تحطنا حجوه في حلووج الناس صج صج صج صج الوضع في الكويت ما ينسكت عليه

Tuesday, June 21, 2005

sex and the city

الي يضحكني في النااااااس انهم كل من يقص على الثاني و لا احد فيهم يرضى يقتنع في نفسه او يثق في رووحه هههههههههههههههه صج صج صج لما ييت اكتب مت من الضحكدقت علي رفيجتي تقولي شتسوين قلت لها توني راده و مجابله مسلسل قالت اي مسلسل ؟؟قلت لها سكس اند سيتي هاااااااااا!! شنووووووووووو سشمه وااااااااااااي ابيييييييه عيب اسمه يفشل اتشوووفينه جان اعدل قعدتي اقولها نعم نعم نعم عيووني شنو عيب شالتفاهات مسلسل اجتماعي واقعي يعرض مشكله اربع حريم كبار مع علاقتهم او مع الجنس الاخر بالصج و كل الي يقوولونه للاسف صصصصح و بعدين شنوو فيه بس عشان اسمه !!قلت لها لا تحكمين على شي ما شفتيه قالت و اهي تسااسرني منو تحبين فيهم اي شخصيه !!؟؟اقول بقلبي هذي الي توها اشهقت على الاسم و سوت روحها شريفه روما طلعت حافظتهم صمقلت لها احبهم كلهم قاااااالت لاااااااااا انا اموت في كاري !!كاري هذي بطله المسلسلقلت لها تعالي تعالي انتي الحين مو توج تقولين عيب و ما عيب شكووووووو تشوفين !!قالت لاااا عادي مسلسل كانو يحطوونه في الشوتايم و تابعته فظوول قلت لهاااا يوم انا شفته جريييمه و انتي لما تشوفين حلال صصصج كويتيه !!جان تنقز و تسال فلانه تشووووفه قلت اي فلانه و فلانه و فلانه كلنا عادي محد متخلف فينا الا انتي عشان تشوفينه بالخش و الدس جنج بااايقه والله هذي مشكله معظم بنات الكويت للاسف اول عشره دقايق تقعدين وياها تسوي لج مؤتمر خطابي عن الاخلاق و القيم و بعد شوي تصدع راسج في البلاوويو الاسراااااار يا ريت لو احد فينا يصارح نفسه و يقول للثاني شنو يحب و شنو ما يحب و لابد نعرف الفرق ما بين الصراحه و الوقااااااحه

Sunday, June 19, 2005

خوش وصفه للتبريد في هالحر

خووش علاج للظغووط النفسيه و الترويح عن النفس في هالحر طبعا لا يخفي على احد النفسيه التعباانه حق كل الكويتين في هالحرالواحد يفززززع من فير الله و اهو ميت من الحر ياخذ شاور حار يطلع تصنه الشمس على راسه ويرووح الدوام و اهو طااير و حراان و بيلحق على الدوام في هالزحمه على طاري الزحمه تلاحظوون ان الكويت الزحمه صاااااااايره فيها بشكل غير طبيعي ترا صكينا على مصر و اليابانالمهم نكمل سالفه الحر وين وصلنا اي روحتنا للدوام في الحرندش مكاااتبنا مالنا خلق نسلم يووووووووووووم حار جدا جدا جداما اطول عليكم اليوم هذي كانت حالتي بس لما خلصت من الدوام رحت دوره و بعد الدوره رحت اجتماع في مكتب طلعت من الاجتماااااااع صج صج حسيت بفجر في نفسي من الحرقلت شسوي طبعا انا عندي هوايه غريبه لما تكون لايعه جبدي و مضايقه انفس على عمري في شي واحد هووووووووس التشري صدقووني لما اي واحد فيكم يحس نفسه مو عارف اشفيه و ضايق خلقه خيرووح السووق او مكتبه او اي مكان يحب يشتري منه اغراضدشيت الصيدليه زخيتلي اغراض نصهم ما ابيهمرحت مركز تجميل شريت عطرين ما احتاجهم لان اصلا عندي وايد بس شرييييت حق اخووي بعدتبرعت اشتري كاجله الدواام و رحت المكتبه شريت مجلاتي المفضله هذي 100 دينار راحت على الفاضي بس ليش ما ادري يقولون حر و ضايق خلقيتعالوا نحسبها اذا كل اسبوع بسوي جذي مو جنه ارووح اسافر ابرك!!!شيللي حادني اسوي في عمري جذيبسسسسس صدقوني جربو طريقتي الشووبينج احلى وسيله للترفيه و الا انتو اشرايكم *****************************كلكم سالتوني و تبون تعرفون شيلي صار فيني هذيج المرا لما شفت زميليطبعا انا ما نطرت لين اشووفه من صبحت الصبح دزيت مسسسج و قلت سوري يعني يا فلان ان جانك ظنيت فيني حسن الظن و قلت هالمسج مو لك ! لاااا انا ابشررك ترا لك و كاني بعتذرعذر اقبح من ذمب و لما كلمته وقالي عادي لا تحطين في بالج انا مو من حقي اتدخل في كلام ما عني قلتيه حق غيري هذا رايج الشخصي و انتي حره !!فششششششششششششلني هزءءءءءءءءءء فيني المهم الحين انا قاعده اسوي نفسي عادي بسسسسسس رفيجاتي يقولون المفرووض ما تعتذرين تسوين و لا تتكلمين و تسكتين بس انا ماا اعبر

Wednesday, June 15, 2005

موقف محرج

مساكم الله بالخير
شقووووول شحجي !! عسى الله لا يحط احد في الموقف الي انا انحطيت فيه !! تخيلووو الموقف ويااي و شوفوا شنو صار فيني
الموقف كالتالي :
اتصل فيني زميلي .. حلو هذا شي عادي ! الي مو عادي في السالفه ان بعد ما سكر التلفون مني
قمت حضرتي كتبت مسج كاامله ما بقى حش ما حشيت فيه ما بقى شي ما قلت عنه
جان ادزها في الغلط حقه اهووووو الشخص الي حشييت فيه بدال ما ادزه لرفيجتي !!!!!!
كان يوووووووووووووووووووم اغبر و منيل على قوله المصرين
سكرت جهازي من الخرعه فتحته بعد شوي لقيته داق
الحين مالي ويه شقوووووووووووووووووول شحجي شرقع
رفييجتي ما قصرت خففت عني وقتها بسسسسسس هم ما يترقع
الله لا يحطكم في موقفي انج تحشين و تشرشحين شخص و اتطرشين المسج له اهووو !! بدال ما تطرشينها لاحد ثاني
موووووووووقف مخزي

Monday, June 13, 2005

اوبرا و د.فوزيه الدريع

صبحكم الله بالخير ..بصراحه و انا كنت اقرا بلوج الاخت استكاانه عجبني وايد عن موضوع الزواج و بعدها يتني مسج من وحده تقولي لا تنسين تشوفين حلقه اوبرا اليوم قمت كالعاده اسوي فورورد لباجي البنات و من صار الساعه 9 و انا مجابله التلفزيون و بكل حمااس ناديت امي و مرت اخوي قلت لهم تعالو شوفوا وياي حلقه اوبرا كانت تتكلم عن موضوع مدى تأثر الحياه الزوجيه و بالاخص الجنسيه بعد الابنااء و بصراحه بطو جبدي لان كل وحده فيهم امصخ من الثانيه شنو يعني لما وحده تقول انا اجب زوجي اكثر من ابنائي ! اي شي المهم هذي وجهه نظر و لازم احترمها لا و الي تقوول انا من انجبت المره الاخيره و انا ما اذكر متى مارست الحب مع زوجي انا احس ان الابناء شي و الزوج شي كل حب مختلف عن الثاني حب المرأه لبيتها و ابنائها غير حب عطااء و انتماء لكن حب زوجها لها و حبه له مشاعر رجل مع امرأه له طبيعه خاصه فالمفرووض على كل مرأه الاتي :تحب نفسها اولا عشان تقدر تعطي زوجها و بيتها و ابنائها المرأه تحتوي ابنائها و زوجها يحتويها اهي و ابنائها هذا الصح , وبعدها مسكت الريموت و غيرت المحطه و الا ششوووووووووف !! الدكتوره فوزيه دريع تتكلم عن الحب و الجنس و كلاااام علمي و بطرح تحس معاه انها تحترم عقولنا و تحترم نفسها اكثرو الي لفت نظري انها تقول اروع شي في زوجي ان كل يوم بالليل قبل لا انام اغسل اريووله و هذا اهم شي عندي الي يسعدني شووفو سبحان الله و قدرته ان سخر المرأه انها تكون ام وزوجه في نفس الوقت تعطي الطرفين و لا تنتظر تاخذ من احد شي بصراحه انا وايد عجبني كلامها بس امي حست اني راح استرسل في عالم الخيال جان تقووول ((ويييييييييه لوكويتي ما قالت عنه جذي ماكوووو كويتي يستااهل الرياايل ما ينعطون ويه))المهم قبل لا ياخذنا الوقت احب اركز على نقطه وحده الي تدور عن الحب عليها اول شي تعرف شلون تحب ذاتها و ترفع من قدر نفسها عشان تعلم الناس شلون تحبها صح فكاان يوومي كله عن الحب و الزواج يالله يا رب يسعد كل متزوجين وويوفقهم و يرزق الي مو متزوجات الرجل الصالح

ana waydd o2men fe al7ads o alsiiign

awal shay saba7kom alah fe alward .. ams 9ar ley shay wayd ghareb .. tanajart al3a9er 3alla shaghlal with my brother gabel la a6la3 ... kanat 6al3ety sej sej ta3essa sawaina 7adeth base6 ... o ba3ad al7adeth beshway 9ar mawqeff yekhare3 ely ana ma9domma o refjty matat khar3a wa7daa kuwaitya mn fa9ellat alkowawlla 9rakht 3alinan hahahahahha enzeeeeeeeeiaaaaaannnnnn hathy kilma o 9arkha ma ra7 ansahha ... meshkilla walla al7arem ely yesogon fe alkuwait ... kil wa7dda 3abalha ga3da tesog fe share3 obhha !
o gabel la anhhe a7eb ashker kuwaity man elly 3a6any khosh mo7afezz ams .. thanks wayd bs la teth7ak 3alay etha gel lik ana ma a3ref astakhdam o asay search 7ag new ppl o chethy ana a7es eny ehny broo7ey coz ma 3ref lel7en astakhdemma 3adel ...
o a7eb abarekk Dr ma39ooma mubarek ely dashat altareekH sej ,, enshalla alah ya36eha al3afyya..... Have anice day 4 all

Sunday, June 12, 2005

hatha yomy alawal

atemanna menkom etsharkooney o tegolly rayem fe ha shay
7yaaaaakom alah weyyay fe awwal Yoom le :)
o enshalla benkon khoosh groub aham shay la tabkhlon 3alay fe rayek