Monday, June 13, 2005

اوبرا و د.فوزيه الدريع

صبحكم الله بالخير ..بصراحه و انا كنت اقرا بلوج الاخت استكاانه عجبني وايد عن موضوع الزواج و بعدها يتني مسج من وحده تقولي لا تنسين تشوفين حلقه اوبرا اليوم قمت كالعاده اسوي فورورد لباجي البنات و من صار الساعه 9 و انا مجابله التلفزيون و بكل حمااس ناديت امي و مرت اخوي قلت لهم تعالو شوفوا وياي حلقه اوبرا كانت تتكلم عن موضوع مدى تأثر الحياه الزوجيه و بالاخص الجنسيه بعد الابنااء و بصراحه بطو جبدي لان كل وحده فيهم امصخ من الثانيه شنو يعني لما وحده تقول انا اجب زوجي اكثر من ابنائي ! اي شي المهم هذي وجهه نظر و لازم احترمها لا و الي تقوول انا من انجبت المره الاخيره و انا ما اذكر متى مارست الحب مع زوجي انا احس ان الابناء شي و الزوج شي كل حب مختلف عن الثاني حب المرأه لبيتها و ابنائها غير حب عطااء و انتماء لكن حب زوجها لها و حبه له مشاعر رجل مع امرأه له طبيعه خاصه فالمفرووض على كل مرأه الاتي :تحب نفسها اولا عشان تقدر تعطي زوجها و بيتها و ابنائها المرأه تحتوي ابنائها و زوجها يحتويها اهي و ابنائها هذا الصح , وبعدها مسكت الريموت و غيرت المحطه و الا ششوووووووووف !! الدكتوره فوزيه دريع تتكلم عن الحب و الجنس و كلاااام علمي و بطرح تحس معاه انها تحترم عقولنا و تحترم نفسها اكثرو الي لفت نظري انها تقول اروع شي في زوجي ان كل يوم بالليل قبل لا انام اغسل اريووله و هذا اهم شي عندي الي يسعدني شووفو سبحان الله و قدرته ان سخر المرأه انها تكون ام وزوجه في نفس الوقت تعطي الطرفين و لا تنتظر تاخذ من احد شي بصراحه انا وايد عجبني كلامها بس امي حست اني راح استرسل في عالم الخيال جان تقووول ((ويييييييييه لوكويتي ما قالت عنه جذي ماكوووو كويتي يستااهل الرياايل ما ينعطون ويه))المهم قبل لا ياخذنا الوقت احب اركز على نقطه وحده الي تدور عن الحب عليها اول شي تعرف شلون تحب ذاتها و ترفع من قدر نفسها عشان تعلم الناس شلون تحبها صح فكاان يوومي كله عن الحب و الزواج يالله يا رب يسعد كل متزوجين وويوفقهم و يرزق الي مو متزوجات الرجل الصالح

8 comments:

EsTeKaNa said...

ما تتخيلين شكثر استانست انج مريتي بلوقي وعجبج الموضوع:)
حياج الله نورتي المكان
الحجي بالحب وهالسوالف وايد ،أكبر غلط مقارنة مجتمع امريكا بانفتاحه بمجتمعنا الاسلامي الشرقي...الحمدلله على نعمة الدين ،بالاسلام كل زوجة تدري انه هالزواج جنتها ونارا ،واذا نام يوم مو راضي عنها ما شمت ريح الجنه
تخيلي لو كل واحدة فكرت صح وبهالطريقة شكثر بيدللون الريايل:))
ومساكين الكويتين كله طابين فيهم:)
الله يحفظ لج الوالدة ويرزق الجميع

EsTeKaNa said...

على فكرة في واحدة بلوقها نفس بلوقج وانا داير راسي !!
امس مسولفه وياج وقايله لي زعفرانج خنين !!
واخزيااااااه ستري على ما وايهتي يا اخيتي:)

Babby said...

Nice post !!

bs ana eb9ara7a ma ya3jebny kalam DR.fozeya el edree3 ma3a e7teramaty !! o0 9aja omich yoom 3alegat !! :)) a7es dr.fozeya ta36y 7elol men wa7y el khayal !! ya ena chethy aw enha 3AYSHA eb kawkab thany kharij 3an mojtama3na el kuwaity ;)

elmohem .. gawach allah 3ala hal maw'6oo3 .. :)) ya36eech el 3afya .. o0 salmay 3ala el walda ;)

lawyer said...

thanks dolphy magaga9rty :)
enshalla yo9aaaaal
eee sa7 fe wayd nas ma et7eb aldr fozyya ana wayd a3ref nas nafs tawajohech

thanks estekanna mnawarra:)

Babby said...

u're welcome .. :) bs Nice post :)

o0 keep ur work Up ;)

Hopeless Poet said...

Is there any woman who washes her husband's feet nowadays? :O
As for me I would prefer a massage :PP

qalm-jaf said...

ذبحتنا فوزيه الدريع
خاوينى واخاويج واخذ ريلج وخليج
وبالنسبه لى بعض البنات قبل ما تتزوج تقول والله لغسل اقدام زوجى بس بعد الزواج تقوله مقدر ادلاغاتك معفنه!!!؟
للأسف الطرفين بأسم الحب يبون ياخذون بس مايعطون
الله يرزقكم ويرزقنا

مساعد said...

أوبرا تطرح الموضوع أكثر من المعالجة .. و فوزية الدريع أحس إن كلامها يفتقر إلى العلم و هذي وجهة النظر الشخصية :)