Wednesday, July 27, 2005

راجعه من بيت يدتي متأخر
الساعه 10ونص
اشوف و الاااا طباخنا واقف يراقب يطلطل
شافني قب
قلت في قلبي هووووووو هذا اشعنده ...شكيت فيه و تعوذت من بليس!!
دخلت البيت من الباب الجانبي و الا الخدامه فاجه دريشه دارهاااا ومسكره اليتات !!!
اطق الباب ابي تفتحلي كسرت الباب تكسر اطلعتلي مفصخه في شلحتها !!
وفاله الشعر و متحمره !!!!!!!!!!!!!!!!
صرخت عليها صراخ اشلون تطلع مفصخه !! فرضا لو واحد من اخواني بتطلع جذي !!تفتح له الباااااااب
ما قدرت تقول ولا كلمه
و انا ازفها ألقي نطره سريعه على غرفتها شفت راس ريال تحت الفراش !!
مت من الخوف دخلت بيتنا بسرعه ما قدرت اواجه موقف الريال الي تحت الفراش يمكن اكون جبانه بس خفت منها اخاف يسويلي شي
بسرعه دشيت بيتنا دقيت على اخوي قلت له تعال على ما يا اهو ورفيجه الا الطباااااااااخ قب دراه !!
طبعا انا في البيت بروحي
اهلي مسافرين
اخوي الكبير ويا زوجته مسافرين !!!
و انا حاليا اكتب لكم و انا ميته من الخرعه والله ماني عارفه اتصرف

ما بي اخرع اخواني اكثر
بنطر لي الصبح و اشوف شيصير
و شنو الحل يمكن احط كاميرا
بس مسأله اني ازف طباخنا و جذي و اقوله مستحيل
طالما ان ماكو ريال في البيت
و فريجنا كلا هنوووود و اخاف هالرياييل يسون فيني شي لا عيوني
يقولوون خوافه و لا يقولون الله يرحمها
والله ماني عارفه شسوي في عمري اخر شي بخلي الخدم في البيت و انا بنام في المخفر امااااااان اكثر من بيتنا!!

19 comments:

esTeKaNa said...

اسم الله عليج
والله انا اقرا اخترعت
انيت ليش قاعده بلبيت بروحج؟
اخذي الخدامه وروحي بيت يدتج اشلون تقعدين بالبيت بروحج الله خير حافظ
قولي حق اخوج وخدامتكم يبيلها زفه معتبره حرتني اهي واللي عندها
:(
انتي اهم شي تحرصي على روحج

Blossom said...

Salamt dear ...Sorry to hear that ...you better take care it is unsafe !

I think your brother should handle this kind of issue , you can not do it your self !


Good luck

Inssan said...

ههههم لاحول ولا قوة الا بالله.الله يعينكم يالوير السالفه ماينسكت عليها. الخادمه والطباخ مالهم قعده بالبيت الي عندهم هالجرأة ولا يخافون ؟؟؟ بيساون بالوه اكبر ديري بالج والي يابهم اييب غيرهم لا بارك الله فيهم من خدم والحافظ الله ماعليج شر انشاء الله يا لوير

cosimfree911 said...

walaa al5adam moshkelaaa walaa mawarahom elaa almashakel
bs almoshkelaa alkel me3temd 3alihom mategdr testagnee 3anhom

bs walaa e5thy balch menhom gooly 7ag o5ooch elly 9ar 5aleah ya6redhom hathool mamenhom faydaa

yalaa be safe oo take care

7amee elDyar said...

الله يعينج صراحه

بس ترى فيه شركات توفر امن وسلامة

ويشتغلون بالساعة

او مادام حضرتج بروحج بالبيت والكل مسافر

ونشرتي هالمشكلة بالبلوغ

فممكن تطلبين خدمة الحراسة والامن والسلامة من اصحاب المدونات


واتوقع الشباب هني ماعندهم اي مشكله يسوون الخدمة ببلاش

واذا تبين بالساعة او بالليله







بس حطي وين بالضبط تبين مواقع الحراسة واهم ما يقصرون

ولاّدة سابقاً ... رانيا السعد ...رانية المنيفي حسب الأوراق الرسمية said...

الله يعينكم على بلاوي الخدم

وخطاكم السو

lawyer said...

استكانه
شكرا عمري على مشاعرج الطيبه بس ما اقدر اهيت بيتنا
اخذ الخدامه و اروح ما اقدر و اهي ام البلاوي
بقعد في البيت و بقفل علي لين يرد اخوي الكبير من السفر
البلوه ان هذي الخدامه يديده توها صارلها شهر
بس الطباخ صارله 7 سنين !!!


blossom
الله يسلمج
اكيد انا ماراح اقدر و الا جان ماشفتيني
البلوه لو ادق على الشرطه ماكو جرم مشهود ما اقدر ادق على الشرطه و اتصرف لمجرد اني حسيت ان واحد موجود و ان اني شفت طرف راسه
المفروض لو وقتها متصله


انسان بسيط
اكيد ما ينسكت عنها

كوزي
اكيد من اول ما تتصل امي بقولها انشاء الله
بس البلوه جهازهم مغلق ما يفتحونه كلش
!!

حامي الديار

طول عمرهم الكويتين سنعين و طيبين و قلوبهم على بعض
و اشكرك على مشاعرك
و حرصك
بس توني ادري انك تشتغل حارس
على العموم اشدعوه ما احتاجك بودي جارد لا تخاف

سعد
والله تدري شنو الي خرعني !! صورتك
اي والله كاني صبحت و ناطره المشكله ماكو احد في البيت
و هذا الي بسويه
اتصلت في اخوي الكبير و قلت له
قالي لا تتصرفين ما تدرين شنو الي اييج
راح يرجع في اقرب وقت و يتصرف
انشاء الله

ولاده
واااااااااااااااااااي سكتي هالخدم هم
مالت عليهم من الفراغ ماكو شغل
لا شغله و لا مشغله
24 ساعه يا خامدين يا ياككلون يا مجابلين الافلام
!!!!!!!!!!!!

ii said...

يا حبيبتي الله يعينك
وش مقعدك بالبيت لحالك يختي روحي عند جدتك او احد اخوانك المتزوجين

هذي اكيد بتخاف انك تعلمين عليها وبتتفق عليك
والله ما اقول هالحكي عشان اهخوفك بس من جد خايفه عليك وتذكري ان هالجنس نذل

تصرفي لا تسكتين

Anonymous said...

أنا لو مو داش المدونة متأخر جان ييت مع أغراضي و قشي للتلقينه درس قاسي .. المهم قلتي حق أخوج ولا لأ ؟ و إذا لأ قوووليله و أهو بيوريه الشغل

lawyer said...

هلا و غلا نوره
ما اقدر اهيت البيت لها اهي و الطباخ و الصبي و الشغاله الثانيه
اخذ اخوي و اروح لجدتي شسوي
!!
ما اقدر اخلي البيت لهم لمجرد اني خايفه منهم
شغله ثانيه جدتي البيت الي جمبنا اهي و خوالي
انا مو خايفه
بس انا فيني خرعه للي صار و انا لحالي ماعرفت اتصرف الطباخ و الشغاله مو بأسمي كان خذيتهم المخفر بس انا مش كفيلتهم

مساعد

اخوي الي في السفر بلغته و قالي اذا رجع بتصرف و راح يرجع في اقرب وقت ممكن

كويت
اي انشاء الله مقفله لا تخافين كل الدور مقفله ما تتأمن هذي
بعدين انشاء الله يرجع اخوي و يزتها المكتب

BaderQ8 said...

الله يعينج
بس الافضل تروحين حق اي واحد من اهلج وتسكنين وياهم ... أو تاخذين الطباخ والخدامة تقطينهم عند احد من اهلج افضل مايكونون بالبيت .. خاصة وانتي موموجودة

qalm-jaf said...

عزيزتى هذى وجهت نظر من باب اخر
اتمنى ما تزعلين منها
اذا انتى مؤمنه بالحب ممكن تزوجينهم وتنتهى المشكله
خلينا نشوف المشكه بتعمق هذى شغلات الله خلقها فينا وهى الغريزه
يعنى رجل وامرأه من نفس الجنسيه ومن نفس المستوى فى بيت واحد اكيد راح يدخل الشيطان بينهم
بس اهم شى ما تنسين
قطع الاعناق ولا قطع الارزاق
يعنى تودينها حق بيت ثانى احسن من التسفير
وانتى كيفك
وبالنسبه لكى لا تبينين انكى خايفه
ولا تناقشين معاهم بروحك اذا تبين تتناقشين وياهم تناقشى وانتى راكبه السياره علشان تقدرين تنحاشين
(:

lawyer said...

بدر الكويت
نورت .. بس مثل ما قلت لك انا و خوالي و يدتي كلنا في فريج واحد ساكنين يم بعض فصرت طول النهار عند يدتي و اذا صار بالليل ارجع .. و رفيجتي خذت طباخنا عندها قالت عندهم طباخ يديد و سوينا فيلم انه يعلمه الطبخ


ليتل انجل
مووووووو بس زفه هذي يبيلها مخفر اي ضابط يصنها طراقات تبرد حرتي


قلم جاف
انا للحين ما كلمتهم و لا فتحت حلجي سويت نفسي ما شفت شي
بعدين اي غريزه !!!!
اهو متزوج و عنده عيال و اهي متزوجه و عندها كوكش يهال

ازوجهم اشلون بالله !!!
صدقني لو اهما عاقلين جان من الاساس فكروا في الزواج مو انا اقولهم
بس هذوووووووووول حيوانات عزكم الله

qalm-jaf said...

عزيزتى
صيح الانسان عندما يصبح تفكيره فى الغريزه يصبح حيوان اعزكم الله
ليس فقط الخدم
كل انسان وانسانه
لا تبينين انك خايفه امامهم
ديري بالك على نفسك
والله يستر عيلج
(:

lawyer said...

وايد اشكرك قلم جاف صح كلامك
مو بس الخدم حتى كل البشر و احنا بعد كلنا عندنا غرايز و لكن و لله الحمد نشغل نفسنا 24 ساعه عشان من نقط راسنا على المخده ما نفكر في شي الا النوووووم
و بيني و بينك كل يوم اقوم من النوم احمد ربي اني للحين مو متزوجه لاني اقوم متأخره للدوام مالي خلق ريال يطرشني من الصبح
او مالي خلق واحد يعلق على خلاقيني من الصبح لاني انام في بجاما مرقعه
الحمدلله على نعمه الاسلام و العقل

lawyer said...

mido
wellcome :)
eeeeeeeeeeeeeeeeeeeeeeee enshallaaaaaaaaaaaaa bs eskket msawyya 3alihha 7a9er
sejeeeeen sejjjjjjjjjn

Ra-1 said...

اتصلي على الشرطة !

Nooni said...

ليش خايفة روحي لها غرفتها و ابيدج الكاميرا صوريهم و قثلي عليها الباب و قفلي بيبان البيت كلهم عشان محد يدش ودقي على الشرطه ايون ياخذونها زززبس خوفج تحمل و عاد اتصير مشكله

غريب said...

قلم جاف دايم سابقني بالراي , كل مافكر بحل الاقي القلم سابقني , اهنيك عزيزي علي هالسرعه , وانه اشوف الموضوع من زاويه عاطفيه شنو المشكله , اذا يمارسون الجنس بس محد يدري عنهم ,كيفم موبشر هذوله , وماعجبني تعليق الناس وايد عدواني , الي يبي اسفر والي يبي اطق ليش , القطوه اذي شفناها تمارس الجنس قعدنا انراقبها , وهذولي نمسحهم ونعاملهم مثل الخرفان الاستراليه , ازالت اعضائهم التناسليه افضل عشان ما نزعل احد ,