Friday, July 01, 2005

حجاب براشوت وتسريحه القطوو

امس و انا طالعه رايحه النادي ... مريت الصاله و الا اخوي الصغير
فطووم وين بتروحين ... قلت له بروح النادي قلت له ليش ودك نرووح مكان قالي كيفج
قلت خلاص ارجع من النادي اسبح و نطلع
طلعت ويااه قالي يبي كسارات حق لعب الكره
من مركز سلطاان شوق شرق .. اول ما دشينا سووق شرق قالي شووفي انتي تسوقي اهني في دبنهامز على ما انا اييب اغراضي
حسيت اخوي مستحي اتمشى وياه لي الرياضي ..
قلت تدري شلون انا بروح هاجن داز اقعد هناك ويا مجلاتي اذا خلصت تعالي ... و انا في الطريج بين دبنهامز و هاجن دز اشلووف بنات غريبه اشكالهم !!!!!!!!!

ياربي هذولا كويتيات ادري بتقولون انا قديمه على هالموضوع بس المسخره في اللبس الي قاعد تصير شي مو طبيعي
اطاالع الشباب كل واحد جنه عاافر في راسه قطوو
شاابين جراقي في قفته !!!!
اشووف البنات و كل وحده لابسه قميص نووم تحته بدي و لابسه جينز وحجااااااب !!! متفووخ جنه براشووت!!

انزين ابي افهم ليش هالبييي دوول الي تلبسوونه و تحته بدي و هالجينزاات يا ربي متحجباات
اشفيهااااااااااااا التنوره و القميص و المرتب
اخر مرا طلعت ويا رفيجتي دلال قلت لها لحقي انا و انتي غير لابسين تناننير و قمصاان تقول الظااهر احنا موضه قديمه
قعدت في القهواا طلبت ايس كريم .. شوي و الا اخوي يايني فطيييييييييييييييييييييييم بنات الكويت ما ورااهم اهل صح !!!
قلت له اشفيك بعد اشصااير !
قال بنات لاحقين شبااب والله شفتهم
قلت وييه هذا شي قديم عادي عادي
صج صج صج هالزمن يخرع شنووووووووووو اكثر بصير بعد
المهم طلعنا رحنا تعشيناااااااا في شيليز
ششووووووف شحجي !!!
شبعت ملابس دااخليه شبببببعت جميع الالواان !!
لما طلعت من العشا قلت في قلبي الله يحللج يا يما لولوه ياللي كل خميس ميمعتناااا و ساتره عليناااااااا في هالزواره
و لا خليتنا نشوف هالبلااوي
بس امس يدتي معزومه عشان جذي طلعت يوم الخميس

بسسسسسسسس الي باط جبدي بناتنا صارو ريااييل و رياايلنا بناات
اقوول حق اخوي ترا انا بغاازل يضحك قلت له شفت الجنوس الي هناك برقمهم
هههههههههههههههههههههههههههههههههه متنا من الضحك
قال يخافون منج شكلج يطق
هههههههههههه بس والله يا ناس قولولي لي متى هالحال
شنوووووووو بيصير لناا
شيلي خلانا جذي
بناتنا مفاصيخ و عادي
شبابنا جنوس و عادي
شياابنا كل ويك اند حفلات كابلز وعادي
يوم اليمعه كل من طاق يخته و طراادهه و تارسه بنات و نقول عادي
لي متى ؟؟؟؟؟
والي يحر اذا ياا الواحد يخطب يبي بنت سنعه
حسبي الله على بليسكم يينتوو البناات
موعارفين امس شيسوون في نفسهم
كل وحده ودهااااااااااااااااا تقوول يا ناس حبوني رقمووني
و الشباااب يقولون نفس الكلام ان البنات اهم الي يتحرشون و اهم الي
يحرضوونهم
طيب منووووو المفروض الي ينلام و شنو الحل ؟؟؟؟

23 comments:

Anonymous said...

والله يعطيج العافيه على هالحجي السنع جان زين اهي وقفت على حجاب براشوت وتسريحه القطوو الله يسلمج ما شفتي مشروع الربيان موظه يديده حجاب وهدوم ظيجه ظيج الله حظهم الوحده اتمشى جنها ربيانه حتا سرها ابين يامال سرهم البط بس ما اقول يالله حسن الخاتمه

lawyer said...

هههههههههههههههههههههههههههههههههههههههههههههه يا مال سرهم البط هههههههه اي والله يالله حسن الخاتمه

Purgatory said...

eshloon your young brother calls you fa6oom?

Why did you go to Chillis?

lawyer said...

HHHHHHHHHHHHHHHHHhhhhhhhh
eee hatha daloo3ty 3eeen alsee7 yegool ely yegolla
o chilis re7t laaah 3ashan ana abase6 fe Dvds 3end babhom :P

Purgatory said...

I see, but still you could have found a better place judging by all your complaining.

lawyer said...

اشقصدك مثلا !!!! انا عيوز ماكلين عشاها !!!

Purgatory said...

so you complain and you know what you will see when you go to those places, so why go?

Expatriate said...

كلمتين بصراحة كلمات حق في هالمقالة

الأولى

بنات الكويت ما ورااهم اهل صح


الثانية

الي باط جبدي بناتنا صارو ريااييل و رياايلنا بناات



إجابة سؤالج الأخير :
ننلوم كل شخص مو عارف شلون يربّي نفسه ، سواء كان بنت أو ولد

lawyer said...

اول شي صباح الورد عشان بعض الناس ما يقول قايمه تتهاوش وياي
ههههههههه
برجاتوري :
شووف مهما كان الغلط منتشر هذا ما يعني ان احنا نحرم نفسنا اي مطعن انا مقتنعه في اكله لذيذ و يعجبني و بروح له و اذا شفت شي غلط انكره على الاقل في عيني
بس والله صج كلامي روح شوف اشكال الناس

expatraite:

اي والله اسكت انا طاقتني البوهه اصلا

Purgatory said...

adree kalamech sa7, its a circus, and for Chillis, I stopped eating at those places after I finished college, had enough of that, so why eat again the same buffalo wings and useless junk we used to eat there.

Go to abu 7leefa next time, could be a bit better.

GunStreetGirl said...

Your written language is more than beautiful; it is a timeless calm in the midst of chaos.

I can only gaze upon the posting as one views a classical painting; yet without clues to its meaning.

I had a dear and lovely friend from Kuwait, Akram was his first name. Though, I have not seen him in over ten years, to think of him is to lift the veil from darkness to expose the light.

Am interested in the formation of a Palestinian State. Would appreciate any Middle Eastern / Arab Sites sent to me.

Thnx.

Ra-1 said...

خوش بوست
:)

7amee elDyar said...

مادي شقصدج بتسريحة القطو

بس اذا قصدج هالكشه اللي الشعر يتهاوش مع نفسه

ومنفوخ لفووق

صراحه شي يبط الجبد

انا سمعت ان هالقصة ما يبي لها شي

مجرد ان الواحد فيهم يطول شعره وما يغسله

اي شي

قلنا قصات وطلعات وتكشخ وفلتات

بس يا ناس شوية ذوق على الأقل

esTeKaNa said...

مظلوووووووووم يا حجاب!!!
بناتنا صايرين يفشلون
هذيلة ما في عندهم بالبيت حكومة؟
ما عندهم يدة وام قرصتهم وخزززت فيهم؟...اللي يعافي خزة الماما اللي تخليج تتراعدين بس علمتنا العيب والصح والغلط

واخزياه بس شي يضيق الخلق

منو ينلام؟
الاهل طبعا!

الحل؟
ان الله لا يغير ما في قوم حتى يغيروا ما في أنفسهم...لازم اهم يحسون بالمصيبة اللي قاعدين يعيشون فيها والضياع عشان يبدون يتغيرون
اهم شي ...الدين
الدين يخلي اهو اللي يربي ويغير
جم بنت نعرفهم كانو كلش ولما تلتزم تصير قدوة بالسنع والاخلاق
وريايل من دلو المسيد تسنعو وافتهموا
هذاالمفروض ولكل قاعده شواذ:)

عسى الله يخلي ماما لولوة ولا يغير علينا زوارة الويك اند احسن من لويه هالمجمعات:)

ClOuDs said...

واي بردتي قلبي

كل ما أطلع و أروح اي مكان حتى الجمعية احس إن أنا الغلط و الناس صح من كثر ما انتشرت هالموضه العجيبة الغريبة و هاللبس اللي يتكون من عشرتعش ألف قطعه!! و طبعاً الحجاب الحين صار بس يغطي الشعر يعني بس من فوق بس تحت لبسي اللي تبين قميص نوم.. بيجاما.. ستريتش.. أي شي كيفج بس المهم شعرج مو طالع و لا تنسين بعد إطلعيت التراشي و لبسي كبار عشان يبينون من بعيد و بعد لا تنسين رقبتج لازم تطلع ( مادري شنو الشي الحلو اللي في الرقبة عشان يطلعونها) و ترى اذا تبين تلبسين بنطلون ثري كوارتر عادي مسموح و الفل ميك أب بعد ضروري لا تنسينه
!!!!

الله يستر علينا و على بنات المسلمين و الله لا يبلينا و الله يهديهم ان شا الله و مشكورة على البوست اللي يبرد القلب

:)

lawyer said...

برجاتوري :
انت شاااااايب ما تروح انا توني في ريعان شباابي ;)

satirah
u more than welcome ill do my best to give u alot of arabic sites.

را :
شكراااااااا عمري :)

حامي الديار :
اي هذي التسريحه الي اتكلم عنهاااااااا اتيييب الماحي ظيم ظيم

استكانه :
اميييييين يا رب
اي والله ما خلو شي ابد

كلاود:
اييييييييييييي اما التراجي ظيم ظيم تقولين سيديااااات في اذوونهم مو تراجي كل وحده اكبر من الثانيه

Hopeless Poet said...

LOOOL!!
Yeah I saw the "Tarachy" thing getting out of the 7ejab and it looks stupid!!

غسان said...

لوووير! كلامج للأسف مو صحيح
لأنج ماتكلمتي عن كل الموجودين.

تكلمي الله ايحفظج عن البنت إلى حاطة عباتها فوق راسها، وبخجلها تكسر عين "أقدعها" شنب.
تكلمي عن الصبي السنع الشقردي إلى مايمشي إلا وعينه بالقاع، وإذا لقى بنت سيارتها واقفه وحتى قبل لاتنخيه تلقينه مساعدها، مايبي منها شي ولابيعطيها مجال عشان تاخذ منه شي!

أنا واثق أنج شفتي النمونة إلى أنا قلت عنها بسوق شرق وغيره، بس للأسف ماقمنا نتكلم عنها، وقمنا نشك بروحنا لدرجة اعتبار كل الكويتيين قاصين قصة الديج، ولا جنس ثالث، أو بنات صيع، وهالشى مو صحيح.

lawyer said...

اي هوبلس سيديات عدله

غسان صح كلامك فعلا اهم مثل مشرف ... و لانهم ما عليهم شي عشان جذي الواحد ما يقدر يتكلم بحقهم
و ملاحظه جدا مفيده لي
اي والله لازم ما اتجااهل ابد الوجهه المشرف لشباب و شابات الكويت

Anonymous said...

walla ya jema3a.. ana agool lazim etkon fe 7oreya shakh9ya ya3ni kil wa7id 7or.. enshal talbis 7jab mo mako shay ta7at.. bs aham shay enha ma et3ada 3ala ghairha.. wala bo kisha ela nafesh gofeta yet3ada 3ala ghaira bedon wajh 7aq.. 3aibna mo eb lebsna wala 7flatna.. el moda ma feeha shay.. 3eebna akhlaq makoooooo... deen bs esim.. esim mosleemeen.. o shawahna el islam eb ta9arofatna.. yakhi la etgol ent moslem went jebla ma tadry.. nabi 7oreya be7teram.. laish kel shay khash o das? kel wa7id ya3len ehwa sheno live and let live.. bs be7teram.. laish lazim 3ashra ele7gon el wa7da wehi tetsawag? laish lazim tesma3 kalam eqith.. laish el khaz? laish el 7ash.. o el mathaher. ya kuwaitieen 7isaaaaaaaaw 7isaaaaaaaaaw demartaw nafskom bel nafkha el chathaba!! laish el bent lazim talbes 3abaya w t6ale3 el arth 3ashan etkon san3a? laish el walad etha ma 7a6 gel ekon khosh walad? laish kela bel mathaher????? khal en3eeeeeeeeesh!! be7teram ya 3alam!! ma negdar ensaker 3lena el bab wengol e7na kuwaitieen.. fe ashya yededa edkhalat 3lena ghasib we have to adapt,, be7teram!! bs!!

lawyer said...

Joo :
7ayaaaaaak alaah nawwart alblog 7asaffa ya rait ur comment kanat awal shay 3ashan alkil yegrahha :)
eeeee walla fe wayd nas mn barra hala halla o mn dakhel walla shay

lawyer said...

thanks aljadel 7ayaaaaach alaah nawartay .. akeed 3oomra al7ejab ma kan meqyyas
bs ana atekaalm 3an elly yeseaoon 7ag al7ejjab fe aleebs almobtathal
nawartaaay :)

Anonymous said...

Roman Alsace-Lorraine
ARRAN HOUSE
14/27 Gregory Terrace
Spring Hill
Brisbane City
Queensland
Australia
4000.
romanalsace7772002@yahoo.co.uk
Amal's mobile number ; 0424942714
; she lives in Australia!