Saturday, July 09, 2005

وصيه يدتي

مرات احس اتييني رده فعل عجيبه !!!
اروح النادي .. احاول احرم نفسي من الاكل .. بس وزني ما تغير
اقووم اسوي انقلاب على عمري
احط لي بووكس ايس كريم و اجابل افلامي و اكل لي احس بالتخمه
هذا الكلام في الويك اند ..
و صارلي جم يوم صج صج مشتهيه عيش مشخول لاني من زمان مو ماكله عيش
يالله !!!!!!!! شنو العيش لذيذ
اختب من الصبح يوم الجمعه ..
اقول حق الطباخ سولي مشخوول ... و ادلل على المشخول ..
كل من يدش الصاله .. اصرخ في ويها
ترا غداي مشخوول تبون !!؟؟
المهم حزه صلاه اليمعه
ماني قاادره انطر ارووح اركض اجهز اجار الطماط و المعبوج و الروب و العفسه كلها
اول ما يدش ابوي البيت راد من الصلاه ..
اصووت على الطباخ في اعلى حسي
حطططططططططططططططططططط الغداااا بسرعه
و لا تنجبه في مواعين السخان
حط العيش في قنجه
ابسط اجابل قنجتي ... اقول حق ابوي تبي ؟؟ يقول مشكوره ما اكل عيش
و اكل بطريقه مفجووعه
عيش و اجار طماط و روب و معبووج
صج الطباخ الكويتي لا يعلى عليه
... يدتي الله يطول في عمرها و يشفيها
اهي الي شهتني على المشخول تدرون اشلون
يوم الاربعاء تيمعو عيال خوالي يسلمون عليها
الي بيروح اسبانيا و الي بيروح لبنان و الي مدري وين بيروح
قالت لهم يا عيالي هالله هالله في الستر
و دير بالكم من الخراب
احفظ الله يحفظك
و تراااااا ماكو على الكويتيه ... كل شغلها سنع بسنع
حتى يا وليدي اكلهاا .. تعلم الستر منها .. مجبووسنا و اهو المجبوس ما نطبخه الا و احنا مسكرين عليه الجدر
صج يدتي ما ادري ليش تضرب المثل في المرأه الكويتيه او الخليجيه انها احسن من جميع نساء العالم
وكل شغلها مستر ...... حتى طباخها لي انطبخ مسكر عليه في الجدر
.... يما لولوه اتهقين شباب الكويت حاليا يؤمنون في نظرتج ...
والله مدري و حتى عيال خوالي قاصين عليها ....
الي يقولها اكيد و الي يقولها انشاء الله
و اهم لي اطلعو الصاله .. يقولون امي لولوه لما اتشوف الايطاليات في اي بيزا بتنسى ابو الكويتيات !!!!!!!
المهم ... انا الوحيده الي سمعت كلامها و تشوقت على المشخول

11 comments:

lawyer said...

حياك الله بو طارق ..
اي والله صاج الاولين على السجيه
و بعدين على سالفه العيش !! جدامك قلت حق ابوي اكل قالي ما اكل عيش !!
شسوي يعني ههههههههههههههه بصراحه فعلا ما اشوف الا العيش و المعبوج و الروب

7amee elDyar said...

مسكين هالطباخ :(

Inssan said...

يوعتيني الله يهداج يا لوير على المشخول بس مو ناقصه الا مرق الباميه . عمومان يا لوير كلام يدتج لولوه عدل و صاجه باللي قالته حلات الثوب رقعته منه و فيه بس ياخوفج من الرفجه التعبانه يأثرون على ربعهم على قولت المثل " اربط الحصين عند الحير يتعلم النهيق " والله يحفظ عيالنه من رفجة السوء

lawyer said...

حامي الديار

ليش مسكين ;)

انسان بسيط
لوووووول من وين يايب هالمثل

lawyer said...

hala o ghalla aljadel
plz la etyeben le 6arey alrejem
u know y ??
alyom kan awal yom rejem meshait 3alih 3adel fatrrat al9eb7
o alghadda semach mashwe
lakin ba3d alghada kalait
4 icecreams !!!
kakaw
mangoo
!!!
waaay tawny afaker asawy rab6 me3dda
wazzny we9aaaaaaaaaal 56!!!!!!!

esTeKaNa said...

يا زين امج لولوة
وامي عايشه
واليدات كلهم
:)))
ترا واللله حكيمات بس مال من يجابلهم وياخذ الحجي عاد:)
هني هني
مداخيل العافيه...انا مو قايله لج بلا رجيم بلا بطيخ...تلذذي بحياتج
:)

lawyer said...

halla o ghalla feech estekanna
eeeee wallaaa sektay embad33a 7ady ana
hhhhhhhhhh
ameen ya rab yekhaleee lenna yadatna tra ohmma albarakka

qalm-jaf said...

الله يخليلكم جدتكم ويشفيها
بماأن الجده تمدح الكويتيه يمكن الجده الله يخليها على بالها الى الان البنات هم اللى يطبخون وما تدرى ان الكويتيه تدش المطبح على شان تقول للخدامه او الطباخ انجب الاكل
بالنسبه للرجيم كل ما بغيتى تاكلين قولى حق الرجيم وغنى ألعن أبو الفقر لابو حراكاتو
وبالعافيه
(:

lawyer said...

الجادل ليش ما ينفع الرجيم ويا الايس كريم يخربه يعني
:/
قلم جاف ..
اي اي هذا الي بيصير و بعدين الكويتيه حتى ما صارت تدخل المطبخ تقول حق الطباخ انجب الاكل
نو نونو خبرك عتيج
الحين اندق على خدمنا تلفونات نسالهم شنو الغدا يعدين نقولهم يالله حطو الاكل

lawyer said...

halla adil ...thanks 7ayyak
menawerr
:)
ee walla mako khlaje ma ye7eb al3yoosh

Slim Thug said...

ونعم المطيعه لجدتها :)
طلعتي اشطر وحده فيهم , الله يشفي جدتك ويعافيها ويطول عمرها

دمتم بود ,,,