Monday, July 11, 2005


امس و انا راجعه من النادي لقيت طرد عند باب غرفتي من ارامكس ..طبعا وقتها نسيت اني راده من النادي و المفروض دايركت شاور !بس لأ ! اخذني الحماس و الا اشوف واصلني فيلم نوت بوك طبعا بسرعه بسرعه من الحماس اخذ شغلي و دخلت اخذ شاور ..عندي طقووس الكشخه قبل لا اشوف اي فيلم ..ادش اسنع داري من عقب الدثره و اجهز الديفيدي ..و اسكر الليتات و اقفل داري و اسكر جهازي .. و انسدح اجاابل الفيلم ...اي نسيت اقوولكم ولعت شمووعي .. بعدين انحشرت من البخور و الشمع ..المهم ..شفت الفيلم و كان فظيييييييييييييييييع فظيييييييييع الي ما شافه اكيد انصحه نصيحه يشووفه ...و الي شافه اكيد بيوافقني الراي ...بدا الفيلم عبارات فظيعه كلمات روعه رومانسيه ما بعدها رومانسيه ....صج صج الحب يا جذي يا بلاش ..بعد متعه ساعتين يخلص الفيلم ..و اقعد ابجي بجي مو طبيعي جنه ميتلي احد ..(حمدلله و الشكر) ومن داخل نفسي ماني عارفه اذا انا قاعده ابجي متأثره من الفيلم او متأثره على حالي !ابجي عليهم او ابجي على حظي ..ما ادري ليش انت في بالي على طول .. انت في كل فيلم اشوفه ..في كل اغنيه اسمعها ما ادري متى بنساك مدري مدري متى اقدر ارد طبيعيه مثل ما كنت !!ثلاث سنين و انا من بعدك اعاني ... ليش قاعده ادورك في كل ريال اشووفه و اعرفه ليش قاعده اقيس كل الرياييل فيك ليش اقارن الناس فيك ليش قاعده اتطبع في طبعك ليش ماني قادره اكرهك !!!!!ليش اشوفك كل يوم و انا رايحه الدوام ... و قبل كنت ما اشوفك ليش احبك هالكثر ليش لما تشوفني و تسالني فاطمه للحين ما تزوجتي .؟؟ ودي اقولك وقتها تعتقد ان الله سبحانه بيرزقني زوج و انت في قلبي ... تعبانه وايد هاليومين بدوونك و ادري راح اتعب اكثر لما اكون وياك مرات امسك موبايلي و افكر ادق عليك ... بس ادري ماراح ترد و لا انا يهون علي اسوي في نفسي جذي .......فعلا ودي اعرف ليش تجارب الحب تفشل عندنا و تنجح ويا الاجانب .... عشان الخيانه او الملل ..او شنو بالضبط؟؟اغلب رفيجاتي و البنات الي حاويلني يحبون في فتره الجامعه .. بس ما يستمر حبهم و يتزوجون زواج بارد ....اعيش على ذكراك ابرك من اني اكون مع ولد الناس .. و انت في قلبي اكيد ما يستاهل ..... بس هم ارد و اقوووووووول لا يطووفكم الفيلم بس كل واحد خيشووفه برووحه ....واتمنالكم وقت ممتع

27 comments:

Anonymous said...

;(

Inssan said...
This comment has been removed by a blog administrator.
Inssan said...

الله انعم علينا بنعمة النسيان صج تمر علينا لحظات تردنا سنين ورا سواء كانت ذكريات حلوه ولا مره بس الواحد يقول الحمد لله على كل حال. الواحد لو يشوف مصيبة غيرة تهون عليه مصيبته.بس تذكري يا لوير المثل الي يقول " تنسد من باب ويأتيك الفرج من باب " و ماتدرين بحكمة الله سبحانه .

3:44 م

Purgatory said...

ma7ad galech 7ebay wo te3leqay :P

ii said...

انا راح اجاوبك ليه تفشل عندنا

لان المجتمع ما تمشي عنده هالسوالف وشبابنا شباب تافه
يبي يحب عشان شغلات ثانيه بعديه عن الحب
وياخذ اسم الحب بس عشان يغطي افعاله
والبنت تكون طيبه وتصدق بسرعه

الاجانب يحبون عشانهم يبون يحبون ان كان الولد او البنت
ما عندهم انتقام ولا عندهم اطلعي معي والا بنشر صورك
ولا عندهم تسجيل وخرابيط بايخه
واعتبر البنت تستاهل اللي يجيها لانهم كلهم كذا

lawyer said...

ensan base6 : ya sure 9a7 klamik

purgatory :
walla ma ekhtret ha alshay

Nora :
eeeeeeee WALA sajja 9a7 klamik
ma 3endehom laf o dwaran

ClOuDs said...

حبيبتي :(

النسيان صعب بس صدقيني بعد فترة سواء طالت أو قصرت هالفترة راح تنسين يمكن ما راح تنسين السالفة كليا بس راح تطري عليج بين فترة و فترة و يمكن تحنين حق ذيج الأيام بس راح تكتشفين في النهاية ان كل شي انتهى و ان هالسالفه صارت ذكرى و لابد من بداية جديدة و حياة جديدة و حب جديد .. و تذكري " و عسى أن تكرهو شيئاً و يجعل الله فيه خيرا كثيرا" .. الواحد ما يدري وين الخير في.. و يمكن تظنين ان الخير و الراحه في هالحب و الحقيقه غير ذلك.. و ماحد يدري عن مكان الخير إلا ربج سبحانه و عشان جذي نصيحتي لج إنج في كل سجود تدعين ان الله ييسر لج طريج الخير و يكتب لج الخير في كل خطوه و يصبرج و يرزقج باللي يسعدج و يحبج حب حقيقي

:)

Purgatory said...

embala you do, everyone choose to fall in love or not.

Anonymous said...

أنا مؤمن بأن الحب هو الحب بعد الزواج .. للأن قبل الزواج كل واحد يشوف الثاني بأحلى لبس و أحلى كلام و بدون عيوب .. بعد الزواج يحب الزوج الزوجة و العكس بحلوها و مرها .. زينها و شينها .. لما كل واحد يشيل الثاني و تواجهم نفس المشاكل .. أما قبل الزواج فيكون إعجاب و فعلا المشاعر تكون جياشه حيييل و يؤمن الشخص إنه حب 100% و محد فاهمه .. لكن صدقوني الحب الحلو بعد الزواج

lawyer said...

cloud :
كلامج وايد برد قلبي و تدرين عاد انا احتاج فعلا نصيحه الدعاء اثناء السجود و انا اقرا كلامج
قلت اي والله و انا ليش ما ادعي و انا اسجد
اكيد راح انسى و اعتقد السنين كفيله في هالشي .. و انا الحين صارلي ثلاث سنوات من بعده تقريبا ..
بس البلوه اشوفه وايد ..

برجاتوري : انا فعلا اخترت اني احبه و لو ترجع السنين فيني ورا هم راح اختاره

مساعد : كلامك في شي من الصح
و انا بيني و بينك كلا انصح بنات خالي الصغار في هالشي .. و اقولهم مثل كلامك الي قلته لي
لكن تبي الصراحه .. اذا انت تحب وحده قبل الزواج وخلنا نفترض انها بنت جيرانكم
راح تشوفها الصبح و اهي طالعه الدوام و بتشوفها العصر و اهي بكشتها رايحه النادي
سالفه التزيين و المظاهر هذي تصير في العلاقات التقليديه
لكن لما بتعرف على واحد دارس وياي برا ما غير 24 ساعه شايفني متخلجنه و فوق هذا و ذاك حبني !!
بذمتك يا مساعد .. شنو احس تحب وحده قبل الزواج في حلوها و مرها ؟؟
و الا بعد الزواج؟؟

Sloth said...

lawyer ..
awal shay yarch allah .. i agree with aljadel in what she said.. u're lucky that u felt something alot never have.. i hope u're pain will ease with time.. just try to appreciate what u used to have and move on.. o alla iy3awthich khair inshalla .. :)

cosimfree911 said...

halaaa lawyer eshloonch
alfilm shaklaa 7elo masheftaaa bs ra7 ashoofaa al7ean :)
ee walaaaa ethaa alwa7ed 7ab sha59 oo 7as enaa hathaa elly kan yabeah bs enfa9law ba3dain yeg3d eygarean alkel feah anaa 9arly hal mw9'oo3 7awlaay ench tensain awww etgolean hathaa loo ansaan zain chan maraa7 3anee oo 5alaanee
9adgeany inshalaa ra7 telgain elly a7san menaa oo alwagt a7san 3elaaaj

qalm-jaf said...

انا مو اول ولا اخر حبيب بالنهايه مع حبيبه يفترق من متى صابت معى حتى تخيب
الله يعينج بس ترى هذى مو نهاية العالم بالنسبه لج ممكن الكل ينصحك بالنسيان وهذا عين الصواب بس ترى محد يحس بمشاعر ومعانات صاحب المشكله
المشكله الحقيقيه فينا احنا ندرى ان هذا الطريق صعب بس نحب نمشى فيه بعدين نتمنى ان قلوبنا تكون خاليه
لو تغيرين السكن او العمل علشان ما تشوفينه او تنسينه وتعيشين اخر الدنا او تحبسين نفسج فى البيت ما راح تنسينه ليش ؟؟
لانه يعمل فى عقلك ويسكن فى قلبك التغيير الحقيقى يكون تغيير من الداخل
وفى ايه مانى حافظها عدل
لا يغير الله بقومن حتى يغيرو ما بانفسهم
صدقينى كل شى قولى عنه خيره
صحيح انا ما اعرفج بس ترا دمعتج غاليه علينا
الله يرزقج بزوج يحبج ويدللج قولى آمييييين
انا ماودى اقولج اسمعى اغنبة نبيل شعيل الجديده
انا ناطر
بس وحده بوحده مثل ما قلتى شوفو الفلم انا اقولج اسمعى الاغنيه
لا طابنا ولا غدى الشر
(:

Anonymous said...

الحين فهمنا
القصة

Purgatory said...

Exactamondo, e3tarafty, guilty as charged, yabeeelech 7abs mo'bad 3ala hal 7ob :P

7amee elDyar said...

that was s...

Anonymous said...

لوير :
بالذمة .. هم بعد الزواج ..
والله إنشالله لما تلقين ولد الحلال و تتزوجين راح تشوفين الفرق .. غييير لما تعيش مع واحد بكل عيوبه و حسناته و مع ذلك تحبه .. أما بنت الجيران فبشوفها دقايق و أكيد ما راح أشوف ويها مثلا أول ما تقعد من النوم!!
علاقة الزواج علاقة مقدسة عالية .. أدري يمكن ما تؤمنين بكلامي الحين مهما قلت و متأكد بتقولين إن أنا مو حاس بالمشاعر اللي تحسين فيها .. لكن إنتي جربتي جانب واحد من الحب .. إنشالله بتجربين الجانب الثاني و بتذكرين :)

lawyer said...

عادل :
افا عليك ما اشيل على ربعي انا ابد

الجادل :
انشاء الله عمري وقاعده احاول اكثر من الاستغفار

سلوث :
انشاء الله يا رب يكبر حظنا

كوزي :
اي صح .. و احلى شي لما قلتيلي لو يستاهلج .. ما خلاج
كلامج برد علي

قلم جاف
اميييييييييييييين
هههههههههه انشاء الله بسمعها

برجاتوري
حرام علييييك ليش تحبسني


حبيبتي وايلد مير انتي الوحيده الي هني تعرفيني و تعرفينه
صح كلامج استاهل احسن
بس ادري ملوعه جبدج
في الطلعه كل كلامي عنه تدشين النت تبين ترتاحين تلاقيني اتكلم عنه
ينني حسبي الله على بليسه
هههههههههه


حامي الديار

؟؟؟؟؟


مساعد انشاء الله اجربه و اقوووولكم

esTeKaNa said...

قريت موضوعج متأخر
اللي قبلي كفو وووفو
بس ضميري وقلبي يقول لازم اكتب لج شي
فتحملي أخيتج يا الغاليه

لما تحبين شخص هذا الحب ما يكون له اي منطق ولا عقل..تدرين من داخل انج حابه شخص ما يناسبج ولا يستاهلج بس حبيتيه وخلاص،قدر الله ما شاء فعل
عشتي اللحظة بحلوها ومرها وبكل ما فيها وخذيتي حظج منها،خليها شي حلو وتعلمي منها اشيا وايد

لا تخلين الشوق يضعفج ولا يكسر من نفسج
ربي كاتب انج تحبينه وتفارقينه وكاتب لج خير وايد انتي ما تعرفينه
خيرة قوليها بقلبج ولسانج
وادعي بكل سجود
وختمي يومج بركعه وتر وادعي من قلب
ياربي لو كان فلان خير لي تقربه ويكون من نصيبي،لو كان ماهو خير لي يا رب تصدني عنه وتنسيني اياه وترزقني بلللي خير منه،يارب اغنيني بحلالك عن حرامك وبفضلك عمن سواك،يارب انته اعلم
بضعفي ونفسي فاعيني على الخير وارضيني
ادعي وانتي كلج يقين انج شكيتي حق ربج ودعيتيه وبيسجيب لج...شي يريح والله

ابتعدي عن الاشيا اللي تثير مشاعرج
على الاقل هالوقت...حتى الاغاني تعور قلبج وتذكرج،ابتعدي عن كل شي يذكرج فيه
وصدقيني سعادتج ورضاج وراحتج بيدج انتي
:))
اسفه على الطواله بس عورتي قلبي

lawyer said...

حياااااااتي استكانه مشكووووره وايد على الكلام الطيب
اي والله صااجه
والله عند ظن عبده مادام عبده محسن الظن
شغله ثانيه الي ريحني نصاايحكم الي مبين انها من صميم القلب
الله يخليكم لي يا رب
و صح كلامج
حتى لو انتي قاريه انا كتبت ادري بتعب اكثر لو كنت معاك
يعني الحمدلله طلعت من العلاقه ابرك بوايد لو مستمره بمشاكلها

اشكرج وايد

cosimfree911 said...

7etaaa enty eshfeakom 3ali anaa wa7ed mo wa7daa :P

laa check my blog 3shaan et3rfean sabaab al9ooraa :)
yalaa have fun

Anonymous said...

lawyer

انا عادة امر على البلوقات مرور الكرام اقراها واخلص ولا اعلق
بس موضوعج .... هذا في الصميم بالنسبه لي..وخلاني اعلق عليه ..ما اقول الا الله يعينج .الله يعينج ..لانه اللي ايده في النار غير اللي ايده بالماي ..بس نروح ونرجع الامر بيد الشخص .. باختصار ..ظروفج نفس ظروفي ..انا عمري 29 وبصك ال 30 بعد جم شهر .. وزواج وطلاق اخر شي قررت بعد تفكير طويل اني ما اتزوج..لان اكتشفت و اللي ذابحني مثل قلتي قاعد اقارن باي وحده احتك فيها بالعمل وبالسوق وحتى من الاهل وباي مكان.. الين شاب الراس ..ومن خمس سنين وانا بين حانه ومانه..مما تسببت فيه انه اقرر مصير الحياه عندي الا وهو عدم الزواج..وكل ظني انه هذا تكريم لها تصوري هالتفكير ( للترقيع)..مرات اتعوذ من الشيطان..بس يرد لي التفكير السلبي ...
اخوج
H.M

lawyer said...

cosi:
انشاء الله اخووووووووووي و انا اسفه

H.M

نورت و لي الشرف و شكرا على تعليقك
زين تسوي عشان ما تحس انك ظلمت بنت الناس لو انك تزوجت
و بيني و بينك كل واحد عارف نفسه
يعني انا ما اقزلك ان ما ودي اتزوج .. بس صارت نظرتي للزواج بيت و عيال بس
لكن مافيه روح و حياه الي اتمناها لو كنت مع الشخص
امي تقولي احسن انه ماخذاج لانها تحس انه متعبني وياه
و ابوي يقولي اخذي واحد يحبج مو انتي تحبينه
ادري بتستغرب من اهلي بس انا اصلا ما اسوي شي بالظلمه
يوم حبيته عرفته على اهلي و كلهم يعرفونه
لكن هذا تصيب من رب العالمين

Anonymous said...

lawyer
انا ابي رايج بصراحه
في مساله
" انه ما راح اتزوج..وهذا اطن تكريم لها"

شنو رايج
شنو الحل
اضافه للي قلته نظرتي للربع اللي تزوج وعيل ، والشباب الصغار تزوجوا ومستانسين بحياتهم الله يهنيهم
ما ابالغ اذا قلتلج
من خمس سنين وانا حاط راسي عالمخده قبل لا انام افكر بالشغله
___________

ملاحظه: ما تحسين انه قمت افضفض شوي شوي .. لو اتطول معاج يمكن اقول التفاصيل كلها من طأطأ الى السلام عليكم :) .. انا لقيت منفذصغير للفضفضه..فشكرا للمساحه
H.M

lawyer said...

حياك اخوووووي تفضل
H.M
.....
شوف من غير المنطقي ان الواحد يعطل حياته و يعيش في احلام
يعني بصراحه مهما كان و مهما صار
انا اشوف ان الحياه تمشي
فانت شوفلك بنت الحلال
بس بشرط مو شغل خطبه اهل عشان انت لازم تقتنع فيها
فاحسن شي شوفلك بنت من اختيارك و توكل على الله

جنة الحواس said...

I watched the movie yesterday ..
What I really liked abt it is the crazy love .. and how the lovers were madly guided by their hearts ..

But I didn't expect the ending ..

o fe shay thani .. her fiance shwaya 3aleeh kelmat handsome .. em9eeba ..:/

lawyer said...

LOOOOOOOOOOOOOOOOOOOOL broke
eeeeeeeeeeee ooooooofffffffffff 7adda 7addaaaaaaaa yeshawGGGGGGG

fatheeeeeeeeeeeeeee3
e3yoon wella loon wellaaaa zian
italy italy