Monday, July 25, 2005

ان لم تستحي ففعل ما شئت

يوم اليمعه و تحديداالساعه تسع و شوي بالليل راجعه هلكانه تعبانه مالي خلق قطيت روحي على اول قنفه في الصاله
مسكت الريموت اقلب القنوات و الا اعلان في قناه ان بعد شوي بيبدي فيلم حق جوليا روبرت وايد احبه
فجأه يتني الهمه قمت بسرعه بسرعه غسلت و لبست بجامتي و سحبت الكفر والفازلين و الدلاق ورحت الصاله اجابل الفيلم
شفت بدايه الفيلم و اندمجت و شوي و الا دعايات
قمت قلبت المحطه على ما تخلص الدعايه
و الا ششوف !!!
هيفاء وهبي في حفله البرايم لبرنامج الوادي ..اول شي لابسه من غير هدوم .. ثاني شي كلام بطريقه و تصرفات مبتذله تحمدت ربي مع اني بيني و بينكم زقت على شكلها لكن هم عصبت علي المستوى البايخ و التفاهات
رديت اشوف فيلمي هذاك الفيلم الي يشرح القلب
و الاحلى من الفيلم الساوند تراك ماله شي خيال
خلص الفيلم
رديت اقلب القنوات .. و الا هيفا للحين !!!!
سرحت فيها قلت بيني و بين نفسي شنو الي وصلها لي هذا المستوى !!
امجدينها و اميزينهاااا عن باجي الناس في كل شي
ياناس الدنيا ليش مقلوبه
وحده يا ناس تميز عشان انها بنت ليل !!!!
وصلنا لي هالدرجه !! لي هالمستوى
لو صاحبه علم او اختراع اقول ميخالف
لو على شأنها بسبب حفظ للقران او عالمه في اي مجال هم اقول ميخالف
وحده برتفع شانها لسبب انه ليلتها في 25000$ بس عشان هالشي !!!!
عشان متبريه من بنتها و اسرتها بس عشان هالشي !!
عشان بتزوج واحد اصغر منها في 10 سنوات بس عشان هالشي
بذمتكم لو اتيني بنت عمرها 10 سنوات و بتسألني عن الطموح و المستقبل و الحياه و ادعمها بافكار حلوه
في عقل هالبنت الصغيره ليش ادرس و اكرف و اخر شي ما احصل شي اسوي عمليتين تجميل و انجح في حياتي
البلوه قبل كانت الناس عندها غيره عندها قيم الحين انعدمت

الرياااااااااااااااال يطلب من زوجته تكون هيفاء وهبي في شكلها و في كل شي
الحريم قامو يقولون حق بناتهم تسنعوا صيرو مثلها !!!
في وحده تقول من تطلع هيفا في التلفزيون ريلي يقولي هذي مرا و انتي مراا !!!

يا ناس لا تفهموني غلط انا مو ضد الجمال
بس انا ضد الوقاحه و ضد الابتذال و ضد تخريب المجتمع
ضد تفشي الدعاره و ضد البلاوي الي تصير فينا !!
لي متى الناس سلبيين ؟؟
الله يستر علينا و يحفظنا
المهم اني شفت فيلم حلو و دهنت رويلاتي في الوالزين
و دمتكم سالمين

28 comments:

Anonymous said...

إي والله صاجة والله .. للأسف بس إنشالله الوعي بين الناس يزيد إتجاه هالبرامج الهايه اللي أعتبرها حديقة حيوان

cosimfree911 said...

eee walaa almostawaaa 9ar wayed haabe6 oo anaa agoolch laish kelaa meen alLebnaneyean halsha3b altafeh meen awal maa bedaa eydesh 3alaa mojtam3naa oo e7naa nazlean lay adnaa mostawaa ohmaa fakrean enaa altefo9e5 oo alte3ree ohwaa alrogeey y3nee bey9eroan orebain ga8eb walaa 7etaa al orabain manzaloo lamaa hal mostawaaa

walaa e7naa bs law neftak menhom chan e7naa ebalf 5air

ii said...

اعتقدان البرنامج كله مسوينه علشانها
تبي تروج لتصميماتها ولخطوبتها الجديده
اللي من جد كنا نحسبها اشاعه بس من جد صادقه بكلامك يوم قلتي البنات الصغار راح يعتبرونها قدوه
انا ما نرفزني الا طريقه حكيها يعني بالوادي تطبخ وتغسل وحالتها حالها
ويوم جا الحفله قامت تقلب لسانها
من فاطمه الى (فاتيما) اكره الانحطاط والتفصخ لابعد درجه
يعني تقدر تغني وتسوي اللي تبي
الا الاغراء بعدين ما شبعت بنت اللذينا
ما كفاها زوجها طالعتلي بمنظر مقزز قدام العالم

كذا الوحده اذا تبي تطلع فلوس وفيه خليجيين تافهين يشجعونها ويناظرونها

Purgatory said...

inzain why did you watch her? just flip over, and leave it. This program is for a targeted audience, which you mentioned in your post.

The problem is despite the fact that many of us are not agreeing with these programs, many of us watch it, or gaze at it. Is it curosity or is it something else?

This is a different world, where such programs attract simple minded people and make them want to be like these people.

This is not only happening in our part of the world, but all over. When I was in the Netherlands they mentioned on the radio that a German company was going to broadcast a reality program on a woman who has to choose a man to make her pregnant. So imagine such a show here!

I could go on and on but kafee long comment :)

Ra-1 said...

أشكال تعبانة !

anyways I like all of Julia Roberts movies :)
so which one was it?

lawyer said...

مساعد
اي والله تافهه على قولت خالتي برنامج الياخور

كويت

شسوي ما اعبر لازم اتحلطم و الا ما اطلع لوير

كوزي
اللبنانين الي قمنا نقلدلهم هذولا لما يسون و يتفصخون عادي لانهم مو مسلمين بس العيب فينا احنا قمنا نقلدهم
يعني مركزين الضوء على قناه الال بي سي انزين ليش ما يقلدون المنار
ما اهي لبنانيه
بس لا احنا ما نشوف الا الشين

نورا
اي مشكلت الخلجين ما يطلعون الا الاجانب لاقيتلها خليجين يصرفون عليها

برجاتوري
اي هذا البرنامج سامعه عنها يقولون ان اساسا امريكي بس مقلدينهم يمكن
اي اكيد الاجانب يخترعون الشي و احنا نبدع في تقليده

وايلد
اي والله صاااااااااج الدكتور يا رفيجتي
اي كنت اشوووووف نوتينج هيل اموت عليه بس من اسمع اغنيه شييييييي اسيييييح ما اعبر

را-1
اي والله صاجه
كان فيلم نوتينج هيل

Inssan said...

الله يهداج يالوير . الله يكافينا شرهم هيفا و اشكالها شكثر بعمرون؟؟ و لين متى بسوون عمليات الشد ؟؟ وتهقين الجسم المصنع لي متى بدوم؟؟؟ يازين الجمال الروح والنفس والأخلاق هذيل الي يعمرون

lawyer said...
This comment has been removed by a blog administrator.
lawyer said...

eeeeee walla 9aaaaaaaaj
le metta be3mron
bs mn enkhla9 mn wa7dda te6la3 thanya

lawyer said...

eeeeee walla 9aaaaaaaaj
le metta be3mron
bs mn enkhla9 mn wa7dda te6la3 thanya

esTeKaNa said...

وازلين+دلاقات:عاشت حفيدة ماما لولو
هذا تراث ما يعرفونه الا اللي ربتهم يداتهم:))

الشي الثاني:
الريال اللي يطلب من مرته تكون هيفا
والحرمه اللي تقول حق بناتها شوفو هيفا
مع احترامي للجميع هذوله ناس تافهين
!!!

هيفا وشبيهاتها هذيله البضاعه الرخيصه اللي انعرضت وما يشتريها الا الفقارا بالاخلاق والدين
بس البنت فينا جوهرة غاليه تنحفظ ودانه
ومو كل غواص يوصل الدانه:)

ماحد ضد الجمال،احنا ضد الاعتياد الغلط تعودنا نشوف العري والمستوى الهابط من غير لا نستنكر
شوفي اشلون انتي بفطرنج الزينه نقدتي وهذا اللي مفروض يصير
وعاشت محامتينا بردتي قلبي:)

lawyer said...

واي يا عادل صصصصصصصج تعليقك يبرد القلب
لما قلت الله يعز بناتنا عن هذوولا
صصصصصصج صجججججج كلام طالع من القلب و سليم و منطقي
بس يا ريت الكل مثل نظرتك
انا فخووووووره فيكم يا ربعي جدا جدا

lawyer said...

اي استكاااانه الوازلين هذا من التراااااث الشعبي
تصدقين عمري بحياتي ما خلت كوميدنتي من الفازلين حاطته على يم راسي
على قوله اخوي الحريم يحطون في الكومدينا شموووووع وورد انتي فازلين!!
اي افا عليج ابرد قلبج انااااا
بس مو كل المحاميات مثلي ترا انا النسخه الاخيره في السووق هههههههه

7amee elDyar said...

فكرة الموضوع تناقش موضوع مهم

مع ان تفاصيل المكتوب مو واضحه عندي

ولا كل الكلام راضي يطل لأنه عندي مشكلة بالاكسبلورر


فليش يايبه الكفر والفازلين عشان تطالعينا الفلم .. وشنو علاقة هذا بهيفاء وهبي ؟


شنو يعني ليلتها بـ25000$ ؟

lawyer said...

7amee 7emma aldyaaaaaaar
you have to fix it 3yaaal 3ashan tegrra o ta7kom
then about the vasline hathy 6oqoos kha99a after the shower
about hayffa .. read the blog agian 3ashan et3ref
coz entta alwa7d elly ma fahamt o alkil faham
akeed meshkilla 3endk
about per one night with hayffa
she is a princess Ho.....
sooo ask ay ameer s3oody about her o begolik eshlon 9arrat $25000
o meno ely khalaya chethy o mazad fe ay monsbba o bajy altafa9el
o shakilik 7adek intrsting bsalfat 25000
le drajat enik khlait alblog o 3alaqt 3alih

7amee elDyar said...

ما اعرف أمير سعودي حتى اسأله s:

توه طلع الكلام كامل لأني دشيت كم جهاز الدوام

بس ما اتوقع انه حفلتها حق ليله وحده 25000 دولار

حتى لو يابها امير سعودي

جذي يصير اجرها اعلى حتى من اجور نجمات هوليود

لما نسمع عن مطربات من طقتها ييبونهم الكويت حق حفله خاصة تاخذ على الليله3-4 آلاف دينار بكثير

واذا كان حفله فيها تذاكر يمكن يزيد شوي

وماتوقع السعوديين يبونها عشان حفله عامه وياخذون تذاكر

lawyer said...

7amey aldyaaaaaaar
ahhaaaaa !!!
Noo comment !
madre eshlon fahamtaha 7alffaaaaaa!!!!!!!!!
mn yab 6arey al7aflat !!

qalm-jaf said...

قناة
lbc
على ما اعتقد قناة اخونا المسيحيين
واغلب فنانات لبنان مسيح
يعنى ما اقدر اقول حق المسيحى ليش تشرب او او او
نختلف مع بعض فى الدين والعادات
بس ما ادرى هفاء مسلمه او مسيحيه
المهم
العيب فى تفاهت هيفاء
او فى سذاجت مجتمعنا
؟؟؟
على فكره انتى قلتى تحبين افلام هليود وانا بعد احبها
بس هم فى ممثلات هليود عندم افلام اباحيه
او افكار اباحيه او لقطه فى الفلم اباحيه وتحث على الرذيله
لست محامى عن هيفاء بس حبيت اطرح وجهة نظر من باب آخر
(:

7amee elDyar said...

حتى لو ماكان حفله

لو نفترض شي اكبر


مهرجان او اوبريت

ما اتوقع توصل لاجر 25000$

lawyer said...

طوق الياسمين حياج الله اختي ..
اي والله تحول جذري بس المصيبه صرنا مجتمع بلا هويه
لا عرب و لا مسلمين و لا اجانب
مدري شنو احنا !!

lawyer said...

قلم جاف
اشكرك على مداخلتك
و فعلاااااااااا انا وايد احب الافلام الاجنيه
لكن صدقني مهما شفنا لقطات في افلام ما ايي نص البلاوي الي قاعده تصير من قنوات مسلمه
مثال
هيفاء وهبي مسلمه لبنانيه من الجنوب شيعيه المذهب
كانت متحجبه من عايله مسلمه معروفه في الجنوب
اول ما كانت مقدمه برامج شبت عليها الصحافه اللبنانيه
و بعدها في ملكات جمال وصارت سالفت بنتها المهم
ان لما مرااااا عربيه مسلمه تسوي جذي والله عيب
لو مسيحين عادي الاجانب لا دين لا مذهب
لكن احنا مسلمييييييييين
لما انت تسافر اوربا و تشوف الحريم الاجنبيات مفصخات ما تلتفت صوبهم لان شكلهم طبيعي هذا لبسهم عملين
لكن لو كويتيه تتفصخ او لبنانيه
هذدفهااااااااا واضح و شكلها واضح

lawyer said...

كويتي رحال
طبعااااا اكيد
صح كلامك
و عسى الله يقدرنا لما يصير عندنا بنات نربيهم تربيه صالحه
هالدنيا تخرع

Anonymous said...

لوير ..
ترى الفازلين منتج بترولي .. لذا أنا ما أستخدمه إلا لغرض تليين البراغي مثلا ..
و بالنسبة لحيفاء على قولة الوالدة السمج الخايس أهو اللي يطفح أما الزين مخشوش

lawyer said...

مساعد
يترواااااااااااااالي ما نفع وياي الا الفازلين

lawyer said...

مساعد
يترواااااااااااااالي ما نفع وياي الا الفازلين

BaderQ8 said...

sho hal alkalam ?
بصراحة هيفاء الحين من المعالم الخاصة بالعالم العربي ... وايضا نانسي

بس الله يبعد بناتنا عن شرهم !
وخاصة شعب شو بدك مابدك

لوير:
في موقع حق اللبنانين اللي بالكويت ... سو يوم مفتوح بالكويت ... صارت بلاوي على الشاطئ وحاطين الصور جنه مو بديرة محترمة !

lawyer said...

kuwaity bader
!!!!!!!!!!!!!!!
e77leeeeeeeeeeeeeeeef e7leeeeeeeeeeeef waaaaaaaay 7areetny 7adek qahartny!!!!!!!
malat 3alihom ohmma alkharab killa
!!!!!!!
walla law adre chan fe khyazariin mlaa77aaaaaaaa o allaseb 7aremhom gabel ryayeeeeeelhom!!!

sOulvOice said...

مشكلة لما تصير قدوتنا هيفا وشاكلتها

والمصيبة الادهى لما تسمعين الريال ينتقد زوجته ويطلب بكل وقاحه وبدون ادني حياء صيري مثل هيفا!!!

اوكي انا عارفة ان يبيها تكون مثلها بشكلها واهتمامها باناقتها ودلعها بس شالمطلوب مثلا من الزوجة عشان توصل مستوى هيفا؟؟

يعني بالمقابل انت صير مثل براد بيت ولا جورج قرداحي عقب تعال انقد على زوجتك


مشكورة :))