Thursday, August 24, 2006

عشر سنوات ادمان

ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...


اعترف بادماني
نعم اهني و اليوم بالذات اعترف بادماني

عشر سنين ادمان

خلوني اقولكم اشلون كان و اشلون صار ادماني

في صيف 1995
دخل الانترنت بيتنا
ماكنت وايد حابته

لاني كنت احسب ان الانترنت بس برنامج الاي ار سي
و كنت احسه سخيف

واي شنو هذا الجموود

و لكن بعد سنه
لألألألألألألألأ صرت مدمنه رسمي
ههههههههههههههههههههه

صرت اذا نمت اسمع صوت الكونكشن
و صرت انطر بالساعات ما عندي مشكله على ما يشبك
و كنت مغيره ساعتي على توقيت بعض مدن امريكا

لان كان عندي خطه اني ما اكلم شاب كويتي في الكويت
اكلم الشباب الي في امريكا
مدري ليش بس
يمكن عشان كنت احسب انه ما يقدر يوصلي و يعرف انا منو

كنت اسوي رووحي نايمه لين الكل ينام و اطلع الصاله اشبك
شوي شوي
قمت استعين باصدقائي عشان يعلموني الخراب

اشلون ما اخلي اهلي يسمعون صوت المودم و اهو يشبك
افتح الهارد ديسك و احط كلينكس على المودم اقمت الصوت
هههههههههههههههههههه

و بما اني كنت مراهقه فكنت وايد خايفه على نفسي
و كنت ما اقول اسمي
عندي مثل و قيم و مبادئ خطيره

اسمي كان شهد
طالبه في الثانويه
و كان الشهد لله الشباب الي موجودين اغلبهم سنعين
محترمين
اعيال حمايل
ما يعندهم حبني و احبك بسهوله
و لا كانت عندهم اهداف خربوطيه
المهم كانو صاحباتي يتيمعون عندي
لاني البيت الوحيده الي في الشله
الي مسموح لها تدخل الشات
و كنت اعلمهم و اعرفهم على ربعي

و كنت ادش اشبك في شانيل كويت
و كويت 2
و كويت لوف
ولين صرت اوبي
وكاشخه على خلق الله

المهم على ما وصلت 2 جامعه
لا صرت مدمنه رسمي
موديلي في الحاضره عيني على الساعه
و اذا يت حزه دخوولي
اكنسل حتى المحاضره

و ارووح اجابل الشات
و بديت اول علاقه انجذاب
وقتها ماكان حب
لانه ثقييييييييييييييييييييييييييل
و طبانه
و كل رفيجاتي ما يواطنونه

وبما اني اذا سويت شي غلط يبين علي

فكنت اموت خوف من اخوي الي اكبر مني
من يدخل الصاله
سكررررررررررررت بسرعه الشات
و سويت نفسي احوس بشي ثاني

وبعد فتره اخوي حس ان في حياتي شخص عن طريق الشات
و قامت القيامه في بيتنا
هههههههههههههههههههههههههه

اشلوووووووووووووووووووون تكلمين شباب في النت
و اشلون اشلوووووووووووووووون و الحاله حاله

و بعد ما خلاص صرت ما استغني عن هالانسان
و كان متعلق فيني بطيرقه غريييييبه

يتخرج
و يرجع الكويت
و اهو من نسابتنا
و اهو كان يموت علي
فحطيت في بالي
ان مجرد تخرجه و شغله
يعني راح يخطبني اكيد
و الا شكو يناديني
ام عبدالله على اسم ابوووووووووه
و بعد ما اشتغل في 6 شهور

ايني ايميل منه
شهد انا خطبت

كان الطراق الاول في حياتي
و اهني فهمت ان مو شرط الريال يتزوج البنت الي يحبها
لان الزواج شي
و الحب شي ثاني

دزيت له ايميل
قلت له اتمنى لك حياه سعيده
و كانت رده فعلي غرييييبه


مستحيل احب في النت
مستحيل اصدق اي ريال
و صرت ارفض مجرد الشات البرايفت مع اي ريال
كنت حقيره مع كل الشباب

و اصريت على شي واحد
بما اني فلشت انا
فلازم رفيجاتي ينجحون
و فكل ربعي القدم حولتهم حق رفيجاتي
و كانت خطتي رقم واحد


فلان بخليك تسولف مع رفيجتي
بسسسسسسسسس على شرط لازم تعرف
ترا هالبنت عمرها ما كلمت شباب
و لا تبي تكلم لو ما انا اصريت عليها لانك سنع
و لاني اشوفك شخص مناسب

و فعلا عرفت رفيجاتي على مجموعه طيبه
و لله الحمد 4 منهم تزوجوهم

و حسيت اني اهني نجحت
ما اقص عليكم كان في فشل في بعض العلاقات
و لكن سببه ان البنات خربوا على نفسهم

كنت ابي ابين حق نفسي
سبب الفشل مو مني
و لكن منه اهوووووو


على صيف 1998 قطعت الاي رسي تماما بعد ما انوجد المسنجر

و على صيف 2000 كان لي ايميلين ثانين بشخصيه شباب
كنت بشخصيه فهد الي يدرس بحريه في فرنسا

و شخصيه طلال
الصايع الضايع المدلل
بيتهم في النزهه
شغل مواتر و اسطبلات
و بما اني ما كنت ابي اي بنت تعرف عني اي شي
فماكنت ادش في اي تفاصيل شخصيه
عشان ما ابي اي بنت تقولي كلمني
او اوصل لمرحله مسدوده مع البنت

فكان هذا الشي يعلق البنات في طلال اكثر و اكثر
و من خلال شخصيه طلال عرفت برنامج البالتوك

ههههههههههههههههههههه
و سنه 2002 دخلت البالتوك
و بعد 6 شهور فتحت رومين
وحده سياسيه و ماكنت افهم في السياسيه شي
و روم ثانيه ثقافه و شعر

و كان عندي 4 شخصيات
وحده شاب و اهي طلال
و شخصيه البنت السعوديه
و شخصيه البنت المتمرده
و شخصيه البنت الهاديه الغبيه الي ماكملت تعليمها وقعدها ابوها في البيت

البنت المتمرده
اهي البنت الي قعدت في عالم البالتوك مده 3 سنوات من غير تكوين ولا علاقه مع اي شاب و هذا كان موضع قوه لي
لان في البالتوك عصابات و كل من يسمك للثاني زله
و اذا كنت محايده فالكل بحبني
و من خلال الباتوك تعرفت على العمانين و اليمينين و باقي الشعوب و عرفت اشكثر
ان العمانين طيبيييييييين لابعد درجه
و لا تستغربون اذا قلت لكم كان عندي جهازين في داري غير الاب توب
اشبك واحد من خط البيت و الثاني عن طريق اشتراك الشو تايم
عشان ما انفضح

و ثاني شي لازم الجهاز الواحد ما ادخل فيه بكل نكاتي
لانه الادمن بالتوك راح يجكني
و اذا جكني علي السلام
و راح انفضح

و لما عشت في مصر
كنت ادخل النت كافيه الي يم شقتي
و استخدم جازين او ثلاث اجهزه
هههههههههههههههههههه يخترع مني

هل كان عندي القدره التمييز بين المعلومات والافراد و الناس ؟؟؟

طبعاااااااااااااااااااااااا و بكل سروووووووور

و الى يومكم هذا محد يدري
ههههههههههههههههههههههه

وبعدها خففت لين سنه 2004 قطعت البالتوك تماما و اختفيت

و شنو الشغلات الي استفدتها من هذا البرنامج
عدم ثقتي في البنات اكثر من الريايل

الريال يبيع الدنيا عشان بنت
يخون رفيجه عادي عشان سر عند بنت

البنات اكثر هوس في التحرش و الترقيم من الشباب
لانه طلااااااااااااااال كل يوم كان يترقم
ههههههههههههههههههههههه
و ماكان يدق؟؟
مع انه صايع؟؟

ليش؟؟

والله شوفي يا بنت الناس انا عندي خوات اخاف عليهم
و بدال ما اضيع وقتي و يا بنات ديرتي
ارووووووووح دبي و احطلي احلى روسيه
اطلع الي في راسي و ارد
بسسسسسسسس بنات حمايل لألألألألأ

يعني انتي يا هبله بنت حموله
اهني احكر البنت
هههههههههههههههههههههه


و على صيف 2004
خلاص القلب مات
لا ابي شات و لا لي خلق سوالف
و شبعت
و على بدايه
2005 عرفت البلوجز
و صرت الحين
واااااااااااااااايد هاديه و طاخه اهني
مو سالفه نصج
بس سالفه
خلاص كل شي شفت و عرفت
فصرت اقعد في الساعات في النت
مجابله المواقع
لا شات و لا كلام
بس تسووووق و تصفح و قرايه مجلات
و مواقع
و برامج
و عرفت وقتها
اني مو بس نضجت
لألألألألألألألألأ
اني عيزت
و صار المسنجر مثل الصاله
او الدوانيه
الي فيها رفيجاتي
احس ماصار يهمني اذا سويت ساين اوت او لأ
عادي موزعه باسوردي
وعرفت الحين بعد ادمان عشر سنوات

ان مستحيل الخبره
و النضج
و الاشباع
اي من عبث
و تبون الصراحه

صرت وايد افرق
ما بين اذا قالو فلانه سنعه او لألأ
اسأل نفسي
هالسنعه الي تقولون عنها سنعه
حطيتوها في اختبار ؟ عشان تعرفون مدى سنعها

يعني لما اتييني رفيجتي و تقولي مريم وايد خوش بنت
اقولها عطي مريم حريه
و غربيها
و سفريها
و عطيها نت و لا احد يسأل عنها
و ردي شوفيها سنعه و الا لألأ

؟؟
تدرون ليش اقول جذي
لاني تعرفت على بنات
صغااااار
و اصيع و اخيس منهم في النت ماكو ابنهر منهم؟
و بما اني بسرعه اعرف البنت منو هذي؟؟
انصعق
ان هذي السنعه
المحترمه
البريئه
الي الناس تضرب مثل فيها هذي شخصيتها في النت ؟؟
او هذي البنت عندها ميول خراب جذي

و في النهايه احب اقولكم
اسفه على الاطاله في هالبوست

و ترا النت مو ادمان
حتى بعد ما اعترفت في ادماني
تدرون ليش
؟
لانه شي صار موجود مثل التلفزيون
و الراديو
فصار النت وسيله اعلام و تواصل بالناس
والله يبعدكم عن الادمان


37 comments:

ii said...

والله مدري وش أقول !!

برجع لك أن شاء الله

Яeema said...

أنا بديت من 1995

صار جزء من حياتي الناسس ما أقدر أستغني عنه
كنت هاكر و ربعي هاكر بس ، مالي شغل بالللي ما يعطيني معلومة ذكيه
كنت أووب في جانيل
و كان عندي بووت و إسمه هوريزون
و لعب و وناسه

ما أقدر أستغني عنه أحسه أامن وسيلة إتصال و دايما تقدرين إتخشين عمرج إذا بغيتي و لا أحد بيعرف عنج أي شي

the tooth.fairy said...

اووللللا تاريخ عرييييض

عيل آنا هم قصتي طويلة مع ادمان الانترنت بس الحمدلله عدّت على خير

دخلت هالعالم سنة 1997 بس ما جربت انتحل شخصيات رجالية

بس على قولتج طخيت، صرت أشبك عالبلوجز والمواقع

أما برامج الاتصال أستخدمها اتواصل مع أهلي وربعي لما أكون بالغربة

يازلي هالبوست واللي قبله
اللي قبله قرّيته أمي ماتت من الضحك :P

لقت في أحد مثلها "لجنة حقوق الإنسان"


تسلم إيدج لوير

3ateeja said...

الله استمتعت في هالبوست متعه تعلمين فيها انتي وحدج
لأن المسنجر صار عندي مو مثل الدوانيه
لأ اقل
مثل صالة بيتنا اذا فيها احد رحت قعد وساعات حتى لو فيها احد اطلع منها واروح انام :)
تصدقين ساعات اجابل لبلوقر لين يشق النور بدون ما احاجي اي احد عااااااادي :)
بس اللي ظحكني من الموضوع كلا انج فتحتي رروم سياسيه وانتي ما تفهمين بالسياسه

q8y_saint said...

اول شي على البركه النيولوك مالت البلوق
واايد حلو
قصتج مع النت قريبه من قصيتي واايد وياريتني امتلك الجرائة عشان اقولها مثلج
و يمكن هل شي اهو الي مخلي هل مدونه من الاشياء الاساسيه الي امرها يوميا حتن لو بدون تعليق بس مرور
الجرائه الي فيها حلوه و ايد وايد

{ 13 } said...

لا اله الا الله ....ولا المشوار الفني لفنانه معتزله ..لووووووووول..دخت..دختتتتت..فهد وطلال واربع شخصيات وبنت متمرده وسعوديه وغبيه؟؟؟وثلاث اجهزة ؟؟شغل مخابرات هذا؟؟؟وبعدين حب في الشااات..وجالك ايميل بمبة ..لوووووووول..وبعدين انقلبتي بالتوك ..هذا اسمع عنه ولاابي ادخله بالمره من كثر البلاوي الي سمعت ..انا مادخلت غير شات الياهو ..والسنه الي فاتت بس والحمدلله على الي عطاني فيروس وماخلاني اعرف ارد الشات لووووووووول..من جد والله جربت شات الياهو سنه وقرفت ..دعاره الكترونية وتجارة حشيش ..لووولاااات..وبعدين اشلون تخرجتي من الجامعه بمصر وانتي مطيحه بالنت كافيه؟؟؟وليش مو بشقتك ؟؟وميول خراب..؟؟وبنات سنعات وحمايل ..شالسالفة ..اتصدقين قريت بوستك 4 مرات عشان اركز بس..هذا عشر بوستات داخلين في بعض....عموما انا علاقتي بالانترنت وكمبيوتري بحسب الضرورة..يعني انا من جيل ماكان عندنا كمبيوترات بمدارسنا وجامعتنا ..تقريبا من 96 بديت استخدمه وطبعا انا مااشتغل فهو للاستخدام المنزلي..حتى التلفون الجوال مااستخدمته الا 3 سنوات ..ماني من الي يهذرون بالتلفون والانترنت على قد ماتمشين في ..ماتلاقين معلومات كثيرة .....بس صراحه حسيت براحه لما عرفت ادمانك ..(تضحك ضحكة شريرة ) يعني الوالده عندي تشوفني متولعه به خليها تقرا بوستك بس...هاهاها..

{ 13 } said...

ايه نسيت ..مبروك على الفستان الجديد ..وليش مغمضه عيونك ؟؟

Adel said...

لوير اول مرة ازورك بس بجد انت تحفة عارفه ليه لانك عندك مصارحة مع نفسك وكلنا كده حالات لا يوجد انسان يعيش على وتيرة واحدة والا طق مات وكمان انت فقرية واعتقد انج فاهمة على اللهجة المصربة وبنت نكتة وده لذيذ كمان بس بجد انا ناوي اجي هنا كاير تحياتي لك بس انت ما قلتيش انت كنت بتروحي كلية ايه ؟

Fuzzy said...

مبروك صار عندج دكتوراه دام عشر سنوات بالنت. المدمن ما يطيب اللا لما يعرف انه مدمن وان الادمان مشكلة. يمكن ما حسيتي ان النت مشكلة أو ادمان النت مشكلة لان وقتج ملكج تقريبا.. لكن لما يكون وقتج مو ملكج راح تحسين بان النت والجلوس امام شاشة الكمبيوتر لفترات طويلة في اليوم هي مشكلة حقيقية. انا اعتبر ان النت تجربة ايجابية في حياتي .. بغض النظر عن برامج المحادثة ، الانترنت اصبح جزء لا يتجزأ من حياة كل انسان .. واللي ما عنده مثلا ايميل يعتبر انسان من العصر الحجري . الله يوفقج

نون النساء said...
This comment has been removed by a blog administrator.
نون النساء said...

وي وي وي
متىى صااااااااار كل هذا

ههههههههه فطووم والله أحس كأنج اتسولفين عن ثلاثين سنة قبل



شخباري ام آر سي
حتى ما كملت فيه شهرين
ولا وبعد ما اعرف أدشله
إلا بالمعافر هاهاها
بس صراحة كرهته
حسبي الله على اهله
كانوا متوليني ضغاط
يعيبون على بدلياتي
تأزمت نفسيتي من هالوضع وما قمت أدشه مو ليه




وتم هالجهاز صافن بداري
ان دشيته لعبت فيه سوليتير
ولا اسمع اغاني
إيلين طحت على منتدى
وطلعت منه على منتدى ثاني
وهديت المنتديات بكبرها
وييت البلوغر




بس صراحة النت ادمنته بسبب الماسنجر
اتعرفت فيه على مجموعة أصدقاء لا زلت احتفظ بصداقتهم ليومج

وأدمنت النت علشانهم


بس من بعد ما كل واحد لهى بحياته أو حياتها
:P
صار تعاملي مع النت مجرد تصفح لجم موقع أدبي ومواقع جرافكس
والبلوغر غالبا



قلتيلي كنتي طلال
هههههههههههههه
ويني عنج
*^___^*

Expatriate said...

wow .. that was aamm .. i dunno

astonishing maybe ?! extraordinary .. laa laa .. unpredictable .

earlier, I though that i was really close to knowing something about everything .. now i have just realized that I know nothing .. I have no idea about the kuwaiti society eb9ara7a .. I've been here for the last 5 years oo before that I used to live in my own cubic world during high school years. I'm not kuwaiti anymore.

The Simper said...

i can only say WOW for the write up..

sometimes i belive that what can be writen is real, and some other times i can easily say this is imagination.

but with this post, i feel the possiblity of the mix between some cases in reality and little imagination is extremely well put and presented.. to the point that i couldn't stop reading till the last word.

aaay laaik tha rayteng staail :)

Mohammad Al-Yousifi said...

u are sick!

كلنيكس بالمذر بورد عشان ما يطلع صوت!

سي آي أيه؟

Chai-7aleeb said...

أحلى شىء الأغنيه

أبعتذر

يا لها من ذكريات

بدَع فيها محمد عبده

ذوقج حلو

Dakhtour said...

Hatha film lazem yet9awar or lazem et7e6ena fe mawso3a men 10 parts!

Bs i think kel banat el q8 maraw bely enty feh... O yemken akthar ba3ad

Hathy el q8 9al 3al nby :)

lawyer said...

سعلوه

حي الله نوره
وينج وين هالغيبه؟



ريما

انا و انتي ادمان ما بعده ادمان
مو قبل يداتنا مدمنات راديو ههههههههههه
خلاص احنا لنا النت




بترفلاي
حيااااااج عمري
ايييييييييي اما الامهات محد مخرب و مشيش هالخدم علينا غيرهم

ههههههههههه
سلمي على الوالده و حبيلي راسها




عتيجه
حياتي انشاء الله تستمتعين دنيا و اخره
اعرف احساسج
ههههههههههههه شفتي
سكتي انا مبدعه مو مخليه شي في الدنيا الا ناشبه فيه




كويت سينت
الله يبارك في عمرك
اشوووووه انه عجبكم

تسلم وووووووالله
:)
حياك والله و منووووووووور
بيتك و مكانك
حلت دنياك

lawyer said...

قطعه 13

ههههههههههههههههه تعليقج ممتع
انتي كاتبه تقرير عن بوستي

ايييييييييي خلي الوالده تقرا بوستي
عشاااان تقول الله يحللك و يبيحك يا بنتي


المزاجنجي
هو انت اسمك لوحده حكاااااايه

اول حااجه عايزه اشكرك على الكلام الحلو

و بالنسبه لي انا مش بس تحفه لااااااا وحياتك تحفتين

وانا مش بس فقريه بعيييييييييد عندك يا اخويا
اناحااجه اورجنال خالص
انا صحباتي في مصر بيقولولي بوصي يا بطه
انتي ليك حاجه وحده تعمليها في دنيتك تقومي تشحتي في الحسييييين
ههههههههههههههههه


انا كنت في كليه الحقوق
جامعه القاهره


و العيارين الضارب في نفوخي من دكارته جامعه القاهره
ربناااااااااااااا ينتقملي منهم يا رب
ههههههههههههههههههههه

lawyer said...

فزفز
واااااااااي الله يسمع منك دكتوراه

صح كلامك والله
و يوفق الجميع انشا ء الله مشكور على الدعوه الطيبه




نون
هههههههههههههههه
لا عاد مو ثلاثين ماني عيوووووووووز

توني صغيره

اي شفتي تاريخ حافل

هههههههههههه

اووه كنت طلال و مضبط 60 بنت
و ياما بنات افتحولي كامات
و بلاوي سكتي سكتي
شششششششششي
مهووووووول
مو انا اكتشفت البنت فهر و صيييييع من منو؟؟
من طليل
الي مسوي عماايل

كانت صورته في المسنجر
عارض ازياء ايطالي قايم من النوم فنيله علاق سوده
و شعره مو مرتب
يعني كوووووول

و عافس الدنيا ههههههههههههه

بس ما عليج منه شيطان السانه حلو



اكسبا
وييييييييينك من طول الغيبات؟؟

شخبااااااااارك
شدنياك؟؟
نورت والله
شكرا شكرااااااااا
ادري انا كل يوم اعطيك صاقعه في حياتك عن بنات الكويت
بس ترا انا ما امثل بنات الكويت
و لا امثل احد
انا ما امثل الا نفسي
فلاتنصدم
وايد
:)

lawyer said...

the simper

واااااااااي كلامك عجيب
شكرا من كل قلبي

على كثر ما انا خياليه
الا ان هذااااا البوست في كل حرف فيه واقع
و حدث مثل ما اهو عليييييه

شسوي انا بعمري
هاااااااااايبر هاايبر
طااااااااقه
في الشطانه



كلا مطقوق
الحاجه ام الاخترااااااع
شسوي
صوووووووت الكونكشن يفضح
و يقعد امي من النوم




كيتي
هههههههههههههههههههه
في شغلات تنقال اهني احلا
يعني مو حلو قاعده في الطلعه و الا في القهوه و سارده لكم تاريخي الاسود المشررررررررف
هههههههههههههه


حياتي والله

لاااااااا انا مسكين عيز
بيعرف شنو اسوي
اقووله حريه الراي مكفوله و حريه المسكن و مسطره الدستور كله على باب داري

ههههههههههههههه




شاي حليب
ذوووووووووقي اكيد حلو و الا ماجان شفتي 24 ساعه مبسطه في مدونتك
لان عندي ذووووووووق



زيزو تايم
حياااااك نورت
شفت اشلوووووووون و هذا ترا اكثر من تسعين بالميه مانقال منه
ههههههههههههههه

شكلي بنزله سنه في سنه
:)

mishal said...

مرحبا لوير

اولاً:مبروك على النيوو لوك

تصميم رائع وتسلم ايد ريما (اللي عرفته انه من تصميم ريما)ـ

الموضوع طويل وقريت منه الكثير لكن انا في السعوديه الحين (على خط سفر)بس حبيت اسلم


المشعل-السعوديه
:)

الفراشة said...

الله على الأغنية احبها حيل

بس حركة الكلينكس عجيبه

layal said...

تاريخ لوير المعاصر
اشوه ما وصلت لمرحلة الادمان هذي وله كنت كرهت حياتي
صراحه هذي البوست عبره لمن يريد ان يعتبر
يعطيج العافيه

Яeema said...

والله لو رجعت لهذيك الأيام جان سويت نفس الشي

يا حلوها من أيام إللي كنت هاكر و مجابلة الكمبيوتر و الكتب ملوت الهكر 14 ساعة

تسلب جسمي و تقوت لغتي الإنجليزية
و صرت أعرف أتفاهم ويا العيارين و الإزقمبيه
هاهاهاهاهاه

ولا أحد ليييه يومكم يقدر علي لساني و عيارتي

ReLaaaX said...

يا إلهي ماهذا :p



والله ياوخيتي العبره باللي استفاد من هالمراحل .. مو ليلحين على خماله وخياسه


يعني استغفرالله ياربي فيه ناس اللهم ياكافي .. مخوخهم تكرمين خمام وزباله !


الحمدلله بالنسبة لي فترة الايرسي ماطولت فيها .. والحمدلله عدت على خير .. أحلى شي فيها إن كنا ندش دشة جماعية لووول .. يعني مرات مع عمامي مرات مع رفيجتي وهاكزا .. وياسلام على السكرااامبل .. والله اذكر صكونا عين لووول عقبها ماقمت العبها



أصلا الكمبيوتر المسيجين عطاج عمره .. بوقت قياسي صراحه .. ماذكر جم عدد الهكرز اللي تطمشو واطلعو



ماكو الا هكر فيه الله هاديه يحليله عقب ماخلص وشاف الفولدز والديكيومنتس سكر لي الباك دور وشال مادري شيسمونهم ملوتهم والله عقبها افتكيت منهم



امممم الحمدلله اكتشفت المنتديات وان الناس اللي بالمنتديات كانت أرقى تفكيراً .. خصوصاً ان المنتديات ماكانت بهالعدد المهووووول والناس مثل ماقلت كانت غير



البالتوك ماحبه أبداً أبداً خالص خالص لي يومج



اممم بعد شنو ..




لوووووول المسنجر اصلا مرات انسى اني مبطلته .. تلاقيني اخليه واطلع !!!؟

والا اصعد داري وارتبها وشحليلي .. والا اتدهن


والله آنه والنسيان صحبه من يوم كنا صغار ;p


جني اخذت راحتي وايد ؟




المهم مثل ماقلت لج ..



الشاطر اللي يفكر بعقله ويميز الصح من الغلط .. واذا غلط يعدل هالغلط


ومثل مايقولون موعيب الواحد يغلط .. العيب لما يستمر على هالغلط


---> شفيها الناصحه النصوحه :)))

Feras said...

السلام عليكم
موضوع يلخص بدايه الشباب والبنات بالنت بعض المرات اقول انا مدمن الله يفكني ان شاء الله منه, وبعض المرات اقول الحمد لله اني مدمن واعرف النت

Nescafé said...

ايييييه ذكرتينا بالذي مضى

اكيد الكل له مغامرات بالنت من اول ما عرف هالعالم لين يومج

من ايرسي وايسكيو وبالتوك ومسنجر ومواقع وكللل شي

والله ايام

وطبعاً مع كل تجربه يستفيد شي يديد وهذا المهم

enter-q8 said...

كنت احسب قبل ان البنات اللي يدخلون النت مساكين لأنهم راح يطيحون بذيابه
بس مادام طلال و مادري منو لا ابصم اني كل يوم اصعق
من السوالف اللي اصعقتني بالفترة الاخيرة
وحده تكلمني على انها واحد
و واحد يكلمني على انه وحده
و اللي خلاني اصعق
اني جدي جدا معاهم
و بالاخر اهم اللي قالولي


بس تبين الصج
ارفع عقالي لك

LonDonY said...

صراحة؟؟ جني قاعد اقرا

C V

بس مو اي سي في .. حدددده قوووي وجررئ

الحلو فيه صراحته

ومبين انج تعلمتي وايد شغلات

عن نفسسسج قبل الناس اللي احتكيتي

فيهم.. الحلو بهالتجربة انها خلتج

قادرة على تقييم اي انسان في وقت ..

قياسي

elzain said...

هذه اول مره اكتب فيها شي بهالسايت..حتى ما كتبت بوست حق عمري..بس ابي اعلق لان وايد حبيت الكلام و وايد حبيت طريقه الكلام..تصدقين كأنه وحده من رفيجاتي اللي قاعده تسولف..قبل حسبالي بس انا و رفيجاتي اللي عندنا هالحركات و هالتفكير اللي نبي نستانس بدون ما انأذي احد و ماحد يعرفنا..بس عقب ما قريت كلامك و قريت بنات الرياض, عرفت انه اكو وايد من نمونتنا :)
anyways..i realy had fun reading ur words girl..thank u :)

Q8LoVeR said...

والله احنا مسكاين

صج من قال البنت اشطن من الصبي

lawyer said...

المشعل
حيااااااااك الله
توصل بالسلامه انشاء الله
هالله هالله في التمر الطيب حق رمضان

الفراشه

هههههههههههههههههههه اي شفتي حركات
الحمدلله اعجبتج الاغنيه:)

نورتي ..لا تقطعين



ليااااال

هههههههههههه والله ضحكت
شفتي اشلون حياتي المعاصره
الا حياتي المستعصره!!!!

اي الحمدلله ما حاشج الادمان



ريمااااا
ههههههههههههههههههههههه

وربي اموت عليج
:**************




ريلاكس
ههههههههههههه مت من الضحك
على سالفه الهكرز
ابييييييييييه ليش عاد يا حافظ
ليش تقبلين فايلات؟؟
و لا ماكو برامج حمايه؟؟

افا علييييييييييج
اخذي راحتج و استانسي وكتبي و طلعي الي في قلبج
الا بسألج
الحين انا مع الكبر مدري اشفيني اهملت نفسي
لا اتدهن
لا اتسننننننننننع
مدري اشعلامي شوقتيني على سالفه التدهن
حسيتج حدج سسسسسسسسسسنعه
زقطه بلقطه




فراس
نورت حياك اخوي


اي والله محنا عارفين
مدمنين بس الحمدلله اذا على نت و لا شي ثاني






نسكافيه
ايييييييييييييييييييييييي
اياااااااااااااااااااام
بس ترا هم احنا شباااااااااااب

يعني مازال العد مستمر
نطرو علي جم سنه جدام
و ببدع بعد
ههههههههههههههههههه



حاكي عقالي

احلى شي ررررررررررررفعه العقال
تسلم
ههههههههههههههههههههه
بسسسسسسسسسسسسسسس والله ترا يا حاكي حدي حدي استانست في طلووووووووول


ياختك البنات فهههههههههر
و سوالفهم اتونسسسسسسسس
و تعرف شغلات هههههههههههههههه

بس يا شينهم لازم مقااااااااابل
الله يعينكم علينا




لندني
اهلاااااااااااااا
اهلا

شفت السي في
مشررررررررررررررف حدا هههههههههههه

ادري ادري

بس هااااااااااااا عندك وظيفه لي؟؟
غير مخبر
و ازقمبيه؟؟
ههههههههههههههه



الزين
نورتي
و حياج الله
اي والله وايد وايد في مثلنا
و اكثر
هذولا البنات
بس مع القمع الاجتماعي
اتلاقينا منخشييييييييييين اهني
و في بيوت رفيجاتنا
و سوالفنااااا مساسسر





كويت
احم احم

ترا حقوقنا و خذينها لا تتحرررررش فينا
ههههههههههههههه

lawyer said...

كويت دايفر
ههههههههه
والله مدري ليش بس اهي يت جذي


افا علييييييك احركها وبس
اما طلوول هذا تعرف السرسره بالخبره فماشاء الله عليه رد و بدل
هههههههههههههههه


لا والله الحين عقلنا جهاز واحد و لاب توب بس

في جهاز ثالث بس عليه البرنتر و حدا كحياان

حسام بن ضرار said...

هذي النت

عالم فيه الزين وفيه الشين

لكن شينه ازود وايد من زينه




والعاقل من اتعظ بغيرة

esTeKaNa said...

واااااااااااااااي
ياربي انا انلام اذا ولهت على خفيفه الطينه فطومه؟
:))
شخبااارج؟
خبري فيج بذاك البوست اللي في الطيارة اللي يعور القلب واول ما رديت قريت هالبوست العجيب
مت من الضحك على الاربع اللي حولتيهم على رفيجاتج
يختي زوقه وبارة برفيجاتها
:pP~
صراحة بوست ميزته صراحته
ملينا من الانفصام بالشخصيات اللي نشوفه كل يوم
طول النهار سنعه وبالنت تفصل
!!
عندي قناعه كل بنت وكل ريال في جزء من الينون وجزء من العقل،ياانه يحاول يوازن بينهم وهذا قمة النجاح
يا انه جانب يطغي على الثاني
وممممم
فيني قرقه وايد
والبوست اللي فوق مو راضي يخليني اكتب شي
:(
وبعدين مشالله شهالزين
شنو الالوان والحركات؟
عساه ملبوس العافيه
:))

Alather said...

تدرين بعد ما خلصت البوست وقريته وقفت وقفة صمت ..

قعدت افكر .. مادري شلون برد.. احب ارد لي غرض من الرد.. ولكن شكتب ..

قلت اقرا ردود البقية وبعدين اكمل..
اكمل تفكيري ..

فعلا انصدمت انصدمت من وايد اشياء ..
لهالدرجة اكو ناس ؟
كل مرة اكتشف شي يديد .. وكل يديد اقوى من الثاني ..

فعلا شفت ناس طيبين وكتشفت الهوايل بعدين اكتشفت افكارهم انه كل هذا عادي يسونه..! للحين مستغربة ..

انا وين عايشة..! والحمدلله اني مو بذاك العالم عالاقل راحة ضمير..

بالنسبة لي ما احبذ كلش استخخدام هالاي ار سي..

حتى مكالمات شبابية .. شاتينغ او مسنجرية عابرة .. كلش كلش ماهي حلوة.. من جانب ديني ومن جانب عادات وتقاليد .. يعني من الجانبين

انتحال الشخصية ..شخصية ناس ماحه .. رغم اني احب اطفر الناس واسوي مقالب.. بس غالبا تكون خفيفة وما تكتمل .. احسه خدعة يا اخدع نفسي يا اخدع العالم بالحالتين ماحب اعيش بنص هالدوامة..

مادري يمكن ما يعجبج كلامي او يكون نوعا ما قاسي.. بس فعلا ماقصد اضايقج ..
وجان فيها نقد اتمنى تتقبلينه بصدر رحب :)

بالنهاية..احس كل مرة اتزيد مداركي انفتاحا وانصدم اكثر بالعالم!!

tasty_as_berry said...

أنا احييج واحترم صراحتج وعفويتج ..

كلنا مرينا بفترة مراهقة وطقوس غريبة !

بس تعلمنا أشياء وايد .. ولما نتذكر نقعد نضحك :)

وأتفق معاج أن السنع مو سهل تقييمه .. مو بس كلمة وتنقال .. كل شخص قابل للأنحراف متى ما توفرت له الظروف ..

تحياتي لج ،،،