Monday, August 21, 2006

سواااااااااااااااااااق اخر زمن

مدري احنا الكويتين طيبين زياده
و الا احنا مقصه
و الا قلبنا كلش

تلاقون الخدم مدللين اكثر من معازيبهم
ياكلون احسن من معازيبهم

يرتاحون اكثر من معازيبهم

احنا في البيت امي ادلل الخدم اكثر مما ادللنا
و كل ما قلنالها شي
قالت: وعليه عليهم مساكين متغربين !!!!!!

ماراح اشرح لكم الوضع كله مع خدمنا
و لكن بقولكم سالفه السايق اليديد

تواا ياينا سايق ما صارله شهرين
تعلم و اخذ الليسن
اشلون ما ادري؟؟
حتى السياره ما يعرف يطلعها من الكراج!!!!!


ركبت وياه مرا ابيه يوصلني الجمعيه
مسكيييييين يطق اشاره بالدوار

و اذا يت سياره قربت منه هد السكان و غطى عينه!!!!!!!!

و ابتشلنا فييييييييييييه بلشه

الهاي واي ما ياعرف يسوووووووق


اللفه ما ياعرف

يكع بريك في اليو تيرن!!!!!!!

كل هذا عادي

الي مو عادي في الموضوع

ان سايقنا صغير يمكن حتى ما كمل 18 شكله ياااااااهل

و كاسر خاطر امي


كل يوم تعطيه كرت تقوله كلم امك!!!

يسووق فيها بوديها مشوار

يخاف


اتنزله في نص الشارع

و تسوق اهي بداله

!!

اخووي بيرووح السينما


تقوول حق اخوي فقير هذا دخله وياك الفيلم!!!!

اذا امي خلصت من مشوارها تمر ماكدونالدز تشتريله وجبه!!!!!!!!!

المشكله يتشرط يقولها ما اكل لحم!!!!!!

هذا كله بصوووووب

و بصووب الي صار اليوم

اتصلت عليه العصر

انا : الوووووو كوول وينك؟؟
كوول: ام ان صالحيه كومبلكس!!!
انا : هووو شتسوي في الصالحيه؟؟؟
كوول: ام ان ستار بكس!!!!

انا : مالت علييييييييييييك عمى بعينك من اموديك ويا منو؟؟
كوول : ويذ مداام


اسكر التلفوون في ويهاا!!


ادق على امي

انا : الوووووووووو يماا وينج !!!
امي : انا في مارينا رينالدي اشتبين ؟؟
انا : ادق على هالحمار يقوولي في ستار بكس
امي : ايييييييييييييي انا طالعه ويا السايق ابيييييييييه يدل الصالحيه !!!!
و قلت حر موووووووووت شقعده براا دخلته ستار بكس و شريتله هووت شوكلت !!!!!!!!!!!!! و قاعد ينطرني على ما اسوي شغلي

انا : نــــــــــــــــــــــــــــــــــعم !!!!!!!!!!!!!

ستار بكس
و صالحيه !!!
و هوت شوكلت

يما مع السلامه مع السلامه

وااااااااااااااااااااي بتذبحني امي
من طريقه دلالها للخدم

ارد ادق على كوووووووووول
انا : اقووووووووووووول عمي كووووووووووول ما عليك امر يعني و ما عليك كلافه
اذا خلصت من الجززززز بالصالحيه و اذا الوضع مو عاجبك في الصالحيه
بلييييييييييييييز ود اهدوومي اللوندري

!!!!!!!!!!!!!!!


لااااااااااااااااااااااااااااااااا تعليق !!!!!!!!!!!!!!

اكثر من هالدلال مدري شنو

30 comments:

Fuzzy said...

... صحيح اللي قال يوضع سره في أضعف خلقه
بس صراحة الخدم بشر وحنا في الكويت في نعمة والخدم يقدمون لنا خدمة مقابل أجر .. يعني محد أحسن من أحد .. والمفروض نعاملهم بكل رفق لان اللي يسئ معاملة الخدم راح يشوف الويل .. خصوصا الطباخ ! استغرب من اللي يعاملون الطباخ معاملة سيئة ! اقل مافيها الطباخ بيتفل بالاكل

Fuzzy said...

اعرف واحد من الربع... سايقهم شوي غبي... مسوي حادث .. سألوه شالسالفة ليش داعم وداش بالدوار ؟
جان يقول في حد يحط دوّار في نص الشارع !!!! هاهاهاها الظاهر يبي الدوار عالرصيف

Mohammad Al-Yousifi said...

سايقكم عجييب و الوالدة أعجب

بس والله زين تسوي تكسب فيه اجر

ليس الغريب غريب الشام و اليمن
ان الغريب غريب اللحد و الكفن

Яeema said...

looooooooooooooooooooooooooooooooooooooooooooooooooooooooo
ههههههههههههههههههههههههههه

laaaaaaaa laaaaaaaaa laaaaaaaaaaaa

ما أصدق ما أصدق
عبالي ليما ألحين نايمة الظهر و حلمانه
هاهاهاهاهاهاهاهاها

أنا لا تعليق بعد

ما شغل بلوتووث بعد؟؟
ما يبي إنعلمه؟

{ 13 } said...

الحين سوالفج عن السفر خلصت يعني؟؟؟ مافي اضافات ولا صوررر..اوووف ......وبعدين ليش سواق اذا حتى الوالده تسوق..؟؟..انا ابغي اجيب اثيوبية .. تعرف تسوق ..عشان يكون اثنين في واحد ..تيجي معاي السوق تشيل اغراضي وتسوق السيارة ..ولازم تكون كشخه شبه عارضة الازياء ايمان جذيه ....دونجو..دونجو..

enter-q8 said...

اقول ما تبوني سايق
اللحين اخذ تقاعد طبي
بس ها اكون ويا الوالده مالي شغل في مشاويركم
تودني الصالحية وتقعدني بستار بوكس لما تخلص
هذي والله المعزبه السنعة
منو يحصل له مدير جذي

قبل عندنا سايق يوم احنا صغار
نقوله خفف لاتسرع
يقوم وانتي تكلميه يكع بريك يلصقك بالجامه اللي جدام
ويطالعك بنص عين
ويقول
في بريك موجود
بنفسيه
نقول حق الوالد
يقول لا انتوا تأذونه

3ateeja said...

ههههههههههههههههههههههههههههههههههههههه
لو ير يا علج العافيه قولي امين
يقولج لكل امرئ من اسمه نصيب
وسايقكم كوووووووووووووووول
لوير اظنتي بيي يووم بتلاقين امج تسوق وهو قاعد ورى

tweety said...

لوووووووول
صدقيني والله حتى أمي مدلعة نابليون سايقنا مسمينه نابليون لأنه قصير ومو هين
نفس الشي لي دشت مكان دخلته
تشتري له عشى
لي دشت الجمعية دش معاها واذا اعجبه شي حطه بالعربانه بدون لا يسأل اتصدقين ذاك اليوم من كثر ما تدلع مخلي أمي تشتريله فير اند لفلي !!! شسوي فيه مادري
عاد قتلهم يوم انكم اتدللون السواق جذي ييبولنا سايق لبناني حلو لي ضاق خلقي خليته يودينا كوستا ويجابلني أشرب وياه قهوة والا اروح مع السينما
وان الله جميل يحب الجمال

Diver said...

و الله صراحة امج مسكينة اتصرف بغريزة الام الله يعطيها على قد نيتها
بس الصراحة خوش سالفة
انا سمعت اقول سمعت مو متاكد ان امج تبي تشتري حق سايقكم سيارة خاصة يعني حقة مقة و اعتقد انهم يقولون تبي تشتريله كيان تربو
الاشالة تقول جذي انا مالي شغل

نون النساء said...

يالله لك الحمد والشكر
بس ترا الخدم اذا تدلعو وايد
يقلبون عليكم
يعني الأغلبية ما يبين ابعينهم
إلا القليل منهم


وهم الواحد اذا بدا مع الخدم مالوتهبالزينه والدلع
ما يقدر يقلب

في بيت خالتي خدامه تشتغل عندهم من خمس تعش سنة وطبعا من انا ياهل اهيه عندهم

كل ما رحنالهم بالزوارة
اتخمطني انا وامي من عند الباب
وتبوس
وشلووووونج خااالتي
شلونك بنت خالتي

عني انا

وكل ما سافرت ديرتها اتييبلي مضاعد الفالصو مالوت الهنود
هههههههههههههههههههه

بس عاد ما وديناها ستار بوكس وشربناها هوت شوكلت

أكاديمي said...

الحمد لله على السلامة

بصراحةعجيب عجيب الموضوع

هاهاهاهاهاهاها (:

إذا حبيتي أدز سايقنا يوديها

حاضر وتستاهلين

الأكيد إن صغر سن الخدم شي مو جيد

وكمان الأكيد إن التعامل الإنساني

مطلوب خصوصا مع الخدم والفقراء

رسولنا الكريم قدوتنا في تعامله مع

الخدم ماكان أبدا ينهر الخادم أو

يقول لما فعلت كذا أو لما لم تفعل كذا

والقيمة الحقيقية بداخلك يا الإنسان

وتعاملك مع الغير كما في الأثر الأدبي

على أن تكون أنت الكريم مع الناس

وليس العكس

عذرا على الإطالة

ويلكم باك تحياتي

Chai-7aleeb said...

عسا الله يخلي لكم هالوالده و الطيبه اللى فيكم

هذا من أصلكم الطيب و لا تستغربين

حمدى ربك

أنا أعرف ناس يصبحون و يمسون على طق خدامهم و يعاملونهم مثل الكلاب

خلكم جذى أحسن

lawyer said...

فزفز

اي صح كلامك فعلا لازم نعامل الخدم بما يرضي الله و نخاف الله فيهم
بسسسسسسسسسسسسسسس مو جزززززززز في ستار بكس
ههههههههههههههههههه

اما سالفه سايق رفيييييييجك حدها عجيبه

:)

lawyer said...

مطقوووووووووق

اي والله مسيكينه امي كل ما قلت لها شي قالت انا اسوي لله
مو لعبدالله

الله يعطيها على قد نيتها
بسسسسسسسسسسس بدون جزززز






ريما


والله ما يندرى عنه
بسسسسسسسسس اكيد يعرف
و الا اشحقه 24 ساعه بالسكه و رناات ويا صبيان الفريج





قطعه 13

ههههههههههههههههههههه

عندنا سواااااااق عشان امي تسوق و اهو يقعد ورا
ههههههههههههههه

والله هم فكره

عاد تدرين جدتي مطوعه و ما كانت ترضى تركب خالاتي مع سايق من غير محرم
قامت جابت سوااااقه هنديه
ههههههههههههههههه





انتركويت
ههههههههههههههههههههههه
لحظه خلني انا اقدم على طلب سواق عند امي
اذا ماحصل نصيب ابلغك
هههههههههههههههههه

اييييييييييييي ما ادري ليش اهلنا ما يصدقونا
!!!!!!!!!!

lawyer said...

عتيييييييجه

خبرج قديم مو امي كل المشاوير اهي تسويها و تقطه ورااااااا
على ابو انه تبييي يدل!!!!!!


والله حاله



تويتي
وووووووووووووووووووووووالله ما لج امل ايبون لبناني
هههههههههههههههههه

اشناويه

سكتي لا تخليني اعلق اكثر مو زيييييين للصحه هههههههههههههه






دايفر
ختشتريليييييييييييي انا سيااااااره اووووووووول
مو اترجى السايق يسلفني سياره البيت

lawyer said...

نوووووووووووون

ايييييييييي ادري انا ما احب ادلعهم و لا احب اظلمهم
اعاملهم وسط
سو جذي و سو جذي و خلصنا
كل شي بحدوود

وييييييييييي انا خالتي فلبينيتها 20 سنه اخررررررررر شي باقت الاولي و التالي و راحت


و يدتي الله يرحمها عندها هنديه 30 سنه
اخر السنين يبنالها خدم تشرف عليهم

لان يدتي ما تبي تردها الهند تقول ما عندها احد اخاف ما يقومون فيها
و ليييييييين توفت الهنديه في الكويت

يالله مسكينه ارتاحت


سكتي احنا عاااااااايله 10 نجوووووووووم
هههههههههههههههههههههه



هالبوسط خلاني اطلع فضااااااااااايح و تاريخ الاسره الكريمه







اكاديمي
اهلا اهلا نورت
بشرنا عنك؟؟

لا افا علييييييك ما طولت حياك الله و شكرا لك
و فعلا كلامك لاااازم نعاملهم معامله طيبه
و الفقراء و المساكين
يا ريت نكوون احنا مسكين
الرسول عليه السلام يقول
الله احيي مسكينا و امتني مسكينا و احشرني في زمره المساكين


و الفقراء نحبهم مو عشان ضعفهم و بس
بالعكس
عشااااااان اهم عند اللله احسن مننا
يكفي انهم يدخلون الجنه قبلنا

lawyer said...

كيتي
يا شييييييييينه عاد اذا صااااااار طباااااانه
وااااااااااااااااي يعل القلب ويفت الجبد




شاي حليب

شكرا شكرا كرك
تسلم والله من طيبك انت بعد
ما عليك قصووور
لااااااا اعووذ بالله
لا انشاء الله ما انطق

اسم الله علينا
ما يسوي يدعي علينا دعوته مستجاابه

كل شي ولا حوبه هالفقراء

سالفة قلب said...

غشيت من الضحك....

بوست حده روعه

الله يعطي الوالده الصحه وطولة العمر ويرزقها على نيتها

lawyer said...

سالفه قلب

امييييييييييين يا رب و يخليلج والدينج انشاء الله
تسلميييييين على هالدعاء الي يبرد القلب

Nunu-San said...

LOL!! Ya7lailha you're mom is so cute ;P

Anonymous said...
This comment has been removed by a blog administrator.
Anonymous said...
This comment has been removed by a blog administrator.
QiYaDiYa said...

يحليلها امج تشوق ..

الله يخليها لكم ولا يحرمكم منها ;)


عندي بنت عمي .. قبل لا تسوق بالجامعة السايق يوديها ..

عاد اختها الكبيره ما كان عندها سيارة ذاك اليوم فالسايق هم بوديها الدوام ..

بالروحه امسكت اعصابها ..

بالرده .. خلصت محاضرتها بنت عمي و راحت السيارة ولا تلقى السايق ورا و اختها الي تسوق و حدها متنرفزه .. ما اقدرت تتحمل ;p

mishal said...

الله يهداكم الناس دازين ولدهم عشان يشتغل ويتعلم وانتم شكلكم بتردونه لهم تروفه

:p

LonDonY said...

عرفتوا شاللي راحم هالبلـــد ؟؟؟؟

افعال الخير لها اشكال والوان.. رحمتها او طيبتها في سايقكم مثال من بين الف مثل عن الطيبة والرحمة وامج عسى الله يخليها لكم ماهي الا عينة عشوائية من طيبة غالبية اهل الكويت وتواضعهم
عسى الله يكثر من امثالها

layal said...

يه يه يه
اش هزين ؟؟ اش هل حلاه ؟؟
عليج بالعافيه علي النيييو للللووووك

Anonymous said...
This comment has been removed by a blog administrator.
lawyer said...

nunu
حيااااااااج نورتي

مشكوووووره عمري

joan of arc
اييييييييي شفتي ياختج امهاتنا بخربون علينا هالخدم
هههههههههههههه


اي والله مساكين و الله يعطيهم على قد نيتهم يا رب


ويييييييييي موتيني من الضحك
امج تعالج و تحاتي حتى الارانب
وااااااااي لا امج ماكو قلب مسكينه وايد وايد طيبه

يا عوينتي




قياديه
الله يخليج تسليمن
و يخليلج كل غالي يا رب



اي سكتي احنا الكويتين حاريييين على جونا ما انتحمل هالخدم مدري اشفينا
ما نبي احد غبي





مشعل
ههههههههههههههههه

انا مالي شغل

هذي امي



لندني
الله يسلمك
مشكووووووووور
اخجلتني
بس اشرايك في النيو لوك الي مسويته؟؟

شكلي فيه حلو؟؟




ليال
بعد عمري

الله يسلم ايد ريماااااااااااا


حياتي اهيا الي مسويه كل شي انا ما اعرف اسوي شي

الله لا يخليني منها

joan

بعد رووووووووووووحي ما قصرتي

اي هذي ريما مسنعه بلووقي
مكشخته
مسويييييييييته لي

:)

LonDonY said...

لا مشاء الله وايدددد حلوووو
والالوان هااااااادية على العين
وشكل الصووورة ماخذه قلبج
لانج غيرتي كل شي الا الصووورة
لا حلوووة والله

Alather said...

تحفة لازم يوميات حق سايقكم ..

احنا والله بعد ما نتحملهم بس مابيدي حيلة اسكت وانا على اعصابي ليين اوصل مكاني متأخرة طبعا لانه يمشي على بيض

وان قلنا سرع خفنا يطير ..

اذكر سايقنا القدييم كان عشتو كشخة ما يسوي شي غير يسوق هالسيارة ويغسل السيايير وبسس ما يلمس الحوش ولا يبي يغسله .. يعني اهو من عايلة مرموقة بالهند

مرة قلنا له شوي خفف.. .. جان يوقف ويمشي حبه حبه .. !!
راح دعينا عليه ما يرجع ولا رجع لوول

والامهات كله مدلعين هالخدم..
بس بصراحة احس احسن .. ناخذ فيهم اجر .. يكفي غربتهم عن وطنهم واهلهم