Wednesday, September 20, 2006

امي و صوانيها

وصلتني مسج اتموووووووووت ضحك
بصراحه هذا ثالث او رابع رمضان
توصلني هالمسج
و اموت عليها ضحك
المسج عباره عن صوره لوحده مبسطه
مرا جبيره و تحت مكتوب عليها
امي تسلم عليكم و تقولكم ردوا مواعينا قبل رمضان
ههههههههههههههههههههه

تبون الصج
تذكرت امي و عشقها للمواعين
صصصصصج والله
امي عندها اماعينها اعز و اغلى منا احنا
اذا تنقصنا حق ربعنا شي

تلبح كل يوم ويييييين الماعون
دقي على رفيجتج
روحي يبيه
مواعيني و مواعيني
مشكله عشق المواعين و الصحون و المطاطير تبووووون الصج ادري والله ما تصدقووني


بس خلوني اقولكم عندنا مطبخين تحضير كبار كل كبتاتهم
بس كراتين مواعين
دار ثانيه مخزززززن بس مواعين
في غرفتها التبديل كبت مواعين و صوااااااااااني
و يمكن عندها 20 طقم كامل بو متيين قطعه شغل الي كشخه حيل

و غير االاطقم العاديه الي تتغير كل رمضاااااااان
طبعا الحين انتو بتقولون ماشاء الله سفرتكم حدها كشششششششششخه!!
كل يوم طقم !!طبعااااااااااااااا لألألألألألألألألألأ


الله وكيلكم صحون الغداااااااااا صارلهااااااا سنتين ما تغيرت الا في رمضان !
!و اذا قلت لها يما لاعت جبدي من هالصحون طلعيلنا طقم يديد!!
ترد علي هوووووووووووووو تبون تاكلون في طقوومتي !!الكشششششششششششخه
انزين يما ليش شاريتهم!!و مضيجه علينا البيت !!
هوووووووووو يا حبيبتي انا شاريتهم للعزايم و المناسبات !!
حبيبه قلبي يما اي مناسبات اذا انتي اي مناسبه دقيتي على الفندق حطلح البوفيه و تحرصين عليه اييب اماعين سنعه

و اذا قلت لج طلعي اماعينا الزينه
قلتي هوووووووووووووووووو تبين السيرفس يكسرهم لي و انا شاريتهم باغلى اثمانهم !!!!
و نفس القصه بالنسبه للمطاطير


خوووووووو المطاطير قصه ثانيه

الي يحب امي ايبلها صوغه مطاره و بعدين انشوف المطاره مرا وحده و يصرف لها شهاده وفااااااه
يما وين المطاطير الي شاريتهم من 10 سنين !!

هوووووووو تبين اطلعهم يخربهم الطباااااخ في السيييييييييم يزلقهم !!فضياااااااات هذولا !!
الشكوه لله


لا بليز لا تضحكووووووووون علي

ترا امي مو بس جذي مع المواعين

حتى مع الشراشف ملوت لندن و امريكا !!

كل سنه تروح و تكووود شراشف و كفارات ووزن

و ابووووووي كل سنه صراخه شايل في المطار على الوزن
و تخش فيهم


يما خلينا نستخدمهم !!
لألألأ كششششششخه
انزين خلينا نستخدم ملوت 3 سنين فاتتلألألألألألألألأ كشخه
انتووووو كفوكم ملوت كاربت سيتي الي من مصر !!
يماااااااا غيري كفارتنا

انزين نطرووووو تنزيلات دبنهامز
اي موسم تنزيلات دبنهامز

تكووووووود شراشف لين تقول بسسسس
اتورينا اياهم
و هذا ويه الضيف!!
ادري تستغربوووووووون من عشق امي العجيب للمواعين و الكفرات الي انا اجزززززم مليون مرا انهم اغلى بوايد عندها من اعيالها
بس اكيد في وايد حريم مثل امي


و كل عام و انتوا بخير
و رمضان كريم
و الي بخاطره يشتري هديه حق امه يروح يشتري مطاطير او مواعين
و حبولي راس امهاتكم

20 comments:

PearL said...

كل عام وانتي بخير

وضحكتني سالفة المسج

كل ما يوصل لي اضحك

لا انا الحمدالله امي ما عندها هالمشكلة

بس جد الله يعينج
اعرف وايد ناس جذي
و اولهم يدتي
غرامها المواعين وهالسوالف
تهقين ليش ؟

Charisma said...

انا وريما قرينه البوست مع بعض اخر الدوام وماكو وقت بنحط الكومنت مع بعض

كيتى تتحدث :

احم احم ههههههه فطييييييييم يدتى نفس امج لوووول اتعلم على اماعينها الله يرحمهااا بصبغ اظافر ولالالالالالالالالازم حمر يببببرقققق عشان لا يضيع الماعووون لووول وحتى لما طلعت مكينه التحفر على الماعون ما تعترف فيهاا الالالا الصبغغغغغ

لووول
امى انا لا عشتاو استكرز عليها ام ناصر لووول

اى ترى كلهم جذىىى
وااى اتشوق امج موتينا ضحك انا وريمه
لا انا امى تحب اطلع والقديم اتصدق فيه ما تحب اتكود من كثر ما تشترى
اصلا اتوزع اماعين يديده ما دارت السنه عليها حرااااام والسبه ما تبى اتكود لوول

انا خلصت شريت الهدايه مطاطيير واطقم يديده وافتكييت عليهم بالعافيه اهمه الخير والبركه هذووول والله لا يخلينه منهم امين

وعساج من عواده

ريما تتحدث:
أههم شي ماعونكم مال كريم كراميل صارله شهر عندي
هاهاهاهاهاهاها

أرد للموضوع الأصلي

أمي كل ما أبطل كبت في بيت أهلي يطيحلي يا ماعون يا قلاصات يا فناييل

و إلا شراشف

حتي خالتي قامت إتعايرني تقوللي مافيييج من سنع أمج إشعرة

ليييش؟؟؟
أمي يايبه حق خالتي شراشف ما أدري من وين

يعني صج شنو هالعشق الغريب لإغراض البيت


المديل اليديد الستيكرز

و إذا دزولي ماعون أهلي ، أمي إتدق علي الخادمة إتوصيله بعد الغذا ينغسلون لماعين و يندزون ويا السايق


أشونه بس بيت أهلي يمي مو بالخيران
هاهاهاهاهاهاها




كيتى :

اى تذكرت امى ما قامت اتنقص بماعين
عشان لا اتحاتى مواعينهاا
قامت مواعين فلين ولا قصادير تقول عشان لا احاتى
وافك الناس عشان لا يبتلشون شيردون النقصه فيه
اكو ناس ما تحب اتنقص ما تحب تحرج الناس
وسلالالامتكم


ريما:

فطيم إشلونج إنتي زينه؟
عالوعد اليوم؟

Fuzzy said...

تذكرت مقطع مسرحية عادل امام الواد سيد الشغال لما كسر الصحون جان يعصب عليه ويقوله طقم الصحون هذا
signe`
قاله يعني شنو
signe
قاله يعني هذا طقم فرنسي موقع عليه نابيلون بونابرت بنفسه هاهاها
رد عليه عادل امام وقاله يعني نابليون هد حروبه وقعد يوقع على صحون ! والله احسن حل حق الوالدة انها تحط لزقة ستيكر على مواعينها عشان لما تطرش شي حق ناس يتذكرون انها مواعينها :) والله يحفظها ويخليها لكم ومبارك عليكم الشهر ان شاء الله

ReLaaaX said...

looooooooooooooooooooooooooool



واي يدتي الله يرحمها يدتي بالضبط
لا وبعد ماركو على قولتها قبل لا يفتح بالكويت من زماااان اتطخ .. والكريم الازرق من بوتس واااااااااااي وينحط بالثلاجه عشان مايخترب الظاهر لووول




وعشق الماعيين والمطاطير ينولد معاهم بس الحين انقرض :)))



امي اتحب المطاطير اكثر من الماعيين



آنه احب اشتريهم واعطيهم هديه يااختي ياامي ياامهات رفيجاتي .. بس مايندرى باجر اشبسوي !؟

Hosno said...

ذكرتيني بدتي الله يخليها لنا
يدتي الله يسلمج عندها غرفه خاصه بالبيت مو اي واحد يدخلها لأنها عرفه الاسرار فيها خزنه الذهب والباجي كله صحون و مطاطير وستكاين وقفاش . مثل ما قلتي الصحون الزقرتيه ما تطلع الا بالمناسبات والاعياد .
الله يخليهم لنا وحتى طبايعهم حلوه
بس اكثر شي استغرب منه الجدور الى اقدر ادش اعيش بالجدر كبار وايد
شكلهم حق العزايم العوده
على يوم بنخش بجدر لما تطلع من الغرفه علشان اشوف شنو في بالخزنه اخاف فيها توابل هنديه مو ذهب
وتسلمين على الموضوع

Nescafé said...
This comment has been removed by a blog administrator.
Nescafé said...

الظاهر والله اعلم ان هاذي العاده عند اغلب الامهات

انا امي مثل ما قالت ريلاكس
تحب المطاطير اكثر
وتقدسهم وايد بالضبط نفس امج

بس هذا ما يغنيها عن الاماعين، ياربي مادري شنو السر
لا وتنقيهم نقوه، وتستمتع لما تشوف الاماعين الكشخه
يعني انا عندي عادي كله واحد

ويداتي ثنتينهم كانو يحبون الاماعين جذي
وحده منهم عندها مخزن اماعين الضيوف
كبييير لما كنا يهال كان ممنوع ندشه علشان ما نكسر اماعينها اللي شاريتهم باغلى اثمانهم

الاستكرزات اللي الحين وايد احسن
لان احنا مرت علينا فترة صبغ الاظافر الحمر اللي تقول عنه كيتي
ولازالت هالعاده موجوده
Mتلقين فجأه تحت الماعوون حرف ال
بصبغ الاظافر
غير هبة المطاطير بعد الحين الشغلات اللي تتعلق عليها (جاي وقهوه وزعتر ومرميه...) شحلاتهم امس شفتهم بالمعرض لو ماخذه حق امي تكشخ مطاطيرها

Smile said...

ههههههههههههههههههههههه
ضحكتيني والله ....ويحليل امج والله مت من الضحك على اماعين امج .. انا اذكر انه امي كان عندها هالعقده بس احين تشافت منها
ماكو فايده ماراح تشوفون هالماعين االا انكم تفجونهم وتشوفونهم من غير ما تدري
هههههههههههههههه

The Simper said...

الله يخليهم انشاله
وهم يزيد مواعينهم
أهم شي وناستهم

;)

nice post :)

albandry said...

ياوخيتي
امتس لا اول ولا اخر وحدة وبالكويت خاصة


انا خالتي شيلتنا جدر هريس من المغرب
شوفي اشكالنا بالمطار
وصار انتيك وكله خايفة يتحكك

اما المطاطير كل سنة اييب لها طقم وحيل وديهم السرداب تقول حق الخدامة بنخشهم حق العيد
وايي العيد وماشفنا المطاطير
قمت اييب طقم صحون برمضان تقولل ويييييي زهبنا الصحون عاد
خلاص خنحطهم رمضان الياي
وعينك ماتشوفش الا النور
ماكو خبر

واذا رحنا اسبانيا نجلت افزط5 سنين وما اشوف بالبيت الاملوت تجهيزها يمكن

بس امي مو جذي صغيرة وشغلهوليك
ماتحب هاللوية

يدتي سالفة مواعيني مواعيني نفس الحالة قمت اذا وصيت طباخها على شي اطرش مواعيني فشلة ثاني يوم داقتلي ها يابو مواعيني

albandry said...

لا صاجة كيتي قبل يحفرون الاسماء عالمواعين
والحين طاحوله ستكرات

ReLaaaX said...

loool

والله صج اللي يعيب الله يبليه

شريت اليوم مطارة حق الحليبة ^_^ مدربحه .. اييي صج اذا المطاطير اللي تبينهم يكدون لازم اتدورين وتقرين انها المانيه والا غيرها ماراح تقعد


لأن خلاص ام نقطه حمره قامو يقلدونها واللي على فيل بعد انقرضت ;)

سالفة قلب said...

مو بس امج انا خالتي حاطتهم تحت فراش غرفة ولدها المسافر وداخل كبتات المكتبه

مادري شنو هذا العشق للمواعين

كل سفره كل سالفه كل قعده بس نسمع عن اسعار المواعين

انا الحمدلله اشتري الغالي واونس فيه بيتي قبل كل الناس

Princess said...

اول شي مبارك علييج الشهر .. واااااااي مت مت من الضحك . . سوالف أمج بالضبط مثل يدتي ََ!! عادي بعد سنة تشتري قسيمة و تسويها مخزن .. واااااااي وااااااي ترس مواعين على مطاطير على اجهزة كهربائية والله و الله عندها فوق ال 30 تلفزيون و كل سنة تشتري يديد و القديم بالمخزن .. بس امج مبدعه بالكفراات .. عسى الله يخليها لكم

eSGHaNooNa said...

وييييييه عندنا و عندج خير
الماما جذي بعد من كثر ماتخش مواعييينها
قامت تنساهم لوووووول
انا اذكرها اذا يوا المعازيييم !! هو شالله حاااادنا عاد !!
بس ذكرتيني ودي اشتري طقم يديد عادتني :)

Q8ya said...

smile

حدج مسكينه ترى ليلحين امي ما تشافت ههههههههههههه انتي طلعتي من عندنا بلاااج ما شفتي شيء خخخخخ

لوير الله يخليلج امج..:)

dr.unreachable said...

هذي اول زياره لي

كل عام وانت بخير ومبارك عليج الشهر

lawyer said...

بيرل

هلا و غلا فيج مبارك عليج الشهر مقدما
اييييييي مدري ليش هذي الهوايه
هوس الشراء




كيتي
هههههههههههههههههه

سكتي قلت حق امي عن يدتج ضاق خلها ان كل اليدات مثلها اهي عند نفسها اصغيره عمرها 20

بتعلميني في امج ماشاء الله عليكم طوووووووووول عمركم كشششششششخه من يقايشكم




ريما
ههههههههههههههههههههه
ههههههههههههههههههههه

واي يا شين المقارنه
و بعدين سكتي لا تفضحينا على ماعون كريم الكراميل امي ما تدري اني متقصه جان دقت عليج
هههههههههههههه

امي تمون عليج انتي اكثر
تدري فيني خداي




فزي
ههههههههههههههههههههههههه
واااااااااااااااااااي

مت ضحك
والله والله العظيم عندنا طقم مواعين حدا غالي و امي تقولي ان المصمم موقع عليه صحن صحن
وووووووووووالله لما قلت حق امي اليوم
قالتلي يعني اجذب عليج انااااااااا
!!
هههههههههههههههههه

فرااااااااااااااااااااغه



ريلاكس
الله يخليهم لنا امهاتنا
ادري يموتون على المطاطير لازم كل سنه اتييب من المانيا مطاطير
و ابوووووووي يقولها هذي اخر سنه تشترين




هوسنو
الله يطول في عمر يدتك
ايييييييييييييييي
حتى انتو عندكم مغاره علي بابا في البيت هههههههههههه
دار التجوري و مواعين و دار جيل

لا امي قامت اتخزن فيها شغل درازن صابون و ديتول
تعال شوووووووووف بيتنا نصه دوور مخازن





نسكافيه
ايييييييييييييي والله هذا طبع طبع
و مخاااااااااسير
على فكره اختي
تراااااا مار علي ماعوون ستيل
مدور مشخوط عليه من تحت حرف الام
مال خالتي موووضي
ليكون ماعونكم
ههههههههههههه





سمايل
اشووووووووووووه
الله فككم من هالعقد
الفال حق امي




the simper
هههههههههههههههههه

امين امييييييييين
يا زين الكلام الي كاتبه عند ريما رديت عليك هناك لقافتي ما خلتني اشوف الكلام الحلو و اسكت
امييييييييين

الله يونسهم دوم
شكرا







البندري
والله حدج خووووووووووش جنه
عندج بنات؟؟

ههههههههههههههههههههههههههههه

هههههههههههههههههههههههههه
و مازلتي مستمره في الشراااااااء
هههههههههههههه
ياعوينتي
انا لو منج اسألها ما اسكت




ريلاكس
ششششششششششششفتي
هههههههههههههههههه

مامدانا :)



سالفه قلب
عليييييييييييج بالعافيه ونسي نفسسسسسسسج
ايييييييييي
افا عليج تحت الفراش تعالي شووووووووفي
كراتين صواني




برنسس
حياتي انتي علينا و عليييييييييييج
عسى ربي يتقبل مناااا يا رب
وييييييييه لا تضيقين خلق امي و تقولين يدتج
مو امي طويله العمر لي الحين عمرها 26 ههههههههههههههههه




اسغنونه
ههههههههههههههههههههههه

هههههههههههههههههههه
لووووووووووووووووووووووول
اشوه اول وحده امها مثل امي
اي والله ناسيتهم
مووووووووووووو
بس ناسيتهم

تروووووووووووح موضتهم و ما استخدمناهم




كويتيه
اميييييييييييييين
حياتي و والدينج يا رب

مبارك عليج الشهر حياتي





د.انريشبل
حياااااااااج الله نورتي
لا تقطعين
و مبارك عليج الشهر

و علينا و عليج يا رب

تسلمين

Bed0uin said...

هههههههههههههههههه اشعند امي!!!!!! طلعت السالفه بالجينات؟؟؟ ههههههه لا لا لا شي مو طبيعي امي مع مواعيينها!!! تعصب من صجها!!! والكبت مقفوووول ومالج امل ينفتححححححح يعني انسي الموضووووع!!! واميمعه هل المفاتيح ابمخاببييها!! وما تخليهم بالدرج حالهم حال اي مفاتيح!!! ويااااااااا ويلج ويااااااااااا سواد ليلج اذا يبتي طاري مواعيينها ههههه لاحوووووووووووووول مشكله والله...
ومادري اذا بعد عندكم نفس هوايه الوالده الله يخليها لي انها ما تقط ـشييييي!!!!! تتحسف يعني عادي عادي تلقووون هوووفراات مالت ١٩٠٠ وحطبه ،مختربه بالمخزن وزل دااااثر وكنابلللللللل واوتي وطاولاااااات مالها اي داعي وشراشف وقش وعفيسه وانا كلش العكسسسسسس ما احب التيمععععع وكله زافتني ليش توزعييين من غير علمي من انا انتهز فرصة انها طالعه وشووفي اللووويه اللي عندنا امسويتلنا قلق هههههههههه بسرعه بسرعه انشيييل الاغراض ونطلعهم ولما ترجع تلقاها ماشالله عارفه شنو اللي توزع هههههههه وبهالوقت تلعنييين اليووم اللي وزعتي فيييه الاغراض! من كثر التحلطم عليج الزف اللي ايييلج ! لكن ما اقدر صج ما اقدر وما اعرف اخلي اشياء ما احتاجها عندي،،،، صج مشكله لازم نلقالها حلللللللللل!! وسوري على الاطاله لكن هالوضوووع قوي و وايد بط جبدي ومبارك عليج باجي الشهر =)

ANGEL^HEART said...

كل عام وانتي بخير عاد صج سالفه هالمواعين والصواني حدث ولاحرج ههههههههه

امي اقولها سوي معرض للمواعين الاثريه ولا دزيهم المتاحف طبعا تخزني بلوم وعتب وسبحان الله نفس امج خاشتهم اي لييييييش عاد خل نغير روتين المواعين عالاقل

الله يخلها لج ونايس بوست:)