Wednesday, February 21, 2007

يما حبيبتي ... لا تتعبين وياي مامني فود ابد !


انا و امي مزيج من تناقض عجيب غريب
محد يصدق او يستوعب اني بنتها
لا شكلا و لا مضمونا..
امي انسانه ما تحب الطرب ابدا
ثقيله لابعد الحدود حياتها جد و مثل و قيم
و انا عكسها تمام
و هذا واضح بشخصيتي
لما درست في مصر و يتني امي زارتني
دشت شقتي عبالها بتلاقي الكتب في كل مكان و اني مقطعه الدراسه
ادخلت الشقه و تفاجأت في الترتيب الدقيق ولا كأن هذي بنتها الفوضويه الي
اذا درست تفرش الكتب بكبر الغرفه
اسألتني : فطوم ما توقعت شقتج مرتبه والله سنعه
انا : اي لاني ما ادرس !!
امي وايد تتبع طريقه النصيحه وياي و ابدا ما تعتقد اني كبرت
فلما فتحت التلفزيون تفاجأت في دعايات لمسلسل سكس اند سيتي
على ايام عزه
رده فعل امي فظيعه
تصرخ من قمه راسها
استغفرالله استغفرالله استغفرالله
و تشيل السماعه و تطلع لها الابوريتر
امي : الووووووووووووو الابراتــــــــــــار حوليني بسرعه على الرسبشن
و يتم تحويل امي
امي: الوووووووو رسبشن الله يسامحكم بس هذي قنوات تحطونها حق مراهقات طالبات ....
و تدخل امي معاهم في تفاصيل قناه الشوتايم
و تنصعق امي لما الفتانه مالت الرسبشن قالت لها(( ان الست بطه هي الي عامله الاشتراك داا مش تبع الاوتيل يا افندم ))
و تعطيني امي موشششششششح من المثل و القيم و المبادئ و العين تزني و زناها النظرو النصايح الي مالها اول و اخر
امي : حسبي الله علييييييييييييييييييييييييييكم و نعم الوكيل اكو احد يدفع عشان اثام الاثام ابلاش و بعد تدفعييييييييين تشترين اثام ..
و خلصنا من مصر و ردينا الكويت بعد ما رديت
جددت اشتراكي سنه
ما وعيت الا امي مناديه اخوي الصغير
امي : بقوووووووش بقووووووش تعال شوف في عندنا قنوات مو زينه تعال امسحهم !!!
اصرخ انا من قمه راسي
طااااااااااااااااااااااااااااااع هذولا انا اشترك و هذولا يمسحوون
امي : لا لا انا و ابوج سوينا اجتماع و رفضنا وجود الشوتايم عندنا في البيت !!
انا : هاااااااااااااااااااو يما اخواني كل واحد عنده اشتراك في داره و انا لما حطيته في الصاله عندي الي محد يقعد فيها غيري قلتي ممنوع !!
امي : لا لاااااااااا عندنا مراهقين !!
يما منووووووووووووووووو مراهق !!
امي : انتي !!!!
كان وقتها عمري 24 و تقول عني مراهقه
المهم يوم الخميس الي فات امي كانت وايد تعبانه
و لما ردينا من المستشفى الفير ما قدرت اخليها تنام في دارها خذيتها داري
و الا التلفزيون مفتوح و الطامه الكبرى (( دعايه جريز اند انمي ))
(( لاحظو انها تعبانه حدها و مغمضه عينها و انا مسندتها و ما تعبر تمشي )) امي: فطييييييييييييييييم الي فيني هذا مووووووووت انا بموووووووووت حدي تعبانه
سكككككككككري هالمسخره حطيلييييييييييي المجد حطيلي قراااااااااان الملائكه ما ادش داررررررررررج و انا بموووووت بس الملائكه ما يدشون من هالمنكر !!!
ياااااااااااااااااا ربي
!!
انا : ما اعرف رقم قناه المجد لحظه ادور ساعتين ادور لقيت الفجر
انا بس قلت ما اعرف رقم قناه المجد استهلت امي في المواعض
ياربي مو جريمه اذا ما اواطن قناه المجد ينرفزوني داثرين مو غصب و امي 24 ساعه مشغلتها يعني غصبن عليها متابعينهاااااا
المهم الي اثار الموضوع
ان امي امس رايحه درس محمد العريفي و متكلم عن الامر في المعروف و النهي عن المنكر و اسم عليها امي حبيبه قلبي من امس و اهي متغير اسلوب الامر عندها ..
لما شافتني الصبح لابسه تنوره قالتلي ان الشيخ يقول شجعو بناتكم و قامت تقولي درس امس للمرا العاشره ..بس ضحكت وايد على سالفه ان امي تقولي يزاج الله خير بارك الله فيج !!
مستغرررررررررررررربه انا مو مصدقه
بصراحه ما استوعبت نطرت شوي
قلت جود احصل زفه
اسلووووووب الوعض هذا يديد علي ..
انا متعوده امي تزفني الصبح كل يوم على البخور
و على القهوه الي مو مفيده للصحه و دوامي المتأخر
بسسسسسسسسسسسس يزاج الله خير
و حببيه قلبي
و بارك الله فيج
ما اعرررررررررررررررررررررررف
مو نوعي
و دايما استغرب لما امي تسألني سؤال انا ماني عارفتله اجابه
انتي متى راح تتغيرين؟
دايما اطفرها و اقولها قصدج اتغير للاسوأ ؟؟ انا مستعده بس ناطره الفرصه
ههههههههههههههههههههه
عندي موهبه بس ناطره الي يصغلها !!
تناقض عجيب غريب
في كل شي غير
محد مصدق هذي امي
و رده فعل رفيجاتي اول مرا يشوفون امي
ان يقولون لي فطومه امج وايد كلاس !!! انت غيررر
و رده فعل رفيجات امي اول ما يشوفوني
(( انتي وايد احلى من بنتج ))
عمممممممى بعينكم
اقول بقلبي
بس ابقى انا وتبقى اهي حببيه قلبي
لكن انا غير

28 comments:

2 u ALL said...

والله ..!! منتي هينه بعد يا "لوير" ...!! بس حلو لما الأم تصير أحلى من البنت .. ههههههه..لا تسبيني أتغشمر ...!!! "عندك موهبه بس ناطره الي يصقلها" مت من الضحك على ردودك ..!! بس ترى الجنه تحت اقدامهم حطي بالك ...!!؟

Kwaitiyya said...

لوووول ! واي نفس أمي !
أمي بالسيارة من أشغل الأغاني ما أسمع إلا أمي تردد (استغفرلله استغفرلله استغفرلله) ... طول اليوم ما أسمعها تستغفر بس من تركب معاي السيارة تقعد تستغفر لوول !

ترى عادي كل الامهات نفس الشي... دايما النصيحة والزف على لسانهم أكثر من السوالف لول

الله يخليها لكم انشالله وتشوف عيالج وعيال عيالج ياربي

ما تنصحج وتغصبج على اللبس؟؟ لول

Reflections said...

الله يخليكم حق بعض ان شاء اللــــــه...

تصدقين عاد.. انا الي يشوفني يقول انت نسخة من امج بكل شي .. بس لا بد من التناقضات

يا حلو امهاتنا بكل تناقضاتهم

Almas said...

هههههههههه فظيع هالبوست

شوفي حياتي .. الواحد لازم يعيش سنه وكل مراحل الحياة .. لكن الأم ورضاها شئ مهم


تصدقين لما تطلع معاي بمشوار وعارفة الناس إلي تبتون وإلي يكسرون عليج ومواهب السواق في الشارع .. آنا طبعا بهاللحظة أعصب وأقول كلمة بس لما أمي تكون معاي .. أسكت .. أخاف أقول شي جدامها فأقمتها بقلبي وأسكت احتراما لوجودها

وأحيانا أمي تقوللي كلمة خلاص ينتهي الموضوع عندي وأغض النظر عن رأيي لأن كلمتها فوق كل شي .. في ناس تنتقدني .. على هالنقطة على اعتبار انه لازم يكون لي رأي خاص فيني آنا بس ومستقل .. آنا أقول انه أمي عارفة مصلحتي وعارفة زين حق شنو قاعد توجهني

والله حتى لو بتاخذني البحر وتقطني فيه .. آنا راضية.. لأنها أمي

Purplecious said...

هههههههههههه

الله يخليها لكم انشاءالله و يخليج لها

لازم هالنجره مع الامهات و مهما العيال كبروا بتظل الام تشوفهم يهال

بس مشاءالله عليج حدج صدرج وسيع

أنا والله استعسرررررر و يضيق خلقي اذا سويت شي أمي مو راضيه عليه

و يأنبني ضميري اذا سويت شغله و هي ما تدري و اقعد احاتييييييي

أنا حساســـــــــــه
كلمه تخليني ابجي
هههههههههههه
هههههههه

AseeL said...

والله شوفي هو مو تناقض كثر ما السن له احكام

ذكرتيني بنفسي ايام الجامعة .. ايام صاخبة :)

انا امي هم ترى تشوف المجد والعفاسي وخلافه بس هم سبور .. اهون شوي :)

lawyer said...

2 u all

ويييييييييه ما شفت شي انا في البيت فيلم
اصلا امي و ابوي طول ما اهم قاعدين بس يضحكون على سوالفي !!

مرات احس امي تستفزني عشاااااااااااااان تسمع كلمتين مني




كويتيه !!

تنصصصصحني على اللبس!!
من صصصصصصصصجج

انتي
هذاااااااا يوميااااا

مقرر علي
اقولج شي %99 من لبسي اهي تشتريه لاني ما احب السوووووق و هم اتهاوشني
اقوووووولها انتي شاريته
تقول لألأ انا مو قصدي تلبسينه حق المارينا !!
اقولهاااااااااااا ها عييييييييل

حق الزواره !!!

و الاااااااااا حق وين !!




رفلكشن
اشلووووونج ولهانه عليج

اييييييييي والله يا حلوهم




الماااااس
يارييتني اصير مثلج تستانس امي

ماني قايلتلها عنج

لا تفكرين تصيرين رفيجتي !!
ترا امي بتعايرني فيج بعدين

صيري مثلها و صيري مثلها!!


بربل

هههههههههههههههه
لا انا غمووووووووووووووض

عادي
افلااااااااام
هم عادي


اعيششششششش بغموض و جرايم مالها اول و تالي
و ابدا لا يحوشني تأنيب ضمير و لا خووووف

و كلا طايحه و جاكتني

و ويهي عريييييييض عادي

ترا انا مجرمه

تدرين شنو اقوا موقف سويتا فيها


رايحه ايطاليا من غير فيزاااااا

على امل انه ما يجكووني

و اهي طووووووول القطار

فطييييييييييم وريني فيزتج

عندي فيزاا

انا : اي اي يما عندي تو الناس باقي لها 3 شهووور و تخلص

و ادعي طووووووول الدرب ان محد يفتشنا في القطار

تخيلااااااااااي لو ساحبيني الشرطه جدامهاااااا

عادي امي خوافه تروح فيهااااا
تموووووووت

ميننتهااااااا اناااااا




مس رايتر

انا بعد امي كووووووول
اصلا امي ما تلبس عباااااات هذي المصيبه

و تموت على الفاشن و جذي
بسسسسسسس ملتزمه

اهي شكلها وايد محتشم ووقوره
شخصيتهاااااااا وايد مريحه

كلا حاطه المجد
و تكتب في هالدرووس
وو حياتها كلا تفسير القران

و شرح العقيده الواسطيه

وتبيني انا مثلها

نوووووو نوووووو
sorry i cant

اطفرها
توني في التلفون

اقولها يما اتحبيني ؟؟

تقولي هذا حجي!!

اقولها شنو شعورج اذا انحشت في هالاجازه ويا واحد!!؟؟

تقولي
ضغطي 170

وين تبييينه يوووووووصل
مو انا اذا بموت منج!!
هههههههههههه

sologa-bologa said...

دايما سوالف الأمهات حلوة وعسل على القلب حتى بالنصيحة

الوالدة بالبيت دايما تحط على قناة العفاسي
بس من تشوفني تحول على قناة ستارأكاديمي

آخر شي تحط الريموت بيدي
وأنا أحط على العربية أو فنون

بس أهم شي كل ما تبدا معاي
بحلقات الوعظ والأذكار

أقول لها شلون فلانة وشخبارها

هني تنسى الحلقات وتبدي تعطيني تقارير
نسائية مفصلة عن آخر أخبار فلانة

يحليلها قلبها أبيض وااااااااااااايد

الله يطول بعمرها
ويطول بعمر أمهات الجميع
ويعطيهم الصحة والعافية

ودمتم

lawyer said...

اميييييييييين يا رب
و دامت لك الوالده الطيبه :))

الله يحفظها

اي عاد انت طلعت اذكى مني شكلي بسويهاااااا
:))

بجرب خطتك

المعلمة عهود المسيلم said...

almas:الله يكملج بعقلج يارب
فعلا لازم تكونين جذيه مطيعه لأمج..ومالج شغل باللي يقول لج خلي عندج شخصيه مستقله ومن هالحجي..أمج تبيلج الزين وتعرف مصلحتج

lawyer:
جان زين تصيرين مثل الماس خوش وحده تسمع كلام امها وماتزعلها ولاتطفرها :)
تكفين كلش ولا الأم..وعسى الله يعطيها طول العمر ومايحرمج منها أبد وتكون راضيه عليج دنيا وآخره:)

ودمتي مطيعه

Mohammad Al-Yousifi said...

بوست عجيب

الله يخليها الوالدة

فركاش said...

بوست ناري
لأ انا اشوه امي سبوور ماتشوف المجد بالعكس انا امي و ابوي حالفين حلف ما احتك مع جماعات الاسلامية ;p

لوير اقولك شي؟؟
امي كله تطرشني اييب لها اغاني فيروز طبعا مالي خلق اروح طربان فمره سويت بالبيت (من الانترنت) قالتلي لأ ابي اصلي ;p
يعني تكدش

PearL said...

اسألتني : فطوم ما توقعت شقتج مرتبه والله سنعه
انا : اي لاني ما ادرس
=======
لوووول

امبيه مت الضحك عليج

حدج تيننين

عاد انا العكس تماما
طبعي من كثر ما اهوه مثل طبع امي
ما نتوالم مع بعض :)

الله يخليج لها ويخليها لج يارب

Mother Courage said...

3assallah yikhaleeha likum...yigoloon kil bint b3ad mat3addey il 30...tirid 3ala umha ;-)

Nescafé said...

ههههه ياحلوها امج
الله يحفظها ويخليها لكم

:>

اجار الدين كشمش said...

خوش بووست بس فيه براعه بالمعنى الكويتي ..واعتقد انج بثقل امج ورزانتها ..واغلب الشخصيات خفيفات الدم مثلج فيهم حيى امام الناس ومبلتعين امام البلوغز.

اجار الدين كشمش said...

خوش بووست بس فيه براعه بالمعنى الكويتي ..واعتقد انج بثقل امج ورزانتها ..واغلب الشخصيات خفيفات الدم مثلج فيهم حيى امام الناس ومبلتعين امام البلوغز.

Unknown said...

انه صراع الاجيال الابدي

Madee7a said...

و أن على بالي بس أمي اللي جذي !!
كله يهون ولا التحلطم على اللبس أو التأخير ... موال ثاني
.. الله يعينج :-)

charisma said...

انت يا استاذة بطه

ههههههههههههههههه
هههههههههههههههههه
شهالحاله يننتيها لوير حرام عليج رحمى حالها
لوووووووووووووول

انا اجتمعت مع انا وقررنا الاتى
امج اجتمعت مع نفسها ترى ما عليج
كلهم جذى
واييون يشيشون الابهات
ههههههههههههههه

واى كلهم نفس الشى
اغلب الامهات جذى ترى
لوووووووووووووووووول

نفس السيليكاااااااااا

;)

alah y7fth`haa wla y7remkum menhaaa

shakshaka said...

loooooooooooooooooool mawwwateeeeeni mn ethe7ek! hehehee ya7iloooha allah ekhaleeha lich inshalla ... la 3ayal ommmy etha sar shay ma3ajabhaa zafatnee wo et6aref el3ain 3la oboiy ya3nee tekalam:P loool wana bas ath7ak magdar ashofha em3asba wo et6aresh el3ain 3la oboiy hehehehehehehhhe

lawyer said...

الوفااااا طبعي

اهلا اهلا
نورتي

لا لااااا ياختج انا ما اقدر فيني نووع نسااره لا تخافين
احتر و اشتط بسرعه

ادعيلي الله يهديني




مطقوق
الله يسسسسلمك

عندي لك خبر خطير !!





فركاش
هههههههههههههه

اهااااااااا

ماشاء الله الوالده
اتيييييييييييين

اهم شي جاكتك على سالفه الاصلي و التقليد

الله يحفظها لكم




بيرل
هههههههههههههههههههه

موديلي انا بارده و اهي تمووووووووت قهر

اهي اسم الله عليهاااااا
تمشي كل شي في الريموت كنترول ما تبي غلطه

وانا مافيني شي صح!!




برافا
ههههههههههههههه
اميييييين يا ررررررررب

تسلمين و يخليلج كل غالي قولي امين


بسسسسسسسسسسسس اتهقيييييييييييين انا بصير مثلها !!

مو بشاااااااااااره!!

انااااااا فري وايد
ما اقدر اتخلى عن القيم الي عندي !!

بصيررررررر جد يعني !!؟؟

وييييييييي

يا حسره قلبي

lawyer said...

نسكاااااافيه
اهلا اهلا حبيبتي

اميييييييييييين يا رب
و يحفظلج كل غالي



اجار الدين كشمش

اقووووووولك شي بس اخاف تزعل
كل ما اشووووووووف نكك ((اسمك )) امووووووت ضحك
مدري شنو الي طرا عليك تسمي اجار الدين كشمش!!

حياااك الله نورت

انت تعرفني؟؟






عاجل
يا هلاااااااااااا
النور عندنا اليوم

اييييييييييي عاد متى يخلص هالصراااااااع؟

اعطووووووووني حريتي اطلق يدياااااااا




عنيده
يا هلا يا هلااااااا

حياج الله

ايييييييييييي اسم الله عليهم
يبونااااا كلا سنعيييييين
و كاشخيييييييين

و متزقرتييييييين





كارزما
ههههههههههههههههههههههه
ههههههههههههههههههههههههه

اييييييييييي


كل سفير الزمالك كانو ينادووووووني استازه بطه !!

ماكووووووو ماكووووووو

خليها
خو انا بنت وحده


و بيتنا هدووووووء
انا وحيده

ما يصير اخاف عليها من الغلقه

فلاااازم الليل و النهار اسويلها اكششششششن


و ميننتهاااااا

و مطلعه قرونهاا


ايييييييي
ايييييييييييييييي

امي كلا جذي

انا اجتمعت ويا انا

و يعني بعدين تخوفني
تقووووووولي ابوووج يقوووووول

و اذا سألت ابووووووي
يقولي مدري !!!


اصلا اانا لما سافرت مصر ادرس
قلت حق امي

قالتلي ابوووووج يقوول ان عتبت المطار ذبحتها !!


وو لما سألت ابوي
قاااااالي انا قايل حق امج

خليهاااااااا تسعى وراااا العلم
و تحقق طموحهاااااااا
!!!!!!!!!!



هههههههههههههه



شكشكه

هههههههههههههههههههههههههههه

و الخاااااااافي اعظم

بس استحي اقول

يعني ترا والله عييييييييب

28 سنه!!!


و اخاف من امي




رسااااااااااااااله الى امي

اعطني حريتي اطططططططططططططططططلق يديا

عــــــابره said...

عجييييييييب بلوجز حقج

ودائما ادشه واقرى فيه حلووو

وايد وويوسع الصدر

واحسج دائما انج يمنا ومعنا قاعده

ومابقى وحده من صديقاتي ماعطيه بلوجز
:)

Q8LoVeR said...

اكيد شي طبيعي امج احلى منج
هذا الحق ولا عندج اعتراض
هااا امج هاااا
مسكينه كسرت خاطري
الله يغفرلج يزاج الله خير
دربالج عليها

Q80-ChillGirl said...

عسى الله لايخليج من اهلج امين ولا يغير عليكم

charisma said...

Fa6ooooooooooooom yalmaynunaaaaaaaa hahahahaha ana LaLuuuuuuuuuunnnn again using charisma account ........ shrayech n3aref ome 3ala omech we3eshoon m3 ba3a`9 wenroo7 e7na sharm el sheekh w ma nerja3 :) ana ashte`3el DJ wentay ?? :P

www.laluna.com << hatha hadeya mene lekom :P 7ag ahl el mzaaj bas :P

Eva said...

ZOQa
i listen to متى را اتغيرين
EVERY SINGLE DAY .
على التأخير الصبح
على الطلعة اللي تصير حزة الحزة يمة انا طالعة و انا ماسكة الباب
على السهر الصباحي
على ادمان النت
على الراس اليابس
على KIL SHAY

بس حبيتها متى راح اتغير للأسوء
But i'll make sure ان مابيدها شي ينحذف :P !


y3jbne ur BLOG , 9ree7 , FUN , Dayman Heart To Heart Talks..