Saturday, February 10, 2007

it`s Valentine Party Time


الاخوه و الصداقه مو بس في الحجي
لا طبعا !!الاخوه و الصداقه فعل..لذاااااا اخواني و خواتي السينجل
الي متأزمين نفسيا على الفالنتاين
مو عشااااااان ان فالنتاين لاااااااا طل
اصلا بدعه بس متأزمين نفسيا و يعانون من انفجرار المراره الحاد
لانهم سيييييينجل و بلا مأوى عفوا بلا حب و بلا بطيييييييخ
لذا تكرمت انا بمنحتي الساميه اني استظيييييييفكم عندي
مدري ليش كتبت اخواني و خواتي و انا ما راح استقبل الا بنات
((بحركم ))
اتشرف بدعوتكم لحضور حفلتي الخاصه المقامه في بيت وحده من رفيجاتي
(( الي ما تدري اني بسوي حفله في بيتها ))
و راح اخذ في نفسي اولا و فيكم اجر
ان اسوي حفله ديجي عشاااان نكون جدا لاهين في هاليوم
و ما نفكر في شي ثاني
برنامج الحفله
شغال الديجي من الساعه 6
تبون لبس تنكري كيفكم
بس انا اصلا شكلي هوله و متنكره خلقه
فماراح اهول بعمري اكثر
رقص و مسابقه عرض ازياء
و امتن وحده الي بتفوز في المسابقه(( عشان انا اشتري الهديه و اخذها ))
كيفي دافعه فلوسها و تروح علي !!
الساعه 11 تخلص الحفله
مينيو الحفله

معدس(( طباخ بيت رفيجتي))

شاي فحم انا الي اسويه

حب و فستق و قروضات (( هم شغل بيت رفيجتي))

كل وحده اتييب طبق وياها

انا علي احط السماط اصف الصحون

الي بتييب حلواتقولي ما نبي عشر بنات يايبيييين نفس الكيكه من الاوبرا و الخباز

و دمتم سالمين و كل عام و انتو بخير

و كل سنه و احنااااا سينجل
(( عسى الله لا يقوله ))
ملاحظه: يستحسن لبس دراعه لان المعدس راح يبط السحاب و زراير الجينز

46 comments:

albandry said...

الله يتمك بعألك يافطوومم
وين الخطة لاولية انروح ستاربكس الكنيسة لووووووووووول
كاااااااااااااااااااك
واهم شي معدس

Яeema said...

بسم الله الرحمن الرحيم و به نستعين

بما إنج عازمه من وراي فالبيت بيتج و مكانج

للأمانه العلميه

أحب أنوه إن المعدس إللي إنسويه مخلوط بأجار مانجا ماركة الجمل


الدي جي بعد صلاة العشا لو سمحتي

عشان المود ما يوقف
ههههههه

ههههههههههه

يكون نون ستوووب



لو سمحتي مدام ترتيب الأكل عندج

ترا لاعت إجبودنا مو أوبرا


نبي رهش و حلوى و خبز إيراني

نبي لغريبه لمبططه إللي إذا كليتي و سولفتي يطله بودرة من حلوجنا

ههههههههه
هههههههههههههه


و بعدين لازم كرتون برتقال بو صرة يمنا

هم نبي هيلثي فوود إشوي


عندي فكرة؟

نبي أطقم السفرة حمر و لصماط حمر
خن نتعب علي إشوي

نبي شموع و قلوب إنزين الخيمه

الزينه شغل بنتي

بعينها في لجنه لستقبال

أمبييي فطييييييييم شوقتيني


هههههههههه
ههههههههههههههه

إنتوا أكيد بتقعدون ليه الساعه 11؟؟

هههههههههههه
ههههههههه

إذا بتطولون ترا البيت بيتكم و مكانكم

:p

lawyer said...

البندري
لاااااااا بسرعه هونت انا

ابي رقص ديجي

lawyer said...

ريماااااااااا


لوووووووووووووووووووووول

لوووووووووووووووول

فضحتينا

فشلتيني

اناااااااااااا ما قلت المكان بيتج
انتي فحتيني

لووووووووووووووووووووووول


دامج بطيتي البرمه

خلاااااااص

يبا ترا العزيمه في بيت ريماااااا

ههههههههههههههههههههههه

هههههههههههههههههههههه



اي ميخالف اشتري سماط حمر
و صحون حمرا
افا علييييييييييج


ما اخليها بخاطرج

من هوم سنتر
شايفتهم

وااااااااااي

لي الحين اضحك

ههههههههههههههههههههه

اسم الله عليها بنتج

يوم من الايام
بطقني من كثر ما لوعت جبدها


اقوووووووول ريما اشوف وايد مضختها انا ويا المعدس

افا عليج هديتي لج في الفالنتاين

خيشتين كنتري و خيشتين الوزان

اشتبييييييييييين بعد

كريييييييمه انا

KQ8 said...

هالفلنتاين ماوراه الا المخاسير..شمالله بالله ..افهم ناس توهم متزوجين يبون يسون ي سبشل بس اللي صارلهم مليون سنة شماله؟؟!!!

KQ8 said...

ي = شي

nEo said...

الفالنتاين

اكذوبة حديثي الزواج

:\


اول 3 سنوات بس


الياهل الثاني ينسي ابو الفالنتاين


اتوقع

:\

Breeze said...

لووووووووول
ترى إنتي فصلللللة .. حدج ونيييييسة

متينة ؟؟ أنا أقول ليش دمج خفييييف

:))))))

heheheheh ..

عن نفسي لا أشوف فيها أزمة نفسية ولاهم يحزنون .. الحمداللــــــه :))

ما أيي ؟؟

:Pp ~

Яeema said...

krakatoa

والله العظيم تونب داقه علي لوير

أقولها نفس كلامك

إشمال إحنا إنجابل ريايلنا في هاليوم

و خصوصا إللي صارله فوق العشر سنين نفس حالتي

هههههههه
هههههههههههه

لو إنييب الطاري علي فالانتين جااان العسارة مالها والي


أنا أشونه ما يثبت اليوم

أنا قايله أصلا كل أربعه اليمعه عندي

و الخيمة ماراح يشوفها
فشغلنا بيصير سكاتي إنشاء الله

هههههههه
ههههههههههه


ليه قال شي بقول

بدعه الفالنتاين
و كل بدعه ضلاله
و كل ضلالة بالنار

و خلصنا


أهم شي إني مجابله لبلوق

هههههههه
هههههههههههه

Hopeless Poet said...

بعد هالأكل كله ما اعتقد وحدة فيكم تأكل الا الفالنتانين الجاي :P

sologa-bologa said...

هابي
فالنتاين
داي


:)

KQ8 said...

Яeema

وهو صاج..بلا فلنتاين بلا بطيخ

شتبون تبون عشا نطلب لكم من برغر كينج وخلصنا..

وانتي زين سويتي قصيتي الحق من نفسج الواحد مايبي العكننه بمناسبات مالها لزمة

آل فلنتاين آل

طائر بلا أجنحة said...

صج أشتهيت المعدس ألي تكلمت عنه ريمة

يوم سعيد للجميع

طائر بلا وطن said...

ههههههههههههه

ناقصكم هبّان بس

Brave Heart said...

اللهم لا تجعلنى الفالنتين داى القادم سينجل
اللهم اجمع شملى بسنجله (مونث سنجل) اللهم اجمع جميع السنجلز

Mommy S said...

ya3ny bas el singels!!

Cr8ivia said...

هههههه خوش فلانتاين بالمعدس

الله يونسكم بالعافيه يارب

بس سؤال ل
Krakatoa

انا صج ما اؤمن بالفلانتاين و لا انترستد فيه كلش
بس وين العساره في الموضوع اذا ذكرت مرتك بهاليوم اذا هذا شي يونسها يعني حتى لو عقب 50 سنه؟
:|

Amal said...

الغريبة المبططة اللي تطلع غبار!!!!

لووووووووووول
أبي؟

بدعتوا يا فطومة وريما
:)


Happy Valentine!!

بنت الشاميه said...

لوير كل فالنتاين ديي وانت بخير وان شاءالله السنة اليايه ما تكونين سنحل

بس المعدس صرخه..... يهبل وعليكم بالعافية

طبعا لو اموت ماراح يحتفل وياي ريلي بيجابل التلفزيون ويحقرني بيقول
شخليتي حق الصغار انا قابطج على عقلج .... يعني تشعم ...هههههههه

انا معزومه والا بس االسنجل؟

تري اسوى" حلو ام علي" يهبل وايد حلوه لا من الاوبرا ولا من الخباز.... من مطبخي الخاص

هذا مساحل علشان تعزميني

لوووووووووووول

q8y_saint said...

بدعه و
تفرقه عنصريه اعترض عليها و على حفل
الفلانتاين هذا
فطوم الفتنه نائمه لعن الله من يوقظها و اتقي الله و حرام هل كلام


:)
:)
طبعا كل هل مقدما مو هعشان صرت و العياذ بالله من حزب ثوابت الامه لا و انما تحلطما لاني مانعزمت :)
ولازم تعزموني ليش كله بنات

و شباب شنوو يسون يعني

يا تعزمون شباب يا ممنوع الاحتفال مالنا شغل احنا شنو ما عندنا رب
وعليكم بالف عافيه ياربي وكل فلنتاين ونتوا بخير و صحه و سلامه

Mohammad Al-Yousifi said...

الي بتييب حلواتقولي ما نبي عشر بنات يايبيييين نفس الكيكه من الاوبرا و الخباز

لووول

وين اودي زوجتي بالفلنطاين؟

tweety said...

يا بعد عمري والله يا لوير
يا نصيرة السنجلز وقاهرة قلوب المتخلفين

صج الله يونسج بهاليوم مثل ما بتونسينا انا عن نفسي بلبس دراعة مقصملة ومادري ليش بخاطري البس بطولة ! فعلى إخواننا أو اخواتنا من الامارات تزويدنا بواحدة او احد يقولي من وين اييبها لأن من زمان بخاطري وماودي يصير بخاطري وانييب باجلا ونخي وزلابية وقرص عقيلي لووووول عودة للتراث
سوق شعبي مو فالنتاين
لا جد اعجبتني الفكرة خل افكر فيها وارد اضيف ملاحظاتي

charisma said...

لوووووووووووووول
ابى اذوق هالمعدس ضرورى
انا بنظم لكم
بدش بتريننق سوت راهى عشان لا يتفزر وانا اكل

انا بييب بررر الوالدين انحلى فيه
لووووووووووووووووووووووووووول

Warda said...

أبا بيي عشان المعدس

شكله لذيييييييييييييييييذ

و ترى باكل بإيدي

:)

PearL said...

فكرتج حلوة
وراح تاخذين فيها اجر


:)
عاد عليج الحساب
جم وحدة بتكون موجودة

وعلى حالتها النفسية شكثر بتاخذين اجر

2 u ALL said...

ليش ما تعزمونه ..!!؟

فلنتاين وكله حريم فقط ... ما يصير !!؟

لازم تكحلون الحفله بالرجاله ...!!؟

وبعدين "معدس" بهالبرد ومعاه أجار سطوح .. "قطو وطقيته بمصير" ..!!؟ وبعدين .. نحلي رهش وخبز أيراني "مسمسم" ومعاه حليبه حاره ...!!؟

لوير وريما .. معزوم وله لا ..!!؟

lawyer said...

صبااااااااحكم ورد

والله وناااااسه وايد شباب بينضمون يا بختي


ههههههههههههههههه

(( والله يا شباب البلوج على عيني و على راسي بس رفيجتي ريما حجره تخرع
))



كراكاتو
ههههههههههههههههههه
ابيييييييه تخيل والله ريما قالتلي نفس كلامك
و رفيجاتي كلهم بعد يقولون رياييلنا
ما يعرفون في الدين الا شينين
1- الزوجه الثانيه سنه
2- الفالنتاين بدعه

ههههههههههههههههههه
صاج صاج




neo
هذا الوضع الطبيعي
بس عند الزوج الكويتي
من يملج ينسى ابو الفالنتاين
ههههههههههههههههه




بريز
ههههههههههههههههههههه

اي طلعت متينه
شفتي اشلون
بس عاد مو تعايريني
هههههههههههههههه

حياج حياج






هوبلس
قووووووووول ماشاءالله
ماشاء الله

لا يصير فينا شي بسسسسسس
بحط نقاله عند باب الخيمه





سلوجا
ههههههههههههههههههههه

سيم تو يووووووو بيي


:)))))))






طائر
و انت اسعد يا رب
و كل فالنتاين و انت سعيد

شهوووووووووه فيها العافيه



طائر بلا اجنحه
؟؟؟؟

؟؟؟؟

؟؟؟

افهم انك بتعطينا هدياااااا هبان على حسابك هذا اليوم

يعني بصراحه احناااا اخوان و اهل في هالبلووج
مافيها شي اتوسع صدر خواتك

و اتييب لهم هبان




بريف هارت
لوووووووول

امييييييييييين
يا رب




شيخونا
حبيييييييييييييييبه
قلبي انتي
افا علييييييييييييج

بيتج و مكانج حياتي انتي

تعالي بسسسسسس تعالي ما عليج من السينجلز
ههههههههههههههههه

hoplesscase))




كراتفيا

ايييييييييي
احنا ستايل تدرين

عصلان بنموت من الظعف





امل
حياج الله
اشكر مرورج

اييييييييييي
الغريبه على حبيه قلبي ريما

lawyer said...

بنت الشاميه

نصيحتي لا تفكرين تحتفلين

ليش؟؟
تشتطيييييين و اهو و لا يدري

تندقرين تالي !!

فاحسن شي لا تسوين شي

و لا يضيق خلقج
و على سالفه
ييتج لنااااااااا

افااااااااااااا عليييييييييييييج
انتي الداشه و احنا الطالعين

حياج
اي بليز اموت على ام علي
بس هل تحطين فيها زبيب؟؟

ترا اموت على الزبيب




كويتي
ههههههههههههههههههههههه
واااااااااي

انت بتخليني افكر

انتقل من خيمه ريما
لي مكااااان ثاني

مشرووووع حفله كابلز
حياك انت و و الاسره الكريمه

(( ترا انا اخاف من الحريم ))



مطقوق
تبي نصيحتي
فندق المارينا
الهيلتون
تغيررررررر

و قولهم يسون لك هاني مونر روم
تدفع عليها زياده 10 دنانيير
بس يغرقون لك الغرفه ورد
و شموووووووووووع

(( يا انا يا خبره ))




تويتي
هههههههههههههه

شفتي اشلوووووووووووووون
اي والله نصيره
شسسسسسسوي
من الي فيني

الا تعالي شاطرااااا عليج
بطووله
والله فنتق


اذا تبيييييين ترا بربل عندها
لانها ام خماس
تسلفج
كريمه كريمه




كاريزما
افا عليييييييييج
حياج حياج

اي بليييييز ننبي شي لذيذ




ورده
!!!!!!!!!
!!!!!!!!!!


!!!!!!!!!!!

!!!!!!!!!!!

اكو احد ياكل معدس في قفشه!!

ناكل باليد
و تصير برتقاليه من اجار المانجا
و لا يبقا ماي ورد و لا طيب

و لا معمول
اخر شي يروح عليج الباديكير
و تقصين اظافرج
و هم ريحه الاجار
لازقه




بيرل
اهلاااااااا

اهلااااااا
نووووووورتي

كل سنه و انتي بحب
اي اي
مو انا مو ذابحني الا الاجررررر

تدرين ادوره بالتفق





2 all

انشاء انا بحاول
اتبجبج على ريما
و بقص عليها
و بسوي لها فيلم الاطلال

عل و عسى ترضى

((تعررررررررررررررف المشمش ))

ريما بتقوووووووولي جذي
تعرفين المشمش
رووووووحي اكليه

KQ8 said...

Cr8ivia

وشماله هاليوم بالذات..عندها كل ايام السنه ليش هاليوم وبعدين كل ما ايي هالفلنتاين يكون يوم مزحوم وتكون عندي التزامات..

وبعدين اشوه مرتي يزاها الله خير ماتعترف بهالسوالف وكل يوم عندها يوم فلنتاين

:)

Purplecious said...

لووووووووووووووووووووول

ههههههههه

يا انتي يا لوير يا ام الافكار الجهنميه

فطوووووم
ترى اذا بتسوين هالحفله كل سنه شكلي بهون و ما راح أتزوج أبد

ههههههههه

على فكره
انا أم سلوووووووووم
رفلكشن هي أم خماس

بس ما عليه ما طاح الا انبطح

خلاااااااص عيل سنو راحت عليها
ما عادت سنجل اني مووووور

tweety
اذا انتي ضعيفه نعطيج دراعه سنو "أم علاوي" لأن المقاسات الكبيره عندي انا و رفلكشن و احنا اللي بنفوز بالمسابقه يا لوير

لوووووووووووول

Kuw_Son said...

أقوى شي التنبيه من المعدس في السطر الأخير .. صاجة

Unknown said...

What the hell, You have massacred VD, not that I’m a fan of it .

1-all girls ? what’s the point
2-Ma3das ? (I do like ma3das) but what happened to champagne and strawberries and chocolates and candle lite
3-Dara3at ? what happened to dressing up and looking hot & sexy
4-Achar manga ( not comment )

barrak said...

باعتبرها حربا شنعاء ضد الرجال

Nescafé said...

هههههههه
حسبي الله على بليسج يالووير
اهم شي المعدس بالموضوع

Mamloo7a Q8ia said...

هههههههههه
خوش حفلة
انا بلبس دراعتي الخيمه
(الوسيعة وااااايد)
واجيب معاي معبوج الفلفل الاحمر ودقوس طماط احمر تمشيا مع المناسبه

Q8LoVeR said...

يمدحون الحمر بهالمناسبات
:#

3ateeja said...

زين اذا ما تبين البنات يصيرون سينجل ...خلي العزيمه اوبن ...شفيج خلج فريييي

lawyer said...

صباحكم عسل

رساله الى الاخت الكريمه ريما:
تكفييييييييييييييييييين

كسبي فيني اجر و خل الحفله كابلز
تكفييييييييييييييييين

(( ماكسرت خاطرج؟؟))


ادري فيج كلش في هالسوالف ما اكسر خاطرج

مشكله اذا رفيجه دينه و رفيجه فري مثلي مشكله





بربل
الف مبروك على سنو الله يتمم عليها
يارب

يا معوده تعنسييييييييين عشان حفله
لا بوووووووو الحفله و لا بوووووو البنات
ههههههههههههههههههههههههههه





كويت سن
اقولك شي
اول مرا رحت اكل معدس
كنت ادري لابسه ترينينج سيييييييير
و باجي البنات كاشخين جينز

و انا اقولهم اي اي
بتاكلونها
جني اشوووف سحابات بتبطل
في نص الوجبه
البنات مسدحين
عند القنجه




موسااااااااان
انت بتخليني ابط الجربه
1- غصبن عني بنات مو بكيفي
2- مجابله بنات اشمالااا شامبين و فراوله و كاكاو !!!!
يتعبون نفسياااااا والله
انااااااا بحاول اخلي السالفه عاديه
عشااااااان رفيجاتي و انا اولهم ما انتأثر نفسيا

اذا بتعزمني على حفله ما اقول لأ
3-حبيب قلبي مو اذا انا صار سكسي لووك و تعبت على عمري و بعدين رحت بسطت في خيمه
تتأزم نفسيتي
هههههههههههههههههههه

4- والله يا موساااااااااااان لو تذوق المعدس تنسى اي شي ثاني




براك
خلك محضر خير
ترا بروحي على طريف انا



نسكافه
اهلا اهلا
اي اشفييييييييكم
هههههههههههه

ابشرج طرشت السايق اييب دهن عداني



مملووووحه
الله يخليج كثر الثوم و الصبار في الدقوووووس
اذا ما عليج كلافه
السالفه خاربه خاربه



كويت لوفر
ماتشوووووفني وصيتهم على دقوس طماط




عتيجه
حككككككككككككككككككككككككككم
القوي

Nescafé said...

لوووير يصير اعزم اختي ؟ غرامها شي اسمه معدس.. لي سويناه تاكل بضمير
;P

بس اهي موسنجل شلون

لالا شكلها خوش حفله .. بس قوليلي شنو ناقصكم اييب وياي

Almas said...

الفالنتاين .. ما أؤمن فيه .. لكني أعتبره يوم لفظ المنازعات وفرصة لتقريب القلوب لسبب وجود هذا اليوم
وهو مفيد لصحة الزوجين يعني الرجاء من كل المتزوجين والمتزوجات يعطون النكد بريك في هذا اليوم

وإذا احتارت السينجل حق منو تهدي الوردة .. أقولها إهديها لنفسج .. لأنها تستحق المكافأة

بسإلج لوير الحفلة فيها ليوة؟؟؟

2 u ALL said...

ترى أنا اؤيد "براك" ..هذه حرب على الرجال ...!؟؟

وبعدين شيفكم منا ..!! أهو "شاعر" وأنا أكتب "المشاعر" نتولاكم .. كتابة شعر أنت وريما لمن تعزمونا ..!!؟

مري .. واقرأي .. الحوار إلي بيني وبين براك ..!!؟

magnoonah said...

الله معدس وانا اخر من يعلم والله ظلم

بعدين قولوا لي انا معزومه ولا لا
ترى خبازنا يسوي خبز اتعب عليه
واخوي يايب دهن عدان من الخفجي من الريحه الواحد يموت منه

فبلييز عزموني
ملاحظه :والله سنجل ولي الفخر


ولازم تحطون بداوي يالحفله ولا والله ما تصير ليلتنا خراب ومنيله بستين نيله

اجار الدين كشمش said...

hi

اجار الدين كشمش said...

hi

دنـــ ديش ــــا said...

مرحبا انا صراحه مااعترف بالفالنتاين يومه عادي حاله حال باقي الايام اساسا اليوم ماعرفت انه الفالنتاين الا لما فتحت صفحة جوجل وشفت الفراولة الحمراء القلب
بس ابي اجي حفلتكم يصير يالله افتحولي الباب

Dr. Saleh said...

وين الرومانسية

الظاهر حفلتكم حفلة علاف

وعليكم بالعافية