تعودت تشوفه وين ما تروح
في المطاعم او السينمات
معارض العقار ..و حتى السفر
سبحان الله وين ما تروح من اول الموجودين في المكان اهو
هالمرا قالت اذا رحت الرايه و لقيته جدامي
بيطلع صج قزيز ..و بغير نظرتي فيه
لو انا الي بس اشوفه اقول الحال من بعضه انا و اهو في الهوا سوا
لكن رفيجاتي 24 ساعه يتلاقون وياه بعد
و في الرايه توها طالعه من محل ( اويللي) تصادفه
تنزل تقعد في وتر لمون يكون موجود ويا ربعه
هالمرا حاول في نظراته يكلمها
و ما فهمت شي
و بعدها باسبوعين
تطلع لها دوره في احد الفنادق
و يكون صدفه وياها
طارت من الفرحه
استمتعت
اول مرا ما اتحس ان الدورات مو ممله
و يطير الوقت بسهوله
في البريك
يشرب قهوه و يقولها تبين
تسوي حق نفسها قهوه
و يسألها
وين تشتغلين ؟؟
هي : شركه نور ..تعرفها
هو : اي الاسثماريه ...مو تابعه لجلوبل ...وين مكانكم
هي : الرايه
هو : اي حلو ..بعد فتره راح ننتقل يمكم احنا ماخذين دور في الداو
الي يمكم..
و يمر الوقت ما بين
سوالف عن طبيعه العمل و الشغل
و عن الدورات و المعارض
و بالاخير يقولها معاج احمد الفلاني
تقوله حياك الله و تشيل جنطتها و بتروح ترجع القاعه
يكملون الدوره
يسألها ... :ماتشرفنا في حضرتج !
تستغرب اشلون تدودهت من اسم عايلته و نست تعرف بعمرها
هي : معاك فضه الفلاني ..
هو : اخوج خالد .. ؟
هي : اي ..
هو : و النعم والله اسمع فيه و اصادفه بدواوين بس ما اعرفه شخصيا
هي : ابتسامه صفرا (( بقلبها تقول ..كلش مو وقته تطلع تعرف اخوي ))
هو: هلا فيج فضه عيل طلعتي من الاهل .. تدرين ؟
هي : اي ادري في علاقه نسب صح ؟
هو : لا مو انتي امج بنت ....... انا يدتي ام امي من نفس العايله
و اهو شاق الابتسامه ..
يقعد اهو في مكانه و ما يشيل عينه منها
و اهي تقعد في مكانها و اتحس ان ودها تحذفه بالطفايه من الخز
لانها صج تضايقت من احساس وجود واحد مجابلها ما شيل عينه منها..
تخلص من الكورس تطلع
بسرعه
تركب السياره
طلعت الموبايل و حطته يمها
ما تبي تدق علي رفيجتها او ما تطلع يمكن
يكون قاعد يشوفها
و ما تبي تخليه يحط في باله انه عندها واحد
خبركم الشباب من يشوف البنت مزهوقه على الموبايل قال عندها واحد
اطلعت من الباركينج
الامن مستتب
تشيل الموبايل تدق على رفيجتها أروى
هي : الوووووووووو سحيله وينج؟؟
اروى : في الفراش اتقلب ليش ؟؟
هي : سسسسسسسكتي سمعي المصيبه
تذكرين ذاك الحلو الي وين ما اروح اشوفه
الي كلا اقولج عنه .. طلع وياي في الدوره !
تخيلي و طلع يصيررررررررررلي
تخيليييييييييييي لو انا متهوره و متعرفه عليه
وي جان علوووووووم .. الله يا الفشله ..
اروى : خلصيني من طلع شسمه ؟؟ يجووز او لا يجووز ؟؟
فضه : احمد الفلاني ....!
اروى : تطمر اتعدل قعدها !! شنوووووووووو عيدي الاسم !.؟؟
فضه: احمد الفلاني
اروى : احمد الي متخرج من امريكا ؟ امه خالتي نبيله ؟؟
فضه : هااااااااو اشدراني امه مني !! الي اعرفه ان يدته تصيرلنا
اروى : اي هذاااااا اهو الطويل الحنطاوي !؟؟ صح بو حنج !
فضه : اي طويل مملوح زوقه .. خشمه طويل ..عيونه كبار
اروى: جبي جبي بس جبي وووووع ماعندج ذوق !! اشلون ما تعرفين منو هذا !
حدا سرسري راعي بناات ..ظييييييم مشطب على نص بنات امريكا !!
تعالي شووووفيه في ((كان)) ايي يومين و حياتج حق اهله ما يبقى سعوديه ما يتعرف عليها و يمشي..
فضه: اي معذووووووووووووور زووغه !! اكيد البنات يتلزقون فيه !!
اروى : طاااااااااع هذي .. اقولج سرسري تقولين معذور !! لانه حلو
خوش نظريه .. الزبده اكسي عليه و قطي وراه سبع صخرات !!
دامج عرفتي انه مو نظيف وخري عنه ! اشلج بعوار الراس .. مو راعي حب و لا راعي زواج !
فضه: يالله باي باي الحجي وياج ما ينفع 10 مرات امي ادق .. كاهي على الخط الثاني ....
واستمرت الدوره لي نهايه الاسبوع ..
في البريك يقعدون ويا بعض ..
سوالف عاديه ودردشه..
و في اخر يوم يتبادلون كروت بعض .. فيها الايميل و الارقام ..
يسأل احمد رفيجه سعود اذا يعرف عنها شي
يبشره سعود ان اخر اليوم راح يطلع له كل شي عنها..
و في هالفتره .. كانت فضه تتخيل نفسها شنو ابعاد العلاقه بينها راح تكون مع احمد
و تسأل امها اذا تعرف امه نبيله ..و تسرد لها امها قصه زواج نبيله من فهد و قصه حبهم
الي كانوا يتحجون فيها بثانويه كيفان و بمعهد المعلمات .. و امه كانت ناظره ..و توها مسويه عرس حق بنتها
و القصار بدع فيه !!
و فضه تبي زبده من امها .. مو محصله
تقول بقلبها انا شكو بامه و ابوه .. و اذا امه ناظره و الا وكيله
ياربي امي ما تعرف اتبرد القلب كلش..
يرد سعود على احمد ..الخبر
سعود : حمييييد ابشرك !! البنت مو موديلك كلش .. وخر وخر
احمد : اشماله !!
سعود: شغل عوار راس .. حبني و احبك .. باختصار منت محصل منها شي
اذا تعرفت عليها بعورك راسي و مصرف على الفاضي.. بيضيع وقتك مكالمات و صكت راس..
و منت محصل منها شي.. موديلها مال الثمانينات حدها تواعدك بقهوه ويا رفيجاتها !
اقوول حميد بلا عوار راس ..فج عنها.. مو موديلك .. وبعدين تبي الصج البنت مو ذاك الزود
ممممم يعني 6- من عشره .. مو مال ينتعب عليها !
احمد: شفت كلامك هذا .. شجعني وايد اني اتعب عليها..
والله مليت من السهلين... فيني احدق !! فيك شده اتحدق وياي ,, و الا تخليني احدقها بروحي..
ساعدني يا اخي !!
سعود : طس عن ويهي انا ما احب اكل سمجه انا صايدها.. ابي اشتري الشي جاهز من فلوسي
مقشر و نظيف !
احمد : مو كفو نعمه..تبي الصج .. من زمان ما اكلت اكله نظيفه .. بنت عايله .. مني و فيني ..
لا انا جادم اكل اكله خمس نجوم...من اول يومين بفهمها اني مو مال زواج..تبي حياها الله ..ماتبي لله و رسوله محيها.. وين بتروح الحين ؟؟
سعود: بمرك الحين اخذك نروح الدوانيه .. عفسه الدنيا ويا هالدوائر.. شكلهم بحلون المجلس !
اتهقى يحلونه !!
احمد : حلووه و الا قعدوا انا شكو فيهم يبا لا تمرني و لا لي خلق سياسه انا واحد راعي مزاج !
راعي وناسه انا اشلي بعوار الراس .. بقعد في البيت اجابل مباريات مهمه اليوم ميلان و روما !!
منت شايفها ؟؟؟
اروح اعور راسي و يا مجلس الخمه و اخلي اقوى مبارات في الدوري ..
يسكر احمد التلفون و على ما تبدى المبارت ..
يمسك كرت فضه .. و يقلبه ! يدق
ما يدق .. يدز مسج ؟؟ ما يدز .. صارله يومين يفكر في هالسالفه..
بدز مسج .. و الي فيها فيها..
Hii dear, wassap ,
في المطاعم او السينمات
معارض العقار ..و حتى السفر
سبحان الله وين ما تروح من اول الموجودين في المكان اهو
هالمرا قالت اذا رحت الرايه و لقيته جدامي
بيطلع صج قزيز ..و بغير نظرتي فيه
لو انا الي بس اشوفه اقول الحال من بعضه انا و اهو في الهوا سوا
لكن رفيجاتي 24 ساعه يتلاقون وياه بعد
و في الرايه توها طالعه من محل ( اويللي) تصادفه
تنزل تقعد في وتر لمون يكون موجود ويا ربعه
هالمرا حاول في نظراته يكلمها
و ما فهمت شي
و بعدها باسبوعين
تطلع لها دوره في احد الفنادق
و يكون صدفه وياها
طارت من الفرحه
استمتعت
اول مرا ما اتحس ان الدورات مو ممله
و يطير الوقت بسهوله
في البريك
يشرب قهوه و يقولها تبين
تسوي حق نفسها قهوه
و يسألها
وين تشتغلين ؟؟
هي : شركه نور ..تعرفها
هو : اي الاسثماريه ...مو تابعه لجلوبل ...وين مكانكم
هي : الرايه
هو : اي حلو ..بعد فتره راح ننتقل يمكم احنا ماخذين دور في الداو
الي يمكم..
و يمر الوقت ما بين
سوالف عن طبيعه العمل و الشغل
و عن الدورات و المعارض
و بالاخير يقولها معاج احمد الفلاني
تقوله حياك الله و تشيل جنطتها و بتروح ترجع القاعه
يكملون الدوره
يسألها ... :ماتشرفنا في حضرتج !
تستغرب اشلون تدودهت من اسم عايلته و نست تعرف بعمرها
هي : معاك فضه الفلاني ..
هو : اخوج خالد .. ؟
هي : اي ..
هو : و النعم والله اسمع فيه و اصادفه بدواوين بس ما اعرفه شخصيا
هي : ابتسامه صفرا (( بقلبها تقول ..كلش مو وقته تطلع تعرف اخوي ))
هو: هلا فيج فضه عيل طلعتي من الاهل .. تدرين ؟
هي : اي ادري في علاقه نسب صح ؟
هو : لا مو انتي امج بنت ....... انا يدتي ام امي من نفس العايله
و اهو شاق الابتسامه ..
يقعد اهو في مكانه و ما يشيل عينه منها
و اهي تقعد في مكانها و اتحس ان ودها تحذفه بالطفايه من الخز
لانها صج تضايقت من احساس وجود واحد مجابلها ما شيل عينه منها..
تخلص من الكورس تطلع
بسرعه
تركب السياره
طلعت الموبايل و حطته يمها
ما تبي تدق علي رفيجتها او ما تطلع يمكن
يكون قاعد يشوفها
و ما تبي تخليه يحط في باله انه عندها واحد
خبركم الشباب من يشوف البنت مزهوقه على الموبايل قال عندها واحد
اطلعت من الباركينج
الامن مستتب
تشيل الموبايل تدق على رفيجتها أروى
هي : الوووووووووو سحيله وينج؟؟
اروى : في الفراش اتقلب ليش ؟؟
هي : سسسسسسسكتي سمعي المصيبه
تذكرين ذاك الحلو الي وين ما اروح اشوفه
الي كلا اقولج عنه .. طلع وياي في الدوره !
تخيلي و طلع يصيررررررررررلي
تخيليييييييييييي لو انا متهوره و متعرفه عليه
وي جان علوووووووم .. الله يا الفشله ..
اروى : خلصيني من طلع شسمه ؟؟ يجووز او لا يجووز ؟؟
فضه : احمد الفلاني ....!
اروى : تطمر اتعدل قعدها !! شنوووووووووو عيدي الاسم !.؟؟
فضه: احمد الفلاني
اروى : احمد الي متخرج من امريكا ؟ امه خالتي نبيله ؟؟
فضه : هااااااااو اشدراني امه مني !! الي اعرفه ان يدته تصيرلنا
اروى : اي هذاااااا اهو الطويل الحنطاوي !؟؟ صح بو حنج !
فضه : اي طويل مملوح زوقه .. خشمه طويل ..عيونه كبار
اروى: جبي جبي بس جبي وووووع ماعندج ذوق !! اشلون ما تعرفين منو هذا !
حدا سرسري راعي بناات ..ظييييييم مشطب على نص بنات امريكا !!
تعالي شووووفيه في ((كان)) ايي يومين و حياتج حق اهله ما يبقى سعوديه ما يتعرف عليها و يمشي..
فضه: اي معذووووووووووووور زووغه !! اكيد البنات يتلزقون فيه !!
اروى : طاااااااااع هذي .. اقولج سرسري تقولين معذور !! لانه حلو
خوش نظريه .. الزبده اكسي عليه و قطي وراه سبع صخرات !!
دامج عرفتي انه مو نظيف وخري عنه ! اشلج بعوار الراس .. مو راعي حب و لا راعي زواج !
فضه: يالله باي باي الحجي وياج ما ينفع 10 مرات امي ادق .. كاهي على الخط الثاني ....
واستمرت الدوره لي نهايه الاسبوع ..
في البريك يقعدون ويا بعض ..
سوالف عاديه ودردشه..
و في اخر يوم يتبادلون كروت بعض .. فيها الايميل و الارقام ..
يسأل احمد رفيجه سعود اذا يعرف عنها شي
يبشره سعود ان اخر اليوم راح يطلع له كل شي عنها..
و في هالفتره .. كانت فضه تتخيل نفسها شنو ابعاد العلاقه بينها راح تكون مع احمد
و تسأل امها اذا تعرف امه نبيله ..و تسرد لها امها قصه زواج نبيله من فهد و قصه حبهم
الي كانوا يتحجون فيها بثانويه كيفان و بمعهد المعلمات .. و امه كانت ناظره ..و توها مسويه عرس حق بنتها
و القصار بدع فيه !!
و فضه تبي زبده من امها .. مو محصله
تقول بقلبها انا شكو بامه و ابوه .. و اذا امه ناظره و الا وكيله
ياربي امي ما تعرف اتبرد القلب كلش..
يرد سعود على احمد ..الخبر
سعود : حمييييد ابشرك !! البنت مو موديلك كلش .. وخر وخر
احمد : اشماله !!
سعود: شغل عوار راس .. حبني و احبك .. باختصار منت محصل منها شي
اذا تعرفت عليها بعورك راسي و مصرف على الفاضي.. بيضيع وقتك مكالمات و صكت راس..
و منت محصل منها شي.. موديلها مال الثمانينات حدها تواعدك بقهوه ويا رفيجاتها !
اقوول حميد بلا عوار راس ..فج عنها.. مو موديلك .. وبعدين تبي الصج البنت مو ذاك الزود
ممممم يعني 6- من عشره .. مو مال ينتعب عليها !
احمد: شفت كلامك هذا .. شجعني وايد اني اتعب عليها..
والله مليت من السهلين... فيني احدق !! فيك شده اتحدق وياي ,, و الا تخليني احدقها بروحي..
ساعدني يا اخي !!
سعود : طس عن ويهي انا ما احب اكل سمجه انا صايدها.. ابي اشتري الشي جاهز من فلوسي
مقشر و نظيف !
احمد : مو كفو نعمه..تبي الصج .. من زمان ما اكلت اكله نظيفه .. بنت عايله .. مني و فيني ..
لا انا جادم اكل اكله خمس نجوم...من اول يومين بفهمها اني مو مال زواج..تبي حياها الله ..ماتبي لله و رسوله محيها.. وين بتروح الحين ؟؟
سعود: بمرك الحين اخذك نروح الدوانيه .. عفسه الدنيا ويا هالدوائر.. شكلهم بحلون المجلس !
اتهقى يحلونه !!
احمد : حلووه و الا قعدوا انا شكو فيهم يبا لا تمرني و لا لي خلق سياسه انا واحد راعي مزاج !
راعي وناسه انا اشلي بعوار الراس .. بقعد في البيت اجابل مباريات مهمه اليوم ميلان و روما !!
منت شايفها ؟؟؟
اروح اعور راسي و يا مجلس الخمه و اخلي اقوى مبارات في الدوري ..
يسكر احمد التلفون و على ما تبدى المبارت ..
يمسك كرت فضه .. و يقلبه ! يدق
ما يدق .. يدز مسج ؟؟ ما يدز .. صارله يومين يفكر في هالسالفه..
بدز مسج .. و الي فيها فيها..
Hii dear, wassap ,
this is me ..
ahmad .
31 comments:
فطووووووووووووم
و بعدين وياج يعني و التالي و التالي!؟
مو قلنالج ما نبي أجزاااااااء
ما نبييييي
نبي كله سمته وحده
نبي فيلم مو مسلسل
الله يهداج بس
تعلقــــــــــت
الــــــــــلــــــــــه
يسامحج
أنا قايله ماني قاريه ولا قصه إلا لما ألاقي كلمة
"النهــــــايــــه"
بس تليـــقفت و قريتها و الحين أنا
متعلقه
و شكرا
وماذا بعد ؟
ننتظرك
لوير:
عفيه كملى القصه الليلة مو تخلينا الى يوم السبت
اعلان هام ....سنطوق اليوم قرطبه علشان ما تطلعين وتكملين لنا شنو صار
ههههههههههههه
بس تصدقين فيه مصطلاحات وايد ما افهما اقراها اكثر من مره علشان افهم
مثل تحدق... قزيز
شوي شوي علينا احنا من الجيل الاكبر منكم ما تعودنا على هالمصطلحات
لوووووووول
موضوعك طويل قريت نصه ومليت
اختصررررررررررري يافطوم
من جد ماشاء للحين كتاباتك طوييييلة
تحياتي
لورد بن سليت
http://lordbinsleet.wordpress.com
لوير هذي قصه صجيه؟ ولا خياليه؟؟ يعني انتي سامعتها من أحد؟ نفس كتابات الحرملك؟؟
موديلها مال الثمانينات ..لوووووووووووووووووووول XD)))
لويييير ليش ما كملتيها
حدي تشوقت
يللا نبي باقي القصة
شـ صار !
يعطيج العافية
ما احب الاجزاء
تخليني اقعد وانطر
ذبحتونا الله يهداكم
يالله كملي بسرعة
هالاحمد باط جبدي
يعني تشوفها سيدا
تبي تعلقها وانت ما تبي زواج
حاله حال شباب هالوقت
ما منهم فود
كملي واللي يعافيج بس كملي
فطومة يصير اتعرف عليج عن قرب
يعني تعطيني ايميلج واعطيج ايميلي عشان احاجيج بالمسنجر:) ممكن؟
أمبيـــــــــــــــه صج تعلق
والله السالفه جدا واقعيه
شكلها صج :) مو من وحي الخيال يعني
بس حلوه سالفت الحداق لوووول
ياحليلهم الشباب شايفينا صبور وميد
على العموم
لوير يوزي عن التعلق
وحطي القصه كامله
we are waiting for you sweety
قاعده اساحل يعني :)
تحفة ... منتزر الباقى
النهايه اتوقع يموت احمد بحادث سياره
وميلان تفوز على روما 2\صفر
وفضه تروح الرايه وتلتقي برفيج
المرحوم أحمد ويتزوجون
____________________________
للكاتبه الاديبه العالمه الدكتوره
فـــجـــر الـــسعيـــد
قام بدور أحمد : محمود بوشهري
صديق أحمد : يعقوب عبدالله
فضه : أمل عبّاس
صديقة فضّه : منى عبدالمجيد
اخراج
الخـــــــــــــاطـــــــــر
مجابل رونالدو و كاكا أبرك من نوابنا الحلوين :)
ننتظر باقي جعبتك .
صراحه القصة تشوق
ياريت ما تتاخير علينا بالجزء الثاني
صباااااااااااحكم ورد
اشكركم جميعا على التعليييييييق
وايد شجعتوني اني اكملها اليوم او باجر
مشكووورين وايد وايد
اوعدكم ما راح اطول فيها
مشكوووووورين
ليتل ومن
حبيبتي حياج الله
ايميلي موجود في البروفايل
راسليني على الايميل
الخاطر
لوووووووووول
اخراجك ضعييييييييف جدا
اشكركم
:)
Lawyer !!!!!!
لاتصيرييييييين جذي عاد ! كمليها وكل ما صارت طويله تصير أحلى بس مانبي ننطر !
بس لوع جبدي قطيعه على سالفة السمج ! قاموا يشبهون البنات بالسمج عاد؟؟ مالت
كملييييييييها
م اهوى القصص التي تكون مبهمة نهاياتها
ماسك قهوتي واطالع الرايح والياي وبحر المانش يلامسني
واحس جنه فضه واحمد وراي التفت عليهم اشوفه تعابيرهم اضحك
واذكرج بالخير
مشكوره
مساء الورد لوير
اسلوبج فى الكتابه حلو ووايد طبيعى ومريح جنى قاعده مع رفيجتى تقولى السالفه
يعطيج العافيه بس ترا علقتينا لا
اطولين علينا
تحياتى
ترى حسستيني اني مو عايشه بلكويت
صج صج الناس على هالشاكله ...ولا طبقتنا الفقارى غيرررررررررر ؟؟؟
بسرعة نبي الجزء الثاني
زتّج
وعن الطوالة
:)
ودمتم بحب
ايواااااااااااا
عاد قبل لا فرارتي بالبلوقات قاعده اقول حق نفسي من زمان محد اتحفنا بقصة يديدة
يالله لو سمحتي اليوم ينكتب الجزء الثاني والاخير
ومافي مشاكل لو ينعرض السبت --> من حاجاج ;p
تصدقين عورت قلبي فضه ! مادري ليش .. يمكن عشان اسمها فضه :p
--> اعرف وحده اسمها فضه تقول كل فضه مقروده !؟
ليش ماادري !؟
مراعاه لظروفي
وانتي ادرا فيها
!!
وعدم قدرتي على المرور اليومي هنا
فحسي فيني
وكمليهاااااااااا
:))
في سر
دشي بلوقي
:pP~
لــــــــوير
هذا من وحي خيالج .. او قصه حقيقه
وان شالله ماتطولين علينا .. ونشوف الباقي
:)
هي : ابتسامه صفرا (( بقلبها تقول ..كلش مو وقته تطلع تعرف اخوي
هههههههههههه
والله موتيني من الضحك حتى اللى بقلبها كاتبته هههههه
اشلوووووووووونج لوير
(:
علقتينا !
يعني
كان واحد طالع من الدوام و وصل سيارته و سويجه على مكتبه
كانه واحد طالع الشاليه و ناسي مايوهه
كانه واحد متغدي و ما عنده عقبها زقاير
كان واحد سهران ،،،،،،
و ماعنده لابتوب ( و اي شي ثاني يطري عل بال )
كانه واحد داش سينما بالصيف و المكيف خربان
كانه الحلقة قبل الاخيرة من جرندايزر
كان واحد قاعد يقرا بوست و له تكملة عقب اسبوع !!!!!!!!!!!!!
ماصارت يالله تعلقنا
و طارت !!
لوير...واحشتنا الغالية..
شووووفي كلناااااا بإنتظارك..
المفروض بعد تعليق
(nEo)
محد يرد :>
نشوفك قريب بتكلمة حلوة
وبنفسية أحلى
(f)
Lawyerrrrrrrrrr..
Tara ma Saraaaaaaat.. 3ayazt wana an6er..
3ad ana Gayla many em3alQa ella eb nehayat elQessa.. bs ma 3abbart..
Nahnahteneeey
:/
انا ودي أعرف بس اشلون اتصيدين الديتيلز ماشالله عليج
عجبني الحوار وايد واقعي
ولاتزعلين مني اذا قلت لج عادة ما تجذبني القصص وأحس بملل لما أقراها بس هالمرة حسيت قصتج مضبطتها عدل واسلوبها يجذب
يالله يا حبابة حازينا حزاية حلوة تسلينا
احمد وفضة
:/
اهيه واسمها موديل قديم
صاج سعود
يلا لوير
ويتنغ فور ذا ريست
وااايد تعجبني فيج شغلة انج حتى الديتيلز تهتمين فيه
:*
تدرين شنو اللي ينرفز؟
مو فضة الرقلة عادي She's Kind Of Typical Kuwaiti
اللي ينرفز الحوار بين أحمد و رفيجه ، البنات صاروا Fiiishes ;P !
لأ جد , شنو صيدةوحداق و سهلة و صعبة و اللي تبيه ماتحصله
أشكره الحواار يصير جذي ؟ و الطرفين امشين مع بعض نفس الاسلوب !؟
Post a Comment