كانت بصوت عالي تقول كلمه وخر
قامت منه
و اسحبت الجنطه
بدون كلام
و اهو ما تحرك
و لا كلمها
طلعت من الدار مصدومه
نزلت
عدلت عمرها في حمام اللوبي
طلعت من الفندق
تمشت في النايسبريدج
دقت على أروى
فضه : مدري هل المفروض ابجي ! مثل الافلام بس مافيني بجوه
لكن انا مصدومه
اروى : اشفيج !! بسرعه تكلماي عندي ميتينج بعد شوي
فضه: دشيت وياه الدار وقفنا سولفنا و بدا يتحرش شوي
و انا ما انكر اني تجاوبت.. ابيه اشتبين .. شي طبيعي بصير شي
بس مو مثل الي تصورته !!
اروى : ليششششششششششش اشلون ؟؟ ابيه لحظه نمتي وياه
فضه: لا يروح بالج بعيد.. اصلا حتى هدومي علي .. بس الي كان يبي مني شي
ماكان يطلبه بطريقه واحد يحب.. كان وحش !!
اروى : فضه احمد مو وحش .. بس اهو متعود ان ياخذ هالشي بدون مقاومه من كل البنات
انتي تبين تقاومينه في لحظه اهو مو في ويعه!!
فضه: ما امداه يكون مو في ويعه .. قمه الطبيعي .. و عادي اشفيج ما صار شي..
اروى : شنو صار او ما صار ترى دودهتيني !!
فضه : ولييييييييييييين هذي شفهمها .. يبااااا تدونا بنبدي انا خفت
قلت له وخر ! مارضى بيحط ايده في مكان .. وخرت ايده وخر ايدي حيل ..
حسيت بيصير شي وخرت عنه
و قلت له وخر... الي يحب وحده يخليها على راحتها
الي يحب وحده يخاف عليها في الفراش
الي يحب وحده ما يصير حمار و يطلب منها شي في اول مرا صح !!
اروى : انتي وينج الحين ؟؟
فضه: في الشارع اتمشى .. مالي خلق ارد البيت.. يالله اخليج طولت عليج
اروى : اوكيه اطلع من الميتينج و اكلمج
تتمشى
يدق عليها احمد
و ترد عليه
احمد : الي سويتيه صح ؟؟
فضه : بتفتحني احمد ؟؟ عشان تروح امريكا و تقطني .. و لا اشوفك !!
كل الي صار و الكلام الي انقال عشان هاللحظه يا احمد ؟؟ رد علي !!
احمد : مينونه انتي صح ؟؟
فضه: مينونه لو كنت قاعده مع هالوحش بالفراش دقيقتين
احمد .. انت اول مرا تكون صادق في اللحظه الي كنت معاك فيها
أحمد: بس خلاص سكري الموضوع !! و لا تفتحينه و لا بيكون يوم من الايام بيني و بينج شي انتي ما تبينه .. وينج فيه
فضه : ليش؟
احمد : وينج فيه ؟
فضه: ما ابي اشوفك لايعه جبدي منك
احمد : مانتي شايفتني شهر كامل ... اليوم الساعه 12 بالليل بروح المطار و بتفتكين مني
بس الحين امشي بروح حاجز لج مكان .. وينج الحين فيه ؟؟
فضه : تحت يم باب الفندق ..
احمد: يالله صبر دقيقتين و اكون عندج ..
ينزل احمد .. و فضه اتصدد عنه تمشي وياه و اهي ما اطالعه
يركبون تاكسي .. يقول حق التاكسي .. يوديهم محطه القطار
فضه : يا حسره قلبي وين بتوديني
احمد : انتي ليش وايد ملقوفه .. صبري .. وبعدين انتي زعلانه .. مدي بوزج اكثر
عشان ابي هدوء .. مزاجي متعكر
ينزلون محطه القطار ..
يقولها اوقفي اهني ..
على ما اشوف الجيت
يروح و يرد بعد دقيقه طاير مستعيل
بسرعه يالله بسرعه ..
يالله يمدي ناخذ براوني و ايس كريم
عندج خبر اهني احلى ايس كريم في الدنيا امشي امشي بسرعه
ياخذون ايس كريم
و براوني و يركب وياها القطار
فضه : لي الحين منت قايل وين بتوديني !!!؟؟؟؟
احمد : اسكوت... ascott
فضه : ليشششششششششش!! اشفيها زود عمري ما فكرت اروح لها
احمد : بنركب خيل ..بوديج مكان نركب فيه حصن بس المفروض من الصبح
على ما نوصل يا دوبك يمكن انلحق اذا فيه سباق او نركب مدري لي الحين شنو اكو عندهم هناك اليوم .. بس قريت في السايت
فضه : انزين جان قلتلي البس لبس حصن
احمد : يطالعها باستغراب ! عندج لبس حق الخيل
فضه : لألألأ بس اشتري
احمد : طلعي البراوني من الجنطه ..
يوصلون اسكوت بعد ساعه
و يروحون يشوفون الخيل
و فعلا تسنانس وياه في هاليوم ..
و تصور وياه ويا الخيل و يرجعون اخر النهار
لندن
يروحون يتعشون في ماكدونالدز عند محطه القطار
تسلم عليه و يرجع اهو الفندق و اهي الشقه
و قبل لا تمشي يمسك ايدها و يقولها
احمد : فضه ترا انا صج مو زين .. فيني شغلات وايد مو زينه
بس بغيرها .. تحمليني .. صبري علي .. بتسمعين حجي و بتشوفين
بس تحملي وياي لي الاخر ..
تسلم عليه فضه و تروح
و اهو يتمشى
يريح في الغرفه و تالي يسبح و يحلق و يروح المطار
راح امريكا 21 يوم
مع ربعه
بعيد عن فضه .. و بعيد عن القيود
استانس احمد فيها وايد .. ولكن
و اهو بعيد عنها
يحاتيها
يسأل عنها وايد
يدق عليها
في اي حزه تدق يطلع من اللاونج او البار و يكلمها
كان بين حانه و مانه
اذا رضا عنها و كانو زينين يكون من ابدع من ما يمكن
من اتهاوش وياه او اتقثه في مسج خانها مع اي وحده
و يعترف لها ! و يقولها كلا منج انتي خليتيني اسوي جذي
قثيتيني !!
في يوم قبل ردته من امريكا باسبوع
يتهاوش وياها هوشه مو طبيعيه صراخه يشيل المكان
و بدون مقدمات .. يقولها : خنقتيني
ما اقدر بس ما اقدر خنقتيني ..
تعبت .. احس وياج بالالتزام ماني قده
ما اقدر اسوي الي تبيه
و لا ابي اخذ منج شي ما تبي تعطيني اياه
لا بينا سكس
و لا اقدر اتزوج الحين
ما اقدر
ختقتيني
تعبت تعبت
تسكر فضه التلفون في ويها
و تبجي بجي مو طبيعي
تخترب عليها السفره
و اتحس بوحده
مكانه فاضي
تحاول تسكت عمرها بكلام
ان ما يستاهل و ان مو زين و ان ما يصلحلي
بس ما تقدر
لانها تحبه
ترجع الكويت
تقعد فتره كبيره ما تطلع و لا تبي تروح اي مكان يمكن تصادفه
يدش عليهم رمضان
تروح العمره اتغسل قلبها
تسافر في العيد
دبي
وبدت تنسى شوي بس مو قادره
اما احمد اهو الانسان الوحيد الي حس فعلا ان خسر شي كبير
لان خسر امرأه له اهو وحده
حوالينا بنات
بس مو نظاف
حوالينا بنات بس مو له
ما يملك عليهم سلطه و لا يقدر حتى يحترمهم
يذبحه الفراغ من بعدها
يذبح عمره بالشغل
و في الويك اند سهرات و حفلات
يدق على سعود
يقوله : ترا انا صج تعبت
تعبت ماني قادر
كنت احس انها اتخنقني
بس فراقها يذبحني
مكانها خالي
خالي انا قاعد افكر جد في الارتباط فيها
انا بتزوجها
بس لازم اعطي نفسي شهر
او فتره مدري اشكثر
اشوف نفسي فيها
لاني ما راح اردلها هالمرا بالتلفون
بفكر و بقعد مع نفسي
وبخلي امي ادق
لازم امي ادق
هذا الشي الي يرضيها و يرد اعتبارها
انا ادري اهي الحين تعبانه
انا حاس فيها
يقاطعه سعود : ما يمدي احمد..
احمد : شنو ما يمدي
سعود : تحسفت متأخر
فضه خطبها ناصر
احمد : اي ناصر ؟؟!!!!!!!!!
فضه : الي وياها في الانتخابات
فضه ما اعرفت بقرار احمد
و احمد متحسف قد شعر راسه انه ضيعها
احمد لي الحين متحسف باللي سواه و متحسف عليها
و فضه الله وفقها برجل عرف قيمتها
يمكن حياتها ويا ناصرمافيها الفانتسي الي كان معا
احمد .. بس فيها استقرار
ملاحظه : القصه بكل احداثها و تسلسلاتها
عباره عن خيال في خيال
و حتى الاسماء و اذا دققتوا اكثر ان حتى بعض العناوين غلط
هي حبكه من خيالي
32 comments:
الحمدالله
و أخيرا
بس صج القصة تستحق انها تكون أجزاء
امبين انج مختصرتها
ههههه
بس حلوة
واااااااااايد
يعطيج العافية
صدمة
كان حقير بس كان يحبها
وكان واضح هالشي
حتى لو كان مو زين
حتى لو كان يخربط
حتى لو كان رايح فيها
بس يحبها
وكل شي يبين ان اهيه راح تكون مرته
ليش ما شافت هالشي ؟
ليش تسرعت وتزوجت
الاكيد انه خسرها وراح يتحسف طول عمره
لكن اهيه بعد ما ربحت شي
عاشت حياة مريحه
لكن مو اللي تبيها
وشعور حده بايخ
بس انقهرت
لوير قهرتيني
ما احب يصير جذي
اهوه حمار
باعها عشان زبالة
و وايد كان ماخذ راحته عباله ان البنت محجوزة له
:(
لحظة الحجي ما خلص
انقهرت
قصتج تينن بس ليش وايد قصيرة
اول مرة ابي قصة ما تخلص
كتبي قصة ثانية وبردي جبدي فيها
:(
6ab3an the end wala bil khayal :P it might happenes bain kil 1000 ..
anyways .. as usual great way of shisma .. ;)
fitha 7ad-ha khafefa o faskha il7aya tara .. kilshay ok o 3adi bas iykoon ib 7ub .. mako i3tirath 3ala ayshay bas the way of doing this shay is the matter ..
min awwal yoom ilzigat fi ilwalad kharban sikker yazni mo mishkila o 7atta ihwa ba3ad ikhwara
ya3ni ilmubalagha mawjoda konha qisa khayaliya :P
anyways a good one but next time we r looking for more down to earth, a lil complicated , (longer) story .. and ya raiat real life as simple as it
انت مشروع كاتبه للقصص القصيره
لانها فيها احاسيس وايده فرح, خوف حريه, غضب ,حب.........و
اتصدقين الله نجاها منه لانها راح تتعب معاه طول حياتها.....الزواج مو بس حب
يستاهل.....هذا عقاب اللى مايحترم مشاعر الصدق عند محبوبته....وحسباله كل البنات مثل بعض
عاد القصة الثانيه خليهم يتزوجون .....احنا تعلمنا على هالنهايات........طبعا من الافلام المصريه والهنديه
لووووووووووول
ودمتى بحـــــــب وسلام
حــــمار..!!
حمدلله على السلامه!!الصراااحه قصه بديعه.. الله اوفقج صج كاتبه.. حسيت جني اقرا كتاب بنات الرياض.. بلييز استمري حبيبتي وانا بشجعج نفسيا ومعنويا لين اتسوينلنا مسلسل:)
بس لازم اقولج شئ مهم ان واحد من الشباب شافني عقب الاجتماع جان اقولي نزل الجزء الثالث!!طبعا كلنا ركضه على الكمبيوتر.. وانا اقرا مديري اتصلط علي كل ساع يمر و كل ساع ايي يسألني سؤال جان اقولها اي اي اي خلصت اللي تبييه روح المكتب اييك بعد 10 دقايق.. بس ابي يروح عشان اكمل!!
الله اتمم عليج ونستينا:)
والله زاغ قلبي
حسبالي صج
بس ماشالله عليج .. ممتازة
فضة زين سويت .. لأن ما يستحقها بنى علاقته فيها على شئ للأسف مادري شلون أوصفه .. وبالنهاية إنتي وضحتي .. نقطة .. على نياتكم ترزقون .. لأنها ناوية عالشئ الصح .. أخذت الإنسان الصح
وأهو ناوي على أخطاء ولعب .. فأكلها بالآخر
خوووووووش قصة
في منها وايد بالواقع .. لا تستبعدين شئ
أهنيج على القصة
وانشالله لج مستقبل بالروايات والقصص
ماتدرين يمكن يوم من الأيام نقرالج رواية أو قصة نستطيع التقاطها من جميع المكتبات في الكويت
انشالله
اندمجت وانا اقرا قريت الثلاث اجزاء مر وحده .. صج اهيا من خيالج بس استغربت ان هل فعلا اكو بنات يعزمهم واحد وعادي يؤكب معاهم ويتعشون معاه؟ والملاحظه الثانيه هل عادي بتمشى معاها بالرايه ويشيل الجيس وتصارخ جدام الناس ؟ .. القصه حلوه واغلب احداثها تصير او صارت فعلا حق اغلب بنات الكويت ونسمع هالقصص الى الابد .. ممتعه
الحمد لله انها خيال
واخيرا خلصت
سردج للقصه ممتع و مشوق
بس ليه فضه وايد خفيفه بالبدايه واحمد حيييييييل حقير كان معها
وفضه كانت متضايقه يعني تدفن حبها بصدر واحد ثاني علشان تنسى الاول مسكينه
احمد اذا فات الفوت ماينفع الصوت
يعطيج العافيه القصه واااايد حلوه
مابغينا
ويه
منقثة طول الوقت ومنقمتة من هالسالفة فطيم
عمابعينه هذا حال نص الرجالة اذا مو اغلبهم اتييهم الفكرة عقب السكرة
ماكوفايدة
مايتحجون ولايسوون اللي عليهم الا بعد فوات الاوان
اف اف اف
ليلحين منقمتة
بس تراها رجلة هالفضة حسافة عليها اسمها
هذي واهيا جذي خفيفة ورجلة زاغ عليها اشخلوو حق الثقيلة السنعة؟؟؟
بيبب :)
قرار فضة سلييييييييم مليون تعش بالامية
والا ان شالله بتحط ايدها على خدها وتنطر اللهو الخفي !؟
لا هالمره فضة مو مسكينة
;p
Wooow !! , But Still 1 question ... Will She tell her Husband About Ahmed ???
باك
:) سوري اذيتج ب 3 ردود
بس في بقلبي حجي ما طلعته
فضة وايد خفيفة
شدعوة جذي شالطفاقة
توقعتها اتكن من جذي بوايد عالحجي اللي قاله رفيج احمد
بالعقل اللي سوته فضة من مصلحتها
بالقلب ما كنت ابي يصير جذي
احب الناس للي يحبون بعض يتزوجون
خيال ها :P
الله يعينج على خيالج
بعدين نتفاهم
..
كل ردودي تهديد :#
اي باطه جبدي في شي حريتيني فيه بعدين اقولج ;p
نايس ستوري لاتختصرين مره ثانيه كنتي ماشيه عدل
ما دام تزوجت الحمدلله عل السلامه..." تجربه حلوه فيها اندفاع ومغامرة الشباب..." احسن وااايد من البنت المتردده....الي تخنقها العادات والتقاليد...." وتعيش بدون اي روح """" الحياة حلوه ليش تخترع منها وننطوي...بس الملاحظ من بعض المعلقات هجوم قوي...لو انه وحش جان ماكملت طول اليوم معاه...بمعنى لم يهجم عليها ...بل العكس نزل لها عادي .....هم الاثنين قدرا درجة ضعفهم وتراجعا...."لو انه لم يسافر لاختلف الوضع...بعد يوم او يومين...لا تشتطون... """""""""""""""""""""""""""شوفوا عبدالسلالم النابلسي كل يزف عيدالحليم هالناعم هالديايه....ويقوله...ليش ما ادز عمرك بمكن هي تبي...ما يصير هي تبدا....<<<< لا لالا لا دنا بخاف من ابوها الباشا....." باشا ايييه وزفت اييييه...">
صباااااااااحكم ورد
اهم شي ان كلكم استمتع في القصه
بسسسسسس مت ضحك على سالفه انكم جكيتينو اني مختصره في الجزء الثالث
ايييييييي فعلا حسيت انكم مليتو وايد من الهذره فاختصرت
وايد شغلات في سفر احمد
و حوارات بين سعود و احمد
و اشلون احمد كان يخربط و من ديسكو لي ديسكووووو
و مستانس و عايش حياته
و كان دايما يدق عليها و يسأل عنها و يناشبها على التاخير
و اختصرت حوارات رجاليه تدور بين سعود و احمد لما كان احمد يكون مستانس و سعود يعرض عليه بنت
و كان يقول احمد مرات لألأ ما ابي
بس يرد عليه سعوووووود
تراها نثيه !
و من هالامووووور
الي حاولت اختصرها
بس النهايه وحده
خلوني شغله وايد بسيطه
لما كنتو تتوقعون ان فضه ثقيله
شنو معنا الثقل الحين في الكويت
اذا يبنا مجموعه من 20 بنت
بنلاقي خمس بنات يكلمون من اجل السكس
و خمس بنات يكلمون و علاقه معلقه ما يدرون ليش يكلمون
و 10 بنات يكلمون راسمين زواج
و عبالكم الرياييل ما يدرون الرياييل يدرون و امشين مع البنات
بس في النهايه يسوي الي اهو يبيه
===
الي ابي اوصله
هل انا بينت لكم في البدايه ان فضه من اسره محافظه؟؟
لألأ
هل بينت لكم انها ملتزمه
هم لألأ
بنت متحرره تايب امريكي
عندها ربع اصدقاء
ولكن علاقتها الحب تكون من اجل زواج هذي الزبده
عشان جذي اهي خيبت ظن البنات المحافظات
لما تسافر في الطياره وياه
اهي مسافره و اهو عرض عليها يوصلها
خنكون صريحين
اي بنت بتسافر بروحها و يقولها واحد يحبها ترا انا بوصلج
بتقوووووول لألألأ
اقص ايدي !!
في النهايه
اشكركم وايد وايد على تحفيزكم لي
في التعليق
في الايميلات
و حتى المسجات الي وصلتني فعلا عورت قلبي
و اخص بالشكر
اختي العزيزه الي بتسويلي السايت
و الاخ العزيز على عرضه لنشر قصصي
انشاء الله في مشروع اصدار مجموعه قصصيه قصيره
و تو الناس على الروايه
على الرغم من ان فكرتها جاهزه
اشكركم
من اعماق قلبي
صباح الورد ياعسل
لحظه خليني اخذ جنوني واحطه على طرف واكلمج بعقل
اوكي الحين بعلق
يعطيج العافيه هذا انت من عرفتج بس هالمره ابدعتي وتفوقتي على نفسج عن كل المرات الي قريت لج فيهم هالموهبه حرام تندفن بالبلوقات وما تشوف النور لتمنى انج تاخذين فكرة النشر بجدية اكثر
تسلم ايدج القصه صج خيال الا انها لامست الواقع بوايد وانت ما رحتي بعيد بزمنا كل شي يصيرواصابعنا مو نفس بعض
بالنسبه لاحمد هذا نوع من الانواع وما انكر انه موجود بكثره الحين
اما فضه فهي بعقلها شابهت وايد من البنات الا انه قلبها شابه قلوب اغلب البنات
القصه كانت محبوكه صح والتفاصيل عطتها طابع الغموض الي اوجد في نفس القارئ الفضول انه يعرف كل شي وباسرع وقت وهذي نقطه تنحسب للكاتب
استمري
بالتوفيق ان شاء الله بالابداع بعد
اسفه طولت ارجع لجنوني الحين
تحياتي
قلعة
خوش قصة لوير
يسلم قلمك
بس مادري شفيني محتر بعلق تالي
على الرغم ان الحب بينهم كان وايد حلو.. وانسان مثل احمد
يستحق انه يتوب على ايد فضة
ويتسنع..
وااااااااي لووير
ييضيق خلقي اذا ماتزوجو اللي يحبون بعض بالقصص..
احس جنه صج
لوير فظيعه القصه
ووايد حلوه
وياريتج مااختصرتي بالعكس
مستعده اقرا اكثر واكثر
استمري
مو قلنا كاتبة سيناريو من الدرجة الأولى
:))
لكن عندي ملاحظات
أولا
كالعادة بداية القصة باسم البنت قبل الولد
فضة وأحمد
يعني ليش مو أحمد وفضة
وفي الجزء الأخير
لا فضة ولا أحمد
:)
ثانيا
شلون تكون البنت خفيفة لي هالدرجة
وتحلم بالزواج من أحمد وبشكل سريع
مع إن صديقتها أروى حذرتها منه
إنه ولد لعوبي ومع ذلك حبته وتبي ترتبط فيه وتثق فيه لي درجة إنها تروح له الفندق
بعدين أروى اشدراها عن سوالف أحمد
؟؟
ثالثا
شلون وافقت تطلع معاه مرة ثانية
عقب اللي صار بالفندق
وهي ما صار لها خمس دقايق من طلعت منه
زعلانه عليه بعد ما حاول يسحبها
الى الفراش
المفروض انها تصده أو تحقره
اذا دق عليها أو حاول يكلمها
هذا يدل على أن البنت خفيفة جدا
رابعا
هم الولد خفيف
اللي يبي يوصل حق اللي يبيه بسرعة مع
إنه مبين عليه دبلوماسي وخبرة في اصطياد
العذارى
:))
خامسا
سؤال عام
ليش أغلب أحداث القصص اللي تكتبينها
تكون في لندن
؟؟؟
سادسا
شلون برمضان تروح العمرة
والعيد تروح دبي
:))
وسابعا
قصة حلوة تنتمي الى المدرسة
الواقعية وفيها اثارة
بس أحداثها سريعة وايد
أحس إن شخصية سعود قريبة من شخصيتي
:))
آسف على الإطالة مع إن عندي
ملاحظات وايد
بس أقول كافي
هذرة وتنظير
:)
ودمتم بحب
لول
يعني كان لازم يفتحها علشان تفقد شرفها
بعدين شلون قدرت تمسك روحها واهي تحبه
صعبه
كان المفروض تسمح له
علشان يتركها ويحطمها وشرفها يتدحدر
هذي دايما نهايات القصص الشرقية
قوة الرجل
وغباء المراة
fa66ooma ma tadreen wain ophy? ga3da a7ateeha waay etbo6 el chabd hal ebnayya ! mita khubrech feeha? email me!
brb agra el qessa
قصة روعة، وايد حلوة، ليش ما تألفين مسلسلات بدل فجر السعيد اللى ملوعة جبدنا
بانتظار الجديد
لا مالاعت جبدنا جان كملتي
بس حسافه ليش مازوجتيهم؟
--
تسلم الأيادي استمتعت وآنا أقرى
يالله عؤبال تألفين مسلسلة رمضان
^_^
حييل حلوة القصة
أحس في أحداث ناقصة .. حسافة وايد مختصرتها
يبيلها أجزاء عشان نتعمق أكثر بالتفاصيل
بس والله القصة عجيبة
حدي اندمجت فيها
والنهاية يت عكس اللي ببالي
توقعت راح يردون لبعض
حسافة
بانتظار القصص الياية
بوست جديد او قصه جديده .. وين غطيتي عنا .. لوووويااار لووويااار هو هو
عاد كنت متوقعة او اقدر اقول واثقة ان احمد بيقرر هالقرار بس بعد فترة عادة الريال ما ياخذ قرار بالارتباط بسرعة خاصة اللي من نوعية احمد بس هم برافو عليج ان ما خليتيهم يتزوجون عشان يعرف احمد واللي مثله ان وحدة انعجب فيها وحبها فلازم يفكر بجدية اذا يبيها او لأ عشان ماتروح منه
وياما تحسفوا ناس بس اشعقبه ...ياربي احد يحصل على الشخص اللي يناسبه والحب اللي يرضيه ويفرط فيه !!!!؟
سلوقا
انت نفس سعود !؟؟ يعني مفرق الجماعات ومشتت شمل الاحبة ؟ أفااااا
:p
زين تسوي فيه
أنا درست في آسكوت.... إكتئاب
Post a Comment