مشكوووره وايد نجله
الله يساااااااامحج ما احب التاااااااااااااااااج كلا اصرخ اقول نيهي تاج
ني هي تاج .. حبيبتي انتي مشكوره
انا طفولتي وايد غير عن معظم اليهال
تناقض عجيب فيني
ماراح ارتب الشغلات بسولف فيهم عادي و انتو عدوهم ..
شغله وايد غريبه فيني
كنت اشرب حليب في الماما لي 3 ابتدائي و افطموني في رابعه ابتدائي
عقب ما حولت من الحليب لي البينتو
ارجع من المدرسه اشرب المميه و العب في عجفتي و انام !!!
انصدمتو صح !
كنت مشروع رقاصه
ماكنت اشوف بابايات و اغلب الرسوم المتحركه الي انتو اتقولن عنهم ما اذكرهم
من 3 ابتدائي ادمنت الافلام العربيه
عشت في مصر 4 سنوات في صغري و يم بيتنا محل تأجير افلام اسود و ابيض
كل يوم ااجر 3 افلام و ماروح المدرسه بس اطالع
من اقوم الصبح الخدامه اتجهز ريوقي و اتعيد لي فيلم افواه و ارانب من الاول
بعدها اشوف ايامنا الحلوه
اذا امي و ابوي اطلعو اشوف افلام هند رستم
و شمس البارودي !!
و اقلدهم !
كنت اموت على موهبه تأليف المسرحيات و الرقصات
مدمنه رباب و ورده و ام كلثوم و انا في رابعه ابتدائي
و مدمنه اغاني رويشد و نبيل و معروفه كل اغنيه مسويه لها رقصه
مرا من المرات حضرت حفله نبيل شعيل و انا عمري 10 سنوات في سفير الزمالك مع عتاب
و فطيم كانت الرقاصه في الحفله
اشوا ماكان في تصوير و لا بلوتوث جان علوووم
في حفله السفاره الكويتيه في مصر لما كنت ياهل مصورين رقصي ويا عبدالله الرويشد !!
خووش ماضي صح
جيرانا في مصر السفير العماني و ميننتهم
لي درجه ان حراسهم ماسكين ابوي يقولون له بناتك اذونا
ابوي يقولي ما درو بنت وحده
مالت عليهم وايد بنات و انا بروحي يحروني ليش ما ينادوني !!
فكنت احذف عليهم بمب (جراقي )
و مرا من المرات رحت حق الي فوقنا السويسريا طلبت منها امشي جلابتها
خذيت جلبين و هديتهم في حديقه العمانين
ههههههههههه
طشرتهم
جان اسويلهم حركه حرااااااا و اغني (( حرااااا يا عذاااااالي ))
كنت كلا اطلع الرابعه او الخامسه في الصف
وايد امي كانت تطقني
و من يدش ابووووووي
اصرخ من قمه راسي
((يبااااااااااااااااااااااااااااااااااااااااااااااا ترا امييييييييييييييييييي طقتني ))
طفله قياديه بشكل عنيف
اطق الصبيان و ما يهموني
لساني طويل
و قررت اكون محاميه و انا في ثانيه متوسط
سألتني امي اشمعنا محاميه
قلت لها لان اخوي يناديني( دلول المولي ) مدري منو هذي بس اظن وقتها كنابه عن البنت الي كلا اتلعلع
اعشق السباحه بطريقه اتخرع مرعبه
و مخليه اهلي يخافون مني
يا ويله الي يفكر اني اسبح في حوض الصغار
كنت اطب من النقازيه الي في الحوض و انا ما اعرف اسوي انقز اطب على بطني و اشرب نص الماي
بسسسسسسسس عادي
طفوله قشره
ستروا على ماوايهتو
25 comments:
احلى حاجة فى طفولتك..انك كنتى عارفة طريقك...واستمريت عليه..احييكى
واكيد هتشفونى تانى فى مدونتك
متعددة المواهب مشاء الله :P
ذكرتيني أنا كله أهدومي اتطيح على السفارة إلي يمنا كل يوم عندهم لما أهم تعودوا إذا طاحت يطقون الباب علي و يعطونياها :PP
انا لو منج افقد الذاكرة :)))))
مشالله
صج مشروع رقاصة
حمدي ربج ما كان في بلوتوث ولا انتي وين الحين
بس وايد وايد وايد كنتي شيطانة
اسم الله عليج
لوير :
انا كبت شطانه وايد وانا صغيره بس ما هقيت ان اكو شطانه جذى
الله يعين عيالج....ما سويت ....سوي بيج
احسن لك لا تيبين عيال....بيطلعون عيونج
لوووووووووول
انزين
ليش الشطانة
!!!
حتى السفير العماني ما سلم
:))
ودمتم بحب وود
لووووووووووووووووووووووووووووووول
لوير صج صج طفولة قشرة
ههههههههه
رقااااااااااصصصصصصه؟؟؟
ههههههههههه
وااااااي حفلة السفارة أنا كنت هنااااااك و الظاهر و الله اعلم رقصت وياج
لووووووووووووووول
أشترك معاج بهواية السباحة بس أنا كنت طفلة هااااادية جدا و أستحييييييي و شاطرة ام قلبين
الاولى أو الثانية و مرة طلعت الثانية مكرر بسبة طالبة مصرية أم قلبيييين كنت أنافسها
لوووووووول
بس عجبني انج عارفة شنو تبين
عكسييييي تماما انا عالبركة
خوش بوست ذكرنا بأيام الطفولة الحلوة
وانا اقول هالبنية ليش مزاجها مصري !؟
والله بالعكس انا اشوف ماضيج جميل ومليء بالمغامرات والاكشن مو مثلي طفولتي فيلم صامت وأحيانا برنامج أطفال ممل
لوووول
:/
تقريبا كان ممكن اوصل لمستوى شيطانتج
بس اشوى
حدي حدي هياته بالقوايل
وهواش الصبح مع اعيال الجيران قبل روحة المدرسة..
والقفز من على طوفة البييييت
بس
لوووووووووووووووووير
شطانتج هاذي راح تطلع من اعيوونج لما اتصيرين ماما
:P
لوير لول لول
ضحكتيني من قلب
انا بنتي مطلعة عيوني
وقاعدة ادور لها دكتور نفسي شود تتطخ شوي
تعبت من الشطانة
بس الحمدلله على كل حال
طول ما انك كبرتي وصرتي محامية وخوش وحدة اقدر اتطمن على مستقبل
بنتي
طمنتيني الله يطمنك
loooooool
أنا رايحة حفلة محمد عبده بمصر و انا بأولى ابتدائي!!! عمري 6 مادري 7 سنين!!
حفلته أم بدله فضية و كشة اي غنى فيها كلك نظررررررررررر
توني استوعب ليش احب اسمعلـــه!!
الحين عرفت من وين التأليف و القصص القصيرة !
افلام ابيض و اسود
ضحكتيني علي سالفه حراس السفاره العمانيه
طفرتيهم
عيل يقولون لهم غربلونه بناتك
طفولتج عجيييبه
لوووير ضحكتيني!! ذكرتيني ابطفولتي بس مشكلتي انا مو بس كنت ارقص! انا كنت احب امثل! بس الزين فيني من صغري عارفه اني مايصير امثل اهلي ما يرضون فمارست هوايتي بالبيت:) بس احنا صج كنا يهال وستانسنا وكنا على طبيعتنا مو نفس يهال هالزمن اللي ما ايعرفون شنو الطفوله!
way qashaait mn ethe7eek .. ya7elwech ya lawyer kel mafech eyanen;p enti etnashbeen 7eras el safaraa el 3maneya kashkha shway y3nee ana anashib mal il barrid akheth mennah bariid laih edafnaa wo a36eeh 20 fils wo ham abee elbajee LOL khubrich awal el ahal e7ar9oona 3al erdoood hehehe
بنتي(4 سنوات) عسى الله يحفظها فيها شطانة وعناد وما في أحد سالم من إلسانها
لكن الشئ المطمئن إنها أنثى في تصرفاتها الأخرى كحبها للمكياج واللبس والرقص
وإهني وعلى تاريخ طفولتك الحافل نستشف إنك أنثي في تصرفاتك وذلك من خلال حبك للرقص
رائعة دائما محاميتنا في كتاباتك
LOL
6ab3an mit thi7ik yoom itgolele salfat ilsafer li3mani and again now laylaha illa Allah
bas kila koooooooooom
wil mamiya till rab3a ibtida'i koooooooooooooom thani!!
van gogh
اهلاااااا صبااااحك ورد
شكرااااااا لمرورك يا عم
اخذت لفه في بلوقك عجييييييب بصراحه كل موضوع يتفوق على الي قبله
شكراااااااا مرا ثانيه و اتشرف في وجودك مرا ثانيه
فينيست
هههههههههه
اي سفاره الهنديه ؟ و الا اي وحده ؟؟ شكلك كنت ساكن في سفير الزمالك؟
بيرل
لا غلطاااااانه مو وايد فوووووووووق الوايد
شي مو طبيعي
ههههههههههه
بنت الشاميه
سسسسسسسسسسسكتي ما تصدقين والله
امي تقولي هذاك اليوم
فطييييييييييم شوووفي انا مو مثل خواتي
انا ما اتحمل عيالج !!!
مو تقطينهم علي
انا راعيه ضغط و سكر
و من يمر على شريط طفولتج
اقووووووول يا حسرتي هالبنت اشبصيرر فيها من عيالها
بس اقولج شي والله ما تصدقينه ان على كثر شطانتي
على كثر تحملي للمسؤليه
محد قاااااااااااايم في اامي غيري من الغزووووووووو
و انا شايله الدنيا
سلوجاااااااا
تذكر جبن كرافت المثلث الاصفر ؟؟
كنا نشحن منه كراتين من الكويت لي مصر
امي تطلع من هني احذف الجبن على حديقه العمانين عشان تنترس قطاوه
لوووووووووووول
te la ma maria
thanks :)
بربل
عندكم اشرطه فيديو السفاره
ههههههههههههه
دوريني
عصله منقوووووزه
فهره بس اتعنفص
تويتي
حياج الله
الحمدلله الحمدلله في احد يشوفني طبيعيه
نون النساء
انااااااا بعد قمه الهياته و الحبااااال و التنبط بس لاني سبق و قلت هالشي
فذكرت لكم شي يديد
نجله
انشاء الله بتشووووووووووفين بنتج هذي الي مطلعه عيووووونج
شيييييييييييييي لا صار و لا استوى
قولي امين يا رب
رف رف
لوووووووووووووووول
ونااااااااااااسه
يابختج
نيو
اي قمت اطلع من الذاكره المخزنه
اتهقى باجر اذا خرفت انادي
عمااااااااد
كمااااااااال
نبييييييييل
ليال
اهلا فييييييج منوره
ايييييييييي مساكين عبالهم انا عشر بنات
سبحان ربي
انجنيرا
ايييييييييييي امثل مسرحيات
و كل خميس في الزواره
اسوي لهم مسرحيه
و ياويلهم خوالي اذا ما شافووووو مسرحيتي !
شكشكه
لووووووووووووووووووول
انا مرا رايحه الفرع
قلت حق المحاسب
امسسسسسس شريت منك اغراض و عطيتك فلوس ماكووووووو باجي ؟؟
د.صالح
لاااااااااا تطمن تطممممممممممن
مافيها الا العافيه
انشاء الله بتبلغ فيها و بتشووووووفها عروس
و يومها بتذكر طفولتها و تضحك
الله يسعدك يا رب
كراتفيا
لووووووووووووووول
سكتي محد فطن
قووووووووووووووووووولي امين اشوووووووف خلفان يرضع مميه لي 6 ابتدائي
للوووووووووووووووول
عقب كل هذا سترو على ما وايهتو
انت فضحتاي نفسج
على العموم ودي اقولج شي ابيج تروحين اتاكدين لعمانيين ما سوولج سحر و لا شي ترا يخرعون
دايفر
اقووووووولك شي عاد
لما كنت في مصر و انا صغيره ماكنت اعرف الناس
اأذيهم و بس
لكن لما كبرت و تعرفت عليهم بالجامعه
و لما تواصلت وياهم في الانترنت
لقيييييييتهم
ورب الكعبه
من انظظظظظظظظف الناس و اطيبهم
و كريميييييييييين
سنعين بطريقه مو طبيعيه
لما كنت رايحه ادرس ماخذه مألب في الكويتين
لكن لما عاشرت الخليجين مثل البحرييينين و الاماراتين و العمانيييييييين
قلت وييييييه احنا وين و الناس هذولا بطيبتهم وين
يعاملونك بطريقه اتفشلك و اتخجلك
انصدم منهم و من رقه تعاملهم
يا سلااااام والله عندج مواهب وابداعات خطيرة
طفولة ظريفة
أهم شي الماي إلي تشربينه بسبة حوض السباحة
على طاري رباب وأم كلثوم ذكرتيني بأيام الجاكسون الشباب .. يوم هبوا بهالموديل .. صراحة كانت أيام .. عجيبة
وأيام ككاو بولحم إللي أهو ككاو فليك وإلا ككاو بوشمسية .. والثاني الكور الملونة .. بس كان طعمه مر .. لكن هم ناكله .. الكاكاو عزيز عالطفولة
وااااي ياربي .. كنا عجيبين
بس كانت أيام حلوة
جان زين ترد
بوست ظرييييييييييف
حلو الواحد يكون معجب بنفسه و اهو ياهل
انا شخصيا وايد احب شخصيتي و انا ياهل
احس ولد اختي الحين نسخة مني و انا ياهل
محترم , عاجل, بريء, هادي, رومانسي
اذا عندج افلام هند رستم دزيلي؟
الله
هذا انت
لاااااااااااااااااا
ما اصدق
صج مجرمه بس عسل يكفيج بس انج كنتي ياهل بوقتها
ناقصج نباطه وتيل ولعب مع الصبيان وانتي حافيه بالبراحه بعد
اما مسالة رقاصه هذي شي ثانيييييييييييييييييي
ماضيج مشرف وابيض يكفي بس انه مستقبله شي خطييير
اسمه لوير
صج نسيت ابي ردج على اسألتي بالمدونه لو سمحتي
لا صوب السفارة الأدرنية :p and Im still there heh :P
Post a Comment