Thursday, May 10, 2007

الخدم و ما ادراك ما الخدم !


هالايام مع وصول الخدامه اليديده
يا رايحه انا الدوام متأخر
يا راده من الدوام مبجر
عشان اعلم فيها
مسيكينه امي من صوب و انا من الصوب
الي خلانا انييب خدامه يديده قصه غريبه عجيبه
رجعت من الدوام الا الخدامه ميريو باجيه دموع دموع على امي و ابوي و مسويه تمثيليه بتروح
و عافسه البيت عليهم متوحده فيهم ليش انا مو هني
قومي امي مع ابوي روحو على طول قصو تذكره لها
يوم استوعبت انا الوضع تناجرت وياهم و حققت وياها اشمالا تذلفين بيوم و ليله و يوم انج بتطسين
ليش ما تبلغينا من قبل انييب وحده غيرج
الكلبه قالت
اكو فلبينيه
اكو الصبي
عمي بعينج هذا الي ناقص
المهم المفروض انها مسافره عشان امها ماتت
بس وحده مسافره امها ميته ليشششششششش الحمرا و الذهب و الكشخه
والله محد بموت الا اهلي من عمايل الخدم
المهم ذلفت سحيله
بعد معانااااااتي وياها في المطااااار ويا اغراضهااااا
و التكرتن الي صااااااااار
و بلشت فطيم في تخفيف العب على باجي الخدم
بس المشكله ان بيتنا عادي عندهم صبي يحوس
و انا المتحجبه ابمذهب منووووووو يصير صبي و طباخ يحوس في البيت
و انا بداري و الا انا بالصاله !!
المهم استعجلت في اني اييب خدامه ثانيه
و الحمدلله اوصلت زينب الضاحي
شكلها جنها زينب الضاحي مدري ليش
و من يتنا صارلها الحين خمس ايام و من ادش البيت ريحه بيتنا عيش مشخووووووول
ياربي دورنا ريحتها عيش مشخووووول
صالتنا
مطبخنا
هدومناااااااا
كل شي ريحته مطبخ و مو اي مطبخ لألأ
عيش مشخووول
مسكتها قلت لها انتي ليش ريحتج جذي !! تسبحي
سبحت
بعد ساعه نفس الشي
ردت الريحه
يااااااربي
ناديت الطباخ
قلت له شووووووووف هذي ان وطوطت عندك المطبخ اصفقها بالنعال
الطباخ: اووووه ماما الله اكبر ماما اانا ماكوووووو تيجي حورمه ماما
سألته هذي الخدامه اشتااااااااااااكل
قال الاتي : الساعه سبع الصبح اتريق عيش مشخول
الساعه 10 الصبح اتريق مرا ثانيه بيض و عيش مشخول
الساعه وحده الظهر اتغدا عيش مشخوووووول
توني رايحه اشب فحم بخور و الحين الساعه 3 و نص
حاطه عيش مشخووووووووول
العصر الساعه خمس عيش مشخول
الساعه 9 بالليل عيش مشخووووووووول
!!
والله بدون مبالغه هذا كلام الطباخ يقول تتريق مرتين تتغدا مرتين تتعشا مرتين
عيششششششش مشخوووووووووول
بالعذر خسناااااااا
الخدم حالتهم حاله
ادري شر لابد منه
بس بلاويهم و مشاكلهم وايد
ما راح اتكلم عن جرايم الخدم
و لا بتكلم عن دوابيرهم و سحورتهم
و لا بتكلم عن خدامتنا الي أعلم فيهاااااااااا سنين بالمواعين و من اييون رفيجاتي
حطت عشر صحون غير و غير
و اذا يااااااااني عامل او مدرس كانت اتحطله كلاسات الكششششششخه
و اذا يووووووني رفيجاتي حطت كلاسات اللبن !!!
و لا بقولكم عن خدامه رفيجتي الصاعقه الي راحت
قالت حق رفيجتي انتي هالايام وييييك وايد ليش ريلج لما ينام وياج يستخدم كاندوم !
ترا مضر لج .. و يسبب التهابات مع الوقتمو زين لا تستخدمونه !!
بنت الكلب اتنبشششششش في الزباله !!


لألألألأ
بتكلم عن خدامه يدتي الله يرحمها
مو يدتي توفت الله يرحمها من فتره
فخداماتها مازالت موجوده
بس مدللا روحها
الصبح شات في الام اس ان و الاييميلااااات
و العصر لجنه التعرف بالاسلام
الصبح اذا راحو اليهال المدرسه
و الكمبوتر اصلا 24 ساعه شابك في الصاله
ادش اتشيك ايميلهاا
ولد خالي مقدم على وظيفه في الانترنت و طاحت على موقع التوظيف اون لاين
قومي قدمي على وظيفه
و انقبلي
و جك جك جك
تعالي فجأه قوليلنا انج بتروحين
راحت قالت حق بنت خالي (( اي ول كويت ))
طبعا لان ليفل الكرامه عندها عالي
فاهي مو مقتنعه انها خدامه
على الرغم من انها من اول يوم يت و اهي تطبخ و تمسح
بس لكون ان عندها شهاده فهي ممرضه
مع ان عمري ما شفتها قزت ابره !
فقالت انها بتستقيييييييييييييل
من بيت خالي
!!
و قدمت طلب استقااااااااااااااااله !!
خالي احترم رغبتها
و سوا اوراقها و راحت
الله يوفقها !!
ولد خالي محتررررر يقول من ست شهور مقدم !
قلت له ان من خمس سنين مقدمه و ناطره
ههههههههههههه
ارزاق
نرجع للخدم
الحين هذي ام خمس ايام
يتني امس جان تقولي
مدام انا ابي موبايل
قلت لها اوكيه بعد شهر افتح لج خط و موبايل
مو الحين
معلمينهااااااااااااااااا الخدم ان نصررررررررف على مو بايلتهم
الشكوووووووووووووه لله لو راده علي ما عطيتكم شي بسسسس لاقين امي تقصون عليها
راحت راحت
و ردت
مدام انا ما يلبس مريوووووول بانتلوون ((بنطلون ))
حرااااااام !!
رديت عليها : نعممممممممممممممممممم شنووووووووووووو
ردت علي قالتلي ما يجوز المرا تلبس بنطلون حرام
قلت لها ليشششش بالله من مفتي على راسج ؟؟
قالتلي ان من خلال واقع خبرتها 16 سنه شغل في السعوديه و الامارات فكانت تختلط
بناس ما يلبسون بنطلون لان حرام
قلت لها ذلفي عن ويهي
مالج امل ابدل المراييل لبسيهم و انتي ساكته
راحت راحت و ردت
تتوقعوووووووووون شنو يابتلي
!!! ورقه مكتوب عليها سينجر
تذكرون ماكينه الخياطه قبل !!
السووده سبنجر !!
اشطاري

تقولي ماما انتي اشتري هذا ماكينه انا اعرف اسوي خيط زين عشان اسوي انتي
ملابس تصلييييييح .. هذا ماكينه زين انتي ماكو يشتري تاني !!
اهااااااااااااااااااا
لاااااااااا خووووووووووش
ارووووووووووح اشتريلج ماكينه خيااااااطه ب 1000 ديناااااااااار
انا لو عندي الف ما جابلت ويهج جان لاقيتني الحين في شرم
بسسسسسسسسسسسس حظي الردي الي طيحني فيييييج
اجابلج تخمين و تمسحين
ذلفي بس ذلفي
لا تعليق
ادري عندنا و عندكم خير
ادري الخدم بلااااااااااااااوي
بس توقعاتي لزينبووووو الضاحي انها بعد سنه
قاطتنا بالسكه
و صايره اهي معزبتناااااااا

21 comments:

PearL said...

loool

شر البلية ما يضحك

والله الخدم بلاوي
كل وحدة تطلع لج بسالفة غير

انا خدامتي على ايام ستار اكاديمي قايلتلي تبي كرت
وانا امس شاريتلها كرت
قلتلها كرتج وين خلص انا امس شاريتلج
تقوللي انا فووت حق احمد ستار اكاديمي

Hasan.B said...

Laish il shaghala mayser ekon 3ndaha mobiles? wela laish mayser etdesh il msn!? ilmeshkila ina i7na inge6 kil balawena 3l khadam o il balawe mina o fena, o ilq8 malyana 3nsereya thedhum, 7ta il dewa bel mestashfayat lehom beflos o lena eb balash, la o i7na nakheth a7san dowa o na36ehum dowa bo 6aqa. hal shay mayser ela belq8! ana b3rf etha la sama7 ala bacher ilq8 sarat methel haldowal shbeser fena? tekhayelay q8ia etro7 il hind teshteghel eb bait hindeya. shofay il balawe ele betsaweha!

Brava Valentia said...

يا من شراله من حلاله علّه
متيرعين علينا, ذلك اليوم شغالتنا تطق الباب تقولي الحين بيرن التلفون, شيليه والا ماني شايلته
ذلك اليوم سمعت ان باكستاني مادري سيلاني طاق شرطي, شوفي الراعة لو بديتهم ما تجرأو, مادري كان سوري؟
المهم احنا نعاملهم بالطيب, نخاف من يوم الحساب

q8y_saint said...

لوووووووووووووووووووووووووووول
اقول تحمدي ربج عيش مشخول اهون من الزفره
لا باجر تتغدى تتريق نقارير و تحلي بسبيطي

positive said...

اي والله الخدم اييوبون الاعصاب

الله يعيمج ويصبرج

the tooth.fairy said...

لوووووووول الله يعينها امي هم مبتلشة ويا هالخدم

السايق مسوي اضراب انا يبي مثل جبن بابا جبن كرافت مابي جبن تعاون

والثانية اللي صارلها عشرين سنة تاكل اكل اليهد ولما يصير وقت غدا اليهال تعلف اكلهم وتيوعهم تقول بس انتي يصير بوتمبة مو جين

Khaleeha 3alallah ma77ad merta7 menhum

Krakatoa said...

انا ملاحظ ان خدم هالايام مو ثلات خدمنا اول

اول كانت الخدامة تقعد بالسنين عندك..واخرتها تقول انا ما ابي اروح يديتري انا تعودت عليكم تقعد وتخدم الام والزوج اول ميتزوجون وبعدين تربي عيالهم وبعدين تربي عيال عيالهم وهلم جرا

الحين اما انها تيك تقعد عشر ايام..وتسويلك فيلم اذا ماعجبها الوضع وتذلف او انها تيي واتعنفق انا بقعد سنتين وبمشي..وخلاص


مادري السزمن تغير ولا اهو تفتحت عيونهم بالاجيال اليديده ..

المهم اللي بي خدم هنود اييب من كيرلا..صج انهم اغبياء بس والله قلوبهم طيبة ويصملون عندك

positive said...

انا اخاف من الخدام ولاادوس لهم على طرف
ليدرجة اني اقولهم سووا اللي تبونه حتى لو يصير عندكم بوي فرند بس ابي شغلي كله ماشي ;)

magnoonah said...

الخدم وما ادراك ما الخدم

انت من صجج عيش مشخول شنو اول مره تذوقه صج انه احسن من حميسة الفلفل الاخضر وزيت الزيتون الي عندنا بس حتى ولو مو جذي


اما مسالة حركات الخدم عندنا وعند كل بيت خير مسووين ارواحهم007 على كل شي يصير بالعايلة مو بس بالبيت

واذا تبين تعرفين اهم الاسرار سئليهم بس

Brava Valentia said...

بعد في نقطة مهمه, حتى اهما يقولون المعازيب تغيروا علينا مو مثل أول, يعني مثل ما احنا نحس ان الخدم تغيروا, اهما يحسون بنفس الشي من ناحيتنا!


و انا قطيت بدليتين بالكومنت اللي طاف
بديتهم= بديرتهم

الراعه = اليراعه

أبو إسحق said...

الخدم شر لا بد منه !! و اتوقع الوالده من كثر ماهي تهتم بالتفاصيل ضاربه الرقم القياسي في عدد الخدم اللي دخلوا بيتنا و وايد اذكر كلمة الوالد عنهم ((لي شبعوا رمحوا))

و في منهم يا زينهم ... عمتي خدامتها ما تغيرت من 30 سنه و يابت ولدها بعد صار سايق

سوالف الخدم وااايده و ما تخلص ... فيها اللي يضحك و فيها اللي يضيق الخلق

تشكرات :)

kila ma6goog said...

خليها على الله اليوم نجرة من الصبح انا و المدام على سالفة ريوه

الأخت تبي تسافر 3 أشهر

و انا أبيها تسافر شهرين

و لازم نسوي تنسيق مع أهل زوجتي انها تسافر وقت ما اهم يسافرون عشان نييب خدامتهم عندنا

يعني لويه

Cr8ivia said...

LOL
في تعليق كراكوتا
كاتب احسن خدم من كيرلا

انتي ذيج المره تقولين مابي الا من كيرلا

انا لقطت حرف الكاف و السلام
سو قاعدين يسولفون ذاك اليوم عن الخدم و خدم قبل
جان ارتزززز انا اقول احسن خدم من هذيج المنطقه بالهند نسيت اسمها قالت امي قوة؟
قتلها لا لا كالكوتا
حتى فطومه بتنطر مادري جم شهر عشانها عادي
و اهمه اش كااااالكوتتا
و انا مصره كالكوتا
و فطوم طالبه من كالكوتا
ماي كزن تقولي رفيجتج دايخه شخدمه من كالكوتا
و انا اعاااايي

الحين شفت رد كراكوتا عرفت انها كيرلا و كالكوتا مادري شنو طلعت منطقه الهنود اللي بالفلم الهندي اللي رحناه :|

حمودي said...

الخدم مشاكل والمشكلة ان الناس تييب خدامه تعاون بس بالكويت الخدامه اهيا الاساس . جان زين خدامتنا تاكل عيش مشخول انا خدامتنا ماتاكل الا يدام واذا يوم خلص اليدام بالغلط تبرطم لي ثاني يوم غدا يعني لين تاكل يدام مره ثانيه

Diver said...

انتي ممتعة كالعادة

نون النساء said...

واااي انا القاها من ام عيش مشخول

ولا من الوالدة الله يحفظها على طاري الموون سوون

ههههههههههههههههههه
توني قاعده أقراه وطايحتله ضحك بالدوام

واااااي

Almas said...

والله دعلة.. وقوات عين

بعد تبي موبايل .. لا لا لا يا لوير لا تعطونها .. أهو جذي وبلاويهم لي الراس .. بعد هالدور موبايل

بس صراحة ضحكتيني على سالفة زينب الضاحي

إييون معصقليييين .. وبعدين الويه يصير شعرضه

إحنا خدامتنا نيبالية .. زوينة بس ما أخليها توطوط صوب داري .. ماحبهم لي دشوا غرفتي ... حدهم عند الباب

وتعالي شوفي يوم الزوارة .. يتجمعون إهي وخدم خواتي بغرفتها وبما إنه الإخت زوجها هندي .. تعالي شوفي السوالف

نصيحة لا تعطونها موبايل .. هذيل ينخاف منهم

الله يعينج على تعليمها

lawyer said...

صباااااااااااااحكم ورد

ولهت علييييييييكم

سووووري ما قدرت ارد عليييييكم

لاني الصبح هاليومين في اتعسسسسسس دوره بالعالم

كاشته في المحاضر و مجابله البلوووقات


خلوني ارد عليكم



وي لحظه هذا جنا طاح علي



بيرل
وييييييي اتصووووووت بعد شالخدم
ظييييييييييم

هههههههههههههههه



حسان
بصراحه احنا عندنا الخدامه و الخدم عموما لازم موبايل
لان احنا بحاجه لهم و لخطوطهم اكثر ما نمانع ابد


و ليش لألأ مو قبل اجدادنا يتاجروون في الهند و الخشب و هل الامور و كانوووو صبياان في عند تجار البهارات و الخشب

و تلك الايام نداولها بين الناس






برافا
وييييييي
سالفه التلفووووون هذي عادي

سمعي السالفه
انا الخدامه تقولي لا تشيلين التلفون
لان مكالمه حقي
!!!!!!!!





كويتي


ايييييييي الطبااااخ فلفل
و الهنديه مشخوووول

داشه مغل محل مو بيتنا



بوزتف


حيااااج الله حبي

منووووووووره
ايييييييييي والله ايبوووووون الاعصااااااااب

Hasan.B said...

حسن :)

lawyer said...

وااااااااي
حساااااافه وين راح الكومنت رديييييييييييييت عليكم كلكم

ما طللللللللللللللع
ليششششششششششششششششششش

:\\\\\\\\\\\

layal said...

حلوه سالفه ماكينه الخياطه
وام الايميلات والمسنجر

اذكر بيوم العيد لازم ريحة البيت فايحه من العطور والبخور
هذا العيد كان غير -ريحه نايلون محترق
شسالفه
اسأل الوالده تقول لي ما ادري بس اشم الريحه
مني مناك
الا ريحة وحده من خدم الاهل
وبعد كم اسبوع سفرتها والسبه هذي الريحه