Monday, February 18, 2008

بسي تحلطم بس تحملوني


واي بنفجر من الاعصاب بطريقه مو طبيعيه
في الفتره الي فاتت كنت مسافره اجازتي تقريبا ثلاث اسابيع و انشاء الله باجر للاسف برد اداوم
واكتشفت ان اخر ثلاث بوستات كلا كاتبتهم في المطار ! مطيوره!
كنت في دوله وايد بارده ورحت دوله جوها جدا متقلب فصار الاتي نزله برد
وتغيير جو و ظليت اسبوع من طبيب لي مستشفى و اختربت علي السفره
رديت الكويت غبارو كلا بفراشي
!!


عالجت الالتهاب و الربو و الفلو و كل شي بس لانها انزلت بصدري و لاني تحولت الى حواي متنقل ادى هالشي ان يصيبني التهاب حاد بالحنجره و يمنعني الدكتور من الكلام

خمس ايام بدون صوت و صوتي كان يخرع


اجهد نفسي قصب بالكلام لاني اتنرفز من الصمت و الكلبه الخدامه تحر
اكلمها في الاشاااااااااااره تضحك علي بنت الكلب افصخ السليبر و اصقعها فيه
اروح البنك عشان اخلص شغله معنيه معلقه و اروح ما اكلمهم اسلم الاوراق و البطاقه
يبون رقمي اسجله في ورقه و اعطيهم
الله لا يواريكم نظره البؤس و الشفقه عبالهم ما اتكلم
خلصوني بسرعه ووصوليني لي الباب !
رحت اخلص شي متعطل لي في المطار
اتكلم بالاشاره
بعد الاشاره كتابه
الخط ظيم ما ينقرا
يتعاطفووون وياي و يخلصولي اموري
اكتشفت ان محد رحمني الا الرياييل ! و الكويتين
الخدامه ذابحتها انشاء الله قريبا
المهم انا باجر اشلون اداوم و اانا حنجرتي مجروحه
و كان المفروض ادام من جم يوم بس قظيتهم طريحه الفراش
واي برد الدوام قطييييييييييعه
احتاج اتحلطم من اليوم لي باجر
تحملوني مو كافي ما اعبر اتحجي
ترا انا احب اقرق و اهذر يعني ليش دايما عقابي يكون في الحجي
كاني احاجيكم و متجمده بفكس و ماي حار و داري صارت ثلاجه من كثر الرطوبه لاني كلا فاجه البخار
خذيت عسل
و نقعت علج البان في بطل ماي
و 24 ساعه ماي حار
و هرده
و بعد شنو شي زين؟
عطوني نصايح ما احتاج خدم فيها
وبعدين تعالو علموني
ليش الحين بصير العيد الوطني وماكو اي فرحه كلش
وليش هلا فبراير يلوع الجبد دااااااااااثر
يفشل
والبرامج اتييب الظيم
مذييع هيلقي الساعه 8 باليلل يقدم برنامج هلا فبراير و فعاليات بنظاره شمسيه و زلف!!
مددددددددددري شالاشكال الهيليقيه
فكونا سو مثل باجي دول الخليج و حطوا مذيعين لبنانين على الاقل سنع شكليا
او فرضوا عليهم اللباس الرسمي يا بدله يا دشداشه
الله يخلييييييكم بسنا هيلق
يامذيعات يعورون العين بمكياجهم و صبغ شعرهم يا رياييل بتنبط من المتن و كروش تفشل
وليش قناتنا داثره
لاحظت شغله
اول العيد الوطني يحجي فرحه و زينه و ايوبون لنا اعلام من المطبعه و الكهربائي
يعلق لنا ليتات جنه عرس هنود
الحين امر في الشارع ماشفنا بيت كويتين معلقين علم الكويت
و اذا بيت معلق يطلع بيت شيوخ !!
ليش الكويتين صارو مو سعيدين في الكويت ولا حابينها و لا يبون يحتفلون فيها؟

21 comments:

my sold said...

الحمد الله على السلامه .. لوير

انا اول وحده اعلق في البوست حقج

وناسه ..
وماتشوفين شر سلامتك والله

كثري شرب ماي حار مع ليمون وعسل
وااااااايد زين

انا توني ادري انه في الكويت هلا فبراير ..

لاني فاقدته هذي السنه قلت غريبه ماسوت الكويت هلا فبراير اثاريه فيه
لانه بالعاده حفلات واغاني ونقل مباشر
الحين مافي مااحصلت

او اني ماشوف التلفزيون مادري والله
كل شي جائز

my sold said...

على فكره ...

رجعت مره ثانيه ..

رجعي لوير القديمه الي قرقرتها ماتنمل منها ..

نبي سواليف .. اشوفج بالفتره الاخير حييييييل
قليل بكتاباتج

اجار الدين كشمش said...

عاااااجل

"""""""""""""""""""""""
لاخواني الاحبه المدونين

تم سرقة اسمي

اجار الدين كشمش

من احد الحراميه ويبدو

من لهجته انه غير كويتي

ويدور بين المدونات

لاشعال الفتنه بيننا

وخااااصة اخواني الاحبه
في البلوغات
اللذين اختلف معهم

بالراي واللذي لايفسد لمحبتنا للكويت وودها

قضيه
""""""""""""""
اهيب بمن يريد ان يطفأ

الفتنه ...ان ينشر

وشكرا للاخ مطقوق الشاب في عمره والرائع في عقله

وشكرا ل احلى مهندسه
ولجميع من كشف اللص

الفتني

ونقول للص وايد عليك
اجار سطوح الكويت المتماسكه ..بحب الكويت
""""""""""""""""""""
فمالله
من اراد التأكد بروفايلي

غير بروفايله

`~MnO YeNSa! ~` said...

اهلا وسهلا

متشوفين شــــــــــــر .. سلامات سلامات

الحمد الله على السلامه

من صجج هلا فبراير .

من درى عنه اصلا الكل مسافر
واذا ما سافر بسافر

طمنينا عنج.. و الله يعينج على الدوام

Barrak said...

الحمد لله عالسلامه


بسنا تحلطم هذا وانتو مسافرين
عيل احنا المرابطين شنسوي

5roofa said...

حمدالله على السلامة و ما تشوفين شر

بس تصدقين خوش فكره اسويها عشان افتك و ما اتكلم لوول تنفع حق المدرسات هالشغله
:P
lool

والله مشالله عليج كل ش سويتي ما يحتاج بعد وصيه انشالله تصييرين احسن يارب


على العيد الوطني تصدقين عاد ميكن هذا اول عيد احس بفرحته و انه قرب
يمكن لانه صرت ابله و اشوف البنات و النفانينف و التزهب حق الحفله و كل وحده يايه بشباصه و تاج و تراجي على الكويت

الصراحة حلوو

get well soon

salamz sweetee...

سدرة العشـــاق said...

حمدلله على السلامة و ما تشوفين شر

نقعي ورق الجوافة تلقينه عند الحواي بماي و طبخيه و شخليه و شربيه زين حق الصدر

و عندج ماي دافي و زيت ويتون حطيلج قفشة قفشتين و شربيهم يلين البلاعيم شوية

أجر و عافية ان شاء الله

sologa-bologa said...

الحمدلله على السلامة
وسلامات ما تشوفين شر

وبس ماني معلق على باجي الكلام المتعلق
بغياب الفرحة بالكويتيين

الأسباب وايد وأهمها جماعات التحريم
اللي كل شي حولوه الى حرام وما يجوز

frortdrum said...

بس ناطرين الضربة الأمريكبة على ايران وشرارة الحرب الأهلية في لبنان و بدراية الحر الطائفة في العراق وتمزق سوريا و حصار السودان بسبب دارفور

وناطرين يحوشنا الطشار

حلم جميل بوطن أفضل said...

توه ما نورت الديرة

و أنا أقول الغبار طالع من وين

ما حارق عشاي

إلا حرارة كلماتك و دفئها

دمتي بود

:)

The Simper said...

اقول.. ذكرتيني بدرب الزلق يوم يقول للمحامي: يعني راس مالك لسانك


:P

salamtich ;) o matshofeen shar :)

unique said...

ألف حمدالله على السلامه و ماتشوفين شر ،،

نصيحه عصير برتقال مع ليمون ! عجييييب

lawyer said...

my sold
hallaaaaaaaaa feeeeeeeeek 7ayyaaaaaaaaak alaaaaaaah shakhrabik ya alghalyyaaaaaaa

la7tha la7tha
اي جذييييييه زين اكتب عربي اسهل و اسرع


اي لي الحين ما بدت الحفلات والله مدري اذا اصلا اكوووووو حفلات في الويك اند تابعووووووو روتانا

و بنشووووووووووووووف

لا تقطعييييييييييييييييييييين

يا حبي للللللللللللللك
:**




اجاااااااااار

بستوووووووووووقك غييييييييييير
لا تخااااااااااااااااف محد يقدر ينتحل شخصيييييييتك

سلامات يالغالي سلاماااااااااات




منو ينسى

الله يسسسسسسسسسلم قلبج

كاااااااني سمعت نصيييييحه وحده من الخوات و شربت قفششه زيت زيتوووووووون جني احسن الحين





براك
لازم نسوي شي موووووووكافي التحلطم



خروفااااا
وووووووووووووختي
هاليهااااااااااااال يشوقوووووووون


بس حرام عليييييييييكم شنو هالاجرام غباااااااااااار

غبااااااار

المفروض ماكو حفلات و لا طابووووووور

اشوووووفهم بالتلفزيون

عورو قلبي على ابو انا المحااااااافظ بايي تعالوووووووو رقصو يا يهاااااااااال

هذي جرييييييييمه مو تربيه

انا لو ام اشتكيييييييييت على الناظره




سدره

مشكوووووووره بعد قلبي

سجلت الاغراض و بعطيييهم السواق اييبهم من الحواي

حوااي الفيحااااا الاقي فيه ؟؟ و لا لازم الديييره و المباركيه؟؟

وخذييييييييييت قفشه زيت الزيتووون




سلوووووووووقا

مركزيييييين على حفله
و بنااااااااتهم اول من يحضر الحفلات

يمنعوووووووووون الاختلاط و عيااااااالهم مدارس خاصه و بنااااااااتهم يدرسوووووون برا


نوااااااب مخهم مكااوي




frortdrum
فاااااااااااااول اكثر

عطني نظظظظظظظظره ايجابيه اكثثثثثثثثر

افحمني اكثثثثثثثثر

وناطرين 2 يطلعون لنا من بنيد القار بسجاجييينهم
الي يشتغلون بس في كباب الحجه مثلا

يطشروووووووووونا




حلم جمييييييييييل

ياااااااربي حراره كلماااااااتي

وين حراره

وعليييييييييه

قووووول حراره قلبي الي بيييييينبط





سمسم
يوووووووووووز عني

اي نسيييييييت اقولك ما داوووووومت ممنوووووووعه من الحجي

انا اجاااااااازة لي اخر الشهر

امش نسافر ؟؟



يونك
الله يسسسسسسسسلمج
والله كل يووووووووم اخلط برتقال فرش ويا ليمون مصري

بس اقووووولج سر؟؟

ازيد عليهم ماي حااااار عشان ما شربهم باردييييييييين

سدرة العشـــاق said...

حواي الفيحا او النزهة ثنينهم فيهم البركة

انا كله من النزهة

:)

G ε м ί и ί © said...

ياحيااتي عليك سلاامتك ياارب
معلييش انتبهي على نفسك وداومي على ادوية الدكتور واشربي عصير ليمون وبرتقال و حليب بالزنجبيل .. دايما اشربه عشان يدفيني و من جد يريح الحلق ..

سوري بس معليش ماقدرت امسك نفسي من الضحك خخخخ
يعني حتى وانتي تعبانه فيك حيل حق الحش

darkness said...

الحمد لله على السلامه و سلامتج ما تشوفين شر

الله يعين اللي فيهم اعاقه دائمه مو عارض من اعراض المرض

الله يشافي كل مريض و يصبر كل مبتلي

SHAHAD said...

الحمدللهع السلامة أولا
وما تشوفين شر .. عاد كل شي ولا الصوت ! حالتج حدها مأساوية
الله يشفيج ياارب ..
وعن قناة الكويت الداثرة
ومهرجان هلا فبراير الفاشل
والجو العجيب لوول
مااقول إلا خليها على الله :)

Najmah said...

سلامات لوير سلامات

ماتشوين شر ان شاء الله

والف الحمدلله على السلامة
:*

vancouver said...

سلاماااااااااااااااااااااااااات


ماتشوفين شر
لوير


منظوله خنت حيلي على السفره
من جذيه
صار اللي صار
لوووول


زيدي جرعه الزنحبيل
يقولون خطيييييير
بس خليه فريش
يعني مو مطبوخ
بشريه وشربيه مع الليمون
اهوه صج حااااار
بس يقولون وحده بوحده
وتقومين بالسلامه
ان شاءالله



فرحه العيد الوطني كانت من القلب
الحين مهما سووا وناقزوا بالتلفزيون وغيره
ماراح ياثر
اول كان السلااااام الوطني مقدس عندنا
لما يطلع بالتلفزيون انا وخوي
نطق سلام ونتصنم جدام
صوره الامير بوسط العلم
على الشاشه
لما يخخخخخخلص السلام الوطني

الحيييييييين
الياهل يمكن يمشي بالمسيره
ويدوس العلم بريوله
ومايهمه

:(((

tasty_as_berry said...

هلا بالطيب الغالي عزيز وشوفته منوه
ترى ما جه على بالي اشوف عيونك الحلوه
:))))

تحطلمي يبا تحلطمي .... الواحد ما يقدر يتحمل كمية معلومات وأشياء يشوفها ويسكت لوول

طلعي ما بمكنونج كلا ..

وما تشوفين شر ان شاء الله

lawyer said...

سدره
بعد قلبي ماقصرتي


جيميني
لووووووووووول
يا شيييييييييخه
العرق العرق دساااااااس اجل قصيميه كلام بس

لوووووووول

يا حبي لك بسسسسسسسس :***

الزنجبيل موهب زيييييين للي يعانون من الحكه الناشفه
هوووووو كويس لاجت الكحه معها بلغم يطهرررررر بس اذا ناشفه يقوم ينشفها اكثر عرفتي يا قلبووو :**




داركنس
حسيييييييييييييت فيهم
الي والله
اميييييييييييييييين امييييييييييين يارب




شهد

بعد قلبي ما قصرررررررررتي
اي والله على الله

بسسسسسسس لي متى؟؟ قاصين على عمرنا



نجمه
الله يسسسسلمج بعد قلبي
:**********


فانكوووووووووفر
ببببببببببببببببعد قلبي
الله يسسسسسسلمج
وووووووواي

ترا انا اترااااااااااكت يووووووو
اليووووووووووم افكككككر فيج والله
ميييييييييسد يو الغاليه

سكتااااااااي و الا اغنييييييه
مساااااااء الخير يا كويييييييييت
سالام الله عليهااااااا و على من سسسسسكن فيها
على جاااااااابر و سعد و الطيبين اههاليها

اقوووووووووول حق ولد خالتي منوووو اميرنا
يقوووول انااااااااااا!!

هاو جيييييييييييييل باييييييز
ما يعرفون احد و لا عززو الوطينيه فيييييييهم

ترا اناااااااااااا من صجي كان عباااااااالي ابوووووونا جابر
ابوووووووووو ابو

مثل ادم يعني ابوونا

بابا جابر ابوووووووونا
و كنت خبله
كلا اقوووووووول واي لما اكبر بروووووووح اعيش عنده !!!



تيست ازززززز بري
هلاااااااااااااا و غلاااااااااااا:*************

ايييييييييييي نعم
ايييييييييييي نعم

هووووووووو انا اعبرررررررر
اقدر يعني اققققققدر

انتي اهقييييين مثلا اقددددددر اسسسسسسسكت
لوووووووووووووول

اموووووووووت

بجابل البلوووووقات من الغلقه
اذا صرت زينه
ماتشوفوووووووووووني

الشر ما ايييييييييج حياتي

:**