Friday, June 05, 2009

قمه في الاستهتار .. اختفاء طالب كويتي في مصر

من جم يوم سمعت خبر اختفاء طالب كويتي في مصر
و سمعت هذا الخبر من احد الطلبه الي يدرسون في مصر ..
وكانو خايفين و مختبصين شوي و الكل يدوره
تخيلو ان الحين فتره الامتحانات
و ان الناس مشغوله في الدراسه
و لكن ربع هذا الطالب افقدو رفيجهم و قامو يدرون عليه و عفسهم و بدال ما يجابلون كتبهم قامو يفترون بالشوارع من مكان لي مكان يدورنه!!
اتصلت في مصر سألت البنات هاا سمعتو شي عنه قالولي لألأ سكتاااي بس حدنا معتفسين !!
هذا الطالب الكويتي عنده ظروف
او عنده مشاكل الي اهو
بس قمه في الاستهتار ان يطق تذكرته و يرد ديرته ينخش عند ربعه في الكويت و الناس معتفسه عليه هناك في مصر
اقول حق واحد انزييييييين وينه !!
يقولي مدري اخاف اذبحوه و باعوه حق طلبه الطب جثه خو الحين الجثث هذا موسهم حق الامتحانات!!
السالفه جد
الناس قامت تدور في كل مكان و الدنيا مختبصه
والاخ راد الكويت و السفاره و الجهاز الامني في مصر معتفس
انت سببت احراج كبير لربعك
لاهلك
لبلدك الكويت
ماتبي تكمل دراستك
متهاوش ويا اهلك ايا كان سببك .. ما المفروض ان كل هذا يصير
الله يعيناا ياربي
مرات الطلبه خارج الكويت صج ما يمثلون بلدهم عدل
انا ما اتكلم عن هذا الشخص اتكلم بشكل عام
سواء في مصر
البحرين
الاردن ومن ايام اول امريكا و بريطانيا
في شبااااااب يرفعون الراس
وفي شباب لا والله حلاتهم بديرتهم مايطلعون
الله يوفق كل الطلبه والطالبات و ينجحهم و يردهم سالمين
و يكفيييييييكم شر المستخبي
هذا لينك الخبر في الجرايد

21 comments:

The Simper said...

who says all should study..
some should pour coffee!

and no need for all to be doctors!
they could really be punksters!

enuff with all the engineers,
just look at our damn streets!

بو حامد said...

يا استاذه هذا واحد وبالغلط عرفوه

جم واحد ابوه انجلط لما درى ان ولده مسافر على اساس ان يدرس لكن يطلع الولد ياخذ الفلوس ويلعب فيها ؟

وبعدين شنو هالابو الي جذي الولد خايف يرد البيت بسبته !!

princess adadi said...

فعلا لو كان عنده قدر من المسؤولية جن ما سوى اللي سواه

الله يهديهم بس

يعطيج العافية محاميتنا :)

أهل شرق said...

الله الهادي

Manal said...

يالغالية
موضوع الطلبة في الخارج مهم جدا

وهذا الطالب مغصوب على ان يسوي شي مو عاجبة ومو مقتنع فيه

وما عنده الارادة على ان يكمل ويرضي اهله وبعدين يحاول يسوي الي هو يبيه والي مقتنع فيه

مشكلة بعض الطلبة في الخارج انهم ما يحاولون يكيفون نفسهم على العيشة مثل
المجتمع الي يدرسون فيه
بعيدا عن ديرتهم

المثل يقول يا غريب كن اديب

والشي الثاني
والاهم هو سمعة الديرة
سمعة الدين
وهذا كله بدورة ياثر سلبا على مستقبل الطلبة الي راح يدرسون بنفس المكان

تخيلي في بريطانيا وما عندي مثال بدولة ثانية بحكم تواجدي فيها
صار في مشاكل بتاجير الشقق والبيوت للطلبة
لان الاغلب ما يدفع او يسبب مشاكل وتلف في السكن
او ياجرونها بالباطن على اهلهم او ربعهم
او ان الشقة تشيل 4 اشخاص والاخوان يقعدون 10 فيها ويخالفون قوانين ولوائح التاجير

وهذا يسبب مشاكل وايد

والخافي اعظم

بس ما اقول الا الله يهدي هالنوعية من الناس

والله يوفق طلبتنا بالخارج وداخل الكويت ويرزقهم مستقبل مشرق سعيد ان شاء الله تعالى
:)

lawyer said...

sim sim

لووووووووووووول اي والله صاااااج

!!





بوحامد

ياهلا فيك استاذي
اي والله صااااااج بس انا انتبهت لشغله انت اثرتها

شنووووو الابوووووو الي الولد مايرد البيت عشانه !!

فعلااااا هذا الجانب اكبر و اخطر









برنسس

الله يعافيييييييييييج

مو بس مسؤليه
انت ماعندك عقل تفكر ان وراك ربع بيسألون عنك









اهل شرق

عسى الله يحفظ عيالنااا يارب









منااااال
كومنتج بووووووووست في الاخلاق ياريت كل من بسافر يدرس بره يقرااااااااااه

وي الله يعيييييينكم على هالبلاوي الي تجابلونها و تسمعون فيها

وخزياااااه بس

يعني المفروض هذا الشي ما يطلع لبره ويشوفنا الاجانب المفروض الدوله تكون حازمه و تسن قوانين و شرووط !


بس الخلل في التطبيق



والناس الي مو متسنعه من نفسها محد يسنعها

حسام بن ضرار said...

هذا و اهوه رايح مصر، جذي

الله يعين لو يدرس بآخر الدنيا؟ بأمريكا او كندا؟

اللهم لا شماته

سدرة العشـــاق said...

هااااووو شهالحركات هذي ؟
تعفس الجنيا هناك و تاليتها انت هني بالديرة؟

ماكو مسئولية موليييييةو قمة الاستهتار

سؤال اهوا منحاش من منو بالضبط ؟

الله يهدي الجميع ان شاء الله

chandal/danchal!! said...

يمكن استخبر ان الكويت بتصير دولة عظمى من شمال ايران نزولا بالأهواز الين نويصيب


شافها على خريطة مرسومة بقلم رصاص!

chandal/danchal!! said...

محاميتنا

ابيج ترفعين قضية على خالد العبدالجليل


حرام عليه اللي سواه بالمرة... مبين ان ربيتها ناقصة

lawyer said...

حساام بن ضرار

اي والله اللهم لا شماااااااته
بس صج يحر الواحد في عدم مبالاته






سدره
منحاش من امتحانناااااات مصر ما يبي يقدم

ومايبي يرد حق اهله الحين حزت الامتحانات

انخش في الكويييييت عند ربعه !!



هذا الكلام الي مكتوب في الجرايد










جوجو لويس
لوووووووووووووووووول

لوووووووووووووووووووووووول


ابيه بليييييييييييييز بلييييييز انتي بالذاااااااااااات لا اتيبيييين طاري سلوى المطيري تكفين


خالي هالجم شهر يعدون على خيييييييير


مايصير الحامل اتعيييييييب بلييييييز ههههههههههههههههههههههه




تكفيييييييييين شفتاي المقابله انا شفتها 3 مرااااااااااات



تتكلم بدلع
يعدين تشتط اترد بدوي

وتااااااااالي الاكسسسسسنت يسسد النفس منووووو بجابل وحده جذي كلامهااااااا



انا قتلتني يوم قالت فاليييينا يعني تي شيرت


يقولها اخر شي يالله قمي زيييييين بسج عاد



والا لما قالها لا تروحين الاماراااات

ههههههههههههههههههههههه




مسكييييييييينه والله مسكيييييييييته


ما اقدر ارفع قضيه لان الاخت كاتبه تعهد بان تتحمل مسؤليه الي قااااالت

واهي الي حااااانه على خالد ان يستضيييييفها




هههههههههههههههههههههه


استغفرالله

chandal/danchal!! said...

الحمدلله والشكر

ربنا اللي بيخلص يا تمتوم

وشكلها بترد عليه عايدي

مركبنا said...

بدع صج صج بدع

الله يهدي شبابنا


====

اما عن سلوى وايد اكسرت خاطري
مسكينه

مركبنا said...

بدع صج صج بدع

الله يهدي شبابنا


====

اما عن سلوى وايد اكسرت خاطري
مسكينه

Nikon 8 said...

على الأقل جان ترك رسالة خطية لربعة
أو بعث لهم مسج

U-Turn said...

امممم
اهو صح استهتار

بس كل واحد وظروفه
وما ندري شنو ظروفه
ولا ظروف أهله

يمكن هالشي ما يبرر الي سواه
بس يظل الموضوع مبهم نوعا ما

:]


يعطيج العافيه
وولهانه علييج :*

Q80 Blogger said...

ههههههه

فضحتي ولدنا المسكين

:)

انور عبدالله - القصر الأحمر said...

الله اعين اهله عليه

ولد الديرة said...

ودوه البصرة ستيت يونيفرسيتي

روميـه فهد said...

فاطمة يوووووووووووووزي ..اشله قاضبه جملة سلوى ومسويتها بنر بعد :d
لا .. حاطه مقطع الفيديو ، يعني إلا ما شاف تعال شوف :p ...

الناس اشتغلوا طنازه على ملابسها تقول مواعده ثور مع أحلامها ... صج صج كسرت خاطري ..
زعلت عليها ، ليش ممسخرة عمرها جذي !!!

بس ضحكتها عجيييييييييييبة ..

lawyer said...

جندل

صااااااجه صبرااااااااي و اذكرج باااااااجر


تذكريني بااااااجر يطلع وايد من الاسره و يسووووووي فيها واااا معتصمااااااه و يبي يششششششتهر و وياخذهاااااااا بس عشان يطلع انه رياااااااال و بيطلع خالد بن الوليييييد و من هالحجي و اهو في الصج يبي يشششششتهر ... و تصيييييير


على عياااااب الكويت كلها بيكبر حظها و يسوييها البخت


ههههههههههههههههههه










مركبنا

اي والله بدع و خبصني الصراحه لاني دريت قبل الجرايد








نيكوووون
هذااااااااااا المفرووووووووووض








يوتيرن

وااااااااااي بعد قلبي
تووووووووله عليج العافيه

:*************









كويت بلوقر

حط نفسك مكاني
لا لك و لا عليك الساعه 2 بالليل يقولون لك هالخبر
ما تختبص و تالي يطلع بس جذي

واااااااي انا والله قمت افكر فيه ان صار جثه صصصصصصصج









انور عبدالله
حياااااك الله

اي والله و يعينا على عياااااالنا
مايندراااااا عنهم هالعياااااااال










ولد الديره
على طاااااري البصره تصدق رفيجاتي خريجات جامعه بغدااااااد سنه 48

و الحمييييييير يحبون العرااااااااق

و انا بس هواش وياهم

دووووووووووووم اتقردوونوو خالص

هايف مشتط مايبي اختلاط
ماشااااااف بنات الحمايل اشسواااو في بغداد و لبناان ايام السبعيناااااااااات









روميه
لوووووووووووووووووول

يعني ما تعرفيني
ههههههههههههههههههههههههههههه

هذي سوالفي


تقوله فالينااااا سودا تحت فظي
يقووووووولها تي شيرت تي شيررررررت
ههههههههههههههههههه



بس بس بس كسرررررررررررت خاطري حبيتها

ترااااااااااااااا من صج معوره قلبي