انا راي يختلف عن رايكم
مع احترامي لجميع الشباب و الاعضاء
انا ضد ان اي شي يصير في البلد
دل دل دل ويالله تجمع في ساحه الاراده في هالحر و هاللويه
بدون تنظيم بدون تخطيط
و نواب ايون موعارفين شنو يقولون
والضحيه منو؟؟
القضيه المعروضه و الشعب الكويتي
ظلمتوا حسين الفضاله امس بتصرفكم السلبي يا اعضاء مجلس الامه
انا رايي وفكرتي بسيطه
تبون اخذوها
ماتبون هم شي بخاطري وقلته
يتبرع 10 شباب
منهم5 في الافنيو
و 5 في 360 اليديد
ايمعون توقيعات من الشعب الكويتي
بالمجمعات و الجمعيات التعاونيه في الفتره الصباحيه
على اسبوع الا محصليين لهم 300 الف 400 الف توقيع
وياخذون الملف ويطالبون فيه اهم دوليا
بعيدا عن الشوشره و اللويه
لان محد بسويلهم شي
ديرتنا واحنا ابخص فيها
ماراح تدش بلويه ويا ايران
واذا كلمتوا الكبار بقولون لكم حسين الفضاله مو اول ولا اخر واحد
انزين و شنو الحل؟؟
تجميع التوقيعات من الشعب الكويتي
وعرض ملف القضيه
وتوكيل محامي دولي
واعتصام بسيط منظم مرتب امام مقر الامم المتحده
ويوصل صوتكم
والله يرده سالم
34 comments:
طبعا الشباب ما قصروا الي سووا التجمع ويعطيهم العافيه
بس جد كلام النواب يبط الجبد خصوصا انهم يردون على بعض
اتفق معاج خوش فكره اعتقد انها راح تنفع
صح
صح
صح
انتي صح
:**
الله يوفقكم ويقدركم :)
لو الموضوع عن رئاسة الخرافي جان قلت لج معاج حق، لو كان كلامج عن كاميرا راس البعير جان ايدتج
بس قضية صار لها سنة كاملة و كلامنا عنها و طرحها ما ياب نتيجة، الحل كان في احراج هالنواب و بقية مرتزقة المجلس كي يحضروا و لكن ليس لترديد اسطواناتهم و متابعة هواش اليهال الدائر بينهم
احنا من زمان كنا نبي نصعد بالموضوع و لكن احتراما لرغبة اهل الفضالة سكتنا و اعتقدنا ان التحريات مستمرة، طبعا الي يسمع حجي النواب ينسى انه عندهم عطلة مدارس طويلة راح يكبرون فيها مخدتهم و الوضع يستمر على ما هو عليه
و كما قلتي
ديرتنا عندها مشاعر ايران اهم من عيالها
معاج بالاقتراح و انشاء الله نتحرك فيها باسرع وقت
للأسف ان احنا عايشين في ديرة "الطوفة الهبيطة" ما ندري منو طقاقنا و ما حّـد يرد علينا
ففكرتج عملية اكثر و يا ريت تنفذينها :)
اللهم كما جمعت بين يوسف و يعقوب اجمع بين حسين الفضالة و اهله
اللهم يا رب الضلال يا راد الضاله اردد علينا ضالتنا بعزتك و سلطانك فانها من فضلك و عطائك
اللهم يا جامع الناس ليوم لا ريب فيه اجمع بين حسين الفضالة و اهله
ما اتوقع 300 الف، بس اي رقم فوق العشر الاف راح يكون ممتاز
مهندس كويتي
ماقصروا بس لا انتريا شي من مشاخيل الامه
زيونا
صباااااااحج جميل
ساعتين اتمقل في صورتج اخر شي عرفت انها عيووووووون
هند
عسى الله يفتحها عليهم
اكزومبي
انت اخبر بالسياسه و الخارجيه
اهم شي المدارات
راي بان يعمل ملف للقضيه يكون صاحب الملف فيه ابناء الشعب الكويتي
وشبابه
الالا
اميييييييين يارب
شالسالفه ؟ شصار امس ؟
وييييييييييييه
غميظه علييييييج
اختربتي يا فطيم
:))))
الحين كل هذا مو مبينه انها عيييييين
:$
وصباحج اجمل واجمل
احترم فيكم يا أهل الكويت روح المحبة
الله يوفقكم في خطوتكم و برجع الفضالة سالم لأهل و للكويت
دعواتي لكم بالتوفيق
ساحة الإرادة بحد ذاتها فكرة جديدة وفيها الكثير من المعاني الجميلة
افا الفكرة فهي ممتازة وطرحها قبل يومين كان سيعطيها دفعة كبيرة
ولا زالت فعالة
روحي واحنا وراج
يعني سيروا ونحن من ورائكم
:)
والله انج مني هينة يا لويرا
أفكار جهنمية
صج محامية فلته
يلا أنا أول توقيع
؛)
صدق من سماج لوير
اذا ما افزعوا له اهله من راح يفزع له
!!!
:)
الله يرده بالسلامه
علي الراشد امس كلمته بردت جبدي
حتى من هالقضية الانسانية يبون يتكسبون انتخابيا
فكرة توكيل محامي دولي خوش فكرة
الله يعطيج العافية
:)
صاجه يا وخيتي يا لوير
فكره وايد زينه
همتج واحن ان شاء الله نعين ونعاون
الغالية لويــر
مساء النرجس
حقيقة اقتراح رائع من عقل أروع
تصعيد القضية كما اقترحتيه شديد الايجابية وواقعي فهو يعتمد التحرك آفقيا (الشعب) وعموديا (ناحية المنظمات الدولية) ، فعلا من أفضل الاقتراحات التي مرت علي وتدل على عمق كبير ، انسانيا و قانونيا
ماهو غريب عليك هذه الفكرة النيّـرة
اشكرك جزيل الشكر على عذه الفكرة وبانتظار أن تقوم جمعية المحامين أو أي جمعية أخرى بتبنيها
لك مني أجمل التحايا وأرقّها
اقتراح جميل
الله يرده لاهله سالم غانم بلا وعود الاعضاء
انا مع كل مقترح او حل يرجع حسين الفضالة وغيره من المفقودين ،، وفكرة حملة جمع التواقيع وتكليف محامي دولي أعتقد راح يجيب نتيجة ويحرج الحكومة ويخليها تتحرك بقوة تجاه القضية ..
__________________________________
واعتقد لازم نضغط على الحكومة حتى تعدل من وضعها على حدود الكويت بالمياه الاقليمية ،، مو معقول احنا بسنة 2009 ولي الحين نسمع كل فترة عن ناس موفقودين بالبحر ،، وين دورياتهم البحرية واجراءات السلامة وكامراتهم الي كبر راس البعير عن البحر
_______________________________
انا مستعد اشارك في حملة جمع التواقيع ،، الله يوفقكم
مريت اسلم واتهاوش معاج ليه ماعلقتي على كومنت حقي سابقا <+++ ماتنسى
اتغشمرررررر وياج
مااقول الا الله يرده بسلامه
واقتراحج حلو
الله يكتب الي فيه الخير
الحين يوم ان عندج هالراي والاقتراح النير علامج ما قلتي لي؟
ليش ما قلتي لي يوم اني سهرانه طول الليل قلبي معورني على الفضاله
ولأول مرة انوي مجرد نية تشريف ساحة الاراده بطلتي البهيه
:P~
اقتراح عاقل
عجبني اكثر من ما تتصورين
والمحامي الدولي علينا
:P
حنطفيس
مسرحيه بس بدون حضوور
الزين
الكبر شين و ششماتي بالهووم
خليفه
مو كل اشكال الديمقراطيه جميل
عاجل
انشاء الله يتبنونها
يونوهو
اي قلت بصير مفيده لاول مره بحياتي
ارتفل
اميييييييين اي والله انا صاجه يوم سميت نفسي
هههههههه
مودماني
للاسسسسسف كلهم مجرد تسجيل موقف
نيكون
الله يعافييييييييج
:)))))
مملوحه
حياج الله
يالله انشاء الله انا ناطره الشبااااااب يفزعون واحنا بالشوفه
شقران
((ياربي هالريااااااااال من يدش بلوقيوانا اسيييييييح على كلامه ))
صباح النرجس و الياسمين و السنترال بارك كله
بسسسسسسسسسسسس شوي شوي علي في الحجي الحلوووووو
يغرهن الثناااء يا اخيي
ولك اجمل التقديييييير يابوراااااكان
فيولينست
امييييييييييين
اهل شرق
تعتقد حكومتنا تنحرج؟؟
ايوالله هالكاميرات بدال ماساحه الاراده خيحطونها في البحر
كلك بررررررركه
عابره
رديييييييييييييييت
استكانه
لألألألألألألألألألألألأ
لألألألألألألألألألألألألألألأ
لحظه افج باب الدار و اتخصرلج بالممر
لألألألألألألألألألأ
الحين تقولين بتروحين
نسيناااااااااااا
مدري منو كانت بتروح بالسررررررررر
افضضضضضضضح؟؟
اقوووووووووول
تراااااااااا قظبوني الحين افتن
شقلت انا شقلت؟
لووووووووووووول
اي بروح ساحة الاراده
عندي تظاهره سلمية
بس بروح بسكات
بجابل الكاميرات اللي كبر راس البعير
وبعبر عن مشاعري
ومن ثم باكل لي برد وبرد البيت
شفيها؟
يعني لازم اروح بالزحمه
:P~
استكاااااانه
لووووووووووووووول
روحااااااي يما رووووووووحاي
اكلاي الايس كريم
و جابلااااي الكاميرات
يمكن من عقبهم يقتنعون انهاااااا لازم تنشااااااال
وقوليلهم مثلي الشهير
يووووووووووووم فضى الملعب يييت ام دعنوووووووووه تلعب
لوير بسج موكلين و دخلتي المحاكم الدوليه بعد. يعني بجم بطقون لج التوكيل ؟ :p
بس اهنيج على الإقتراح.
ما اقدر اقولج الا برافوووو
اقلة نفتك من المزايدات
المكشوفة
قو أهد
رايج وايد حضاري لايستوعبووونه
هالنوعيه من النواب
الكويت تعيش ازمة حضاره فكريه
قبل كل شششئ يا محااااميتنا العزيزه
""""""""""""""""""""""""""""
المهم
سسافري بس سافري لا يدفنج الغبار
شي حجووون لج عن الترقيييم بالسولودير ...!!!1
يقووولج واحد ..اذى البنات اللي يمه .. قطوا عليه الرقم اللقطه وطار مستانس ...يوم انه دق على الرقم ولا بدالة قريطم
فمالله
منشق
هههههههههههه
الله يسلم احم احم
المقوع
انشاء الله عااااااد يتحركون
اجاااااااااار
افتح البلوتووووووووث و حط رقمي
صييييييييير خوش صديق وبعدين هم تبي الاجر انت صح؟
ادخال السروور في نفس مسلم
شخباااااااااااااره الغالي؟؟
قوه محاميتنا اشلونج شخبارج .. ولهت عليج والله :)
انا ماقول الا الله يرده بالسلامه يارب
وانتي بعد اتروحين وتردين بالسلامه :)
والسموحه على القطاعه :)
الحل؟
الحل الإستعانة بخبراء من دول لها خبرة استخباراتية بهالقضايا
هذا رأيي
مدونتك رائعه جدا جدا واعطيها مذيد من الاهتمام
وادعوك لزيارة مدونتى
http://www.farafero82.blogspot.com
وابداء رايك فيها
وان اردت يمكننا تبادل الروابط معا لتبادل المنفعه
شكرا
thank you
http://ect4us.blogspot.com/
خلااااااااااااااص
تعاااااااااااالااااااااااي
كملتي شهر
:(
:(
:(
وينهم يالله
!!!!!!!!!
Post a Comment