Wednesday, November 18, 2009

واي بموت من الفشله !!


واي واي واي بموت من الفشله
تخيلااو مابحياتي كلها في حياتي الوظيفيه تهزأت
مثل التهزأ الي صارلي اليوم
بسسسسسسس قلعتي استاهل


اول مره بحياتي ريال يكلمني وانا منقص ويهي و ما اقدر ارفع حتى راسي
و من داخلي احس اكو نعال قاعده تطقني تقولي قلعتج قلعتج !!

ياني السكرتير ناداني قالي المدير يبيج
كالعاده احم احم رتبت عمري .. عدلت شكلي .. وبقلبي اقول ياحسرتي
جك جك جك جك جك -صوت الكعب الفتاك -

طقيت الباب
سطرت و قعدت و شاقه الابتسامه !!
المدير قال حق السكرتير سكر الباب !!

بغيييييييييييييييت اصيح
بغييييييييت اقوله اقول اقول والله اقول
والله اتووووووووووووب بس لا اطقني !

تخيلاو الموقف
المدير منفجر من الاعصاب وانا قباله بابتسامه شقاقيه
فاشلون اهو راح يبدا الموضوع !!
الزبده سفل في امن يابتني ساعتين على استخدام النت
ومطلع برنت في الدقايق و المواقع و متى و الساعه جم و اشلون و ما الووووووون

الله يااااااااااااااااااااا انا افتششششششششششلت
الله يا انا انقص ويهي

اول مره بحياتي كلها ايني شعور ان الريال الي جدامي بيفصخ العقال يكوفني !!
سممممممممممممممممعت كلام يفشل يفشل
و يقولي 3000 دقيقه بالشهر انترنت ! من صجج انتي !! شتسوين !
وشالمواقع !!
عايز عليج انترنت حطيلج ايجو ب 15 دينار اخذيه وياج وين ما تروحين !!
تخيلااااااااااااو يقولي حطاي ايجو

بغيت اقوله والله عندي ايجو ووطنيه و واي فاي في البيت و بي بي و اي فون !
بس مالي ويه اتحجاا !!
والمشكله انا وايد جد و سيريس في الشغل و عمره محد قالي شي

فمابالكم لما مدير و مو يقول و بس لألأ يفششششششششل
طبعا ما قدرت اقول حق المدير اني مسبله اليوزر نيم مالي و 4 اجهزه تستخدم يوزري غيري انا ..
يعني الكل يستخدم ماي يوزر .. على ابونا عادي و ابي في قسمي ان البنات و الشباب يتسلون فيه وقت الفراغ مافيها شي
!
بس ما هقيييييييييييييييت ان راح انجك او اذا انجكيت اصلا راح اسأل عن هالشي !
الله يا الفششششششششششله

اول مره بحياتي احس اني ابي احط روحي على الانفزبل !واختفي

المهم انا طول ما اهو يكلمني وانا ما اقدر ارفع عيني
طول الوقت
ان شاء الله
صح كلامك
اي فعلا
لا ما يصير
انا الغلطانه
معاك حق

وخزياه وخزياه من الريال شقول عني ميته على النت في الدوام
مشفوحه !!
مايدري ان مو بس انا الي استخدمه
المهم وعدته ان هالشي ما يتكرر و استأذنت

وان اذا سحب تقرير عن استخدام النت الشهر الياي ما راح يشوف شي من الي شافه

وذلفت مكتبي و انا مييييييييييييييييييييييييييييييييييييييييته فشله فيني بجوه
الطامه الكبرى ان 2 من الي يستخدمون اسمي.... شباب فهذولا اصلا انا مدري شنو يفتحون !! بس اهما جدامي ما يشوفون الا ايميلز و يوتيوب و منتدى انساب و قبائل و جذي بس
وباجي البنات انا اعرفهم و اظمنهم بس البلوه ان اهو منصعق في الدقايق !!
عباله كلهم انا
و لو شنو مستحيل اقوله والله انا مسؤله اؤؤمن في التطور و الاداره الحديثه و بلا بلا بلا
بلعت لساني و انطمييييييييييييييت و اعتذرت و طلعت !!!
اول مره احس في احساس امي لما تقولي ابوج معصب و يقول بنتج و بنتج وانا مفتشله ما عرفت شرد عليه !!
انا حسييييييييييت جذي !

لحظه اسجل التاريخ اليوم
انه في يوم 18-11-2009 تهزأت وقلعتي !
ومفتشله من هالمدير الي عباله منقوزه ساكنه في النت و 24 ساعه مخليه الشغل و مجابله الفيس بوك !
مالي ويهه اطالعه مدري شنو المواقع الي اهو شايفها ! وخزياه

25 comments:

Manal E. AlNuaimi said...

وااااااي الموقف فشله .. وفيس تو فيس ..
ما اتخيل عمري ف هالموقف ..

لو منج امثل انه اغمى علي [فيلم هندي ] ولا اني اسمع باقي الموضوع ..

فشششششله ..

بس اتوقعج ماراح تنسين هاليوم ..

Fahad Al Askr said...

الطامه الكبرى ان 2 من الي يستخدمون اسمي.... شباب فهذولا اصلا انا مدري شنو يفتحون

خوش عيل

ودي أصدق بس قوية

فطيم وين داشة على النت؟
شمهببة؟

أكيد مواقع إباحية

لا يا المراهقة ما كبرتي

تدورين بنات تالي عمرج يا البازع؟

كبري

الله يغربل أبليسج

إحنا في أيام مبروكة الله يغفر لج

Mohammad Al-Yousifi said...

ما عليج منه , تلقينه يستعمله اكثر منج

ZooZ "3grbgr" said...

وي وي وي

يا كبرها عند الله

بشهر 3000 دقيقه

يعني

50 ساعه

يا لهوي

يعني باليوم ساعتين ونص بس

!!

وهذا بمعدل 5 ايام عمل بالاسبوع

يعني 20 يوم عمل بالشهر

هذا وانتوا 3 يوزرات

!!

هههههههههههههه

الحين بتروحين تردين عليه؟؟

ARTFUL said...

الله يغربل ابليسج 50 ساعه

كاااااااااااااااااااك

الله يستر وين منبر بهالمواقع

;p

حنا مديرنا اسنع منكم لا شاف غلط دز ايميل حق الكل

واللي على راسه بطحه يتحسسها

:)

chandal/danchal!! said...

ييبيله درزن كريسبي كريم عساه ما يحدره وقهوة خل يزقبها ويبلع العافية

3BeeDo ;) said...

لووول الصراحه الموقف حده محرج وانتي الله يهداج شحقه معطتهم اليوزر مالج :>
بس يالله ماعليه :>

الاوركيده said...

بصراحة الله يعينج صج الموقف بايخ

بس الله يهداج ليش معطى الباسوورد

المشكلة ماتدرين شنو المواقع

نبهي عليهم مايدخلون مرة ثانية والا غير الباسوورد ماتسوى السالفة تصير مرة ثانية

غدى الشر

:)

Nikon 8 said...

غريبة والله
كان المفروض يعرف إن فيه غلط بالموضوع
إذا كان هو يراقب العمل فهو بالتأكيد يعرف إنتاجيتج
وبيقول إشلون تنتج كل هالشغل
وتستعمل النت طول الدوام
؟؟؟
راح تمنعين الموظفين من إستعمال حسابك مستقبلا
؟؟؟
موقف محرج الله لا يبلانا
أخاف يجينا الدور حنا بعد
؟؟؟

q8mirror said...

انا اقووول غيري القسم احسن لج..خلاص طحتييييييييييي من عينه ..
والا مالج الا تعلمينه ان غيرج يستخدم اليوزر

هذا وانتي عندج ايجو ووطنيه جذي؟؟!

سؤال على فكرة تنصحين بالواي فاي؟ من وين نحصبه..كواليتي او فاستلكو؟؟

Snow White said...

بكل الدوامات كمبيوترات الموظفين مراقبه يعني الدعم الفني يقدرون يعرفون شنو تدخلين مواقع والأوقات .. اختى بدوامهم قسم الكمبيوتر عندهم مسوي بلوك على مواقع اليوتوب والفيس بوك والجات

نصيحه لا تعطين أحد باسووردج والأفضل أنج تغيرينه عقب الموقف اللي صار

well_serviceman said...

3000 دقيقة انترنت؟
أووووووووووووووواللله

بس ماعليج منه ، تلقينه اهو عالكمبيوتر اكثر منكم ، بس ماوصلتله تقنية الانترنت للحين على سوليتير

تحياتي وتقبلي أول مرور لي

Anonymous said...

ولا موقف بايخ ولاتزعلين ولا يضيخ خلقج
اصلاً انتي ماعرفتي تلعبينها صح
جان قلتيله الباسوورد مبيوق:)

والا ماتركب...
امممممم
انا مع جندل


كريسبي كريم والمساءل تصير سالكه



الله يسلكها ان شالله:)


ودّي:)

Manal said...

ما عليه تكبيرين وتاخذين غيرها

:)

عيل تاركة الشغل وقاعدة على النت
لا وموزعة الباسوورد بعد على 3 غيرج
والله حاله
:)



اتغشمر
:))

ليش ما رديتي عليه
على الحسبة الي مسويتها زوز
طبعيها وقطيها بويهه
لا واستخدمي طابعة الدوام
ونت الدوام
:))

يا حلوج على الشرح المفصل
:))

enter-q8 said...

فطيم عاد هالنوعية من المدراء بيقعد لك قعده فيها المفروض تقولين له و تشرحين له والا باكر كل ما كلمتيه والا في شكوى و الاغلط يقعد يقولك ها و اهو يلوح بايده بورقة المواقع
ياخوفك هالمواقع فيها بلوة
اهم شي لا تعمين علينا اعرف وايد من الربع اللحين ادارة
IT
صكوا مواقع المدونات و الفيس بوك و اليوتيوب
خو احنا من سنة جدة خالة جيرانا صاكينها

aL-NooR . said...

وخزيااااااااااااه

بس ما عليج ..انتي عند ربج ما سويتي شي ..بس حرصي اللي عندهم يور باسوورد ..لا يدشووون بعد ..و ينسون عمرهم ..اخذي الايقو ..و لا منة احد ..و اذا على الموقف تكبريـــــــــــــــن تنسين
;p

مالج الا اتريقيين الريوق السنع
انسى :)


صبحج الله بالخير والنوير
الا شلون المدير الحين
;p
*****************

نون النساء said...

هههههههههههههه


نكست تايم
اخذي لابتوبج وياج




بس الله لا يقطنا بأي مواقف احراجيه
اجمعين

lawyer said...

هههههههههههههههههههههه اتيكم الاخبار

كررررررررررهت النت بالدوام من الفشله
و الكي بورد وكل شي






منال
حد الفشششششششله اصلا
ولا بحيااااااتي اتخيل نفسي ان انساااااااه

عقب هالعمر اتهزأ انا












فهد
والله والله والله والله انااااااااااا عاجل في الدواااااااااااام

حدي فيس بوك و ايميل و بلوووووقز

تراااااااااا الحين ابجي لا تفشلني جدام نفسي بلييييييييييييييز



يكفي مستحيه من هالمدير











مطقووووووووووق
مديري ماعنده حتى جهاز في مكتبه




مديري واااااااااااد تكاااااااااااااانه و عصبي


















زووووووووووووووووووووووز

سكتاي حبيييييييييييييييتج

اليوم رحت قلت حق مسؤلي يوصل للمدير الحسبه

شسوووووووووووي
مستحيه من عمري











ارتفل
تراااااا بصيييييييييييح

لي الحين فيني من فشله امس اتصدق




غربل الله بليس العدو











جندل
ممممممممممممممممممم



مديري مو مال دونت
مااااااااااال تمر و دهن عود
بسسسسسسسسسس استحي !!














عبيدو

لقااااااااااافه !
شششششششششششت الخباااااااااال








دمعه المقهور
هذا الي صااااااار ول درجه اني انا ما استخدمته اليوم








نيكون
مو اهوووووووو الي مسكته علي و ماحولني تحقيق ان شايف الانتاااااج

وانا اشتغل و اكرف بس اصلا انا وظيفتي اشرافيه فيدري اني طول اليوم بالمكتب قاعده



اي خلاص من نفسهم مسااااكين بنات قسمي كرهو النت بكبره





كويت ميرور

كيمز احسن

الفاست تيلكو فاشل و كوالتي افشل








سنو وايت


اي ادري ان مراقب بس ما ادري ان راح انزف على الدقاايق وخزياه








ويل سيرفسمان
اهلا حيااااااك الله
لا لا لا تخاف اهو ابديت بس ماعنده كيري ميري في الدوااااااااااام


مسسسسسسسسسسسسسسسستحه من الريال ما ادري وين اودي ويهي منه












سله ميوه
اليووووووووووووم داشه عليه جني ياهل عرفتاي النظرات الي خايفه



كل مادشيت عليه بشي اس ابي انحاش اركض لا اسمع لي كلمه ههههههههههههههههههههه










منااااااااااااال
واااااااااااااي لحظه لحظه شخباااااااااااارج
وييييييييييييينج

ميسد يو والله



تخيلاي رحت حق مسؤلي و قلت له يوصله الحسسسسسسسبه




ما ابي اخرب على الباجي و اقول ان معطتهم نت















خالد
ههههههههههههههههه
وين تشتغل خنفتن عليككم









النور
صبحج لله الجوووووووووو العجيييييييييب
مدري مدري مالي ويه اطالع مديري
هههههههههههههههههههههههههه

















نون
اي اي اي ادعاااااااااااي الله لايقطج في موقف ترااااااااااااااااا الفشششششششله تكسسسسسسسسف وخزياه بس

K said...

تستاهلين


:))

Romia Fahed said...

شأسوي بطيبتج فطومه؟

الطيبة ما هي ردية .. المشكلة لما طيبتنا تحطنا في مواقف محرجة..

فاطمة لنا في القادم... يوزرج أو أي شيئ يخص الشغل بـ معنى مسترجع للغير.. لا تعطينه أحد أو تستخدمينه في غير طلبه .. ما تسوى على الواحد البهذله .. بعد في أولوية لكل شيئ ..

فكرت لو مكانج.. بأقول الصج.. مع توضيح الأسباب .. ولا أعطيه فرصة يطولها معاي ويزف...غلطانه صحيح .."آسفة" وإن شاء الله ما يتكرر .. رضى كان بها ما رضى يتاخذ الاجراء المناسب بس لا يقعد يزف..

mohammed said...

لوووووووووووول الصراحة إحراج مو طبيعي !!
الله لا يحطنا بهالموقف

وهاردلك :p

The Simper said...

just one reply, tell him:

"am i delaying the work??" o bas!

صبا said...

فطيم الله يعينج على هالموقف لو انا ...ضيق تنفس ويمكن زووود
:(

صج فشله مو خوش موقف
مرات ننحط بموقف بايخ ونلتزم الصمت ومن الداخل احنا متأكدين من نفسنا بس الموقف يحتم علينا السكوت والتضحيه من اجل الغير
في ناس تستاهل احد يستر على سلوكياتها وفي العكس

وانشالله الموظفين من الي يستاهلون
ويتذكرون موقفج البطولي يا حلوه
:**

daggero said...

محاميتنا الغالية

أستفسار قانونى بحكم عملكم فى مؤسسة قانونية

هل مسموح لجهة العمل متابعة أستخدام الموظف للنت بما أنها الجهة اللى وضعت هذه الخدمة وهل فى هذا الشىء تجاوز لخصوصية الشخص

بمعنى الموءسسة أو الشركة تزود المكاتب بجهاز الهاتف فهل يحق لجهة العمل التنصت على مكالمات الموظفين ؟؟؟وماهو
الفرق بين خدمة الأنترنت وخدمة الهاتف فى هذه المقارنة ؟؟

وهل وقع الموظفون فى عقد العمل على بند يسمح لجهة العمل بمراقبة أو التنصت على أستخدام النت أو وسائل أتصال الموظفين أثناء ساعات العمل ؟؟؟

وأذا كان سوء أستخدام بعض مواقع النت يعطل العمل ومصالح الناس وتلهى عن أداء الواجب فهل قامت جهة العمل أحترازيا بمنع هذه المواقع ألكترونيا حيث أن هذه التكنولوجيا متوفرة ومستخدمة بنطاق واسع.
وهل شرحت جهة العمل سياستها فى اسنخدام النت بشكل واضح للموظفين حتى لايقع هناك لبس بهذا الخصوص حيث أن مثل هذه التقارير قد
تؤثر على المستقبل الوظيفى للموظف أو الزيادة السنوية وخاصة ونحن فى موسم التقييم السنوى لأداء الموظفين

فأذا كان الموضوع أدارة على الطريقة الكويتية يعنى خرطى فحضرة المدير على مدير الاي تى على الشؤون الأدارية على الشؤن القانونية قد قاموا بأعمال منافية للقانون أو على الأقل سوء أدارة كالمعتاد وهذا المتوقع فواخزياه على الأدارة اللى وضعت مثل هذه الأجهزة دون أن تقوم بوضع سياسات الأستخدام بشكل واضح أو عن قصد التصيد وكلا الأمرين لايخدمان الادارة أو جهة العمل

Anonymous said...

امبيه لو أنا منج أسوي روحي طحت غشيااانه !!وافشيلتآآآه

بس تصدقين أول مره أدري أنه يراقبون يوزرات و جذي ؟
همم .. و الله انكسر خاطري لج

الله يمحي هاليوم من ذآكرتج بس هالبوست دايماً بيذكرج بس البارت الحلو بالقصه انه بيوم بعد سنين طويله بتقولين هالقصه لعيالج :)

و بيضحكون :)

موفقه
مدونه روعه :)