Sunday, November 22, 2009

يسعد صباحك ...ياحبيبي


يسعد صباحك .. يا حبيبي

حالي طيب

كل شي مثل اللي كان

المدامع .. والمواجع ..

والأمان اللي اختفى لحظة غيابك

والليالي اللي مضت

.. مثل الليالي اللي مضت

الهم عازف ..

والدمع نازف ..

والعمر في غيبتك حاير وخايف

حتى جراحك وسط قلبي مثل ماهي

وفي شفاهي باقيٍ نفس الكلام اللي بقى ..

آخر لقا

مثل منتَ يا حبيب الروح شايف

كل شي مثل اللي كان

وحالي طيب

يسعد صباحك .. يا حبيبي

هذا انت كل ما ضاقتبي الدنيا تغيب ...

وكل ما ضاقتبك الدنيا تجيني

هذا انت

ان كساك الهم صرت أوفى حبيب

وان نساك الهم تتباهى بـ أنيني

مثل منت .. دايم تجي فـ وقتك حبيبي

بعد ما وقتك يروح

يا آخر دموعي وشجوني

.. وأول إحساسي جروح

ما بقالي من عذابي يا حبيبي .. الا انت

وهذا انت يا حبيب الروح شايف ..

كل شي مثل اللي كان

وحالي طيب يسعد صباحك ..

يا حبيبي هذا ضي الصبح ..

او هو بعض نورك ؟!

هذا همس الورد ..

او دافي شعورك ؟!

منهو مثلك في غرورك ؟!

جيت متأكد بسامح .. راسم الطيبة ملامح

ماهو بدري !!

.. انت تدري ما قتلني غيابك اكثر من حضورك

ايه كان العمر داكن ..

ايه كان الهم ساكن ..وقتي بعدك

بس أنا يا ضيّ عمري ..

كنت عودت الأماكن تألف بعادك وصدك

ياللي ما يرضين ضعفك ..

ما ادري انثر فوق كتفك أغلى دمعي .. او أردك

يـــــــــــســــــعـــد صبـــــــــاحـك

9 comments:

lawyer said...

صباااااااااااااحكم ورد

الجوووووووو بره عجيييييب


انا مجابله الدريشه و حاط قهوتي و اكتب هالبووووووووست



يالله بروووووووح الدوام ..

اشوووووووفكم على خير






وايد احب اصبح

صبااااااح الحب :*

Anonymous said...

لوير
أمس كنت أسمعها !
صايرين على قلب واحد ;P

يسعد صباحج :)

well_serviceman said...

صباح الحب واللافندر

ويجعل يومكم فرح انشاءالله

بس لا تجيكين عالبوست من الدوام!! ههه

تحياتي

ARTFUL said...

صباح الخييييييييييير

هلا هلا

والله يا فطفط

هالايام طايحتله حب وغرام الله يستر

;p

اللولو المنثور said...

يالله على الجو
والغيم ونتفة نفاف
والأولاد يلعبون بالكايت وعندهم أنقليزي يارنا ريتشرد يصورهم
أناسه.
الكلمات تجنن مش غريبة عليه والله ممكن الاسم حبيبتي؟
ويسعد صباحج :)

إيكاروس said...

يالله بروووووووح الدوام"0 "

أقول

بتتروحين الدوام

الساعة
9:56 AM
!!!!

لوووول
صج كويتية أصيلة

:)

صباح النوير

Romia Fahed said...

لا مو بس الصبح ..
ويسعــد الرحمن أيامك كلّها يا فاطمة

دمتِ لمن تحبي

روميه

الجريح said...

هذى قصيدة الشاعر
عبد الرحمن بن مساعد

وهو من اروع من يكتب باحساس
ويبكى عيون الناس

شكرا محامية الشعب على هذا الاهداء الحزين
فى صباح الحنين
ويسعد صباح الجميع

Manal E. AlNuaimi said...

صباح الجو العجيب والاجازااااات

انا اجازتي بدات من امس .. وعدنا في الدولة تصادف اجازة عبد الاضحى وبعدهاعلى طول اجازة العيد الوطني ..يعني اجازة طويلة في هالجو الحلو


صباحج خير دائما ....