Saturday, December 12, 2009

الحياة الاخرى او الشخصيه المزدوجه


ما بني على باطل فهو باطل..
استوقفني عدد المشاركين في لعبه سكند لايف ..
هي لعبه في الانترنت ..يختار الانسان الحياه الي يبي يعيشها و الشخصيه الي يبيها..
و يتعايش وياها


اانا انصدمت اشلون اكو ناس تقدر تلعب هذي اللعبه مو عشان شي بس عشان اشلون يكون لهم دبل لايف..
فاكتشفت ان عدد الي يلعبون السكند لايف في الصج اكبر من المشاركين
..

جم واحد يدش المسنجر باسم مستعار ؟ بشخصيه مستعاره و يعيش داخلها و بعدين يوصل لحد ما يقدر يخرج من هذي الشخصيه و يصير التصادم!!
جم رجل مل الحياه الزوجيه؟ ولا يريد طلاق زوجته ولكن اراد فقط التجديد ..فدخل عالم المدونات بشخصيه الرجل العزوبي
الرجل الي يبحث عن الحب ولا يريد التقيد ..ويبدأ التعارف و اللعب في مشاعره اهو اولا و من ثم مشاعر البنت..ناسي حديث الرسول عليه الصلاه و السلام
"عفوا تعف نسائكم "

كم بنت ملت من روتين الحياه الزوجيه فاختارت لها شخصيه في الفيس بوك البنت الدلوعه الهوائيه ولعبت في مشاعر الرجال؟
كم بنت تلخبطت عندها الهرمونات في فتره النفاس و دخلت في مود الاموشن و العواطف و دخلت قصه حب مفعمه بالوله و العشق و الهيام ..ناسيه بذلك النعمه الي اودعها الله بين ايدها وهو الطفل الجديد ..وناسيه الرجل الي يبات في فراشها ..ينطر انتهاء فتره النفاس..حتى تعود زوجته و نعمه.. خانت نفسها اولا ..و ربها في طفلتها ...وخانت زوجهاا.. ودخلت تبحث عن اللعب والعذر فقط انها تعاني من فتره لخبطه هرمونات
!!

كم انسان فاشل دراسيا دخل عالم المدونات بشخصيه الدكتور الناجح و عاش حياه السيرج و يعطي النصايح و يساعد الناس..لانه اختار ان تكون له حياه اخرى ..بعيده عن تلك الحقيقه..

كم بنت في عالم المدونات شاذه جنسيا و تمنعها العادات و التقاليد من البوح بشذوذهاا.. فاختارت شخصيه الرجل الفحل في عالم التدوين ودخلت بيننا هنا على اساس انها رجل و الكل يتعامل معها على انها رجل؟؟

كم رجل شاذ ((جاي)) ماقدر يعبر عن البنت المسجونه في جسده فاختار ان يكون له سكند لايف في الانترنت يظهر فيها دور البنت الي تتغنج و تتدلع.. و لكن محافظه جدا ماتقدر تقابله ..ولا تبي تقابله..

كم شخص منكم دخل علاقه في الانترنت او تعرف على انسان بالانترنت و حس انه غريب و يخفي وراه سر؟؟

هل فكر احد فيكم واهو يختار ان يكون عنده سكند لايف ان يلجأ الى معالج نفسي يشرح له الي فيه ويطلب الاستشاره؟؟

غريبه هي الحياه لما تكشف لنا ناس يعيشون بحياه اخرى وتصدمنا الدنيا بعدها بان معظم البشر الي حوالينا يعانون اما من انفصام في الشخصيه
او سايكوباثي...

عالجوا انفسكم ,,وتقبلوا الواقع
لان حبل الجذب قصير..

55 comments:

Enter-Q8 said...

لا حول و لا قوة الا بالله
شسالفه
ما ادري ليش ناغزني مخي مو قلبي من موضوعك هذا
خصوصا بعد الطلب الاخير

ma6goog said...

بالعكس انا اشوفه شي حلو و يونس

حلو الواحد يكون عنده فرصة يغلب فيها الظروف و يعيش الشخصية الي يبيها

قانوني الشخصي

الواقع شي و النت شي

و الخلط بينهما فيه الكثير من الصدمات

:)

نون النساء said...

ان الواحد يعيش دبل لايف هذا شي يخصه

لكن انها تصير مرتبطة بحياة ناس آخرين


سواء بحياته الأولى أو الثانية إهني النقطة والخطأ

مافي احد له الحق انه يؤذي الناس الثانية على حساب متعته الشخصية أو بالأحرى المَرَضَية





:P

عاد الدبل لايف مالي للحين ماتعدى الفارم فيل وخرفاني اللي بالمزرعه

Nikon 8 said...

الله يعينهم على نفسهم
!
ما أقول إلا خنت حيلي على أمهاتنا وجداتنا لي تلخبطت هرموناتهم ما لهم غير تربية العيال يابتهم فوقه فوقه ومجابل ريل عسر وأمه الجايده
وهذيل بروحهم كفيلين بتعديل ألف هرمون مخربط
!

The Simper said...

3asa mashar.. shilsaaalfa??

|:| DUBAI |:| said...

الا هاي يا فطيم و ما اسويها

صدق مرض

كل شيء لازم يكون

كما هو في الواقع

النت

برع البيت

في البيت

في الحمام


في الجيم


في الدوام

في السيارة

في البلاك بيري

في البر

في البحر

في الجو

في لندن

في جزر القمر

ويا الاصدقاء

و يا الاهل

ويا الاحباء


لازم اكون بشخصية وحدة
ولا ضميري يأنبني
!!

اقصوصه said...

اممم

فعلا

كلالمجتمعات تحوي الكثير من هالحالات

والعلاج دوما يكون صعب

لانهم من الاساس صعب انهم يعترفون

يمكن لان اللي حواليهم ما يساعدونهم

على احتوائهم وارشادهم

على كيفية اتخاذ القرارات السليمه

الزين said...

عاااااصفه

:)


الله يستر



و طربااااخ

مدري من طاح على ويهه

تعالي علميني شالسالفه

!!

Mariam B.D_Q8 said...

اللي قاعد يصير من وجهة نظري نتيجة لضعف النفسي لدى البعض
او عدم الثقه بالنفس و القدره على مواجهة الواقع و التعايش معاه
فملاذهم الوحيد هوا النت او الوسائل الاخرى
اللي يقدر يعبر فيه عن نفسه من خلف ستار
ويطلق الجانب الثانيه من شخصيتيه بحريه بدون خجل
اعتقد ان هذا نوع من انفصام الشخصيه لأن يعيش شخصيتين منفصلين عن بعض في الوقت نفسه
لكن الخطر اللي اذكرته الاخت ((نون النساء)) ان يربط حياة الناس في حياة الوهميه

اجار الدين كشمش said...

اشششششعليج منهم؟

ول ول ول ول ول امبققه عيييونج

عليهم 4 ...4

؟؟؟؟؟؟؟؟؟؟؟؟؟؟!
الدنيا لا يمكن ان تكون مسطره
والاخوان بالبيت الواحد كل من له رايه وشبهه !!!1
و
الدنيا فيها النجد والجبال والانهار والبحار والبسيطه المستويه
لم تخلق متشابهه !!!1
والبشررر فيهم الصنم والادمي والذكي والدثوي والنظر الجميل والخفسه الجيكر

والنساء نفس الشيئ

لا لا لا فطيييم...حقريهم خليييهم يعيشون
ما شفتيني بالبدله اليديده ؟ نيو لوك
بس بالطريقه الارمنيه ها ها ها
ولا انا الوزار ما يفتل من بطني
!!!1
دعي الخلق للخاااالق

فمالله

lawyer said...

خالد

ما احب اتعامل ويا اذكياء مثلك :))


يس يس الموضوع مرتبط بالطلب الي مس


شكرا مهندسنا الله لا يحرمني











مطقوق..

يغلب الظروف و يصير ريال اذا اهو ليزبيان

يغلب الظروف يخون مرته و بيته و عياله

يغلب الظروف تخون ريلها لما يسافر و تظبط لها شباب من البلوق و تدخلهم شقتها بعدم وجود ريلها !!!



هذا انت شايفه صح؟؟








نون
فعلاا انها تعفس حيات الاخرين و تعفس حياته الي فيها ناس معاه

يعني مره تروح تنخبل و تطلب الطلاق من ريلها او تخوونه طول اليوم ويا واحد
او الجاي الي يظبط شباب !



انااا بعد السكند لايف مالتي الفارم فييييلج :DDDD







ابيه لحظه شكلي بنزززف


برب

monshg | مُنْشَق said...

ما أدري ليش

طرى على بااااااالي

إزدواااااج الجنسيه


؟؟

Sweet Revenge said...

اذا لعبه ما من ضرر فطيم وسيلة متعه وتسليه
بس الي يصير بالصج ان مو بس حياة وحدة الا اكثر من وحدة والمشكلة يشوفون نفسهم طبيعين ويشووفنا احنا معقدين
الله يعينهم علي انفسهم لان في النهاية مايصح الا الصحيح

ARTFUL said...

ممكن نعرف شياب الطاري؟

Simple said...

A3tqd Sbb hal ezdwajya fra'3 fe elnafs o 3dam fehm lenafsah,
Fa y7awl or ta7wl ysawoon ayshy bs to fill the emptiness!
Wla shraiech?
Allah la ybleeina..

lawyer said...

نيكون
اي والله مساكين الله يعينهم على ما بلاهم امرااض


شفتاااااااي بعد قلبي هاليدااات

لهم الجنه ان شا ءالله







سمبر
ما شر
بسسسسسس في واحد وعليه عورني قلبي عليه قاعد يقولي اشلون حب وحده من البلوق و اطلعت بلووقر مجذبه عليه متزوجه و معيله و بالنفااااس كانت تغازله




و اشكثر بينا فجأه ريايل و يطلعون بنات

او العكس صحيح









دبي
ياااااختج هذا الطبيعي








اقصوصه
بلوتهم تعايشو ويا وضعهم و امراضهم النفسيه




هذي المشكله












الزين

هااهاهاهاهاهاهاها


طرباااخ اقشششششر مت ضحك على تعليقج

بنت الشاميه said...

فطييييم بوستاتج كل غير

شهالسالفه.. سكند لايف ..ليش يسوون جذي...؟؟
الواحد ياله يكمل حياته الحقيقيه هالمره يصير عنده حياتين
ما علينا منهم ما يضرون الا انفسهم
الله يعينهم على انفسهم

AseeL said...

لأنهم سيئين مع نفسهم ومع غيرهم حياتهم ستظل تعيسة

من يأخذ الناس بجريرة الآخرين فهو أضعف من ضعيف

ومن يلبس ثيابا غير ثيابه سيظل عاريا وإن كان ذلك بينه وبين ذاته ليظل أبدا يقرصه الصقيع

دعي الخلق للخالق ولو اني مادري شسالفة
الجو احلي من ان تفسديه بكراكيب نفسية لبشر ارتضوا العيش علي هامش الانسانية

جابلي مزرعتج أحسن
ودزي لنا هدايا يالبخيلة

AseeL said...

نون النساء:

يا مزارعة كسولة...
ذبحتي الورد وقعدتي علي قبره
;p

lawyer said...

شكرا لكم على التعليق الي احبه والله اكثر من البووووووووووست

بس ل عوده ان شاء الله لكم

:**


احبكم ترااااااااااااا

بس الله يساااااااامح الي بفرقني عنكم

روميـه فهد said...

فطيم ..قلت لج مره أحبج؟

معرفتي فيج جد قديمة .. بوستات قصصية مينونة ...

واضحة في طرحك... صريحة في قولك... باختصار تدخلين القلب مع الأكسجين ..

أتمنى يكون فراقك مؤقت..يعني لا تنسينا :*

أختك / صديقك .. روميه

~ هند ~ said...

لا اطولين الغيبه ..
ترا نحبج ونشتاق لج :*

اجار الدين كشمش said...

اذا نسينا الحمد

شنصلي به !!!!1

نحن بالانتظار ...والله يسامح اللي

ب يفرقج عني انا شخصيا والمدونيني كلهم بيفقدووونج

مش مجامله لج ...انا شخصيا اذا ضاااقت علي البوستات السياسيه

وأقمتتني ...اتذكر ان اول ما انا دشششيت التعليقات دشششيت
بلوغج
بكل محبه للجمييع ..والتغيير وكسسر الروتين والضحك والغشمره البريئه اللتي اجدها في بوستاتج

انتي اقوى من ..الحساد والحاقديين لانج وااااضحه وما عندج ششيئ تغدريين به ...احدا

واللي ب قلبج على كي بوردج

كلنااااا بانتظارج ملينا السياسه

اخوووووج

اجار

فمالله

صبا said...

لا اله الا الله
شنو هذا ...عالم غريب ..
الله يعين كل معقد\ومعقده لى نفسها
!!!


انا عن نفسي صعب اعيش شخصيتين
اتوقع من السهوله اكتشافي وفضحي
انا بعرف شغله وحده الي يلعب\تلعب على خلق الله وين ضميييييييرها
؟؟؟؟؟؟؟؟؟؟؟؟؟؟
معقوله الله نازع منه\ منها الاحساس
هذا بحد ذاته غضب
!!!

في ناس مكشوفين بالتدوين ويحوسون حولنا ...بييهم يوم وينفضحوووون

...............

ويــــــــــــــن بتروحين ؟؟
ليش ماشيه ومخليتنا عقب ما تعودنا عليج ؟؟؟؟؟؟؟؟؟

ضاق خلقي .... يعني يوم قررت ارد التدوين بتمشين
:(

Yara said...

الحياة المزدوجة يلجأ لها من هم غير متصالحين مع أنفسهم ،،،،وأنا أقدر لج هذه الدعوة لأن فعلا الأنسان يحتاج من وقت للثاني أن يجلس مع نفسه ويراجع حساباته
والخطوة الأولى للمصالحة مع النفس هي تحديد الأولويات ويشوف الواحد أهو شنو يبي

Yara said...

في انتظارج وفي انتظار الغناي كلامج كلامج العذب
أنا صج زائرة جديدة لكني فعلا حسيت فيج من خلال بوستاتج

Najmah said...

لووووووووير

آخر بوستاتج مو صج
شفيج
منو ماذيج
منو مضايقج

ماعاش اللي يفرقنا عنج

قولي ان مو صج
قولي انج هونتي
يالله قووووووولي

OpTiMiStiC Ra'3m El'6rooF said...

الله يعينج علييهم

OpTiMiStiC Ra'3m El'6rooF said...

انزيين امس حطييت كومنت
شصاار فيه ؟

ولاتفارقيناا ,, آنا صج ماعرفج بس والله حبيتج بوستاتج تبين طيب قلبج

ونفس حجي اجار الدين كشمش


سلام :)

ولد الديرة said...

اقول اللي بقلبي؟


مثل ما قلت حق حلم



















انثبري يالله عاد

:)

أ / أحمد عبد المنعم said...

بسم الله الرحمن الرحيم

الأخت الفاضلة :

جال بخاطرى بعض ما ذكرت كن لم يكن بتلك الصورة القاتمة ذلك حين أرد أن أبدأ التدوين لذا حرصت على أن أدخل بشخصيتى كاملة وباسمى الحقيقى

لكن الغريب أنى لم أصادف احدا ممن تحدثت عنهم بل

قالبت أناسا محترمين
ولعل لقاءات المدونين أكدت ذلك

أظن أن المسألة تكمن فى أى المدونات نتابع ؟وأيها نبادل الحوار فيها؟
وأظن ان من صاحبه مرض نفسى لا يكون كلامه عاقلا ذا قيمة وإن حاول فلن يكون على الدوام

هل آلمك شخص بما لديه من مرض ؟؟

xname said...

لوير
فطوم
=(

منو مضايقج
منو مأذيج
ترا عندج سباع ويدقون القاع


:"(
توني اشوف وتوني اقرا

بتردين
منتي راده


ماقد مره مرت علي فاطمه ونيسه غيرج
حببتيني بالاسم ...


انا اقرا لج منزمان
منزماااان وايد


فيني بور إني أسب أعصب اتناجر
ولا اقول لا خلاص بظل ساكته



الله يجعلها سنه خير عليج وشر عليهم =)

mo7m7 said...

انا صديق قديييم ولما دشييت جني واحد مسافر من العتج ومطوول من سفرته ويبي ياكل مموش ودقوس بيديان واول بوست بدزه حقج بس صدمني الرحيل واخر بوستات اعتقد انها مراجعه عميقه واحباط وتجربه مريره اتمنى تواصلين او تنورينا ب

روميـه فهد said...

وحشتيني.. عساج بخير وعافيه

ولد الديرة said...

وبعدين
!

Mariam B.D_Q8 said...

معقوله بتكون هذي اخر طله حقج
انا ما اعرفج شخصيا بس انتي من اكثر الناس اللي اثرو فيني
بوستاتج الدش القلب بدون لا طق باب
اتمنى ان غيبتج ما اطول اكثر من جذي
و الله لج وحشه
او اذا في احد مكدر خاطرج ولامزعلج
صدقيني يبقى شخص تافه عديم الاحساس
او ماعنده نظر بعد
ان شاءالله اتكونين بخير
وتردين بأسرع وقت
بمتج اصابعج ما ولهت على الكيبور د :)

Mother Courage said...

واي يمة

ولد الديرة said...

يا ملقي

وبعدين يعني

صبا said...

لووووووير
وبعدين معاااااج

؟؟
يالااااااا ردي

~ هند ~ said...

:(
:(
مرو شهرين
خلااااص تعالي

Mohammed said...

شكرا علي المجهود الرائع
http://hlestates.blogspot.com/
http://hl4estates.blogspot.com/
http://4uall2.blogspot.com/
http://ect4us.blogspot.com/
http://24allmarket.blogspot.com/

mohiy said...

الله يستر

q8y_saint said...

قوه فطومه كلامج صح و غلط

صح اذا كان الشخص قصده التدليس و الكذب و الغش و النفاق

و غلط اذا كان محكوم بعادات و تقاليد عقيمه و مجتمع يفرض عليه النفاق الاجتماعي عشان يقدر يعيش

فيكون السكند لايف عنده متنفس


طبعا صح يتصنف الموضوع هروب من الواقع او العيش باعلم الخيال و الاحلام
بس تلاقينه او لاقينها مساكين شنو يسوون مو قادرين يمارسون حياتهم الطبيعية براحتهم

اتوقع ان الي يحدد الموضوع حسن او سوء النيه
ودمتم اخيتي

المقوع الشرقي said...

فطوم
معقولة هنااا عليج
؟؟
أنتى أطيب
.**
واحشانا
انا شخصيا مس يو سو متش
اي ريلي دو
..
دع الخلق للخالق
مو مسئوليتنا انغير الناس
نغير حتى لو بقلوبنا
وهذا اضعف الايمان

..
اتمنى تراسليني
deeena97@hotmail.com

روميـه فهد said...

مريت أسلّم فطوم ..عساج بخير وعافية
ومرتاحه

:*

روميه

ولد الديرة said...

ما يصرش اللي بتعمليه بنفسك يا معوِدة





بكسر الواو

mantovani said...

افاااا خلاص ؟

ماكو تدوين ؟

Princess Sara said...

ههههه حلوه منج و الله دخلتي لهم بقوه
نسيتي العاشق المهزوم اللي حبيبته خانته مع اعز ربعه و ما حب وحده وراها ! هذووول عاد وايد وايد من بين كل 10 5 منهم عشاق مهزومين كانوا اناث أو ذكور :)

سلمت الأيآدي
مدونة روعه :)
أرق التحيه

Hem said...

مواضيعك فعلا مميزة وتسحتق التقدير
شكرا لك على هذا البلوج المميز
منتديات بانوراما مصر

ولد الديرة said...

عيدج مبارك يا القاطعة

aL-NooR . said...

ولهنا ترى ؟

محمد محى said...

رائع جدا ها الكلام

فعلا فى ناس كتير مجنين بالنت وبعشو شخصيه غير شخصيتهم على النت

لكن هل من علاج

ما بيدك غير النصيحه

هل يتقبلو النصيحه

اذا ما الحل

اذا وجدت الحل الرجاء مرسلتى

عندى بعض الاشخاص اعرف اريد ان انصحهم بحل ولا اعرف

اتمنى زيارة مدونتى وابداء رايك فيها رايك يهمنى من اسلوبك الرائع وشكرا

ahmedali said...

بارك الله فيك هذا كلام معقول فى المفروض على الانسان مايهربش من الحقيقة ويتقبل الواقع

غزال والشر ما زال said...

ودي أعلق على العنوان الشي إللي ما تقدر تحصله ما تبيه نظرية و حيلة دفاعية لحمايتك من الفشل مثلا ,لا أحبذها وتنم عن ضعف برأي المتواضع

Blog 3amty said...

عيدج مبارك
:)