Monday, April 16, 2012

WhatsApp 2

مساء الحب والقهوه التركيه العجيبه
الي يايبتها امي صوغه من تركيا ..
شي خيال لا تطوفكم وصو عليها اي احد بتركيا
..
وانا اشرب قهوتي التركيه مع امي و استمتع
واسولف لها عن بوستي الي فات وعن حريم الكويت والاي فون
ضحكتني ! تقولي اشمعنا الكويتيات يعني كل الحريم في العالم
ومايندرى باجر عيالكم شيكتبون عنكم !

(1)
نرجع لحكاوي الواتس اب الي ماتخلص !
طبعا عقب ماسويت بلوك لبعض المزعجين اشصار ؟
وحده تسأل الثانيه "فطوومه ادز مسجات ؟" الثانيه تقولها اي
ويكتشفون اني مسويه للبعض بلوك!

المفرووض استحي صح؟؟
كلش ما استحيت !!
لاني مرات احتاج اثور على "العيب " او اثور على "الاصوبل والسنع "عشان انا ارتاح

انيي حق فئه من الحريم شنو وظيفتها ؟؟
تشتغل حارس عماره !!
بس حارس عماره الواتس اب !
ماعندها شغله غير فلانه
اخر مره دشت الواتس اب من يومين شكلها مسافره!
اي ماتقعد كلا مسافره وعليه علينا !!

على طووول سووها مسافره و مع منو وقصه قصه اشعليكم من الاواادم خيساافرون !!

فلانه سهرانه لي 3 الفير ! مدري من معاه !!
last seen كاان امس الفير ! ماوراها دوام !


الى مضحكني انا صوره الطياره والاعلاام!!
تلفوني بطير من هالطيرات !

والي صج مكدرني صج صج ..الاشاعات الي ملوعه جبودنا بسكم حرام ليش كل شي انسويله قصه و انزيد وانعيد فيه
فكروا في مشاعر الاخرين وفي الناس الي اتحجون او اطلعون عليهم ااشاعات
"ياربي تكافينا شر المستخبي " ولا تخلينا حجوه بحلوج الناس
مايصير البيوت مالها خصوصيه من هالاشاعات

سواء على الصعيد الاجتماعي والخطب والزواجات والطلاق
او على الصعيد السياسي والفتنه الطائفيه الي هابين فيها
بسكم حرام ترا وضعنا مايسمح
او على الصعيد الديني "لاعت جبدي من كم الفتاوي"
ماشبعتوا مثل واخلاق وقيم
يباا ترا خلاص انعرفكم وانعرف تمثيلياتكم..
والله انعرف ربنا من عمر مالا داعي هالتدكور
و النصح والتطفل على الناس باسم الدين

يتروالي لو اسولف لي باجر ترا ماخلص
فخلوني انتقل للبرنامج الاخر الي خرب البيوت و العلاقات الزوجيه والصداقات

(2)

برامج تحديد المواقع ..الي يحدد موقعك انت وين حاليا فيه
"لما واحد يسأل زوجته ويقولها انتي وينج ..واجب عليها ترد عليه وتقوله انا في المكان الفلاني

لكن لما تكون وحده طالعه و تتليقف رفيجتها او وحده من معارفها وتقولها وينج؟
ترد هذيج طالعه ..وتصر الاولى بتعرف وين
فقط لعمل اختبار الصدق والجذب حق رفيجتها
انا اعتقد هذي جقاله !!
اي جقاله
انتي شكو وين البنت فيه
في الوفره والا العبدلي
في الكويت والا دبي
خذت منج فلوس؟
ليش المناشب
ليش التنبر !!

جيكوا على اجهزتكم و سكروا اللوكشن وتحديد الموقع
و تاكدوا من عدم تلغيم اجهزتكم بهالشي ..
ترا الحين الكل صاير فيه هوس تتبع الاخرين لمجرد اللقابه

انا اخر موقف صارلي هالاسبوع
توه فرش
وحده دزتلي مسج تسألني وينج ؟
قلت لها بالبيت ..ردت اللبحت على قلبي ماسفرتي ؟

قمت ما ارد ..ادري ماتبي شي الا اللقافه
قامت دزتلي مسج وسوت هوالات
ضعطي وسكري وبموت و اعيالي وياطلابه عيالي ومرضنا
والناس اذبحتنا بالعيون و انا مو مترقعه
كلا مسجاات نكد بنكد بنكد
وهم هم هم وتشكي
وفجاه بالغلط دزتلي مسج بموقعها "مسج تحديد الموقع " طقته بالغلط
والا الي صارلها ساعتين فاجتلي حسينيه و مناحه وصياح و بتموت
قاعده في ريزورت في "براغ" او بالاحرى يبعد عن براغ نص ساعه!!
حقي انا الهم والنكد !! ليش! انتي مسافره مستانسه صديي اشواي ليش تلبحين علي بامراضج

فطييييييييييم اشسوت
ضحكت ضحكت من قلب
و قلت لها اشلون الريزورت عسى مستانسه ..
يمدحون المكاان يقولون عجيب ..
:))))))))
اهي ماتدري اشلون نا عرفت وان منهاااا بس شكلها حدها اخترعت و تفاجأت
اعتقد هالانسانه الحين بتختم البقره 40 مره يالله بتدق علي من هول الصدمه وتحديد الموقع
لوووووووووووووول




7 comments:

Sweet Revenge said...

لووول الصراحة زين تسوين فيها ،الفراغ الي مسوي فيهم جذي
مبروك العودة موفقه حبوبه

lawyer said...

sweet
لايمكن احد يتخيل سعادتي واشلون اطير اطير استاانسسسسسسسس
لي شفت كومنت من بلوقر قديمه

صج صج صج احسسسسسسس واي لي الحين موجودين

كومنت الي بتوير غير و كومنت الي بالدايركت مسج

وكوووووووومنت البلوق شي ثاني



شخباررج

؟

~ هند ~ said...

يا حلو سوالفج :*

جنة الحواس said...

كتبت تعليق اشطوله جان ينمسح .. يمكن لأني حشيت بأمي ..الله ما يرضى ...

خلاص ماني عايدته ..ما فيني لياقة التعليق

بس ولكم باك
:*

lawyer said...

هند
شكككككككككككرا
شكراااااااا لانج صديقتي اتحبين سوالفي :*****


جنه الحواس

اول شي اكيد وجودج اهني كان لو اوف اتراكششششششن
لانج لا يممكن تتخيلين اشششششششششششكر افكر فيج واسأل عنج كل بنت اعتقد انها ممكن اتعرفج
و دايمااااااااااااااا احن لما تكتبين

وجووووووووودج وتعليقج طيرني من الفرررررررررح

لاني استانست ان ربعي موجودين
ومازالو يقرون


وانكم بخيييييير ان شاء الله :*****

kuwaitia_habla said...

thanks for google reader that let me know ur back , i really miss ur blog.
good luck ;p

kuwaitia_habla said...

fashlah i forgot my user id;p i should change it