Wednesday, June 15, 2005

موقف محرج

مساكم الله بالخير
شقووووول شحجي !! عسى الله لا يحط احد في الموقف الي انا انحطيت فيه !! تخيلووو الموقف ويااي و شوفوا شنو صار فيني
الموقف كالتالي :
اتصل فيني زميلي .. حلو هذا شي عادي ! الي مو عادي في السالفه ان بعد ما سكر التلفون مني
قمت حضرتي كتبت مسج كاامله ما بقى حش ما حشيت فيه ما بقى شي ما قلت عنه
جان ادزها في الغلط حقه اهووووو الشخص الي حشييت فيه بدال ما ادزه لرفيجتي !!!!!!
كان يوووووووووووووووووووم اغبر و منيل على قوله المصرين
سكرت جهازي من الخرعه فتحته بعد شوي لقيته داق
الحين مالي ويه شقوووووووووووووووووول شحجي شرقع
رفييجتي ما قصرت خففت عني وقتها بسسسسسس هم ما يترقع
الله لا يحطكم في موقفي انج تحشين و تشرشحين شخص و اتطرشين المسج له اهووو !! بدال ما تطرشينها لاحد ثاني
موووووووووقف مخزي

11 comments:

Hopeless Poet said...

Ei wallah mawqef yfashel! Weddich el ar`9 tebla3ch 7azat'ha!

esTeKaNa said...

LoOooOoOOoOool:)
يا بعد قلبي والله
فشلة وخرعة مع بعض
مادري صج ما تترقع عسى ما كتبتي الاسم ووثقتي مسج الحش؟
لانه اذا كان في توثيق مافي ترقع كلش
يالله علقة تفوت وماحدش يموت على قولتهم:)
العبرة المستفادة
نتعلم ما نحش الا على الهواء مباشرة اذا كان لابد من الحش:)

qalm-jaf said...

صبحج الله بالخير اولا
انتى تصبحتى امس فى اوبرا وفوزيه الدريع
يعنى مثل مايقولون اخوانا المصريين يوم اسود منيل فى ستين نيله
والله الترقيعه صعبه بس قولى مقلب مسوين انا وفلانه فيك مقلب نبى نشوف ردت فعلك وشنو راح تسوى ؟؟
او اذا ماذكرتى اسمه فى المسج قولى اختى اخذت التليفون ودزت رساله بالخطأ

lawyer said...

هوبلس :
حدا حدا حدا ودي الارض تنشق و تبلعني من الخرعه سكرت جهاازي

استكاانه :
كاان قمه التوثيق لان ذكرت اسمه اكثر من مره :/

قلم جاف :

ماكو فايده اسوي فيلم عليه لان دق علي و مسكره جهازي يعني صج قاصده شغله ثانيه دزيت قلت سوري يعني اثبت على نفسي شوفو انا مشكلتي الكبرى ما اعرف اجذب يبين علي
و ما عندي خوات جان رقعت بس ما عندي انا وحيده اهلي

lawyer said...

دولفي هههههههههههههههههههه انتي رقعتي انا ما رقعت انا ادنت نفسي
انااااااااا ثبت التهمه على عمري
ادري بتقولون محاميه فاشله بس صدقوني انا ممتازه في الخطط و التفكير حق غيري بس فاشله فشل ذريع مع نفسي

نون النساء said...

امبييييييييييييه

حدج حدج فصلتي ذاك اليوم

والله غشيت من الضحك بس خلاص ماني متغدية شبعت ضحك

صج موقف ايفشششششل

الله لا يحط احد مكانج

Eagle's_Wings said...

؟؟؟ زين يصير فيه قلعته علشان لايدق

kuwaite said...

ههههههههه

لما يشوفج او يكلمج عطينا الاخبار شصار

اول نظره بيشوفج فيها بتعرفين كل شئ

هههههههههههههههههههههههههههههههههههههههههههههه

maha said...

يا حلوج و الله

صج موقف محرج

عشان تتوبين و ما تحشين بأحد مرة ثانية


و مثل ما قال كويتي
إذا شفتيه قولي لنا شنو اللي صار

=D

Anonymous said...

هههههه صج من أحرج المواقف اللي سمعتها ..
بس تصدقين عاد .. حلاته وحده مسويه جذي متعمده علشان توريه العين الحرمه

ray said...

waaaay la2 ... min 9ijich ???

ma gedart agtheb nafsi min ilthe7ek :P

9ej shar ilbaleyyate ma yuth7ek

walla fashla