يا بنات فهموني بليز ابيكم تفهموني
انا شاب عمري 28 سنه
ماني حلو بس ماني جيكر
الحب الي تبونه انا نسيته من سنين من تخرجت من الجامعه
الحين صارلي 6 سنوات
اكلم... اخربط .. احب
كل شي اسويه
بس ما اعشم
و لا راح اعشم
و لا راح اللعب في ورقه الزواج
اصلا ما احتاج
تدرون ليش لان اغلبكم راضي فيني جذي!!
انا كتله من التناقضات
تربيت على مبادئ و كبرت غيرت الدنيا مبادئ اهلي الي اغرسوها فيني
شفت بنات اشكال و الوان
بس تدرون اذا كلمت اكثر من واحده
و هذا الي حاصل الحين
امل بسرعه
ما ادور عن الحب
لانهم كلهم يحبوني و احبهم
نسيت اقولكم
انا من انصار نظريه
قلبي مثل الدكان حق كل واحد له مكان
بس اتهزني البنت الهاديه الي ما تطالع
الي ملامح ويها برئ
بس ما افكر اقرب يمها عشان ما احب اخرب البنت
ابيها اتيني خربانه
سووري رفيجاتي
مو قصدي انتوا مو شي
بس انا ما احب اشيل ذنوب بنات
كافي ذنوبي
باختصار
يا حبيبتي الي مليتي مني
بختصار يالي ناطرتني من زمان
انا ما اخونج بس انا جذي
ماني شايف غلط بالي اسويه
و عشان تفهميني عدل
انا احبج استانس معاج
بعد يومين اتييني وحده
تبي تستانس معاي
تبيني اردها !
لا طبعا ما اقدر
انا ريال و بستانس في شبابي
ليش تعامليني معامله زوج!!
وليش تبيني اغار عليج جني
بوعيالج !
لو ابيج تزوجتج من زمان
انا ريال
اعرف شنو ابي
و لو ادري ان راحتي وين
جان ما شفتيني معاج
باختصار!!
اقري هالابيات وفهمي منو انا بالظبط
يابنـت أنا ماني كذا وظنونـك تكّـذب عليـك.....
...كلّي عيـوب وماقوت تخجلني ظنونك وأتـوب
أكذب عليك ودوم أخونك وألبس الأبيض وأجيك
..وأعشق معك ألفيـن وجه ويمتلي صدري قلـوب
أحلى الكـلام أقول لك لو قلته البـارح لذيـك
...ياقف على شفاهـي معك مراهـقِِ صبِ لعـوب
أكـذب ولا أدري ليه أكذب أعشقـك ما أرتجيـك
....أخاف من صدق الحقيقة في الهروب من الهروب
والله أحبـك وأعشقـك وأعرف زمان اني أبيـك
....لكنهـا هـذي الحيـاة اتعلمـت منا الـذنـوب
العيـن عجزت تعتقـك القلـب عيّـى يشتريـك...
....في السجن خيّال وفي في الصدر رجـّال كـذوب
هذي الحقيقة ما يجي في الكـون أطهر من يديك...
.....وانا الذي أنقض وضـوء الغيم والما والهبـوب
أنقل عيوبي فوق متني وانت لك عيبـك شريـك....
.....وباكر تبسـم لي وجـيه لك يعبسها الشحـوب
يا طاهـره حنا كذا المظهـر يكـذب عليـك......
...يمكن يجي يوم أخجل من ظنونك وأتـوب
20 comments:
بصراحة هالشباب قاعد يستعبط على نفسه وعلى البنات وعلى اللي يقرون الشعر
الواحد اذكى من ان تمشي عليه استعباطات هالنوعية من الشباب
اللى فهمته الحين ان فى احد مسوي فيج دقة قوية
تبين راى واللى يرحم والديج لا تزعلين منى
البنات يستاهلون اللى يصير فيهم الشباب الحين اغلبهم بدوا يتجهون حق اللعب وما يبون يتزوجون لان كل ما كلم وحدة لقاها سهله انا وجهة نظرى ان البنت مو سهله كبنت لكن البنت ظروف الحياة خلتها تقدر توصل حق اللى تكلمه باى وقت وبنفس تعليقى فى الموضوع السابق عندج الريال من يشوف الوحدة طيحت الميانة وعلى قولتهم صارت خفيفة صرف النظر عنها
فطوم يمكن وايد بنات نيتهم نظيفة وتبى تنستر وتندفع وركزى على هالكلمة تندفع ناحية الشخص اللى حست انه مناسب لها بدون ما تفكر ان الاندفاع يمكن يقابله انكماش من الريال
والمجتمع صدقينى يا عزيزتى صار متلخبط
انا اشوفج بنت من افضل البنات ولكن ما ابيج لانج اندفعتى لى هذى نظرة الشاب الحين
وسورى على الاطالة
hello sweetest friend
تبين رايي من كثر ما لعب تعقد الريال
أغلب اللي إلعبو صار صعب عليهم الزواج
فقام يقول كلمته المعتادة
أنا جذيه
لما الشك يدخل قلب الريال و يشوف الطياح اللي عرفهم من قبل ، فلايمكن أن يصدق بنت شاريتة و حبته من صجها
الموضوع متشعب إشوي
و يعتمد بعد علي ثقة الريال بنفسة و بظروفة اللي ما إتخليه يتزوج
و بيني و بينج
ما يات بعد البنت اللي إتشعلل قلبة
و اللي يسوي جذي فبنات الناس الله بجازيه بالدنيا
السؤال اللي دايما يكون في بالي
ليش صج الريال الكويتي ما يداري بنات ديرته؟
ليش صار الريال بس يبي ينتقم
يتلذذ و يتفنن بهالشي
إنت اللي متحرش
و علقت البنت و بعدين خلاص
طاب خاطرك
بس كما تدين تدان
mishari:
أنا أعرف لوير عدل و مو كل قصة تكتبها إهنيه بتكون مارة فيها
لما نقعد ويا بعض و بعض البنات إهيا إتحب إنها تكتب عن مشاكل بنات جبلنا
اللي تكتيبة من قصص مو بالضرورة حقيقة
و حتي لو فرضنا إن الموضوع شخصي
مع إن أدري إن هالشي ماله علاقة فيها
ما حلوة تجرح أهل البيت و إنت في ضيافتهم
شكرا لسعة صدرك لي
موفق
Яeema: منو المحامية فيكم ؟
انا الله يعين لو ما كاتبلها واللى يرحم والديج لا تزعلين ؟ خير شنو الغلط فى كلامى والتجريح ما اعتقد انى جرحت باحد ومدحى لها اصلا تعرفه هذا اولا واللى كتبته ما جرحت فيه احد ولا تطاولت فيه عليها ولوير محشومة وانتى قعدى عاجل شوية والا من شنو تتوقعين هالكلام اللى تقولينه :)؟
mishari :
عزيزي لازم أكون محامية عشان أرد
مو كل تقولي ليش شفتي الغلط صلحيه
و كنت أقولك مالي شغل
بس لما تنسب قصة مو حقيقية و إتقول جدام العالم هالجملة
( اللى فهمته الحين ان فى احد مسوي فيج دقة قوية)
مادري إذا حاشمها ما إتضن فيها هالشي
و راح أكتفي بالتعليق
لأني مو محامية
بس لأني أعرف طبيعة هالقصة
و أخلي لوير تشرحلك تالي
أنا قاعدة عاجل
بس لا تبني أفكار علي مفهومك
شاكرتلك صبرك وياي
-----------------------------
والا من شنو تتوقعين هالكلام اللى تقولينه :)؟
والله ما فهمت إشتقصد
بس أتمني إني شرحت فوق وجهة نظري
قبا لا ارد على تعليقاتكم
احب اوضح ان هذي القصيده للشاعر طلال الرشيد
اسمها طاهره
و في معنى القصيده ان شخص ثري حوالينه بنات وايد يحب وحده و يلعب مع وايد
هذي قصده القصيده
بس انا كتبتها بسرد كويتي
و باسلوبي
يعني تذكرون قبل لما في حصه التعبير كانوا يعطونا موضوع و يقولون كل من يكتب في اسلوبه
فاطلقت العنان لخيالي
و كتبت هالقصه
الي اهي بالاساس قصه قصيده للشاعر الموحوم طلال الرشيد
بس عشان محد يقول هذي قصتي و ما قصتي
expatriate
حياك الله اخوي
والله انت الوحيد الي من الشباب الي فهمت معنى القصيده و فحواها
حياك الله و نورت :)
اخ مشاري
مشكلتك كلا تتفلفس على الفاضي
الحين هذي قصده قصيده و هذي قصيده ريال كاتبها !!!
سويتني انا واحد مسوي فيني و ما واحد مسوي
فيني
!!!!
لو كل قصه بكتبها بكون انا بطلتها
بكون انا بعمر صبا اللبنانيه!!
لان انا كتبت وايد قصص و مومعقوله بعيشهم كلهم!!
انفصاام و الا لهدرجه فاضيه مثلك!!
ثاني لا تحكم على الناس مني و الدرب لان الناس قامت تضحك عليك !!
يعني يكون صايدها الحين !!!
اهي قصده انا كتبتها
في شي اسمه خيال في شي اسمه ابداع!!
اذا انت ما تعرفه فهذي مشكلتك
بس لا تدخلني انا في كل شي
يا تحترمني
او تظهرلي بعض الاحترام اذا انت ما تحترمني
يعني بس انا ماعندي شغله في هالدنيا الا الرياييل !!!
و انت ماكو على اولك صاير فهيم زمانك و حلال المشاكل
ترا على فكره سالفه الخفيفه و ما الخفيفه هذي قبل
الحين 2/3 الزواجات في الكويت تبنى على علاقه
طبعا هذي احصائيه لسنه 2003/2004
فكل الي اتمنى منك يا مشاري لا تندفع في طرح وجه نظرك وورايك وايد
لانه غالبا يكون غلط و تخلي الغير يضحك عليك
اشتسوى عليك و انت متفلسف الحين
اتلاقى الناس عقب هذا اعرفت السالفه الصجيه
محد راح يثق في ارائك و لا طرحك
كسرتى خاطرى الصراحة على الواهى اللى سويته فيج
بس ميخالف تظلين اخت
وارد مرة ثانية اقول انا ما غلطت
ومشكورة على كلامج :)
موضوع الحب وايد داير بالمدونة
دايخ حدي اليوم تخريج الضباط ذبحتنا الشمس
عندي تعليق بس ما فيني حييل اكتب
على فكرة لما اكتب تعليق اييني ايميل
مكتوب فيه ايميلج و انه الرسالة ما وصلت لج.
قلت اقولج يمكن في شي لازم تعدلينه
انا اقول نروح المخفر و الشرطة تحل المشكلة
شرايك ريما
walaa madree shagoolch bs al kel maar fee hal tajaaarb y3nee yaa 7ab yaa en7ab aww a7ad 7aab thanee bedalaa la2naa bel kwt alnas mat3arf ma3naa al7oob al9ejee sorry bs 9ej alshabaab yaboon al sex oo albanaat yabooan alzawaaj faa makoo a7ad ga3ed eyfaker bel 7oob 9ej bs ye3teberhaa waseylaa 3ashaan yoo9al 7aag elly yabeah
3arfty laish makoo 7oob 9ejy
have nice one
oo inshalaa evry one find real love :)
هذا حال الشباب المغازلجي للأسف
ولا يهونون البنات اللي من نفس الطينه كل يوم مع واحد
طبعا هذا مو تعميم بس فيه نوعيات كثير مثل كذا
بس تدرين ايش؟
كلهم يوم بيطيحون في شخص بيحبونه بقوة وباخلاص والثاني مطنش وماشي على منواله وماراح يعبرهم ليش؟ لأنهم بحثوا عن نفس الطبيعه للعلاقات العابرة
تحياتي
لورد بن سليت
نضحك على الاخرين ونستمتع ونفتخر بلقب
فلان ذيب
.
.
.
ونكتشف ان اللقب لايتعدى عالم
الحـــــيوان؟؟؟
انا هنيه مو عشان احلل شخصيتج وشصار وشستوى
فاهمين بعض زين على ما اظن
لكن كلامج بمحله
جمله من التناقضاااااااات
lawyer
------
يعطيج العافية .. الصراحة عطيتي صورة واضحة عن فئة مو قليلة عندنا ...
طاح حظه مفتخر أن صارله 6 سنين يكلم ويخربط ... بس ما يحب (طوفه مو آدمي)!!
ويقول لاقي بنات .. وأن البنات راضيين فيه جذي .. وحابين هالوضع ..
وبنفس الوقت يبي البنت الخربانة .. البريئة يبعد عنها ( والله عنده ضمير ما شاء الله )
صج مالت عليك .... مو البنت الخربانه هاذي مو هامة انت حبيتها وإلا لاء وإلا تبي زواج وإلا لاء ... وأهي أصلا مو بانية عليك آمال واحتمال كبير عادي تطلع مع غيرك .. والخربانة هاذي أهي اللي تعطيك طاف بأي وقت ..!!
يعني بالمختصر الطيور على أشكالها تقع ..
واللي تستمر مع هالنوعية وتقوله وينك ولا تروح وتعيش دور الحبيبة ..!! اهية تجذب الجذبة وتصدقها .. وفري كلامج مع واحد يسوى .. هذا إذا فيه بعد خخخخ
تسلمين يا عسل :)
ناديه انزحه
شكرا عمري بس طووووووول عمرج اتبخريني
مشاءاللع عليج بخورج عجيب
مو
ترا ما ادري اشلون اسويه
و مادري ليش يصير جذي
مبرووووووك التخرج مدري انت او اخوك او واحد من ربعك
دايفر
السالفه فيها مخافر؟؟
نونا
اي والله واقع مرير بس يتهربون منه
كوزي
اي فعلا ماكو حب لان ماكو هدف مشترك
كل واحد يبي شي ثاني
لورد بن سليت
فعلا الاشكال هذي تطيح طيحه قشره
ااااااااااااااالله يا قلم جاف طول عمرك اتبرد قلبي
اي والله حيوااااااان
طوووووووول عمرك مبرد قلبي في هالرياييل
اختي الفاضله عتيجه
فعلا الرياييل كتله من التناقض
لكن في البدايه و النهايه ما اهم بتعبون اكثر منا
يستي از بيري
حي الله من يانا حبيبتي
نورتي و اتشرف في وجودج
هذولا الاشكال مو بس هذي مشكلتهم
مشكلتهم اذا اقعدوا مع نفسهم يقولون ليش احنا ما نحب و لا ننحب
ما يغفرون ابدا
و يبون كل شي
الانانيه صصصصصصصصصفه حيوانيه فيهم
Post a Comment