Sunday, September 03, 2006

أوقات

أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات

بدر بن عبدالمحسن

12 comments:

q8y_saint said...

لوير مدونتج واايد حلوه بس هل بوست يعمي العين اللون واايد فاتح حرام عليج
بروحي نظارات انعميت و انا اقرا

أُكتب بالرصاص said...

حبيت اسأل
ليش الاجابات في الاستقصاء مختصرة ؟!

{ 13 } said...

انا بعد احب بدر....اقصد بدر بن عبدالمحسن لووول....ارفض المسافة والسور والحاااارس ..ومن يسمع ..؟

Diver said...

اولاالقصيدة حلوة
ثانيا الحجي ما يسوي شي على قولت عمتي الله يرحمها شوف بال ذوق ما ينفع
ثالثا انا اعتقد يبيلج
ٌreality shock

Яeema said...

القصيدة روعه و إللي مختارها
أروع قصيدة شفتها بحياتي

الله لا ننحرم منج يا رب

Chai-7aleeb said...

روعه

المرة الجايه،أرجو كتابة البوست بلون أغمج لأنه مو واضح

lawyer said...

كيتي

حيااااااااااااااتي
اخجلتم تواضعناااا




كويت

افااااااااا عليييييييك
تامر
خلاص غيرنا اللوووووون

ههههههههههههههه




اكتب بالرصاص
مدري يمكن عشان ما احب الاسأله





قطعه 13

حراااااااااااااااام عليج
لما قلتي انا بعد احب بدر
اطلعت قروني
هههههههههههههههه

اي والله و من سمعنا




دايفر
بالعكسسسسسسسسسسسسس
اصلا انا عندي لك اخبار وايد حلوه

عدينا مرحله افلونزا الطيور اقصد افلونزا الحب
انتظر ايميلي



ريماااااااااااااا

شكرااااااااااااا حبي
شكرااااااااا

واي رفيجاتي كلامهم يبرد القلب




شاي حليب
تسلممممممممم
انشاء الله انشاء الله
والله غمجت

Anonymous said...
This comment has been removed by a blog administrator.
q8y_saint said...

مشكوووره lawyer
على حسن تعاونكم و ستجابتكم لطلبنا المتواضع بتغيير اللون
اما عن القصيده
فمشكوره على الاختيار الجميل

albandry said...

a`7eeeeeeeeeeeeeeeee
3awar galb

esTeKaNa said...

الاختيار حلو كالعاده
بس من غير شر وينج فقدتج
:(

Яeema said...

estekana !
دلق سهيل بس

=
طلعات
دوام
نوم إمبجر

هاهاهاها