Sunday, September 10, 2006

انهد حيلنا من الرياييل

سؤال ما ابي احد يزعل منه
سؤالي للبنات؟؟
اذا تعرفتي على شخص
فري وايد
كل شي بحياته عادي
ما عنده مشاكل في شي
متفتح لابعد درجه
بس محترم معاج
ما يبي منج شي
سنع وايد بحكم تربيته
اقصد خرابيطه حق نفسه
لكن ما حاشج منها طشار
اهو صديق لكن ما يضرج في شي
يحترمج
يسمعج
يداريج
يحس فيج
يقوووووووووم فيج
قبل لا تطلبين يعطيج عينه
حنووووووون
و كل شي فيه حلو
بس مثل ما قلتلج
يخربط
و بنات و يشرب
بس خرابه حق نفسه و مع بنات سقط
تحترمينه؟؟
و اذا ياج واحد
يصلي
اخلاق
الكل يشكر في سنعه
و سمعته برلنت
تعرفتي عليه
يدقر
عصبي
نجري
حقيرررررررررر
اناني
ما يفكر الا في عمره
تبون الصج احترنا
في فئات الشباب في الكويت
فئه لوتيه بسسسسسسسس يعرفون الصح
و ما يبون بنات الحمايل يختربون
و فئه
صلاه و صيااااام
و ما يساااااافر يخاف من ربه
من دوانيه لي دوانيه
الرياييل كلهم يشكرون فيه
بس ما يعرف يتعامل ويا المرأه لدرجه انه ما يتعااااااااشر
لأاااااااااااااااااا يطااق
شنو برايكم احسن ؟
سألت نفسي قبلكم هالسؤال ؟؟
حسيييييييييييييت ان لا هذا اقدر اعيش وياه
و لا هذاااااااااا هذا اتحمل دقيقه
بس ترا وايد من هالفئاااااات
انزين نرجع للشباااااب
صج صج صج سؤال لكم
ليش اذا انت محترم
ما تعرف تتعامل ويا المراا
و ليش اللوتي يداري المرا مدارات و يسويها ادهينه لا تنكتين؟

30 comments:

Mohammad Al-Yousifi said...

مثالك وايد اكستريم

مادري ما ؤئمن بالاكستريمز

Яeema said...

الوتي قام يميز بين الصح و الخطأ و قام يميز بين البنات بحكم خبرته

أما إسمالله عليه إللي سنع عباله هذا الصح
عباله إذا دقر يعني ريال
عباله إذا منع يعني بتحبه


بس أمتا يتحسف
إذا طارت من إيده


بس الصراحة
الأثنين ما ينتعاشرون

هذا أحس إنه ما عندي ثقه فيه
و الثاني بيحبس حريتي

فمالج أمل

The Simper said...

Lawyer.. pleeeez. alow me to raise my hat for the one and only ;) Kitty ;)

hehehehehe.. her reply is so so so madri how to say it .. but ako sense and sensibility feeh..

but alah ehadaach.. 3ad elli bil ni9 laish saweeteehom heeek sheee?? kisartay feeehom 7aaail..

but as many say: wijhaat nathar to7taram wa toqadar ;)

i would say that life and many things in is never EXTREMES.. there is never an extreme point on our earth.. every point on the earth can be the middle and the center of all the world..

i lerned in statistics that life is a continuous rainbow of averages and colors and tones and styles.. and will always be like that...

u say this about men.. and men also keep saying this about women..

i really think very high of those two words for men and women, "e7tiraam" & "taqdeer thoroof", if both are available and highly cared for in a relation ship, i think all else would be easily handeled, other wise, i can easily see flames of hell rising to the top.

god bless all.

tweety said...

ولا واحد فيهم نفس ما قلتي
مثل ما الريال ما يقبل الخاربة انا بعد لي حق ما اقبل اللوتي اللي من وحده لي وحده اصلا يطيح من عيني ماحب الريال اللي حياته مالها هدف وتدور كلها على البنات والعلاقات
والثاني الحمدالله والشكر انا بني آدم مو غسالة ملزوم يعرف شلون يتعامل معاي لأن ديانته وصلاته وتربيته له بس شستفيد انا منها اذا ما ذربته وسنعت طبعه
المشكلة انه الناس تشوف الالتزام عبادة بس ونسوا المعاملة , ياريت هذيله يقرون ويشوفون اشلون الرسول عليه افضل الصلاة والسلام اشلون كان يتعامل مع الناس وياخذونه قدوه خاصة في التعامل مع الحريم , رفقا بالقوارير
الله يسامحج يا لوير خليتني أشتط

antihero said...

الصج انهم الاثنين ما يعرفون المرأة

المتدين أو الملتزم أو المحافظ .. و طبعاً واحد عن ثاني يفرق .. يعاملون المرأة بشكل مباشر أو غير مباشر .. يعني بقصد متعمد أو بقصد من العقل الباطن لترسبات قذرة اجتماعية .. على أنها كائن دون الرجل .. فلذلك تشوفين اللي تشوفينه منهم

و أما اللوتي .. فهو يعامل المرأة بهذه الطريقة لأنها بالنسبة له سلعة تنباع و تشترى .. ما فيها روح . هي عبارة عن مكينة تفريغ شحنات عاطفية و جنسية بس

أحسن شي البنات يدورون على لوتي توه متدين
يكون للحين في مرحلة انتقالية

الكويت للأسف مافيها الوسط .. خربانه من الناحيتين .. اذا متدين طلع شغله شغل خش و دس و فلوس تروح حق افغانستان و العراق
و اذا لوتي مسوي روحه ليبرالي شغله شغل ليبرالي عشان بنات

The Simper said...

if u allow me mr. antihero,

u said "الكويت للأسف مافيها الوسط", what do u consider yourself? i highly disagree with your point..

all the respect..

ii said...

وش دعوى؟؟

لوير .. فيه الوسط
فيه اللي محترم ويتعامل مع الحريم بإعتدال بس مستحيل يوصل لدرجة معاملة الرجال المتفتح اللي كل يوم مع بنت

تدرين ليش؟ لإنه عاشر أشكال وألوان من البنات فـ يعرف بالضبط وش اللي تبيه البنت ووش اللي ما تبيه , صار عنده خبرة
:\

antihero said...

Dear The Simper

Its Hyperbole :)

thanks

The Simper said...

antihero:

In that case, i READ you :)


kitty:

you are mostly welcome :)

Kwaitiyya said...

ظرتبي على الوتر
اللوتي راح اييلخ يوم ويرجع على تربيته اللي تربى فيها! وأهم شي يعرف الصح والغلط و ما رده راح يترك الخرابيط و يتعدل لأن تربيته ترد بالنهاية وماراح يرضى يخرب بيته بنفسه

أما المحترم والكل يمدح فيه وهو ما ينطاق فا هذا عمره ماراح يتعدل لأن بنظرته انه تصرفه صح ! وعباله ريال بهالتصرفات ! و عمرج ماراح تتوالمين معاه!

خوش موضوع ولكوني شفت هالنوعين وعرفت ايهو المريح
مالج شغل بالناس.. شوفي اللي انتي تحسين فيه ولاحد يأثر على قراراتج

طولت عليج بس وايد عجبني الموضوع

مميزة كالعادة

Expatriate said...

هههههه

بس خلاص لوير .. شككتي العالم بنفسهم

الحياة مو يا خال يا بو ثنتين
يا طاف يا باون

بصراحة كلام سعلوة ياي ريت على الحقيقة
إنسي الدين والعبادة

معقولة الديرة مافيها شاب سنع خايف ربه وتربيته علمته خوف ربه وغيرته على اهله وبنات ديرته مثل ما علمته تربيته سعة الصدر والكلمة الطيبة والمعشر السهل مع الناس ؟

ليش هالفكرة السلبية عن الملتزمين لوير ؟
ليش دائما لما الناس تقول ملتزم أو دين تطري على بالهم فكرة واحد ملتحي دشداشته قصيرة ومعصّب وما يتحاجى ؟

صرنا أمريكان في نظرتهم للمسلمين والعرب
فكرة عامة حتى لو كانت مغلوطة .. يصدقونها

لا تقولين لي انا مو متفتح ومو عارف شصاير بالدنيا
انا صارلي عايش هني بامريكا اكثر من خمس سنوات واكيد عقليتي متفتحة وكل شي احسبه بالعقل

بس خلنا نكون واقعيين
والله ذاك اليوم قريب بوست حق احد البنات الكويتيات تقول قبل كان ودي اتزوج واحد ملتزم .. بس الحين هونت مابي واحد ما يعرف يعاملني ويصك علي

بعدين تكفين لوير ... واحد يشرب ويسرسر تقولين تربية سنعة ؟
خليج واقعية .. اي سنَع ؟
والله ترى السالفة مو سهلة ..

Fuzzy said...

والله اكبر مصيبة في الرجل انه يكون يشرب .. لان المشروب يذهب العقل والرجل بدون عقل ممكن يسوي اي شي وهوه سكران ممكن يطق ممكن يسب وغيره من السلبيات .. كل شي ممكن يتعدل بس مع وجود المشروب اعتقد تكثر المشاكل الزوجية

freeq8 said...

لوير

كالعاده... تثيرين مواضيع غايه في الجمال ...وكالعاده بطريقه مثيره...أنا أقول أفضلهم ...وهذا رأيي المتواضع
الشخص الذي له تجارب أنسانيه... بس مو يكون.. لوتي... وبعدين تدين ... بس ايضا ... ما تزمت ...وتعبي على هذه النوعيه...لأنه عنده رصيد كبير وثري من العلاقات الانسانيه ويعرف يتعامل مع المرأه... ويخاف ربه لما يتعامل لما يتعامل معاها
وشكراً
ملاحظه:الجزء الثاني من الذكريات ..نزل مري علينا ولاتحرميننا رايك

albandry said...

اقول
يا اطخه يا اكسر مخه


شدعوة ماكو شي وسط

لا هذا ولا هذا

اللي يسرسر بيحوشج ببيوم طشاره وبيرد لعربدته وشربه وخرابيطه يجيله يوم ويحن

الثاني تقولين يخاف اللله لازم مايسوي جذي وصلاته تعدله معناته هذا شكل مو ديانة ولا في قلبه الصلاة وفي الغالب موجود هالنوع


همممممممممممممممممممم


حيرة
انا اقول بيت اهلي استر لي من هالمرمطة وكل واحد واولوياته
انتي اولوياتج زواج حيالله واسمه ريال
اخذي السكران

تبين زواج يدوم بدون مشاكل
ماكو طبعا بس احسني الاختيار
واستخيري ربج بكل خطوة

والله الحافظ ويسهل دربج وامورج

cosimfree911 said...

walaa anaa shoof enaaa fee wayed nas 3adeyean y3nee mo wayed chethee walaa chethee ehnee bel kwt bs almoshkelee enaa gelaa elly ey3arf ey3aaml almar2aa hathee almoshkelaa moalsarsaree walaa aldayen bs almo2amalaa hathee ahm shy la2naa aglb alshabaab yeftekr enaa ethaa kalm alwa7daa ohwaa yemtelkhoaa faa may9ear etklm a7ad thanee 7etaa lozameal 3aml oo 7etaa mayer9'aa te6l3 walaa etrd mokaan elaa ebamraa
anaa bs agool lohom entaaa menoo faker nafsek ehyaa ensanaa lahaa 7ayat'haa al5a9aa oo alwa7ed lazem ye7trm hal shy
adree enee 6abait bel shabab oo anaa wa7ed meenhom bs kelmt al9ej tengaal 7etaa loo 3alaa nafsek
ps. traa anaa mothel halashkaal ;) al7emdelaah

PearL said...

موضوعج عجيييييييييييييييييييييييييب
و بصراحة اوافق وايد ناس برايهم

كيتي و كويت دايفر

اوافقهم الراي وبشدة

بس الصراحة الحين الديرة شوي اختربت
يعني صار فيها التطرف اللي قاعدة تقولين عنه
يا جذي يا جذي
وصعب تلقين الوسط

بس لو يت علي وبكل صراحة
يعني اذا ما لقيت هالوسط السنع
راح اختار اللوتي
لان ديانته ما راح تنفعني
اهم شي تعامله معاي

بس اذا باخذ واحد دين و عارف ربه وما يعاملني عدل شسوي فيه
ديانته بشنو راح تفيدني

ولا انتي شرايج :)

Q8LoVeR said...

السؤال موجه حق منو استاذه ؟
(a)

ليش تفكرون بهالشي الي سنعه طول عمرها ربج
بيرزقها السنع

الطيبون للطيبات
والخبيثون للخبيثات

اذا هي مسألة مبدأ اذا انا سنع الي بيلي سنع

وقد تخيب بنسبة 5 % والله موزع الارزاق

the tooth.fairy said...

لووووول لوير ليش جذي ماعندج حل وسط يا حافظ

آنا أفضل اللي يعرف يتعامل مع المرأة كونها كتلة من المشاعر والأحاسيس المرهفة

مابي واحد يدقرني ، لأن شوية فيني شخصية قيادية (مو شوية وايد) احمم ههه قيادية و حساسة

فصعبة اني اندقر

وبعدين هذا اللي يخربط هالنوع موجود اووووف بكثرة احترم معاملته معاي يمكن بس أطباعه راح تنرفزني والثاني نفس الشي

بالأخير كلهم متشابهين واحد اكستريم على الطرف اليمين والثاني اكستريم باليسار

ابي واحد بالنص

وسلامتج

enter-q8 said...

يذكرني هالكلام بعمرو خالد

لما قاعد يقول
الله ده انسان خلوق و محترم وطيب و كويس
بس لو يصلي


و التاني
راجل ما بيسيبش الفرض و عارف ربنا و بيزكي و بيصوم اتنين و خميس
بس عصبي واخلاقه مش و لابد

الاستنتاج
السلوكيات
الاول اللي اهو لوتي
قاعد يضر نفسه بالدرجه الاولى
من شرب و خرابيط و من وحده لوحده
واحتمال وقوع ما لايحمد عقباه
يعني يمارس الجنس مع وحده و يحملها و بعدين دور على احد يطيح الياهل و هالافلام اللي قاعده تتكرر
يعني بالدرجة الاولى يضر نفسه و من بعدين تبتدي السوالف اذا تطورت لعدم و جود ضوابط لأن الكاس يطير ظوابط الطبطبائي وو زير الاعلام بعد

الثاني قاعد يضر المجتمع قاعد ينقل صورة سيئة عن أعتقاد ديني لشريحة كبيرة في العالم
و يكره اهل بيته في هالدين اللي اهو مسوي نفسه ملتزم فيه
الدين سلوك و اخلاق
يعني وايد من الاحاديث الدينية اللي توصي بالاخلاق و اهل البيت بعد

يعني مثال حديث الرسول الكريم
خيركم خيركم لأهله
و رفقا بالقوارير
والرحمه بالتعامل
ارحم ترحم

ترى يعني مو صعبه ولا في واحد بيرفكت او فول اوبشين

لكن الوسطية

و هالوسطية ما جبناها من بره بالعكس ربينا فيها و ماهي غريبة عن عاداتنا و لاديننا اللي اهو دين الوسطية

و بالاخير هالشي يمكن ما يدور عند البنات

ولكن نتداوله احنا فئة الفطاحل الذكور

ان في حريم تسنع ريايلها

و خصوصا بالزواج

و الله المستعان

حد القلم said...
This comment has been removed by a blog administrator.
Unknown said...

لوير شلونج

اللى دين ويخاف الله ويعرفه عدل
ابسط شى راح يعرف حديث الرسول
رفقا بالقوارير
وما فى انسان دين من قلبه يعامل الحريم بطريقة غلط واللى يكون بهالصورة هذا عند فهم خاطئ للدين

الحبيب الزقمبى لو يفحط ماكو وجه مقارنة بينه وبين الدين لان قاعدة تتكلمين عن الملح والسكر وشوفى الفرق

تحياتى

neelaah said...

رغ مانه المثل و ايد حاااااااااااد
بس جدلا نفترض انه صحيح

بالتأكيد الاول
لانه السلوك ممكن يقوم - بضم الياء

لكن الطبع صعب تقويمه

lawyer said...

مطقوووووووق

ليش اكستريم ؟؟
في شنو؟



ريما
ههههههههههههههههه

مالي امل قلتيها
اي والله معقدين
بدقرها يعني انا ريال !!





كيتي
ههههههههههههههههههههههههههههههه
واي موتيني ضحك بس والله انج صااجه يا رفيجتني

الله يهديهم





سيمبر
اخذ راااااااااحتك حبيبتي كيتيييييي تعليقها يسسسسسسستح بوست برووحه مو بس تعليق


امين





تويتي
واااااااي يبتيها ييب
بني ادم ماني غسااااااله
عجبني المثل وايد
اشتطي افا عليج زين تسوين غسلتي جبدج





انتيهيرو
بصراحه تعليقك قريته بدال المرا 10 وايد وايد عجبني
وايد
مدري ليش
يمكن لانه منطقي

حياك الله اخوي نورت





سعلوه

انا ادري انه في وسط
انا ماقلت انه مافيه وسط
لكن انا اهني اتكلم عن فئتين فقط
الحياه فيها 20 فئه لكن انا اقصد اهني بس هالنوعيه هذي






كويت دايفر
نورت اخوي

انا ما اقصد ان شباب الكويت بس هالنمونتين
لألألألألألألألألألألألأ

انا تكلمت بس عن هذولا لاني ابي اتطرق لهم
لكن الشباب في البلد مليون نموووووووووونه

و كلامك صح من عطى ختم الديانه ؟


لألألألأ ابدا انت مو داش بقوه بس انت فهمتني شوي غلط عبالك اني صنفت شباب الكويت فئتين بس






كويتيه
كلش ما طولتي بالعكس كلامج وايد مريح
لكن انا مو قاعده اتكلم اني مخيره بين شخصين انا اهني قاعده اطرح سؤال فقط مو عشاااااني انا
لألألألألألألألأ
لكن مجرد نقاش

lawyer said...

expatiate

هههههههههههههههههه انا مالي شغل انا اتكلم بس عن هالنمووووونه
مو قصدي ان الشباب يا دين معقد ان لوتي
ههههههههههههه بس انفهمت غلط

بعدين تكفين لوير ... واحد يشرب ويسرسر تقولين تربية سنعة ؟
خليج واقعية .. اي سنَع ؟
والله ترى السالفة مو سهلة ..


اي والله انه مو سنع
شكلي بطرشلك ايميل بقووووووولك شي على هالطاري مالي خلق فضايح اهني






فزي
لان الي يشرب يزني و يقتل




فري كويت
يا هلا و يا مسهلاااااااا
نور بوستي

والله من اشوووووفك ينشرح صدري
مدري ليش اتصدق
مدري طيبتك واضح من كلامك والله

ما عليك زود على الكلام الطيب
اي رحت قريت الجزء الثاني و اشتطيييييييييت و عصبت و حالتي حاله






حبيبه قلبي البندري
اي و انتي الصاجه
لكن ودي اوضح شغله انا ما اقصد في بوستي هذا اني اسألكم عن الانسب لي
لألأ انا اتكلم و اسأل بشكل عااااااام

انا عن نفسي ههههههههههههههه


كلش ما يفرق معاي
اذا طلع سرسري
على طول الجهااااااااز مغلق

و بالنسبه للعبايات قريت لج تعليق
تردين فيه على نون النساء
عن المحلات
انا دايما اشتري من الرياض
محل اسمه كلاسيكال
و قبل كنت اشتري من ميدنايت
و لكن اخر عبايات خذيتهم من مملكه المرأه في المملكه والله حلوين بس ما يصلحون للعزااااا فيهم الوان

و اذا عندج غير هالمحلات يا ريت تراسليني
lawyer79_q8@hotmail.com





cosi

حياك الله وييييييين هالغيبه يا اخوي؟؟


بصراحه كلمتك هذي تاج على راسي
bs kelmt al9ej tengaal 7etaa loo 3alaa nafsek

:)

انا والله ادري في وسط
لكن انا تكلمت عن هذولا لمجرد طرح موضوح
للنقاش





بيرل
هلا عمري

انتي والله تعليقج عجيب
اي فعلا كويت دايفر وكيتي كلامهم منطقي


انا راي من رايج
لكن انا لو خيروني بين هالفئتين


راح اختار الدين الجلف في المعامله
لاني لما اذكره في ربه
بيخاف

لكن السرسري ماخاف من ربه
من امه ما يخاف مني

lawyer said...

كويت لوفر

صح كلامك ربك موزع الارزاق
لكن وايد ناس سنعين يطيحون في حريم اللهم يا كافي يمكن بلاء من ربك

!

شخابيط


ما فهمت





بترفلاي
لاااااااااااا

انا عندي وسط
لكن مثل ما قلت للاخوان و احب اوضحه لج
انا ادري ان الحياه فيها الف مليون نمونه من الشباب
لكن انا اهني اسألكم
انتو عن هالنمونتين






انتر كويت
واااااااااااااااي
تعليقك اينن
عجييييييييييييييب

قريته في البيت و قريته في الدوام ويا ريما
و قريته للبنات
ما عندي رد عليك
لان كلاااااااامك
يسسسسسسكت بصراحه



كافي هالحديث

و رفقا بالقوارير

انا لاااااااااا تعليق
الله يهني مرتك فيك

lawyer said...

بن زيدون

و على فكرة الحالة جدا غريبة شلون دين و زقمبي يخطبون وحدة بنفس الوقت ؟؟؟

ما يجوز احد يخطب على خطبة احد حرام ..
المفروض احد يقول حق الدين ان البنت مخطوبة حق يوخر عنها و ما يخطبها رسمي ..
اما اذا كان المتطفل الزقمبي فهالناس ما تعرف السنع


من قالك السالفه فيها خطبه
وزواج

انا طارحه الموضوع فقط للنقاش

البوست مو عني انا او عن وحده متقدملها شخصين
البوست استطلع فيه راي البنات في فئتين من الشباب فقط

و اخذ راي الرياييل لانهم يعرفون بعض في اطباع الرياييل

و سلامتك
نورت





مشاري
هلا و غلاااااااا
وينك يا حافظ قاط من زماان


اي والله ان كلامك صااااااج
راح يعرف
الرفق
في كل شي
ههههههههههههههههههه

انا ما اتكلم عن الفرق بينهك
انا قاعده استطلع رأي الخوات و الاخوان في شنو يفضلون
وبس




حبيبتي نيله
وايد وايد قالولي مثل رايج
ان فعلا السلوك يقوم لكن الطبع مستحيل
و على قوله المثل بوطبيع

و اكبر دليل
في دين بخيل و في دين خزاز و في دين
لان يختلط الدين بالسلوك

freeq8 said...

لوير
ترى ما قدرت أعلق في البوست السابق عندك ... مري علينا لانك تحبين الذكريات...ترى نزل الجزء الثاني...وصلحي المشكله

cosimfree911 said...

halaa walaa lawyer kent mashgool alayaam elly fatat bss rad ebgewaaa al7ean ;)
walaa enty elly 3alaa rasee 5oosh maw9'oo3 walaah ;)

ethaa enty 3arfaa fee bel ne9 oo bs tabean raay bel maw9'oo3 3ail laa anaa agool alsarsaree elly ey3arf ey3aamel akeed wayed a7san 3alaa alagal hathaa ra7 ye7tarmch oo eygadrch welaa elly eysaweah 7ag nafsaa hathaa ohwaa 7oor feah hatheey 7ayataa oo kaifaa ;)

have great time

Malaak said...

b9ara7ah a7tirma dam 3amalny 3adil,, o maly shoghol b7ayatah ilkha9ah..9ij lay galooo..ilzain ma yikmal

3ateeja said...

لوير انا شفت النوعيتين وقعدت مع النوعيتيين
الاول والله احترمه واحبه لي درجه ما اتصورينها
والثاني ايضا نفس الشي ...
بالنسبه لي
ماعندي صغيروكبير
ريال ومره
حليو مو حليو
ولد عايله وولد شارع
اللي يحترمني احترمه لو شنو كاااان
واللي ما يحترمني حشاج اهوه ولنعال واحد