Friday, September 15, 2006

لاعت جبدي من المعارض

من دش شهر تسعه و ما غير في اليوم الواحد 10 مسجاات معارض
تفضلو بزياره معرضنا في بيت ديفا
و الا كاريزما
و الا بيت ديما
و بيت لوذان و بدره و بيت 32

و كل يوم بيت
و هالحريم ما غير اطردي
دل دل دل دل و زززززززززززخ في هالخلاجين
تسألين الوحده شنو شريتي ؟؟
المعرض حلو ..؟؟
ترد عليج لألألأ والله مو حلو مو زووود بس شسوي مجامله
رحت قطيت دراعه ب 80 و طلعت !!

على ابوو انه مجامله
ما غيررررررررر اقط فلوسي !!
لاقيتهم في الشاااااااارع و الا اكد على عميان

تبوووووووووووووون الصج لا انا و لا رفيجاتي
وطوطناااااا معاااااارض
و لا افكر ارووووووووح اخذلي قميص ب 40 دينار
خياط هندي و عشر الوان فيه
ارووووووووح اخذلي قميص سادا ارماني كلاس ب 40 وايد احلى

و يدااااااد حق هالريال
والله
تبوووووووووون الصج
احنا الكويتااااااااات اكبر حريم هايتاات في العالم
يدااااااااااااااااد
والله يداااااااااااااد

قبل رمضان هياته معارض
في رمضان استقبالات
و بعدها قرقيعااااااااااان
و بعدها لويه العيد



و عقب العيد لويه دشه الشتااااااااا
و بعد الشتا عيد ثاني و تالي استقبالات حج
و عرووووووووووس
و صرف و بذخ
و تاااااااااااااالي

مااشاء الله على هالبنات و الحريم الي يتزهلقوووووووووووون 24 ساعه
و يكشخووووووووون
و يفترووووووووووون


انا لو ريال و متزوج جاان قاظب عصااااااات و نعال حق مرتي
ههههههههههههههههههههههههههههههههههههههه


لا و الي يحرني هاللي يتشرهوون

الووووووووووووو فاطمه وينج ليش ما ييتااااااااااااي معرضنا
في شغلات وايد حلوه تعجبج

انا: مشكووره حبيبتي ما قصرتي ...بس نسيت ..و كان عندي دوره العصر في الدوام (اخرطي)بس شسوي بفتك

يالله تعالي زوريني في البيت خاشه جم قطعه حقج

انا : في قلبي ((ماكووووووو فكه))انشاء الله انشاء الله

اي تعاليلي بسسسسسسج سوالف هالي يقصوون عليج تطلبين من الانترنت
و هاالي اتيبينهم من السفر

ياخذوون فلوسكم و يقصون عليهم
انااااا: ابتسااااااااامه عريضه


صااااااااااااار ماثيو ويلمسون و هالماركات الفرنسه و الايطاليه و حتى الاتش اند ام يقصووووووووووووووووووون علينا
و هالخيااااط الهندي ما يقص علينا !!!!!!!!!!!!



بس شسوي بعد هذا مجتمعنا الكويتي

و لازم نجاري المجتمع
بسسسسسسس روحه معارض ماني رايحه

18 comments:

Fuzzy said...

هاهاها اي والله كل يوم معرض يديد بس الحين مالكم حجه قبضتوا ال 200 يالله روحوا جاملوا هاهاها

بسوي معرض انا بعد بخباز الجمعية اعرض فيه آخر الابتكارات .. خبز ايراني مربّع هاهاها اي ليش مدوّر ألذ يعني ؟ ليش مو مربع الخبز الايراني او مثلث ؟ يالله تعالوا اشتروا من معرضي ومسوي عرض خاص مع كل خمس خبزات قوطي جبن أبيض وغرشة فلفل بوديج و بطاط لزوم البلعه

{ 13 } said...

قميص سادا ارماني كلاس ؟؟..ماعلينا ...الحين انتي متحجبه صح؟؟ طيب ممكن تشرحين لي الحجاب الكويتي كيف صاير ..لان من اسبوعين تقريبا شفت 5 كويتيات عندنا ..واحده لابسه جلباب ملون واسع والثانية بنطلون وجاكيت طويله والباقي بنطلونات جينز ضيقة !! وجاكيتات قصيرة واحده منهم فاتحه قميصها ؟؟وكلهم لابسين حجاب مثل الي اشوفه منتشر عندكم ..يعني اعتقد انه 3 قطع ..صح؟يعني قطعه تلم الشعر وبعدين شال طويل واظن شال يكون دانتيل مثلا او فيه زخارف فوق الشال ..طبعا احنا بعد صاير منتشر عندنا حجاب المنديل ولكي حرية التعليق عليه لووووووووووول..بس من جد ابغي اعرف في الكويت من الي اخترعت هالحجاب ؟؟عندنا اغلبية نسوانا يلبسون شال واحد دايما اسود يلفونه على راسهم ....لاني ابي اكتب بوست عن هالموضوع وبغيت افهم ..ولاني ملاحظة ان الحجاب صار موضه اكثر منه طاعة لفرض ....

ReLaaaX said...

واااااااااي صاااااجه



بس صراحه من كثر المناسبات مايمديج تخيطين وتشترين فتقطين فلوسج على شي جاهز اريح حق بالج :)))



يعني حضرتي والاخت نسكافيه مابين المعارض ومابين الخياط من تصاميمنا الخاصه .. بس بعد كل خيط له خلاقين صار مصمم ، محنا اقل منهم :p



اللي احاتيه ان الخياط يضبط الشغل والا لأ .. هذي معاناتي كل سنه .. والسوق صاير لوووعه شنسوي بأعمارنا يعني

PearL said...

loool

gad e7na el kuwaityat 6faga o ga6en floosna bel share3
tlgeen 7ta fe nas yeshtroon o mo 3agebhom el shay
bs 3la shan yetfalsfoon :))

7amdela o el skokr

The Simper said...

ur previous post reminded me with 2 songs.. here u have some words that i remebered...


ألا وإن طالت الغربه
اردلج وأسبق سنيني
ما أنساج ما أنساج
لو مهما جرى

and

تاخذني أنا النشوه
هذا وأسري على مسراج
وتسبقني لج الخطوه
أتصور موعدي وياج

QiYaDiYa said...

حدااا هالبوست طالع من قلبج !!


المشكله انه فشله ما تروحين !
و هم فشله اذا رحتي و ما شريتي !!

فالحل الاسهل انه تقولين اي عذر عندج زاهب و بس ;p


انا عذري كله مشغوله مع الاهل !!
مادري شنو هالاهل بس هذا الي يطلع معاي ;p

بس بعض المرات من معزة البنت اروح ..
و عاد الي يصير يصير ;p

esTeKaNa said...

لازم نروح المعارض عشان نعوضهم عن خاسارتهم فيالمسجات اللي تندز حق كل الكويت
!!
تدرين شنو المشكله؟
اذا سألت واحده حلو معرض فلانه،تقولي عجيب واروح وانصدم
الناس اذواق والثقه موصله حدها،تروحين المعرض تشوفين الخلاجين وبذاك السعر والناس تشري
ما ادري هل فعلا حلو ولا انا اللي صايرة عوبه
كل سنه مفتكة من هالسالفه،الله يعافي اميمتي هوايتها تصمم حقي وبس
:))
خالسنه شالت ايدها وضعت انا
:(

Diver said...

هااااااااااااااااااااااا
لو ريال قايل هلاحجي جان كليتوه بهدومه
على العموم ان خليت خربت
فيه الي تكلمتاي عنهم و في عكسم


بس حلوه سالفة لنعال
الله يعين ريل المستقبل
جني اسمع قولت آآآآآآآآآآآآآآآآآي من بيتنا

sologa-bologa said...

الحمدلله على الدشداشة والغترة والعقال

صج في بعض الشباب يتفيخرون بنوع الخام وانه شاري
ما ادري من وين
والغترة ماركة ما ادري شنو

لكن بالنهاية الشكل واحد

Mohammad Al-Yousifi said...

يا معودة بناتنا دلاليع

كل وحدة عندها كم فلس و ربعها جاملوها قالولاها ذوقج حلو جك بوم تروح تفتح لها معرض و تحط جدام اسمها

مصممة الأزياء الكويتية

لو كل من خيّط دراعة صار مصمم أزياء جان يدتي الله يرحمها أكبر مصممة أزياء في الشرق الأوسط من كثر ما خيطت قحافي حق المرحوم

دلع و ملاقة بنات هالأيام

albandry said...

قبل قالو فقارا يسوون معارض
بعدين اللي عندها بضاعة من سفرتها سوتلها معرض
بعدين طلعولنا بفنتق برستي لمن وحدة تسوي دراريع من ديزاينها

وفوق هذا كله يزعلون اذاماييتي جنه استقبال ويزعلون اذا اشريتي واهمه كله شماطيطومن سوق دبي المتر ب300 فلس
وتنشرى الدراعة فوق ال100 ليش عاد واشتريها وافتشل البسها لمن اشوف خامها مكود مسوينه السوريين بالمعلم قمصان

بس شتقولين على قولة يدتي
رزق القطاوة عالخاملات

ii said...

هالمعارض الكويتيه اللي تقولين عنها , تعالي شوفيها برمضان هنا
بكل مكان ولها سوق مو طبيعي وبأسعار خيالية

lawyer said...

فوزي
وووووووووووووووووووووالله الخبز احلى
و انفع على الاقل الخبزززززززززز وناسه شغل بلعه


خصوصا الايراني و الجبنه البيضه و الدقوووووووس
وااااااااااااااي

شي شي قاتل





قطعه 13

والله مدري عن هالايام و البنات ذووقهم اشصاير
بس يالله حريه شخصيه مالنا شغل في لبسهم



ريلاكس


اي والله صاااااااجه كل من خيط له خلقونتين صاااااااال مصمم

و بالنسبه للخياط الشخصي هذا شي طبيعي
و من عمممممممممر
لكن سوالف المعارض المتعبه






بيرل
اي والله صاااااااااااجه
ههههههههههههههههههههه

مت ضضضضضضحك والله

lawyer said...

the simper
wooooooooooooooooooooooow


تعلقيك احلى من بوستي

عجييييييييييييب المقطعين

عجيييييييب



تاخذني أنا النشوه
هذا وأسري على مسراج
وتسبقني لج الخطوه
أتصور موعدي وياج
؟؟؟

مقطع من وين ؟؟






قياديه
اييييييييييييي والله انج صاااااااااااجه

من قلب من قلب

وايد فشله اذا رحتي و ما شريتي
و هم حرام تشترين و تقطينه





استكاته

انتي مثليييييييييييي

ههههههههههههههههههههه
انا عاله على امي
كل شي امي





اروى
اهلا حبيبتي
اي والله يعييييييييييينهم
و انتي بصحه و سلامه





دايفر
اي اشفييييييييييك شهد شاهد من اهلهم
ايييييييييي
ايييييييييييييي
دايفر
مو مشكله محد عارفني كثرك
هههههههههههههههه


عاد اذا صارت السالفه فيها طق
من الحين اقووووووووولك
اول من اشتكي عنده و الفي عليه انت




سلوجا
اي خو انتو طرق الطاقه مشمشه مدري خووخه
مدري كووجه
خاماتكم هذي
احلى شيييييييي الغتر
البيضه النظيفه مزهلقه
اي على طاري الماركات اشوفهم جيفينشي





مطقوق
اييييييييييييييييي فيك حرا علينا
ادري حاسه فيك
ايييييييييييي والله جان يداتنا يحجوووووووون

مو بس قحااااااااافي
اهي اهدوم و دراريع و كل شي
يا عوينتي عليهم





البندري
لووووووووووووووووووووووول

موتيني موتيني من الضحك
صااااااااااااااااجه
عرفتي نوعي اقرااا تعليقج و اصرخ برووحي
صاااااااااااااجه
صاااااااااااااااااجه
صااااااااجه
هههههههههههههه
اي والله من سوق دبي
و تستحين تلبسيينه
هههههههههههههههههه

عيل ازيدج من الشعر بيت
صاروو الخدم ارتب منه
اوفروول و دانتيل
و احنا شماطيط
خيايطه
سسسسسسسسسسسسسسسسسسكتي بس لايعه جبدي





سعلوه
اييييييييييييييي صح انتو بعد عندكم شغل اسوااااااااق خيريه
انا صاحباتي في الريال يروحون سوق الديره
يشترون الشي بريالين و يبوعوونه ب 15

Kwaitiyya said...

صــاجه صـاجه !!! واي أنا أتأزم إذا دزولي تعالي معرض!! و أول ما تدشين يقعدون ويخزونج وينطرونج تشترين ودورون وراج و لبحه قصب قصب تشترين شي!! وإذا ما شريتي تزعل عليج البنت! واي شتبيييييين !!!! صارت مواجيب السالفة مو معرض

الحين استقبالات رمضان بعد غير شكل !حريم النواب الأفاضل بسوون استقبالات حق رمضان يالله تزهبو حق الملاقه عاد
فازو و بس فالحين بالاستقبالات والعزايم اللي مالها داعي ! ونسو كلامهم اللي وعدونا فيه. الله كريم يا لوير

The Simper said...

تاخذني أنا النشوه
هذا وأسري على مسراج
وتسبقني لج الخطوه
أتصور موعدي وياج
؟؟؟

مقطع من وين ؟؟

looks like ur too young to know this song? ;)

it is "تأخرتي"

:)

Nescafé said...

اي والله صااااجه يالوووير

بس عاد حرام مو كل المعارض فيها خلاجين
انا استمتع بالمعارض مرات
احس فيهم اشياء غريبه وحلوه
بس طبعاً موووو كل مرررره

لان كل وحده مصدقه عمرها ومسويتلها جم دراعه وجم قميص وقالت اتيليه فلانه وعلانه
والذوووق ووويييععع لووووعه هللوقي حدده

lawyer said...

the simper

مو قاعده اتشبب
اعرفهاااااااااا

بس ناسيه هالمقطططططططع



كويتيه

ايييييييييييييي والله صدقتي




كيتي
تيشرتا حمرااااااااااا و جينز و بنطم



نسكافيه
اي صح احنا ما نبخس في حق بعض المعارض
بسسسسسسسسس الشي لا زاد عن حدا يصير ماصخ