Thursday, February 01, 2007

حسن النيه ..


حسن النيه
حسن الظن بالله
التوكل على الله
صفاء القلب ..
كل هالمصطلحات هذي دايما امشي و ارددها ليل و نهار
دايما اقعد بيني و بين نفسي كل يوم اذا مو باليوم اكثر من مرا و احاسب نفسي
والله صدقوني مو قاعده اتكلم في نفسي
بس قاعده اقولكم شي عشان تفهمون معني بوستي هذا
احاسب نفسي و اعاقبها مرات
احب الناس تحبني و هذا شي وايد ضروري عندي
احب الحب
اعشق الحب و محبه الناس
احب الخير
متعتي اشوف انسان عنده نعمه سعيد فيها
صج اتحلى عليه
دايما اقول حق عمري و خصوصا و انا اتمشى بالسياره
قطي حمولج على الله
انتي بالارض في ربج فوقج مدبر
لا تشيلين هم بالدنيا يزيدج ربي هموم
همج الاخره و رضا ربج
عشان الله يفتحها عليج
انا كلش مو مثاليه
و لا يمكن اكون زينه
بس صدقوني من اروع العبارات الي في حياتي
و اثمنها
ان ايني كلمه تقدير من شخص
عندي ربع
و هم شباب مو بس بنات
يقولي فاطمه و رب الكعبه انتي خليتيني احترم شنو مرا
انا طايش
لعوبي
ما افكر غير في استغلال المرا
انتي غيرتي نظرتي
انتي بسببج انا تزوجت
لما ايني اكثر من ريال يقولي جذي
هذي مو نعمه ؟؟
لما اتييني رفيجتي تبجي
و تقولي حلي مشكلتني
بكلمه بسيطه
و ضحكه و ابتسامه مني
تريحها
و تخليها ترد بيتها سعيده
و تسعد زوجها
هذي مو نعمه؟؟
الي ابي اوصله من هالكلام
قطو حمولكم على الله
و توكلو على
بوستي
الي طاف
كتبت
احبك بو براهيم
والله العظيم ما تتصورون و لا تصدقون
عدد الايميلات الي يااتني
تسألني منو بو براهيم
و شنو براهيم
و كأنه حرام علي الحب
من هو بوبراهيم ..؟؟
لما احترم شخص و اقدره
و اتمناه اب لابنائي
يكون هو بوبراهيم
نسبه لان انا ينادوني في البيت ام ابراهيم
لما قالتلي الاخت كويتيه شنو الحب و عرفته
بقاموسي البسيط الخاص
ماكان لشخص معين بالذات
كان الحب عموما..
عجبني ايميل ياني من واحد
يقولي لوير لي متى بتحبين ؟؟
قلت له اخووي
بظل احب و احب
على عدد الطقات الي اتيني بالدنيا
انا احب الحب نفسه
اما اذا الطرف الثاني
ما قدرني
هذا شي راجع له
معناتها اموت؟
لاني احب الناس
واحب الحب اكثر
احب ارسم بسمه حلوه صادقه
على شفاه كل من يقرالي
مو معناتها اذا كتبت عن الحب
انا غايصه في العسل ..

الله العالم وحده باللي فيني
لكن توصل في الناس تتبع اخبار الناس و تقيسها بالمسطره
شي متعب صح؟؟

الي خلاني استغرب في ايميل
طويل عريض
نهايته واحد يقولي
بصراحه احسد بو براهيم !!!
احسده
قلت له يا اخوي
تمناله الخير
انت ما تدري بو براهيم شنو مسوي في دنيته الي الله
رزقه وحده تحبه
ثاني شي
من قالك انا زينه و برفكت
يمكن انا اقوله كلام حلو في البوست
بس انا مأذيته في الصج؟؟
و يمكن العكس صحيح

دعوه اخيره صادقه من القلب
الله يحفظكم
و يزيدكم محبه
و يرزقكم
تمنوا الخير للناس
حبوا
صفو النيه
توكلو على الله
خافوا الله في انفسكم
صدقوني
ربي يفتحها عليكم


20 comments:

shakshaka said...

eeh walla saw khair wo gi6 ba7ar.. la tan6ereeen mn a7ad yeredlich shay bel muqabil woo ma7eb asheel 3la a7ad wo athayag jad etha a7ad 7asaita may7ebnee aw methayeg menni marrat walla nas malee sheghel fehum wo may3arfooni bes darait enhum may7ibooni laish madre walla athayag :(

Q80-ChillGirl said...
This comment has been removed by a blog administrator.
Q80-ChillGirl said...

المشكله ربط الاشخاص بالمشاعر عندنا شي لابد منه القليل يستعبون فكرة ان المشاعر ساعات تتولد لمجرد حبنا لوجودها

و هم صعب على الغير لما اقولهم احب فلان بانهم يفهمون انه اكو حب نظيف و مو محدد بهدف او استحواذ للشخص، بس حب للشخص اللي اهو عليه لكيانه لرقيه

و على الحب لا توقفين حب، اغلى شي ممكن نملكه مشاعر الحب، حتى لو ماكان الشخص سنع او الظروف ماكانت زينه يبقى الحب و المشاعر اللي طلعناها من قلوبنا تستاهل المعزه والاحتفاظ فيها

ذكرتيني ببوست قديم عندي و ب "ابعتذر" لبدر بن عبد المحسن

و هالكلام يسري على اي مشاعر ممكن نمتلكها مو بس الحب

:> و عسى الله يوفقج دوم

Alather said...

عجبني بوستج
الله يبارك فيج
:)

bo9ali7 said...

الله يسر دروبج
كلمات تفتح النفس

violinist_q8 said...

بوست خفيف وحلو

نتمنى لج الخير

sologa-bologa said...

تلميذة باولو

صح لسانج

الاء سعود المجيبل said...

كلام حلو نابع من القلب واضح...^___^


====

إذا أصابك هم فلا تقل : يارب إن همي كبير

ولكن قل :

يا هم ... إن ربي كبير

===

Keep loving..;>

Breeze said...

كل كلمة قلتيها على راسي .. ولها تقدير عندي لأني أدري وأعرف عدل معناة الحب ..

وأعرف عدل معناة حب الخير ..

عاد الملاقيف واايد فصج الله يعينج .. لووول

والله يبلغج باللي تبينه ويسهل أمورج و يوفقج آميـــن

:))

2 u ALL said...

لا تشيلوا شئ "ثقيله" الثقل على الارض خلوه .. ومن "غلط" سامحوه

الثقل مكانه الارض .. لا صدور.. ولاأكتاف.. ولاكواهل...الناس

وما أصابك لم يكن ليخطئك

ومن توكل على الله فهو حسبه

هذه هي الحقائق .. من فهمها يرتاح...!!!زوريني عندي فضفضه عن النفس بصورة قصيده ... رأيك لو سمحتي

Brave Heart said...

والله بوست حلو ورقيق . الله ايخليك للكل انشالله .ويغطيك على قصد نيتك.
الاجمل هو الاحترام المتبادل والثقه بالاخر والحب مجموعه من هذه الخصال متداخله مع بعضها البعض
لو نشوف جميع البوستات نجد اغلبها ايتكلم عن الحب الصعب الوجود ولكن هل سئلنا انفسنا اننا نقدر انضحى من اجله ومن اجل انسان مستعد يعطيك عمره هدا السؤال.
ربى يوفقك انشالله

esTeKaNa said...

الى اصفى وارق قلب عرفته في الدنيا
الى الغاليه التي في حوراتي وسوالفي معها عرفت معنى النقاء
الحب
الصدق
والعطاء من اعمق نقطة في القلب
كلماتك اليوم لامست شيئ من روحي
شئ من قلبي ارتجف لصدقك اللامتناهي فيها
كلماتك التي رددتيها في روحك هي سبب الثبات،هي سبب الابتسامة
هي سبب الفرحة
والراحة
والامل..بأن غدا يوم آخر
يوم اجمل
واحلى
وان رب العالمين دوما معك
الله يحفظك ويشرح لك صدرج دوم ويرزقج احلى واكثر من كل ما تتمنين
قولي آمين
:)

nachla said...

طاف
ليش زعلانه
عندك شي مو موجود عند غيرك
يا محامية داري على شمعتك تاييد
الله يخليك لبوبراهيم والله يخلي بوبراهيم حقك

واهداء من وحي الاحداث :
مهما يقولون مهما صار مهما تم
انت البدايات واخر ساحل ومينا

لهرجة الناس للعزال لا تهتم
لوهم يحسون فينا ماحكو فينا

Mother Courage said...

lawyer

أنا لا أؤمن بالحب إلا بعد العشرة و أحس الرجل الحساس (بطريقة الافلام) gay

عندك حل لي؟!

charisma said...

صح السانج
انا اذا وصلت حدى من هالناس البلاقين شف
اقول بسسسسسسسس دعوا الخلق للخالق
بسكم تنشد وتسأل وتنبر
تحب عليها بالعافيه
منو وشنو وشلون وليش انتو مالكم شغل

اقراو المكتوب واستمتعاو
ليش التنبر؟؟

ماكو فايده فينا الصراحه
بنات وشباب
الغالب يسالون ويحبون التطفل وبلاقت الشف
تمناو الخير حق صديق او صديقه
دامه سعيد ومستانس

بوست جميل يا لوير
الله يحفظج

بنت الشاميه said...

الله يزيد صفاء نيتك وصفاء قلبك كمان وكمان ويعطيج الحب الي تبينه ولا يحرمج منه لان الحب هو الحياة من يقدر يعيش
بدون الحب***** .

وانشالله الله تلقين ابو ابراهيم الي يغسل أغصى ما في فلبج ويهنيج ويسعدج

الله امين

lawyer said...

شكشكه
لان انتي طيبه يحز بخاطرج احد ياخذ عليج و انتي مظلومه

تحترين



شيلي جيرل

اقوووووولج شي انا بعد منزله بوست ابعتذر في شهر 8 !!

في نفس الفتره
شوفي الصدف




الاثير
حياج الله حبيبه قلبي



بوصالح
ياحلاه دعوتك الله لا يحرمني منها يا رب



فيولينست
تسلم يا رب

يارب دوم بوستاتي خفيفه




سلوجا
هههههههههههههه
شفت التعليق:)

lawyer said...

كويتيه
اهلا اهلا
حياج الله
اي والله صاجه :))

انشاء الله عمري مستمره بوجودكم



هيت مان
اي طبعاااااااا لازم تعرف هالشي و اتقدره بعد

:)
اذا ماله وجود عند الريال
عيل البنات تحب منو؟؟

lawyer said...

بريز

حبيبه قلبي انتي تسلميييييين والله

ادمعت عيني مدري ليش


تويو ال
فعلا من توكل على الله

ونعم بالله




اخوي بريف هارت

ممكن اعرف انت وين ؟؟
عشاااااان راح ابدا ارعي الاحرف
و بعض المصطلحات

الله يخلييييك و يسلمك يا رب


و يوفقك و يسعدك




استكانه
انتي شهادتج فيني مجروحه

يا عمري والله مدري شقولج على هالكلام
خليتيني اوقف
ما اعلق مده
قريت قريت

ادخلين الفرحه غصب في قلب الواحد




نجله
الله يحفظج و يخليييييييج لي يا رب:))

طول امس و انا اسمع الاغنيه




برافا
ههههههههههههههه
فعلا ابيييييه

انا هذاك اليوم واحد يسولف وياي وايد ذرب
مدري اهو كلاس او جاي

سألته اشكره
اكيد الحب بعد العشره و السنيييييين
و هذا هو الحب الحقيقي

lawyer said...

كاريزما

الله يسلمج حبيبتي و يخليج



بنت الشاميه
اميييييييين يا رب
و يخليج
و يسلم قلبج يا رب

يا حلات اليوم اذا سمعتي فيه دعاء من الناس الي حوالينج
:))

اشكرج