Wednesday, January 31, 2007

الحب اهو ؟؟


في البوست الي فات و تحديدا تعليق الاخت كويتيه
اسألتني قالتلي لوير ابيج انتي تقولين لي شنو الحب بالضبط؟؟
ما حبيت ارد عليها في التعليق من كثر ما عجبني سؤالها
باختصار انا اشوف الحب في هالصور البسيطه
الحب عندي


الحب اهو الراحه
الحب هو اتفاق العقل مع رغبات القلب
الحب انج تعطين
الحب انح تصبرين
الحب انج تتحملين و انتي مستانسه
الحب انج تتمنين ما يفارقج هذا الانسان
الحب ان اول شخص يطري عليج لما تقومين من النوم
و اخر صوره تروح من بالج قبل لا تاخذج الغفوه
الحب ان عينج على الساعه طول الوقت و تحسبين قومته و قعدته
الحب تبين تكونين وياه وين ما تكونين
الحب انج تمتلكينه
الحب انج تغارين عليه حتى من الجماد
الحب انج توقفين وياه
الحب انج تتعذرين له كل ما خطى في حقج
الحب انج تشوفيه زعلان عليج و تزعلين من نفسج
الحب انج تبجين بين ايده و اول ما يرضى عليج تلمينه
الحب ان تكون بوسته على راسج اثمن تاج الماس تلبسينه
الحب انج تصيرين مينونه لضاق خلقه
الحب انج ودج تمنعين عنه كل شي يكدره
الحب انج تبلعين سم الغيره عشان ما تضيقين خلقه و اهو متسانس يثير غيرتج
الحب انج تكونين عنده كل الدنيا
الحب انج فخوره فيه
الحب انج تتمنيه ابو عيالج
الحب انج تتمنين انه يكون معاج الليل و النهار
الحب عندي ماله تفسير
و لو بكتب من اليوم لي باجر ما اخلص


19 comments:

Cr8ivia said...

ya 7ilow il7ub itha sar chithe
iy3awwwwwwwwwwir ilgalb
iykhalech 6ayraaaaaaaaah

ماقول الا الله يتمم يارب و يبارج فيه

ذكرتيني باغنيه داثره حق نبيل شعيل اللي يقول فيها
الحب مشاااعر ساميه ماهو عبث او تسليه..الحب عهد كلمة و وعد .. الحب امانة و تضحيه

hehe u asked someone right now define love?
he said : love is one u r dieing from hunger and u got ur mcdonalds large frnech fries and he asked u for some then u give him all with a smile on ur face and a ur heart is dancing from happiness while ur stomach might cry from hunger!

Cr8ivia said...

sorry u asked = i asked

one = when

he asked u = ur lover asked u

Broke said...

خطيرة انتي يا لوير

ودي أضيف بس ما أقدر

I'm speechless ..

May be u can find something related to this in my last new post .

Brave Heart said...

لوير انشالله كل البنات والنساء كيفك لو صار من كلامك معاش فيه مشاكل فى الدنيا.
ملاحظه فى البدايه وجدت صعوبه فى فهم الكلمات لكنى فى النهايه استنتجت انكم تنطقون الكاف جيم معلومه جديده

Reflections said...

Lawyer ...


IT IS SOOOO TRUE..

Thats all what i can say


o 3ala ma Galat Cr8ivia .. Ya 7elo el7ob etha Sar Chetheeeeeeeeee...

eSarrrSeeeeeeeeeeeeeeeeeeeee77777 =_=

nEo said...

الحب احلى بالكتابة

منه بالواقع

Purplecious said...

I'm enjoying the post

I have no comment now... maybe later :)

Purplecious said...

or maybe not

فوضى أفكاري said...

هذا الحب :p

هههه إي والله عدل كلامج

nachla said...

جميل جميل
هذا الحب قبل الزواج
ولكن بعد الزواج تدخل وايد اشياء بالحسبة يصير:
الحب ان يقعد نص الليل يغير حق البيبي لانك تعبانه وايد وتحتاجين الراحة
الحب انه يعطيك كرت البنك وما يحدد لك مبلغ
الحب انه يسوي المستحيل علشان يرضيك
الحب انه يستحمل اهلك وخصوصا الملق منهم بس علشانك
الحب انه وانه وانه

والحب منك انك رضيتي فيه زوجا لك

lovely post

shakshaka said...

allaaah i want! lawyer bes latet3atharainlihom mayen3a6ooon wayh lanna bel akheer ga3da etge9een 3la 3umrich aw engi9 3la 3umrna bel a7ra ohma mayta3atharooolina lo enmoot;p

PearL said...

اوافقج و بشدة

هالتعليق قبل ما اسافر بساعة
ما قدرت اقاوم ما اعلق على بوستج

كل اللي كتبتيه صح
واحس فيه

وفيه اشياء وايد وايد وايد
بس ما تطري على بالي من كثرها

Saakhir said...

مستحيل أن يعرف الحب
الحب هو شيء لا يمكن تعريفه، وهذا هو أجمل ما بالحب

الحب هو أن تشعر بشعور غريب بأنك تحب

نعم، للحب علامات، لكن ليس له تعريف

albandry said...

يازين حبج يافطيم
اقراوانا اقول
اخيييييييييييييه
وينه هذا حب تفطيم ياويلي



لوسمحتي
اجنا على طرف الانحراف بطلي حاجات الحب دي مش كويس لصحتنا

2 u ALL said...

أبدعتي .. بتعريف الحب
ماخليتي شئ
بس أحلى مقطع هو "الحب أن تكون بوسته على راسج أثمن تاج ألماس تلسينه" هذا هو جوهر الحب

أما أنا فسأحاول ...!! وان كان صعب أن تعرف الحب ..!! لأنه تعريفه يختلف من شخص الى اخر .. ولكني سأحاول ...!!! أن أعتقد أن الحب

هو "أسم" لأنبل علاقه أنسانيه .. يكون بين طرفين .. يجمعهم جسد واحد

الحمد لله ما أطلت ....وردي الزياره علينا

سالفة قلب said...

-الرجل يحب بعقله …والمرأة بقلبها..وأصدقهما الأول وأجملهما الثاني.

-الحب أروع سيمفونية تصوغها الأقدار وتعزفها المشاعر ويتراقص على

أنغامها العشاق.

-الحب يجعل من الإنسان شاعرًا .

-لا تشعر بقوة الحب وعنفوانه الا عند الفراق.

-أجمل لحظات الحب الانتظار وأبشعها الوداع.

-اللغة التي يتقنها العشاق هي لغة العيون .

منقول

Q80-Chill Girl said...

انه يحب

يحبج و انتي كاشخه و بتروحين حفله او لو كاشخه علشانه كثر ما يحب يشوفج و انتي توج قاعده من النوم و كشه و هم يحبج و انتي تشاخرين و مزعجه

انها تحب

تحبه بدون لا تفكر بمخباته عنده ولا ماعنده و تكتفي بوجوده و مو لازم يوديها باريس و هم تحبه و هو مرتاح و سنع

الحب انك تحب الشخص لنفسه، و سالف الذكر ينطبق على الاثنين ذكر او انثى حتى لو حاولت اخلي الفقرتين كل وحده تحمل مؤشرات انثويه او ذكريه، بالحب ماتفرق

الحب احساس عجيب، اللي قاعد ندور حوله اهو الاحاسيس المرافقه للحب و تعبر عنه بس الحب ك حب برأيي نوع من المشاعر اللي تخلي رابط قوي يكبر بين اثنين بالواقع يمكن مايربطهم الا القليل، و يخليهم اقرب من لبعض من الاهل

Яeema said...

و ختامها إن يقدر هالشي عشان تعطينه أضعاف

mo7m7 said...

الحب هو ان تزورين مدونتي الي من زمان ماشرفتيها,الحب كان زمان