Tuesday, May 08, 2007

مسجات !

(1)
امس بالليل عيزت و انا احاول انهي القصه ماني قادره
اهي حاله اتيني انطلق فيها انطلاقه
او تتنيحه مو طبيعيه
رحت شكيت همي في مسج حق رفيجتي
مسجي كانت الاتي :
مشكله الي يكتبون قصص او شعر او روايات يحتاجون تجديد
دماء القلب عشان يكتبون !احتاج اكتب قصه راضيه عنها
احتاج اكتب صج
ابي شعور يخليني اخذ نفس عمق و تنهيده
شي يهز قلبي هز
باختصار
احتاج قصه حب بصعقه كهربائيه
مسكينه رفيجتي بسرعه ردت علي هالمسج
الي خلتني ساعه اهستر ضحك
من كل قلبي بطريقه مو طبيعيه الي دموع دموع
حسيتها ودها تسوي شي بس مو قادره
wallaah i do understand bas u never know,
liatni rayyal chan 7abbetech o fakitech o fakiat 3umri :p
(2)
ياني مسج الساعه 3.15 الفير بالظبط
المسج :
fech shay ??
رديت عليه
هل الوله يعتبر شي ؟؟
هل المحاتات تعتبر شي ؟
24 ساعه افكر فيك و حتى بغرقه نومي ..هل هذا يعتبر شي ؟؟

14 comments:

nEo said...

لوير


شفيج صارلج جم اسبوع ؟


صرتي 30 توج ؟


و لا هاذي بوادر صيف ساخن ؟


على طاري ساخن


اشلون الصحة ؟

Diver said...

اعرفج زين اعرفج على قولة لغنية

عشان جذي الله يشفيج من لمحاتات و الوله ان شاء الله و تهيعين

lawyer said...

neo
بالظبطططططططططط

صيف حار
يقمت ما يبشر في خير

المسج الاولى اتييييين

اتموت ضحك

و حبيت حدي رد رفيجتي

موتتني من الضحك

هالانسانه تفهمني بسكات


المسج الثانيه
لانه برا الكويت
و فرق التوقيت كبير

و احاتيه وايد
و الله يرده بالسلامه
و يخليه لاهله يا رب

مسجين عكس بعض
واحد انا احتاج فيه حب روميو و جولييت
عشاااااااااااااان بكتب
ههههههههههههههه


مصلحجيه
تخيل اروح اقول حق واحد
لوسمحت بحبك عشان تعطيني دافع للكتابه




دايفر
لانك تعرفني عدل
و لانك فاهمني عدل عدل

اتعرف قلبي اشلون ينشلع لما احاتي اخد و اخاف عليه

الله يرده بالسلامه

أبو إسحق said...

اكره شعور المحاتاة ... لكن كلنا نحتاجه بوقت من الاوقات الا جان ملينا من شي اسمه راحة البال....و اتمنى لج حياة ما فيها من المحاتاة الا القليل و من راحة البال الكثير

NewMe said...

فاهمة عليج
وحالة التناحة هذي
متعبتني
تدرين من قررت اني ما ابي اكتب عنه
وانا احس بتبلد مو عارفة اكتب
وكل ما ييت اكتب شي يدخل اهو فيه
امحيه غصب ماابي
واللي اكتبه من الخيال ما يكون بروعة الواقع
يصير ناقصه شي
مو حالة هذي
والحل يبقى مثل ما قالت لج رفيجتج
بس لا تفقدين الامل فترة وبترجعين تكتبين بنفس الانطلاقة
او اني اصبرج واصبرني
دومي بحب
تحياتي

PearL said...

بالنسبة حق القصة
كل قصصج روعة

يعني لا تحاتين

اما بالنسبة للحب
الكل بحاجة حق الكهربا اللي تقولين عنها بين فترة والثانية

ومالوج

Cr8ivia said...

yazatli kilat diver "it-hay3een" :P

Cr8ivia said...
This comment has been removed by the author.
lawyer said...

صباااااااحكم ورد

بذمتكم اذا هييييييعت من وين لكم لوير مينوووووووونه

اتيننكم من الصبح

;)



بواسحاق

اول شي نورت و حياك الله

ايييييييييييي اوف انا بعد اكرهه
من كثر ما اكره ما اعرف احاتي مثل الناس
تلاقي الشخص تعبان جدامي احاتيه
بدال ما ادلل و اطبطب حلوه هذي اطبطب
اصير نيرفسسسسسسس
و اطلع الاكشنه الي فيني عليه

دووووووووووووووووووووم
يا رب اجمعين
مشكوووووووووووور على هالامنيه




نيومي
بالظببببببببط
يعني تبين تكتبين شي حلو بمستوا انتي راضيه عنه

لاااازم تبين دغدغه لازم لابد من شي جذي اطيرررررررج

ابي اطيرررررررررررررر

تعرفين اغنيه محمد عبده قديمه الي يقول فيها

انا ابغى ابغىىىىىىى اطيرررررررر و اسابق العصافير

انتي قاعده تصبريني انا وبعدين تقرين كلامج و تقول لنفسج شوفي يا نيومي صيري مثلها

بسسسسسسسس مستحيل انا وحده ما اعرف اهدى
انا كتله مشااااعر مبعثره

بركااااااان هايم بينفجر






بيرل

ايييييييي
بيرل
شوفي اشصار فيني امس
جابلت روتانا زمان

3 افلام حب مو طبيعيه
اول واحد نجلا فتحي و محمود ياسين
اسمه اختي
اكيد تعرفينه
من قبل 30 سنه
هالفيلم

مرافجهااااا
و يسافر وياها
و لانه يموت عليها ما يبي يتزوجها لاني موخوش بنت

تخيلي الفيلم رومانسي
حدااااااااا
و اشلون يموت عليها
انا مركزه بالفيلم على شنو !!
شعر نجلا فتحي

و لون شعرها الزيتي

لما انا اوصل لي مرحله اني اخلي الفيلم و اركز في لبس و شعر

تدرين شنو معناته
اني انا مو انااااااااااااا


:\


كراتيفيا
لوووووووووووول

ماراح اهييييييييييع

ما راح اهيييييع ابدا



دايفر للمرا الاخيره
لا تشيييييييييييييش الناس علي
لوووووووووول

PearL said...

عيل حالتج حدها كسيفة

:S

انا صارت فيني
كل ما اطالع فيلم تايتنك ابجي عشان البطل يموت وجذي
الا اخر مرة بجيت لان العيوز قطت العقد بالمحيط :(((((((

انا مشكلتي ماذكر اسامي الافلام

بس وايد احب افلام نجلاء فتحي مع هالجيكر

تعور القلب وتقهر

3ateeja said...

مادري ليش كل ما اقرى بوستج احس ان ماعندي احساس


لماذا يا ترى .. ترى انا انثى بعد

sologa-bologa said...

مسج الساعة
3.15
الفير

؟؟

ما أحب المسجات اللي عقب الساعة
12

لأني أكون نايم
شغل شياب
:))

What Will Be , Will Be .. said...

لوير.. ؟

جنه ميتيرج مفتر حده ؟؟؟



الله يعينج

NewMe said...

لا ما اعرف اغاني محمد عبده
ابدا مو هواياتي
احيان في حالات تستفز الكتابة
انا اقول ننطر ونشوف
بدك اتطولي بالك
حبيبتي انتي