Sunday, May 20, 2007

تدري وجودك راحه

من يقول ان ماكو صداقه بين رجل و امرأه
مرات تكون الصداقه هي التقاء عقول
وجووووووده بحياتي يسببلي سعاده
اذا فيني شي يحس
و يسمع
و السمع شي مهم جدا عندي خصوصا لما استن في السوالف و ابلع نص الحجي
يكون فاهم كل الي بقوله
ما ينتقدني على ادنات الدون و لا يجرح مشاعري
ينصحني
و سبب راحه لي
في ناس بحياتي ما استغنى عنهم
ثقتي فيهم مالها حدود
متى نحس ان هذا الصديق فعلا شي مهم بحياتنا
لما اول مشكله تواجهني اروح له
و لما يحتوي آلامي
لما ما استحي منه و اقدر اقوله اي شي
لما اسولف و انا مرتاحه من غير ما احسب حساب شنو يمكن يقول عندي
صديقي وجودك بحياتي راحه
انت من اكثر الناس المريحه لي بحياتي
صديقي انت خوش ريال
لو ما انك بس تقعد ساعه تسولف بالانجليزي و ما تدري اني مضيعه و ما ادري شتقول
صديقي انت روعه لو ما انك هابلي هاليومين في كتب الفلسفه
صديقي بطل سااالفه ( الاحصائيات و المعدلات و النسب ) الي ذابحتني
اسمعني و اسمع صراخي
دايما
الله لا يحرمني
و الله يصبر قلبك علي
الصداقه من الاشياء المهمه
وجود رجل اكبر مني بسنين
فاهم الدنيا صح
و فاهمني
ما يبي مني شي
يبيني اكون اسعد انسانه
يخاف علي من تهوري
يخاف علي من مغامراتي
و دايما يقولي
ترا انا موجود
صديقي
وجودك راحه
ملاحظه :
حتى البوست الي كتبته في حقك معفوس
و لا فيه ترابط
مثل افكاري المطشره دايما
الي ما يعرف احد يلملمها غيرك

12 comments:

Purplecious said...

ذكرتيني بقصيدة سعاد الصباح
كن صديقي

الصديق نعمة الله لا يرحمج و لا يحرمنا منها

أصدقائي ما قصروا بس أنا أحس اني مقصرة معاهم

أصدقائي الأعزاء
باختصار

حياتي من غيركم سلطة

:)

lawyer said...

بربل
ههههههههههههههههههههه

مشكوره عمري على الدعوات الحلوه

طبعا حياتي من غيرهم سلطه
تدرين ليش

المزااااااااااااااااج

انا بسكت ماراح اقول شي
;)

PearL said...

الصداقة ما تقتصر على جنس معين

حلو ان الواحد يلقى الصديق اللي معاه ما يحس بأي شي غير عن وجوده مع نفسه

و تصدقين يا لوير
صداقة البنت والريال لما تكون صج صداقة بدون اي شوائب
تكون احسن من الصداقة بين جنس واحد

عن سابق تجربة :)

barrak said...

رغم انه البوست معفوس
والافكار متطشره

عسى الله يتمم وجوده بحياتج
بهنا
وبراحه
وانشاء الله
يحبط جميع مغامراتج

Almas said...

الصديق جدا مهم

أحيانا الواحد عنده أشياء بيقولها .. بس مايحب ويرتاح بقوله إلا لإنسان معين

ثقة وأمان وأحس كأنه نفسي .. نفسي تكلم نفسي

الصديق لابد من وجوده بالحياة وشئ أساس

الله يهنيج بأصدقاء وعسى دوم الله يجمعكم عالخير والمحبة

Cr8ivia said...

Allah iytamim 3alaich wala ya7rimich :D

engineera said...

الله يهنييج واتتم عليج! والصداقه ما تقتصر على جنس معين بالعكس الصداقه السليمه بين الرجال والمره ممكن تكون فيها نوع من الخبره ما تلقينها عند الحريم!

Mohammad Al-Yousifi said...

لا تصغرين عمرج

انا مو اكبر منج بوايد

لوول

MANAF said...

تصدقين لوير

هالبوست كنت اتمنى اكتبه

..

صداقة المرأه بالرجل

وصداقة الرجل بالمرأه

تجانس غريب وجميل بنفس الوقت

فهم محبب للطرفين

نقاش بأمور الحياة

وبعض الأمور الشخصيه

تبادل الآراء والنصايح

تفريغ التعب والألم

وايد اشياء

احب هالنوع من الصداقات

شرط حسن النيّه

:)

Q80-ChillGirl said...

احلى شي بالدنيا الصداقة

و لي يومج افقد ذاك الصديق اللي دش بهدوء و طلع بهدوء

عسى الله لا يفرق اي احد عن اي احد ثاني يعز هالاحد لانه بس اهو هالاحد مو علشان اي سبب ثاني بالدنيا

:>

الله لا يخليكم من بعض

الزين said...

صار لي فترة اقرا لج
ابسط من سوالفج ماكو
خفيفة على الروح والقلب
ساخرة بطريقه تخلين الآخرين يفكرون الف مره
حبيتج لوير
واصلي الكتابه
عشان تلهمين الآخرين
شوفي البلوج مالي لأن رايج يهمني وايد

http://al-zain.blogspot.com/

kira said...

عندك القدره لاصارت العلاقه قويه لهادرجه ماتخلطين بين الحب والصداقه!!؟