Saturday, May 26, 2007

PASSWORD

اعرف بنات وايد عندهم باسوورد ايميل و مسنجر ربعهم
و اعرف زوجات بعد عندهم باسورد رياييلهم
و شي عادي عندي الازواج يعرفون الارقام السريه لحسابات البنوك
بس هل شي طبيعي ان الزوج او الحبييب يطلب من زوجته
باسوورد ايملها
سؤال الى الرجال
تعطي باسوورد ايميلاتك لزوجتك او صاحبتك؟؟
سؤال للحريم
تعطون باسورداتكم لازواجكم او حبيبج ؟؟
جوابي هو
يعتمد على العلاقه
بس لي الحين ما عطيت باسوردي احد !!
خصوصيااااااتي يا ناس
مسج

33 comments:

nEo said...

نصيحة للمتزوجين حديثا

لا تسوي نفسك حبيب زين

و انك انت اللي تثق

و انك تبي تثبت ان ما عندك خرابيط

و تقوم تعطي مرتك باسوردك على انه عربون ثقة

من اكبر الاخطاء

لان بعد باسوورد الايميل راح اتيي اشياء اكبر

بعدين اشفيها اذا سويتلك ايميلين و عطيت مرتك الوهمي و تميت انت على القديم

نصيحة اخو


لحد يعطي مرأة باسورده

و بالمقابل

لا تاخذ

نصيحة افضل


لا تحط انترنت بالبيت

خلك بالديوانية بس


و فك عمرك

:\


مع كامل احترامي للحريم

Cr8ivia said...

neo

ما يحط انترنت بالبيت ليش بالله؟
و اهيه مالها رب؟
و ليش يدش من الدوانيه بس اذا ماعنده خرابيط و تقلقس بالنت؟

و شنو سالفة ايميل وهمي ! من اولها جذب و تخشش !

يقولها خصوصياتي لي و خصوصياتج لج و خلاص

سالفة ايميل و همي و جذوب عمرها ما تفيد اذا الثقه اصلا مو موجوده
و ما يسوي هالسوالف االا راعي خرابيط

لا تعطيه باسوردها و لا يعطيها باسورده خصوصيات خصوصيات
اذا ماكو ثقه ماكو فايده عيل من هالزواج

q8y_saint said...

مرتي عندها كل باسورادتي

سواء الكمبيوتر او الايميل او البنوك

ولكن ليش عندها الباسووردس

مو عشان يكون عربون ثقه مثل ما قال الاخ
nEo
لا الظروف فرضت انه يكون عندها الباسووردس

البنوك الموضوع واضح كانت محتاجه فلوس فخذت الكرت و سحبت او انا ابي اسحب مبلغ و ما اقدر امر البنك مشغول اهي تروح تسحب او عشان تحول بين احساب و حساب

اما الايميل
فمره عشان تشيك على الحجز مال الفندق من الاكسبيديا دخلت و مره ما ادري ليش يعني الظروف اهي الي حمت انها تدخل على الايميل

الخلاصه مثل ما قلت اول شي الموضوع مو عربون ثقه و لكن العشرة و التعامل اليومي مع الزوجه يتطلب في بعض الاحيان انه يكون عندها الباسوردات

Purplecious said...

لوير

وحشتيييييييييني

بالنسبة للموضوع رأيي من رأي كريتيفيا

أنا يالله أعابل بايميلي هالدور ايميل ريلي!! لييييييش؟
شنو راح أستفيد؟
ما واراه الا المشاكل
لام ماكو ريال ما كان عنده خرابييييييييط

.

بنت الشاميه said...

لوير:

نصيحة لكل بنت او زوجه ولكل رجل او زوج.......هذى اشياء خصوصيه جدا جدا جدا....ليش يطلع عليها الريال او الزوجه....مالهم دخل

مهما كانت العلاقه بينهم


الحياة مو تلصص...وكشف اسرار الاخر

يمكن اصلا ماكو اسرار.....هذى خصوصيه


طبعامنو اللى يقدر هالموقف ..؟؟اللى

علاقتهم مبنيه على احترام وتقدير الاخر

لا تاخذونها انه ماكو ثقه ...او كرامه

الموضوع كلش مو جذى.هو مبداء الخصوصيه

اما ارقام السريه للكروت

اكيد ...لا لا لان البعض ما يستاهل



ترى بيوت تهدمت من هالثقة


للعلم .....انا اللى يفتح اللاب توبى.


يلقى كل شيئ.....كل ايميلاتى

على التول بار...مايحتاج باسوورد

وبعدين ارقامى السريه للكي نت

كل عيالي مسيفينها فى موبايلاتهم


هههههههههههه

وعليه مو ريلى....عيالى

لا تنسونهم بالحسبه

Shaima'a Alkandari said...

يعتبر خصوصيه بس اذا كلش كلش اعطيه باسووردي وبشرط يعطيني باسوورده

على طاري هالسالفه يت على بالي سالفة رفيجتي جذي عطت ريلها باسوورد ايميلها وكل شي وقام يدش بايميلها ساعات وعلى ابو انه عادي وثقه واهوه يعني منهم معطيها ايميله وباسوورده وبالاخير اهيه مستانسه انصدمت فيه داش ايميله الثاني وفيه بلاوي واهيه انصدمت منه

يعني ليش من البدايه يرز ويهه ويقول لها عطيني باسووردج وايميلج اذا اهوه مو صادق وياها بالاساس

بس مقيوله كلن يرى الناس بعين طبعه

وما اؤيد انه يعطيها باسوورده مال كرت البنك لان المره لي انعطت ويه بس تقوم تشتري الاكو والماكو


موضوع حلو شكرا وشكرا

Expatriate said...

حلوة : تعطي باسوورد ايميلك حق صاحبتك

عاااشت لووير

Mohammad Al-Yousifi said...

لا أعطيها و لا تعطيني

كل واحد له خصوصيته

فراوله said...

مساالسعاده...الحمدلله على سلامة العوده وانشاءالله ماتقاطعينا بمواضيعج الشيقه جدا جدا

وبصراحه مهما بلغت العلاقه بينى وبين اللى احبه او زوجى لازم بتكون فى خصوصيه وثقه متبادله وهذ اهم شى

:)شكرا على الاستظافه وعلى المواضيع الحلوه

ReLaaaX said...

كوني نساية احتاج اقول او اسيف باسوورداتي



بس المشكله بالايميل اذا سويت فورمات او مسحت الكوكيز :)




فصار باسوورد المنتديات باسوورد معين ومعروف بكل منتدى اشارك فيه حتى اللي كانو غير غيرتهم .. والايميل هم لي طريقة عشان ماانساهم





شسوي ياختج زين ماانسى اسمي




والبنك بيتنا كلهم يعرفونه :)






وبالنسبة لي ماتفرق عندي اقول والا ماقول .. بس على الاقل يكون عندي خبر !




:)

The Simper said...

no password..
no email..
no site..
no blog..
no key..
no ATM number..
no account number..
no other mobiles..
no shino ba3ad? ;)

o salamtkom :D

SHAHAD said...

عن نفسي الحمدلله ما عندي شي أخصه
وحدي كتاب مفتوح جدامه
بس ما وصلت إني أعطيه باسوردي
مادري ماصار شي يستاهل اعطيه باسوردي
الثقة موجوده سواء يعرف باسوردي ولا لأ
وحتى انا واثقه فيه سواء اعرف باسورده ولا لأ
بس اذا صار شي واحتاج باسوردي تحت اي ظرف والله اعطيه وابتسامة على ويهي
بس إنه ياخذ الباسورد لأنه شاك فيني أو لأنه يبي يوثق فيني عناد ماراح أعطي لول

لوير عودة بسؤال حلو بصراحه : )

barrak said...

أملها

What Will Be , Will Be .. said...

اقدر اسوي هالتصرف سخافه وقل عقل


اعرف ناس يسوون هالحركه واكو مسمى ثاني لها .. ثقالة دم وبلاغة شف ..

وكل وحده تسوي هالشي باسم الحب والغرام والثقه المتبادله فوالله اعلم ان اللي طلب منها الباسووردات عشان يجيك عليها .. لييييييييييييييييييش؟؟

بالامثال يقولون اللي على راسه بطحه

بوغازي said...

أهم شي هو شعور كل طرف بالأمان والثقة تجاه الطرف الثاني (وإن تكون هالثقة في محلها)... وهذا الأمر إذا توفر ما راح يكون عند أي واحد منهم مشكلة في إنه يعطي الثاني الباسوورد... وفي نفس الوقت محد منهم راح يستخدم هالباسوورد للتجسس أو التلصص أو (التجيك).. لكن إذا هالشعور مو موجود فأنا أنصحهم (إفلون) هالعلاقة أحسن لهم.. علشان كل واحد فيهم يحتفظ بخصوصياته (ويستمتع) فيها بروحة:)

الزين said...

ما اعتقد بيوم من الأيام اني ممكن اعطي احد الباسوورد مال ايميلي لأي كان
في شي اسمه خصوصية
ومتى ما الإنسان فقد هالشي
فقد طابعه الشخصي
انتي لما تكونين صديقة شخصيتج تختلف عن شخصيتج كزوجه عن شخصيتج كأم عن شخصيتج كأخت
كل علاقه ولها طابعها الخاص
يعني انتي ما تتعاملين مع حبيبج مثلا مثل اختج
ولا صديقتج مثل حبيبج
كل شي وله شي

lawyer said...

neo
ههههههههههههههههه موتني من الضحك تعليييييقك
يماااااا يمااااااا يمااااااااا منك
ابو الدوابيررررر

منت هين
بس تبي الصج انت صريح وواقعي
!!!!!!!!
و الي تقووووووووله ثلاث ارباع الشباب يسوونه
فليششششششششش ننقد الواقع اذا قاعد يصير

ههههههههههه

انا مثلا عندي ايميل رسمي و ايميل عمل و ايميل مسنجر و ايميل صياااااعه مال الهاي فايف مسويه شخصيه بنت عمري 22 و هوووووت و حالتلي حاله

ششششششششششششششفت كل هالبلاوي و هم ماراح اعطي و لا بموووووووه و لا بطيخ





كراتيفيا
اي والله صاجه اشلون زواج او ارتباط من غير ثقه
!!




كويت سانت
انااااااااااا عندي باسوردات اهلي كلهم

و فوقهم وكالات بعد يعني اتصرف بسريه تامه

مافيهاااااا شي في محيط الاسره








بربل
صدقتي ماكووووووووووو ريال ماعنده خرابيط
صااااااااااااااااااااجه

سأأأأأأأأأأأأأأأأأألي انا يوم اغبر يوووووم ما بقت ايميله


(( اعترف اني بايقه ايمله ))

ما عطاني اياااااه من طيبه خاااااطر

ششووووووووووووف

شصصصصصصصصخم


بنات الكويت كلهم مسدحين عند ريله

ههههههههههه يووووومها كان بركاااااان

و عرفت ان الي يتدخل فيما لا يعنيه يلقى مالا يرضيه

تبت

خليني صااااااااده ابرك





بنت الشاميه
قمه الخصووووووووووصيه بعد انا اؤيدج



الله يحفظهم لج
عاااااادي عاااااااادي
انا امي بعد ما بقى الا الساااايق ما عرف رقمها السري





شيماء الكندري حياج الله
وييييييييييييي

غبررررررره
هذا الي ما حسبنا حسااااابه كلش

تدعس في هالايميلات
يااااااااحسرتنا

واااااي خليني سااااكته بس

:\



اكسباااااااا

شخبااااااااااااارك
انت من وييييييييييين طالع
!!
وييييييييييين غاط اشصااااااار عليك

ووووووووووالله ووووووووووالله احبك في الله
يصير اقولك احبك في الله و الا حرام بعد
ذبحتونا يالدينين كلشي حرام

المهم لازم تعرف لوووووير و خرابيطها بعد

اهي اصلا السالفه بدت من صاحب

;)
عااااااااش من قال

Expatriate said...

loool

والله لوية .. توني متوظف صارلي اسبوع .. وظغط لأني اشتغلت في شركة تحت التأسيس .. وقطيت شهادةالهندسة في الزبالة كرمج الله ودخلت استثمار

وبعدين لو تشوفيني بالصج تنصدمين تقولين هذا اللي ذابحنا وصاير دين بالبلوغ .. داق اللحية والشوارب وتلقيني في ممشى المركز العلمي لابس شورت

لكن المبدأ مبدأ يا لوير ..واللي ما ارضاه على اهلي ما ارضاه على نفسي
وعلاقة الريال بالبنت مو تأليف شيبانا او جدودنا في البر في خيامهم في الرياض ، العلاقة منزلة من السماء قبل الف واربعمية سنة عن طريق الوحي
يعني انا وياج وامة محمد كلهم نسترييييييح ونقول
سمعنا واطعنا

طبعا هذا مو اقتباس من خطبة صلاة اليمعة .. لا والله
هذا رأيي الشخص

انا في الشغل عندي مديرة مباشرة اللي اتعامل معاها يوميا .. لكن في حدود الاحترام والشرع
مو شرط يا ما اشتغل بمكان مختلط او اصير سرسري وعندي ستين صاحبة

3ateeja said...

انا لاعندي ريل ولا حبيب ومع هذا يوم كان عندي ما عطيته ولا فكرت اخذ منه لأن لكل منا خصوصيته سواء بأيميل او موبايل او بعمل ... او الخ
اختي اهيه الوحيده اللي تعرف كل باسوورداتي واختي وبيتنا بشكل عام عندنا احترام خصوصيه قوي ولله واختي بحكم علاقتنا القويه يعني ساعات اكون بالشغل و اطلب تدزلي اشياء اتاجمنت من ايميلي و العكس صحيح وسبحان الله اذا مت منو بيقولكم عتيجه ماتت ادعولها بالرحمه اكيد اختي :) عرفتي الغمنده
فقط لا غير
وعلى فكرة في ناس واااااااايد \مسويتلهم ايميلاتهم و نكاتهم وغيره من خصوصياتهم ولله الحمدعمري ما تطفلت على احد فيهم لأنها بالنسبه لي امانه
خلك ويانا
;p

Organic Kuwait said...
This comment has been removed by the author.
Organic Kuwait said...

Actually my close friends and my husband and my sisters and my brother all know the email password le'anna akhaaf ansaah..
laken the people around me are not nosy .. i have the passwords maloot my friends and husband bas i never felt like checking anything ella lamma eygooloonlee mathalan.. I think its safe enna many people know ur password 3ashan etha nesaiteeha mathalan
laken ana kroot el bank mani fahma why wouldnt the wife know the passwords? I have his passwords le’anna I use it its that simple ya3ni laish ma a3rfha? sij ana ma a7feth arqam o ma a7eb a7feth bas haw kroot el bank lazem a7feth-hum balla rayli mo weyay atfashal jedam el nas? Wayed marrat bel soog ohwa barra el ma7al wella raye7 eysallem 3ala nas o ana badfa3 anadeeh ta3aal 7o6 el password?? fa yes i have his passwords duhh.. ohwa 3enda my passwords.. well rayli 3enda tawkeel banki ana mali khelg roo7at el bank haw ba3ad rayli metzawwejtaaaaaa my husband! mo sayeq el taxi eb London faj’a laf o gali 3a6eenee all ur passwords!!?!??!
Regarding before marriage haw ana shako eb his bank cards never asked him wala he never asked me haw shako. haw haw wain ga3deen o wain obooy?!?! Ambaih.
O bel nesba lel email passwords before marriage I had his le’anna kent achayyekla emaila le’anna ma kan 3enda wagt 7ag internet 3ashan ma yetsakkar.. o ba3dain with time ana 3azamta geltla use my email bedaal ma enchayyek athnain bas 6ab3an that didn’t work le’anna gaal I have such a girly email address. Bas now we use the same email for friends o he uses a different email for work and el friends elli mali sheghel feehum, and yes I have the password balla bachayyek 3ala aghrathi min amazon?? Asslan ana achayyek emaila akthar minna marrat eydeg 3lay min el dawam eygooli thakreenee eb my password yabee eydesh hehehe … ohwa 3enda my password? He keeps it eb his mobile 3ashan etha nesait-ha yanqethni .. yeah hes always my savior :")

الصريح said...

لايحوشك

الباسوورد مرررررره وحده


الله

هذي فيها اعدام دهساً بالقبقاب

:)

يا لهوي

مسحي البوست بسرررررررررعه

الفتنه اشدوو من القتل

lawyer said...

كلا مطقوووووووق

والله بشيش مرتك عليك!!!!!

فراوله
نوووووورتي حياج الله
افا عليييييج انشاء الله ما اقاطعكم محضره شي حلو
يموت ضضضضضضحك

بس لاب توووبي مدري اشفيييييه

هاللي قاطه هاليومين


طبعاااااااا

نعم انا اؤؤيد الخصوصيه


ريلاكس
ياااااااااااااا حسره قلبي علييييييج

تووووووووووووووووج صغيره على النسياااااااااان

ياربي اشفييييييييييج

اي انا بعد عندي باسوورد حق كل شي
عساااااااني بمشي و بغير





سمبر
!!!!!!!!

ياااااااااااااااا حسره قلبي

منت هييييييييين

!!!!!

يمااااا
يماااااااا يماااااااا منك
طلعت اقشرررررررررر

مسيجيييييينه هاللي بتنقرد

وعليه عليها

اختربت سيارتها مسيجينه اشلوووووووووون
ما تعطيها مفتاحك

الله لا يبلييييييييناا


لووووول




شهد

حيااااااااج
ايييييييييييييي
اييييييييييييييي
فهمتي قصدي

تصير الساااااااااالفه عناد
هههههههههههه
ههههههههههههه

واي حبيييييييييتج

عيل يا باسوردج يا ماكو ثقه





براااااااااك

لوووووووووووووول
لوووووووووووووول

لووووووووووووووووووول

مت ضضضضضضضحك علييييييييك

ما هقيييييييييييتك

كل هالحب و على باسوورد املها!!











وت ول بي
فطنتييييييييني

شنهوووووووووو
عيل على راسه بطحه
يااااااااااعل راسه البط
و الفضضضضضضضضخ

!!!!!!!!!

لحظه بروووووووح اشوووووف الحين

بفتح وياه الموضوع
اذا شفتي كشتي طايره

عرفي السالفه وصلت طق

و اذا شفتي هدوووومي منثره بكبر البلووووج

عرفي انطردنا!!!


عندج دار زايده؟

lawyer said...

بوغازي

حياك الله اخوووووي
نورت

والله وجهه نظر منطقيه
فعلااااااااا كلامك عين الصوااااب

خليتني اقلب السااالفه بمخي
!!


زوزوتا
فعلاااااااا

كل واحد له خصوصيه
و له حدود
و الاخت غير عن الاخو
غير عن الصديقه





اكسباااااااا

لحظه لححححححححححظه

انطرررررررررر
بسجل المعلومات

مهندس
متخرج
يشتغل في الاستثمار

زقرتي
سنع
ولد حمووووله

في ريعان شبابه
و من هالصوره مبين زوووووووغه


اقوووووووول بنات ما تبووووووون عريس لقطه ؟؟

حساااااااااافه يا اكسبا احبك حب اخووووووي



والله اسم الله ربي يحفظظظظظظظظك
خايفه عليك من العين


اي لا يكووووووووون يصير عندك صااحبه

ترا الحريماردى من بليسسسسس

خلك سسسسسسسنع

الله يحفظك

متى بتعزمني على اول معاش؟؟





عتوووووووجه
ههههههههههههههههه
هههههههههههههههه
اي صاااجه لامت من بقووولكم


بقلبها براسي
!!




ماما اوني
حياااااااج الله و نورتي

اي الازوااااااج شي عادي يكون بينهم هالخصوصيه اذا هم يبووووووون هالشي

انا سألت اخوي و مرته نفس ما قلتي فعلااااا
يقول مرتي كلا داقه تسألني جم هالرقم السري و جم

شي عادي
و متعودين عليه من اهلناااااااا

بس السالفه الي قاعد تصير ان مو ك الناس عندهااااااا عادي


الله يحفظظظظظظظج
و يخليلج ريلج انشاء الله

:)

تعلييييييييقج يوووووووونس





دونت بلاي بووووووووي
ههههههههه
ههههههههههههههههه
هههههههههههههههههه

اي دهسا بالقبقااااااااب

اي اي ختبرد قلبهاااااااا
مافيها شي


اقوووووووووول زوجته مدري صاحبته بسرعه
لحقي طيحي على دواااااااااااابيره

ما تدرين شي يسعسع في المسنجر بالليل برووووووحه

Little Woman said...

انا ماعطيت باسوردي لاي احد للحين
بس اذكر من زمان كنت معلمة خواتي عنه
حاليا مافكر اعطيييييييه لاي احد
حيا قلبي

وحشتيني لوير لا طولين علينا

malak said...
This comment has been removed by the author.
PearL said...

ماعندي مانع ان اعطي زوجي باسوورد كل شي

لان خذا اهم باسوورد
باسوورد قلبي :)

بس اهوه عمره ما طلب مني وانا ما طلبت منه

احب تكون الثقة مبدأ امشي عليه بحياتي مع كل الناس

وماشوف له داعي

نايس بوست

عــــــابره said...

اهلين لوير

من زمااااان ماامريت على المدونه صايره مادري شفيني


سالفه باسورده وباسوردي .. اذا اعطاني باسورده اعطيته

بس ماراح اطلبه منه .. هذي خصوصية

خصوصا انه مسنجري ربعي كله بنات

والا ماكو شي بالايميل كل شي عادي

يعطيج العافيه حبوبه

nEo said...

بعدين نأتي للسؤال الاكبر


قبل الباسوردات



ليش الزواج ؟

lawyer said...

ليتل ومن
حياااااااااان الله
منوووووره بعد روحي :))

صااااااجه

ههههههههههه



ملاااااااااااك
انتي صج ملااااااااك
الله يخليييييييييييكم حق بعض حبيبتي




بيرل
فعلا صصصصصصح
كلامج كل شي مبني على الثقه


الله يديمها عليكم




ماي سولد
اي هااااااااااااااذي الغمنده

كل مسنجري بناااااااات

اشماااااااله راز فيسسسسسسك

مووووووكافي الي عندك باللسته




noe

لوووووووووووووووووووووووول
لوووووووووووووووووووووووووول

هههههههههههههههههههههه
هههههههههههههههههههههههههه


ولعها ولعها

اي شعليلها علي اهني
و خيقولووووووون لوير تروووووووج لدين جديد مافيه زواج
هههههههههههههههه
هههههههههههههههه



مت ضضضضضضضحك
فاهمتك و ربي

Q80-ChillGirl said...
This comment has been removed by the author.
Q80-ChillGirl said...

لوير

اعتقد انه مو طلب طبيعي، و يشوبه الشك و اللقافه، كلاهما مرفوضااااااان عندي

:>

لكن

بهالخصوص عندي قناعتين مهمين! ما اسوي شي اخشه "الا نادرا جدا و يكون شي فعلا مو المفروض احد يعرفه شي خااااااااص فيني، علشان لا اسوي روحي كلش ملاك، بس عموما احب الوضوح" و همن قناعة انك اذا تحبني تثق فيني و العكس صحيح

المفروض كلمتي لها وزن و هم كلمته، و اذا يبي اي شي من ايميلي حياه الله بوجودي بس اني احافظ على خصوصيتي و همن خصوصية الغير اللي اهي اهممممم من خصوصيتي انا لان هالشخص المرسل وثق فيني

يعني ممكن امنعه يشوف اشياء لان هذا شي راجع لي و للمرسل و فيه خصوصية غيري، ميخالف يدري عن حياتي بس اذا الموضوع متعلق بغيري لا! لانه مو من حقي ولا من حقه ننتهك خصوصية من وثق فيني حرام

بس حتى هذا "على الرغم من شرط المحافظه على خصوصية الغير" فيه شرط اهمممممممممممم

يبادلني المثل! و اذا مايبي :> لا انا اشوف ولا اهو يشوف، و ماله داعي انبطل هالباب

لكن تبقى كلمته عندي اهم من اي شي، و انا بالمثل ابي اللي كلمتي عنده لها قدر

بس انا عندي الخصوصية ما تشرخ الحب، و احترمها لي و له

فا ماكو مشاكل جذيه ولا جذيه عادي احس موضوع ممكن الاتفاق عليه من البدايه، بس ما احب الملاقيف و استخف اني اطفررررررررهم، الملقوف يتعب معاي


بس بصراحة اني اعطي احد شي خاص فيني، ما اشوف لها داعي يبي او تبي تطلع على اي شي انا اوافق، و بوجودي ميخالف، مع المحافظة على خصوصية الغير و خصوصيتي


و الله يا ودي افتن على نااااااااااااااااااااااااااااااس

اولهم مطقوق و براااااااك لوول ظحكني رد براك،، اختصرتها بكلمة

Ace said...

أدري أنا كلمة متأخرة شوية علي بس ماقدر ما أعطيك ماي 100 فلس ههههه
:P

أنا أقول المشكلة مو بصاحب الباسوورد، المشكلة باللي يستلم الباسوورد وبلاغة الشف اللي فيه. أساسا لازم مايكون فيه أوبسيشن (obsession) بهالسالفة
يعني اللي بيسأل، مايسأل إلا لسبب مقنع ويكون مرتاح من هالطلب ومايحس إنه قاط ويهه، وكمان اللي بيعطي لازم يعطي بثقة ومايخاف من الكشف عن الباسوورد وغيرها

أتكلم عن تجربة: أنا سينقل بس أعيش مع إختي، والإيميل والبانك أكاونت مالوتها سبق إني ودخلت عليهم لسبب وبعلمها، وبعدها عــــــــــادي وناسية شنو الباسوورد أصلا ألحين. ياحلاة العيشة ليه صارت إيزي جذيه

هي: شيكي إيميلك، أنا طالبة من أمازون على أكاونتك، شوفي الكونفرميشمن وصل؟
أنا: مالي خلق، شيكيه إنتي

يعني إهنيه ثقتي تكون بأنها ماراح تنبش يمين ويسار، بتشوف شغلها وتطلع! مع العلم أنا ماني كتاب مفتوح.. عندي خصوصياتي بالإيميل أكيد، بس مو أنا اللي أخشهم عنها، إهي عارفة لأن السالفة سالفة مبدأ وأنا أثق بالتزامها بمبدأها

وايـــــــــــد أريح وهيلثي بعد! ـ