Wednesday, August 22, 2007

سؤال محيرني؟

هل جزاء الإحسان إلا الإحسان
شنو يعني هل جزاء الاحسان الا الاحسان؟
و متى حسيتوا ان تحتاجون تقولون هالكلمه.... الموقف يعني ؟
ترا بوستي مو ديني ولكن شي في الحياه
وقفني عند هالجمله او الايه

25 comments:

DanDash said...

اممممممم
اهو المفروض يعني يكون جزاء الاحسان إحسان
بس انتي لما تسوين شغلة معينة تسوينها لانج انتي جذي تربيتي على هل الشي فما نتطرين ردة فعل خلاص سويتي الي عليج و الي يرضي ضميرج و رب العالمين
لكن لما تلاقين من هذا او هذه الإنسان-ة صدمة ولا صدمة و طنعة و را طنعة
ما تلاقين نفسج الا انج تكرهين عمرج و تكرهين المجتمع الي انتي عايشة فيه الا بس انا و من بعدي الطوفان و ادوس على الناس عشان اوصل
ما اقول لهم الا مااااااااالت
و احاسب روحي اني مديت لهم ايدي بنية صافية
بس ارد و اتراجع و اقول الي اسويه مو عشان فلان و علان لا انا سويته لرب العالمين ولاني تربيت جذي فاصبر و احتسب الصبر حلو

لوير تحلطمت وايد ادري و انا هل الايام قالية ما ابي اتحلــــــطم ابي اسوي ريجيم عن التحلطم عشان اتخلص من هل العادة و اتهيأ نفسيا للدوام و مقابل زميلاتي في الكفاح
شكرا لج

kila ma6goog said...

وين الموضوع اللي قلتيلي عنه؟

esTeKaNa said...

طبعا اهي آيه في سورة الرحمن
وانتي تدرين طبعا انه سورة الرحمن سميت بعروس القرآان
سبحان الله السورة كلها تعور القلب

نرجع حق سؤالج
انا استخمها كسؤال استنكاري حق الشخص اللي يرد لج احسانج باساءه

استخدمها لما ابي اعبر عن فكره انه القاعده الاحسان جزائه احسان والاستثناء اهو الشخص اللي يرد لج الااحسان بالاساءه
واعتقد اني كاتبتها في بوست قديم عندي
!!
شطاري عليج.:)

MANAF said...

هل جزاء الاحسان الا الاحسان

؟؟



في اغلب الاوقات لمّا نعطي

نتأمل الثناء



ولاحظي انه نتأمل مو نتوقع





اكره فكرة سو خير وقطه بحر





لان اللي يسوي لي خير

احسه دين اتمنى ارده ولو بابتسامه


:)

nena said...

لان ربج سبحانه وتعالى يدري بطبيعة النفس البشرية وهي النكران ...عشان جذي حبيبتي ربج يركز ويأكد على ان جزاء الاحسان اهو الاحسان
وعشان جذي فطوم دايما لبغيتي اتسوين خير احتسبي الاجر من رب العالمين بس ولا اتريين من الناس خير

Shaima'a Alkandari said...

مادرى بس لمن نسوي شي لازم ماننطر شي بالمقابل

يعني الاغلبيه صاروا يبادلون الاحسان بالاساءه والمضره

فاحسن شي انه نسوي اللى يرضينا وماننطر شي من احد

Shaima'a Alkandari said...

مادرى بس لمن نسوي شي لازم ماننطر شي بالمقابل

يعني الاغلبيه صاروا يبادلون الاحسان بالاساءه والمضره

فاحسن شي انه نسوي اللى يرضينا وماننطر شي من احد

الـــذيب said...

هَلْ جَزَاء الْإِحْسَانِ إِلَّا الْإِحْسَانُ
[الرحمن: 60]
الإحسان من الخصال النبل في الإنسان
وهي من صفات الجود
وتعني مقابلة العمل الطيب في العمل الطيب
وتذكر قيمة الانسان في العطاء والبذل
متى أقولها
لما اتذكر فضل وخير كثير من الناس حولي
وطني
أهلي
مجتمعي
أهي في نظري ميزان العطاء

Madee7a said...

أحلى شي كسراتج الخطيرة ... أمبيييييه مرة وحدة قلبتي المذكور ؟؟
بس والله تهبلين وبوستاتج تجنن ... وجرئتج .. عجييييبة ( حظي علي ) نبرت القديم كله ... روعه بس واللي يعافيج كملي بوست الزوغة الطويل :-)

2 u ALL said...

النظريه الكونيه تقول أن الاحسان لايرد ألا بالأحسان ..!! والأيه تؤكد هذا الشئ ..!! أنت لما تفعل الأحسان لاتتوقع الاحسان من الطرف الأخر ..!!ولكن تتوقع على الأقل عدم الأسائه ..!! ولكن الحقيقه عكس ذلك فياما تحسن في حياتك الى الناس ..!! وبالنهايه يردوا لك الأحسان بأسائه ..!! أما الأحسان فهومن صفات الأنسان ..!! ولكن مو أي أنسان ..!! أنما أنسان عالي البنيان والمكان ..!!؟

q8y_saint said...

لا مو شرط
اشوفها فكره انانيه
و تدل على المن

الي يسوي الاحسان المفروض ما ينطر من وراه شي

و دمتم

q8y_saint said...

اضافة

ايه صحيح اهي ايه في القران و محد يعرض القران

بس انا اقصد على المستوى البشري الي ما يصل الي مكانة القران

vancouver said...

ماااادري ?? الدنيا صارت مقلوبة
:(

تزرعها خيار
يطلع كووووووووسة

MANAF said...

تعالي زوريني مسوي لج شي يبجي

:"(

TReSTeN said...

يعني بببساطة

ليما تتصرف مع شخص تصرف زين

وموقف طيب من صووبك

تتوقع منه نفس الشي

مو يسويييلك حركة بايخة

وبس

ونقطة انا علقت على المضووع الي فاات ودي الاقي الرد

ومشكووورة

الباسيه said...

استسمحج لوير بالرد على

tresten
والله ما عرفنالك
عند ريما عندما قالت ريما
ان الكلام الوصخ الي وصلني بالايميل يشتمني
ليش اكتب عن نفسي ورحلتي الخاصه

تقول لريما الاتي

هذيييييييل ناس ما عندهم سالفه
يا ريما
كيفي ابي اكتب الي ابيييه
انت شكوو ...خل نصيحتك حق عمرك

الحين منو الي ما عنده سالفه

مو غيرك يا المتناقض

مش عيب عليك تقول كلام
وصخ للوير
والبنت ما ردت عليك وحقرتك

لااااااا حقها
تستخف دمك
ليش يعني الكلام الوصخ محد يقبله لا لك ولا لريما ولا للوير

يعني انا الي بقوولك

مثل ما قالت ريما
كييييييييفنا اذا ما يعجبكم
روووووووح مدونه اخرى
لا تكون وصي على الناس

يا اخ تريسن
لا تصير عند ريما
غفور رحيم
وعند لوير شديد العقاب
حيااك الله

zajel said...
This comment has been removed by the author.
zajel said...

الإحسان دليل على النبل، الإحسان دليل اعتراف بالفضل، الإحسان دليل عرفان للجميل، الإحسان دليل قيام بالواجب، الإحسان دليل احترام للمنعم، ينبئ عن الصفاء، وينطق بالوفاء، ويترجم عن السخاء؛ بالإحسان يُشترى الحب، ويُخطب الودّ، وتكسب النفوس، ويُهيمن على القلوب، وتستعبد الأفئدة... قال تعالى: {هَلْ جَزَاء الْإِحْسَانِ إِلَّا الْإِحْسَانُ} ... أي ليس من جزاء لإنعامي عليكم بالإيمان والتوحيد إلا الجنة، ويبين تعالى أنه مع المحسنين بتوفيقه وحفظه وتأييده، فقال: {إِنَّ اللّهَ مَعَ الَّذِينَ اتَّقَواْ وَّالَّذِينَ هُم مُّحْسِنُونَ} أي إحسان إلا إحسانه، وأي إنعام إلا إنعامه، وأي كرم إلا كرمه، وأي جود إلا جوده، وأي فضل إلا فضله، وأي لطف إلا لطفه، وأي عطاء إلا عطاؤه، وأي بِرٍّ إلا بره، خلق الإنسان في أحسن تقويم وصوره فأحسن صورته، وامتد إليه إحسانه وهو نطفة في ظلمات ثلاث، وعَمَّه بإحسانه طفلاً، وأنبته نباتًا حسنًا، ورباه بنعمه وأحسن مثواه، وأحسن إليه شابًّا يافعًا وعاقلاً راشدًا، وشيخًا مسنًّا، ووصى الإنسان بوالديه إحسانًا، وأمره الله تعالى بالإحسان مع كل شيء وإلى كل شيء، وفي كل شيء، ورتب عليه عظيم الأجر، وبديع القدر، ووافر الإكرام {وَإِن تَعُدُّواْ نِعْمَتَ اللّهِ لاَ تُحْصُوهَا} ... الله يقابل الإحسان بالإحسان رغم أن البون شاسع، والفرق كبير بين إحسان وإحسان، فماذا تساوي قطرة من إحسان منك مع بحور الفضل وأنهار الإحسان وقنوات العطاء منه جل وعلا، بل وإن إحسانك ما هو إلا من إحسانه إليك ولطفه بك أن هداك لذاك فهو المحسن الغفور الودود.
إلهي إذا ما عشتُ في الأرض محسنًا فليس بفيض من ذكائي ولا فضلي
فأنـت الـذي يسرتـني وهديتني إلى الخير والإحسان يا واسع البذل

TReSTeN said...

لباسيه

اولا احب اقولج شكرا لانج تقرين تعليقاتي ومهتمة فيها واحب اني ارد علييج على الكلام الي ذكرتيه بس عندي نقطة مهمة قبل كل شي

اتوقع اني ما تطرقت لج باي شي

فمن الواجب عليج وانتي تحاجيني تحترمين نفسج اشوي

على الاخص اني ما سويت لج اي شي

فاتوقع الاحترام واجب يا محترمة

وثانيا

برد عليج نقطة نقطة

1- انا قلت عند ريما بخصووص الي يطرش ايميلات يطنز ويتحجى برة الموضوع

اوكي
واتوقع انا ماتطنزت ولاشي لا هني وهناك

2- اتوقع اني قاعد اتحجى بكل بلوق

وفق الاطر العامة الي راسمها صاحب البلوق نفسه

مو حضرتج

وبالنسبة حق سؤال للاخت لوير اتوقع انج رحتي بعيد واايد

انا سالتها بالبوست الي فات

بعد مانزلت هالبوست علشاان جذي كنت ابي تجاوبني

وبالفعل الاخت جاوبت
وماعندها اي مشكلة

المشكلة بنفسج المريضة حبتيين

يعني اكثر توضيحا تعليقي كان عندها متاخر بعد هالبوست

وثالث شي انا ماصرت وصي على احد

لني ماتوقع انينصحة احد او منعت اي احد من اي شي بسويه

ورابع شي

اتوقع اني مازرت بلوقج علشاان مايعجبج مروري عند احد

لا ييت عندج ذيج الساعة قولي روح اي مكان يعجبج

وماتوقع ان مقامي راح يتواضع لي هالدرجة واسمح لي نفسي بهالشي

عموما في مثل يقول القافلة تسير والشسمونه

الباجي عليييج

ههههههههههه

واخيرا احب اشكرج جدا جدا

على ملاحظتج لكلماتي المتواضعة

وانا حاضر لاي توضيح تبينه بس خارج بلوقات الاخرين علشاان مانزعجهم

وايضا تكونين محترمة بعض الشي وانتي تحاجيني

اوكي عزيزتي

ومشكوورة

TReSTeN said...
This comment has been removed by a blog administrator.
lawyer said...

اخواني و خواتي

هل جزاء الاحسان الا الاحسان

بوست وطني و موضوع معور قلبي انشاء الله بنزله هاليومني

لان فعلا شالع قلبي

و اذا رحت عقبه امن الدوله

سولي مثل ما سويتو حق بشاااااار

كيفكم

ابي مثله




دندش

عزيزتي الغاليه

فعلا كلامج

كثير من المرات لما تدمع عيوني
من شقا الناس

اقول فيه رب

يشوفهم ويشوفني

و صدقيني انا اؤمن ان كل انسانه في هالدنيا ابكى انسان او اساء له


ربي له بالمرصاد


انتي الي وايد مشكوره حبيبتي





مطقوق
ياي بالدرب لا تفضحنا





استكانه
حبيبه قلبي
اكيد ادري انها ايه في القران
و لكن لاحترامي للقران و ايات القران الكتاب المنزل

ما حبيت اقول انه بوست ديني و ذلك لاني ما ابي اهين القران في بلوقي

مو تواضع و لكن القران رفيع عندي


راح اقولج الطاري
في البوست الياي


احبج

سامحيني

انتي تدرين ليش اقولج سامحيني

مقصره ادري







مناف
فعلا انتأمل

ياريييييييييت بس

لا ماراح اقول اتوقع

ما ابي أأمل نفسي بشي مو موجود

اتأمل وايد احس من اني اتوقع





نينا

حياج الله اختي منوره

فعلاااااااا نفوس بشريه و متعبه

والله يا نينا محتسبه الاجر
بسسسسسسسس تعبت لي متى؟


ليش انا ادور الاجر على تعبي و الناس ما تفكر في الاجر

ليششششش؟
و الا بس لازم انا الي ادوووووور الاجر؟؟
و غيري يشبع بالاساءه؟






شيمااااء
والله مو ناطره شي من احد

بسسسسسسس على الاقل لا تسئ

ماني احساااان بس هم ما ابي اساءه

الي اطلبه وايد؟





الذيب

الله يخلييييييلك اهلك يا رب
و يحفظهم لك

انت بنعمه كبيره اشكر ربك عليها






مديحه
نورتي بلووووووووقي
مشكووووووووره وايد

اي اي كااااااسره كسسسره قشره

لان حسيت وضعي الحين يعور القلب ويا هالاوضاع في البلد


ششششششششششششكمل في الزوغه

خنلااااااقيه بعدين اقووولج

شبكة الحوار الليبرالي said...

This comment has been removed because it linked to malicious content. Learn more.

الباسيه said...

اخوي ترسن

اشدعوه اشدعوه

اهي مووووووخناق

شكرا على التوضيح
بس انا ما يهمني
الا احنا البنات المدونات والمعلقات

الشباب قاااعدين لنا قعده
يتقصووون على كل كلمه
نكتبها .. يفسرونها غلط
ويسبونا بالايميل او نغزات مو زينه

بس هذا قصدي

مشكور على توضيحك
واي شاب يغلط ما راح نسكت عنه

البنات بيكتبوووون
هم حرااات

lawyer said...

2 يو ال

فعلا الي قلته زبده الكلام الي انا ادور عليه

و حسيت انك فعلا قلت الي بوله وفاهمني

يعني باختصار عدم الاساءه على الاقل






كويتي

الموضوع مو موضوع من
الموضوع قاعده حياتيه

اسس

يعني انت تحسن و غيرك يسيء!

مو عايشين في غابه
الكل يحسن االاسد و الاسد ينطر يسي لهم

فهمت قصدي

انت لما تصير طيب مو عشان تبي من احد شي


ولكن هم تبي تتعايش في مكان طيب








فانكوفر

صاجه هالايام الدنيا مقلوبه

بس مدري لازم احنا ننقلب و الا نرضى بالكوسه؟







مناف

رحت و قريت و ياريت الي حصل ماكان

فحطت يوم الخميس بروحي

سااااااااااااامحك ربي




ترستن

العفو اخوي

انا رديت


مشكور





الباسيه
مشكووووووووووره وايد اختي

و مسموح تطلعين الي بقلبج
بسسسسسسسس لا تراااااا اذا صارت السالفه فيهاااااااااا طق


بسوي نفسي ما اعرفكم

كلي هالطول بعد انطق!!






زاجل
مشكووووووووووووور جدا

هذا الكلام بحطه في بوستي الجاي انشاء الله






ترستن


ترا الاختلاف في الراي شي بسيط و عادي بيت اي بنت و بنت فما بالك بنت و شاب
و الريال عرفوه بحكمته و عقله

انشاء الله توضح حق اختنا هالشي بس بدون تجريح في مشاعرها و لا تطاول عليها

مهما كان نبقا بنات صح
ووبعدين صدقني


مو بس الباسيه
الباسيه ووايد بنات
قالولي ان ترستن يتعمد يسيئ لج في التعليق و الكلام الي يكتبه


بس انا ما حسيت هذا الشي

يمكن ما استوعب

يمكن انا ما حسيت هالشي

بس انا افترض حسن النيه في الكل صدقني يا اخوي

و لا اعتقد ان في احد يبي يشي لمجرد الاساءه

و بدليل اني رديت عليك و انا مستانسه و اضحك في البوست الي فات

و فعلا انا اكن لك كل احترام

و مشكوووووووووور

بس شوي شوي على البنات

lawyer said...

الباسيه

مكشووووره وايد مرا ثانيه و سامحيني اني تأخرت في الرد

مشكوووووره اختي

عين العقل
فعلا السالفه نقاش و حوار ابدا مو هدفها الهواش






و صباحكم عسل

وصلت القهوه