Monday, December 03, 2007

لحظات


لحظات

اتعب من الكبت
اتعب من الضغط
فيني قنبله موقوته قابله للانفجار في اي لحظه
بس ساكته
اتصدد مابي احد يشوف عيوني
فجأه ابوي يطق الباب و يناديني بصوت عالي ((فطووووووم))
افتح مخترعه
يعطيني اغراضي
و ابجي لاني اخترعت
من صوته العالي و نبرته
يقولي اشفيج قلت له خرعتيني
قالي لا بابا بس عشان تسمعيني
يلمني و يقولي بس بابا
اشفيج انتي كلا مخترعه و بس

اتييكم هالحاله
في لحظه حزن
او في لحظه كبت مشاعر
مجرد صوت عالي او خرعه
تفجر كل المشاعر المكبوته؟



لحظات

يوصلني مسج
((يدتي حاشتها جلطه))
لا شعوريا في وسط الطريج اخترع اتدوده مدري شسوي
اشكل عليها تلفونات و مسجات
ياحسرتي ابيه يدتها صار فيها شي
و اقعد اصيح لاني احبها وايد فاهي مثل يدتي
تدق علي رفيجتي
تطمني ان مافيها الا كل خير ولكن الي يبجي مو يدتي
الي يبجي السرير الي يمها مرة كويتيه
عمرها في الستينات هذا حالها من 6 شهور في السرير محد طل عليها و لاحد يدري عنها
عايشه على الممرضات
تتوسل الناس تذوق اكل بيت
رفيجتي قالتلي عنها و انا ما اعرفها
نافورة بجي و دموع
ابيييييييه مسكينه عورت قلبي
حطمتيني
ابيييييييه انا باجر بصير مثلها
و اقعد ابجي على رفيجتي
باجر امي و ابوي يكبرون و يموتون و انا اصير عيوزه بروحي ماعندي خوات و لا عندي احد
مو تقطوووووووني في المستشفى بروحي الله يخليكم لا تخلوني مابي اموت بروحي
و رفيجتي تصيح علي و انا اصييييييييح
قاعد اتيني حاله مو طبيعيه مع الوقت خايفه اموت بروحي
خايفه اعيش بروحي
و رفيجتي تقولي تعوذي من بليسسسسس

ليش قاعده تمر على هاللحظات؟
انا اتوقع بس مناقشتي لموضوع العمر
لاحد يقولي شي عن عمري
رفيجتي سعوديه مولوده وياي في نفس اليوم
17-3-1979
ولكن للاسف اهي تحسب عمرها في الهجري و انا في الميلادي
اقولها بعد جم شهر بنصير 29
تقولي بعد كم شهر بنصير 30
لان الهجري اكبر من الميلادي بسنه
اهي قالت 30!!!!!!!!!
حطمتني
ليش هالعمر مخرعني ليش
ليش يقولون ريعااااان الشباب و انا كارهته
بليز الله يخليكم الي فوق 30
حاشتكم هالحاله ؟؟
لحظات
ما اعرف اتصرف
او لا املك اي رده فعل نتيجه الفعل
وحده في السياره الي يمي قبل لا تركب سيارتها
تطق دريشتي
افتح
تقولي شفتي سياارتي !!
مدعومه
و تتحلطم على راسي تشكيلي ساعه
و انا حاقرتها ادز مسج
المرا تتكلم و انا ما اعرفها و حاقرتها
ما اعرف المرا و اهي تولول على عمرها و سيارتها
و انا مادري عنها
ادز المسج اخلص
احرك سيارتي و امشي
و هذي تكلمني !!!!
خليتها و مشيت عنها و اهي تكلمني ؟؟؟
بعدين استوعبت اشسويت انا في هالبنت!!
هذي حاله لا شعور؟
او تتنيحه
ما ادري !!؟؟
اتييكم حاله تتصرفون تصرف لاشعوري بعدين تقولون ابيه انا اشسويت!

66 comments:

KQ8 said...

ابليس تعوذي من ابليس..وماكو الا العافية لاتفكرين وايد

Cr8ivia said...

الله يشافي جميع المسلمين يارب و يفرج هم كل مهموم

طبعا هالحلات تيني
كثير كثير

بس في النهاية اقول رفعت الاقلام و جفت الصحف

اخرب على عمري ال 30 بمحاتاة الستين ؟
اخرب شبابي لاني راح اتعب في شيخوختي؟
يعني لا استانست بالشباب و لا بالشيخوخه؟
شيظمني اصلا اعيش لي 60؟
بالله مت عمري 35؟
ما تهنيت بولا سن؟

طيب يمكن اتيي ال 60 و بصحتي و عافيتي و ماكو الا كل خير و عافيه
بقضيها اتحسسسسف ليش خربت ال 30 عشان ال 60 و كا ال60 يااات و مافيها شي؟!!

live life today for yesterday is gone and tomorrow may never come

SHAHAD said...

اسم الله عليج شفيج ؟
ترى حالة الحزن حالة طبيعية تحوشنا كلنا
خصوصا إذا كنا متعرضين لضغط في الحياة أو مسؤوليات .. يعني عادي
لا يضيق خلقج حالة وتعدي إن شاء الله
.
.
والله يشافي يدة رفيجتج يارب
ويشافي المريضة اللي يمها
ولج طولة العمر ياارب
لا تفاولين على روحج
إن شاء الله ما تطيحين بمستشفى
وتظلين دايما بين اهلج وصديقاتج واللي يحبونج
الإنسان الطيب والصادق الكل يحاول يكون يمه وما يتخلون عنه
وإنتي طيبة وصادقة :)
.
.
الله يسعدج وبيعد عنج كل أحزان الدينا
والعمر ماشي .. شنو يعني ثلاثين ؟
عيشي حياااتج :))

عَذبة said...

العزيزة فاطمة..

اولا قلبي عورني على المريضة الي بجنب جدة صديقتك
ماطلبت الا اكل بيت..!

احيانا ربي ينعم على ناس بوالدين يكبرون بينهم علشان ينعم عليهم بالاجر
وللاسف بعضنا ماينتبه لكنز الاجر اللي ربي ارسله لهم فتحول الى ذنوب
ياويلهم من الله


متاكدة ان الله ارسلك لها وانت كتبتي عنها..والكثير منا بيتلفتون حواليهم يتطمنون لكل كبير بالسن ولكل طفل محتاج لقلب حنون ويد دافيه تمسح على رؤوسهم


اما بالنسبة للثلاثين
هو بس في مجتمعاتنا امر مخيف
مع انه سن الانجازات..
وهو سن اكتمال شخصيتك ونضوج خبراتك..
هو سن تعرفين فيه نقاط ضعفك
واسرار جمالك..

عمر ابتعدتي فيه عن سذاجةالبنات الصغار..
وصرتي اكثر شبابا وحيوية و جمال.. من الحريم. الكبار....


..
وعندك الى 35 فترة انتي فيها بالقمة...بعدها يبدأ الخضوع للجاذبية الارضية
P:
مع ان اوبرا وينفري تقول الحياة تبدا بعد الخمسين..
بس يمكن لما نكون مثلها... نقدر نقول نفس الكلام..

..
فطوم ربي يسعدك كما تسعدني كتاباتك.. وتلتقين بالقلب..
اللي يستحقك وتتمنينه..وترتاح لحظاتك..


..
اختياراتك بالاغاني دائما مميزة و تضرب على الوتر..

..كوني بخير ياقلب المدونات كلهم

فتى الجبل said...

لا تخشين شي بقلبج
وان شاء ترتاحين

7osen said...

عمر الثلاثين حلو
تحسين إنج ناضجه

مافيه شي يخرع ألا الأفكر الغريبة

شنو يعني ثلاثين ولا أربعين هذا العمر ولازم تعيشينه

وإن شاءالله الناس اللى تحبج يمج ومعاج وحواليج محد بيخليج كافي إن كل البلوقرز يحبونج

إنتي بس أشري والكل راح يكون معاج

:)

وترى الدموع أحيانا تريح

أبجي مافي أحلى من الدموع تريح الواحد

حلم جميل بوطن أفضل said...

في المستشفيات بلاوي. زيارة للجناح السادس في المستشفى الصدري و سترين أمور تدمي القلب. الله يشفي أمراض المسلمين جميعاً

31 وايد و لا شوي؟

على نفسها جنت براقش said...

امس من زود ضيقت خلقى تالى الليل قاعدة اشوف
loin king
و بكيت بكى لما سمبا كان واقف يم ابوه وهو ميت
انوح

واليوم عندى موعد طبيب و كل ما شفت احد يدزونه ابكى
لا و بالسياره صخه و ماكو موسيقى و اشوف سور الكويت و انا بدوار شيراتون و ابكى
يعنى بكى ببكى

اعرف حالتك
انا يوم ميلادى الثلاثين كانت حرارتى قريب الاربعين و انا من عادتى يوم ميلادى اتعشى برة مع اعزصديقه عقب ما اروح اشترى حق نفسى هديه
و ذاك اليوم قلت لو تنطبق السما على الارض ما راحاذكر يوم ميلادى الثلاثين و انا بالفراش
ترى الوضع عادى
بس الرقم يخرع
:)

Mother Courage said...

آنا وحدة أحس لما يصير عمري 30 بكون انسانة وصلت لمرحلة من النضوج اللي تخليني أعرف بالضبط شنو أبي


can't wait

magnoonah said...

اخيــــــــــــــه

على قلبج
انتي شنو تنقلين العدوى عبر الاثير

تعالي شوفي الي انا اشوفه والله يالوير مناظر تبجي الصخر وتدمي القلب

الحمدلله على كل حال
تعرفين ليش لني من معاشر هالناس ومن هالمناظر ما اخاف الموت ولا يهمني وهالشي من الله عشان ما اخاف من الي امر فيه بالعكس عطاني قوه عشان اقول انا احسن من غيري

اي طالعيهم وطالعي نفسج بس فكري بايجابيه
عسى ربي يعطيج طولت العمر والعافيه
:)

وعيشي كل يوم بيومه وكل لحظه بلحظه ترى العمر يمشي بالكل مو بس فيج يعني كلنا بنكبر معاج ونظل مع بعض

لا تحاتين ولا تخترعين ابتسمي بس هالمره من قلبج وريحيه بسه تعب معاج وايد


؛**

Tekana said...

اول شي اسم الله عليج من التخرع..وبعدين لاتخافين من المستقبل لانه بيد لله..وبعدين ليش تخافين من الثلاثين, يقولون المرأه بسن الثلاثين :)

f7ee7eely said...

I think you are experiencing a premature case of a mid-age crisis

Selezya said...

سمالله عليج شفيج @@

انشالله فتره تمر وتعدي

تعوذي من الشيطان

الدنيا حلوه ترا

joy said...

يحووووشني وايد مثل هالشي

Um El-Zain said...

very depresing....7aba foog o 7aba ta7t;P

|:| DUBAI |:| said...

روحي ضايقة .. من قريت الفقرة الثانية يتلي بكوة على قولتكم : (

Shaima'a Alkandari said...

مرات تتصرفين تصرف تندمين عليه بعدين
بس مهما كبرتي بتمين نتى مثل ماانتي اللهم جم شغله تتغير فيج وبس
ولي فكرتي كل شوي انا كبرت وكبرت بتعيزين بسرعه عيشي يومج وحياتج بحلوها ومرها ولاتخترعين بسرعه موزين

Fahad Al Askr said...

الحين منو طلع اللي داعمها؟

bo9ali7 said...

العمر مجرد رقم دام ان القلب خضر

لا تحاتين دام راسي يشم الهوا
:P

سدرة العشـــاق said...

اسم الله عليج الرحمن الرحيم

إبليس أعوذ بالله منه و من أهله

ذكري الله و دايماً قولي هالآية بعد الصلاة و ردديها دايما:

" رب لا تذرني فرداً و أنت خير الوارثين "

صدق الله العظيم

:)

حبيبتي ... عورتي قلبي

shakshaka said...

lawyerrr;*

akhaf agoolich teth7ekeeeeeen LOL entay 3al aqal ekhtara3tay mn sarkhat oboooch ana tkhayelay khalty esmela 3laiha lama eta3alach e6ag6eg bel3elch wo ana amoot atnarfaz atnarfaz lama abcheee LOOOL wo ohwa marrat mn 9oot el3ilch bes akoon menqamta mn wayd ashya abe a6ale3ha eb ay shay .. jaaaabalt khaltee chan abchee khalty bge6ay 3elcheeeeeech magdaaaar etgoli haw eshfeech eshfeech esmela 3la 3agleech LOL i mean 9ej enarfez el9ot bes mo lai darajat el mana7a ele sawait;haa LOOL!

نون النساء said...

أحيانا يا لوير التظاهر بالقوة يكون متعب جداً .. مافيها شي اذا مرينا بلحظات ضعف وبجينا وطلعنا اللي بقلوبنا.. اذا ماطلع نمرض ..



30
ههههههه ناطرته

صارلي زماااااااااااان اتريااه
يا ويله مني بس :P


كنت بقولج يلا عااد قومي
واستمتعي بالجو الحلو يوم قريت بوستج امس
بس اليوم غبار
طلعت حدي قبسة :/


:****************
كلهم حقج

الاء سعود المجيبل said...

ودي اوصل سن الثلاثين لاسباب خاصه فيني ودي احس في هالشعور...:)

====

وحده معاي بالدوام السنه اللي طافت يوم اوصلت ال30 قلت لها شنو شعورج؟؟؟ تقولي قمت ابجي .....اممممم


ليش الخوف؟؟؟


تعوذي من ابليس وترى كلنا نمر في هاللحظات...:)

صبا said...

سلامتج من الخرعة
انا قبل ما اخترع من اي صوت حتى لوكان مزعج او عالي
بس الحين قمت اخاف مثلج
وهذي نتيجة تراكمات ترسبت فينا
او موقف .....

إيكاروس said...

أول شي الله يشافي أمج العودة إن شاء الله و يرزقج ولد الحلال إلي يهنيك

على الرغم من قناعتي بأن حياة العزوبية في كثير من الأحيان أفضل بكثير من الزواج ..و شوفي من حولك و حواليك المتزوجين!!

القلق و الحزن شي طبيعي ..يوم حلو ..و يوم مر..

إلي يقرا مدونتك..يحس إنك أفضل و أسعد بكثير من غيرك.. طلعات و روحات و سفرات و صداقات متعددة و مواقف مضحكة

فكري باللحظات السعيدة..و انسي الهموم
و تأكدي إنه إلي قلبه أبيض ..ما يموت وحيد

على فكرة : ترى العمر إلي يدخل فيه أهل الجنة الجنة ..عسى الله يجمعنا كلنا فيها..هو عمر 33

(:

3ateeja said...

مبطي عنج فطوووووووم من غيرت هالغبر وانا مادري وين الله قاطني

لمراد

يصير فيج انج تردين البيت علشان فيلم (وانتي من الاساس مو ذاك الزود مع الافلام) وتندمجين معاه وتنفعلين ويحطون دعايه
تفرين المحطه
واتتابعين شي ما يسوى
وليما يخلص الشي اللي ما يسوى تردين علىالفيلم وتقولين مو جني شايفه هالفيلم من قبل !!!!!!!!!!
حاله تكررت معاي بالآونه الاخيره
.................
وتصدقني مره تعتبت من الكبت وودي ابجي
ودي ابجي
وبعرس خالي قعدت ابجي بجي جنى مضيعه بنتي ...جنى ميتلي احد
الناس كلها سكتت والاخت تبجي
يا بنت الناس
يا بنت الحلال
ماكو ..وراسي قام يعورني من البجي ورديت البيت
ودشيت البالتوك
ويريت صديق احبه وايد هناك
بطلت المايك وقعدت ابجي
الله يهداج
يا بنت الاوادم
بلشته معاي مسكين
ههههههههههههه والله حسيت اني خبله
........................
بالنسبه حق المره اللي محد يمها
خليني افيدج شوي
ليش ما رحتوا لها
وقعدتوا معاها
ودعيتوا لها دعاء المريض
عشان باجر الناس اتصخرلج -اذا بتظلين على نفس الفكره - وفي ناس ما اييهم ولا ضنى والناس داير مدارهم وفي ناس بدال الضنى عندهم عشره وحزة الصجيه يا كثرهم ويا قل بركتهم ...ويقول الرسول عليه الصلاة والسلام من اراد ان يطيل الله في عمره وينسأل في اثره فليصل رحمه :)
وبالنسبة للعمر
الصحيح الحسابه في الهجري مو العربي
لأن الله سبحانه وتعالى يقول :(ان عدة الشهور عند الله اثنى عشرة شهرا في اربعة حرم ) اي الاشهر الهجرية وكل خمستعش سنة ميلادية تزيدينها نص ويصير عمرج بالهجري
وبالنسبة للسؤال

بليز الله يخليكم الي فوق 30
حاشتكم هالحاله ؟؟

طبعا لأ لأني ماوصلت هالعمر ;qqqqqq

3ateeja said...

الهجري مو العربي
اقصد الهجري مو الميلادي
زين مني بعد
:)

S-Q8 said...

allah y3enech!
o salamat o inshallah mako ela el 3afyah
o madry laish mekhtar3ah..kil 3omer lah 6a3ma o 7alatah..
malech sheghel eb ta9nefat el mojtama3 ele tred el wa7ed le wara o t'hed ma3naweyatah
you are who you are.. doesn't matter your age;)

darkness said...

الحمد لله على كل حال

لوير شنو بيدج ما سويتيه

مالج ذنب

لا تحملين نفسج اكبر من طاقتها


لنفسج عليج حق

ودي اقول لج ان الثلاثين شي عادي


بس لما قريت بوستج تذكرت ان انا ما بقى لي الا جم سنه على الثلاثين

و ما انكر خفت و انخنقت و بجيت

خفت اني بظل وحيده

انخنقت من الوضع السائد


و بجيت لاني كسرت خاطر عمري


بس اللي اقدر اقوله شي واحد


انه مو انت بروحج


وايد مثلج


لا تخافين

Almas said...

قووووووووة

شلونج لوير عساج طيبة

بصراحة موضوعج واقعي وحساس

آنا وايد يمر علي هالشعور وكوني في محل مسؤولية علي إني ما أظهر لحظات التعب والضعف .. لكن في حقيقة شعوري الداخلي أكون في حالة من التعب القاسي

حتى من كثر ما عودت نفسي على هالوضع قمت ألاحظ نفسي تنزل دموعي بعلو ضحكاتي، لأني تعودت وعودت إلي حوالي بإني أظهر دائما بالقوة وثمنها جدا غالي

في الواقع هذا صراع كبير وياخذ من النفس أكثر مما يعطي

ف عيشي حياتج لحظة بلحظة واستمتعي فيها ولا تكبتين شعورج عبري واستانسي بكل لحظات حياتج لأن كل لحظة فيها ملك لج ومافي شي أحب عالإنسان إلا أن يكون سعيد في حياته

كوني سعيييييييييدة

MANAF said...

فاطمه شفيج اسمالله عليج

تبين اييب لج ماي انا قاري عليه

:)

ترى وحده بوحده

_______________

اذا اللي قاعده تسوينه فيه راحه لج فما عليه

بس رجعي ولهنا على بوستاتج وكومنتاتج

بنت الشاميه said...

وينج لوير طولت الغيبه علينا

عسي المانع خير....؟؟؟

سدرة العشـــاق said...

من طول الغيبات ياب الغنايم ... و راضين بغنيمتنا اللي اهي انتي ... بس وينج ؟ عسى ما شر ؟

اجار الدين كشمش said...

طالت الغيبه يا لوير

اذا اكو شيئ ضروري ..ارجع من

سفرة راس السنه.. لو اني دافع

فاوجر الاوتيلات مقدم..بس حق الفزعه ..ما نقصر

فمالله

عثماني said...

ماكو الا العافية اخيتي لوير

هونيها و تهون ان شاء الله

:)

Fai$aL *_^ said...

قد تكون وسوسة من الشيطان او قد تكون فكرة نمت براسج وخليتيها تكبر

ترااحنا وتوقعنا بنفسنا

يعني قولي لي شنو تشوفين نفسج بعد عشر سنين

راح يكون مقارب للي تتوقعينه

لانه الانسان سبحان الله يوم يقول انه راح يصيرله كذا وكذا مثلا لو تفائل او فاول

راح يصير

شي غريب

بس كل الي اقدر اقوله لج انج تفائلي تفائلي تفائلي من داخل ومن بره ومن قلبج وبروحج وكوني متفائله بحكمة الله وانه يريد لج الخير سواء عمرج 1 ولا 100

والله يكون في العون ويجعلج بصحه وعافيه ومرتاحه وتعيشين بسكينه وطمئنينه:)

الزين said...

انتى وينج

اسافر اسبوع ارجع الاقيج مختفية

ويييييييينج؟؟؟؟؟

Anonymous said...

يقولج...
إتق شر الحليم إذا غضب

Anonymous said...

يقولج...
إتق شر الحليم إذا غضب

Brave Heart said...

السلام عليكم ورحمة الله وبركاته
بمناسبةغيد الاضحى المبارك
نسال الله العلى العظيم ان يعيده علينا وعليكم بالخير واليمن والبركات
وكل عام وانتم بخير

Purplecious said...


عيـــدك مبارك
و كل عام و أنتي بخير

Selezya said...

كل عام وانتي بخير
وعيدج مبارك

7osen said...

كل عام وانتي بخير

وعيدج مبارك

:)

اجار الدين كشمش said...

eeeeeeeeedej mo baaarak

achar

الزين said...

عيدج مبارك يا حشاشة يوفي

:**********

وينعاد عليج بالعفو والعافية

Brilliant said...

كل عام و أنتم بخير
و تقبل الله منا و منكم
:)

NewMe said...

أيتها الحبيبة
إشتقت لك
لتعليق بمجرد ما أن اقرأ مرسلته
ابتسم لا شعوريا
ليوم جميل مشرق يبدأ بعد تعليقك
في منتصف هذا الشهر
دخلت الثلاثين
ورأيتني وحيدة
للحظات فقط خفت
انكمشت
وسألت نفسي ماذا بعد
مرت ساعة واثنتان
ومر يوم
ولم يحصل شيء لم يتغير شيء
هي حياتي كما هي
جميلة بما تخبئه الأيام
ولا أزال استمتع بها وهذا هو المهم
أتعلمين
في عيدي
قرأت هذه العبارة
"كن جميلا ترى الوجود جميل"
على قلادة
صيغت من عملة قديمة تغير الزمن عليها
ولا تزال جميلة
وأنت جميلة
وحتما الوجود بك يصبح جميلا
دومي بحب
تحياتي

magnoonah said...

طق طق

يا اهل المدونه

هل من مجيب

حجيه فطوووم
وينج؟؟؟
طالت الغيبه؟؟
مطوله؟؟



فاقدينج من غير شر

Selezya said...

كل عام وانتي بخير :)

Doctor said...

كل عام وانت بخير

Doctor said...

عمر الثلاثين اعتقد انه سن النضوج وصدقيني راح اتحسين باختلاف وايد عن قبل وهذا مجرد رقم لا أكثر ولا أقل
بالنسبة الى المراة العيوز اللي يم يدة رفيجتج ياريت تذكرين لي اسم المستشفي والجناح والغرفة ابصراحة ودي ازورها واسلم عليها ماأدري ليش تذكرت يدتي الله يرحمها ويمكن الله سخرج لها علشان يخفف عنها وحدتها
تحياتي لج

strawberry said...

thekray rabch elly allah katba be9er la t7aten ra7 tt3ben akthar men halshay

Najmah said...

عسى ماشر هالغيبة
فاقدينج يالوير
لج وحشة والله

q8y_saint said...

من زمان مو معلق ولا مار مدونتج
ولكن يؤسفني اني امر اليوم علشان ابلغكم
ان مدونة الزميل فهد العسكر تم اختراقها
والمخترقون يحاولون جمع ايميلات الزملاء المدونين
ولهذا فقد اقتضى التنويه

Kwaitiyya said...

صارلج فترة طويله ! عسى المانع خير؟

`~MnO YeNSa! ~` said...

عسى ماشر هالغيبة

بنت الشاميه said...

لووووووووووووووووويررررررررررررررر
وياااااااااااااااااااااااااااااانج
ولهنااااااااااااااااااااااااااا عليج
بس لو تطمنيناااااااااااا عنج
ان شاء الله ماكو الا العافيه

tasty_as_berry said...

السلام عليكم

شلونج وشخبارج ؟

حالة الكآبة هاذي تحوشني وايد .. اللي تبين تحاولين تطلعين منها حتى لو الموسيقى حواليج حتى لو الناس تضحك إذا انتي بالج مو معاج تحسين بالسرحان وكأنه ماكو أصوات ...

وإذا أحد سألج شفيج وإلا مسح على ظهرج .. بتطقينها مناحة ..

او مرات من كثر ما انتي متضايقة تمشين بالشارع أحد يضايقج تبجين ...
أحد يتحرش فيج .. انت شتبي وخررر ... اووااااه تبجين يخترع ويمشي ..خخخخ

الله كريم يمعوده ويعد الضيقة عنا

أما عمر ال 30 آنا كل ما اتذكر بقالي 4 سنين واصير 30 ..

أقول آنا جذي ومستخفة شلون بعد 4 سنين .. مخي وايد فيه معلومات وضيم ..

الله يستر :)

بس هم حلو تفهمين نفسج اكثر وتنضجين أكثر :)

يعطيج العافية

Anonymous said...

لوير إشلونج حبيبتي , خلي إيمانج بالله قوي وأنا خابرتج قوية وطموحة , حبيت أسلم عليج وصج لج وحشة إنشالله تكونين بخير وHAPPY NEW YEAR

اجار الدين كشمش said...

اذا نسينا الحمد شنصلي فيه

هبي نيو ييييييييييير

انا قايلج وعندي ايمان تاااام انج سبعه وقاااادره

على الاوبست يعني القلق

اي كان نوعه

يالله قومي وسمي برحمن ودق دقي
على ربعج موبايلات قبل لا يسكرونها..... الي عندهم حفله ادري...وعليه
عليهم اشعندهم غير العشا
هم ميخالف اليمعه تونس
قومي قومي بس ..تنشطي وبدلي
توه الليل ما بدى
فمالله
بسج عسااااره

على نفسها جنت براقش said...

حبوبه
عسى السنه تكون خير و سعادة عليك

:)

Fahad Al Askr said...

إنتي وين

مرت سنة، واغتالوا بنيظر بوتو ومات رئيس مجلس الأمة اليميني، وانضربت مدونتي ورديت حطيت وحدة بدالها

كل هذا وإنتي مو معانا

وين هايته؟

`~MnO YeNSa! ~` said...

كل عام و انت بخير

وينج ؟

vancouver said...

حبيبتي لوير

قريت بوستج جم مرة
وقفت عند عبارات حسيت فيها حيل
وتذكرت بالضبط اني حسيت فيها من قبل


بس
الحياة تمشيييييييييييييييي

والحال يتبدل



والشعور التعيس
له وقت
ويخلص
ويحل محلة شعوووور حلو ومريح

هذي حال الدنيا

كل عام وانتي بخير وصحة وسلاااااامة



ولهت عليييييييج وايد

وشكلي عاديتج

.
.
.
اضهر وبان عليك الامان
هههههههههه

يالله عطيناج الامان


طلي
علينا

lawyer said...

ابييييييييه 64 كومنت
اشلووووووون اشكركم!!

اشلووووووون حتى ارد عليكم

سامحوني اذا شغلتكم علي
بس صج انا صارلي ظرف و لهيت
و حسيت ان البلوق كان ضغط علي

مشكوريييييييين وايد على سؤالكم
مشكوريييييييين على ايميلاتكم
الي تحرجني

مشكوووووووورين على كل شي
كل شي والله

احبكم

وااااااااااايد اشلون برد عليكم
اشلون اوفيكم حقكم!!

كلكم كلكم مشكووووورين
انا الحين بالف خير

:********

أحاول أخفي إحساسي و لكن بالعشق مفضوح said...

فطومه مره حبيتك ومن سنه او اكثر و انا اتابع مدونتك
وربي بس كلامك يوسع الصدر
انا كل ما كثرت علي الضغوط دخلت مدونتك و احوس بعدها اشوف الدنيا ملونه مثل قوز قزح
ربي يسعدك بكل لحظه