Thursday, January 03, 2008

عين احضنتني و اشهقت

اتقلب طول الليل بفراشي باقي 3 ساعات على موعد وصول السياره
افكر للمرا المليون شنو البس بعد ما غيرت رايي الف مرا ..بس لاعت جبدي من النطره ليش اكو شي اسمه انتظار؟؟

اقوم اخذ شاور للمرا الالف افرش اسناني و اطالعها بالمنظره
البدي شاور الي يحبه و البودر و الديودرانت تفاصيل صغيره بس تضيع وقتي و تخلي هالساعه تمشي
ربكه ترتيبي و تبديلي يزعج رفيجتي الي وياي في الغرفه

تتقلب رفيجتي بتأفف و تغطي ويهها
اطالع الساعه توها الساعه 7
احد يتبخر الساعه 7 الصبح في هالظلمه بالسفر؟

اتبخر و انزل بهدوء
الكوت و الشال و الكاب بيدي

انزل تحت اتريق و اشرب قهوتي
و انا في البوفيه جبدي تلوع
بطني يعورني
خرعه اللقاء؟
و الا الخوف او المحاتات
مدري
اكتفي باكل فروت سلاط و قهوه

و انا في اللوبي انطر
اييني السايق
ياخذني بسرعه و يقولي يالله بسرعه برا مطر و و رش الاور
و باقي على الطياره ساعه و شوي و الطريج يمكن ياخذ اكثر للمطار

اركض و انا اعاتبه ليش تأخر علي؟
يايني قبل الموعد بربع ساعه مسكين ما تأخر
بس انا اسابق الزمن عشان شوفته

الطريج واقف
زحمه
انا مرتبكه و اربكت السايق وياي
حسيت انه مسكنا الخط السريع
الحين بديت ارتاح

قلبي يرقع
الراديو مزعج جدا
اقوله يطفي الراديو

احط راسي على الكشن و ارتاح
اخذ نفس عميق
اجيك على شعري
شكلي
صبغي
اخذ المنظره
اشوف الميك اب
و الاكسسوارات
و كل شي كامل
نوصل المطار
ندخل الباركينج
و كأني ادل هذا المطار
انحااااااش من السايق اسرع
و اتوهق في نص الطريج اني ما ادري وين بروح؟
فاضطر اني انطره

اوقف عند الجيت
الطياره ما وصلت
اروح كوستا
اقعد في القهوه هناك

انطر
ادزله مسج : اول ما تطلع من الطياره دزلي مسج بليز؟؟

يعلن استعلام المطار بوصول الرحله القادمه من مطار نيويورك
و قلبي يرقع
احس روحي بتطلع من مكانها
بس مافيني اكثر
كل مامني يرتعش
يرجف
الموبايل ما اقدر امسكه
اقط اغراضي على السواق
و اهو ماسك اليافطه الي فيها اسمه
اطالعه
اقوله : اي نووووو هيم

ما دزلي مسج!!ليش وينه
افتر
اطالعه
ماكو شي
البوابه تفتح
الناس تطلع
و اهو وينه؟
اتعبث في موبايلي
ادزله مسج: بليييييز دزلي مسج او كول مي
وينك انت وصلت بالمطار
و انا اكتب المسج
الاقيه واقف جدامي
اخترع اطمر
اخذ نفس
عيني بعينه
و ابتساامه تعني الي وصلت اخيرا

اتنح؟!
بس ليش طول عمري حاطه في بالي اذا شفته بلمه حيل
ليش ما لميته
ليش الكون وقف عند عيونه
ليش عيوني تغالطني و تدمع الحين.؟
ليش ارجف
و ابتسامتي تزيد

يقولها لي :شلونج
و من سمعت صوته عرفت شنو يعني انه وصل
لميته حيييييييييييل وقته
و قلت له زينه
زينه
بديت استوعب
وحضني جدام الناس كلها
شالني وحطني على قلبه
الي اذكره اني ساسرته
و قلت له :ولهت عليك
هو: حبيييييييبتي
ياخذ السايق الجناط و يمشي جدامنا
الود ودي يشيلني
او اتعلق فيه
و لكن اكتفيت بلمه على الجنب
اكتفيت بايدي في ايده

ركبنا السياره
لا شعوريا قطيت روحي عليه
و لا تكلمت
يسألني و يكلمني وانا مثل البنت الدلوعه الي مو راضيه تتكلم
و لا تبي توخر
و لا تبي تشيل راسها من عليه
اسأله : اشلون رحلتك
نمت
وسرحت و انا في حضنه
هل اهو صج الحين وياي؟
و اخيرا صار وياي
صج يا اليوم الي شفته و اخيرا
هل انت انت حبيبي
ارفع نفسي منه
و اشوف ويها
يبتسم
و اركز نظري فيه
ابوسه
و ارد اقط روحي عليه

نوصل الاوتيل
داز لهم اهو ايميل قايلهم ايرلي جيك ان بس ما عطونا الغرفه
انا: تعال امش غرفتي
خلنا نرتاح فيها بقا ساعه على موعد غرفتك...
اسأله : تحتاج جنطتك؟
هو : لأ خليها مرا وحده بس باخذ الهاند باااااج

نركب فوق
ندخل الغرفه
يتسكر الباب
ويشيلني بلمه تعوضني وله الايام الي فاتت

افتح الثلاجه اطلع له ماي بارد
يدش الحمام
افتح التيفي
و افتح الدرايش
الهوا باااارد
و الستاير تطير شوي
المنظر خيال

بصوت عالي اقوله : تبي نروح ناكل شي
او تنطر لي تحط اغراضك في الغرفه تبدل و ترتاح بعدين نروح؟

يطلع من الحمام
يقط روحه بالفراش
اقعد عند ريوله
يسحبني

بعد دقايق
صوت الباب يتبطل

نخترع
صوت من بعيد : هاوس كيبينج
انا وبعد ما اخذت نفس عميق

خراااا فيج

نستلم الغرفه
ارتب اغراضه

يدخل ياخذ شاور
اطلب اكل
يطلع من الحمام

ناكل و نقعد ويا بعض
في جلسه حميميه كلها اعترافات
و سوالف
نلاقي نفسنا صار المغرب

اكو لحظات احلى من لحظات لقاء حبيب بحبيبته؟؟
عشق ارواح انتظرت يوم مشمس

صبر قلب طفله
لاب حنون

ننزل في هالبرد انتمشى
نمر على البيوت
و الفنادق
و البارك
و السكوير
و لكن ما ادري في اي شارع مشيت
و لا وين رحت
كل الي اعرفه اني بين ايده

كل الي احسه قلبه يدق بيدي

اسبقه بخطوتين و اجابله
و اهو يراقب لي الطريق
امشي عكس السير و اسولف وياه
انا : الله يخليك الله يخليك طول عمري اتمنى ادش بارك او حديقه بالليل بس كلا اخاف
من السكارى او اني يصير فيني شي
بس دامي وياك خلنا نقعد الحين في مكان

يمسك ايدي بسرعه قبل لا اطيح
و يسحبني يمه
و يقولي امشي عدل
اتطاير مثل عصفوره
و اتكلم وياه و قلبي طاير
اترقص
اغني
العب
كل شي كنت
و كل شي سويت وياه

او في الاحرى كل شي اكلت
انا : حبيبي بما اني ما احب التخصص و لا التنظيم فراح ناكل الحين كستن
و بعدها ايس كريم و اذا خلصنااااا بنتعشا
و ابتسااااامه عريضه

نسهر في مكان حلو للعشا
انا : المره الي فاتت ييت هالمطعم
بس معاك انت غير
هو : مواه
انا: كل شي وياك غير
حتى الناس اشوفهم احلى

هل اليد لها لغه؟؟
نعم لها لغه
فلما يمسك ايدي بيده حيل و يفركها
احس شنو بقول
افهم
و ارد عليه باني اشبك اصابعي في اصابعه اكثر

هل العيون تتكلم ؟
تتكلم العيون و احلى وقت لها اثناء الاكل في مطعم حلو
فيشتغل الفم بالاكل و العيون بالكلام

نرجع الفندق

اروح غرفتي
اغير ملابسي و ارتاح
يتصل علي بعد ساعه
هو: نمتي ؟
انا : نو
هو : تعالي نوميني
انا : اخاف انام عندك صج
و يدوروني
هو : تعالي بس شوي

اروح
يفتحلي الباب
يضحك على شكلي
انا: بصوت منحرج و رده فعل مضحكه
ليكون عبالك بييك بقميص نوم لابيرلا !
بررررررررررد برا درجه الحرارة صفر
و بعدين اانا المفروض اكون نايمه يعني
و انا اصلا اصلا مو ناويه اسوي شي غلط
عشان جذي ييتلك في هالشكل
مراعاه انك راد تعبان و اول يوم
و انا ابرر خلاجيني
و اهو ميت ضحك!!
قعدت في وسط الفراش يتأملني

عفوا يفشلني
و يعد
لابسه روب
دلاق
سليبر
بجاما
شال
و يسأل : بقا شي في الجنطه ما لبستيه؟؟

و ارجع غرفتي و انام
و اعيش وياه احلى اربع ايام في حياتي
شوبينج
تمشي
مسرحيات
مطاعم
مرا ربع و مرا حبايب
مرا هواش و مرا غيره

احب فيه كل شي و اصغر شي
احب فيك كل تفاصيلك
احب هدوئك و يومك
احب شهيتك المفتوحه
و نفسك المسدوده لما تنقث مني

احب اسلوبك
كلامك
لمساتك
وهمسك
احب يومي معاك
و احب كل هالدنيا بعيونك
حبيتك سنين
و لكن يومين اعيشهم وياك يعطوني دافع اعيش باجي العمر لك

احب تفاصيل ما يحبها اي احد
او ما تهم احد
احب ريحه جسمك
و احب حنتك اذا بغيت تعرف شي
احب دغدغتك لي
و احب اشوفك و انت تاخذ شاور و تحلق
و احب المك و انت بالحمام
احب اسكر جنطتك في بدايه كل يوم ونهايته

احب العطر برقبتك
و احب البس هدومك

احبك انت كلك
من اولك لي اقصاك
احب امسي وياك
و يومي الي عندك
و مستقبل مهما كان ابيه دامه وياك

احبك

37 comments:

الزين said...

هياااااااااا

انا اول وحدة تعلق على اول بوست بعد الغيبه

ياااا أنا

:)))

الزين said...

وثانى وحدة بعد

ابيه فطيم انا ترى فاصلة اليوم

بس البوست عجيب عجيب عجيب

حسيته كأنى كنت معاكم

اسمعكم

اشوفكم

:)

ربي ينولج اللي في بالج يارب

يالله متى بتيين تخطبين

ترى انا قلت حق امي

وناطره على ناااااااار

:**

الحين رجعت لي روحي يا بعد روحي

طائر بلا وطن said...

ثاني واحد
:p


الحمدلله على السلامة يا فاطمة

:)

عَذبة said...

وانا بعد وياهم

^
^
^

الف حمدلله على سلامتك


نورت الدنيا كلها موبس المدونات



لي عودة

على نفسها جنت براقش said...

تو ما تبارك النت

والله استانست برجعتك

لازم تسوين لنا استقبال

ما ابى اكلف عليك القهوة الشعبيه زينه
:)

سدرة العشـــاق said...

حمدلله على السلامة و تو ما تبارك النت والله

و عسى الله ينولج مرادج
اي و كل عام و انتي بخير و صحة و سلامة
:)

Purplecious said...

HEEEEYAAAAAAAAAAAAAAAAA

lawyer is baaaaaaaaaaaaaack

:)))))))

حمدالله على السلااااااامه

بكت نوووووووووووون
هههههههههههههه


وحشتييييناااااااااا
وحشتييينااااااااااا
وحشتيييييناااااااا

و عوده سااااااااحقه مشاءالله لوير شنووووو هذااااااا

القصه اتيينننننننننن
آآآآآآآآآآآآآه عجيبه عجييييييبه

قولي آميييين
عسى ربي دووووم يجمعج و يجمعنا بأحبابنا و لا يحرمنا منهم يااااا رب

ballerina said...

عدت لنا
والعود احمد
عادت فطوم
لعادتها القديمه
يافطومه لا تقلبين المواجع
ياتى شتاء... ويرحل
وياتى ربيع... ويرحل ايضا
ولاياتى الحب المنشود
مايخالف
مالنا الا الحلم بهذا الحب المنتظر قدومه
انه قادم عاجلا او اجلا
لا انشالله عاجلا عاجلا عاجلا

***************************
الحمدلله على سلامتك استفقدناك كثيرا

Eva said...

أحب امشي طريق كنتي تمشينه
أحب اليوم اللي فيه تلاقينا ..


افهم عدل شنو يعني الواحد يحب تفاصيل محد يحبها و محد يلاحظها اصلا...


تذكرت فلم Frida

when her lover tells her u got a scar?
she says yess
and he tells her YOU ARE PERFECT

حتى الجرح , السكار تشوفينه بيرفيكت..


شوو بيزل ها : )


Lovely
what u wrote

بنت الشاميه said...

شسم هالفليم الرومانسي....؟؟؟؟
اكو منه فى هالزمان....؟؟؟؟؟؟؟؟
الله ينولج مرادج بالصج مو بالقلم والورق.......!!!!!!!!ء
حياج الله يايتنا بقوة واندفاع
خوش قصة حب وغرام
(((:

محـــــارة said...

تدرين مارمشت ورجفت وانحرجت وذبت ودخنت ومشيت ولميت وقعدت واسترجعت

أنتي مبدعه .. أنتي عاشقه حقيقية

بأخر البوست دمعت عيني تدرين ليش ؟؟ افكر أحنا نحب من قلب ونعشق من قلب نتلذذ من قلب ليش حرام نكون مع بعض طول العمر

شيء يعور القلب الحب مو راضي يتحقق على أرض الواقع وبين الملايين والسبب رضاء البشر ولا الظروف

ربي يجمعج معاه يتفخر بأنج حرمه وتفتخرين بأنه سندج بهالدنيا .. الله يسعدج دوم

Najmah said...

الحمدلله على سلااااامتج

اخيرررا رديتي ونورتيني

اشتقنالج :)

ربي يفرحج ويسعد قلبج

ويعطيج اكثر من اللي تتمنينه :)

Fahad Al Askr said...

الحين هاتنا وطايرة ما أدري وين ولا احم ولا دستور

بس أنا رجعت وهذا بوستي وبس

وين الصوغة، دام فيها سفرة أكيد فيها صوغة

وبعدين ليش حسيت السايق رفيجج مال مصر

AseeL said...

Lawyer....

ليش تسبين الهاوس كيبير حرام عليج!!... المرة ياية تسرفس لكم!!

وبعدين ما عرفنا أي ديرة؟

Selezya said...

الحمدلله على السلالامه وكل عام وانتي بخير :))

انشالله الفرح دايم :)

5roofa said...

سلااام

اول شي حمدالله على السلامه معنه سامحيني اول زياره لي فماكنت ادري اصلا انه انتي غايبه

بس الصراحه اشوه انه رديتي لانه امبي القصه
روووووووووووووووووووعه

صج القصه؟؟؟

واااي ياريت تقولين صج صارتلج صج تكتمل فرحتي لووول

ودي اعرف انه صج في حب جذي و مو انا الي بس قاعد احلم في

مشكوره على كل كلمه و كل حرف كتبتيه الصراحه طرت معاهم
استحيت و بجيت و ضحكت

شعور حلووووو يالي و انا اقرالج

واللاغنيه خووو ادماان هالاغنيه من كثر ما حابتها

ماننحرم يارب

slamz dear....

اجار الدين كشمش said...

وعليه عليج يافطيم .. بس هذي اول مره تسوينا وانت بهالعمر ؟؟..ومن وناستج مسويتها بوست
أشفيج مخترعه ؟

ما شوفيني انا
للحين ماسويتها .. ولا مريت بهالتجربه وانا اكبر منج يمكن بعقد

انا اتريق بالبوفيه الساعه 7
مبدل خالص ولابس الكوت ومعلق الكامره الدجتل والعاديه وكرسي الكميرات شايله باليد الثانيه ولابس برنيطة توفيق الحكيم ومتشكبن ومتعربك بالافلام وخايف تعرجبلي وانا امشي ..واول واحد اركب الباص السياحي ..واحرص اني اقعد يم عيوز... حتى ما اركز على اركبها اذا كانت شابه.. و نتداول الحديث عن الاثار الي راح نزورها وندون بالنوت بوك جميع المعلومات
واحرص ان ااخذ معاي كويينز خرده..حتى ارشرب المشروبات الغازيه من المكاين ..لاني ما بي اضيع وقت الغروب بالقعده بالمقاهي ..وع وع وع ..ما احب
القز او كز..بالرحلات السياحيه




هين !!!!!!!!!!!!!1



فمالله

Reflections said...

حبهم خانوقي سادوحي
على قولة بو كنعان


\; missin u

Anonymous said...

I was waiting for your new blog
and let me tell you , it's worth it<3

enter-q8 said...

منـــاشدة
باسم كل الكويتيين اللي تشوهت صورتهم بسبب مسلسلات رمضان
و بأسم كل الكويتيين اللي أزهقوا و أطفشوا من قنوات الراي و الوطن و سكوب و فنون
نطالب سموك انك تتجرئيين و تغامرين بكل شجاعة
أنك تكتبين

وما ادري شسالفتها و ياك يا فاطمة

كل الناس اللي بالكويت و اللي بره ممثلين مثل ما ذكرتي قبل

يعني ليش ما تخلين الناس تشوف هالشي يتمثل امامها

مو أحسن من مسلسلات العنف و المخدرات اللي نشوفها من قصص فجر السعيد و المصرقع الجديد الراشد

|:| DUBAI |:| said...

يا ررررررربييييييييييييييييي

ببجي .. المشهد يجنن : ( !

tasty_as_berry said...

الحمد الله على السلامة

ما ادري ليش حسيت المكان في ماليزيا :)

بس يوم قلتي تحت الصفر قلت مو لايق

شنو هالرومانسية لا لا لا جذي يبيله شهر عسل :)

يعطيج العافية

Anonymous said...

nice
:)

f7ee7eely said...

eshlooon el3ain tesh'hag????????

thats something I must try myself:))

nice to c that u r still alive n kickin
:))

PearL said...

واخيــــــرا :))))))))))


بليز لا تطولين مرة ثانية جذي

اول شي كل عام وانتي بخير و هابي نيو يير


ثاني شي بوستج اينن
ما لهيت بولا شي وانا اقراه
مع العلم حاطين حفلة كاظم بالتلفزيون
يعني شوفي الانجاز

بوستج اينن و حدي استانست وانا اقراه

يارب يارب يارب
:)
ما راح اكمل يارب شنو
انتي تدرين
:)

vancouver said...

.
.
.
.
.
.
.
.
.
.
ولا كلمة تستاهل تنقال
عقب الكلام
اللي قريته
.
.
.
بس بقول الحمدلله على سلامتج
.
.
لا بقول شيء واحد


مسكين اللي ماعاش يوم واحد بحياته
على الاقل بهالشكل
ولا حس بهالاحساس



احبج
:*****

S-Q8 said...

welcome back:)
خليتي قلبي يراهق و يدق من هالقصة
nice song:)

bo9ali7 said...

wb
بوست ممتع
يفتح النفس

`~MnO YeNSa! ~` said...

الحمدلله على السلامـــــــــــــــة
عسى دوم مو يـــــــــــــوم

Kwaitiyya said...

الحمدلله على السلامه لوير !
نورتينا والله ! وفرحت لج وايد وايد ّ!
عساج دايما مستانسة يارب ويعطيج اللي تبينه ويحققلج كل ما تتمنينه بهالسنه الحلوة يا حلوة

سالفتج تبجي
الله يجمعج مع من تحبين


تحياتي

lawyer said...

هلا و غلااااا فيكم كلكم

حسيييييت اني كلش ماعندي و لا اعرف في الاصول

كان المفروض اسلم عليكم بعدين انزل بوست

:)


الزين

هلااااااا و غلا بالزين كله

قبل كل شي و اي شي

مشكوووووورة وايد وايد على الاهدااء في بوستج الاخير

يااااااه في محله

مشكوووووورة

بعد قلبي


اميييييييييين :***






طائر
الله يسلم عمرك يارب :)




عذبه
انتي الي مشكووووووورة وايد

تدرين ليش :)

بعد قلبي والله
:*





على نفسها جنت براقش

لوووووووووووول

ياختج لايق علي القهوه الشعبيه هاااااااا؟؟؟


المباركيه اونسسسسسسسس





سدره

اميييييييييين اجمعين
و عسى الله يظلنني تحت سسسسسسدره
كلها عشششششششششششق

مشكووووووووورة يا الغاليه




بربل
يوووووووووووووم شفتج
يتني اللفحححححححححه
بلللللللفح

ااااااااي بليييز ابي نون
و فيه خرده فلووووووووس بليز



امين اميييييين

امييييييييين

و عساااااااااج تحقيقييييينه قبلي يا رب

:**


بلرينا

بيييييييييييي صدقيني بييييييني

رببببببببببببج خاشلنا الخيير

بييييييييي صدقيني

انتي بس ترااااااااك ذا هابنس و بيييييييييييج



ايفا
يا هلا بالغاليه


وااااااااو

اي اي كل فيه تحبينه
كل شي
و ابسسسسسسسط شي



حبيبه قلبي بنت الشاميه

هذاااااااا اسم الفيلم اواخر الشتااااا
اخراجي
نتيييييجه تاثري بالاغنيه و بس

اميييييييييييييين يارب





محاره
يا اككككككككثر من يفهم مشاعري و احساسي و توام بافاكاري

الغاليع محاااااااااااره


فعلاااااااا قلتيها بتفاصلها

قلتيهااااااا
حب بس ما يقدره الواقع

لانه ما يقدر عليه


اميييييييييييييين

اجمعيييييييييييييين



نجمه

بببببببببعد عمري
الله يسسسسسسلمج

و انتي يارب يامنلج دعاااائج لي و يزيييييييييدج باكثر من ما تبين





فههههههههههههههد العكسسسسسسسسسسر

هلاااااااااااااااااا بالغالي

شششششششششششفت اشلون

اي موووووو سنعه طلعت
لا اسلم
ولا اتكلمممممممممممم
بووووووووهلاق طلعت حدي !!


ههههههههههه هذا السااااااااايق باكستاني

هههههههههههههههه




اسيييييييييل
حياتي انتي

حطي الديره الي تحبينها
و تخيلي
الي تحبييييييييييييييينه

هههههههههههههههههه

انا كلا انادي الهاوس كيبر
سحيلووووووووووه





سليزيه

هلااااااااا بمرت الغالي

هلاااااااا بالجنه
ههههههههههههههههههههه

الله يسلمممممممممج

اميييييييييين يارب





خروفا
حيااااااج الله نورتي
الله يسسسسسسسسسلمج

لا يا عمري ما ودي اظيق خلقج و احبطج بس ترا القصه للاسف مو صصصصج


ماهي الا وحي خيالي نتيجه تاثري في اغنيه اواخر الشتا الي فات

انحبطتااااااااااي!



بعد قلبي

كلاااااااااااااامج راقي وايد

lawyer said...

اجار الدين

لوووووووووووووول
لووووووووووووووووووووول

والله يومين و انا بس اضحك على الكووووووومنت
باص سيااااحي

و كاميرا

و فزعه من 6

هاااااااااا

يااااااااربي اذا بتقص علي قصصصصصص
بس مو جذي

ووووووودي اصصصصصصدق بس قويه

هههههههههههههههههههههههههههه

هذا و انا اعرررررررررررف كل شي
و اعررررررررررررف الجدول
يمااا يما

من هالرياييل




رف رف

هلاااااااااااا و غلا بالغااااااااليه

شخبااااااااارج

ششششششفتاي

حبهم مفعوووووله احسن من الدفايه الزييييييييييت في هالبرد

هههههههههههههههه

سادوووووووووحي


هههههههههههههههههههههههههههه

وعليه ما مداها انسسسسسسسسدحت

طبت عليها الهاوس كيبيج

ما تعطلت البنت عطتها سسسسسسسسبه قاتله

هههههههههههههههههههههههههه


لا تقطعييييييييييييييين

احب اشوفج





جيميني

ثااااااااااااااانكيوووووووووو

بعد قلبي

اول شي حياج الله و نورتي مشكوووووووورة

ووووووووووالله ششششششجعتيني

:))))))))))




حاكي

شخبااااااااااااااارك اخووووووووووي
بشرني عنك


ماعندي مااااااااااااااااااااانع اكتب

بسسسسسسس ابي مناااااااقصه ترسي علي

اووووووو تسحبون استجواب الصبيح

ههههههههههههههههههههه


الحين انا اذا كتبت هذا السينارو و طلع في مسلسل

منووووووووو بيرضى بوووووووسني و امطخني في تلفزيون الكويتت
وووووووووووويه


جان وليد الطبطبائي يعلقني ببنكه المجلس






دبي

ببببببببببببببعد عمري

حسييييييييييييييييييييت حسيييييييييييييييييييييييييت

امبجيني انا اكثر

انا اكككككككتب و عايشه الخيااااااال جنه حقيقه



تستي از بيري

اول شي قبل لا اعلق على كومنج
و ارد عليج

احب اششششششششكرج على اروع بوووووووووست كتبيته
و هو البووووووووووست ااخير
الي كان محل نقاااااااش انا و رفيجاتي
من فتره

و كل يوووووووم ادش اقرا

قاعده احاول احفظظظظظظه

عشان استفيد و اقوي نفسي


كنت فعلا محتاجه اقرا شي مثل الي كتبيته

مشكووووورة




بعد عمري
انشاء الله قريييييييييب تسافرين شهر عسسسسسسسسسسسل

:*




حمودي

ثانكيوووووو:))

lawyer said...

فحيحيلي

:))))))))))))

لازم لازم تشوف العيون لما تششششهق و ير القلب وياها

لازم تشووووووف العيون تشهق ويااا الروح و ابتسااامه تسوى الدنيا


لازم تشووووووف عيون اشهقتلك و الا معناها ماشفت شي حلو بالدنيااااا


عسى الله يعطييييييك وحده تشششششششهق عيونها لشافتك



ثانكيوووووووو فحيحيلي

:)



بييييييييييرل

حبييييييييييبه قلبي

اميييييييييييييييييين

اميييييييييييييييييين

:**********


بعد روحي

كل من مجابل حفله كاظم

انشاء الله ما اطططططططول و لا ابطي

بعد قلبي


:*





فانكووووووووووووووفر

ياااااااااااااااااااا هلا
سسسسسسسسسسسكتاي
انتي الي الف حممممممممممممممممدلله على سلامتتتتتتتتتتج

ما تتصووووووووووووووووورين اشكثر كنت انشد عنج

وعووووووووووووووووووورني قلبي يوم شششششششششفت صوووووووووورة السنوووووو

تخخخخخخخخخخخخخخخخرع برد

حسيييييييت اني ثلجت اتصدقين!!



اي والله مسكيييييييييييييييين الي ماعاش هاللحظات
و محروووووووووووووووووم

اااااااااااااه يا فانكوووووووووفر

ااااااااااااه


سكتي عورني قلبي


و انا اككككككككككثر

:************

قولي امين عسااااااااج دوم مرتاحه و سعيده يارب

تدفييييييي في هالبرد

و لا تتسبحون مو لازززززززززم يعني




نعناعه

اكووووووووو احلى من شعور المراهقه


ايييييييينن
صح؟


الله يسلمج




بوصالح

دوووووووووووم يارب نفسك مفتوحه



منو يسنى
هلا فييييج منوره

يااااااااارب تسلمين



كويتيه
يااااااارب تسلمين
و انتي بصحه و سلامه

و كل عام وانتي بخير

و يخليج و يححفظظظظظظظج

كلامج يشرح القلب

:)

Anonymous said...

اتخيلو قاعد بالدوام وقاعد اقره ولا ادش عرظ الموظفه الي يمي وتقط ويه قالتلي منو هذي الصاحبه قتله لا هذي امي لوووووووووووووول

الله يفكنه من لقافتهم


افطيم تره الموضوع كووووول

Anonymous said...

اتخيلو قاعد بالدوام وقاعد اقره ولا ادش عرظ الموظفه الي يمي وتقط ويه قالتلي منو هذي الصاحبه قتله لا هذي امي لوووووووووووووول

الله يفكنه من لقافتهم


افطيم تره الموضوع كووووول

ترانســـجندر وأفتخــــــر ،، said...
This comment has been removed by a blog administrator.
enter-q8 said...

اخوي او اختي و الله ماني عارف
المهم سايتك اللي مسويه و بجيران فيه فايروسات و اذا صحيح اللي انت شغال عليه ليش ما تسويلك دومين ترى تكلفته قليله جداً

عموما الموقع يحتوي على فيروسات و اهي من النوع
VBS-Malware-gen
اي احد عنده برنامج الفايروسات يقدر يكتشفه
او اذا كان مركب برنامج
شرشسف الالماني اللي فيه درع حق الويب سايت راح يطلع له

هذي صورة الشاشه
أضغط اهني