Tuesday, June 02, 2009

مرني لي ولهت علي ..وتطمن بس على جروحي


الطرب الاصيل
صعب تحصل عليه هاليومين
الاغاني هاليومين في الراديو تسد النفس
الف محطه اذاعيه بس ابدا مافيهم شي
والبرامج الي فيها اكثر من الاغاني
ماصار محطه غنائيه من غير مذيعين يصكون الراس؟
اليوم و انا رايحه الدوام افر الراديو مايازلي شي
انقمت قلبي
قمت ادندن بروحي
مرات تحوشني حاله و مود بس ابي اسمع عبدالله رويشد او نوال
اغاني اول واغاني زمان
و الكلمات و الالحان و الصوت و مخارج الاحرف يطلع بشكل طبيعي ابد من دوم مؤثرات صوتيه ولا تكنلوجيا
نسمع الصوت الحقيقي للمطرب و توصلنا كلمات الشاعر
خلكم من هذرتي
مودي اليوم مود طرب و كلمات معتقه

واي بذمتكم في واحد قدر يوصلنا العتب كثر عبدالله رويشد يوم قال
اي معزه؟؟
وانت خليت فيها شي؟؟

اى معزه
وانت خليت فيها شى
اى معزه
اللى بديت الغير على
المعزه ضاعت واشبقى يا روحى
وخلنى ساكت لا تنبش جروحــى
علمنى الوقت اعبر فوق جرحى واتبسم
وابن آدم لـوما عثــراتــه مـــا تعلم
ولو تصير دموعك نهر جارى ما تراجــــع عن قـــــرارى
وبقت كلمه اقولها وبس انااليـــوم غير الامـــس
لاتقولى الحب ولا الشوق فينى يتوسل
انت ظالم وهذى اطباعك ما اتبدل
انا لى وجودى ولى كيانى
وما اجامل من نسانى
وبقت كلمه اقولها وبس
انا اليوم غير الامـــس


الكلمات درس راقي
مو اغاني الحين
مالت عليك
ولا ابوك و مدري شنو
صج كنا في زمن اصيل وطرح راقي وكلمات سهله ممتعه
بس الاهم من ذلك كانت قصائد كلها حكمه


اهى الايام
تريحك تنسانى وتبتعـد عنى
اهى الايام
تعذبك تجينى وتعتذر منى
اتروح وتجينى انت
تلقانى مثل ما كنت
وحبى لك ما اتغيره الايام
واهى الايام
يامر الايام
وحبك امر منها
ووعودك اوهام
اسألنى بس عنها
صعبه تحب انسان ويتجاهلك تالى
لوبيدى النسيان ما كان ذا حالى
يا ساكن الروح ما بكتك روحى
وعشقت الجروح
لانك جروحى
احتاج لك مرات ودى تكون يمى
ومن غيرك انت بالذات يقدر يشيل همى


اي والله ساكن الروح مابكتك روحي
عشقت انا الجروح لانك انت جروحي
وعوووووووووووودك اوهام اسألني بس عنهاا
اشلون قدر الشاعر يقول الي في قلبي
اشلون قدر يفهمني واهو كاتبها قبل لا انا احس فيها بسنين
اشلون التقت جروحنا بنص الطريج


للعاشقين عيون
نظرتها غير الناس
تقرا ما بين لجفون
معانى واحساس
واللى يلومونى صعبه يغيرونى
وآه لو يشوفونك لو مره بعيونى
مثل اصبعين بكف
نبعد ونتلاقه
وحبنا فوق الوصف
تحرقنا اشواقه
ولو وقـتنا عيّه وعــزت الجيّه
اشوفك باحساسى يا عمرى وفيّه
لى جيت انا بغفى
واحلم انا بقربك
الليل يهز كتفى
يذكرنى بحبك
الليل قاصدنى كل ليله يواعدنى
يجيبك باحلامى لكن يعاندنى

بذمتكم احد الحين يقدر يكتب كلمات جذي؟؟
احد الحين يقدر يغني مثل اغاني اول
اخر
شي قبل لا انهي البوست
اهداء لك انت بالذات
ولكم كلكم انتوا
اذكروني دايم بخير

اذكرنى بخير اذا ليله على بالك طريت
اذكرنى بخيراذا مثلى تألمت وشكيت
ولا تقول تفرقنا قول ما جت الدنيا على ما نشتهى
وخل الامل بينا لى آخر ايام العمر ما ينتهى
واذكرنى بخير
لى مع الدنيا يا عمرى الكثير
ايام بضيقه وايام بفرح
ولو كل شى نبيه بهالدنيا يصير
ما بكت عين ولا قلب انجرح
عطيتك ما بخلت بشى
وارخص ما عطيتك روحى
ومرنى لى ولهت علىّ
وتطمن بس على جروحى
ولا تقول تفرقنا قول ما جت الدنيا على ما نشتهى
وخل الامل بينا لى آخر ايام العمر
ما ينتهى
واذكرنى بخير
*
*
*
*
*
*

26 comments:

Nikon 8 said...

أنا هالأيام معلقة بمذكرات بحار
كلمات.. وألحان .. وأداء
ولا أحلى منهم
هذا غير النهمة والصفقة اللي أموت فيها
:)

هوا said...

مساء الخير لوير
الحين رويشد ونوال يعدونهم قديمين؟
ويييييييي
انا عندياهم يدد
:(
الله على اغاني عبدالكريم
الكلمات والصوت والاحساس
كلها على بعض تعور القلب
اليوم من الصبح معلق بلساني مقطع
"ادري في قلبك كلام ودك تقوله"

AseeL said...

ماكو على اغاني شيرين

شغل عدل :P

maha said...

لوير

تدرين عبالي مضيعه قريت عنوان البوست
قلت ياربي

فيها شي لوير ؟؟

من حطيتي نجمة الكاوبوي وانا احسج قالبه شرطي

اي جذي
ياحلو الشعر والكلمات اللي توسع الخاطر

Anonymous said...

كل هذا والمود مو طرب
ّ!!!!!

الزين said...

شهالصباح الرايق

والمزاح المرفع

والكلام اللي يقطر مشاعر

:)


وانتي صاجه

محطاتنا الغنائية ما فيها الا العبط والملاقه والأغاني الهابطه

ماكو ارتقاء بالذوق العام ابد

يعين الله يا فطيم شنسوي

Sweet Revenge said...

ياسلام شهالمزاج الحلو
صاجة اغاني هالايام تيب اليهد
ولا واحد يغني يابنت الايه
حب شوارع اللهم يا كافي
بس ا يمعزه صج صج عجيبة احلي شي لما يقول
انت ظالم وهذى اطباعك ما اتبدل انا لى وجودى ولى كيانى وما اجامل من نسانى

كلام مرتب وحب راقي
:)

BKK said...

Lawyer. I dont know what to say... I am speechless. Seriously. That is the real A.R. not the new version that we have now. I miss those songs. I dont know how I am going to go with the rest of the day... Allah Yesam7ich Gallabtay el Mowaji3.

Nikon 8 the Shady/Sana combo is the golden one. No one can come close to that... Aaaaaah

chandal/danchal!! said...

حديثينا عن حماقي

:)

ARTFUL said...

يا عيني عليج

بس انا مودي اقدم من جذي

ونوال ماهي رفيجتي

رويشد في بعض اغانيه

بس تبقى الاصوات عشقي

:)

U know WHO said...

لوولوو

كاني مارة عليج لسببين

ولهانة عليج ويوعانة
؛)

متى الريوووق
:)

ومشكووورة على الاهداء اللي أثار بقلبي رجفة

ليش لا تفرقنا عن ناس نحبهم ونعزهم مانذكرهم بالخير
ليش بس نذكر عيوبهم ما نذكر ميزاتهم
هل نحتاج مواساة على فراقهم لا نسينا المعزة والعشرة وتذكرنا الألم والمعاناة

لا بد الدنيا بتدووور ونلتقي
وترجع المحبة أكبر وأقوى من الماضي

وعسانا مانذكرج ولا تذكرينا إلا بكل خير
:)

U know WHO said...

لوولوو
تبين بلاستر
ولا جروحج يبي لها غرز

مستعدة أوديج الطبيب
بس أنطر برة

مالي خلق أشوف دمامين
؛)

enter-q8 said...

لاحظي اهو و عبدالكريم
عيالهم اسمهم مشترك
خالد

المقوع الشرقي said...

لوير
هلا والله بالطرب الحلو
اي معزه
من اجمل ما كتب ساهر اهى ومن غير داعى
وبانت نهايه قصتك
لا خطاوينا
تالي فوازير رمضان
:(
نوال
كلمات اغانيها
متعوب عليها
احب لها غروك عذالي
فتحتى شهيتى
يا لوير
اسوى بوست غنائى
كلمه اخيره
اللى ما يعدك راس مال
لا تعده فايده
وتسلمين يا الغاليه

Barrak said...

كل ماافتح الراديو ابي اسمع شي يطربني

اتفاجأ بإغنية علامو علامو
مايبين غراموا
ساكت وماحاكالي


بصراحه كل ماودي اسمع الطرب الأصيل أتجه فوريا إلى بوفهمي

ونصيحه لج اتجهي الى هذا الرقم عبر أثير الأف أم رقم 949
وإدعيلي

RoOra said...

waii zo'3a rwaished 7de a7ba ;$

sm3taii his new albume
song "wa7sht aldar"? feeha mn ree7t al6arb al29eeel ;P t3wer alGaaLb


oO sm3aii yara new albume "l2alee2 5lejeyh " 5osh albume bt79len chm song ymkn t3jbech



:D a7b 3fawetech

أهل شرق said...

نالت على يدها مالم تنله يدي

نقشاً على معصميها أوهت به جلدي

النار قد قسمت شطرين لي ولها

النور في وجهها والنار في كبدي

Mu.Sij said...

wane3ma elthooq ;)
awal mara i comment bas magdart asket lana sij faaan !

Mariam B.D_Q8 said...

والله رجعتينا ايام الأغاني الي ينقال عنهم أغاني
مو شوفو من يسأني ويني !!!

lawyer said...

نيكون
ااااااااااااالله قمه في الذوق
تدرين يوم الانتخابات كنت اسمعهااا

ابداع










هوا
ياهلا بالنسناس
لا انا اقصد قديييييم رويشد و نوال اغانيهم ايام الثمانيناات
وابداعات الكلام القديم و اللحن الاصييييييييل




انا كانت معلقه وياي انا رديييت لعيونج من عقب ما سمعتها بالراديووووو









اسيييييل

شيرييييين فعلا عجيبه
بدليل ان ورده الجزائريه قالت ماحد غنى اغنياتي مثل ماغنتها شيرين










مها
بعد قلبي

ايصدقيييييييييين نحتااااج الرومانسيه و انتعاش الحب









4
الموووووووود عندي الحين متووولع


:)))








الزين

مزااااااجي هاليومين جدا ارتفع
و زااااد اكثر من حراره الشمس

وراح تشوفون كل يوم بوووووووووست رومانسي :))


ماااااااااااا اغبي و اقول اهوااااااج :**








سويت
بعد قلبي اي اي عشتووووووووووو

لووووووووول
فعلا حب شواااارع


اشكرج









BKK

عااااااااد انت فنان فاكيد تعبان من هالناحيه


انصحك الحين تسمعلك رويشد
و عبدالكريييييييم

او ابوبكر سالم هالاياااااام حابته وايد










جندل
اوووووووه هذا الحب
راقصه وياااااه في مصر

صج انا ماكو ذوووق

:PpP









ارتفل

اييييييييي يازين الصوت واذا ياك ويا كلمه عدل و لحن جمييييل
يغير مودل الف بالميه








يونوهو

توووووووووووووله عليج العافيه
سكتاي بموت يوووع

ريوقي كان امس (( وقت ما حطيتاي الكويمنت..
بيك تو من كاسبر ميكس ليف ويذ ستروبري ..و تركي اسبيشال ..

امييييييين يارب عسانا مانذكر و لا ننذكر الا بالخير يارب
هذا الي نبيه من الدنيا و نبيه من وجودنا فيها ان نسوي خير و ان ننذكر بكل خير



:********









حاكي عقالي
اذا عرف السبب بطل العجب :)))))












المقوع
ايييييييي والله اي معزه لها ذكري ربينا معاها و اول ما سمعنا اغاني الحب عرفناها

هي مراهقتنا
وبدايه مكساتنا

هي الاصاله


اييييييييييييي بليز سواااااااي بوست غنائي



بس ملاحظه
اغنيه اي معزه من كلمات الشاعر سامي العلي مو ساهر ..










براك
شهد شاهد من اهلهم
اشووووووووووه تدري ان محتاجين مثل كلماتك الاصيله الي تثري اغانينه و الساحه الغنائيه

نبي منك تعااااون
مع رويشد او واحد يعرف صح










رورا
لا ما سمعت البومه اليديد
يبيلي اسمعها اليوووووووم

انا يارا ما اسممهعا ولا اشوفها الا بالعروووووووس


بس انشاء الله بنزل و بسمعها


ثانكيووووووووو هذا بس لانج طبيعيه







اهل شرق

اخجلتم تواضعنا

ترا مو ناسيه وعدي لك
بس كل ما اكتب احس في احراج لناس وايد
بس راح يكون موجود قريبا



بس مو ناسيه :)








موصج

طريقه كتاااابه اسمج وايد حلوه

الذوق عندج

:)) مشكوووووووووووووره

lawyer said...

مريم

ايييي والله صاجه



وهذاك اليوم سمعت اغنيه انصعقت انها منهاا بس ما اذكرها كلمات هابطه هاليومين الله يكافينا الشر

Barrak said...

من صجج فيه أحد منهم بيعطينا ويه

عموما يقولون أن عندج علاقه حميمه مع أنغام
ضبطينا

another day said...

يـــــــاااااااي

جبتها ع الجــــرح وجنك مادريت

أي معزه وبس

صــج إبدااااع

وتسلم أناملج

mowa6en said...

أنتي أنسانه متهمه بالانستولوجيا !!

عاد الحين رقعي بروحج عقب ما صرتي انستولوجيه ، هذي يبيلها توبة نصوح وانتي متعلقه باستار الكعبه
:)

صبا said...

الله على الطرب الاصيل يا فطيم

يا حلو كلمات والحان واداء المطربين

قبل ...مو الحين


من طقة احبها وما تحبني وش الفايده

انا بالشمس واهي بالفي قاعده

!!

اسليمه تصكك دش اقعد بالبيت

قاعد على نار حبه والحلوه معطته

طااااااااااااااف



احب رويشد ونوال

وعبدالكريم

قبل

وخصوصا اغنية غريب

الله صج كلمات

مو لحين مطربين ما يحترمون المستمعين

سلااااام

:****

lawyer said...

برااااااااك

من صجك انت !!

اصلاااااااااااااا اهم الحظيظين اذا خذوووووو كلماتك هذي مو مجامله



(( اخووووووووونا محمد ))

وصل رسااااااااله حق نبيل و رويشد بكلماااااااات براااااك



قولهم احنا كجمهوور نبي هالحجي الزين ملينا من اليديد...






اناذر دااي

الله يسسسسسسلم عمرج مشكووووووره


الله يطييييب كل الجروح انشاء الله









موااااااااااااطن

هاهاهاهاهاهاهاهاها

مت مت مت ضحك

من وين مطلعها
على قوله ربعنا ياحبني لك ..

انا على الاقل لي توبه
بسسسسسسسس انت كلش هههههههههههههه










صبا
لووووووووووووووووووووول

هاهاهاههاها

من اصبببببببببببح وانا اضحك

اي والله شمقعدك بالشمس اتفظخ راسك
هههههههههههههههههههه

يقووووووولج اهو قاعد تحت دريشتها

ينطررررررررررررررررر

ههههههههههههههههههههههه



ايام اول غير

حتى الحب و الفن غير

كاااااااان شي اسمه فن

الحين شي اسسسسسسمه عك