صج انهم مافيا بس لابسين بشووووووت

اشرايكم بالفيلم !!
اليوم الجلسه من اولها مقبسه
يكفي ان رقمها دور الانعقاد ال 13 !!



شنو احساسكم بالمسرحيه الي بدال ما انصير احنا فيها مشاهدين صرنا كومبارس !!
ننتخب اعضاء عشان يزكون الخرافي ليش بالله !!

دييييره مافيا
بس الفرق بين مافيا ايطاليا انهم مزايين
و ديرتنا مافيتها
رياييل لابسين بشوت !!
من البدايه المجلس ما يبشر بخير كلش
انا مو معارضه
و لا مع التأزيم
ولكن الضرب الي تحت الكراسي فيلم كوميدي مو رعب

يا حلووو شيوخنا والله الله يحفظهم و يخليهم لنااااا كلش مالعبو فينا دامه ابدا
من يقول!! من قال كل شيخ حاط بمخباته اربع خمس مخكره يسدون النفس

و تعال يا جريده الشاهد الحين تصيد الاخطاء و شن حمله ضد عيال عمك

و تعال انت ياا لاعب في الكويت بس من وراء الكواليس

اسحب مصاريف عمك و عطها بشيك واحد من هاللي قاعد يمثلون علينا و

وفجأه اييكم واحد خارج الحسبه يطب سلاااايد

و يفجر استجواب يديد ...

احمد الفهد رايح راد منور اسم الله عليه اسم النبي حارسه

(( تصدقون امي تحبه ))

قاعد يتكتك
جم بوبي عنده في كل لجنه
و جم بسيل في هاللجنه
واخيرا و ليس اخرا
يااااريتني كنت ويا الورقه البيضه

و حساااااااااافتج يا كويت

when ???? he's just not that into you

المجتمع الامريكي يختلف اختلاف كلي عن المجتمع الكويتي
من تركيبته السكانيه من اعتقاداته
اسلوبه و نمط المعيشه
مجتمعين مختلفين في قارتين مختلفين .. ولكن رغم الاختلاف الكبير
هناك شي واحد يجمعهم وهو السطحيه

اي نعم السطحيه مشكله الامريكان كل شي يضهولونه و يكبرونه
و يسون منه شي و اهو ولا شي
كاتبه يديده تطلع تكتب لها سطرين يسوون لها كتاب و ينباع ملاين النسخ و تشتهر و تصير قاعده المفروض الناس تمشي عليها


فكره الكتاب و الفيلم الي بتكلم عنه هو عن الدتينيج
قبل لا اتكلم عن الدتينج خلوني اقولكم شغله

الاعلام الامريكي مثل الاعلام الكويتي ينقل الاشياء الغلط والي مو موجوده
يعني لما نشوف سكس اند سيتي و داسبرت هاوس وايفز و لبستيك جانقل نقول واو الامريكيات جذي يهتمون في شكلهم و الموضه و اللبس الي موطبيعي
واهم في امريكا على النقيض تماما اهم اكثر شعب في العالم عملي
صحيح ان الموضه تتمركز في نيويورك و هوليوود لكن امريكا مو بس نيوورك
الامريكان وايد ابسط في شكلهم


و كذلك طبيعتهم الامريكان الصج و الاصليين او الكاثوليك بالذات و اهم الناس الي انا اعرفهم عندهم وايد نفسنا البنت تستذبح على الزواج و جدا مهم عندها الريال اصلا اهم البنت عندهم من 25 سنه تعنس .. من الجامعه واهي تفكر في الريل
اما الي يوصله لنا اعلامهم ان الامريكيه انسانه بس تفكر في الديت و الويك اند تروح بار و تنام و عشا و بس !!


المهم الحين خلوني اقولكم قصه الفيلم
كنت وايد متحمسه اشوفه و حدي واو ناطرته صار الظهر طرشت السواق اييبلي الكتاب و يروح يودي نسخه حق رفيجتي و ياخذ منها الديفيدي
جابلت الفيلم و شفته من اول 10 دقايق و انا اسب


جيجي و هي البطله المينونه الي مو صاحيه الي من اول يوووووووم و اول طلعه عشا مع الريال تلززق فيه لزقه عنزرووت و اتناشبه و تدق على الموبايل و الانسر مشين
الصراحه حسيت المخرج وايد بالغ اشدعوه اكو بنت تقط روحها او تكون غبيه لدرجه انها تدق على ريال الف مره من اول طلعه و مايرد عليها و ماتفهم انه ما يبيها !!


و الثانيه الحقيره عااد والا رفيجتها الي بغيت اطلع لهم من الشاشه اكمشهم
تخيلااو ريال تحرش فيها عادي
ييت بتبادل وياه الارقام واهي بتعطيه الرقم
قالها سوري انا متزوج !!
تخيلاو اشقالت تبادلو الكروت عشان يصير الشي رسمي ياسلام
وتطير تقول حق رفيجتها شفت واحد وايد عجبني بس طلع متزوج
هذيك الهبله ترد عليها تقولها تعرفين فلان الي نشوفه في الكنسيه ترا كان متزوج خمس تعش سنه وبعدين حبته وحده طلق مرته عشانها و خذا الي يحبها
ياااااااااااااااااااااااااااااااا سلاااااااااااااااااااااام شالانانيه شالحقاره
ترسمين على ريال متزوج و تتخيلين انه يطلق مرته بعد
و لا مستانسه تدورين امثله !!والهبله الرفيجه الي مشجعتج
احتريت حدي حدي حدي انقهرت
هذا وانا مو متزوجه لو متزوجه وي جان طقيت تذكرتي امريكا تفلت على المخرج ورديت


اي و البقره عاد الثالثه منو (( زوجه هذا الريال الي يبون يرسمون عليه)) شنو يطلع
ماخذ مرته هذي البقره عن حب و من يوم ما تزوجها ما نام وياها !!
والمخرج الغبي ما بين لنا ليش و شنو السبب
بذمتكم يعقل ان اكو ريال متزوج مرته و يحبها ومتعرف عليها سنين بس مانام وياها
فقام يخونها ويا الحماره الي راسمه عليه عشان محتاج سكس !!
مخرج غبي جذي ما شفت

واخر شي يفلون و يتطلقون عشان مرته طول الفيلم تتهاوش وياه ليش اتدخن !!
و يوم يعترف لها بانها يخونها رده فعلها طبيعيه بس التدخين مو طبيعيه ليش بالله !! لانك تجذب علي !!


بذمتكم هذا شي طبيعي !!
لألأ فيلم عور قلبي بكميه الغباء و الحقاره

و جنيفر انستون و بين افلك
اول شي انا اموت على بن افلك فلو شنو يسوي اتقبل منه فشهادتي فيه مجروحه
مثل شهاده شياب الدائره الثالثه في اسيل العوضي
اي و هذي الغبيه جنيفر تتهاوش ويا بن افلك و يهدون بعض
و بريك اب لما سمعت اختها تزوجت جان تروح له تقولي احنا عايشين ويا بعض سبع سنين لي متى ما تتزوجني؟؟
قالها انتي طول عمرج متفهمه ومأيدتني في اني مو مقتنع في الزواج اشمعنه الحين
قالت له عشان على امل اييك يوم تقتنع
سبع سنين راضيه ساكته ما انفجرتي الا بعد سبع سنين
بس الصراحه بردت قلبي يوم رجعت له لانه صج يحر تصرفها


المهم اهو في 4 كبلز
و مواقفهم في حياتهم
والمخلص هوان كل المواقف او اغلبها في الحياه عنده لها تفسير واحد
he's not into u

وان اختلف العادات و التقاليد في جميع انحاء العالم الا ان المرأه مرأه في المريخ او الارض.. الراقصه ام الداعيه الاسلاميه كلهم هدفهم واحد و هو الزواج فقط الزواج !!ولكن تختلف الوسائل ..
لما اشوف الشغف على الكتاب في الكويت ما يتناسب ويا طبيعه مجتعنا قولولي ليش!؟؟
انا في الكويت عشان اتزوج يبيلي شيك ليست الامريكان ماعندهم اياها checklist !!

عيمي او نيدي
جامعي او ماعنده شهاده
شنو مستواه
شنو عايلته
منو مناسبين
اخلاقه
بيتهم
بيئته
ظروفه !!
عقب شوفاي
زين او مو زين
تتقبلينه او لأ
اطباعه
شكله

على ما اتخلص اللسته الا منهد حيلنا ولا انطالع هيز برسونالتي كلش لانه يادوبك لقو الانسان المناسب شكليا لهم !!
صح !!
هذا غير ان الزواج نصه في الكويت زواج اهل فاكيد حزتها هذا متزوج و هي از نوت ان تو يو
he's not into u


لو بطبق كلام الكاتب او الي في الفيلم او مجرد اقارنه في الكويت كلش ما يتناسب
لان الكاتب شوي ويقولي اذا كنتاي بالصاله و خلاج و دش الحمام فمعناته
he's not into u


بس الزبده الوحيده المفيده من هذا الفيلم او مخلص الكاتب ان يوصل للبنات
ان الريال ماعنده عذر ان يكون مو معاج الا اذا اهو ماكان يبي يكون وياج

لان الريال ابدا ماله عذر وماكو شي اسمه ظروف الا الجذب فقط
ويعلم الكتاب ان البنت ابدا ما تعطي عذر للشاب
يعني في بنات يقولون مادق علي لانه بزي
اهو يقول الريال مستحيل يكون بزي عن الي يحبها
و البنات يقولون له جذي
اهو يقول جذاك

يوم خلصت من الكتاب و الفيلم دزيت مسج حق رفيجتي
قلت لها
" اقووووول اشوه اني مسلمه منثبره في بيتي ايني نصيبي لي عندي ترا صج الله كرمناا خلانا ملووووك لا نروح ولا ندور ولا نسوي اهو اييج لي عندج يطق بابج
يبي اهلا وسهلا مايبي يطس و الالب داعيلك يااماا"

he's just not that into you :

1- if he's not asking u out !!
2-if he's not calling u
3-if he's not dating u
4-if he's not having sex with u
5-if he's having sex with someone else
6- if he only wants to see u when he's drunk
7- if he doesnt want to marry u
8- if he's breaking up with u
9-if he's disappeared on u
10- if he's selfish , jurk abully or really big freak

He's Just Not That Into You

بشوف الموفي ناو وباجر راح اكتب فيه بوست

بس من الدعايات مبين زبده الفيلم
ان الريااااااييل عباره عن بووووووووووول شيت

وين راحت الرومانسيه !؟؟

ياني اكثر من ايميل يسألوني ليش من زمان ما كتبت قصص رومانسيه
وليش ما صرت اكتب اصلا بوستات رومانسيه مثل اول
عقب جم ايميل فتحت ارشيفي و قمت اشوف
عرفت ان في ناس وايد اذكياء و اتابع..
باختصار حبيت اقولكم ان السالفه و مافيها عباره عن العياب عند الباب
اشلون؟؟ مره كنت كاتبه بوست رومانسي او كاتبه شي فيه رومانسيه ما اذكر بالظبط
المهم كان تعليق مطقوق ان ماعاد في رومانسيه او شي جذي عقب ريحه البامبرز او البودر و الحليب اظن شغله جذي
اهني استغربت من تعليقه و مافهمته و انبطت جبدي منه شنو ماكو رومانسيه ليش تقول جذي المهم
و تدوووووووووووووووور الايام
و عرفت الحين ليش ما صرت اكتب قصص رومانسيه
ووين راحت الرومانسيه و اشبدلهااااااا ؟؟ الي بدلها فقط الصور قبل و بعد



هذا حالي قبل و بعد !!
قبل ايام الرومانسيه

هاهاهاهاهاهاهاهاها
اول اصبح الصبح على مسج حلوه
على حجوتين حلوييين
امد ايدي امسك موبايلي الاقي حجوه عدله

الحين اتمقط بفراشي
اتحسس اكو شي
امسك !! و الا مصاااااصه تحت المخده

وهذا حال دويرتي عقب الرومانسيه

اناااااا من عقب ما كنت ما اسمع الا اغاني الطرب

الاصيل و السامريااااات

قمت اغني و اصفق

جميله ياااااااااااا جميله !!

قال احبك وواويلاه

شوفاو بنات انا ماعندي رباده و ووحده فيكم قاعده على كتر اتخووزز يالله هااااااااكم الثوابه

و قووموا هزو طوولكم

اليوووووم فيني طرب و اليوووم ويك اند

انطربوا ووسعاو صدوركم و فرحاوا

استااااانسوا

هذا مزااااااجي اليوم

شبااااااب تلثموووو و طبوووووو

يازين اغاني اول

ويا زين السامريات و يازين الحجي المصفف

يازين الحجوه الصج الي تطلع من اقصى اليوف

حب اول لابعده حب ولا قبله حب

اغنيه اليوم علقت ويااااااي قلت لازم تنطربون وياي فيها

تكفون ركزوا بالكلمات بس

ااااااااااااااااااااااااااااااااااااااااااااااااااااااااااه يا رياايل اول

انا لو على زمان اول جان انكتب فيني ديوان مو قصيده

:D

كل شي فيني تكلم

قال أحبك

ياما قلبي بي تألم مثل قلبك

بس لاحظ انت و افهم

كل شي فيني تكلم

..قال احبك .. اه ويلاه

..قبل ما أقول السلام

و قبل ما أبدي بالكلام

نظرتي تبدي سلامي

و بسمتي توصف غرامي

..قال احبك .. اه ويلاه

..بس لاحظ انت و افهم

كل شي فيني تكلم ..

شوف عيوني و لاحظ ايدي

لاحظ ايدي في السلام

لما أسلم اسلم

ايدي في ايدينك تنام .

.قال احبك .. اه ويلاه

..بس لاحظ انت و افهم

كل شي فيني تكلم ..

اي والله و قااااااااااااااال احبك

وواويلاااااه

لاحد يسلم علي و انا بالميد ارقص و مندمجه

لاني هيمانه و طربانه بريحاتي

مهلا ايها الرجل .. ماذا تعرف عني

مهلا ايها الرجل
مهلا ايها المشرع
مهلا ايها النائب
ماذا تعرف عن المرأه ؟؟
ماذا تعرف عن حياه المرأه و شخصيتها
مااذا تعرف عن التعب الملقى على عاتق المرأه حتى تقرر عن المرأه ما هو اصلح لها
في الاونه الاخيره بعد تعديل قانون التأمينات و بعد التطبيقات السيئه له و الخاطئه ان صح التعبير
و بعد الظلم الذي حل بجزء كبير من العاملات في القطاع الحكومي و ايضا القطاع الخاص نريد دراسه وافيه من قبل المشرعين و الحكومه و نطالب المجلس الجديد بتعديل قانون التأمينات لصالح المرأه وليس تعسفا في استنفاد طاقه المرأه
نعم نحن كفاءات
نعم نحن من ارتقينا و نهضنا بالبلد
نعم نحن من برزنا كثيرا في التعليم و التنميه و لكن لا تكون مكافئتنا بان نعيش العمر نعمل في مكتب بين اوراق مرميه و تسيير لمعاملات حكوميه
يجب ان تخير المرأه في قانون يمس مصلحتها
فكيف لكم بان تشرعوا قانون ليس من مصلحتها
ليست كل النساء سواسيه في العطاء و ليست كل النساء لها رغبه بان تعيش العمر كله بين معاملات و اوراق و اتصالات تنفيذيه حتى تثبت وجودها
من قال لكم ان دور المرأه في المجتمع هو فقط الكد و التعب
من قال لكم ان اثبات الذات يأتي فقط عندما تصحوا المرأه الساعه السادسه صباحاو تتسابق الطرقات حتى تصل لمركز عملها مؤديه وظيفتها و تعود منهكه بعد الظهر
نعم نحن نساء نريد العمل
نعم نحن نساء نريد التطوير
نعم نحن نساء نريد النهضه بهذه البلد
ولكن لا نريد ان تسغل من قبل مشرع سلبنا حقنا و حقوقنا
فقط لان من قام بالتعديل و ساهم بما يسمى بالتطوير هو رجل
نريد المطالبه بعوده تطبيق القانون القديم الذي يعطي المرأه حق التقاعد من العمل بعد خمس عشر سنه و ليس كما هو عليه الان.. ويترك لها حريه الاختيار بعد ذلك ..
لا تستعبدونا باسم القوانين
دعونا نعيش كما نريد و نعيش لانفسنا عمر نحدد فيه ماذا نريد
لا نريد مضي العمر بين مهام ترهقنا فنحن في النهايه نساء
نريد ان نحضى بوقت لاسرتنا
لانفنسا
لعملنا الخاص
لبيوتنا
لحياتنا و هواياتنا
فالعمر يجري بنا ولا نعلم الى متى ولكن مانعلمه هو اننا لا نريد قضائه كله بالمسؤليه الملقاه على عاتقنا فقط لاننا نريد ان نتحرر كنساء

رساله اريد ايصالها لمجلس الامه
فهل من احد يقرأني ؟

اصد و جنه العيد بعد

واي شكلي بنام في البلوق او بسكن فيه !!
شوفاو مالي خلق عياب و تطنز بس الصراحه انا اسيح من الحر
مو عشان انا مولوده في القطب الشمالي لألأ
بس انا صج صايره ويا الحر اسيييييييح من ارد البيت ما اعبر اسوي شي غير اني اغسل و ابلع فاكهه و برد ..ليش؟؟ لاني اطلع الساعه 2 من الدوام واوصل البيت 3 الا

يعني من 35 لي 45 دقيقه زحمه طريج فهالشي يخليني انشوي و راسي يعورني من الشمس فشي طبيعي لما تحطون اي مخلوق بالشمس لمده 40 دقيقه بيذووب وينصهر ..
ارد البيت احط راسي و انام لي المغرب
اقوم متعسره اجابل افلام و تيفي و ارد انام !
مدري شنو قاعد اسوي بعمري
و خصوصا ان الفتره الي فاتت ووايد ارهقت في العمل فمجرد اني ما اوصل البيت
اتسدح و اتبطح لي باجر ! شالحاله لازم اشوفلي صرفه بعمري
بشترك في نادي بس متى اروح !!؟
وماعندي استعداد اقزر باجي عمري بس اجابل افلام لاني انا انسانه اذا اسيح من الشمس شوي فانا اسيييييييييييييييييح و اعيش الدور من الافلام اكثر
و الفتره الي فاتت كلا مجابله روتانا زمان و سينما و الشاشه
افلاااااام مصريه قديمه و حب يطيييييييير و ايام زمان الي تشلع القلب
عادي عندي في الويك اند من ارد من الشغل لي باجر و انا فيلم ورا فيلم مع بلعه خرابيط و برنجلز يا عل ماكو برنجلز انشاء الله .. والله يساااااامحه ولد الديره استاثم فيني من يومين و انا رايحه راده على بيتزا قيصر شالحاله !!!

اي المهم خنقولكم شغله توها خطرت في بالي لما رديت على الزميله يونوهو..
على طاري انتخابات امس .. لاحظنا ان الله يهداهم صوب مدارس النساء الوصخ و القراطيس و اليهال المققطه بالشارع !! حرام عليكم انا بس افج الدريشه و ازف في اليهال شنو موديل اليهال حراااام شمس و غبار و الجو تعيس ليش مطلعين عيالكم راخصين فيهم لهالدرجه؟؟ والا يشاركون بالعرس الدمقراطي اي عرس زين عيالكم ايون ساعه يطمشون و يمشون لكن تسون فيهم جذي حرام
و شنو موديل البنات الي صايرين يشحتون اصوات!!
البنات الكويتيااااات امس والله العظيم ولا اقدعها شحاته بالحسين .. انتوا بنات الكويت ما اصدق !! تطب طب على سياره الريال و تسويله حركه تكفا تكفا .. و لابسه تي شيرت احد المرشحين و الملفت للنظر ان الشباب يحوسون في مدارس البنات بس للطماشه و يمكن يحصله بنت بنتين يسولف و ينكت وياهم و شنو موديل البنات تكعكع و تضحك ويا رجال الامن و الشرطه والرياييل لايعه جبودهم منهم

امس لاحظنا الصراحه تنظيم يشكرون عليهم جدا رجال و نساء وزاره الداخليه الي ساهموا في تنظيم الاقتراع و تنظيم سير العمليه بسلاسه
التنظيم كان عندنا في قرطبه جدا جميل و مبهر و الصراحه ماكان في اقبال كبير ولكن التنظيم ملحوظ..

انيي حق الطامه الكبرى الي اهي التقلقس و التمصلح .. بقولكم سالفه عن وحده اعرفها

لو كانت البنت مجرد معرفه سلام سلام ماكنت راح اكتب فيها بوست ولو كنت انا الي بس ملاحظه عليها هالشي .. ما ضيعت من وقتي لكن هذي ملاحظه اهلها فيها و كذلك حمولتها.. فحبيت اكتبها لكم لانها صارت ظاهره لبعض نساء الكويت..

في نمونه من البنات يسلمون بس على المزاج.. اليوم انتي كاشخه و شكلج حلو و يشوق و قاعده ويا طاوله بنات كاشخين و شكلكم حلو اسلم عليج.. شايفتج في عرس و يكون العرس وايد كشخه ومن اهلج اتسلم عليج .. وتصير حليوه بعد .. شايفتج بالصالحيه ويا قروب حريم كاشخين و سفور و ربع خالتها ام ريلها تسلم و تسوي نفسها حليوه

تشوفج الصبح في مركز سلطان انتي في ترينينج تعطيج طاف
تشوفج في المطار مسافره عمره لابسه عباتج تعطيج طاف
تشوفج قاعده ويا حريم عيايز بالمباركيه تسحب عليج سيفون واهي بالطاوله الي يمج لانكم داثرين..

فانا بما اني اعرف البنت من قبل الغزو من احنا يهال يعني ..ماكنت مصدقه وملاحظه هالشي الا لما نبهوني رفيجاتها و كذا وحده من اهلها فصرت اعرف لها خلاص .. فشنو سويت اني مجرد لما اشوفها في مكان انا اصد ولا اعطيها مجال ان ينحط عيني في عينها لاني مابي اسلم ولاني ما ابي اتعبها في الابتسامه الصفره ولاني مابي اعطيها مجابل اتعب عيونها الي اتلاقط على جنطتي و جوتيي و ساعتي و بدلتي .. لانها تفضح روحها في نظراتها فريحت روحي و قمت اصد..

وهذا شعور متبادل بيني و بينها.. المهم صار امس دشيت المدرسه .. الحين اهي ماودها تسلم ولا اتيي صوبي بس افتشلت من امها و خالتها ياو سلماو علينا .. جان تمثل انها حليوه وتقول فطومه (( اتدلع بعد والله يعرفون اذا اشتهوا يدلعون )) لا تخلون مرزوق و الخرافي .. جان اعطيها ابتسامه صفرا و اقولها انا بالثالثه .. صوت الصبح خلصت عطيت جويهل مقطوع!!

اهي انصدمت و مشينا عنها .. سبحان الله اهلها غير و الي حوالينها غير بس اهي فيها احساس بالنقص من شنو لا اعلم .. ما يصير على كيفكم تسلمون وقت ما تشتهون بس عشان اتقلقسون وعيب جدا انكم اتصددون فقط لان الي بتسلمون عليهم اشكالهم الحين ماعجبتكم ... سبحان الله البنات الحين مدري اشصار فيهم!مزاج يضحك يسلمون عليج وانتي في دين اند ديلوكا و يصدون عنج بالمباركيه !

ها بشراوو اشسويتااو اليوم ؟؟

مبروووووووووووك يا نساااااااء بلدي

الف مبروووووووووك

اهني الكويت

نساائها و رجالها كذلك

واباااااااااااركلكم انتو الي تحملتوا تحلطمنا سنين عشان المرأه

اخص بالمبااااااااااركه بنت الشاميه وودي اشوف فرحتج

مسائكم الله بالخير

اعتقد الكل الحين يطلق عشان وقت الفرز وانا وحده بجابل الفرز اهني وياكم و عسى الله يستر على الكويت

انا من فير الله رايحه الدوام و بعدين طلعت وقلت اليوم لازم اسوي شي حق الكويت فقمت امر العياييز الي اعرفهم و اخذهم و اروح وياهم

الي في الدائره الثانيه حفظتهم

سلوى الجسار

النيباري

العبدالجادر

الراشد او العنجري

والله يستر صج صكوا راسي و الي ناسبه الجنسيه والي موديه البطاقه

لا اليوووووووم ضحك بس الحمدلله

عداا على خير

شفت المرشحه اسيل العوضي و كلمتها و دعينالها بالتوفيق

و كلمت سلوى الجسار و قلت لها انشاء الله انتي صوتنا الي بيوصل الله يوفقهم

لحظه لحظه

وليييييين حطوا صندوق الخالديه بالتلفزيون كلا الدلال و الشايجي

شالقراده

خنروح اكمل و اسويلي قلاص شاي و اجابل هالفرز

ابرك من اني اصك راسكم

يالله قولولي اشسويتاو اليوم ؟؟

و من عطيتااو

انا عطيت
السعدون

اسيل

الملا

الصرعاوي

غدا يوم الاحرار

نحن عبد الله السالم الصباح - امير دولة الكويت رغبة في استكمال اسباب الحكم الديمقراطي لوطننا العزيز.وايمانا بدور هذا الوطن في ركب القومية العربية وخدمة السلام العالمي والحضارة الانسانية.وسعيا نحو مستقبل افضل ينعم فيه الوطن بمزيد من الرفاهية والمكانة الدولية، ويفيء على المواطنين مزيدا كذلك من الحرية السياسية، والمساواة، والعدالة الاجتماعية، ويرسي دعائم ما جبلت عليه النفس العربية من اعتزاز بكرامة الفرد، وحرص على صالح المجموع، وشورى في الحكم مع الحفاظ على وحدة الوطن واستقراره.وبعد الاطلاع على القانون رقم 1 لسنة 1962 الخاص بالنظام الاساسي للحكم في فترة الانتقال.وبناء على ما قرره المجلس التأسيسي.صدقنا على هذا الدستور واصدرناه:

مادة – 6
نظام الحكم في الكويت ديمقراطي, السيادة فيه للأمة مصدر
السلطات جميعا, وتكون ممارسة السيادة علي الوجه المبين بهذا الدستور

الى كل شاب و شابه
ام و اب
الى كل اسره كويتيه
الى اخواني و خواتي و اهل بلدي
الى كل انسان حر
مستقل
لا يرضى بالهوان و الاستعباد من قبل تيارات بنت مصالحها على مصالح الكويت
بلدي الكويت حره ابيه
بلد العز و العزوه
بلدي الخير
في يوم السبت كل الي تبيه الكويت منه فقط هو ان نشارك في عرسها

ان نزف عروس للفرحه
اخواني اخواتي فكر بعقل قبل القلب
فكر باعيالك و الاجيال القادمه
فكر في كويت امس و كويت اليوم و شوف الفرق
لا تغركم الاسماء
لا يأثر فيكم بعض الاعلام الكذاب الي حول المجرمين الى ابطال
فكروا بعقل

لمره واحده في حياتكم انهضوا بالكويت ولا تفكرون في مصالحكم و نفسكم

قدموا الكويت على نفسكم
هذا المجلس مو من فيه بالتيارات .. ولكن من فيه بانجازات

يا السلف قبل لا تصوتون لا يكون كل همكم ان يكون الاكثر هم السلف و توقفون بصف واحد ويا ربعكم و ان كانو سيئين تطلعوهم لانهم فقط سلف

يا الاخوان لا تبيعون الكويت بتراب شوفو ربعكم الي قبلكم وينهم الحين
طلعتوهم و رزيتهم باعو الكويت و باعوكم

الى كل فرد ينتمى الى حزب او قبيله او مذهب الى كل شخص له وجهه نظر حول تيار معين
اليوم فقط تذكروا انكم كويتين و صوتو للكويت فقط و ليس لمن تميلون و تنتمون

ليوم فقط ..
وتذكروا شي واحد ان الدستور موجود ليحافظ على كرامتنا كشعب
فلا ترضون ان يهيننا من يمثلنا
تذكروا

- 108
عضو المجلس يمثل الأمة بأسرها, ويرعى المصلحة العامة, ولا
سلطان لأي هيئة عليه في المجلس أو لجانه

و سألوا نفسكم سؤال واحد
هل فعلا من صوتنا لهم المره الي فاتت راعوا المصالح العامه و مثلونا صح؟؟

اللهم سخر للكويت شعبا يرعى امنها و يحافظ عليه
اللهم سخر للكويت من ينهض بها و يرفعها
اللهم عزنا بعزك
واكرمنا بكرمك
وارحمنا يا رب
اللهم لا تسلط علينا من لا يخافك فينا و لا يرحمنا يا رب

قبل لا تصوتون اقروا و تأملو و فكروو و توكلو على الله ..

عزييييييزه عزيييييييزه لانها عزييييييييييزه

العم حمد اليوعان اشسويت فيناا??

رديت وانا كلي امل ان باجر احسن
رديت و انا عندي امل ان كويت السبعينات بترد
رديت و دعيت طول الدرب بقلبي عسى يحرق كل من بغى يحرق هالبلد
بعد انقطاعي عن حضور اي ندوه تشكل من قبل اي مرشح قررت ان احضر لحمد اليوعان فقط لاني عطشانه لكلام صادق
فقط لاني ابي اروح لرجل مخلص
فقط لاني ولهت على كويت جابر ..
رحت ويسبقني حنيني لرجل ذهب و زعل علينا و قطعنا
سمعت بكل انصات كلمات ضربت قلبي و دمعت لها عيني لانك رجل ذهب زمانك و لن يأتي
ما راح انقل لكم الي دار في ندوه العم حمد اليوعان و لكن سأنقل لكم مابعد حمد اليوعان
طلعت وانا كلي امل في باجر
عطاني عزيمه ان الكويت مازالت بخير
عمي حمد اليوعان لست هنا بصدد مدحك فانت رجل غني عن التعريف
ولن يخلدك التاريخ بمدحي
ولكن انا التي اريد ان يسجلني التاريخ لكتابه دعوه صادقه من القلب لك
وبقلبي قصصه ابي انثرها لك
عمي حمد تطمن حوبتك ما راح اتعداهم
ضربوك هني في الكويت وانت بين اهلك و ربي ضرب عيالهم في امريكا و شردهم و شتت شملهم
عمي حمد اليوعان ضربوا ريلك و احرقوها و ربي حرق قلوبهم على عيالهم الي راح واحد فيهم ورا الثاني بطريج الشاليهات
عمي حمد اليوعان شلو رجلك و شل الله عيالهم جدام عينهم بالمخدرات

عمي حمد اليوعان كانت منك دعوه صادقه في دجى الليل عليهم
واستجاب ربي دعائك و فيهم و شتتهم و فضحهم بين خلقه

عمي حمد اليوعان لك رب سميع بصير
مجيب دعوه الداعي استجاب دعائك فيهم و في مالهم و اعيالهم
انت واحد دعيت و اهم قوم تفرقوا و علمتنا الحين عدل ان دعوه المخلص تستجاب
دعائك بسبب طقه ريل و هدت بلد
و شلت جسد
و دعائي بسبب حرقه قلب و شلت احساس بالامن

عمي حمد اليوم بقولك اياها تطمن الكويت بخير
شفت كل هالرياييل الي كانو واقفين و محاوطينا و احنا نسمع كلامك الجميل هذولا الشباب اهم الي بشيلونا من الغبه و بطلعوناا
سنحارب كل قوى الفساد
سنصمد رغم كل القهر والالم الي هدنا
سندحر كل مشتت لهذا البلد
كما قال تعالى :
قَاتِلُوهُمْ يُعَذِّبْهُمُ اللّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ
في النهايه اقولها لك عمي رسالتك وصلت لنا و بتخلينا نفكر لي اخر العمر
ليش اغتالوك.. و اطعنوك و شلوك و ياليت نكون ابطال مثلك
اقولها لي و لكم و لك
طلعت و انا بقلبي ان الكويت انشاء الله بتكون بخير ..
كويت اول بترد انشاء الله
والامل موجود
كويت الي كان احمد الخطيب يفوز فيها بالجهرا وهلال المطيري يبني الكويت
كويت الي لاعرفت بدوي ولا حضري ولا شيعي ولاسني الا اليوم عشان بس يفرقونا
عشان بس يشتتونا
حاربكم الله ياااا اهل الفساد
و في النهايه تصبح على الف خير يا عم حمد
وانا متأكده انك ستنام مرتاح اليوم اكثر من اي يوم تألمت فيه
وكلمه اخيره لشباب بلدي
معزمين تحمونا؟ و تبنونها صح؟؟
كلمه لبنات بلدي
معزمين تردون كويتنا الي خذوها منا بفتاوى يشترونها من بره؟؟

يهال هالوقت ما خلو شي !!

صباح الخير او في الاحرى مساء الخير لاني كتبت البوست الصبح و نشرته الظهر !!

.. خلوني اقولكم امس وين رحت و شنو سويت و اشكثر انبهرت لي درجه اني بغيت اكتب امس بوست بس ماقدرت تعبانه فيني النوم
امس رحت معرض ابداعاتي .. و قاعده هناك طول الوقت
الناس تكلمني الناس اتحاجيني و انا فاجه عيني و منبهره بطريقه مو طبيعيه في اشكال البنات
الموجودين بالمعرض و الي تتراوح اعمارهم ما بين 13-25

قبل دايما انتقد الكويتيات و لبسهم.. ان ما يعرفون يلبسون و شنو موديل الحفرات و الفخود الي نصها طالعه
و شنو موديل بدلات السهره الي ينلبس في المعارض .. وانا على انتقادي و ملاحظاتي بان بنات الكويت ما يعرفون يختارون اللبس المناسب للمكان المناسب .و لا اللبس المناسب للسن المناسب !!
.ولكن امس صار شي صج عور قلبي امس تعاطفت مع البنات اقولكم ليش..كانت النسبه امس 300 بنت على 50 شاب !!

يعني البنت بتحط حمها و زورها تكشخ لان ماكو شباب و الي واقفه تصب قهوه حق الشباب والي و تقدم حلو والي تركض توزع بروشورات !!

بغيت اقول حق البنات ابيه انتو من صجكم وصلت الحاله في البلد جذي والا هذا شي يسمونه الكوول !!

وبعد قلبي شباب الكويت حاسين انهم واقعين تحت ضغط عمليات تحري و نصب و احتيال من قبل البنات .. ومع هذا راضخين للامر الواقع

يا حلو شباب الكويت امس وايد حبيتهم .. اكشخ واحد فيهم لابس تي شيرت بولو و شورت ابريكرومبي و نعال لاكوست .. و الكشه كشه و العفسه عفسه وماشين و اهم واثقين من نفسهم و مرتاحين و شكلهم مريح .. لا كشخه ولا عمات عين و البنت لابسه لبس عرس بتلحقه !!

وانا بس اتطمش على الرايح و الراد..

اي ولاحظت شي جدا مهم بعد في المعرض وعليا علينا احنا يا الاهالي (( لاحظو اني صفيت في خانه الاهالي)) شنبدي نصرف على هاليهال !! زعاطييييط بالثانوي و المتوسط بلاك بيري و اي فون و كل يوم شي يديد و تعال يا الابو اشتر حق اليهال
عيال هالوقت صغير توه في المتوسط ماشي ويا الهبه .. في كل شي .. هوب هووب ياهل اشصغرك من وين لك كل يوم تقز
وعيله يوم كنا يهال في عمرهم حدنا الجمعيه الحين وين ما نروح كلا يهال..

بذمتكم شباب قبل ايام الدراسه جم يعطونكم اهلكم ؟؟
اما الحين غير .. يهالو هالوقت من نروح ستار بكس نلاقيهم قبلنا نروح سلايدر ستيشن هم قبلنا..
ذاك اليوم رايحه شوكليت بار و الا دقت علي رفيجتي تقولي وينج قلت لها انا بالفرصه!!
تقول شنو اي فرصه
قلت لها مدري احساسي و انا في شوكلت بار ويا هاليهال جني بفرصه المدرسه!! حشى مو شوكلت بار لو تشوفين المكان تقول توه باص ثانويه الاصمعي قاطينهم
الترف في الكويت او في العالم بكبره صاير يخرع اهتمامات عيالنا لبس و قز و بس
وبناتنا اهتمامهم تصيد ريل و الحق لا تلحق !!

الوضع في معارض الكويت كلا جذي ؟؟ والا في جامعات الكويت جذي والا انا مو بالدنيا !!
انا ما اقول الا الله يعين الاهل على عيالهم و متطلباتهم
والله يعينهم على التربيه في هالومن الصعب الي كل المفاهيم متغيره

headache

راسي بينبط من الساعه 9 و انا بالمكتب

و شكله السالفه مطوله لي الساعه 10 بالليل !!

راسي بينفجر !!!!

دوامي صايرين مو طبيعين في سالفه دوام الويك اند

و انا اكره ماعلي اداوم في الويك اند

سأنفجر

لكل منا حياه يريد ان يعيشها بعيد عن الاخرين

الحياه صايره وايد متعبه و الناس صايرين محيطين فيج بشكل مرعب
انا من الناس على الرغم من اني اجتماعيه شكليا
ولكن انا صج ما احب الناس
او في الاحرى ماحب الحياه الاجتماعيه الي زايده بالكويت
و صايره احب الصده
احب ربعي و صديقاتي بس ما احب ان يكونون وياي 24 ساعه
ولا احب ان كل يوم طلعه و روحه و ربع و جروبز

احس من كثر الهياته قبل و الروحه و الناس و الحياه الاجتماعيه الكبيره الي كانت عندي وصلت لمرحله بس خلاص اكتفيت و شبعت و صديت

هذا الشي خلا وايد ناس تعبر عني باستياء
وتعليقاتهم صارت ما تهمني مع ان قبل كنت اتضايق بس الحين خلاص اتقبل..

احب وايد ان يكون لي مساحتي و حريتي و حياتي الخاصه
ما احب التدخل الزايد في كل امور حياتي ..

بس طبيعه الكويتين الحين او الناس بالعالم صارت الدنيا كلها مافيها خصوصيه مدري ليش؟؟
من جم يوم كنت على الغدا ويا امي واحنا انتغدا والا ايها مسج من رفيجتها تنقلها سالفه مليقه عن خصوصيه بعض المرشحين !

سكت انا فجأه و التفت على امي و قلت لها
" الله يا حلو هذيج الايام الي كنا صغار و عايشين فيها بمصر و بيتنا في مصر الجديده لاحد يعرفنا و لا نعرف احد ساكنين في قلعه وادرين حدود حياتنا واهتماماتنا احنا و لعبنا ووناستنا واهم شي كان عند امي ابوي واخواني و دراستنا و اقصى اهتمامي اني بسرعه اي العصر عشان اروح العب في السندباد"
لا اكو اوادم و لا اكو حش ولا اكو مسجات تنقل اخبار مجتمع ولا وحده مناشبتج تتبع اخبارج ولا وحده تحن عليج في المسجات ولا اكو ناس تتقلقس على صوت ولا اكو بلاك بيري الي بثانيه الخبر ينتشر منه ولا اكو تويتر او اي نوع من الضغوط "

وصلنا لي مرحله من كثر التطور نبي نرجع لي ورا..

انا عن نفسي مو ضد التطور ولا ضد التواصل ولكن بحدود..
ومع احترام الخصوصيه .. يعني عندي فيس بوك حالي حال الناس
وعندي بدال الواحد 2 واحد باسم لوير والثاني باسمي الحقيقي ولكن ماعندي فيه اي اهتماام ولا نوعي ابديت ولا مجابلته ولا ادمنته كلش
ولا يعنيني اني اضيف الف بنت عشان بس ابلغ شفي و الا ازيد عدد الصداقات لمجرد ان يكونون عندي.. اضيف الناس الي ناسبتني الفرصه اني اضيفهم واحترم خصوصيتهم و احترم فيهم احترامهم لخصوصيتي
ولكن استغرب من الناس الي هبه هبه في كل شي وقاعدين ليل و نهار مجابلينه واييبون اخبار الناس و صورهم 24 ساعه بس من الفيس بوك؟
ليش اتتبع الدنيا و يصير همي الناس ؟؟ كل هذا وقت فاضي .؟ والا ناس فاضيه؟ او احنا في بلد تدعوا الى الفضاوه و الفضاوه الي فينا تدعوا الى الانحراف او تتبع عورات الناس ؟؟

كثر الدخول في حياه البشر دليل على الفراغ
و كثر الدخول في حياه البشر يخلي الانسان يعيش بضغط اهو مو حاس فيه و بغنى عنه ..

للمره العاشره اقولها انا مو ضد التطور ولا ضد مجاراه وجود البرامج
ولا ضد الحياه العمليه ولكن لا تخلون هذي الاشياء الي سببها الترف ان تكون منقص علينا و منقص لحياتنا

كل انسان على هذا الكوكب له مساحه من الحريه خلوه يعيشها
خنقنا الاتصال الزايد .. من تلفون و مسجات و تطور لي الانترنت و المسن و الفيس بوك وفي الاخير التويتر الي انا مو فاهمته كلش ولا مستوعبه الظجه الي مسوينها مشاهير هوليوود عليه ..


العجيب في الموضوع ان صارت برامج التواصل تقرب البعيد و تبعد القريب..
وصارت الناس محمله نفسها اعباء اهي في غنى عنها نتيجه استخدامها الشي لبرامج التواصل
نشوف الاجانب يستخدمون البلاك بيري بطريقه فعلا تجذبنه له
ولكن استخدام الكويتين غير
و نشوف الاجانب اشلون يتواصلون بالفيس بوك بطريقه جميله كل واحد متواصل مع ربعه في ولايه ثانيه و ديره ثانيه محققين الهدف الحقيقي منه
بعكس الكويتين تماما ..
وحتى المدونات في الاونه الاخيره فهمت الهدف منها غلط و صارت تستخدم استخدام خاطئ



عيشوا حياتكم مثل ما انتوا تبون و ريحوا نفسكم من كل وسائل الضغط
كن ذا حدود و لا تكن بلا حدود
تواصل مع الناس بحدود
كن مع الناس بحدود
عش مع الناس بحدود
و دع لنفسك ان تعيش كما تحب و مثلما تحب
واعط نفسك حريتها و دعها تعيش برغباتها وليس بظغوط الناس

Because you’re hoping you’re wrong

من اكثر المقاطع الي حسيتها تتكلم عن شي بداخلي
و كلام جاك في البدايه عور قلبي
اشلون لما قاعد يشكيلها من صديقته الي خانته و شافها فجأه في التاون ويا واحد واهي المفروض تكون مسافره
عور قلبي لما قالها اشلون بكل اتقان اتجذب
اهو اهني مستغرب اشلون في ناس اتخطط للجذب ؟؟
قعدت افكر اهني وايد مسكين اشلون ياربي في ناس اتخطط عشان تجذب و شنو سببها!!

اما بالنسبه لكلام كيت فمن زمان صج ما عرفت اترجم احساسي و لقيت كلامها اهو بالظبط الي احسه في كل يوم و كل لحظه
عجبني هالبارت من فيلم
the holiday
وايد عجبني هالكلام ..

I understand feeling as small and as insignificant as humanly possible.
And how it can actually ache in places you didn’t know you had inside you.
And it doesn’t matter how many new haircuts you get,
or gyms you join, or how many glasses of chardonnay you drink with your girlfriends…
you still go to bed every night going over every detail and wonder what you did wrong or how you could have misunderstood.
And how in the hell for that brief moment you could think that you were that happy. And sometimes you can even convince yourself that he’ll see the light and show up at your door. And after all that, however long all that may be, you’ll go somewhere new. And you’ll meet people who make you feel worthwhile again.
And little pieces of your soul will finally come back. And all that fuzzy stuff, those years of your life that you wasted, that will eventually begin to fade