Thursday, April 12, 2012

تويت تويت تويت










قبل لا اقطع التدوين كان اصلا عندي اكاونت بتويتر و كنت مسكرته برايفت و قله قليله جدا جدا

اهم الي اسوي لهم اكسبت .. وبعدين من شهر يناير هذا حزه الانتخابات فتحته و صرت اعلق و جذي

الغريب في الموضوع ان مواقع التواصل و برامجها من ايام

ام اي ر سي ..محد كان يدش عشان يشتهر او يسوق لنسفه

وفكره تويتر اصلا "تغريد " مو تسويق

اول ما طلع تويتر كان اينن عجيب مافيه الا السلبريتيز والمشاهير يكتبون وين راحو ووين ردو

لان فكره تويتر هي العصفوره الي تنقل اخبارك وتتبعك وين ماتروح

يعني انت تكتب وين بتروح ووين بتيي

تويتر دشوا فيه ربعنا العرب و خربوه !! زحمه لووووووووووووعه

وكل جمبازي ياي يسوي من نفسه شي

ويعتقد ان من غير اللائق انك اتكلم عن روحاتك و يياتك

بالعكس ياماما تويتر هذا الهدف منه !!

لان تويتر ماهو حمله انتخابيه ابلاش !

ولا تسويق للذات

ولا مكان يصير فيه الواحد غاندي

الي بوصله ان الانسان المبدع صاحب الانجاز لايعتقد ان لما يكتب هذا بحد ذاته انجاز

الانجاز الحقيقي انك تكتب ما انجزته حقيقه

اصحاب الهمم و الانجازات ماكتبوا "رسايل " و قالوا انجزنا

بل عملوا ثم نحن من كتبنا عنهم

هذا من جانب

انيي حق تويتر في ايطار المجتمع الكويتي الفكاهي :

تويتر خلانا نشوف ازواج كل رفيجاتنا

خلانا نشوف اعيال الخال و العمه

تويتر خلانا نشوف الناس وعقليتها

تويتر يعني انك اتحاسب على افكارك لانها راح تكون محل نقاش الام والخالات باللزواره

"ما كناا كويسين وو بنئووول الي عاوزينه و بنكتب كل حاجه اي لزمتها الخنئه دي باا "

وصارت الناس اتنافس على عدد الفلورز

الفلورز مو زواره ولا واجب

انت يعجبك الى اكتبه هذا قرارك

انا مايعجبني الي تكتبينه فهذا قراري ليش يزعلون الناس من هالشي

اهي خيارات و اختيارات

مو صداقات !!

لما ارد عليج او ارد على تعليق او اعقب عن شي مو معناته انتي صديقتي و ادزيلي برايفت ياحلوج ياحلوج

بشوفج اطلع معاج و بعدين نصير ربع

تويتر مو ربع

ريتيويت مو ربع

الفلورز مو ربع

هذا معارف تحت مظله مكان معين لا يعني ربعي

مايصير مثلا اني اقول حق الناس والله اوبرا رفيجتي لان كلا اتسولف وياي بتويتر !!

معاني ومفاهيم الصداقات و المعارف بالكويت تغير ..عشان جذي تكون العلاقات هشه

عقب طلعه طلعتين موقف موقفين

تصير مراقع بيبان

لان اصلا انتوا مو صديقات ...

مو بس جذي تويتر الحين صار المكان الي يدور كل واحد فيه - سي في - البنت الي بيخطبها او بيتعرف عليها

او العكس صحيح ...

وكل واحد فيهم يصدر احكام عن الشخص بدون مايشوفه لمجرد شاف تويتاته

طيب ليش احكم واشلون احكم

انتكلم عن حكم البنت على الولد

البنت تعتقد ان الريال ثقيل طينه و مليق مجرد انه مايكتب ! او يرد بجديه

انزين انتي ماراعيتي ظروف او اسباب theme الشخصيه هذي

يمكن اهو يرد الكلمه و يحاسب عليها لان له وضعه السياسي

وضعه الاجتماعي

له ظروف عمله

موبالضروره مليق يمكن عنده اكاونت ثاني مو معرف بنفسه و شخصيته فيه ممتعه

وانتكلم عن حكم الولد على البنت

يشوف البنت تضحك وتسولف قال خفيفه

يشوفها ماكتبت قال غموووض

يشوفها اتحط اغاني قال سخيفه

طيب هذولا رفيجتها فشي طبيعي بتضحك وياهم

واهي انسانه مرتاحه مع نفسها كيفها بتستانس تضحك

هذا مو كافيه والا استقبال عشان تقعد متسمته !

واذا ماتحب تكتب لان اتحس ان ماكو شي يستحق الكتابه

المراد ان تويتر ينن الناس وقعد


والي ماعنده صار عنده سالفه

وانا ناطره شي يديد غير تويتر اهب فيه


اخليكم الحين و بوستي الياي عن الحريم الكبار والاي فون !!




3 comments:

أتيت متاخرة said...

شقول شعيد نورت المدونة من جديد
بج يا لوير

lawyer said...

انا مو مصدقه ان في احد لي الحين في البلوج انا يومين و انا انظف فيه
شخبااااااااااااااااااااااارج
شخبااااااارج من صجي شخباااارج

احس جني مسافره و راجعه وولهانه على الكل و الجميع

قوليلي شنوووو كنتاو تسووووووووون
ومن دش يديد عالم المدونات ابي اقرااا شي حلو؟؟
الكل صار بلووق اعلاني ماكوو مدوناات تكتب قصص وتهذر ؟

أتيت متاخرة said...

مساء الرازجي والورد :
والله يا لوير ماكو أخبار أصلن معظمنا صاده اكتءاب التدوين وما قمنا ندون
أخبار ي آنه ربي رزقني ببنوته أمورة نزقة حلوة وكل شي حلو موجود فيها سميتها ( مشمش )) ومن عقبها لهيت وما قمت اكتب والاصح اني من سنتين اكتب واخلي درفت مثلج
وهذا آنه اتابع من بعيد لبعيد كقارئة فقط حتى تعليق ما اعلق
بس بصراحة ردتج استفزتني
واااايد استفزت مشاعري
ما قدرت ما اعلق
احبج فطوم لوير
لا تنشرين الكومنتس